0 الأعضاء و 1 ضيف يشاهدون هذا الموضوع.
السلام عليكم اولا:ابنتي ما اجها رفض اجهال قبول 2014 سافرات ثانيا:الاستئناف طلبوه مني icmc تم كتابة الاستئناف من قبل محامي في مدينة مشكان الأمريكية وسلمت الاستئناف بي يدي الى icmcاخبروني انتظري من شهر الى سنه وانا اتممت السنه وكلما اتصل بيهم يكولن الرد ما اجه من امريكااولا مبروك الصفحة الثالثة .. ثانياً ام منصور بالنسبة لوقت الاستئناف غير محدد وكلامهم بخصوص وقت الاستئناف من 3 اشهر الى سنة مجرد وعود كاذبة لا اكثر .. اتمنالك القبول انشاءالله بأسرع وقت وتوعدينا من يوافقون عليج تبلغينه
السلام عليكم اريد ابشر كل اﻻخوه واﻻخوات المرفوضين انه قبل ايام سافر احد اﻻخوان المرفوضين بعد انتظار تسعة اشهر وجا القبول والحمد لله واتمنى للجميع القبول والسفر العاجل انشاءالله ، علما انه كان صاحب ملف سوري ورفضه حصل في تركيا
منو بيكم سمع اخبار المنظمة عمان ...لانه اليوم واحد يكول المنظمة راح توقف قبول الى امريكا شهر السادس لحين انتهاء من ملفات المعلقبن والمرفوضين ...اخوان ممكن واحد يكلنا شنو الموضوع
مساء الانوار سلام وبقية الاخوة والاخوات .فد سؤال بالله عليكم ويعتمد على ذاكرتكم .. منو راسل المنظمة فد يوم واجه الرد يوم الجمعه ؟؟ لان بصراحه اني مستغرب شلون يردون بيوم الجمعه .السيد الوالد راسلهم الاثنين الماضي ردو عليه لبارحا الساعه 4 العصر !! صايرة وياكم ؟
السلام عليكم عندي اقاربي هي من المرفوضين بس اليوم دخلت علی حالة الملف اكثر من مره الجدول ماكو شايلي نهائيا يعني مو بس الخانات فارغه ..
اخويه همه قدمو الاستئناف اتوقع بشهر10/2014وصار مثلنه الخانات فارغه مال حالة الملف بس من البارحه تكول صار هيج وياهم وهسه اتاكد شكد صار من قدمو الاستئناف ...وشكرا اخويه عراقي فروم
الله كريم ربنا موجود ومعبود اخواني اتوكلوا على الله .
مساء الخير اقاربي اتصلت اليوم بالمنظمه وطلع خلل من عدهم وسئلتهم علی الاستئناف جاوبوها ماكو شي جديد
السلام عليكم حبايبي الغالين ...اكو شخص اني ماعرفه صراحتا بس الخبر موثوق بالله الكريم ..نرفض بالشهر (ال 12 نهايته ..من سنة 2013 )وقدم استئناف بعد اكثر من شهرين قبل لاينتهي ال 3 اشهر وكان التآشير على البند السادس ولحد يرجع ويكول البند السادس مو امني والسابع امني لان مو شرط بالله الكريم هي فورمة ثابته والدليل سنة 2014 كلها البند السابع مأشريلها عليها ... المهم الخبر الحلووو ان الولد اول البارحه قابل محلفين بالضبط يوم 26/4 ومخابريه قبل شهر يعني استئنافه كان عمره سنه وشهر او اكثر ...تفائلوا بالخيـــــــــر تجدوه..اخوكم رعد السراي..المايصدك انطيه رقم الولد ويتاكد وبالخدمه اني
صباح الخير اخواني واخواتي
السلام عليكم اخواني تحياتى لكم وخاصة للاخ iraq forom اجانى رفض المربع 6 مقابلة المحلف تركيا بتاريخ 27-12 عملت استئناف لكن اجاني رد بعد حوالي شهر يكول انه ماكو مستجدات بقضيتك علمود تعيد النظر بالقرار ويبقى القرار كما هو عليه مع العلم لم يصلنى اى اميل او ظرف يشرح سبب الرفض فقط اتصال من موظف المنظمة عرفت القصة فقط واليوم توكلت على الله وبمساعدة الاخ عراق فوروم بنصيحته لي ومساعدته لي بعثت الاستئناف الثاني مع الوثائق والدلائل الي تهم قضيتى ودعواتكم لي اخوتى يسهل امري بهاى المرحلة يكون رد ايجابي وافيكم بكل ماهو جديد بقضيتي الله يسهل امركم اخواني اخوكم طريق النجاح - تركيا
