ankawa

منتدى الهجرة واللجوء => الهجرة و واللاجئين => الموضوع حرر بواسطة: حب العراق واهله في 16:47 21/02/2011

العنوان: معلوماتكم عن مدينة سالت ليك ستي ولاية يوتا
أرسل بواسطة: حب العراق واهله في 16:47 21/02/2011
تحية احترام وتقدير الى منتدى عنكاوا مشرفين واعضاء

ارجو من لديه معلومات عن مدينة سالت ليك  يوتا
حقيقة اني مقدم على  اس اي في وكفيلي بيه
العنوان: رد: معلوماتكم عن مدينة سالت ليك ستي ولاية يوتا
أرسل بواسطة: looking for peace في 13:14 22/02/2011
السلام عليكم
اخي حب العراق
اني قبلك سالت سؤال عن يوتا قبل 5 اشهر ومحد ردلي جواب لحد هاي اللحظة يمكن محد يهرف عنها شئ . او اللي ديروح عليهه ما منتمي لعين كاوة. اني ايظا كفيلي بيها بس يكول راح ينتقل الى ولاية اوريكون اللي بصفها. وهسه حاير مثلك والله كريم
العنوان: رد: معلوماتكم عن مدينة سالت ليك ستي ولاية يوتا
أرسل بواسطة: الفراتي في 15:50 22/02/2011
هي ولاية مناسبة للعوائل من حيث انها محافظة ونسبة الامان بيها عالية  والشغل تساهيل من الله بس انا صحبي بيها ويقول  انه بيها شغل وتقريبا كل العراقيين اللي هناك عندهم شغل طبعا يختلف من شخص الى اخر ولكن دائما هناك سياقة التاكسي او التريلات السيارات الكبيرة ورواتبها جيدة جدا مقارنة بالوضع الاقتصادي الحالي وحسب كلامه انه لايعرف احد لا يعمل من العراقيين وهي ولاية جميلة جدا جدا بل هي سياحية درجة اولى بالمناظر الطبيعية وغيرها هذا ماعندي الان واذا تذكرت معلومات سوف ارجع واكتبها من جديد وسامحوني على التقصير
العنوان: رد: معلوماتكم عن مدينة سالت ليك ستي ولاية يوتا
أرسل بواسطة: حب العراق واهله في 20:20 22/02/2011
شكرا شباب على المرور  والله يبارك بيكم
مثل ما كال الاخ Looking  ماكو اعضاء من ولاية يوتا
العنوان: رد: معلوماتكم عن مدينة سالت ليك ستي ولاية يوتا
أرسل بواسطة: عونك يارب في 04:05 23/02/2011
السلام عليكم
اخي اللي يسال عن  سولت ليك في ولاية يوتا اني رح اجاوبك اني مو بهاي الولاية بس صديقي بيها واحنا على تواصل باستمرار المدينة سكانها من المحافضين \يسموهم      ( المورمن) هذولة متدينين بشكل  وساعدو هواية عراقيين بايجاد عمل او تبرع اثاث المهم المدينة بيها هواية عراقيين والشغل متوفر  المدينة باردة الثلج موجود الشتاء كلة الجبال بكل مكان  اغلب العراقيين هناك يدرسون انكليزي علمود الفلوس وتصور اكو منهم يدرسون عربي ههههه حتى الدولة تنطيهم مبالغ للدراسة المنضمات زينة اني صديقي دخل دورة وهسة هو كيس ووركر بالمضمة وامورة ماشية الحمدللة ارجو ان اكون كفيت بجوابي
اخوكم دنفش
العنوان: رد: معلوماتكم عن مدينة سالت ليك ستي ولاية يوتا
أرسل بواسطة: حب العراق واهله في 17:34 23/02/2011
شكرا عيوني عونك يارب على هذا المرور
الله يبارك بيك
العنوان: رد: معلوماتكم عن مدينة سالت ليك ستي ولاية يو
أرسل بواسطة: hussam2010 في 00:52 24/02/2011
تحية احترام وتقدير الى منتدى عنكاوا مشرفين واعضاء

ارجو من لديه معلومات عن مدينة سالت ليك  يوتا
حقيقة اني مقدم على  اس اي في وكفيلي بيه

السلام عليكم ورحمة الله وبركاته
اخوتي حب العراق واهله و looking for peace اني اسكن في ولاية يوتا في سالت لايك ستي الي هية عاصمة الولاية واي استفسار او معلومة اني حاضر بلي اعرفة اخدمك بيه حددلي الاشياء الي تريد تعرفهة وتدلل  
العنوان: رد: معلوماتكم عن مدينة سالت ليك ستي ولاية يوتا
أرسل بواسطة: SIRAQS في 06:45 24/02/2011
اخي حسام شكر الك ممكن تكتبنه اكثر معلومات عن يوتا في سلت ليك ممكن تشرح من ناحيه الشغل السكن توفر العمل هشكل والحياه العامه

شكر الك
العنوان: رد: معلوماتكم عن مدينة سالت ليك ستي ولاية يوتا
أرسل بواسطة: angie-dawood في 07:00 24/02/2011
http://www.ankawa.com/forum/index.php/topic,403772.0.html 

