ankawa
المنتدى الثقافي => أدب => الموضوع حرر بواسطة: abeersaraf في 06:39 31/12/2009
-
من احلى الاشعار التي قرأتها
عراقي وصرت منبوذ آنه اليوم وتلوم الناس بيه
ممحصل انا اي شي بس الهويه
واحد يكول بعتوها او واحد يكول ارهابيه
او واحد يكول صرتوا عدنا هوايه ويريد يسد بابه عليه
اتمنيت اكعد من النوم والكه واحد مثل زايد عليه
ويكولي هاك حصتك من النفطات روح تونس شويه
واتمنيت نرجع للعراق اليوم وأسد حدودي عليه
واكول ممنوع دخول الاردني والسوري والمصري وولد اليهوديه وممنوع دخول كل جنسيه عجمية وعربيه
وألكه شعبي فرحان وبغداد كلها مضويه
ولا شيعي ولاسني ولاكتل على الهويه
واشيل الحكومه كلها والعن ابو الطائفيه
واحطهم بجدر حامي واسويهم هريسه للحسينيه
ونبني مول جبير بصف نادي الهنديه
واضوي العرصات وتنضفها البلديه
ويرجع ابو نؤاس والجادريه
والكرادة وزيونه والحارثيه
واسوي ملعب جبير من الثورة للحريه
ونبني مبنى جبير بس ديسكوات ونوادي ليليه
واكتب لافته جبيرة ممنوع دخول السادة والوهابيه
وابنص دجلة برج جبير على عناد الخليجيه
واسوي نافورة طويله اطول من نافورة جده بالسعوديه
ويرجع كل عراقي باوربا وامريكا وبالدول العربيه
وترجع بغداد حلوة على عناد ايران والدول العربيه
بس مو كلها تريدوها هسه هاي بسنه 2100
-
عاشت الأيادي يا عبير صراف الأحلى من العســـل !!!
ونقول .. يا أمريكا لماذا هــذا الإجرام
بقيمنـــــا العراقيــــــة
والوطنيـــــــة
أزحت عنا نظام
كي تجعلينا محبوسين في أحلام
وهميـــــــة
وهل كان هدفك من الإحتلال
لتقييد وطننا بعقود مشروطة
حسب الرغبــــــــة
الأمــــــريكية ؟؟؟
حيث جعلت من العراق أفقر من الدول
الأفريقيـــــــة
وقمت بسرقة نفطنــــــا .. تراثنا .. أطبائنا .. عقولنا
العلميــــــــــــــة
زرعت بيننا حرب ضروس
ونشوء تيارات آنشغلت
بنزاعــــات لانهاية لها وفتنـــة
طائفيـــة
تبا لك من دولة ممسوخة بين الدول
الغربيــــــــــــــــــــــة !!!