أستمارة المظالم هل تنفع المرفوض

[iraqforme]

شلونكم اخوان .. مختصر مفيد نحن مجموعة كبيرة من العوائل التي تم رفضها في القاهرة من قبل امريكا واغلب هذه العوائل تمت الموافقة عليها في مقابلة المحلف ولكن بعد الانتظار لسنوات جائنا رفض تحت طائلة المربع السابع .
ذهبنا لعمل اعتراض على القرار ولكن بلا فائدة نصحونا بان الرفض السابع لاجدوى من استئنافه ....
بماذا تنصحونا يااصحاب الخبرة انا عن نفسي فكرت بأستمارة المظالم 7001  ماهو رأيكم ؟
وينفع اسوي اني الاستئناف بمساعدة استئناف قديم للأهل ( اخذ منه الترتيب فقط ) واطبع الاستمارة بعد ما امليها واذزها وية الاستئناف سوى بنفس الظرف
ياريت رأيكم
تحياتي

[سلامه يا وطن]

شلونكم اخوان .. مختصر مفيد نحن مجموعة كبيرة من العوائل التي تم رفضها في القاهرة من قبل امريكا واغلب هذه العوائل تمت الموافقة عليها في مقابلة المحلف ولكن بعد الانتظار لسنوات جائنا رفض تحت طائلة المربع السابع
ذهبنا الى جمعية محامون بلا حدود المختصون بقضايا الاستئناف وهم محامون اجانب من جميع الجنسيات وقالت رئيسة المحامين ان المربع السابع لايوجد له مدخل قانوني لان رفض محير فعلا بمعني انه لايوجد سبب وجيه يستدعي الرفض
بماذا تنصحونا يااصحاب الخبرة انا عن نفسي فكرت بأستمارة المظالم 7001  ماهو رأيكم ؟ وهل تملكون رابط يكون بمقدوري ان انسخ نسخه من هذه الاستمارة
وجزاكم الله خير جزاء المحسنين

السلام عليكم
الاخ العزيز iraqforme اخوك مرفوض وصاحب عائله يعني مثلكم ...... اذا مو زحمه عليك ... بالنسبه الكم جماعة مصر وحسب علمك مقدمين مباشرة على ال IOM لو قدمو على ال UN وبعدين تحولو IOM ..... وربي يسهل اموركم ويعوضكم بالاحسن ..... وممنون من ردك مقدما

تحياتي

[iraqforme]

اخي العزيز اني مقدم اعادة توطين من 2010 وحولوني من اليو ان سنة 2012 لل اي او ام وبعد معاناة سنتين تقريبا تم رفضي والحمدالله على كل شئ 

وعتبي على الاخوة الاعضاء ولا واحد بيهم عنده معلومات على الفورما 7001 ؟؟؟؟ معقولة ؟

[العراقي11]

حبيب البي السلام عليكم اللي اعرفه وسامعه انو استمارة المضالم تستخدم عندما ترفض معاملتك للمره الثانيه . والله اعلم

[ZEAD WALED]

السلام عليكم اخي وارجو ان تكون بصحة وعافية ,,,,,,,,,,,,,,,,,,, هاي حسب طلبك هذا رابط تكدر تنزل منه الاستمارة 7001 وربي يسهل عليك وعسى ان تكون نافعة لك

         http://uploads.ankawa.com/uploads/1406206296641.pdf

[ام تقوى]

اخوان أني الي اعرفه عن هذه الاستمارة قبل  فتره كان يتحدثون الأخوة عليها بالمنتدى وهي  خاصه بتأخير ألامنيه مو مال استئاف 

[iraqforme]

شكرا اخ زيودي وشكرا للشباب الباقين الاخت العزيزة ام تقوى هيه هاي استمارة مظالم يعني اللي يحس انو اكو ظلم وقع عليه يمليها ويدزها
وتحياتي

[iraqforme]

شباب لبارحا مليت الاستمارة ودزيتها واليوم فتحت الايميل وشفت الرد الاتي :

We have received your case and hope we can assist. You will hear from us again when we contact the agency, or if we need further information
شنو الفلم احد يفهمني شوكت راح يتصلون لو هاي كشر موز والحك ربعك ؟؟

[iraqforme]

ياشباب شكد الفترة المتوقعه للرد علينه من قبلهم ؟؟ واكو ملفات انحلت فعلا ؟ ياريت اح يفيدنه 

[غريب غريب]

اخي ان دائرة المظالم مراح تفيدك بشي لانها حصرا عن تاخر الامنية يعني بعد مقابلة المحلف والموافقة عليك وحتى اغلبنا الي منتظرين الامنية ملينا الاستمارة العام الفائت ونطونة رقم قضية يمهم  ولم يستجد شي على الملفات لان موضوع الامنية لا يستطيع احد التدخل فيه .
اولا يجب عليك تقديم استئناف ذالك افضل لقضية حاليا
تحياتي

[iraqforme]

اخ غريب غريب يعني تقصد الاستمارة مراح تفيد اهلي ؟
اهلي مقدمين استئناف صارلة سنة وثمانية اشهر ولحد اللحظة ماكو اي رد فه دزيتلهم الاستمارة قبل كم يوم
شنو رايك ادزها الي هم لان اني مرفوض بسبعة ارهاب !!

