ankawa

المنوعات => زاوية الشباب => زاوية الحوار المفتوح لمناقشة مشاكل الشباب => الموضوع حرر بواسطة: dany.k في 10:55 22/07/2009

العنوان: سوال صريح لكل فتاه؟؟
أرسل بواسطة: dany.k في 10:55 22/07/2009
وأتمنى الجواب بكل صراحه
إذا تعرفت البنت على شاب في الدراسه أو العمل وكان على خلق ودين وبينهم الإحترام المتبادل وما عرفت منه إلا كل خير وصار بينهم تواصل محترم على أساس الزمالة أو الأخوة عن طريق الرسائل القصيره أو الإيميل

ورغب هذا الشاب في الزواج من البنت!!
لكن الظروف ما سمحت بسبب ظروف والزواج قسمة و نصيب!!

وبعدين تزوجت البنت!!

السؤال :
هل تعتبرين وتنظرين إلى تواصل البنت معه بالإيميل مثلا أو الرسائل القصيرة نوع من الخيانة للزوج؟

دمتم سالمين


اتمنى ان تجاوبو بكل صراحة


تحياتي
العنوان: رد: سوال صريح لكل فتاه؟؟
أرسل بواسطة: nabil maria في 22:17 22/07/2009
عاشت الايادي للموضوع

برأي الشخصي اعتبرها خيانة لانه عندما يستمر الاتصال مرة كل شهر سيتقلص الى اقل من شهر وهكذا الى تصبح اللقاءات قريبة جدا والاتصالات كثيرة ويأتي اليوم يشعر الفرد عندها يوجد شيء غير طبيعي ولكن الصداقة تستمر اذا كان هناك الصراحة والاحترام بين الطرفين والحوار البناء .
لهذا الرسائل القصيرة او الايميل قد يزيد يوما ما وعندما يكون اخفاء في الموضوع وهنا تبدء المشكلة لهذا انصح ( كل واحد بطريقه) لان الحب ابدا لن ولم يتحول الى صداقة ...


تحياتي وعاشت الايادي

رأي الشخصي
العنوان: رد: سوال صريح لكل فتاه؟؟
أرسل بواسطة: noni2006 في 11:56 23/07/2009
هاي داني.....اني برايي انو اذا تستمر المراسلة و الاتصالات ماكو مشكلة بس بشرط انو الطرفين يعررفون انو الوضعية تغيرت ومن المفضل انو الزوج يعرف غير هذا مو ممكن ...وما اتصور واحد  يحب وحدة يعرضها لمشاكل...مووووووو لو مومو
العنوان: رد: سوال صريح لكل فتاه؟؟
أرسل بواسطة: dany.k في 17:42 23/07/2009
شكرا  noni2006 و nabil maria  على المرور العطر



تحياتي
العنوان: رد: سوال صريح لكل فتاه؟؟
أرسل بواسطة: JANEETYOUNAN في 13:16 24/07/2009
الى عزيزي داني هذه التي تكلمت عنها هي عمق مشكلات الزواج ...يا اخي هي تزوجت  وانتهى الامر ولكن هل الزواج ملئ بالحب...وهل فيه الصداقة الزوجية...بدون سابق انذار تدخل ضمن حياة كانها بحر لا اطمئنان فيها.
اذا استمرت فلافضل ان تنفصل عن زوجها فلا داعي ان تكون شخصيتين مختلفتين وتعطي كل واحد الحق.
اذا استمرت فلماذا تتزوج اذا مادام قلبها مع الاخر...ياداني هنا في خلية وفيها كل المواصفات والاقدار ونحن بيدنا نعملها .
اذا كانت الاستمرالاية نابع صداقة اخوة ولما لا يعني هنا تتبدل الامر فالكتابة تعبر عن مصداقيتها ولما لا نحترم
الصداقة والزمالة في ان واحد.
                                   اذا كان القلب صافي اذا لاخوف منه اما اذا كان القلب نجس ذلك قولوا يا ويلاه
                                                                             وشذرا على ه\ا الموضوع الحلو
العنوان: رد: سوال صريح لكل فتاه؟؟
أرسل بواسطة: dany.k في 14:12 24/07/2009
يسلمووو اخت جانيت غلى الرد
العنوان: رد: سوال صريح لكل فتاه؟؟
أرسل بواسطة: سلام العاشق في 10:17 11/03/2010
اني احي الاخت الفاضلة على هذا السؤال المهم في حيات الشباب و الشابات بالخصوص ارجو الاستفادة مع التقدير

