المحرر موضوع: حياة العزاب في أمريكا والبداية + وكذبات شائعة + اضافات على الكردت + الكردت يونين  (زيارة 21262 مرات)

0 الأعضاء و 1 ضيف يشاهدون هذا الموضوع.

غير متصل ابو سمر

  • عضو فعال جدا
  • ***
  • مشاركة: 388
  • الجنس: ذكر
    • مشاهدة الملف الشخصي
تم تبديل اسم الموضوع بطلب

السلام عليكم

اني صارلي اكثر من سنة بامريكا
وجنت اكتب دائما بالمنتدى بس من وصلت امريكا فرمتت الابتوب وانمسح الباسورد الي كان مخزون  بالبراوزر وماكدرت افوت مره ثانية
وجنت دائما اطلب ان ارست الباسورد بس المنتدى ميدزلي ايميل علمود اسوي باسورد جديد
وهسه بالصدفه دا احاول وتذكرته
المهم
اني اخر شي كتبته يمكن استلمت الفيزا
اني استلمت الفيزا مالتي بوقت قياسي وكان تحديد يوم السفر اطول بهواية من وقت المعاملة
وصلت لامريكا وباقي على فيزتي تقريبا اسبوعين
كانت رحلة كلش متعبه طولت 3 ايام وماخلوني بفندق كضيتها انام على الارض
الصراحة طن المعلومات المغلوطة الموجود بهذا المنتدى كبير
واكو اعضاء كانو يكتبون بهذا المنتدى كانو يسببولي ارق الصراحة
بغض النظر عن ماكو سفر ( بوقت استلام فيزتي ) ومن رحت للمطار اني طالع ويه طيارة بيها حوالي خمسين شخص بس اس اي في
وعن الناس الي جانو يكتبون 3 عوائل راجعة للعراق من فلان ولاية
صاحبي رجع للعراق من ولاية... الخ
اكو هواية اشخاص مايتمنون الخير للناس
وعلى الجهه الاخرى اكو اشخاص ييجون يسوون امريكا جنة وربيع

اني احاول استوعب شلون الناس يفكرون وليش هيج ديسوون مدا اكدر الصراحة . اسف
هذا الموضوع اريد انزله من زمان بس ماكدرت
فخلي نجي نحللهن
ماكو سفر
لا حبيبي السفر موجود وناس بالاطنان دييجون بس انتظر سراك
ولاتكعد تكلي ماعندي حظ
ماكو شي اسمه حظ
كلشي ناتج عن افعالك ( ازرع تحصد ) بالنسبة للمترجمين الله اليعلم انت شجنت تسوي بالمعسكر وشجانو يكتبون عليك
اني اعرف ولد تعارك ويه متعاقد امريكي وشال عليه سجينه وقدم اس اي في وطبعا رفض وكعد يكول اني شمسوي
يا اخي احجي الي الك والي عليك
ثانيا
اني لحد هسه ماشفت احد رجع الصراحة
سمعت اكو واحد رجع قبل شهر بس الولد اجه بوحده بدون زوجته واطفالة واول ساعة بامريكا ماتحمل وكام يبجي اي نعم جان يبجي على اهله وبعد 3 ايام حجز ورجع ( الكلام نقلاً عن صديق ثقة )
اما باقي الناس فالصراحة حته الي ماعنده لغة فعايشين وامورهم ماشيه والحمد لله
واني اتكلم عن الناس الي وصلو امريكا بنفس الفتره ويايه ما اتكلم عن الناس الي وواصلين قبلي بسنة لان همه اصلا مستقرين
الي وصلو ويايه 80% منهم ولاطكه باللغه
وهاي مشكلة الصراحة بس تجاوزوها لان يريدون يعيشون وهمه ناس مجايين من عدم من العراق هواية منهم موظفين وبيوتهم ملك بس يريدون عيشه كريمه
وكانو يكدرون يرجعون بكل سهولة بس شافو الوضع هنا هواية احسن من وضع العراق
وهذا سبب اني اسم موضوعي جذب جذب جذب
لان سمعنه هواية جذب عن امريكا والحياة هنا تختلف للاحسن
اني واحد من الناس من جنت اخابر الي بامريكا بعد ما استلمت فيزا صدكوني هواية ناس سودوها بوجهي
وصلت مرحلة واحده من اصدقائي يكلي لاتجي احسنلك ( ما انساها اله طبعا )
وراح اكتب كم شغله ان شاء الله تفيد الناس وبعدها احجي تجربتي
احب اكول للناس الي يريدون ييجون ان من الافضل لو تبدي تشتغل على لغتك من هسه
ولاتكلي كلشي بوقته حلو وخلي اوصل بالاول
ليش اخي شناقصك
ابدي تعلملك كم كلمة من هسه حتى لاتوصل هناك وتضل تفر باذنك ماتعرف كلشي
ونصيحة ثانية
اذا عندك سن بي مشكلة روح سوي بالعراق ارخص بهواية من امريكا
اني اتعجب على العراقيين الي ييجون لامريكا ويريدون يسوون سنونهم هنا
يمعودين ماعدكم تامين صحي على الاسنان والاسنان هنا تصليحهن غالي فسووهن بالعراق
اني احجي لمصلحتكم فاعذروني اذا  احجي بعصبيه بس والله تنضرون اذا تريدون تسوون سنونكم هنا
شغله لخ لاتصرفون فلوسكم على الملابس بالعراق
اذا تحب تشتري ( للرجال ) اشتري قماصل جلد لان اني شفت قماصل العراق الجلد الزين ارخص واحلى من القماصل الي هنا
غير شي تعال بهدومك
بالنسبة للمحجبات فجيبو هدوم وياكم
واذا عدكم ناس عليهم الاعتماد بالعراق فخلي يدزولكم بالبريد العراقي شغلته مضمونه وتوصل بحدود الشهر
الاجهزة الكهربائية هنا ارخص وبيهن ضمان
اذا عدكم مرض مزمن فجيبو ادوية وياكم لان راح تحتاجون وقت علما تحصلون التامين الصحي المؤقت ( واكول المؤقت لان بعدين لازم تشتغل وتحصل تامين صحي )
سيديات برامج ووندوز وافلام ومسلسلات ( اني ) ما اشوف الهن داعي لان اغلب الحاسبات ييجي وياها وندوز اصلي والبرامج موجوده وبكثرة على النت والافلام والمسلسلات بعد اكثر
كلشي هنا موجود وباسعار معقولة ( حسب المكان الي تشتري منه )

عن تجربتي الخاصة والي 100% تختلف عن تجارب باقي الناس لان كل انسان عنده شخصيته وطريقة تفكيرة الخاصة بي وطريقة معالجته للمشاكل وطموحة
اني وصلت لامريكا عن طريق الاس اي في لان كنت مترجم
حالي حال عباد الله
ماصار عندي هوم سك ولاكعدت اسمع اغاني قديمه ولا ضليت ادخن وكاعد بوحدي بالشارع صافن
وصلت بال 2 بليل اني ثاني يوم بالصبح طلعت مشي اعرف منطقتي وعرفت المنطقة بالي يفيدني
اني صارت عندي هواية مشاكل بالبداية لان جنت واصل بوحدي الروم ميت مالتي هو حباب بس ماعنده راي ثابت وكلش متقلب ومايعرف شيريد
وكان عندي مشاكل بالسوشل والكرين كارد ما استلمت السوشل غير شهرين
المنظمة كانو كابوس كلشي ماسوولي بالعكس ضروني لان جماعة الامريشن يدزولهم بريد علمودي يحتاجون معلومات وبصماتي علمود يكملون الكرين كارد وهمه مغلسين وماشوفوني البريد غير بعد شهر من استلامهم اله وحتى بالمراجعه علمود الكرين كارد اني جنت اروح واحجي واحدد مواعيد
طبعا الشكر لان الكيس ووركر عراقي اصيل
المهم اني مجنت رايد منهم شي هم خلف الله عليهم استقبلوني
مساعداتي طولت شهرين بس الشهر الثالث اني ادفع من جيبي
واني اصلا مجانت عندي فلوس هواية لان اني جنت طالع من العراق ومشتري بيت ثاني ومعمره ومخلص كل فلوسي
بدايتي جانت كارثية بصراحة بس ماخليتها تاثر على نفسيتي ولاضليت الطم
دورت شغل ولكيت الحمد لله اشتغلت ب 8 دولارات بارت تايم جانت بالكوه تكفي الايجار والفواتير ويبقى من الراتب 5 دولارات ماتكفي باكيت جكاير
بس الحمد لله والشكر مابجيت ولا كلت راح ارجع جنت افكر بالحل ما افكر بالمشكلة
اغلب الناس من يكونون بهيج موقف راح يضل يفكر بالمشكلة ويفكر بايام العراق الخالده
واني انصح كل الناس اذا مرو بمثل هيج موقف واشتغلو شغل سد بسد ويه فواتيرهم لايبجون لان الحمد لله مامحتاجين لاحد
بديت ادور غير شغل بس بشكل غير جدي ( بصراحة ) لان اني كان بالي يم شغله ثانية بغير مدينه هم بتكساس
ورحت قدمت هناك وبعد جر وعر وانت مقبول تعال اشتغل واوصل هناك يكلولي البوزشنات انترست حاول مره لخ ها واني بهذا اليوم بطلت من شغلي
وبعدها ضليت شهرين بين كاعد ومو كاعد ( قدمت على شركة توضيف وجانو كل يوم يشمروني بمكان شغل عمالة دك كراب )
الى ان حصلت الشغل الي اريده والحمد لله اموري مشت هاي كلها صارت باول ست اشهر
اول ست اشهر بامريكا مجانت سهله ابداً
بصراحة جنت جحيم واذا اقارن وضعي بالعراق فاني بالعراق جنت كلش كلش مرتاح والفلوس منين ما اميل اغرف والحمد لله
بس يبقى الجانب الامني كان ماثر عليه شويه والبلد والناس مايساعدون ان الواحد يستمر بالعراق
بس مع ذلك مارجعت للعراق لان جنت مرتاح مادياً
يكلك امريكا ارض الفرص وصحيح هذا الشي
انت لازم تشتغل وتكافح الى ان تلكه فرصتك ولاتستسلم
امريكا انت تصوغها حسب مزاجك تريدها جنة تصيرلك جنة تريدها جحيم تصيرلك جحيم
تسمع بازمة اقتصادية والحكومة متوقفة صحيح
بس اذا تجي تسالني شنو تاثيراتها عليك انت
اكلك انت على شنو دتحجي ؟ ليش هو شصاير
حبيبي خلي تحترك الحكومة انت شعليك هذا بلد راسمالي الحكومة لاتودي ولاتجيب
انت شغلك قطاع خاص سكنك قطاع خاص الكهرباء قطاع خاص منين مادير وجهك قطاع خاص
ماكو شي تابع للحكومة
اكثر ناس تضررو بالتوقف مال الحكومة همه الناس الي جوي جديدين لان اسبوعين ياله كدرو يقدمون على السوشل
واني اعرف ولد وصل بفتره التوقف وبعد نهاية الازمة قدم على السوشل واخذه وعادي كلش
ثانيا لاتخاف على امريكا هذولة ناس يعرفون شلون يشتغلون

نجي على الشغل الي هو اهم شي
باعتبارك جديد المنظمة المفروض تحصلك شغل ( اني لان مترجم كالولي انت مالك اولوية لان انت تكدر تلكه شغل بنفسك احنه الشغل ننطي للناس الي مايحجون انكليزي ) هذا نص كلام الكيس ووركر واني كتله احسن
المنظمة راح تجيبلك شغل مال عبيد بس يكفيك وهو يعتبر ممتاز للفترة الانتقالية
ليش اسميها انتقالية
لان اول شغل راح تحصلة هو مجرد ضمان مادي الك وينطيك وقت كافي تدور على غير شغل
لا اكثر لا اقل
اذا جان عاجبك تشتغل بمعمل واكف على رجلك باجر يعتبر مو مجزي براحتك
كتلك هاي حياتك وانت تتخذ القرارات
اكو هواية شغل غير المعامل تنطي اكثر وجهد بدني اقل
لان الشغل الي بي جهد بدني هذا لازم يكون اجره عالي بس المعامل تشغل ناس ماعدهم لغه قوية او مرات حتى يكونون غير شرعيين علمود تستغلهم وتنطيهم اجر اقل بهواية من المفروض
واكرر هواية اكو شغل
اكثر من ان عقلك يستوعبه بس ان دور

شغله ثانية بخصوص السيارات مو شرط انت من توصل تشتري سياره غالية وحديثة بموديلها لان انت ماتعرف باجر شيصير وياك فاشتري سيارة زينه وتمشيك الى ان ترتب وضعك وبعدين اشتري الي يعجبك من تحصل شغل زين

شغله حساسة ثانية الي هيه الكردت
الكردت هو حياتك بامريكا
هواية ناس حاجين على الكردت فاني احب اضيف كم شغله
لاعبالك ان الكردت سكور يزيد بس لان انت تدفع الفواتير
اصلا فواتير المي والكهرباء والانشورنس والايجار والتلفون هذني اذا تدفعهن مايزيدن الكردت بس يقللن من الكردت اذا ماتدفعهن
الي يزيد الكردت هو دفع الديون مثلا قرض الطيارة الي انت جيت بي
هذا يزيد الكردت
من تشتري شي بالدين وتدفعه هذا يزيد الكردت
كل المبالغ الي انت تقترضها وتسددها على شكل اقساط تزيد الكردت
بس الكردت يعتمد على هذني بنسبة 35% بس
زين راح تسال والباقي شنو
شوف خلي ابسطله شغله الكردت سكور شنو
على سبيل المثال اني وصديقي جوني رحنه على صديق اسمه روي
اني وجون اداينه من روي كل واحد 100 دولار وكناله بعد شهر نرجعها الك
اني رجعت الدين بعد شهر بس جون جان عنده ضرف ماسمحلة يرد الدين فخابر روي وكله انطيني شهر لاخ
روي كاله اوكي
وره شهر جون مارجع الورقه والشهر الثالث والرابع والخامس بس بالسادس رجعله الفلوس لروي
وره سنه التاريخ عاد نفسة
اني وجون رحنه لروي نريد نداين منه بس هاي المره الف دولار
روي انطاني الفلوس لان اني كنت عد كلمتي ورجعتله الورقة اول مرة اداينت منه
بس جون اول شي ماحصل الالف من روي
ثاني شي روي كاله اداينك 300 بس من ترجعها الي لازم تكون 350 ووقعو عقد عليها
لان جون صار انسان مو كلش موثوق بي يم روي ومايعرف يتصرف ويدير فلوسه بالشكل الصحيح

اعتبر روي هو البنك
والكردت سكور هو مثل التزكية الك حتى البنك يثق بيك وينطيك فلوس
تقييم الكردت سكور يكون من شركة جبيرة اسمها فايكو ( فير ايزك كوبريشن )
واكو 3 مكاتب تاخذ وتنطي المعطيات من فايكو وتحسب السكور مالتك
تقييم السكور يكون بين 300 الى 850
البنوك والشركات ومعارض السيارات كل منهم يقيم الشخص حسب مزاجه
يعني اكو ناس يكلك 300 - 500 هذا ما انطي اي قرض و 600 الى 700 انطي بس بفائده عالية و فوك ال 700 انطي بفائده قليلة
واكو جهات لا عادي 500 ينطيك قرض بس يزيد الفائدة عليك
كلمن يتصرف حسب مصلحته
وكل جهه عدها تقييم خاص بيها
التقييم العام يكون بهذا الشكل
500 وجوه الكردت مسحوك ولازم تبني وتصحح وضعك
500- 580 كلش حيل ضعيف
580 - 620 ضعيف
620 - 660 مو كلش زين
660 - 700 جيد
700 - 760 جيد جداً
760 - 850 ممتاز
اني الحمد لله من وصلت اشتغل على الكردت وحاليا اني جيد جداً

