المحرر موضوع: مخضرمSIV من سنة 2010 اكو واحد باقي وياي  (زيارة 1480 مرات)

0 الأعضاء و 1 ضيف يشاهدون هذا الموضوع.

غير متصل skyforce

  • عضو
  • *
  • مشاركة: 10
    • مشاهدة الملف الشخصي
السلام عليكم الاخوة الاعزاء اخوكم مقدم على برنامج SIVاني وعائلتي متكونة من 5 نفرات وكانت مقابلتنة سنة2010 شهر العاشر يوم 13.... والى الان نفس المغذي مالت الادمنستريتف بروسسنكَ......ز
واخر تحديث كان يوم 17/10/2013 ... عدت شغلة الحلف ودزيت الهم DS230 وشرادوا وديت الهم.... حتة ردت ادز العدم محكومية وكالوا لتدزوهة لأن لغيناهة.... بس شنو السبب هالكد تأخرت ما اعرف يعني ما اعتقد اكو واحد من 2010 لحد هسة باقي واذا اكو واحد خلي يمر على الموضوع... لأن من صدك
دعبول كاتلني كتل.......دعبول فهمني الفلم
شكرررررررررررررررررررررررررررررررررررررررررا



غير متصل hmhmtf

  • عضو فعال جدا
  • ***
  • مشاركة: 126
  • يارب افرجها علينا
    • مشاهدة الملف الشخصي
خوويا سوي عدم محكوميه وتحارش بيهم ودزها بلا ميطلبوها ﻻن ديطلبوها من جديد هسه للمجانو رايديها منهم بالنسبه النا تقديم 2009 بس مقابلة 2013 وهم اخر تحديث 29 /9 وماكو شي اجرائات ادارية بعدها حتى تحديث ماكو والله كريم
الحمدلله

غير متصل HayderPHS

  • عضو فعال جدا
  • ***
  • مشاركة: 148
  • الجنس: ذكر
    • مشاهدة الملف الشخصي
    • البريد الالكتروني
حبيبي اني قابلت شهر 1 \ 2011 ولحد اليوم مراجعه اداريه واخر تحديث 2 \ 10 وسبب التحديث دزولي ايميل يكولون انتهى البرنامج.


كلشي صار اكسباير ومطلبو مني اجدد اي شي ولا اعيد القسم , اني دزيتلهم DS-230 جديده بشهر الثامن حتى اخليهم يلتفتولي شويه.


الصراحه اني ايست حيل منهم وما متخيل يجي يوم اكول صدرت الفيزا.


الله يسهل امرك

تحياتي

غير متصل مستحيل siv

  • عضو
  • *
  • مشاركة: 7
    • مشاهدة الملف الشخصي
    • البريد الالكتروني
اخويه انى هم من جماعت 2009 وقابلت 2011 بالبدايه ماكو اي تحديث سويت فحص جديد وعدم محكوميه جديد حتى الصورتيين دزيت من الشهر السابع هل السنه وقسم هم سويت جديد ماكو اي تحديث غير يوم 02-10-2013 من رجعو الجوازت طبعا اليه وانى لا عائله ولا شي وحدي
 

والى قابله 2013 ابشهر التاسع اجته الفيزا واحنا صارلنا 3 سنوات ننتظر وماكو شي

الحمدلله على كل شي بقت هل الشهرين ونشوف يمددوها فد سنه وبعدها سنه وبعدها سنه وبعدها سنه ويكلون احنا اسفين جان الفايل مالتك معالجه اداريه

حسبى الله ونعم الوكيل

غير متصل skyforce

  • عضو
  • *
  • مشاركة: 10
    • مشاهدة الملف الشخصي
شكرا لجميع الاخوة اللي ردوا على الموضوع مالتي وحبيت اكول للاخHMHMTF اني البارحة واليوم من كعدت الصبح حبيت اسوي هذا الموضوع مالت العدم محكومية ودزهة الهم ومن اجيت اجيك الردود على موضوعي لكيتك كاتبلي نفس الفكرة وعسى ولعل بيهة صالح وانشاء الله راح اسويهة هاية الفكرة واتمنى لكل شخص صارلة هواية ينتظر ربي يوفقة ويحصل الفيزا مالتة باسرع وقت ان شاء الله  واذا ماصدرت النة فيز الله كريم وهاية مو نهاية العالم الله يوفقنة ان شاء الله بغير شي ..ز هذا اللي نكدر علية ولتنسون الله ارحم الراحمين ... سلامي وتحياتي لكل اعضاء عنكاوا

غير متصل Black Angel

  • مبدع قسم الهجرة
  • عضو مميز جدا
  • *
  • مشاركة: 2556
  • الجنس: ذكر
  • الرائعون كالاحجار الثمينة لانصنعهم بل نبحث عنهم
    • مشاهدة الملف الشخصي
السلام عليكم ورحمة الله