[غريب غريب]

اخ غريب غريب يعني تقصد الاستمارة مراح تفيد اهلي ؟
اهلي مقدمين استئناف صارلة سنة وثمانية اشهر ولحد اللحظة ماكو اي رد فه دزيتلهم الاستمارة قبل كم يوم
شنو رايك ادزها الي هم لان اني مرفوض بسبعة ارهاب !!

اخي العزيز بالنسبة للمرفوضين مراح تنفع بشي لان عملهم يقتصر لاسباب تاخير الملف وحتى لما يكون التاخير في احدى الدوائر الامنية لا يسطيعون عمل شي
وكيف لحد الان لم يصلكم رد على استئناف اهلك راسلهم اخي العزيز
وان شاء الله ينقبل الاستئناف وتكمل مشوار التقديم باسرع وقت
تحياتي

[iraqforme]

اي والله يااخي صار سنة وثمانية اشهر من عملو استئنافهم ولحد اللحظة ماتم الرد علما ان رفضهم كان رفض محلف مو رفض امني
بس حظرتك تكول راسلهم !!! المن اراسل  هو استأناف نايم واخاف تقصد اراسل مكتب عمان التعيس اللي كلشي ميعرف وانطيك الدليل اني اعرف نفسي مرفوض قبل اسبوعين من التبليغ وخابرتهم من سمعت وكتلهم اني ملفي بأمريكا مغلق  كلولي لا ماكو هيج شي ان تجييك امني
يااخوية مو تره طلعوها لروحنه  هذولة عديمين الاحساس
تحياتي الك

[iraqforme]

اخوان بالنسبة لأستمارة المظالم هاذي . الوالد دزها يوم 1 آب واجه رد وره اسبوع يكول انو رح نساعدك في خلال 45 يوم عمل والموعد خلص لبارحا وماكو اي رد !! ينتضر لو يدزلهم يستفسر عن تأخر ردهم ؟؟ ياريت اللي يعرف شي يفيدنا وممنون منكم مقدما

[تفرج]

اخوية يردون ان شاء الله بس هو خلي ياكد عليهم ويدز ضمن الرسالة بالسبجكت الكيس نمبر الي انطوا اله وبلتوفيق ان شاء الله
وياريت اخوية تنزل الاخبار اول باول ومشكور حبي

[iraqforme]

اخوية يردون ان شاء الله بس هو خلي ياكد عليهم ويدز ضمن الرسالة بالسبجكت الكيس نمبر الي انطوا اله وبلتوفيق ان شاء الله
وياريت اخوية تنزل الاخبار اول باول ومشكور حبي

تسلم حبي تفرج على الرد . بلكت باجر يدزلهم رسالة يذكرهم بنهاية الموعد وعدم الرد وانشاءالله اي شي جديد اكتبه اول بأول

[um shaheen]

اخويه العزيز
انا من الاوائل الي كتبت على استماره دائره المظالم وصارت لغوه وحذفت الموضوع بس راسلتهم
بعدها بفتره نزل الاخ ابو اياد ( زيطه ) موضوع شامل على الاستماره  وهو من الاشخاص الي سووها ايضا
بقي اقول لك انني لست من المرفوضين وانما كنت من المتاخرين
اما عن قضيه الخ ابو اياد صراحه ممتاكده من المعلومه لان صار فتره طويله  اتوقع والله اعلم انه كان من المرفوضين
وللعلم عائلتي وكذلك الاخ ابو اياد وصلنه بخير وسلامه لامريكا ويارب يكتبها لكل المنتظرين
وللعلم ايضا من سافرت وكتبت بموضوع سفري على الاستماره اكثر الاعضاء طلبوها بس الاغلبيه يقولون انهم لم يملوءها والعلم عند الله
رأي الشخصي  انت اكتبلهم ومرح تخسر شي
واكتب استئناف وحاول ان تعمل استئناف قوي وخالي من الثغرات ويارب يسهلها بوجهك ويفرجها ان شاء الله
تحياتي
اختك ام شاهين