خلي اوضح هذني شلون ينحسبن
1- تاريخك بدفع الاقساط ( وهاي تاثر بنسبة 35% على طريقة حساب السكور ) بس فايكو اول شي يباوعوله هو تاريخك او التزامك بدفع الاقساط ( مثلا قسط الطيارة او قسط سيارتك او الدفع علمود كارت الكردت )
2 -  انت شكد مديون ( 30 % من الحساب ) لان اذا كانت عليك ديون هواية اوتماتيكيا راح ينزلون الكردت مالتك حتى لاتروح وتاخذ بعد ديون وبعد ماتكدر تسدد ( واضحه مو ) مثلا اذا انت جنت مديون خمسين مليون واتحتاجيت بعد فد 20 مليون ورحت لصديقك ( ويكدر يداينك بس هو يعرف انت مطلوب ) وتكله انطيني 20 . تتوقع راح ينطيك ؟ لا طبعا لان يعرف انت اصلا غركان بالديون
3 - عمر الكردت ( 15 % ) يعني انت صارلك شكد من فاتح الكردت ( لان الي يريد ينطيك قرض ويشوفك انت مصارلك غير ست اشهر من فتحت الكردت و راح يكول ست اشهر موكافية حتى اعرف اذا انت انسان ملتزم بالتسديد او لا ) وبصراحة حقهم
4 - الكردت الجديد ( 10 % ) هو هذا يشبه عمر الكردت بس يفسح المجال ان احجي على نقطه مهمه _ الانكوايري _ اكو هارد انكوايري واكو سوفت انكوايري
الانكوايري يعني التجييك على الكردت
اي نعم اذا احد يجيك الكردت مالتك راح ينزل من نقاطك
اني جنت 730 ونزل صار 714 لان قدمت على كردت وانقبلت و قدمت على ايجار شقه
الهارد انكوايري هو ان احد يجيكك من فوك ليجوه مثلا البنك من تفتح كردت يمهم او من تريد تاخذ قرض او مثلا من تريد تشتري بيت او سيارة
هذني يوكعن بخانه ان واحد ديجيكك بشكل قوي ويريد يعرف انت شعندك ماعندك وخوما عليك ديون وشكد سكورك و خوما عليك قضايا
وصدكوني اني اجيك الكردت مالتي من اكسبيرين صح 40$ على كل مره اجيكه وغالي مقارنه بباقي الشركات بس هذولة ينطوك السكور بالمظبوط مو بشكل تخميني مثل الباقين ومن افتحه اشوف كلشي عني وهاي تفيد تسويها كل 3 اشهر او 6 اني اسويها كل 3 وتفيدك تعرف خوما احد منتحل شخصيتك وماخذ قرض باسمك لان مثل ما ذكرت ( كلشي عنك يطلع كل ديونك كل حساباتك اذا عليك قضية لاسامح الله حتى عناووينك السابقه وانت وين كاعد هسه
المهم اني الي مستغرب منه وبصراحة ما اعرف الجواب عليه ليش من تاجر شقه يسوون هارد انكوايري لان الانكوايري الواحد يضل بالفايل مالتك سنتين  واني هسه عندي انكوايريات اثنين بسبب الشقق وان شاء الله اريد اخابر اكسبيرين واسالهم واذا بيهن مجال احذفهن اجي وانزل موضوع لان الهارد انكوايري ماينحذف لو شماتسوي بس اكو فقره تكول لام تكون انت منطيهم التصريح ان يسوون عليك انكوايري طيب اني همه ماسالوني واني مانطيتهم التصريح
السوفت انكوايري : هذا اذا كنت مقدم على شغل والشركة تجيكك هذا ماينزل بالفايل او اذا انت حبيت تجيك على نفسك هذا هم ما ينزل بالفايل او مثلا انت اصلا عندك حساب كردت ويه بنك والبنك يريد يشوف اذا ينطيك زياده بالفلوس الي بالكردت ويجيك عليك هذا هم مينزل بالفايل

ليش الهارد انكوايرري ينزل السكور مالتك
لان من يشوفون انت مقدم على كردت  من بنك ومقدم على شراء سيارة وراجع مقدم على كردت من غير بنك وووو...  الخ يكولون هذا الشخص مديعرف يتصرف ومتعطش ان يكون مديون
فـ بكل محاولة ينزلون كم نقطه اوتماتيكيا و اي شخص يراجع الكردت ريبورت مالتك مراح يكون معجب بي بصراحة فاحتمال ماينطيك قرض علمود تشتري سيارة او شي

5 - انواع الكردت والديون الي عندك ( 10 % )
مثلا عندك 3 بطاقات كردت من 3 مصارف مختلفه وعندك دين الطيارة البسيط
وكلهن بوضع ممتاز هذا يزيد من سكورك بنسبة 10%


بالنسبة للجديدين لاتروحون للبنك وتطلبون كردت لان راح ييجيكم رفض بسرعة 495 مايل بالساعة
لان ماعدكم اي تاريخ مالي ولا اصلا انتو مسويلكم ريبورت لفايكو
اول شي تسوو تروحون للبنك تسوون سكيورد كردت
وبصراحة اني انصحكم ببنوك مابيها اجور سنوية مثلا بنك اوف اميركا 29 او 39 $ كل سنة ياخذون منك
كابتل ون اول سنة ابلاش بعدين 19 وعدهم كردت ياخذون 39 واكو حتى 75
السكيورد كردت هو ان تدفع مقدم تامينات وتاخذ عليها كردت كارد بحد فلوس نفس مبلغ التامين الي انت دافعه
بعد ماتسوي هذا بسنة و تبدي تسدد فلوس الطيارة روح على بنك اطلب كردت وانصحك بكابتل ون لان هذولة يوزعون كردت على روح المرحوم
يعني حتى لو الكردت سكور مالتك ضعيف هم ينطوك كردت ب 300$
البنوك الجبيرة مثل بنك اوف اميركا و جيس و ولس فاركو و بنك ستي و دسكفر هذولة لازم يكون عندك كردت قوي
بخصوص دسكفر اني هذا اكثر بنك احبه واتمنى يصير عندي كردت وياهم لان عدهم مميزات كلش قوية
وهمه دزولي عرض قبل يومين وشفته بالبريد بالليل بس المشكة الصبح اني جنت ماخذ ابروف على كردت ومن شفت البريد مال دسكفر رحت قدمت عليه وكالو انتظر من 5 الى 10 ايام عمل حته نكلك مقبول او لا
الحلو بدسكفر ان بالمستقبل ينطيك كردت بلا حد
هو الفائدة من الكردت شنو
مثلا لاسامح الله ان وكعت بمشكلة مثلا مرضت وماعندك كاش والتامين يغطيلك 80% من اجور العلاج
فرضا سويت عملية ب 50 الف دولار
التامين الصحي يغطيلك 40 الف
بس اكو عشره الف انت لازم تدفعهن شلون مالون
وخلي نكول انت حظك محلو وهستوك مشتري بيت وعليك دين 100 الف بالاضافة الى سيارتك بعد مطلوب عليها فد 10 الف
وماعندك فلوس لان انت دافع فلوس كلها مقدم للبيت
وهاي ال10 الف للمستشفى ماتكدر تدفعها ومايقسطوها الك لان انت اصلا عليك دين 110 الف
هنا الكردت كارد يلعب دوره

ملاحظات عامة على الكردت
* لاتبقي عليك دين بالكردت كارت ( ادفعهن كل شهر ) ولاتصدك احد يكلي لالا خلي فد خمسين دولار بالكردت كارت علمود تدفع فوائد علمود البنك يفرح لان ديحصل منك ( لالالالالا تصدك هذا الكلام الغبي لان قوانين حساب الكردت مو البنك خلاها والبنك مجبر ان يتبعها وهيه محطوطه لحماية البنك و العميل ) واذا ماتسدد الكردت كارت مالتك بنهاية كل شهر راح تنزل من سكورك
* من تفتح حساب كردت ويه بنك ( لاتسده )
* قرض الطيارة لاتدفعه كله دفعه وحده لان ان يكون عندك تاريخ دفع اقساط بين 12 الى 24 شهر شي ممتاز جدا ويثبت انت ملتزم بالدفع
* من يكون عندك كردت كارد لاتستخدمه كله للحد الاقصى دائما لاتعبر ال 30% او 40 % ( مثلا الكردت مالتك 1000 دولار حاول لاتعبر ال 40% شهريا يعني هذا المثال ينطبق عليه اني كردتي من بنك اوف اميركا الف و اعلى استخدام اله كان 448 $ دولار لشهر من الاشهر طبعا اني مسدده بنفس الشهر قبل الدو بس مكتوب بالريبورت مالته اعلى شي اني موصلة شكد ومكتوب المبلغ 448$ ) لان من تستخدم هواية منه راح يكولون هذا يصرف ومايعرف يدير امواله بشكل صحيح

اكو شي محد حاجي عليه بهذا المنتدى
الكردت يونين
الكردت يونين هو مصطلح يطلق على بنك بس هذا البنك مو لغرض ربح من الناس
مو بنك تجاري
مثلا اني الشركة الي اشتغل بيها اجتمعت ويه عدة شركات ثانية وسوو كردت يونين خاص بالموظفين مالتهم
محد ينقبل بي بس الموظفين وصار بنك تحت حماية فدرالية
هو بي حساب جيكنك و سيفنك وينطي كردت كارت
مابي اي اجور سنوية
خمس دولارات بس علمود تفتح الحساب
كل شغلته ان يضملك فلوس
مثلا انت على مزاجك شكد تريد ينكص من الصك مالتك ويروح للحساب مالتك يمهم
5 بالشهر او 10 او 50 او 100 انت بكيفك
هاي الفلوس راح يضموها يمهم شوكت ماتريدها تستعملها
وهمه بهاي الطريقة هاي الفلوس المضمومه منك ومن غيرك بالاضافة الى راس مال الشركة مالتك والشركات الاخرى
راح يصير مبلغ محترم بالكردت يونين
هذا المبلغ همه مراح يروحون يتاجرون بي
لا
هذا المبلغ هو علمودك
انت من تريد تشتري سيارة وتروح لابو معرض اول شي راح يخابر كل البنوك بالمدينه يطلب منهم قرض وانت احسب كم هارد انكوايري صار عليك
ثاني شي الفائدة لهذا القرض راح تكون عاليه مثلا نكول 8 % او 6%
الكردت يونين تخابرهم قبل ماتروح لابو المعرض تكللهم اني اريد اداين منكم فد 25 الف اريد اشتري سيارة
بدون لف ودوران يكلولك تدلل روح لابو المعرض وخابرنه مناك
وتروح وتحصل القرض وبفائدة 2%
المشكلة بالكردت يونين ان ميقبلون كل احد
مثلا مال شركتنه هو خاص لموظفين الشركة
واني هم ما اكدر اروح اقدم على غير كردت يونين لان مايقبلوني لان ما استوفي الشروط
اكو بنوك كردت يونين هذولة يكونون مثلا مال مدينة يعني الجماعة الي ساكنين بمدينه تلسا باوكلاهوما يكدرون يشاركون بهذا الكردت يونين
غير ناس مايكدرون
بس انت اذا صارتلك فرصه ان تشارك باحد فلاتضيعها ابداً
لان هذولة شغلتهم مو ربحية مايتاجرون بفلوسك وشوكت ماتحتاجهم يكونون موجودين
بس العيب الوحيد بالكردت يونين همه ماعدهم افرع بكل مكان
مثلا اني الكردت يونين مالتي باوكلاهوما بس اني عايش بتكساس بس شركتي قررت تسوي هنا
متستاهل ارفضه لهذا السبب فسالتهم شنو هسه
همه اصلا ديزولك دبت كارت واذا تريد تقدم على كردت وياهم
واذا تحتاج قرض بسيط شخصي او تريد تسحب من فلوسك الي انت ضامها بحسابك يمهم فيحولوها على حسابك البنكي مثلا مال بنك اوف اميركا او ولس فاركو او جيس
بس همه زينين كلش وخدمة الزبائن مالتهم متميزه يعني يشيلوك بالصلوات خاصة اذا هذا البنك يكون تابع لشركتك لان شركتك هيه الي تدفع فلوس المحاسبين هناك وهمه لخدمة موظفين الشركة

وهذا كل الي اعرفه عن الكردت وخلوها ببالكم كلما الكردت سكور مالتك يكون عالي كلما تكون حياتك احسن
امريكا حلوه وجنة للي يريدها
تعالو واشتغلو وعيشو والحياة بسيطة بس شويه صيرو سباع
ولاتعتمدون على المساعدات لان المساعدات تفكركم
وهاي سالفة الجزية و احنه عراقيين احنه اهل الغيرة غصباً ماعلى ابو الامريكان يدفعولنه مساعدات همه مو باكو نفطنه
هاي شيلوها من راسكم
على شنو هو اصلا احنه منو على ثقافتنه على علمنه مايكفي سرقنه المتحف الوطني
فلاتتكبرون زايد عن اللزوم وكونو بسطاء واندمجو بلمجتمع تره الامريكان شعب كلش فطير وعلى نياته لان ماشايفين قهر وحروب
وشتكله يصدك بحيث مرات يدقك هلكد مافطير
المكسيكيين مو كلهم موزينين بس بصراحة همه هواية احسن من عدنه يعني انكسهم ييجي يحجي بوجهك ومايخاف من عندك مو مثلنه النفاق والطعن بالظهر
وراح تتشوفهم تكتلات يعني واحد يساعد الثاني وهم مو مثلنه واحد ينبش كبر الثاني
السود حشاشه مو يعني يحششون حشيش هاي عادي عدهم بس همه ونسه وتحشيش ومن يخاوون واحد يخاوو من صدك مو كلاوات
وبيهم الزين وبيهم الموزين

واتبع القانون ولاتخاف

تمنياتي الكم بالنجاح والموفقية



غير متصل Awsaws

  • عضو مميز
  • ****
  • مشاركة: 1356
    • مشاهدة الملف الشخصي
رد: جذب جذب جذب
« رد #1 في: 14:45 11/11/2013 »
تسلم يا ورده على المعلومات والنصائح الله يحفضك ويسر امرك

غير متصل عراقي هواي

  • مبدع قسم الهجرة
  • عضو مميز جدا
  • *
  • مشاركة: 2855
  • الجنس: ذكر
    • مشاهدة الملف الشخصي
رد: جذب جذب جذب
« رد #2 في: 14:56 11/11/2013 »
نشكرك اخي العزيز على توضيح الواقع حياك الله
لو أمطرت السماء شرفآ ...لسارع الأعراب بوضع المظلات ..
حين سكت اهل الحق عن الباطل
توهم  اهل الباطل انهم على حق
ليس لدينا تاريخ لأجدادنا كيف عانوا، بقدر مالدينا تاريخ لملوكنا كيف لعبوا.. وفقهائنا كيف كذبوا.. إذن نحن في الواقع أمة دون تاريخ.. كما اننا أمة دون دين.