عزيزي اكيد انت مو وحدك واني واحد منهم خلصت مقابلتي شهر 2 -2011 ولحد الان ماكو شي اخر تحديث يوم 02-10-2013 من رجعولي الجواز ومن وقتها ماكو شي علما اني عايد القسم وعدت الفحص الطبي وعدم المحكومية ودزيته الهم بدون ميطلبوها صار اكثر من شهرين ولحد الان ماكو شي بس الحمد لله على كل حال
  
 الهي لا أدري ما تحمله لي الايام لكن ثقتي بأنك معي تكفيني سبحانك ماأحلمك، وبحالي ماأعلمك، وعلى تفريج همي ماأقدرك،                                        أنت ثقتي ورجائي فاجعل حسن ظني فيك جزائي

غير متصل امين عبد الله

  • مبدع قسم الهجرة
  • عضو مميز جدا
  • *
  • مشاركة: 3140
  • مثل حاتم جنت تذبح فرس للضيف وشعرة فرس مايسوه خطارك
    • مشاهدة الملف الشخصي
اني هم من قدماء المخضرمين 2010 ودا انتظر رحمة الله


                               Where Liberty Dwells, There is my Country

                                                   Benjamin Franklin

غير متصل lamoure

  • عضو فعال جدا
  • ***
  • مشاركة: 90
    • مشاهدة الملف الشخصي
السلام عليكم والله يساعدكم جميعا.

اني نقديم 2009 ومقابل 2010 وماكو تحديث بس يوم ارسال الجوازات الي 2-10

غير متصل eng_2010

  • عضو فعال
  • **
  • مشاركة: 41
    • مشاهدة الملف الشخصي
السلام عليكم اني نفس الحالة مقابلتي بشهر الثاني سنة 2011 ولحد هسة معلكيلي مغذي واخر تحديث يوم 2  10 من رجعولي الجوازات

غير متصل skyforce

  • عضو
  • *
  • مشاركة: 10
    • مشاهدة الملف الشخصي
شباب بحالة انغلق البرنامج ماكو فد تعديل او لعبة من قبل الكونغرس ..ز يعني احنة وضعيتنة صعدنة بالهمرات وبالسترايكرات وبالبرادلي وبكلهن صعدنة .... يجي الاخ اللي يشتغل بالحمامات يطلع واحنة نبقى .. شنو هالظلم لو يجي اللي جان يبيع اقراص على الامريكان يطلع واحنة نبقى .. لو المقاولين اللي جانوا يضربون فلوس واحنة نباوع عليهم يطلعون واحنة نبقى . اخوان مو شغلة حسد او شي بس استغراب فضيع عندي ... الك بيهة ارادة يارب العالمين

غير متصل مستحيل siv

  • عضو
  • *
  • مشاركة: 7
    • مشاهدة الملف الشخصي
    • البريد الالكتروني
skyforce  اخويه
  والله كل كلمه كلتها صحيح الى اشتغل وياهم واجبات ودك شغل باقين ينتظرون 3 سنوات والبعض يسوي مقابله ورى شهر شهرين يطلع يسافر ويكول ليش اتاخرت معاملتى والله راح اموت وانى من اشوف هيجي واكره نفسي لان هم جانو ينظفون الحمامات طلعو وكاعدين متونسين وراها يرجعون والله امريكا مو زينه مابيها شغل !!! كول انى فاشل مااسويت شي اهنا بالعراق علساس راح اتسوي شي اهناك والى كاتلنى من ويوصل اهناك يكول انى وانى جنت ماانام يوميه يطلعونى واجبات بالله واجب وين عينى بالتنظيف الحمامات لو غيرها وغيرها
مع الاسف هو البرنامج بس للمترجمين اشو صارت للعمال والمنظفين وفوك القهر يطلعون واحنا باقيين
مع الاسف والله مع الاسف
ترى من القهر واحد يحجي لان ماظل عقل بالراس

حسبى الله ونعم الوكيل حسبى الله ونعم الوكيل

غير متصل skyforce

  • عضو
  • *
  • مشاركة: 10
    • مشاهدة الملف الشخصي
مو هية هاية تقديرات الموظف اللي يقابل المترجم يعني فد شي تمضرط حشة السامع من 2010 القنصل ما ادري  المطي حشة السامع اللي قابلني كلي كم اسبوع تجيك الفيزا ولليوم اني انتظر يعني لو مكايلي هيج هواية احسن

غير متصل Yasir Hero

  • عضو
  • *
  • مشاركة: 6
    • مشاهدة الملف الشخصي
أي اخويه SKYFORCE

اني هم نفس المطي على كولتك كلي شهر وتاخذهه هاي بالشهر الثاني 2010 احجيلك بس همزين انطونياهه بالتاسع 2013 همزين


 

980x120

980x120