السلام عليكم جميعا...طبعا حبيت اضيف على الكلام النزلته بخصوص الشخص الذي نرفض بعد تقديم الاستئناف قبل انتهاء 3 اشهر انه العرفته منه انه كان عابر مرحلة ال 3 اشهر على تقديم الاستئناف وماذكر سبب التاخير على تقديم الاستئناف لذلك اعتقد انهم رفضوه على اثر هذا السبب او بالاحرى كان ضام عليهم اشياء من الخدمه العسكرية او ماشابه لكن الاغرب انهم سفروا زوجته واطفاله وهو رفضوه بعد تقديمه للاستئناف رفضآ نهائيا للاسباب التي ذكرتها ؟ يعني تقديم الاشتئناف بدون خربطه وبدون كذب وزيادة ونقصان تدل على القبول انشاء الله لكن الفترة عند صاحب العلم والله كريم.. للعلم . انه كلما اتاخرت نتيجة الاستئناف برأيي نتيجة ايجابية تصب في صالح مقدم الطلب بحيث تكون افضل من بداية الاشهر الاولى وياتي رفض لاسامح الله على الاستئناف ..... لان بالله العلي العظيم اعرف شخص من سكن الكاظمية اتاه الرد على الاستئناف بعد سنتين وشهر وبعدما استفسر عن التاخير قالو له انهم اسفون لانهم لم يزودوه بالرد وقد تاخرو عليه طويلا .........لان بعد التقديم بحوالي سنه وشهر تقريبا كان الرد موجود لكنهم تغاضو عنه لذلك اعتذرو له !! فحاولو ان تراسلوهم كل 10 ايام حتى يكونو على علم بالقضية (يعني بالعاميـــــــة ....مايطنشون)اخوكم / رعد السراي
اخوان اليعرف عنوان مكتب اليو ان باربيل يجاوب الاخ السائل بالموضوع ادناه بدون زحمة http://www.ankawa.com/forum/index.php/topic,728382.0.htmlوامنياتنا بالتوفيق الكم جميعا .تحياتي .
الأخت الفاضلة ساوند .. حاولت البحث في كل المواقع ولكن للأسف لم اجد أي شئ يدلني على عنوان المفوضية في اربيل ولايوجد لي صديق في اربيل حتى اسأله على العنوان . ارجو المعذرة
ريان عزيزي تدري منو يفيدك بهاذي السالفة الاخ آبل ايفون هو بعمان ودائماً يراجع المنظمة . بلكي يدخل ويقرأ التسائل مالتك حتى يروح يسأل عن مدى صحة هذا الخبر وشكراً مقدماً للأخ آبل
اخواني اول شي السلام عليكم وتحياتي الكم ياورود.. هذا الخبر منتشر بعمان صحيح ولكن ليس عن iom الخبر يخص ال un فقط لان ال un اجلو مقابلات الشهر الثالث والرابع كلها والحديث هنا صار عن نظام جديد لل un في حسم قضايا الناس اللي صارلهه هواية منتضرة توطين وكما يقال وطبعا ممتأكد من كل هذا الحجي انو التوطين حاليا اغلبة الى كندا واستراليا وعلى اساس يبدون بهذا النظام في شهر السادس ولما اتصل احد الاخوان على ال un وسألهم الاجابة كانت ممنوع ننطيكم اي معلومة بهذا الخصوص فنسبة صحة المعلومة عالية . اما بالنسبة لل iom فيقال ايضا ان المنضمة خفضت اعداد العراقيين لكثرة اعداد السوريين اللي كانت نسبتهم قبل احداث سوريا 0% فالاعداد صارت موزعة عالعراقيين والسوريين لان مثل متعرفون كانت قبل بس عراقيين فأكيد تقل اعداد العراقيين .. اتمنى تكون اجابتي وافية تحياتي الكم ياطيبيين
الله كريم وتفرج متضل هيج يارب الفرج العاجل على الجميع
ان شاء الله اخوية وان شاء الله نسمع اخبارك الطيبة . بشر ماكو شي عالاستئناف ؟ اني هسة قبل ساعة خابرت عال iom كتلة بالايميل مو انتو كاتبين من ٣ اشهر الى سنة حاجة الاستئناف من وقت كلي هاي سابقا هسة مفتوح اومندري بعد .. هو استئنافي سبع سطور لو يومية مدققين بحرف هم جان خلصت بهالسنة وشهرين ههههه
شكرا لك اخ أبل على المعلومات المفيدة والله يسمع منك لان والله بدينه نزهك من الانتظار وماكو اي شي بيدينه لانقدم ولا نأخر وفعلا هسه صار الاستئناف وقته مفتوح لان نعرف ناس صارلها سنه و نص مقدمين استئناف ولحد هسه مااجه شي عليهم.وشكرا لكم
عاشت ايدك اخ آبل على الشق الاول من المعلومة .. اما الشق الثاني وبخصوص تقليل اعداد المقبولين لأمريكا فهو غير مرغوب به هنا وذلك نظراً للمعنويات الهابطه اصلاً فه مناقصين تهبيط معنويات .. وفعلاً الاستئناف الان مفتوح ومثل ماتعرف السيد الوالد صارلة سنتين وخمس اشهر ولاشئ الى الان .. الله ينطينه طولة العمر ونشوف تاليها وين توصل .لك مني كل الود
لالا آبل لازم ارفع عليك قضية بشركة آبل انشاء الله من نوصل لأمريكا بسيطة نلتقي هناك اذا الله راد واني اذكرك بالذي مضى .. شنو رأيكم شباب اللي تدخل تتفرج وتفلت لو مغلسين !!