غير متصل سنيين وياك متغرب

  • عضو فعال
  • **
  • مشاركة: 55
    • مشاهدة الملف الشخصي
    • البريد الالكتروني
رد: جذب جذب جذب
« رد #3 في: 15:02 11/11/2013 »
جزاك الله الف خير . ويارب يرزقك

غير متصل *Ray

  • مبدع قسم الهجرة
  • عضو مميز متقدم
  • *
  • مشاركة: 7828
  • الجنس: أنثى
  • J
    • مشاهدة الملف الشخصي
رد: جذب جذب جذب
« رد #4 في: 15:05 11/11/2013 »
مشكور ابو سمر ع الموضوع والمعلومات بارك الله بيك


                                                                 اختك راي / تركيا

 Switchfoot -- Love Alone Is Worth The Fight
http://www.youtube.com/watch?v=rk9Pj3ID0UE

غير متصل عائشة البغدادية

  • عضو فعال
  • **
  • مشاركة: 42
    • مشاهدة الملف الشخصي
رد: جذب جذب جذب
« رد #5 في: 15:14 11/11/2013 »
اخي العزيز موضوعك رائع والله يوفقك انطيتنة شوية امل بعد الاحباط الي صار عدنة ونتمنى لو تحجينة كل صغيرة وجبيرة صادفتها حتى نستفيد منها ونشكرك والله يوفقك

غير متصل أبو الحكم

  • عضو مميز جدا
  • *****
  • مشاركة: 2247
  • الجنس: ذكر
  • Don't mess with me
    • مشاهدة الملف الشخصي
رد: جذب جذب جذب
« رد #6 في: 15:22 11/11/2013 »
Dude it's amazing , you are totally right
http://www.youtube.com/watch?v=d5wsmrCWgUU


الشعب لو كان حياً ما استخف به      فرد ولاعاث فيه الظالم النهم

الحكومة نتاج لثقافة الشعب             فهنيئاً لكُم عراقكم الجديد










غير متصل ابو سمر

  • عضو فعال جدا
  • ***
  • مشاركة: 388
  • الجنس: ذكر
    • مشاهدة الملف الشخصي
رد: جذب جذب جذب
« رد #7 في: 15:23 11/11/2013 »
اخواني وخواتي والله هذولة جذابين او فاشلين ومايدرون بنفسهم وعبالهم كل الناس مثلهم
الكلام الي ديكولو ماله اي صحه
اني ماكول امريكا جنة
بس يعني الواحد لازم يشتغل حته يعيش
والانسان الطموح يصبر شويه ويحسن من وضعه ويصعد

الخلاصة تعالو لامريكا صح البداية راح تكون صعبه بس والله بعدين الامور تتعدل والله تصير لوز

غير متصل baghdad antigen

  • عضو فعال جدا
  • ***
  • مشاركة: 679
  • الجنس: ذكر
    • مشاهدة الملف الشخصي

ممنون اخويه و عاااشت ايدك على هذا الموضوع الرائع .. بصراحه الموضوع كله حلو و المعلومات كلها مفيده بس موضوع الكردت ابداااع
يعني قاري اكثر من موضوع عن الكردت بس هسه يله صارت عندي صوره واضحه عنه شرحك كلش جميل و مبسط
رحم الله والديك و ان شاء الله دائما موفق و ناجح بحياتك

غير متصل Sama83

  • عضو فعال جدا
  • ***
  • مشاركة: 535
  • الجنس: أنثى
  • الحق يعلو ولا يعلى عليه
    • مشاهدة الملف الشخصي
تسلم اخونا العزيز...عاشت ايدك ع الموضوع الراقي والمعلومات الروعة

الله يبارك بيك

سما
No gain without pain, no joy without annoy

غير متصل nancy86

  • عضو فعال جدا
  • ***
  • مشاركة: 150
    • مشاهدة الملف الشخصي
رد: جذب جذب جذب
« رد #10 في: 15:56 11/11/2013 »
عاشت ايدك اخوية عالمعلومات الراقية وبارك الله بيك
الكردت سالفته تدوخ ان شاء الله من نوصل امريكا راح نفهمه اكثر
وراح اكعد اقره موضوعك بكل مرة احس بيها بخيبة الامل

غير متصل احمد البغدادي55

  • عضو فعال جدا
  • ***
  • مشاركة: 347
    • مشاهدة الملف الشخصي
كلامك على العين والراس وهذا اكيد رفع معنوياتنة بعد احباطها

بس سؤال اذا كانو 4 او 5 شباب يشتغلون وماجرين بيت وكاعدين عادي مثلا يتشاركون بمصروفهم واكل وشربهم وبكلشي وهذا حيصرفلهم وميصير ضغط عليهم .؟

غير متصل ابو سمر

  • عضو فعال جدا
  • ***
  • مشاركة: 388
  • الجنس: ذكر
    • مشاهدة الملف الشخصي
تدللون اخواني وخواتي بالخدمة والله يوفق الجميع على فعل الخير

كلامك على العين والراس وهذا اكيد رفع معنوياتنة بعد احباطها

بس سؤال اذا كانو 4 او 5 شباب يشتغلون وماجرين بيت وكاعدين عادي مثلا يتشاركون بمصروفهم واكل وشربهم وبكلشي وهذا حيصرفلهم وميصير ضغط عليهم .؟

اخوية شي اعتيادي يصرفلهم
اذا تريد تكعد 4 فكلشي راح يتقسم على اربعه
بس همه احسن شي بالنسبة الي ان شقه غرفتين وكل واحده بغرفه
واذا تلكه 3 غرف وتصيرون 3 بعد احسن
يعني اني اشوف ان كل واحد بغرفه احسن علمود الخصوصية
بس اذا تاجرون بيت 4 غرف وتعيشون بي 4 ويكون سعر ايجارة مناسب هاي الشغله ممتازه بس خلي ببالك ان فواتير المي والكهرباء للبيت اعلى من الشقق

غير متصل احمد البغدادي55

  • عضو فعال جدا
  • ***
  • مشاركة: 347
    • مشاهدة الملف الشخصي
اخوية الغالي حاخذ مثل مكلت بل بداية اتحمل كافح حتى توصل لتريده اتعب تلعب ابين متستقر اكيد بل بداية تعب نفسي مادي ضغط عليك من كل نواحي بس نشاء الله بعد متتعود حتعرف اشلون تيسرها لعيشتك وشلون تعيش وممنون منك يا طيب الله يوفقك

غير متصل ابو سمر

  • عضو فعال جدا
  • ***
  • مشاركة: 388
  • الجنس: ذكر
    • مشاهدة الملف الشخصي
صحيح اخوية هذا سر النجاح
المنظمة اول متجي راح يكعدوك ويه واحد
بس بعدين بس تشتغل وترتب امورك احتمال حتى تاخذ شقه بوحدك
بس مانصحك بيها حتى لو راتبك يكفي وزايد بهوايه بس اذا كانت عندك بنية تحب تعيش وياك
لان صدكني ان تعيش بشقه بوحدك تضوج بعيد عن العامل المادي
والله يوفقك وتحقق كل امنياتك

غير متصل Mount Zion

  • http://www.speedtest.net/result/2861173119.png
  • عضو فعال جدا
  • ***
  • مشاركة: 391
    • مشاهدة الملف الشخصي
    • http://www.speedtest.net/result/2861173119.png
نادرا ما اشهد لشخص بكلامه كله ان يكون صحيح


واني اشهدلك هسه بهذا الشي


بس استغربت من ذكرت شركات الكردت نسيت تذكر أميركان اكسبرس


اذا غايب عن بالك اذكرك بيه ، تره الاميركان اكسبرس يسوه كل الي ذكرتهم


بدل متدفع اشتراك لتجييك الكردت انصحك ان تشترك ويه كردت كارما ، شركه صاكه لمتابعه وتقييم الكردت ، تستعملها ستي كروب وبعض البنوك ، عدهم ابلكيشن عالسمارت فون مجاني ، تكدر تنزله وتسجل بيه وتجيك السكور كل دقيقه اذا تحب بدون اي انكوايري ، وكل التفاصيل بيه

انصحك تجربه

Credit karma

بالتوفيق ان شاء الله

غير متصل iron man

  • عضو فعال جدا
  • ***
  • مشاركة: 406
  • الجنس: ذكر
    • مشاهدة الملف الشخصي
شكرا للموظوع الرائع... صارلنا فتره مقاريين موظوع بيه مثل هذه التفاصيل الدقيقه...تحياتي

غير متصل ابو سمر

  • عضو فعال جدا
  • ***
  • مشاركة: 388
  • الجنس: ذكر
    • مشاهدة الملف الشخصي
مشكورين اخوان بارك الله بيكم


نادرا ما اشهد لشخص بكلامه كله ان يكون صحيح


واني اشهدلك هسه بهذا الشي


بس استغربت من ذكرت شركات الكردت نسيت تذكر أميركان اكسبرس


اذا غايب عن بالك اذكرك بيه ، تره الاميركان اكسبرس يسوه كل الي ذكرتهم


بالتوفيق ان شاء الله


تسلملي اخوية الله يخليك
والله غابت عن بالي صح الاميركان اكسبرس شركة عملاقة وممتازه
وانصح بيها وبقوه

غير متصل Mount Zion

  • http://www.speedtest.net/result/2861173119.png
  • عضو فعال جدا
  • ***
  • مشاركة: 391
    • مشاهدة الملف الشخصي
    • http://www.speedtest.net/result/2861173119.png
اني حدّثت تعليقي ابو سمر

غير متصل ابو سمر

  • عضو فعال جدا
  • ***
  • مشاركة: 388
  • الجنس: ذكر
    • مشاهدة الملف الشخصي
عاشت ايدك قريته للتعليق
اني مشترك وياهم ودائما استخدم خدماتهم وهمه ممتازين وتنبيهاتهم فورية
بس همه يشتغلون على الترانز يونين ويطلعولك بس مال الترانزيونين
واكو شركات ماتسوي ريبورت غير بس على شركة وحده  مثلا قرض الطيارة مسوي على ترانز يونين
اني عندي شركه ثانية تسوي على اكسبيرين

واحب اضيف على تعليقك اكو موقع يخليك تجيك الريبورت مالتك مره سنويا وهذا لنكهم
https://www.annualcreditreport.com/index.action

غير متصل slam hawk

  • عضو مميز جدا
  • *****
  • مشاركة: 4717
  • Engineer Slam Hawk
    • مشاهدة الملف الشخصي
    • البريد الالكتروني
رد: جذب جذب جذب
« رد #20 في: 17:41 11/11/2013 »
شكرا اخونا الفاضل
Engineer
Slam Hawk

غير متصل مهندسه

  • عضو فعال جدا
  • ***
  • مشاركة: 336
  • الجنس: أنثى
  • الله هو المحبه
    • مشاهدة الملف الشخصي
    • http://www.album.v90v.com/data/media/62/images_275.gif
عاشت ايدك ابو سمر بصراحه كلام جدا منطقي وتفصيل ممل وسهل ومفهوم

الله يوفقك بحياتك ياربي

عجبتني هاي الجمله .. دافع لللامل وعدم الياس والتفكير الصح


بس الحمد لله والشكر مابجيت ولا كلت راح ارجع جنت افكر بالحل ما افكر بالمشكلة
الحب كلمة سهله لكن معناااااها صعب !!!

غير متصل احمد البغدادي55

  • عضو فعال جدا
  • ***
  • مشاركة: 347
    • مشاهدة الملف الشخصي
زين اخوية اخر سؤال ... اذا كان الكفيل عزابي وهوة وصديقة بلبيت عادي مثلا اسكن وياهم

غير متصل ابو سمر

  • عضو فعال جدا
  • ***
  • مشاركة: 388
  • الجنس: ذكر
    • مشاهدة الملف الشخصي
شكرا على ردودكم وتدللون
عاشت ايدك ابو سمر بصراحه كلام جدا منطقي وتفصيل ممل وسهل ومفهوم

الله يوفقك بحياتك ياربي

عجبتني هاي الجمله .. دافع لللامل وعدم الياس والتفكير الصح


بس الحمد لله والشكر مابجيت ولا كلت راح ارجع جنت افكر بالحل ما افكر بالمشكلة
اكيد اختي الحل هو الاهم
المشاكل دائما موجوده

----------
اخ احمد اي عادي اذا صار اتفاق
واحب انبهك على شغله
القانون بامريكا يسمح ان كل اثنين يتشاركون الغرفة بس مو اكثر
يعني انت راح تشوف اكو مثلا 3 كاعدين بشقه غرفه وحده او خمسه بشقه غرفتين
بس اعرف اكو ناس ممسجلين بعقد الايجار
وانت من راح تاجر بغير مكان راح يطلبون منك انت وين جنت ساكن قبل ويخابروهم ويتاكدون من هذا الشي
اسكن ويه شكد ماتريد ناس بس الاهم ( اسمك بالعقد )

غير متصل abo_tariq

  • عضو
  • *
  • مشاركة: 12
  • الجنس: ذكر
    • مشاهدة الملف الشخصي
ابو سمر الورد

اول شي اسويه انه اهني نفسي اولا بانه انته تذكرت الباسوورد مال حسابك وكتبت هذا الموضوع الرائع
فعلا جانت عندي هوايه مخاوف بس كلامك وجه تفكيري بطريقة ايجابيه
اني اشكرك جدا واشكر كل الاخوه الاعزاء الي كانو كريمين جدا بابداء النصيحه

تسلم والله يوفقك
اخوك ابو طارق

غير متصل amir libya

  • عضو فعال جدا
  • ***
  • مشاركة: 203
    • مشاهدة الملف الشخصي
بارك الله فيك ياغالي
كلامك دقيق وصحيح 100 %


وشكرا علي الشرح التفصيلي عن الكردت كارد الحق شخصيا استفادت منه....


واتمني يوماَ من الايام نري في امريكا القروض الاسلامية خاصة انه الاستثمار في هذا المجال بدأ يتوسع وهناك كلام انه توجد بنوك عربية تريد الاستثمار في هذا المجال في امريكا.. ان شاء الله نري ذالك..

غير متصل أبو الحكم

  • عضو مميز جدا
  • *****
  • مشاركة: 2247
  • الجنس: ذكر
  • Don't mess with me
    • مشاهدة الملف الشخصي
أطالب الادارة الموقرة المحترمة بتثبيت الموضوع لاهميته وخدمة للاخوة الاعضاء وخدمة للصالح العام واتمنى من الاخوة الاعضاء ضم صوتهم الى صوتي .




تحياتي




أبو الحكم
http://www.youtube.com/watch?v=d5wsmrCWgUU


الشعب لو كان حياً ما استخف به      فرد ولاعاث فيه الظالم النهم

الحكومة نتاج لثقافة الشعب             فهنيئاً لكُم عراقكم الجديد










غير متصل احمد البغدادي55

  • عضو فعال جدا
  • ***
  • مشاركة: 347
    • مشاهدة الملف الشخصي
موضوع اكثر من رائع وفائدة للجميع ,,, اضم صوتي لصوت اخي ابو الحكم الورده

غير متصل um maryam

  • عضو فعال جدا
  • ***
  • مشاركة: 358
    • مشاهدة الملف الشخصي
موضوع جدا راقي ومفيد واضم صوتي لاخي الكريم ابو الحكم

غير متصل عائشة البغدادية

  • عضو فعال
  • **
  • مشاركة: 42
    • مشاهدة الملف الشخصي
موضوع جدا جدا رائع وراقي واستفادينا منه واضم صوتي لصوت اخي ابو الحكم واخواني الاعزاء

غير متصل ali.ali

  • عضو فعال جدا
  • ***
  • مشاركة: 75
    • مشاهدة الملف الشخصي
السلام عليكم

اني صارلي اكثر من سنة بامريكا
وجنت اكتب دائما بالمنتدى بس من وصلت امريكا فرمتت الابتوب وانمسح الباسورد الي كان مخزون  بالبراوزر وماكدرت افوت مره ثانية
وجنت دائما اطلب ان ارست الباسورد بس المنتدى ميدزلي ايميل علمود اسوي باسورد جديد
وهسه بالصدفه دا احاول وتذكرته
المهم
اني اخر شي كتبته يمكن استلمت الفيزا
اني استلمت الفيزا مالتي بوقت قياسي وكان تحديد يوم السفر اطول بهواية من وقت المعاملة
وصلت لامريكا وباقي على فيزتي تقريبا اسبوعين
كانت رحلة كلش متعبه طولت 3 ايام وماخلوني بفندق كضيتها انام على الارض
الصراحة طن المعلومات المغلوطة الموجود بهذا المنتدى كبير
واكو اعضاء كانو يكتبون بهذا المنتدى كانو يسببولي ارق الصراحة
بغض النظر عن ماكو سفر ( بوقت استلام فيزتي ) ومن رحت للمطار اني طالع ويه طيارة بيها حوالي خمسين شخص بس اس اي في
وعن الناس الي جانو يكتبون 3 عوائل راجعة للعراق من فلان ولاية
صاحبي رجع للعراق من ولاية... الخ
اكو هواية اشخاص مايتمنون الخير للناس
وعلى الجهه الاخرى اكو اشخاص ييجون يسوون امريكا جنة وربيع
مراح اذكر اسم بس اكو شخص مشهور جدا بالمنتدى وعنده هواية مواضيع الله جابني بنفس المجمع الي هو ساكن بي
من ارجع اقره مواضيعه واشوف حاله يعني الرجال ما شاء الله يسوي اعلانات لامريكا مدري ليش