اخوكي 
سلام العاشق  ::)
العنوان: رد: سوال صريح لكل فتاه؟؟
أرسل بواسطة: bnottkamel في 21:53 13/03/2010
موضوع رائع واكثر مشاكل الزواج سببها الحب الاول واني اعتبرها خيانه لان كل شخص عندة كلب واحد والي لازم يسكنه شخص واحد / الاخطاء الي تصير هيه
*المخابرات بالخفيه يعني من جوا الجوا يعني اكيد ماراح تخابر حبيبها الاولاني كدام زوجها!
*المحادثة الي تصير اكيد تمر بيها كلامات غراميات وراح يظلون يفكرون واحد بالاخ وهذا اكثر يعقد الامور
*من يجي الزوج يغازل مرته هية تكون كارهته وماطيكه وتكله مالي وهسك وتصير مشكلة
هاي اكبر خيانه ـ  والشخص مايكون ناجح بحياته لان الحب الاول ضاع والزوج ماداتنطيلة حقه كازوج
واكو هوايه اشياء تصير بس المختصر المفيد احسن ،نصيحتي الي يمر بهاي التجربه الصعبه هو ان ينسى ويتقدم خطوه للامام بدون النظر للوراء والي راح ماااااااااااااات
هذا رائي الشخصي تحياتي
تقبل مروري
العنوان: رد: سوال صريح لكل فتاه؟؟
أرسل بواسطة: عيون العراق في 07:14 15/05/2010
انا برائ اكيد هاي خيانة  لان راح تبدي الامور بشويا شويا يعني مرة تحجي وياه ومرتين وتزيد العلاقة ولاننسى انو هي جانت تحبه!!!! وراح تكذب على زوجها وبعدين لو لكفها تصير مشاكل وتهدد حياتها الزوجية
فبراي ماانصح اي بنت بهل الشي لان من اتزوجت خلص بعد تعيش ويا زوجها وتنطي قلبها لزوجها وبس
تحياتي
العنوان: رد: سوال صريح لكل فتاه؟؟
أرسل بواسطة: اياد الساهر في 16:12 22/07/2010
اني برأي هاي اكبر خيانه ان تستمر الفتاة بعلاقتها القديمه علما مستحيل الحب يتحول صداقة
لان الرسائل والاتصالات ممكن ان تؤدي الى اشياء اخرى مثل المواعده او المغازلة
نصيحتي لكل فتاة ان تحترمها زواجها وتقدسه وتستمر بتكون اسرة واطفال بعيدا عن اي نوع من انواع العلاقات  ???
العنوان: رد: سوال صريح لكل فتاه؟؟
أرسل بواسطة: SAIF_aladil في 16:52 15/08/2010
والزواج قسمة و نصيب!

في البداية اود ان اعلق على هذة الكلمة انه في الزواج لايوجد قسمة ونصيب في الزواج يوجد نعم ولا
لان الانسان مخير
وعندما تقف الفتاة وتقول نعم ويقول الشاب نعم فأنهما اختارو حياتهم فلاداعي لان يدخل طرف ثالث سوا الله

مع تحيااتي
العنوان: رد: سوال صريح لكل فتاه؟؟
أرسل بواسطة: ** يدكو ** في 15:05 24/08/2010
تعتبر اكبر خيانه
العنوان: رد: سوال صريح لكل فتاه؟؟
أرسل بواسطة: زهرة القرنفل في 19:09 21/09/2010
موضوع كلش حلو ومرة سمعت بالراديو قصة هم هيجي وحدة تحب واحد وتزوجت وزوجها كلش يحبها ويقدرها وهي مستمرة بحبها القديم وتبجي وتتالم من اي مشكلة تصيرلها وياه ورغم انها تحبة بنفس الوقت متريد تعوف زوجها وهذه انانية طبعا

وخيانـــــــــة اكيدومدام تزوجت لازم تحب زوجها الي منطيها اسمة والحبيب السابق لازم تنساه وينساها