ههههههه حبيبي انت بس خل نووووصل وارفع دعاوي مو وحدة ان شاء الله نلتقي هنااك وياك اوية كل الشباب الطيبة الصابرة
[color=navy]تسلم حبيبي تفرج على الخبر الحلو بس الاخ صديقك اهون من عدنه لانو مامرفوض لسبب من الاسباب السبعة .. الرفض مالته على شي تافه واقتنعو بالعذر اللي قدمه والله يسهل على الجميع انشاء الله. اي اخوية بس هو بوقتهة جانت حجة طبعا هو كلشي ميعرف اني اراسلة واخابر بمكانه هو فحص وبعد شهر صار الفحص كوبمليت عندة ورة فترة فجاة اجت رسالة رفض وثاني يوم لكيت الموقع مغلق المهم مراسلات والموظف خابرة من المنظمة يكلة اني بنفسي خابرتك وكتلي ما اروح وهو رايح وفاحص المهم كلة استانف وسويتلة الاستئناف نفس الي سوينا وبعد سنة وشهر او شهرين انفتح الملف واليوم عندة فحص والله الموفق
أخوان خواتي .. صدك الكلام الي ديداور بالمنظمة انه اغلب الملفات المستأنفه راح تنرفض المتبقيه ..اخوان الي بعمان ..الي يراجعون المنظمة ممكن احد يكوللنه شنو الموضوع .. هذا الكلام صار اكثر من واحد يشتغل بغداد بالمنظمة يكولة .. مع الاسف العصفورة راسلته وكلتلي انه اني خاج الشغل ومااكدر اعرف .. ف ممكن اي احد يكوللنه صدك الاخبار لو كذب
عزيزي ريان منين سمعت هذا الخبر !! اشو العصفورة وسافرت !! وثانياً اللي اكو على ملفة أكس او ماكو اي جديد بأستئنافه او معلوماته مو واضحه لدى محكمة الاستئناف يرفضو في خلال 90 يوم بعد تقديمة الاستئناف .. ثالثاً هيج معلومات تكون عالية الدقة ممعقولة بهاذي السهولة يتم تسريبها لتصل لك ولي ولأي احد .. رابعاً لما رفضونه بسنة 2014 جانت وجبه كبيرة جداً من الرفوضات, هل كان لأي احد علم مسبق بهذه الرفوضات الكثيرة ؟ سواء معلومه مسربه او اشاعه حتى ؟ ..مختصر مفيد اي شي يخص امريكا لتصدك الاشاعات صدك الواقع اللي كدامك .مودتي للجميع[/quoteان شاءالله تكون ااشاعة ووخبر غير صحيح يامعودين هبطنة الله يستر
والله اني مثلكم هبطت معنوياتي حيل ولذلك كلت ارجع اسالكم لانه اغلب الناس الثقه الي تنطيني معلومات سافروا ..واني ظليت مقل السعفه ..كلت كل هاي السنين وانتظار وبالاخير راح ننرفض شلع ..ف لليوم اتابع الموظفين واسالهم واكوللهم كلام صح اوكذب ..اغلبهم يكولون مسامعين بس العرب والعراقيين كلهم يكولون صحيح .ف اني حرت بالموضوع وجيت اسالكم ..حتى لو جماعة عمان يجاوبونه
ابو الرون ماكلتلنه منين سمعت هالخبر التازة عصفورة لو غراب هالمرة .. صدكني مااعتقد اكو هيجي شي (( حدث العاقل بما لايعقل فأن صدق فلا عقل له )) مودتي للجميع