[iraqforme]

اخويه العزيز
انا من الاوائل الي كتبت على استماره دائره المظالم وصارت لغوه وحذفت الموضوع بس راسلتهم
بعدها بفتره نزل الاخ ابو اياد ( زيطه ) موضوع شامل على الاستماره  وهو من الاشخاص الي سووها ايضا
بقي اقول لك انني لست من المرفوضين وانما كنت من المتاخرين
اما عن قضيه الخ ابو اياد صراحه ممتاكده من المعلومه لان صار فتره طويله  اتوقع والله اعلم انه كان من المرفوضين
وللعلم عائلتي وكذلك الاخ ابو اياد وصلنه بخير وسلامه لامريكا ويارب يكتبها لكل المنتظرين
وللعلم ايضا من سافرت وكتبت بموضوع سفري على الاستماره اكثر الاعضاء طلبوها بس الاغلبيه يقولون انهم لم يملوءها والعلم عند الله
رأي الشخصي  انت اكتبلهم ومرح تخسر شي
واكتب استئناف وحاول ان تعمل استئناف قوي وخالي من الثغرات ويارب يسهلها بوجهك ويفرجها ان شاء الله
تحياتي
اختك ام شاهين

تسلمين اخت ام شاهين على الاجابة بس هسه الوالد صارله سنتين الا شهر من قدم الاستئناف ودزلهم الاستمارة يوم 1 آب وردو وراها بأسبوع كالو انتظر الرد خلال 45 يوم عمل ولحد هسه مجا اي رد منهم !! شنو الموضوع اخاف نسو  او اهملو الرد لو شنو مدنفتهم .
ياريت اللي عنده معلومه بخصوص هذا الشي ينورنا

[Al-safeer]

السلام عليكم اخي وارجو ان تكون بصحة وعافية ,,,,,,,,,,,,,,,,,,, هاي حسب طلبك هذا رابط تكدر تنزل منه الاستمارة 7001 وربي يسهل عليك وعسى ان تكون نافعة لك

         http://uploads.ankawa.com/uploads/1406206296641.pdf

اخي العزيز زياد  تسلم على تنزيل رابط أستمارة المظالم بس بدون زحمة عليك ممكن الأيميل مال دائرة المظالم مع تحياتي وشكري مقدما

[iraqforme]

اخي العزيز زياد  تسلم على تنزيل رابط أستمارة المظالم بس بدون زحمة عليك ممكن الأيميل مال دائرة المظالم مع تحياتي وشكري مقدما

اخي السفير اجاوبك بمكان الاخ زياد . وهذا ايميلهم وتدلل
cisombudsman@hq.dhs.gov

[Al-safeer]

اخي السفير اجاوبك بمكان الاخ زياد . وهذا ايميلهم وتدلل
cisombudsman@hq.dhs.gov

تسلم ياورده ,, ربي يسهل امرك ياطيب

[iraqforme]

تسلم ياورده ,, ربي يسهل امرك ياطيب

ادلل واي شي اكدرله اني بخدمتكم .
مودتي

[iraqforme]

الاخت ام شاهين .. الاخوان كافه ..
مثل ماذكرت سابقا السيد الوالد انرفض في شهر اكتوبر عام 2012 وقدم استئناف في ديسمبر نفس السنه ولحد الان لايوجد جواب .. راسل دائرة المظالم بواسطة الاستمارة 7001 في بداية شهر اغسطس واجا رد انو رح يتمكنون من مساعدته في خلال 45 يوم عمل وبعد انتهاء المدة وعدم الرد راسلهم مرة اخرى للتذكير وجاء الرد كالآتي
..Your case is still under review by the analyst assigned to your case. Your email has been forwarded to the analyst handling your case
and has been added to your file.

منو افتهم شي !!!! تالي وياهم ذوله السفله مو رح يطلعونه من طورنه بشرفي 

[عمادالدين]

هذا رد ينطبق عليه المثل القائل (( وفسر الماء بعد الجهد بالماء )) . حضراتهم يقولون لك إن ملفك  هو الآن (قيد الدراسة) على يد ( المحلل المختص ) . الله المعين .

[iraqforme]

هذا رد ينطبق عليه المثل القائل (( وفسر الماء بعد الجهد بالماء )) . حضراتهم يقولون لك إن ملفك  هو الآن (قيد الدراسة) على يد ( المحلل المختص ) . الله المعين .

ياخوية يامحلل مدكلي !! لعد صارلهم 3 اشهر شديسوون  شديحلل قابل (....)  والله طلعونة من طورنا الله وكيلك  .
مودتي لك عزيزي