اني احاول استوعب شلون الناس يفكرون وليش هيج ديسوون مدا اكدر الصراحة . اسف
هذا الموضوع اريد انزله من زمان بس ماكدرت
فخلي نجي نحللهن
ماكو سفر
لا حبيبي السفر موجود وناس بالاطنان دييجون بس انتظر سراك
ولاتكعد تكلي ماعندي حظ
ماكو شي اسمه حظ
كلشي ناتج عن افعالك ( ازرع تحصد ) بالنسبة للمترجمين الله اليعلم انت شجنت تسوي بالمعسكر وشجانو يكتبون عليك
اني اعرف ولد تعارك ويه متعاقد امريكي وشال عليه سجينه وقدم اس اي في وطبعا رفض وكعد يكول اني شمسوي
يا اخي احجي الي الك والي عليك
ثانيا
اني لحد هسه ماشفت احد رجع الصراحة
سمعت اكو واحد رجع قبل شهر بس الولد اجه بوحده بدون زوجته واطفالة واول ساعة بامريكا ماتحمل وكام يبجي اي نعم جان يبجي على اهله وبعد 3 ايام حجز ورجع ( الكلام نقلاً عن صديق ثقة )
اما باقي الناس فالصراحة حته الي ماعنده لغة فعايشين وامورهم ماشيه والحمد لله
واني اتكلم عن الناس الي وصلو امريكا بنفس الفتره ويايه ما اتكلم عن الناس الي وواصلين قبلي بسنة لان همه اصلا مستقرين
الي وصلو ويايه 80% منهم ولاطكه باللغه
وهاي مشكلة الصراحة بس تجاوزوها لان يريدون يعيشون وهمه ناس مجايين من عدم من العراق هواية منهم موظفين وبيوتهم ملك بس يريدون عيشه كريمه
وكانو يكدرون يرجعون بكل سهولة بس شافو الوضع هنا هواية احسن من وضع العراق
وهذا سبب اني اسم موضوعي جذب جذب جذب
لان سمعنه هواية جذب عن امريكا والحياة هنا تختلف للاحسن
اني واحد من الناس من جنت اخابر الي بامريكا بعد ما استلمت فيزا صدكوني هواية ناس سودوها بوجهي
وصلت مرحلة واحده من اصدقائي يكلي لاتجي احسنلك ( ما انساها اله طبعا )
وراح اكتب كم شغله ان شاء الله تفيد الناس وبعدها احجي تجربتي
احب اكول للناس الي يريدون ييجون ان من الافضل لو تبدي تشتغل على لغتك من هسه
ولاتكلي كلشي بوقته حلو وخلي اوصل بالاول
ليش اخي شناقصك
ابدي تعلملك كم كلمة من هسه حتى لاتوصل هناك وتضل تفر باذنك ماتعرف كلشي
ونصيحة ثانية
اذا عندك سن بي مشكلة روح سوي بالعراق ارخص بهواية من امريكا
اني اتعجب على العراقيين الي ييجون لامريكا ويريدون يسوون سنونهم هنا
يمعودين ماعدكم تامين صحي على الاسنان والاسنان هنا تصليحهن غالي فسووهن بالعراق
اني احجي لمصلحتكم فاعذروني اذا  احجي بعصبيه بس والله تنضرون اذا تريدون تسوون سنونكم هنا
شغله لخ لاتصرفون فلوسكم على الملابس بالعراق
اذا تحب تشتري ( للرجال ) اشتري قماصل جلد لان اني شفت قماصل العراق الجلد الزين ارخص واحلى من القماصل الي هنا
غير شي تعال بهدومك
بالنسبة للمحجبات فجيبو هدوم وياكم
واذا عدكم ناس عليهم الاعتماد بالعراق فخلي يدزولكم بالبريد العراقي شغلته مضمونه وتوصل بحدود الشهر
الاجهزة الكهربائية هنا ارخص وبيهن ضمان
اذا عدكم مرض مزمن فجيبو ادوية وياكم لان راح تحتاجون وقت علما تحصلون التامين الصحي المؤقت ( واكول المؤقت لان بعدين لازم تشتغل وتحصل تامين صحي )
سيديات برامج ووندوز وافلام ومسلسلات ( اني ) ما اشوف الهن داعي لان اغلب الحاسبات ييجي وياها وندوز اصلي والبرامج موجوده وبكثرة على النت والافلام والمسلسلات بعد اكثر
كلشي هنا موجود وباسعار معقولة ( حسب المكان الي تشتري منه )

عن تجربتي الخاصة والي 100% تختلف عن تجارب باقي الناس لان كل انسان عنده شخصيته وطريقة تفكيرة الخاصة بي وطريقة معالجته للمشاكل وطموحة
اني وصلت لامريكا عن طريق الاس اي في لان كنت مترجم
حالي حال عباد الله
ماصار عندي هوم سك ولاكعدت اسمع اغاني قديمه ولا ضليت ادخن وكاعد بوحدي بالشارع صافن
وصلت بال 2 بليل اني ثاني يوم بالصبح طلعت مشي اعرف منطقتي وعرفت المنطقة بالي يفيدني
اني صارت عندي هواية مشاكل بالبداية لان جنت واصل بوحدي الروم ميت مالتي هو حباب بس ماعنده راي ثابت وكلش متقلب ومايعرف شيريد
وكان عندي مشاكل بالسوشل والكرين كارد ما استلمت السوشل غير شهرين
المنظمة كانو كابوس كلشي ماسوولي بالعكس ضروني لان جماعة الامريشن يدزولهم بريد علمودي يحتاجون معلومات وبصماتي علمود يكملون الكرين كارد وهمه مغلسين وماشوفوني البريد غير بعد شهر من استلامهم اله وحتى بالمراجعه علمود الكرين كارد اني جنت اروح واحجي واحدد مواعيد
طبعا الشكر لان الكيس ووركر عراقي اصيل
المهم اني مجنت رايد منهم شي هم خلف الله عليهم استقبلوني
مساعداتي طولت شهرين بس الشهر الثالث اني ادفع من جيبي
واني اصلا مجانت عندي فلوس هواية لان اني جنت طالع من العراق ومشتري بيت ثاني ومعمره ومخلص كل فلوسي
بدايتي جانت كارثية بصراحة بس ماخليتها تاثر على نفسيتي ولاضليت الطم
دورت شغل ولكيت الحمد لله اشتغلت ب 8 دولارات بارت تايم جانت بالكوه تكفي الايجار والفواتير ويبقى من الراتب 5 دولارات ماتكفي باكيت جكاير
بس الحمد لله والشكر مابجيت ولا كلت راح ارجع جنت افكر بالحل ما افكر بالمشكلة
اغلب الناس من يكونون بهيج موقف راح يضل يفكر بالمشكلة ويفكر بايام العراق الخالده
واني انصح كل الناس اذا مرو بمثل هيج موقف واشتغلو شغل سد بسد ويه فواتيرهم لايبجون لان الحمد لله مامحتاجين لاحد
بديت ادور غير شغل بس بشكل غير جدي ( بصراحة ) لان اني كان بالي يم شغله ثانية بغير مدينه هم بتكساس
ورحت قدمت هناك وبعد جر وعر وانت مقبول تعال اشتغل واوصل هناك يكلولي البوزشنات انترست حاول مره لخ ها واني بهذا اليوم بطلت من شغلي
وبعدها ضليت شهرين بين كاعد ومو كاعد ( قدمت على شركة توضيف وجانو كل يوم يشمروني بمكان شغل عمالة دك كراب )
الى ان حصلت الشغل الي اريده والحمد لله اموري مشت هاي كلها صارت باول ست اشهر
اول ست اشهر بامريكا مجانت سهله ابداً
بصراحة جنت جحيم واذا اقارن وضعي بالعراق فاني بالعراق جنت كلش كلش مرتاح والفلوس منين ما اميل اغرف والحمد لله
بس يبقى الجانب الامني كان ماثر عليه شويه والبلد والناس مايساعدون ان الواحد يستمر بالعراق
بس مع ذلك مارجعت للعراق لان جنت مرتاح مادياً
يكلك امريكا ارض الفرص وصحيح هذا الشي
انت لازم تشتغل وتكافح الى ان تلكه فرصتك ولاتستسلم
امريكا انت تصوغها حسب مزاجك تريدها جنة تصيرلك جنة تريدها جحيم تصيرلك جحيم
تسمع بازمة اقتصادية والحكومة متوقفة صحيح
بس اذا تجي تسالني شنو تاثيراتها عليك انت
اكلك انت على شنو دتحجي ؟ ليش هو شصاير
حبيبي خلي تحترك الحكومة انت شعليك هذا بلد راسمالي الحكومة لاتودي ولاتجيب
انت شغلك قطاع خاص سكنك قطاع خاص الكهرباء قطاع خاص منين مادير وجهك قطاع خاص
ماكو شي تابع للحكومة
اكثر ناس تضررو بالتوقف مال الحكومة همه الناس الي جوي جديدين لان اسبوعين ياله كدرو يقدمون على السوشل
واني اعرف ولد وصل بفتره التوقف وبعد نهاية الازمة قدم على السوشل واخذه وعادي كلش
ثانيا لاتخاف على امريكا هذولة ناس يعرفون شلون يشتغلون

نجي على الشغل الي هو اهم شي
باعتبارك جديد المنظمة المفروض تحصلك شغل ( اني لان مترجم كالولي انت مالك اولوية لان انت تكدر تلكه شغل بنفسك احنه الشغل ننطي للناس الي مايحجون انكليزي ) هذا نص كلام الكيس ووركر واني كتله احسن
المنظمة راح تجيبلك شغل مال عبيد بس يكفيك وهو يعتبر ممتاز للفترة الانتقالية
ليش اسميها انتقالية
لان اول شغل راح تحصلة هو مجرد ضمان مادي الك وينطيك وقت كافي تدور على غير شغل
لا اكثر لا اقل
اذا جان عاجبك تشتغل بمعمل واكف على رجلك باجر يعتبر مو مجزي براحتك
كتلك هاي حياتك وانت تتخذ القرارات
اكو هواية شغل غير المعامل تنطي اكثر وجهد بدني اقل
لان الشغل الي بي جهد بدني هذا لازم يكون اجره عالي بس المعامل تشغل ناس ماعدهم لغه قوية او مرات حتى يكونون غير شرعيين علمود تستغلهم وتنطيهم اجر اقل بهواية من المفروض
واكرر هواية اكو شغل
اكثر من ان عقلك يستوعبه بس ان دور

شغله ثانية بخصوص السيارات مو شرط انت من توصل تشتري سياره غالية وحديثة بموديلها لان انت ماتعرف باجر شيصير وياك فاشتري سيارة زينه وتمشيك الى ان ترتب وضعك وبعدين اشتري الي يعجبك من تحصل شغل زين

شغله حساسة ثانية الي هيه الكردت
الكردت هو حياتك بامريكا
هواية ناس حاجين على الكردت فاني احب اضيف كم شغله
لاعبالك ان الكردت سكور يزيد بس لان انت تدفع الفواتير
اصلا فواتير المي والكهرباء والانشورنس والايجار والتلفون هذني اذا تدفعهن مايزيدن الكردت بس يقللن من الكردت اذا ماتدفعهن
الي يزيد الكردت هو دفع الديون مثلا قرض الطيارة الي انت جيت بي
هذا يزيد الكردت
من تشتري شي بالدين وتدفعه هذا يزيد الكردت
كل المبالغ الي انت تقترضها وتسددها على شكل اقساط تزيد الكردت
بس الكردت يعتمد على هذني بنسبة 35% بس
زين راح تسال والباقي شنو
شوف خلي ابسطله شغله الكردت سكور شنو
على سبيل المثال اني وصديقي جوني رحنه على صديق اسمه روي
اني وجون اداينه من روي كل واحد 100 دولار وكناله بعد شهر نرجعها الك
اني رجعت الدين بعد شهر بس جون جان عنده ضرف ماسمحلة يرد الدين فخابر روي وكله انطيني شهر لاخ
روي كاله اوكي
وره شهر جون مارجع الورقه والشهر الثالث والرابع والخامس بس بالسادس رجعله الفلوس لروي
وره سنه التاريخ عاد نفسة
اني وجون رحنه لروي نريد نداين منه بس هاي المره الف دولار
روي انطاني الفلوس لان اني كنت عد كلمتي ورجعتله الورقة اول مرة اداينت منه
بس جون اول شي ماحصل الالف من روي
ثاني شي روي كاله اداينك 300 بس من ترجعها الي لازم تكون 350 ووقعو عقد عليها
لان جون صار انسان مو كلش موثوق بي يم روي ومايعرف يتصرف ويدير فلوسه بالشكل الصحيح

اعتبر روي هو البنك
والكردت سكور هو مثل التزكية الك حتى البنك يثق بيك وينطيك فلوس
تقييم الكردت سكور يكون من شركة جبيرة اسمها فايكو ( فير ايزك كوبريشن )
واكو 3 مكاتب تاخذ وتنطي المعطيات من فايكو وتحسب السكور مالتك
تقييم السكور يكون بين 300 الى 850
البنوك والشركات ومعارض السيارات كل منهم يقيم الشخص حسب مزاجه
يعني اكو ناس يكلك 300 - 500 هذا ما انطي اي قرض و 600 الى 700 انطي بس بفائده عالية و فوك ال 700 انطي بفائده قليلة
واكو جهات لا عادي 500 ينطيك قرض بس يزيد الفائدة عليك
كلمن يتصرف حسب مصلحته
وكل جهه عدها تقييم خاص بيها
التقييم العام يكون بهذا الشكل
500 وجوه الكردت مسحوك ولازم تبني وتصحح وضعك
500- 580 كلش حيل ضعيف
580 - 620 ضعيف
620 - 660 مو كلش زين
660 - 700 جيد
700 - 760 جيد جداً
760 - 850 ممتاز
اني الحمد لله من وصلت اشتغل على الكردت وحاليا اني جيد جداً

خلي اوضح هذني شلون ينحسبن
1- تاريخك بدفع الاقساط ( وهاي تاثر بنسبة 35% على طريقة حساب السكور ) بس فايكو اول شي يباوعوله هو تاريخك او التزامك بدفع الاقساط ( مثلا قسط الطيارة او قسط سيارتك او الدفع علمود كارت الكردت )
2 -  انت شكد مديون ( 30 % من الحساب ) لان اذا كانت عليك ديون هواية اوتماتيكيا راح ينزلون الكردت مالتك حتى لاتروح وتاخذ بعد ديون وبعد ماتكدر تسدد ( واضحه مو ) مثلا اذا انت جنت مديون خمسين مليون واتحتاجيت بعد فد 20 مليون ورحت لصديقك ( ويكدر يداينك بس هو يعرف انت مطلوب ) وتكله انطيني 20 . تتوقع راح ينطيك ؟ لا طبعا لان يعرف انت اصلا غركان بالديون
3 - عمر الكردت ( 15 % ) يعني انت صارلك شكد من فاتح الكردت ( لان الي يريد ينطيك قرض ويشوفك انت مصارلك غير ست اشهر من فتحت الكردت و راح يكول ست اشهر موكافية حتى اعرف اذا انت انسان ملتزم بالتسديد او لا ) وبصراحة حقهم
4 - الكردت الجديد ( 10 % ) هو هذا يشبه عمر الكردت بس يفسح المجال ان احجي على نقطه مهمه _ الانكوايري _ اكو هارد انكوايري واكو سوفت انكوايري
الانكوايري يعني التجييك على الكردت
اي نعم اذا احد يجيك الكردت مالتك راح ينزل من نقاطك
اني جنت 730 ونزل صار 714 لان قدمت على كردت وانقبلت و قدمت على ايجار شقه
الهارد انكوايري هو ان احد يجيكك من فوك ليجوه مثلا البنك من تفتح كردت يمهم او من تريد تاخذ قرض او مثلا من تريد تشتري بيت او سيارة
هذني يوكعن بخانه ان واحد ديجيكك بشكل قوي ويريد يعرف انت شعندك ماعندك وخوما عليك ديون وشكد سكورك و خوما عليك قضايا
وصدكوني اني اجيك الكردت مالتي من اكسبيرين صح 40$ على كل مره اجيكه وغالي مقارنه بباقي الشركات بس هذولة ينطوك السكور بالمظبوط مو بشكل تخميني مثل الباقين ومن افتحه اشوف كلشي عني وهاي تفيد تسويها كل 3 اشهر او 6 اني اسويها كل 3 وتفيدك تعرف خوما احد منتحل شخصيتك وماخذ قرض باسمك لان مثل ما ذكرت ( كلشي عنك يطلع كل ديونك كل حساباتك اذا عليك قضية لاسامح الله حتى عناووينك السابقه وانت وين كاعد هسه
المهم اني الي مستغرب منه وبصراحة ما اعرف الجواب عليه ليش من تاجر شقه يسوون هارد انكوايري لان الانكوايري الواحد يضل بالفايل مالتك سنتين  واني هسه عندي انكوايريات اثنين بسبب الشقق وان شاء الله اريد اخابر اكسبيرين واسالهم واذا بيهن مجال احذفهن اجي وانزل موضوع لان الهارد انكوايري ماينحذف لو شماتسوي بس اكو فقره تكول لام تكون انت منطيهم التصريح ان يسوون عليك انكوايري طيب اني همه ماسالوني واني مانطيتهم التصريح
السوفت انكوايري : هذا اذا كنت مقدم على شغل والشركة تجيكك هذا ماينزل بالفايل او اذا انت حبيت تجيك على نفسك هذا هم ما ينزل بالفايل او مثلا انت اصلا عندك حساب كردت ويه بنك والبنك يريد يشوف اذا ينطيك زياده بالفلوس الي بالكردت ويجيك عليك هذا هم مينزل بالفايل