أخواني اليوم موتني واحد من كلامة .. كتله فهمني شنو البند السابع للرفض .. كال الامنيه عدة مراحل وعدة جهات امنيه بس ميتجاوزون 6 او سبعه .. وحده منهم ماانطت موافقه على الهجرة .. ف يجي الرفض على البند السابع .. والاستئناف ماهو الا انه يرجعون يتصلون بكل الجهات الامنيه والموافقات بصوره سريعه ويرجعون على الجهة الي ماانطت موافقه ويسالوه ليش ويركزون عليه فقط ..لان الاغلبيه انطوا موافقات سابقه فيكون سريعه ..ف تبقى الجه الي ما انطت موافقه بالبداية والي هيه متاخره وما مجاوبه شوكت راح تجاوب .. واذا ماتجاوب يكون نفس القرار الاولي .. هذا الكلام من واحد شغلته بالامنية مال باجات الي يجون منالخارج
اخ ريان وكل الاخوة بالنسبة للخبر اللي ذكرة ريان ما الة اي صحة نهائيا وخابرت عالمنضمة وطبعا مكتلة للموضف عن هاي الاخبار بس حاولت اسحب من عندة حجي وبالاخير كلي ملفات المرفوضين في امريكا ومنعرف عنها اي شي نهائيا حالنة حالكم واحنة كمنضمة حاليا وضيفتنة وياكم تقتصر على نقل نتيجة الاستئناف الكم بعد متوصلنة . فتوكلو على الله وان شاء الله خيرر
عاشت ايدك حبيبي
الله يرحم ام وابوك ابل ريحتنا
تسلم حبيبي ابل على المعلومه الخاطفه .. وبطلت بعد ماارفع عليك دعوة بس اريد عزيمة قوية من توصل هناااك
السلام عليكم اخواني واخواتيطبعا اني صارلي فترة طويلة ماداخل للكروب بسبب ظروف الشغل ومشاكل الحياة واليأس والإحباط من شغلى الرفض وصراحة ماضل بعد امل بسبب الرفض الأمني....بس النقطة الرئيسية اللي وقفتني وخلتني اراجع اموري هو اتصال الجماعة اللي جنت اشتغل وياهم اقصد الجيش الأميركي ومكان عملي جان بمكان حساس جدا جدا وكالولي عندك مانع ترجع للشغل ويانه من جديد..اني تفاجئت من اتصالهم صراحة وكالولي بالحرف الواحد من واجبنه الأخلاقي ان نتصل بموظفينه القدماء وكالولي شي مهم وهو( راجعنه الداتا بيس مالتك عدنه واتصلنه بيك لأنك من الموظفين الأكفاء) النقطة شنو من راجعوا لاداتا بيس اكيد لو اكو مؤشر امني جان لكو شي ومااتصلو بيه اساسا...المهم هسه شويه صار عندي امل بالموضوع واعتقد حسب علمي الرفض اجه بشكل عشوائي وانشاءالله خير ولاتأيسون....هسه شتكولون ارجع اشتغل لو لا؟؟؟ تحياتي للجميع
اهلاً بعودتك اخونا العزيز .. اني اكول ارجع اشتغل واشطب يومك ومن يصير شئ ايجابي تكدر تعتذر منهم وتسافر . هذا رأي انا وبقت يمك
السلام عليكم اخواني اخواتي فاتحت iom عمان للاستفسار عن ملفي السوري الذي بموجبه استئنفت الا انه تم اجابتي قد تم غلغ ملفك في ال iom ونقله الى تركيا الاان الاستئناف وكل مخاطباتي الى icmc اسطنبول هي على الملف السوري وليس ملفي التركي سوالي هو هل يمكن لي الاتصال بدائرة الامكريشن في واشنطن انا او ابنتي من داخل امريكا للاستفسار عن وضعية الملف او تكليف محامي فيدوني لانه تعلمون مضى على الاستئناف أكثر من سنة جزاكم الله الف خير وإن شاء الله رب العزة يسهل على كل اخواني واخواتي المستئنفين بالخير والقبول السريع