هاي رابط عن يوتا  راح ادور بالارشيف اذا اكو بعد معلومات انزلها هنا
العنوان: رد: معلوماتكم عن مدينة سالت ليك ستي ولاية يوتا
أرسل بواسطة: soranov في 12:07 24/02/2011
اني اخوي يسكن ب يوتاه
بس ما عندي اي معلومة عن الولاية
الي اعرف هو السكان من (المورمون)
و حصول على الشغل افضل من معضم الولايات
و ولاية رخيصة في نفس الوقت ونسبة الجرائم قليلة جدا
والجو بارد في الشتاء مع تساقط السلوج و في الصيف درجات الحرارة يكون ما بين 25 - 30 في النهار
و 15 - 20 في الليل و يعتبر من افضل ولايات للسكن العائلي
العنوان: رد: معلوماتكم عن مدينة سالت ليك ستي ولاية يوتا
أرسل بواسطة: حب العراق واهله في 13:10 24/02/2011
شكرا اخ حسام وكل شخص يريد يساعد الله يبارك بيكم

اي معلومة  تعتقد تفيد وخصوصا اني بعدني بالعراق وعندي عائلة 2 اطفال

العنوان: رد: معلوماتكم عن مدينة سالت ليك ستي ولاية يوتا
أرسل بواسطة: hussam2010 في 23:45 25/02/2011
السلام عليكم

اغلبية سكان يوتا همة من المورمن  ودين المورمن هوة دين مسيحي بس منشق عنهم وعدهم نبي موجود لحد الان عايش  طبيعتة قريبة من الدين الاسلامي مثلا يحرم شرب الخمر وشرب القهوة والشاي وكان يسمح بتعدد الزوجات بس انلغى هذا القانون من اكثر 100 سنة بس لازال موجود بالخفاء ويعملون الزكات  المهم نادرا ما اتشوف ذوات البشرة السوداء كلش قليلن بيهة بس يكثر المكسيكان بيها
من ناحية الشغل
الشغل في سالت لايك ستي نادرا ما تجد بيها عمل او اذا لكيت عمل حتلكاه براتب 7.25 بالساعة وهذا العمل تلكاه في ستورات تسمى بالـ di وهية منضمات خيرية تابعة للمورمون اتساعد الاجئين والفقراء على العمل بس لفترة محدد من الزمن لاتقل عن شهر ولاتزيد عن سنة وخلال هاية المدة يحاولون يطوروك مثلا يحاولون يخلوك اتحصل على شهادة التويفل او اجازة القيادة او يدربوك على عمل انتة تريدة بس الراتب اذا بوحدك تشتغل وتريدة يسد عائلة فمراح يسد بس خارج سالت لايك ستي متوفر الشغل بكثرة مثلا اوكدن او بارك ستي او ساندي او لايك باول وبرواتب جيدة لان مناطق سياحية وصناعية خصوصا في بارك ستي الرواتب  ممتاز ة بيها بس المشكلة المسافة بين العاصمة وهاية المدن  المسافة لاتقل عن اقل من ساعة ونص طريق بالسيارة وخلي ابالك هاية المناطق جبلية وطول الوقت في الشتاء ثلج وشتاء الولاية هاية 8 شهور وشهرين صيف وشهرين مخبل ماتفتهم شبيه مرة حار ومرة بارد هاية بالنسبة للشغل
بالنسبة للمنظمات  اكو منضمتين اهنا اكو منضمة اسمها ccs هاية خوش منضمة من ناحية التجهيز تدفعلك ايجار 6 شهور وينطوك كاش كل شهر لمدة 3 اشهر هاية بس للعوائل  ويكملولك كل اوراقك وتلتزمك من كل النواحي بس من ناحية ادورلك شغل فهاية السالفة انساها لان المسؤولة عن العمل وحدة ثولة ما اعرف شلون خلوهة بهيجي منصب
واكو منضمة ثانية بيهة مدا اتذكر اسمهة هاية تلكالك شغل من البداية بس اتعذبك من بقية النواحي واتذلك من تنطيك شي
بعدين من يخلص برنامجك من احدى المنظمات حتتحول على الـ dws الي هوة الفليدرالي هاية بالنسبة للمنضمات
اسعار المساكن في سالت لايك ستي كل ما تقترب من الويست او الداونتاون ترخص المساكن وكل ما تتجه الى الساوث او الايست تغلة المساكن ويتراوح ايجار شقة او شبه مشتمل مابين 400 دولار الى 1000 دولار بالشهر مثل ما شرحت مسبقا
جو المدينة بالصيف روعة ماتنوصف مهما حجيت بس بالشتة برد وثلج موحش واذا يريدون يمثلون فلم رعب فهاية المدينة جاهزة من كل الديكورات الثلجية والضلام
طبيعة الناس مراح احجي شي بس مع الاسف ماصرنة العرب مثلهم من طيبة واخلاق ومن كل النواحي الاخلاقية ححجيلكم مثل صار وياية اني من سكنت جديد فجيراني جواية امريكية مرمون فبعد فترة 3 اشهر شافتني بالحديقة فكلتلي عندي شي اريد اكولة الك كلتلهة شنو فكالت اني جايني خطار عازمتهم  و انتة وعائلتك من سكنتو اهنا فكمت ما اطبخ لحم الخنزير وانتو اسلام واعرف حرام عدكم  فتسمح اطبخ بس اليوم واذا ماتقبل فماكو مشكلة فأني ابتسمت وكلتلهة لاماكو مشكلة اكو خطار او لا انتي اطبخي ما يئثر علية فكالت وريحتة فكلتلهة ماكو مشكلة واذا اتحبين اني اساعدج علمود اتصدكين
من ناحية اسعار الغذاء والملابس والكماليات فبيهة الرخيص وبيهة الغالي اكو محلات ارخص من بغداد بهواية واكو محلات بيهة كلش غالية وبعد فترة حتتعلمون منين تتسوكون
عدنة السيارة ارخص من البايسكل الياباني في بغداد  وانتو بعد افتهموهة
واذا اكو شي ثاني اني ماذاكرة فنبهوني علية علمود اسولفلكم عليه