ليش الهارد انكوايرري ينزل السكور مالتك
لان من يشوفون انت مقدم على كردت  من بنك ومقدم على شراء سيارة وراجع مقدم على كردت من غير بنك وووو...  الخ يكولون هذا الشخص مديعرف يتصرف ومتعطش ان يكون مديون
فـ بكل محاولة ينزلون كم نقطه اوتماتيكيا و اي شخص يراجع الكردت ريبورت مالتك مراح يكون معجب بي بصراحة فاحتمال ماينطيك قرض علمود تشتري سيارة او شي

5 - انواع الكردت والديون الي عندك ( 10 % )
مثلا عندك 3 بطاقات كردت من 3 مصارف مختلفه وعندك دين الطيارة البسيط
وكلهن بوضع ممتاز هذا يزيد من سكورك بنسبة 10%


بالنسبة للجديدين لاتروحون للبنك وتطلبون كردت لان راح ييجيكم رفض بسرعة 495 مايل بالساعة
لان ماعدكم اي تاريخ مالي ولا اصلا انتو مسويلكم ريبورت لفايكو
اول شي تسوو تروحون للبنك تسوون سكيورد كردت
وبصراحة اني انصحكم ببنوك مابيها اجور سنوية مثلا بنك اوف اميركا 29 او 39 $ كل سنة ياخذون منك
كابتل ون اول سنة ابلاش بعدين 19 وعدهم كردت ياخذون 39 واكو حتى 75
السكيورد كردت هو ان تدفع مقدم تامينات وتاخذ عليها كردت كارد بحد فلوس نفس مبلغ التامين الي انت دافعه
بعد ماتسوي هذا بسنة و تبدي تسدد فلوس الطيارة روح على بنك اطلب كردت وانصحك بكابتل ون لان هذولة يوزعون كردت على روح المرحوم
يعني حتى لو الكردت سكور مالتك ضعيف هم ينطوك كردت ب 300$
البنوك الجبيرة مثل بنك اوف اميركا و جيس و ولس فاركو و بنك ستي و دسكفر هذولة لازم يكون عندك كردت قوي
بخصوص دسكفر اني هذا اكثر بنك احبه واتمنى يصير عندي كردت وياهم لان عدهم مميزات كلش قوية
وهمه دزولي عرض قبل يومين وشفته بالبريد بالليل بس المشكة الصبح اني جنت ماخذ ابروف على كردت ومن شفت البريد مال دسكفر رحت قدمت عليه وكالو انتظر من 5 الى 10 ايام عمل حته نكلك مقبول او لا
الحلو بدسكفر ان بالمستقبل ينطيك كردت بلا حد
هو الفائدة من الكردت شنو
مثلا لاسامح الله ان وكعت بمشكلة مثلا مرضت وماعندك كاش والتامين يغطيلك 80% من اجور العلاج
فرضا سويت عملية ب 50 الف دولار
التامين الصحي يغطيلك 40 الف
بس اكو عشره الف انت لازم تدفعهن شلون مالون
وخلي نكول انت حظك محلو وهستوك مشتري بيت وعليك دين 100 الف بالاضافة الى سيارتك بعد مطلوب عليها فد 10 الف
وماعندك فلوس لان انت دافع فلوس كلها مقدم للبيت
وهاي ال10 الف للمستشفى ماتكدر تدفعها ومايقسطوها الك لان انت اصلا عليك دين 110 الف
هنا الكردت كارد يلعب دوره

ملاحظات عامة على الكردت
* لاتبقي عليك دين بالكردت كارت ( ادفعهن كل شهر ) ولاتصدك احد يكلي لالا خلي فد خمسين دولار بالكردت كارت علمود تدفع فوائد علمود البنك يفرح لان ديحصل منك ( لالالالالا تصدك هذا الكلام الغبي لان قوانين حساب الكردت مو البنك خلاها والبنك مجبر ان يتبعها وهيه محطوطه لحماية البنك و العميل ) واذا ماتسدد الكردت كارت مالتك بنهاية كل شهر راح تنزل من سكورك
* من تفتح حساب كردت ويه بنك ( لاتسده )
* قرض الطيارة لاتدفعه كله دفعه وحده لان ان يكون عندك تاريخ دفع اقساط بين 12 الى 24 شهر شي ممتاز جدا ويثبت انت ملتزم بالدفع
* من يكون عندك كردت كارد لاتستخدمه كله للحد الاقصى دائما لاتعبر ال 30% او 40 % ( مثلا الكردت مالتك 1000 دولار حاول لاتعبر ال 40% شهريا يعني هذا المثال ينطبق عليه اني كردتي من بنك اوف اميركا الف و اعلى استخدام اله كان 448 $ دولار لشهر من الاشهر طبعا اني مسدده بنفس الشهر قبل الدو بس مكتوب بالريبورت مالته اعلى شي اني موصلة شكد ومكتوب المبلغ 448$ ) لان من تستخدم هواية منه راح يكولون هذا يصرف ومايعرف يدير امواله بشكل صحيح

اكو شي محد حاجي عليه بهذا المنتدى
الكردت يونين
الكردت يونين هو مصطلح يطلق على بنك بس هذا البنك مو لغرض ربح من الناس
مو بنك تجاري
مثلا اني الشركة الي اشتغل بيها اجتمعت ويه عدة شركات ثانية وسوو كردت يونين خاص بالموظفين مالتهم
محد ينقبل بي بس الموظفين وصار بنك تحت حماية فدرالية
هو بي حساب جيكنك و سيفنك وينطي كردت كارت
مابي اي اجور سنوية
خمس دولارات بس علمود تفتح الحساب
كل شغلته ان يضملك فلوس
مثلا انت على مزاجك شكد تريد ينكص من الصك مالتك ويروح للحساب مالتك يمهم
5 بالشهر او 10 او 50 او 100 انت بكيفك
هاي الفلوس راح يضموها يمهم شوكت ماتريدها تستعملها
وهمه بهاي الطريقة هاي الفلوس المضمومه منك ومن غيرك بالاضافة الى راس مال الشركة مالتك والشركات الاخرى
راح يصير مبلغ محترم بالكردت يونين
هذا المبلغ همه مراح يروحون يتاجرون بي
لا
هذا المبلغ هو علمودك
انت من تريد تشتري سيارة وتروح لابو معرض اول شي راح يخابر كل البنوك بالمدينه يطلب منهم قرض وانت احسب كم هارد انكوايري صار عليك
ثاني شي الفائدة لهذا القرض راح تكون عاليه مثلا نكول 8 % او 6%
الكردت يونين تخابرهم قبل ماتروح لابو المعرض تكللهم اني اريد اداين منكم فد 25 الف اريد اشتري سيارة
بدون لف ودوران يكلولك تدلل روح لابو المعرض وخابرنه مناك
وتروح وتحصل القرض وبفائدة 2%
المشكلة بالكردت يونين ان ميقبلون كل احد
مثلا مال شركتنه هو خاص لموظفين الشركة
واني هم ما اكدر اروح اقدم على غير كردت يونين لان مايقبلوني لان ما استوفي الشروط
اكو بنوك كردت يونين هذولة يكونون مثلا مال مدينة يعني الجماعة الي ساكنين بمدينه تلسا باوكلاهوما يكدرون يشاركون بهذا الكردت يونين
غير ناس مايكدرون
بس انت اذا صارتلك فرصه ان تشارك باحد فلاتضيعها ابداً
لان هذولة شغلتهم مو ربحية مايتاجرون بفلوسك وشوكت ماتحتاجهم يكونون موجودين
بس العيب الوحيد بالكردت يونين همه ماعدهم افرع بكل مكان
مثلا اني الكردت يونين مالتي باوكلاهوما بس اني عايش بتكساس بس شركتي قررت تسوي هنا
متستاهل ارفضه لهذا السبب فسالتهم شنو هسه
همه اصلا ديزولك دبت كارت واذا تريد تقدم على كردت وياهم
واذا تحتاج قرض بسيط شخصي او تريد تسحب من فلوسك الي انت ضامها بحسابك يمهم فيحولوها على حسابك البنكي مثلا مال بنك اوف اميركا او ولس فاركو او جيس
بس همه زينين كلش وخدمة الزبائن مالتهم متميزه يعني يشيلوك بالصلوات خاصة اذا هذا البنك يكون تابع لشركتك لان شركتك هيه الي تدفع فلوس المحاسبين هناك وهمه لخدمة موظفين الشركة

وهذا كل الي اعرفه عن الكردت وخلوها ببالكم كلما الكردت سكور مالتك يكون عالي كلما تكون حياتك احسن
امريكا حلوه وجنة للي يريدها
تعالو واشتغلو وعيشو والحياة بسيطة بس شويه صيرو سباع
ولاتعتمدون على المساعدات لان المساعدات تفكركم
وهاي سالفة الجزية و احنه عراقيين احنه اهل الغيرة غصباً ماعلى ابو الامريكان يدفعولنه مساعدات همه مو باكو نفطنه
هاي شيلوها من راسكم
على شنو هو اصلا احنه منو على ثقافتنه على علمنه مايكفي سرقنه المتحف الوطني
فلاتتكبرون زايد عن اللزوم وكونو بسطاء واندمجو بلمجتمع تره الامريكان شعب كلش فطير وعلى نياته لان ماشايفين قهر وحروب
وشتكله يصدك بحيث مرات يدقك هلكد مافطير
المكسيكيين مو كلهم موزينين بس بصراحة همه هواية احسن من عدنه يعني انكسهم ييجي يحجي بوجهك ومايخاف من عندك مو مثلنه النفاق والطعن بالظهر
وراح تتشوفهم تكتلات يعني واحد يساعد الثاني وهم مو مثلنه واحد ينبش كبر الثاني
السود حشاشه مو يعني يحششون حشيش هاي عادي عدهم بس همه ونسه وتحشيش ومن يخاوون واحد يخاوو من صدك مو كلاوات
وبيهم الزين وبيهم الموزين

واتبع القانون ولاتخاف

تمنياتي الكم بالنجاح والموفقية


لحد الان موضوعك يعتبر واحد من اروع المواضيع الي قريتها بهذا المنتدى وكلامك جدا جدا صحيح ... اتمنى من الله ان ايوفقك وايحقق جميع امانيك وفعلا انته بذلت مجهود كبير ورائع في كتابه هذ المضوع جعله الله في ميزان حسناتك ووفقك ورعاك اخي العزيز
اخوك علي , كونيتيكت

غير متصل أسراء الوردة

  • مبدع قسم الهجرة
  • عضو مميز
  • *
  • مشاركة: 1745
    • مشاهدة الملف الشخصي
الأخ الفاضل

شكراً للموضوع المهم وسيل المعلومات الدقيقة والصادقة والطريقة البسيطة بالطرح


وهذا ما يحتاجونه أهلنا الطيبين ..... بعد مواضيع الأسابيع الماضية المدمرة للأمل


الرجاء وبكرمكم الغالي النظر بتغيير العنوان ليتناسب مع الطرح الصادق ولسهولة البحث في الأرشيف


جزاكم الله خير الجزاء

وفقتم للخير





غير متصل أسراء الوردة

  • مبدع قسم الهجرة
  • عضو مميز
  • *
  • مشاركة: 1745
    • مشاهدة الملف الشخصي
الأدارة الكريمة :
========

يرجى النظر بتثبيت الموضوع .... للفائدة العامة



وفقتم للخير


غير متصل دبس و راشي

  • وسام الهجرة واللاجئين
  • عضو فعال جدا
  • *
  • مشاركة: 659
    • مشاهدة الملف الشخصي
السلام عليكم

اني صارلي اكثر من سنة بامريكا
وجنت اكتب دائما بالمنتدى بس من وصلت امريكا فرمتت الابتوب وانمسح الباسورد الي كان مخزون  بالبراوزر وماكدرت افوت مره ثانية
وجنت دائما اطلب ان ارست الباسورد بس المنتدى ميدزلي ايميل علمود اسوي باسورد جديد
وهسه بالصدفه دا احاول وتذكرته
المهم
اني اخر شي كتبته يمكن استلمت الفيزا
اني استلمت الفيزا مالتي بوقت قياسي وكان تحديد يوم السفر اطول بهواية من وقت المعاملة
وصلت لامريكا وباقي على فيزتي تقريبا اسبوعين
كانت رحلة كلش متعبه طولت 3 ايام وماخلوني بفندق كضيتها انام على الارض
الصراحة طن المعلومات المغلوطة الموجود بهذا المنتدى كبير
واكو اعضاء كانو يكتبون بهذا المنتدى كانو يسببولي ارق الصراحة
بغض النظر عن ماكو سفر ( بوقت استلام فيزتي ) ومن رحت للمطار اني طالع ويه طيارة بيها حوالي خمسين شخص بس اس اي في
وعن الناس الي جانو يكتبون 3 عوائل راجعة للعراق من فلان ولاية
صاحبي رجع للعراق من ولاية... الخ
اكو هواية اشخاص مايتمنون الخير للناس
وعلى الجهه الاخرى اكو اشخاص ييجون يسوون امريكا جنة وربيع
مراح اذكر اسم بس اكو شخص مشهور جدا بالمنتدى وعنده هواية مواضيع الله جابني بنفس المجمع الي هو ساكن بي
من ارجع اقره مواضيعه واشوف حاله يعني الرجال ما شاء الله يسوي اعلانات لامريكا مدري ليش