السلام عليكم اخي الكريم انا كنت في سوريا ولدي ملف وتم مقابلت الوفد الامريكي في سوريا ولدي موافقه مبدئيه واجريت الفحص الطبي بتاريخ 2011/3/6 وبعدتدهور الاوضاع في سوريا غادرتها بتاريخ 2011/11/24 الى تركيا وقمت بالتسجيل في المفوضية في انقره وتم منحي رقم ملف جديد في تركيا وفوجئت وانا متواجدة في الاراضي التركيه بالرفض الامريكي بتاريخ 2012/2/23 مرسل لي عن طريق الايميل قمت باخبار دائرة اليوان في انقره بذلك وبتاريخ 2014/4/3 تم اخبارنا بان ابنتي الكبيره لديها اعادة فحص ودوره على الف السوري المرسل من عمان الى اسطنبول وقد اخبروني ايضا بان لديك رفض أمريكي هل ترغبين بالاستئناف اخبرتهم نم وارسلت ملف الاستئناف الى دائرة icmc في استنبول بيدي يوم 2014/4/14 ومازلت انتضر الرد علما ان جميع العراقين القادمين من سوريا الى تركيا تم التعامل معهم على اساس الملفات السوريه اذا كان لديهم توطين في امريكا ارجو ابلاغي هل استمارة ( 7005 ) المظلومية مفيدة اذا قدمتها ام لا وهل ارسلها عن طريق البريد من تركيا ام عن طريق امريكا وما هو عنوانهم رجاء جزاكم الله الف خير اختكم ام منصور
الاخوة والاخوات الاعزاء اليوم وصلتنى رسالة مفادها لقد استلمنا رسالة الاستئناف الثاني وقد تم تقديم الرسالة الى الوفد الامريكي في نفس النهار ان قرار الاستئناف على ( قيد الانتظار ) سوف نبلغكم عنها بعد قرار من قبل الوفد الامريكى بخصوص الاستئنافاخواني شنو معنى ذللك وياريت اخوية عراق فوروم يوضحلي او جميع الاخوة الى عدهم خبرة وجواب وانا وسبق عملت استئناف اول بعد 25 يوم اجانى جواب بالانكليزى يذكر انه ماكو شي جديد نعيد النظر بالقرار ولك الحق الاستئناف مرة ثانية مشكورين اخوتى واخواتي
:-\منو قراء موضوه المرفوضين ...تره حيا صار بيه احباط
شلونكم اخواني وحبايبي باچر ان شاء الله حروح للسفارة العراقية اسوي وكالة لشخص ابغداد حتى يسويلي عدم محكومية بس سؤالي من تصدر ان شاء الله عادي اكدر ارفقهه عالاستئناف لو بعد ميصير ؟؟
اخوية ان شاءالله تفيدك بس كلي انت سامع هي تفيد لو شنو شعجب راح تسويهة ؟
السلام عليكم اليوم وصلت رسابة من icmc بخصوص الاستئناف مفاد الرسالةان قرار رسالة الاستئناف قيد الانتظار سوف يصدر قرار من قبل الوفد الامريكى بخصوص رسالة الاستئناف ونبلغكم عنها فحبيت ابلغكم اخوانى هذا الاستئناف الثانى لانه الاول كان رد سلبي بدون ادلة واثبات اما الثانى مدعوم بالادلة يعنى اكو امل باعادة القرار وشكرا للاخ عراق فوروم لمساعدتى فرايكم اخواني بهاى الرسالة مشكورين
السلام عليكم ..وجمعه مباركة ..ماكو اخبار جديده يرحم والديكم ..طكت ارواحنه
عراق فورم ...اليوم ولد ويانه مرفوض على السادس والخامس ..مديره كاله ..لاتحلم بعد تدخل لامريكا ...والله موتني قهر كتله ليش ..كال هوه هذا القرارات الجديده ..ميريدون بعد مشاكل ...يعني العراقيين ..كله تروح وترجع بعد متخلص المساعدات ..والله كريم يوميه اخبار تهبط المعنويات ..