تحياتي
العنوان: رد: سوال صريح لكل فتاه؟؟
أرسل بواسطة: nuhra في 17:21 17/10/2010
موضوع جميل وسؤال مهم جدا


واستطيع ان اقتصر الاجابة بالتالي

الحب لا يتحول الى صداقة ابدا

ممكن صداقة تتحول الى حب ولكن شنو معنى التواصل مع حبيب سابق ؟؟؟ فبراي هي خيانة مية بالمية
لان من انتهى الحب ينتهي كلشي وياه وميبقى للصداقة وجود لان على الاقل يبقى احد الطرفين متعلق بمشاعر الحب ومن الخطا ان يبقوا على اتصال بالرغم من زواج احدهم


تحياتي
نوهرا
العنوان: رد: سوال صريح لكل فتاه؟؟
أرسل بواسطة: dalia1975 في 14:25 28/11/2010
اكيد هيجي علاقة وهي متزوجة خيانة بس اكيد اكو فد خلل من زوجها حتا لو تحب واحد قبل الزواج او حتا بعد الزواج لازم اكو فراغ عاطفي بحياتها والزواج هو شراكة بين اثنين بكلشي ولازم واحد يحس بالثاني ومثل هجي علاقات اكيد مكتوبلها الفشل لان ماكو شي يغذيها واكيد الابنية تعرف انو الطرف اللي دتخون زوجها علموده او يحب يتسلى بيها وهي تدرك هذا بس نتيجة الفراغ العاطفي يكون مخدر الها وحتا لو جان عشيقه يحبها من صدك فاكيد مثل ماكلت اتوماتيكيا راح اتصالات وبعدها لقاءات وهي بالاخر اللي راح يكع كل اللوم عليها وراح تتعب نفسيا وهي اللي راح تنجرح فخلي تفكر بعقلنية وتوعا انو هذا الشي غلط وهم بالاخر اضع اللوم عل الزوج لازم الزوج يقترب من زوجته وييحسسها بوجده بحياتها اكيد مافد يوم تفكر انو حتا تباوع عل غيره لو اهتملها وقدر قيمتها
العنوان: رد: سوال صريح لكل فتاه؟؟
أرسل بواسطة: فيفي luv في 19:26 27/03/2011
hello  طبعا هذا نوع من الغدر والخيانة هي ازوجت والمفروض متحجي وياه ابد شلون تقبل عل نفسها هلشي غلط
العنوان: رد: سوال صريح لكل فتاه؟؟
أرسل بواسطة: زهرة الصبار في 19:35 27/03/2011
هاي شذكركم بالموضوع العتيك
على كلن مادام نفتح اني راح اجاوب
والله عاد تعتمد على دواخل البنت والشاب اذا داخلهم نظيف وكل واحد يتمنى الخير والسعاده للثاني وماكوقسمه ونصيب وكل 1 يروح
حال سبيله ونيته صافيه والله عاد مابيها شي اذا كل فترة يحجون ويشوفون شنو اخبار الثاني وسلام ومع السلامه بسسسسس
مثل ماكلت بشرط نظافة كلوبهم وصفائها ;) ;)
العنوان: رد: سوال صريح لكل فتاه؟؟
أرسل بواسطة: 3ankawetha1 في 03:42 12/04/2011
  شكرا dany.k عالموضوع الحلو

 
طبعاخيانه ....يعني هي تزوجت وخلص ......طبعا لازم تكون تحب زوجها من هيجي تزوجت مو لحتى تنسى روميو يعني حبيبها......و لازم تنطي حبها واخلاصها و وقتها لزوجها وبس والباقي  كلو خس هههههههه ...... يعني بدل ماتروح تضيع وقتها بالمسجات والايميلات وياه خليها تكعد ويه زوجها لان هو احق بيها لا حبيب سابق ولا صديق حالي زوجها وبس

  تحياتي 3ankawetha1
العنوان: رد: سوال صريح لكل فتاه؟؟
أرسل بواسطة: ماريان كوركيس في 07:45 27/04/2012
اكيد خيانة لئن الحب صعب ان يتحول الى صداقة ولكن ممكن ان تتحول الصداقة الى حب