ܩܐ ܝܘܢܢ ܗܘܙܝܐ
ܟܡܐ ܫܢ̈ܐ ܒܟܬܵܒܐ ܝܘܬ ܘܠܐ ܝܘܢ ܒܚܙܝܐ ܓܘ ܟܬܝܒܵܬܘܟ ܡܣܬܟܠܢܘܬܐ ܐܵܘ ܒܲܪܡܵܝܬܵܗ̇ ܣܦܪܝܬܵܗ̇ ܕܪܝܬܵܗ̇، ܘܠܐ ܡܘܫܚܵܬܘܟܼ ܙܒܘܢ̈ܐ ܢܘܝܠ̈ܐ ܝܠܲܝܗܝ ܡܘܫܚܵܬܐ ؛ ܐܲܚܟ̮ܝܼ ܟܐ ܡܲܪܝܙܬ ܚܲܒܪ̈ܢܐ ܦܫܝܛ̈ܐ ܕܦܵܝܫܝܼ ܡܘܼܦܠܚ̈ܐ ܝܵܘܡܐܝܼܬ ܘܠܐ ܝܠܲܝܗܝ̈ ܣܲܦܪ̈ܝܐ ܟܕ ܪܚܩܐ ܝܠܝܗܝ̈ ܡܢ ܣܲܦܪܘܼܬܼܐ ܐܬܘܪܝܬܐ ܒܲܡܛܵܘܪܵܢܘܼܬܐ ܕܕܵܪܐ، ؛؛ ܘܡܘܼܫܚܵܬܘܼܟܼ ܐܲܚܟ̮ܝـܼ ܝܼܠܲܝܗܝ̈ ܐܬܘܵܬܐ ܒܪ̈ܝܼܙܐ ܒܘܼܪ̈ܒܙܹܐ ܪܚܩܐ ܡܨܘܪ̈ܬܐ ܕܡܘܫܚܬܐ ܕܡܵܚܘܪ̈ܐ ܡܫܡܗ̈ܐ ܘܝܼܕܝܼܥ̈ܐ ܒܝـܼ ܟܬܵܒܼܬܐ ܕܲܡܫܘܼܚܬܐ ܒܛܘܼܘܵܪܐ ܕܵܪܵܝܐ ܘܚܲܕܲܕܬܐ، ؛ܘܢܵܫ̈ܐ ܕܚܲܩܪܝܼ ܒܲܟܬܝܼܒܼܵܬܘܼܟܼ ܝܼܠܲܝܗܝ̈ ܡܲܫܦܪ̈ܢܹܐ ܫܲܩܠܵܢ̈ܐ ܕܦܲܬܘܵܬܐ ܩܒܼܝܼܥ̈ܐ ܒܣܲܟܼܠܘܼܬܐ ܠܲܝܬܠܗ̄ܘ̤ܢ ܝܼܣܘ̇ܪܐ ܒܣܲܦܪ̈ܐ ܘܣܲܦܪܵܝܘܼܬܐ، ܘܘܵܠܹܐ ܝ̄ܠܵܗ̇ ܒܚܲܕ̄ܟܡܐ ܥܕܵܢܵܬܼܐ ܕܫܵܡܥܸܬ ܠܪܸ̈ܥܝܵܢܹܐ ܕܣܵܦܪ̈ܐ ܘܡܵܚܘ̇ܪ̈ܐ ܫܲܪܝܼܪ̈ܐ ܝܼܕܝܥ̈ܐ ܒܲܟܬܝܼܒܵܬܲܝܗܝ̈ ܒܚܲܩܠܐ ܣܲܦܪܵܝܐ ܠܡܸܬܚܐ ܕܫܢ̈ܐ ܝܵܪ̈ܝܼܟܹܐ، ܐܵܗܐ ܦܘܢܵܝܐ ܝܼܠܹܗ ܡܢ ܢܸܣܝܵܢܝܼ ܒܚܲܩܠܐ ܣܲܦܪܵܝܐ ܘܲܦܪ̈ܝܼܣܵܬܼܝܼ ܡܢ ܡܘܼܫܚܵܬܐ ܥܸܠܠܵܝ̈ܐ ܘܫܲܦܝܼܪ̈ܐ ܒܨܘܼܪ̈ܬܐ ܕܵܪ̈ܝܹܐ ܘܡܬܲܪ̈ܓܵܡܝܵܬܝܼ ܕܦܝܼܫܠܗ̄ܘܢ ܬܘܪ̈ܓܡܹܐ ܒܗܘܦ̈ܐ ܐܲܠܟܸܬܪ̈ܘ̇ܢܵܝܹܐ ܐܬܝܼܪ̈ܝܹܐ ܘܣܦܪ̈ܙܒܼܢܐ ܘܲܡܓܼܵܠܝܵܬ̈ܐ ܡܫܲܚܠܦ̈ܐ ܦܪ̈ܝܼܫܹܐ ܠܡܸܬܚܐ ܕܬܠܵܬܝܼ ܘܐܪܒܥܐ ܫܢ̈ܐ ܒܐܵܗܐ ܚܩܠܐ ܣܲܦܪܵܝܐ؛؛
ܒܚܘܼܬܵܡܐ ܩܒܘܠ ܫܠܵܡܝܼ
ܡܵܚܘܼܪܐ ܘܣܲܦܪܐ ܒܠܫܵܢܐ ܐܬܘܼܪܵܝܐ
ܥܲܒܼܕܝܼܫܘ̇ܥ ܣܵܗ̄ܕܐ