حبيت انقل لكم خبر من تركيا كل المرفوضين امريكا لازم يعملون استئناف لاعادة النظر بالقرار هاى اخر المستجدات واكو خبر اخر امريكا تسمح بقبول 5000 كيس الى اراضيها من ظمنهم المرفوضين والجددواعتقد خبر الصديق الي بلغوه انه يحلم يدخل امريكا غير وارد وصحيح جائز افتهم غلط يارب يكون خير على الجميع
صباح الخيرات اخوية سلام ان شاء الله يوم خير وبركة وسلامةعلى الجميع
السلام عليكم شباب .. منو يذكرني آني مشترك قديم بهذا الكروب بس ظروفي تعبانه مو دائما أكدر أدخل وأشوف شكو ماكو ,, أخوتي شلونكم آني بعدني حالي من حالكم لحد خابرني ولا أحد مكلبني أقصد المنظمة .وكل الأيميلات جوابهم قيد الدراسة !!الله يبارك بيكم اخوتي ويارب ننقبل كلنا ونرتاح وتصير سوالف .. تحياتي وأعتذر على عدم التواصل بصورة دائمية .. مع السلامة ياطيبين
اتصير سوالف اخوان نحن السابقون وانتم اللاحقون
اي والله اخوية اني استانفت مرتين وهسة اني في بلاد العم ساميوم الكم انشاء الله
السلام عليكم اخوان حبيت اكولكم إنّو اخوكم هم طبك على السره اليوم فتحت الملف لكيته مغلق وكل الخانات انمسحت بس اخواني اني قابلت أولى وثانيه وانسد ملفي بانو متصلين بيه وممجاوب ودولي استناف وانفتح ملفي وسولي مقابله ثانيه وقابلت نهاية شهر الخامس وسالني المحلف ليش عدنالك المقابله كتلهم ماادري المهم اني خادم عسكريه وجذبت عليهم لان جماعه كلولي وهسه من قابلت هم كلت أقوالي بل المقابله مال المحلفين الاولى فيا اخوان شدكولون ايدزون بعد استناف لولا
اشكرك اخويه تفرج زين ملف ابني وحده بكيس الصبح هم فعلوا الفحص مالته فعال هوه جان فعال انتضار النتيجه وره ثواني رجع انتضار النتيجه ابني مقابل ومكمل وهاي فحص الثالث ايصير يعني ينتضر الا اني اخلص يله ملفه معلق والمدينه والمطار نازلات والله كريم شنكول خلي عينه بعين الله وانه الله مع الصابرين
واكو بعد خبرين انتظر اخوانى يشاركونا بالاخبار الزينة مو بس اني ههههه
شكراً للأخ نان على المعلومة الايجابية ونرجو اعطائنا المزيد من وقته لأفهامنا على اي مربع كان الرفض الاول وعلى اي مربع كان الرفض الثاني وفي اي سنة حدثت هذه الرفوضات ؟ شكراً للأخ العزيز تفرج على نقل المعلومة.
وخبر اخر من امريكا اغلب المرفوضين من امريكا سيتم اعادة النظر بملفاتهم يحاولون جهد الامكان لتسهيل ملفاتهم يارب خير على الجميع
مرحبة اخوان ممكن العنده جواب سؤال 101 و102شكراhttp://www.ankawa.com/forum/index.php/topic,728382.0.html#lastPost
السلام عليكم شباب بعد مرور سنة من تقديم الاستئناف جائني الرد برفض الاستئناف هل يمكنني ارسال استئناف مرة اخرى ما هي نصائحكم حول ذلك اخوكم ابو محمد الحمدلله على كل حال
مشكور اخونا عراق فورم هسه اني هم انغلق ملفي ومااجتتي رسالة الرفض بس الموقع انغلق ونمسح كولشي فمكتبت كولشي شتنصحني اكتب الهم اخويه العزير عراق فورم
تحية طيبة اخوان .. بعد مراجعتي لكتابات اخونا المرفوض ابو محمد واللي انرفض استئنافه اتضح مايلي:اولاً الرفض الاول وصله بشهر الخامس 2014 يوم20 الساعه 12 ونص ظهراً وفي نفس اليوم عصراً هو بعث استئناف كتبه شلون ماجان أي غير مستوفي ولو واحد بالمية من شروط كتابة الاستئناف فه اكيد رح يتم رفض الاستئناف لأنه غير مستوفِ الشروط, وهذه بعض من مشاركاته للتوضيح فقط وعن اذن ابو محمد ..... السلام عليكم والله اني بنفس اليوم اجاني الرفض ب 12 ونص الظهر قدمت الاستئناف تقريبا ب 6 بين العصر والمغرب شمدريني ينرادلهه ترتيب ومحامي كتبته بيدي ودزيته واجاني الرد قد قمنا بأرسال طلبك الى الجهات المختصه السلام عليكماولا نشكر الاخ سباركي لدعمه في هذا الموضوع الراقيبأختصار بعد ان جائني الرفض المؤشر على المربع السابع في نفس اليوم قمت بتقديم الاستئنافولم اتريث بتنسيق الطلب