اني احاول استوعب شلون الناس يفكرون وليش هيج ديسوون مدا اكدر الصراحة . اسف
هذا الموضوع اريد انزله من زمان بس ماكدرت
فخلي نجي نحللهن
ماكو سفر
لا حبيبي السفر موجود وناس بالاطنان دييجون بس انتظر سراك
ولاتكعد تكلي ماعندي حظ
ماكو شي اسمه حظ
كلشي ناتج عن افعالك ( ازرع تحصد ) بالنسبة للمترجمين الله اليعلم انت شجنت تسوي بالمعسكر وشجانو يكتبون عليك
اني اعرف ولد تعارك ويه متعاقد امريكي وشال عليه سجينه وقدم اس اي في وطبعا رفض وكعد يكول اني شمسوي
يا اخي احجي الي الك والي عليك
ثانيا
اني لحد هسه ماشفت احد رجع الصراحة
سمعت اكو واحد رجع قبل شهر بس الولد اجه بوحده بدون زوجته واطفالة واول ساعة بامريكا ماتحمل وكام يبجي اي نعم جان يبجي على اهله وبعد 3 ايام حجز ورجع ( الكلام نقلاً عن صديق ثقة )
اما باقي الناس فالصراحة حته الي ماعنده لغة فعايشين وامورهم ماشيه والحمد لله
واني اتكلم عن الناس الي وصلو امريكا بنفس الفتره ويايه ما اتكلم عن الناس الي وواصلين قبلي بسنة لان همه اصلا مستقرين
الي وصلو ويايه 80% منهم ولاطكه باللغه
وهاي مشكلة الصراحة بس تجاوزوها لان يريدون يعيشون وهمه ناس مجايين من عدم من العراق هواية منهم موظفين وبيوتهم ملك بس يريدون عيشه كريمه
وكانو يكدرون يرجعون بكل سهولة بس شافو الوضع هنا هواية احسن من وضع العراق
وهذا سبب اني اسم موضوعي جذب جذب جذب
لان سمعنه هواية جذب عن امريكا والحياة هنا تختلف للاحسن
اني واحد من الناس من جنت اخابر الي بامريكا بعد ما استلمت فيزا صدكوني هواية ناس سودوها بوجهي
وصلت مرحلة واحده من اصدقائي يكلي لاتجي احسنلك ( ما انساها اله طبعا )
وراح اكتب كم شغله ان شاء الله تفيد الناس وبعدها احجي تجربتي
احب اكول للناس الي يريدون ييجون ان من الافضل لو تبدي تشتغل على لغتك من هسه
ولاتكلي كلشي بوقته حلو وخلي اوصل بالاول
ليش اخي شناقصك
ابدي تعلملك كم كلمة من هسه حتى لاتوصل هناك وتضل تفر باذنك ماتعرف كلشي
ونصيحة ثانية
اذا عندك سن بي مشكلة روح سوي بالعراق ارخص بهواية من امريكا
اني اتعجب على العراقيين الي ييجون لامريكا ويريدون يسوون سنونهم هنا
يمعودين ماعدكم تامين صحي على الاسنان والاسنان هنا تصليحهن غالي فسووهن بالعراق
اني احجي لمصلحتكم فاعذروني اذا  احجي بعصبيه بس والله تنضرون اذا تريدون تسوون سنونكم هنا
شغله لخ لاتصرفون فلوسكم على الملابس بالعراق
اذا تحب تشتري ( للرجال ) اشتري قماصل جلد لان اني شفت قماصل العراق الجلد الزين ارخص واحلى من القماصل الي هنا
غير شي تعال بهدومك
بالنسبة للمحجبات فجيبو هدوم وياكم
واذا عدكم ناس عليهم الاعتماد بالعراق فخلي يدزولكم بالبريد العراقي شغلته مضمونه وتوصل بحدود الشهر
الاجهزة الكهربائية هنا ارخص وبيهن ضمان
اذا عدكم مرض مزمن فجيبو ادوية وياكم لان راح تحتاجون وقت علما تحصلون التامين الصحي المؤقت ( واكول المؤقت لان بعدين لازم تشتغل وتحصل تامين صحي )
سيديات برامج ووندوز وافلام ومسلسلات ( اني ) ما اشوف الهن داعي لان اغلب الحاسبات ييجي وياها وندوز اصلي والبرامج موجوده وبكثرة على النت والافلام والمسلسلات بعد اكثر
كلشي هنا موجود وباسعار معقولة ( حسب المكان الي تشتري منه )

عن تجربتي الخاصة والي 100% تختلف عن تجارب باقي الناس لان كل انسان عنده شخصيته وطريقة تفكيرة الخاصة بي وطريقة معالجته للمشاكل وطموحة
اني وصلت لامريكا عن طريق الاس اي في لان كنت مترجم
حالي حال عباد الله
ماصار عندي هوم سك ولاكعدت اسمع اغاني قديمه ولا ضليت ادخن وكاعد بوحدي بالشارع صافن
وصلت بال 2 بليل اني ثاني يوم بالصبح طلعت مشي اعرف منطقتي وعرفت المنطقة بالي يفيدني
اني صارت عندي هواية مشاكل بالبداية لان جنت واصل بوحدي الروم ميت مالتي هو حباب بس ماعنده راي ثابت وكلش متقلب ومايعرف شيريد
وكان عندي مشاكل بالسوشل والكرين كارد ما استلمت السوشل غير شهرين
المنظمة كانو كابوس كلشي ماسوولي بالعكس ضروني لان جماعة الامريشن يدزولهم بريد علمودي يحتاجون معلومات وبصماتي علمود يكملون الكرين كارد وهمه مغلسين وماشوفوني البريد غير بعد شهر من استلامهم اله وحتى بالمراجعه علمود الكرين كارد اني جنت اروح واحجي واحدد مواعيد
طبعا الشكر لان الكيس ووركر عراقي اصيل
المهم اني مجنت رايد منهم شي هم خلف الله عليهم استقبلوني
مساعداتي طولت شهرين بس الشهر الثالث اني ادفع من جيبي
واني اصلا مجانت عندي فلوس هواية لان اني جنت طالع من العراق ومشتري بيت ثاني ومعمره ومخلص كل فلوسي
بدايتي جانت كارثية بصراحة بس ماخليتها تاثر على نفسيتي ولاضليت الطم
دورت شغل ولكيت الحمد لله اشتغلت ب 8 دولارات بارت تايم جانت بالكوه تكفي الايجار والفواتير ويبقى من الراتب 5 دولارات ماتكفي باكيت جكاير
بس الحمد لله والشكر مابجيت ولا كلت راح ارجع جنت افكر بالحل ما افكر بالمشكلة
اغلب الناس من يكونون بهيج موقف راح يضل يفكر بالمشكلة ويفكر بايام العراق الخالده
واني انصح كل الناس اذا مرو بمثل هيج موقف واشتغلو شغل سد بسد ويه فواتيرهم لايبجون لان الحمد لله مامحتاجين لاحد
بديت ادور غير شغل بس بشكل غير جدي ( بصراحة ) لان اني كان بالي يم شغله ثانية بغير مدينه هم بتكساس
ورحت قدمت هناك وبعد جر وعر وانت مقبول تعال اشتغل واوصل هناك يكلولي البوزشنات انترست حاول مره لخ ها واني بهذا اليوم بطلت من شغلي
وبعدها ضليت شهرين بين كاعد ومو كاعد ( قدمت على شركة توضيف وجانو كل يوم يشمروني بمكان شغل عمالة دك كراب )
الى ان حصلت الشغل الي اريده والحمد لله اموري مشت هاي كلها صارت باول ست اشهر
اول ست اشهر بامريكا مجانت سهله ابداً
بصراحة جنت جحيم واذا اقارن وضعي بالعراق فاني بالعراق جنت كلش كلش مرتاح والفلوس منين ما اميل اغرف والحمد لله
بس يبقى الجانب الامني كان ماثر عليه شويه والبلد والناس مايساعدون ان الواحد يستمر بالعراق
بس مع ذلك مارجعت للعراق لان جنت مرتاح مادياً
يكلك امريكا ارض الفرص وصحيح هذا الشي
انت لازم تشتغل وتكافح الى ان تلكه فرصتك ولاتستسلم
امريكا انت تصوغها حسب مزاجك تريدها جنة تصيرلك جنة تريدها جحيم تصيرلك جحيم
تسمع بازمة اقتصادية والحكومة متوقفة صحيح
بس اذا تجي تسالني شنو تاثيراتها عليك انت
اكلك انت على شنو دتحجي ؟ ليش هو شصاير
حبيبي خلي تحترك الحكومة انت شعليك هذا بلد راسمالي الحكومة لاتودي ولاتجيب
انت شغلك قطاع خاص سكنك قطاع خاص الكهرباء قطاع خاص منين مادير وجهك قطاع خاص
ماكو شي تابع للحكومة
اكثر ناس تضررو بالتوقف مال الحكومة همه الناس الي جوي جديدين لان اسبوعين ياله كدرو يقدمون على السوشل
واني اعرف ولد وصل بفتره التوقف وبعد نهاية الازمة قدم على السوشل واخذه وعادي كلش
ثانيا لاتخاف على امريكا هذولة ناس يعرفون شلون يشتغلون

نجي على الشغل الي هو اهم شي
باعتبارك جديد المنظمة المفروض تحصلك شغل ( اني لان مترجم كالولي انت مالك اولوية لان انت تكدر تلكه شغل بنفسك احنه الشغل ننطي للناس الي مايحجون انكليزي ) هذا نص كلام الكيس ووركر واني كتله احسن
المنظمة راح تجيبلك شغل مال عبيد بس يكفيك وهو يعتبر ممتاز للفترة الانتقالية
ليش اسميها انتقالية
لان اول شغل راح تحصلة هو مجرد ضمان مادي الك وينطيك وقت كافي تدور على غير شغل
لا اكثر لا اقل
اذا جان عاجبك تشتغل بمعمل واكف على رجلك باجر يعتبر مو مجزي براحتك
كتلك هاي حياتك وانت تتخذ القرارات
اكو هواية شغل غير المعامل تنطي اكثر وجهد بدني اقل
لان الشغل الي بي جهد بدني هذا لازم يكون اجره عالي بس المعامل تشغل ناس ماعدهم لغه قوية او مرات حتى يكونون غير شرعيين علمود تستغلهم وتنطيهم اجر اقل بهواية من المفروض
واكرر هواية اكو شغل
اكثر من ان عقلك يستوعبه بس ان دور

شغله ثانية بخصوص السيارات مو شرط انت من توصل تشتري سياره غالية وحديثة بموديلها لان انت ماتعرف باجر شيصير وياك فاشتري سيارة زينه وتمشيك الى ان ترتب وضعك وبعدين اشتري الي يعجبك من تحصل شغل زين

شغله حساسة ثانية الي هيه الكردت
الكردت هو حياتك بامريكا
هواية ناس حاجين على الكردت فاني احب اضيف كم شغله
لاعبالك ان الكردت سكور يزيد بس لان انت تدفع الفواتير
اصلا فواتير المي والكهرباء والانشورنس والايجار والتلفون هذني اذا تدفعهن مايزيدن الكردت بس يقللن من الكردت اذا ماتدفعهن
الي يزيد الكردت هو دفع الديون مثلا قرض الطيارة الي انت جيت بي
هذا يزيد الكردت
من تشتري شي بالدين وتدفعه هذا يزيد الكردت
كل المبالغ الي انت تقترضها وتسددها على شكل اقساط تزيد الكردت
بس الكردت يعتمد على هذني بنسبة 35% بس
زين راح تسال والباقي شنو
شوف خلي ابسطله شغله الكردت سكور شنو
على سبيل المثال اني وصديقي جوني رحنه على صديق اسمه روي
اني وجون اداينه من روي كل واحد 100 دولار وكناله بعد شهر نرجعها الك
اني رجعت الدين بعد شهر بس جون جان عنده ضرف ماسمحلة يرد الدين فخابر روي وكله انطيني شهر لاخ
روي كاله اوكي
وره شهر جون مارجع الورقه والشهر الثالث والرابع والخامس بس بالسادس رجعله الفلوس لروي
وره سنه التاريخ عاد نفسة
اني وجون رحنه لروي نريد نداين منه بس هاي المره الف دولار
روي انطاني الفلوس لان اني كنت عد كلمتي ورجعتله الورقة اول مرة اداينت منه
بس جون اول شي ماحصل الالف من روي
ثاني شي روي كاله اداينك 300 بس من ترجعها الي لازم تكون 350 ووقعو عقد عليها
لان جون صار انسان مو كلش موثوق بي يم روي ومايعرف يتصرف ويدير فلوسه بالشكل الصحيح

اعتبر روي هو البنك
والكردت سكور هو مثل التزكية الك حتى البنك يثق بيك وينطيك فلوس
تقييم الكردت سكور يكون من شركة جبيرة اسمها فايكو ( فير ايزك كوبريشن )
واكو 3 مكاتب تاخذ وتنطي المعطيات من فايكو وتحسب السكور مالتك
تقييم السكور يكون بين 300 الى 850
البنوك والشركات ومعارض السيارات كل منهم يقيم الشخص حسب مزاجه
يعني اكو ناس يكلك 300 - 500 هذا ما انطي اي قرض و 600 الى 700 انطي بس بفائده عالية و فوك ال 700 انطي بفائده قليلة
واكو جهات لا عادي 500 ينطيك قرض بس يزيد الفائدة عليك
كلمن يتصرف حسب مصلحته
وكل جهه عدها تقييم خاص بيها
التقييم العام يكون بهذا الشكل
500 وجوه الكردت مسحوك ولازم تبني وتصحح وضعك
500- 580 كلش حيل ضعيف
580 - 620 ضعيف
620 - 660 مو كلش زين
660 - 700 جيد
700 - 760 جيد جداً
760 - 850 ممتاز
اني الحمد لله من وصلت اشتغل على الكردت وحاليا اني جيد جداً

خلي اوضح هذني شلون ينحسبن
1- تاريخك بدفع الاقساط ( وهاي تاثر بنسبة 35% على طريقة حساب السكور ) بس فايكو اول شي يباوعوله هو تاريخك او التزامك بدفع الاقساط ( مثلا قسط الطيارة او قسط سيارتك او الدفع علمود كارت الكردت )
2 -  انت شكد مديون ( 30 % من الحساب ) لان اذا كانت عليك ديون هواية اوتماتيكيا راح ينزلون الكردت مالتك حتى لاتروح وتاخذ بعد ديون وبعد ماتكدر تسدد ( واضحه مو ) مثلا اذا انت جنت مديون خمسين مليون واتحتاجيت بعد فد 20 مليون ورحت لصديقك ( ويكدر يداينك بس هو يعرف انت مطلوب ) وتكله انطيني 20 . تتوقع راح ينطيك ؟ لا طبعا لان يعرف انت اصلا غركان بالديون
3 - عمر الكردت ( 15 % ) يعني انت صارلك شكد من فاتح الكردت ( لان الي يريد ينطيك قرض ويشوفك انت مصارلك غير ست اشهر من فتحت الكردت و راح يكول ست اشهر موكافية حتى اعرف اذا انت انسان ملتزم بالتسديد او لا ) وبصراحة حقهم
4 - الكردت الجديد ( 10 % ) هو هذا يشبه عمر الكردت بس يفسح المجال ان احجي على نقطه مهمه _ الانكوايري _ اكو هارد انكوايري واكو سوفت انكوايري
الانكوايري يعني التجييك على الكردت
اي نعم اذا احد يجيك الكردت مالتك راح ينزل من نقاطك
اني جنت 730 ونزل صار 714 لان قدمت على كردت وانقبلت و قدمت على ايجار شقه
الهارد انكوايري هو ان احد يجيكك من فوك ليجوه مثلا البنك من تفتح كردت يمهم او من تريد تاخذ قرض او مثلا من تريد تشتري بيت او سيارة
هذني يوكعن بخانه ان واحد ديجيكك بشكل قوي ويريد يعرف انت شعندك ماعندك وخوما عليك ديون وشكد سكورك و خوما عليك قضايا
وصدكوني اني اجيك الكردت مالتي من اكسبيرين صح 40$ على كل مره اجيكه وغالي مقارنه بباقي الشركات بس هذولة ينطوك السكور بالمظبوط مو بشكل تخميني مثل الباقين ومن افتحه اشوف كلشي عني وهاي تفيد تسويها كل 3 اشهر او 6 اني اسويها كل 3 وتفيدك تعرف خوما احد منتحل شخصيتك وماخذ قرض باسمك لان مثل ما ذكرت ( كلشي عنك يطلع كل ديونك كل حساباتك اذا عليك قضية لاسامح الله حتى عناووينك السابقه وانت وين كاعد هسه
المهم اني الي مستغرب منه وبصراحة ما اعرف الجواب عليه ليش من تاجر شقه يسوون هارد انكوايري لان الانكوايري الواحد يضل بالفايل مالتك سنتين  واني هسه عندي انكوايريات اثنين بسبب الشقق وان شاء الله اريد اخابر اكسبيرين واسالهم واذا بيهن مجال احذفهن اجي وانزل موضوع لان الهارد انكوايري ماينحذف لو شماتسوي بس اكو فقره تكول لام تكون انت منطيهم التصريح ان يسوون عليك انكوايري طيب اني همه ماسالوني واني مانطيتهم التصريح
السوفت انكوايري : هذا اذا كنت مقدم على شغل والشركة تجيكك هذا ماينزل بالفايل او اذا انت حبيت تجيك على نفسك هذا هم ما ينزل بالفايل او مثلا انت اصلا عندك حساب كردت ويه بنك والبنك يريد يشوف اذا ينطيك زياده بالفلوس الي بالكردت ويجيك عليك هذا هم مينزل بالفايل

ليش الهارد انكوايرري ينزل السكور مالتك
لان من يشوفون انت مقدم على كردت  من بنك ومقدم على شراء سيارة وراجع مقدم على كردت من غير بنك وووو...  الخ يكولون هذا الشخص مديعرف يتصرف ومتعطش ان يكون مديون
فـ بكل محاولة ينزلون كم نقطه اوتماتيكيا و اي شخص يراجع الكردت ريبورت مالتك مراح يكون معجب بي بصراحة فاحتمال ماينطيك قرض علمود تشتري سيارة او شي

