مترجم سابقاً وانوي اطلب لجوءلأمريكا لكن ما اعرف منين ابدي ؟؟؟

[dude33]

السلام عليكم ورحمة الله وبركاته
بالبداية اشكر كل الناس الي مشاركين بالمنتدى فد مجهود حلوة ومفيد ويارب يبارك بيهم ويجازيهم بالخير...
اخوتي الاعزاء اني مترجم سابق عملت بي 2004 الى 2005 مع القوات الامريكية وحالياً ارغب اقدم على اللجوء نصحوني بأرسال اميل الى ic@iom.int وفعلاً ارسلت اميل قبل فترة اشهر وصلني رد من فترة سبعة اشهر لكني لم ارد الى الان استفساراتي هي:
- ممكن ارد الان بعد مضي هاي الفترة ؟
- وكيف ارد يعني افضل صيغة للرد ؟ ارسل كل المعلومات فايل pdf مع الاوراق المطلوبة او المستمسكات pdf والمعلومات كتابة بالاميل ؟
- الاوراق الي طلبوها ما متوفرة كلها يعني العقد ورقمة ما اعرفه لكن عندي الباج القديم مالي وعندي توصية من قيادة العمليات فالامور تمشي لو لا حسب خبرتكم
طبعاً ممنون مسبقاً لكل الي عندة معلومات يشاركنا بيها وشكري وتقديري

[predator]

عليكم السلام,
اخي رد على الايميل مال منظمة بنفس الايميل,
يعني سوي ريبلي ,حتى يبقى عنوان الايميل,
ودزلهم الباج والتوصية,واهم شي الايميل الرسمي مال سوبر فايزر الامريكي الي كان مشرف عليك,
او ايميل الضابط ,حتى من يراسلو يجاوبهم ويكلهم نعم هذا الشخص جان يشتغل ويانة
,من يجاوبهم راح يمشي ملفك وتنتظر المقابلة,

دزلهم المستمسكات بصيغة PDF
,والمعلومات الشخصية كتابة خليهن بملف وورد او حتى لو بدون وورد هم عادي

[ابو محمد علي]

التقديم على ال siv انسد بقى فقط التقديم على ال iom

[dude33]

اني جداً اشكر ردك اخpredator وراح ابعث الاميل ويا الاوراق المطلوبة وعندي باج 2004 وعندي تزكية من فيلق المهندسين الامريكين هم 2004 لكن السوبرفايز مالتي ما اعرف وين صار وتايتن ما الها اي شي بالنت عجيب شهر صار ادور عليهم فما اكدر احصل عليهم ... اشكر لطفك مرة ثانية تحياتي يا طيب

[dude33]

ابو محمد علي اني ممنون منك على الرد بس ممكن شنو الفرق بين SIV و IOM  اعذر سوالي لأن ما اعرف ومحتار من كل هذه الامور تحياتي

[predator]

ان شاء الله الاخوة المترجمين يساعدوك بالاتصال بتايتن ,اكو عدة مواضيع بالمنتدى ابحث عليهة,
اني مو مترجم فما اعرف التفاصيل بالتحقق من المترجمين

[AIRFIBER]

اخي الكريم اني هم مترجم انت مدام تقدم على برنامج IOM ميحتاج تزكية مادام عندك تزكية من الجيش الامريكي بس التزكية اللي عندك لازم تنكتب بغير صيغة.
حاول تتصل باي ضابط تعرفه وتدزله ايميل وتخليه يدزله تزكية باسمك تتضمن فترة الخدمة مالتك واهم شيى معلومات عن الشخص الامريكي (اهم شيى) والتفاصيل اللي يريدوهه كلهه موجودة بالموقع مالتهم واذا تحتاج اي شيى اني حاضر

[dude33]

 الاخ Airfober24hd اشكرك لطفك وردك علي وممنون منك يا طيب

[ameerali]

up

[iraqforme]

اخي الكريم تكدر ترد عادي بس ردك يكون كالأتي :
خير الكلام ماقل ودل أي رسالتك تكون غير مطوله واهم شي توضح بيها سبب تأخيرك بالرد عليهم (حاول تشوفلك سبب مقنع جداً) مع ارسال جميع الوثائق اللي تملكها واهم من الوثائق الايميل الرسمي للسوبرفايزر مالتك اللي كان المسؤل عليك حتى يتم السؤال عنك للتأكد من صحة كلامك .
وان شاء الله خير

[هندي احسن مني]

مرحبا اخواني.... ممكن اعرف اخباركم