اكيد طبعا اي شي جديد يتم اخذه بنظر الاعتبار .. بس حضرتك سويت رسائل الدعم اللي سبق وان ذكرتها او اكتفيت بلوثائق فقط؟
الاخ طريق النجاح والاخ ابو محمد انتو الاثنين وصلكم نفس الرفض بنفس السبب وهو انو همه مشافو اي معلومه جديدة في استئنافكم .. لازم تحط معلومه جديدة حتة يتم النظر بطلبك .. اكيد هسه رح تكولون ماعدنه اي جديد حتى نحطه بلأستئناف .. ارد واكلكم اكو شي اسمه رسائل الدعم تكدر ترفقها مع الاستئناف وهي اذا عندك احد من اقاربك او اصدقائك عندة الجنسية يكدر يفيدك بتزكيه ترفقها مع استئنافك وتكدر حتى بعد كتابة الاستئناف وبعثه ان ترفقها ، واللي يريد يعرف اكثر اني ادزله التعليمات كاملة عن هذا الموضوع اذا ماكنت باعثلهيا اصلا.لكم مني كل الود
ألسلام عليكم أخوانالله ينصركم ويفتح طريقكم و يوفقكم للأمان وحســــــــــــــــــــــــبنا الله ونعم الوكيل
اشكرك جدا عزيزي والله يا ريت تزودني ببعض المعلومات حته اكدر اضبط الاستئناف الجديد علما انه لدي ابن عمي في اميركا ولكنه لم يحصل على الجنسية بعد يكدر يفيدني بشيء وخلال هاي السنة هو يحصل على الجنسية وهذا اميل اذا تحب ترسلي المعلومات عليهssxxssxx900@yahoo.comمع جزيل الشكر مقدما وشكرا لجهودك
ادلل ابو محمد رح ادزلك المعلومات الكاملة على هالموضوع يارب تستفاد منها ولا يأس مع الحياة
الاخ سلام انت عملت استئناف اول وماتعرف شنو النتيجة توقع قبول باى لحظة لازم تنتظر النتيجة باى حالة من الاحوال وان شاء الله ماتحتاج استئناف جديد بالموفقية
اخوان يصير اقدم استئناف جديد لان لحد الان ما أستلمت شيء من المنظمة
بالتأكيد لا .. همه بعدهم مامنطيك قرار استئنافك , انتظر لحين صدور القرار النهائي وانشاء الله خير
السلام عايكم اعضاء الكروب جميعاحبيت اخذ رايكم بموضوع وهو....بعد كتابتي للإستئناف بشهر التاسع 2014 ذكرت بعض التحديثات وهو ان اخويه مواطن اميركي وعنده جنسية وهسه بالجديد الوالد والوالده حصلوا الكرين كارد..ممكن اخذ نسخه وارسلها الهم لو اصلا بعد مايتقبلون شي جديد بعد كتابة الإستئناف؟؟؟ وهل تعتقدون هذا الشي ينطي دفعه ولو بسيطة للملف؟؟؟ وشكراتحياتي للجميع
مشكور اخويه ما قصرت وممنون منك عندي فقط سؤال بدون زحمه بالنسبة لرسالة الدعم شلون تكون تفاصيلها يعني هي رسالة عادية تكتب باليد او تكون على شكل فورم ( استمارة ) من دائرة معينة والى اي جهة تعنون تحياتي واحترامي
مساك الله بالخير عزيزي تفرج ...دكتور عزيز شلونك شلون صحتك نعتب عليك وين هالغيبه ؟ بالنسبة لسؤالك اني رأيي خلي اخوك يسويلك رسالة دعم يذكر بيها انو هو اخوك حاصل على الجنسية الامريكية ومكان سكنه وعمله وبعدين يشرح بيها عنك بنبذه مختصرة وبالاخير يطلب من حكومة الولايات المحتده العدول عن قرارها وان تقوم بقبولك كلاجئ لديها .. وتبعثها بأيميل للمنظمة وتكلهم هذا مرفق مع الاستئناف. اما السيد الوالد والوالدة فه مااعتقد رح يفيدوك لان الافضلية للي عنده الجنسية .مودتي لكم