5 - انواع الكردت والديون الي عندك ( 10 % )
مثلا عندك 3 بطاقات كردت من 3 مصارف مختلفه وعندك دين الطيارة البسيط
وكلهن بوضع ممتاز هذا يزيد من سكورك بنسبة 10%


بالنسبة للجديدين لاتروحون للبنك وتطلبون كردت لان راح ييجيكم رفض بسرعة 495 مايل بالساعة
لان ماعدكم اي تاريخ مالي ولا اصلا انتو مسويلكم ريبورت لفايكو
اول شي تسوو تروحون للبنك تسوون سكيورد كردت
وبصراحة اني انصحكم ببنوك مابيها اجور سنوية مثلا بنك اوف اميركا 29 او 39 $ كل سنة ياخذون منك
كابتل ون اول سنة ابلاش بعدين 19 وعدهم كردت ياخذون 39 واكو حتى 75
السكيورد كردت هو ان تدفع مقدم تامينات وتاخذ عليها كردت كارد بحد فلوس نفس مبلغ التامين الي انت دافعه
بعد ماتسوي هذا بسنة و تبدي تسدد فلوس الطيارة روح على بنك اطلب كردت وانصحك بكابتل ون لان هذولة يوزعون كردت على روح المرحوم
يعني حتى لو الكردت سكور مالتك ضعيف هم ينطوك كردت ب 300$
البنوك الجبيرة مثل بنك اوف اميركا و جيس و ولس فاركو و بنك ستي و دسكفر هذولة لازم يكون عندك كردت قوي
بخصوص دسكفر اني هذا اكثر بنك احبه واتمنى يصير عندي كردت وياهم لان عدهم مميزات كلش قوية
وهمه دزولي عرض قبل يومين وشفته بالبريد بالليل بس المشكة الصبح اني جنت ماخذ ابروف على كردت ومن شفت البريد مال دسكفر رحت قدمت عليه وكالو انتظر من 5 الى 10 ايام عمل حته نكلك مقبول او لا
الحلو بدسكفر ان بالمستقبل ينطيك كردت بلا حد
هو الفائدة من الكردت شنو
مثلا لاسامح الله ان وكعت بمشكلة مثلا مرضت وماعندك كاش والتامين يغطيلك 80% من اجور العلاج
فرضا سويت عملية ب 50 الف دولار
التامين الصحي يغطيلك 40 الف
بس اكو عشره الف انت لازم تدفعهن شلون مالون
وخلي نكول انت حظك محلو وهستوك مشتري بيت وعليك دين 100 الف بالاضافة الى سيارتك بعد مطلوب عليها فد 10 الف
وماعندك فلوس لان انت دافع فلوس كلها مقدم للبيت
وهاي ال10 الف للمستشفى ماتكدر تدفعها ومايقسطوها الك لان انت اصلا عليك دين 110 الف
هنا الكردت كارد يلعب دوره

ملاحظات عامة على الكردت
* لاتبقي عليك دين بالكردت كارت ( ادفعهن كل شهر ) ولاتصدك احد يكلي لالا خلي فد خمسين دولار بالكردت كارت علمود تدفع فوائد علمود البنك يفرح لان ديحصل منك ( لالالالالا تصدك هذا الكلام الغبي لان قوانين حساب الكردت مو البنك خلاها والبنك مجبر ان يتبعها وهيه محطوطه لحماية البنك و العميل ) واذا ماتسدد الكردت كارت مالتك بنهاية كل شهر راح تنزل من سكورك
* من تفتح حساب كردت ويه بنك ( لاتسده )
* قرض الطيارة لاتدفعه كله دفعه وحده لان ان يكون عندك تاريخ دفع اقساط بين 12 الى 24 شهر شي ممتاز جدا ويثبت انت ملتزم بالدفع
* من يكون عندك كردت كارد لاتستخدمه كله للحد الاقصى دائما لاتعبر ال 30% او 40 % ( مثلا الكردت مالتك 1000 دولار حاول لاتعبر ال 40% شهريا يعني هذا المثال ينطبق عليه اني كردتي من بنك اوف اميركا الف و اعلى استخدام اله كان 448 $ دولار لشهر من الاشهر طبعا اني مسدده بنفس الشهر قبل الدو بس مكتوب بالريبورت مالته اعلى شي اني موصلة شكد ومكتوب المبلغ 448$ ) لان من تستخدم هواية منه راح يكولون هذا يصرف ومايعرف يدير امواله بشكل صحيح

اكو شي محد حاجي عليه بهذا المنتدى
الكردت يونين
الكردت يونين هو مصطلح يطلق على بنك بس هذا البنك مو لغرض ربح من الناس
مو بنك تجاري
مثلا اني الشركة الي اشتغل بيها اجتمعت ويه عدة شركات ثانية وسوو كردت يونين خاص بالموظفين مالتهم
محد ينقبل بي بس الموظفين وصار بنك تحت حماية فدرالية
هو بي حساب جيكنك و سيفنك وينطي كردت كارت
مابي اي اجور سنوية
خمس دولارات بس علمود تفتح الحساب
كل شغلته ان يضملك فلوس
مثلا انت على مزاجك شكد تريد ينكص من الصك مالتك ويروح للحساب مالتك يمهم
5 بالشهر او 10 او 50 او 100 انت بكيفك
هاي الفلوس راح يضموها يمهم شوكت ماتريدها تستعملها
وهمه بهاي الطريقة هاي الفلوس المضمومه منك ومن غيرك بالاضافة الى راس مال الشركة مالتك والشركات الاخرى
راح يصير مبلغ محترم بالكردت يونين
هذا المبلغ همه مراح يروحون يتاجرون بي
لا
هذا المبلغ هو علمودك
انت من تريد تشتري سيارة وتروح لابو معرض اول شي راح يخابر كل البنوك بالمدينه يطلب منهم قرض وانت احسب كم هارد انكوايري صار عليك
ثاني شي الفائدة لهذا القرض راح تكون عاليه مثلا نكول 8 % او 6%
الكردت يونين تخابرهم قبل ماتروح لابو المعرض تكللهم اني اريد اداين منكم فد 25 الف اريد اشتري سيارة
بدون لف ودوران يكلولك تدلل روح لابو المعرض وخابرنه مناك
وتروح وتحصل القرض وبفائدة 2%
المشكلة بالكردت يونين ان ميقبلون كل احد
مثلا مال شركتنه هو خاص لموظفين الشركة
واني هم ما اكدر اروح اقدم على غير كردت يونين لان مايقبلوني لان ما استوفي الشروط
اكو بنوك كردت يونين هذولة يكونون مثلا مال مدينة يعني الجماعة الي ساكنين بمدينه تلسا باوكلاهوما يكدرون يشاركون بهذا الكردت يونين
غير ناس مايكدرون
بس انت اذا صارتلك فرصه ان تشارك باحد فلاتضيعها ابداً
لان هذولة شغلتهم مو ربحية مايتاجرون بفلوسك وشوكت ماتحتاجهم يكونون موجودين
بس العيب الوحيد بالكردت يونين همه ماعدهم افرع بكل مكان
مثلا اني الكردت يونين مالتي باوكلاهوما بس اني عايش بتكساس بس شركتي قررت تسوي هنا
متستاهل ارفضه لهذا السبب فسالتهم شنو هسه
همه اصلا ديزولك دبت كارت واذا تريد تقدم على كردت وياهم
واذا تحتاج قرض بسيط شخصي او تريد تسحب من فلوسك الي انت ضامها بحسابك يمهم فيحولوها على حسابك البنكي مثلا مال بنك اوف اميركا او ولس فاركو او جيس
بس همه زينين كلش وخدمة الزبائن مالتهم متميزه يعني يشيلوك بالصلوات خاصة اذا هذا البنك يكون تابع لشركتك لان شركتك هيه الي تدفع فلوس المحاسبين هناك وهمه لخدمة موظفين الشركة

وهذا كل الي اعرفه عن الكردت وخلوها ببالكم كلما الكردت سكور مالتك يكون عالي كلما تكون حياتك احسن
امريكا حلوه وجنة للي يريدها
تعالو واشتغلو وعيشو والحياة بسيطة بس شويه صيرو سباع
ولاتعتمدون على المساعدات لان المساعدات تفكركم
وهاي سالفة الجزية و احنه عراقيين احنه اهل الغيرة غصباً ماعلى ابو الامريكان يدفعولنه مساعدات همه مو باكو نفطنه
هاي شيلوها من راسكم
على شنو هو اصلا احنه منو على ثقافتنه على علمنه مايكفي سرقنه المتحف الوطني
فلاتتكبرون زايد عن اللزوم وكونو بسطاء واندمجو بلمجتمع تره الامريكان شعب كلش فطير وعلى نياته لان ماشايفين قهر وحروب
وشتكله يصدك بحيث مرات يدقك هلكد مافطير
المكسيكيين مو كلهم موزينين بس بصراحة همه هواية احسن من عدنه يعني انكسهم ييجي يحجي بوجهك ومايخاف من عندك مو مثلنه النفاق والطعن بالظهر
وراح تتشوفهم تكتلات يعني واحد يساعد الثاني وهم مو مثلنه واحد ينبش كبر الثاني
السود حشاشه مو يعني يحششون حشيش هاي عادي عدهم بس همه ونسه وتحشيش ومن يخاوون واحد يخاوو من صدك مو كلاوات
وبيهم الزين وبيهم الموزين

واتبع القانون ولاتخاف

تمنياتي الكم بالنجاح والموفقية


أبو سمـــر
اخ لو تعرف شكد كسبت ثواب بموضوعك هذا.. وشكد اكو ناس جانت متشأمة قبل كتابتك.. وشكد صار عدها تفائل من بعد قراءة موضوعك.
فبارك الله بيك أخي العزيز. ووفقك رب العزة بما فيه خير لك . وطرح الله البركة بصحتك و بمالك وعملك.
واضم صوتي لاصوات الاخوة الذين طالبوا الادارة الكريمة بتثبيت الموضوع.
تحياتي

غير متصل ابو سمر

  • عضو فعال جدا
  • ***
  • مشاركة: 388
  • الجنس: ذكر
    • مشاهدة الملف الشخصي
اشكركم جداً على كلماتكم الرائعة ومشاعركم الصادقه
والله اخواني وخواتي هاي الحقيقة بدون تزيين
امريكا زينه وحلوه وتخبل لليشتغل والي مايشتغل ويريد ينام فهاي جحيم
حالها حال العراق بس بالعراق ممكن تموت لاجل 10000 دينار
او حتى تموت بتكلفة 750 دينار فلوس الطلقة
واني ما اتمنى هذا الشي لاي عراقي

وان شاء الله اكتب بعد مواضيع تخدم القادمين الجدد للفائدة العامة

غير متصل Sound of Soul

  • الاداري الذهبي
  • عضو مميز متقدم
  • *******
  • مشاركة: 13023
  • الجنس: أنثى
  • اردت العيش كما تريد نفسي فعاشت نفسي كما يريد زماني
    • مشاهدة الملف الشخصي
    • http://www.ankawa.com/forum/index.php/board,53.0.html


تحية طيبة للاخ كاتب الموضوع ولجميع الاخوة الكرام
لي ملاحظتين على الموضوع مع بيان انني اتفق بكل التفاصيل التي اتى بها الاخ ابو سمر عن الحياة الامريكية :

الملاحظة الاولى قوله (( الصراحة طن المعلومات المغلوطة الموجود بهذا المنتدى كبير))
اود ان اوضح ان المنتدى هو عبارة عن مجموعة تجارب الاعضاء الناجح منها ومن لم ينجح.
والمنتدى لا يتبنى أي من هذه التجارب سلبها وايجابها
 وقد اوضحنا ذلك مرارا وهذا الكلام مثبت في موضوع  فهرسة اهم مواضيع منتدى الهجرة واللجوء
http://www.ankawa.com/forum/index.php/topic,603190.0.html
لكن هل هذا يعني ان تجارب الاعضاء غير صحيحة ؟ قطعا لا فكل يطرح رأيه وفق تجربته الشخصية .
مع تأشيرنا لبعض الحالات السلبية التي يتم فيها التسويق لتجارب فاشلة باستخدام الفاظ غير لائقة
بهم اولا وبالمنتدى ثانيا وبالدولة التي اكرمتهم ثالثا ولا نتغاظى الطرف ايضا عن محاولات البعض التخريبية .
هذه حقائق موجودة ونحن نتعامل معها وفق ما نراه صحيحا ويخدم مصلحة الاعضاء والتجربة الديمقراطية
 في المنتدى بحدود اللياقة الادبية والاحترام .

الملاحظة الثانية (( وعلى الجهه الاخرى اكو اشخاص ييجون يسوون امريكا جنة وربيع
مراح اذكر اسم بس اكو شخص مشهور جدا بالمنتدى وعنده هواية مواضيع الله جابني بنفس المجمع الي هو ساكن بي
من ارجع اقره مواضيعه واشوف حاله يعني الرجال ما شاء الله يسوي اعلانات لامريكا مدري ليش ))

هذا الكلام سيتم رفعه او يقوم الاخ صاحب الموضوع بتعديله
اعتزازنا كبير بالمجهود الذي قدمه جميع اخوتنا المحترمين من اعضاء منتدانا القدامى ولن نقبل بذكر اسماء .
 وهم لم يبخلو بجهد من اجل ايصال المعلومة التي يرونها صحيحة وفق تجربتهم الخاصة ايضا وهناك الكثير الكثير جدا من المواضيع التي طرحوها تضم معلومات في غاية الدقة والفائدة لاخوتهم اعضاء المنتدى وزواره .

غايتنا هنا هي منفعة الناس وايصال ما امتلكناه من خلال تجاربنا من معلومات الى من ينتظرون الوصول
فليكن هذا هو هدفنا جميعا.
 وموضوعك هذا مجهود تستحق عليه كل التقدير والاحترام وهي حقائق واقعة تلمسها وعاشها اغلبنا في امريكا
وسيتم تثبيته في اهم مواضيع المنتدى .


تحياتي
Sound of Soul




http://www.ankawa.org/vshare/view/10418/god-bless

ما دام هناك في السماء من يحميني ليس هنا في الارض من يكسرني
ربي لا ادري ما تحمله لي الايام لكن ثقتي بانك معي تكفيني
http://www.ankawa.com/forum/index.php/topic,603190.0.html
ايميل ادارة منتدى الهجرةsound@ankawa.com

غير متصل dhia

  • عضو فعال جدا
  • ***
  • مشاركة: 643
    • مشاهدة الملف الشخصي
ربي ايوفقك ابحياتك اخونا الغالي ابو سمر وفعلا موضوعك واحد من اجمل ما كتب في  هذا المنتدى ...واضم صوتي مع الاخوه الاعضاء لتثبيت الموضوع ولكونه ذو مصداقيه في كل شي وله فائده كبيره للجميع...اولا للمعلومه الطيبه والجميله ... وثانيا لكتم افواه من يكذبون على انفسهم اولا وعلينا ثانيا...وبارك الله فيك يا بطل...وتحياتي الك

اخوك/// ضـــــــــياء

غير متصل أسراء الوردة

  • مبدع قسم الهجرة
  • عضو مميز
  • *
  • مشاركة: 1745
    • مشاهدة الملف الشخصي
للأطـــــــــــلاع

غير متصل DR.ENG

  • عضو فعال جدا
  • ***
  • مشاركة: 701
  • الجنس: ذكر
    • مشاهدة الملف الشخصي
آني أدعيلك بالموفقية ودعوة غريب ل غريب ويارب تكون مستجابه

المنطق , الكلام الصح , السرد الاكثر من رائع بالموضوع , معلومات جديده بخصوص الكردت , انسانيتك الي خلتك اتعب نفسك وتكتب موضوع جدااا طويل

والي خلاني اقراه 3 مرات ( الجزء بخصوص الكردت ) واني ما اكول غير ربي يكثر من امثالك يا طيب

ياربي يوفق كل شخص يتفائل بالخير بقسم الهجره ,,, لان اكو عالم منتظره الخبر المفرح ولو من بعيد

واضم صوتي لصوت الاخ ابو الحكم واطلب من الاداره من تثبيت الموضوع ,,, لان بصراحه ابدااااااااااااااااااااع

اخوكم ابو محمد

غير متصل Blue Falcon

  • عضو فعال جدا
  • ***
  • مشاركة: 546
    • مشاهدة الملف الشخصي
موضوعك عن الكردت كلش حلو  ومفيد لو اشكرك اخويه الغالي
بالموفقيه ان شاء الله

غير متصل أبو الحكم

  • عضو مميز جدا
  • *****
  • مشاركة: 2247
  • الجنس: ذكر
  • Don't mess with me
    • مشاهدة الملف الشخصي
مرة أخرى نطالب بتثبيت الموضوع خدمة للصالح العام وللاخوة الاعضاء .






تحياتي



أبو الحكم
http://www.youtube.com/watch?v=d5wsmrCWgUU


الشعب لو كان حياً ما استخف به      فرد ولاعاث فيه الظالم النهم

الحكومة نتاج لثقافة الشعب             فهنيئاً لكُم عراقكم الجديد










غير متصل أسراء الوردة

  • مبدع قسم الهجرة
  • عضو مميز
  • *
  • مشاركة: 1745
    • مشاهدة الملف الشخصي
للأطـــــــــلاع ...... والفائدة العامة

غير متصل شبعاد

  • عضو فعال جدا
  • ***
  • مشاركة: 214
  • الجنس: أنثى
    • مشاهدة الملف الشخصي

غير متصل دبس و راشي

  • وسام الهجرة واللاجئين
  • عضو فعال جدا
  • *
  • مشاركة: 659
    • مشاهدة الملف الشخصي

غير متصل لازم نهاجر

  • عضو فعال جدا
  • ***
  • مشاركة: 185
    • مشاهدة الملف الشخصي
عاشت ايدك والله يوفقك ويسهل امرك .ومثل ما كال اخوي ابو الحكم نطلب من الادارة الموقرة بتثبيت الموضوع لاهميته .والله يخلينا هالمنتدى ونهاجر.

غير متصل AUS2013

  • عضو فعال جدا
  • ***
  • مشاركة: 579
  • الجنس: ذكر
    • مشاهدة الملف الشخصي
بارك الله بيك عزيزي ابو سمر
موضوع رائع
واسلوب جدا حلو ومبسط

فعلا استفاديت منه

بارك الله بيك ونفع بك


يرفع لأطلاع اكبر عدد ممكن

تحياتي ياغالي

غير متصل Sound of Soul

  • الاداري الذهبي
  • عضو مميز متقدم
  • *******
  • مشاركة: 13023
  • الجنس: أنثى
  • اردت العيش كما تريد نفسي فعاشت نفسي كما يريد زماني
    • مشاهدة الملف الشخصي
    • http://www.ankawa.com/forum/index.php/board,53.0.html



تم تثبيت الموضوع

http://www.ankawa.com/forum/index.php/topic,603190.msg5702088.html#msg5702088

وسيتم بعد فترة نقله الى قسم اهم مواضيع مابعد السفر بعد اخذه الوقت الكافي في القسم العام
لغرض الاطلاع عليه من قبل اكبر عدد من الاخوة الاعضاء والزوار .

تحياتي
Sound of Soul

http://www.ankawa.org/vshare/view/10418/god-bless

ما دام هناك في السماء من يحميني ليس هنا في الارض من يكسرني
ربي لا ادري ما تحمله لي الايام لكن ثقتي بانك معي تكفيني
http://www.ankawa.com/forum/index.php/topic,603190.0.html
ايميل ادارة منتدى الهجرةsound@ankawa.com

غير متصل كوستاف

  • عضو فعال جدا
  • ***
  • مشاركة: 515
  • الجنس: ذكر
    • مشاهدة الملف الشخصي



تم تثبيت الموضوع

http://www.ankawa.com/forum/index.php/topic,603190.msg5702088.html#msg5702088

وسيتم بعد فترة نقله الى قسم اهم مواضيع مابعد السفر بعد اخذه الوقت الكافي في القسم العام
لغرض الاطلاع عليه من قبل اكبر عدد من الاخوة الاعضاء والزوار .

تحياتي
Sound of Soul


شـــكــــــــــــرا صاحب الموضوع شكرا لكل حرف كتبته شكرا لكل معلومه قدمتها شكرا رفعتلنا معنوياتنا اكثر و اكثر

شـــكــــــــــــرا ادراتنا الرائعه شكرا لتثبيت الموضوع


تحيااتي

غير متصل coloradoG

  • عضو فعال جدا
  • ***
  • مشاركة: 222
    • مشاهدة الملف الشخصي
    • البريد الالكتروني
شكراً للأخ أبو سمر على المجهود الرائع .. وفقك الله .

غير متصل ابو الين

  • عضو فعال
  • **
  • مشاركة: 67
    • مشاهدة الملف الشخصي
    • البريد الالكتروني
تحية طيبه وتقدير واحترام الى الاخ صاحب الموضوع الجميل والراقي
حقيقتا الموضوع جدا مفيد
والله نبهتني على موضوع الاسنان لان عندي واحد من اسناني محتاج حشوه وجان في بالي اسوي بامريكا بس على ضوء كلامك راح باجر اروح اسوي هنا بالعراق
بس عندي سؤال اذا ممكن:
الاعزب اول مايوصل راح يسكنو وي واحد اكيد ( روميت ) بس السؤال هو هل وي عراقي او عربي او اي شخص؟؟؟؟ يعني مثلا اني عراقي ويسكنوني وي واحد نيجيري او صومالي او صيني او اردني او ووو الخ
وهل ليه الحق في الرفض والتغير للروميت؟؟؟

شكرا وتحياتي

اخوك ابو ألين

غير متصل أسراء الوردة

  • مبدع قسم الهجرة
  • عضو مميز
  • *
  • مشاركة: 1745
    • مشاهدة الملف الشخصي



تم تثبيت الموضوع

http://www.ankawa.com/forum/index.php/topic,603190.msg5702088.html#msg5702088

وسيتم بعد فترة نقله الى قسم اهم مواضيع مابعد السفر بعد اخذه الوقت الكافي في القسم العام
لغرض الاطلاع عليه من قبل اكبر عدد من الاخوة الاعضاء والزوار .

تحياتي
Sound of Soul


الأخت الكريمة والأدارية القديرة   Sound of Soul

شكراً جزيلاً ..... لتثبيت الموضوع

وعند عودة الأخ أبو سمر من السفر سيطلع على ملاحظاتكم الكريمة

وفقتم للخير


أختكم -- أسراء

  نيوجيرزي




غير متصل al-iraqii

  • عضو فعال جدا
  • ***
  • مشاركة: 78
    • مشاهدة الملف الشخصي
بارك الله بيك
موضوع كلش مهم خصوصا للي ماعدهم تصور صحيح على امريكا
و عجبتني طريقة توضيحك للكردت كارد
شكرا جزيلا

غير متصل ابو سمر

  • عضو فعال جدا
  • ***
  • مشاركة: 388
  • الجنس: ذكر
    • مشاهدة الملف الشخصي
اشكر الاعضاء والادارة الكريمة على الكلمات الطيبة وعلى التثبيت
اني هستوني رجعت من سفرة 6 ساعات سياقة مع التوقف
وان شاء الله اضل على تواصل دائم وياكم

شكراً مرة اخرى

غير متصل Gamma

  • 0c68-1200-924/8651130915_4504cebea7_o.jpg
  • عضو فعال جدا
  • ***
  • مشاركة: 347
  • الجنس: ذكر
    • مشاهدة الملف الشخصي
    • البريد الالكتروني
موضوع شيق  ومفيد للجميع
فعلا عمل يدل على نضوج ومستوى حضاري  عالي.
تحياتي
Gamma :D
وما نيل المطالب بالتمني ولكن تؤخذ الدنيا غلابا

غير متصل ابو الين

  • عضو فعال
  • **
  • مشاركة: 67
    • مشاهدة الملف الشخصي
    • البريد الالكتروني
اخويه ابو سمر ماجاوبتي على سؤالي ؟

تحياتي 

غير متصل mohammed 2013

  • عضو فعال جدا
  • ***
  • مشاركة: 102
    • مشاهدة الملف الشخصي
موضوع قيم جدآ وفيه فائدة كبيرة للكل شكرا لك اخي لرفع المعنويات وبالتوفيق والسفر القريب للجميع

غير متصل ابو سمر

  • عضو فعال جدا
  • ***
  • مشاركة: 388
  • الجنس: ذكر
    • مشاهدة الملف الشخصي
اخويه ابو سمر ماجاوبتي على سؤالي ؟

تحياتي 
اسف اخوية العزيز على التاخر بالرد
اي ( من الممكن ) ان يسكنوك ويه ناس مو عراقيين
حسب الناس الموجودين عند المنظمة ويريدون يسكنوهم
والك كل الحق بالرفض والتغيير

غير متصل Emerald

  • عضو فعال جدا
  • ***
  • مشاركة: 784
  • الجنس: أنثى
    • مشاهدة الملف الشخصي
    • http://uploads.ankawa.com/
عاشت الايادي على الموضوع الرائع بارك الله فيك

اني ماخذة ديبت كارد من بنك first national bank texas  شنو رائيك بيهم ؟
وتنصحني اخذ من عدهم كردت ؟؟
وبشنو تنصحني افضل شي واسهل شي ؟؟
لان الموضوع جدا معقد واني بعدني جديدة بامريكا 7 شهور فقط ومو كولشي اعرفه وراح افهمه بسهولة وخاصة بهاي الامور المعقدة ..

تحياتي
اختكم Emerald

غير متصل ابو بنين

  • مبدع قسم الهجرة
  • عضو فعال جدا
  • *
  • مشاركة: 526
  • الصبر مفتاح الفرج
    • مشاهدة الملف الشخصي
شكرا  للاخ ابو سمر على موضوعه المفيد جدا وشغلة الكردت اني ادا اعاني منها بشكل كبير لانه كنت متصور بانه لازم ما اخلي بحسابي مبلغ كبير حتى لاتنقطع المساعدات مثل ما فهمونه بعض الاعضاء وراحت عليه فرصة شراء بيت المقدمة مالته كلش معقولة بس المصرف مقبل ينطيني ضمان وصراحه الفرص مثل هاية متجي كل يوم بس الله كريم امريكا كل يوم تعلمنا درس

غير متصل أبوقيصر

  • عضو فعال جدا
  • ***
  • مشاركة: 81
  • الجنس: ذكر
  • اللهم إني أسألك توفيقاً في طريقي ، وراحة في نفسي ،
    • مشاهدة الملف الشخصي







السعادة أن تحيا بعيداً عن الحزن، وإن كان الحزن يحيا بداخلك
السعادة أن تبقى مؤمناً بما وهبك الله ! وما وهبه أكثر مما تراه ! السعادة أن تبتسم ومن قلبك تهمس الحمدلله



اللهم اغننا بحلالك عن حرامك و بفضلك عمن سواك
يا حي يا قيوم برحمتك أستغيث ، اصلح لي شأني كله و لا تكلني إلى نفسي طرفة عين
اللهم إني استودعتك قلبي فلا تدع فيه أحداً غيرك واستودعتك لا إله إلا الله فلقني إياها عند الموت

غير متصل أسراء الوردة

  • مبدع قسم الهجرة
  • عضو مميز
  • *
  • مشاركة: 1745
    • مشاهدة الملف الشخصي

غير متصل Ŗảaḟaṱ Hấmẕā

  • عضو فعال جدا
  • ***
  • مشاركة: 917
  • الجنس: ذكر
    • ياهو مسنجر - X7901@yahoo.com
    • مشاهدة الملف الشخصي
    • البريد الالكتروني
موضوع مميز من شخص طموع وجميل عاشت ايدك اخوية

RAAFAT HAMZAH

غير متصل nabilnabil

  • عضو
  • *
  • مشاركة: 26
    • مشاهدة الملف الشخصي
    • البريد الالكتروني
الاخ العزيز ابو سمر

السلام عليكم

تعليقي هو ... الان فهمت وبشكل واضح معنى الكردت كارد  .. وبعدين قليل من يكتب عن حياة العزاب وانته تقريباً جاوبت على بعض الامور الخاصه بالعزاب ... اني اعزب ولايتي كولورادو بس بعدني ممستافر انتظر فرج الله ... عندي طلب نحتاج موظوع خاص للعزاب من الالف الى الياء لان وضعهم اصعب من العوائل .......
اني مع تثبيت الموظوع ومع الاخ العزيز ابو الحكم ... تحياتي للجميع والموفقيه يارب

nabilnabil

غير متصل Lawyer

  • عضو فعال جدا
  • ***
  • مشاركة: 164
    • مشاهدة الملف الشخصي
    • البريد الالكتروني
   عندي سوال اذا تسمح
في يوم من الايام صار عندي ضيق نفس وجماعتي اخذوني لمستشفي قريب وميدرون شنو القصة وساعتين وطلعوني واخذوا بس الهوية وما اخذوا السوشيل لان كلتهم ناسي بالبيت
المهم اجتني بالبريد 8000 و600 دولار ورفضت ادفعهة
زين هذي هم تضرب الكردت؟

غير متصل fatin713

  • عضو
  • *
  • مشاركة: 8
    • مشاهدة الملف الشخصي
    • البريد الالكتروني
ما اعرف يعني الكل هلل بالموضوع وفرح بيه وما سأل نفسه هذا ربا لو لا يا ناس هذا ربا لان انت كاعد تنطي فائدة للبنك مهما كان المبلغ  قليل وتعرفون الربا من الكبائر .


غير متصل Leroy Jethro Gibbs

  • عضو فعال جدا
  • ***
  • مشاركة: 223
  • الجنس: ذكر
  • أتبكي وربك الله ؟
    • مشاهدة الملف الشخصي



قبل أن تتفوه بأي كلمة غير لائقة , أعلم انك تتحدث بلسان ستة الالاف عام من الحضارة

غير متصل ابو سمر

  • عضو فعال جدا
  • ***
  • مشاركة: 388
  • الجنس: ذكر
    • مشاهدة الملف الشخصي
ما اعرف يعني الكل هلل بالموضوع وفرح بيه وما سأل نفسه هذا ربا لو لا يا ناس هذا ربا لان انت كاعد تنطي فائدة للبنك مهما كان المبلغ  قليل وتعرفون الربا من الكبائر .

اختي اذا دفعتي الي عليج قبل موعد الدفع ماكو عليج اي فوائد

اخويه العزيز اذا مامنطي رقم السوشل فماعتقد ينضرب الكردت مالتك

شكرا لكل من علق بهذا الموضوع

غير متصل Lawyer

  • عضو فعال جدا
  • ***
  • مشاركة: 164
    • مشاهدة الملف الشخصي
    • البريد الالكتروني
شكرا
واني اكول ليش  يومية  ايخابرونني?   يمكن يردون السوششل

غير متصل فيكتور سامي

  • عضو فعال جدا
  • ***
  • مشاركة: 226
  • الجنس: ذكر
    • مشاهدة الملف الشخصي

غير متصل 2014human

  • عضو فعال جدا
  • ***
  • مشاركة: 307
  • الجنس: ذكر
  • منتديات عنكاوا
    • مشاهدة الملف الشخصي
بارك الله بيك وبكل كلمة كتبتها كل خير


غير متصل Alnagash

  • عضو
  • *
  • مشاركة: 12
  • منتديات عنكاوا
    • مشاهدة الملف الشخصي

غير متصل Alnagash

  • عضو
  • *
  • مشاركة: 12
  • منتديات عنكاوا
    • مشاهدة الملف الشخصي
عاشت ايدك فعلا ...معلومات كلش صحيحة وبامانه ناقلها .....بس بالله عليك هذا الي قايلك انه لا تدفه كل الي عليك بالكردت كارت وخلي البنك يستفيد ...هذا اني اعرفه لانه نفس الحجي بالحذافير انقال النا ...والحمد لله ما اقتنعنا بي وما طبقناه ....بس كل ما نتذكر هذا الشريف نترحم على والديه !!!!!!! الي يغث انه قديم بالبلد فوق ال5 سنوات والكردت سكور مالته عالي فمو معقول انه ما يعرف انه هاي المعلومة غلط... بس الخباثة فنون !!!!! جان اتصخم الكردت سكور مالتنا !!!!!!
احيك وارفعلك القعبة احتراما لامانتك بالمعلومات ....شكرا جزيلا