شكرا اخوية العزيز Iraqforme على ردك الكريمبالنسبة لأخويه طبعا هو اللي كتبلي الإستئناف وذكر بي قبل سنه تقريبا من كتبنا الإستئناف رقم التسجيل بالنسبة لجنسيته الأميركية بالإضافة الى كل التزكيات والباجات وحتى الصور والشهادات اللي تخص عملي مع الجيش الأميركي. يعني برايك هسه اكله يرجع يكتبلي مره ثانيه مثل ماتكول رسالة دعم ويبين بيهه هذا الشي من جديد لو برايك يكفي ماكتبه بالإستئناف؟؟؟؟بالمناسبة حسب ماكالي اخوية الأميركان مايحبون حجي هوايه بالإستئناف ويريدون كلام جدا مختصر ومركز على القضية وبدون اطالة يعني ممكن صفحة وحده تكون كافية هذا طبعا نقلا عن محامي مختص بأمور الهجرة واللجوء ..وحبيت اكلكم على شغله جديدة ماصارلهه كم يوم بالنسبة للرفض وهي...عندي اقاربي قابلوا الإسبوع الفات مقابلة ثانيه يعني محلفين والمقابلة مشت بشكل طبيعي وحلوة وكلشي تمام وبالنهاية اقاربي بلغوا المحلفة بان اجاهم طفل قبل شهر وسالوهم شلون راح تصير الإجراءات ؟؟؟ ويكلك راسا المحلفة انكلب وجهه وصارت غير بشر وكالتلهم ليش مابلغتوا المنظمة بهذا الشي جان المفروض تكلولنه...وجواب اقاربي كان مانعرف وحبينه نسمع منكم ومن هالكلام...تعرفون شصار بعدين؟؟؟؟ثاني يوم يجيهم رفض وعلى المربع السابع هههه يعني امني....طلعوا الجماعه بس يسمعون بطفل يتخبلون وراسا يلغون الكيس وبالمكان على المربع السابع...وراح اكدلكم بعد ولو طولت وياكم بس علمود تتأكدون ان الرفض مو كله امني بس همه ياشرون على السابع لان ماعدهم حجة ثانيه...اسمعوا..ايضا ابن خالي اليوم اتصلوا بي على تأكيد موعد مقابلة اولى اللي نطوه اله قبل اسبوعين...تعرفون اول سؤال شنو جان؟؟؟؟؟ زوجتك حامل او لا؟؟؟ كللهم اي حامل وبشهر السادس...راسا جاوبته الموظفه بتأجيل المقابلة مابعد الولادة بعد ماكانوا متحضرين....اذن الجماعه يتخبلون من شي اسمه ولادة جديدة ويعتقدون اللي يخلف معناته مامتهدد حسب راي الشخصي....وهذا صار ويايه بعد ماكان عدنه موعد سفر وتأجل بسبب حمل زوجتي بذاك الوقت وبعد الولادة قابلنه محلف وفحص طبي ونامت علينه الطابوكة ووره سنتين يجينه الرفض يهلل...اسف على الإطاله بس حبيت اوضحلكم هذا الشي والله اعلم.تحياتي
السلام عليكم امس تم الاتصال بصديق تم رفضه من المحلف الامريكى قبل سنتين على الاساس يحولون ملفه الى بلد اخر لكن الاتصال من قبل منظمة icmc لعمل الاستئناف وهذا بدل على تقريبا اغلب الملفات اعادة النظر بخصوصهم هذا فى تركيا هذة لم تحصل ابدا باعادة النظرنتمنى جميع الملفات ان يسهل امركم يارب تمياتى لكم بالتوفيق
صبآح آلخير ..يآربي آلكل بخير طمنونآ عنكم ..حبآيب بس آريد آسئلكم سؤآل .. هم آنتو قبل آلرفض آو بعد آلرفض آنغلق آلملف مآلتكم ؟؟؟لان آحنه قبل لا يجي آلرفض آكو حمآر بآلمنضمه غلق آلملف بدون مآ نكوله غلقه ..آتمنه تجآوبون على سؤآلي وآكون ممنونه منكم ..
السلام عليكم شلونكم شباب ان شاءالله بخير اخوية iraqformاني ان شاءالله تقريبا كملت الاستئناف الجديد لكن حبيت استفسر عن بعض الامور قبل لا ارسلها 1- بالنسبة لنسخة الرفض الاولية اكيد ارسلها أما بالنسبة لنسخة الرفض الثاني الي يخص الاستئناف الاول همات ارسل نسخة منه او ما يحتاج . 2- عنوان المنظمة في عمان هو نفسه المذكور في الاعلى في الرسائل السابقة عند ما ارسله بـ DHL لو تغير . 3- رسالة الدعم سويتها لكن بدون ارفاق مستمسكات الشخص او هوية او باج تنفع ام لازم تتوفر . 4- بعد اكو شي ناسي لو هاي هي حته اتوكل . الموفقية للجميعاخوكم ابو محمد
المحرر
موضوع: كروب المســـــتأنفين 2014 (زيارة 489948 مرات)
