عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - fddd

صفحات: [1]
1
السلام عليكم نعم صارت بحاسبتين عدنا بس  احنا مساكنين البو كركى احنا الباسو  والسبب يعود لبناتى يدخلون يباعون مسلسلات عربية بمواقع بيها كوكيز وتنضرب الحاسبة الحاسبة الاولى انضربت وليهسة واكفة تحتاج تنصيب وندو والثانية الحمد الله والشكر جان فاتحين على مو اليوزر الاصلى  فكدر زوجى يلغى اليوزر الثانى ويلغى ويا البلوك  والحمد الله هسة مابيها شى وهسة توبنا ندخل اى موقع انباوع مسلسلات عربية سوى اليوتيوب لانه امن  هاى تجربتى  ولكم جزيل الشكر

2
السلام عليكم اخى بما انه انت فى تكساس اكو شركة توظيف اسمها  sos staffing   توظف فى شركات النفط الى بمدلاند واوديسا وباب التقديم مفتوح وتعينو هواى عراقيين عن طريقها من كافة الولايات فتكدر تدخل على الرابط مال الشركة وتاخذ العنوان وتروح تقدم مباشرتا وانشاء الله يسهل امرك

3
السلام عليكم تكدر اخى تضيف الوالد والوالدة واختك مالهم علاقة اذا ميشتغلون بس تثبت انه انت تعيشهم ورح يرجعلك كمية زينة من التاكس ريتيرن حتى لو دخلك قليل احنا اول ماجينا زوجى اشتغل ثلاث اشهر الاخير ة من السنة ورجعولنا تقريبا ثلاثة الاف وخمسمية  مع العلم  زوجى كل المسوى هو ثلاثة الاف
 مالى علاقة اهم شى شكد تعيل  وياك ناس

4
السلام عليكم كلش مهمة الشهادات احنا جنا بمصر وهم سمعنا انه على العمر بس من اجينا الى تكساس رادو شهادات والحمد الله منزلوهم وبقوهم بنفس صفوفهم فضرورى اجيبون الشهادات احنا مصدقناها بالخارجية ترجمناها وصدقناها من الدائرة الموجودة بالجيزة الى على شارع الهرم يمكن اسمها المحافظة ومشت واعترفو بيها

5
السلام عليكم اخوتى حبيت افيدكم ولو بمعلومة بسيطة انه توجد شركة توظيف اسمها sos  بالعربي اس اواس استافنك هى شركة توظيف توظف بشركات النفط الى بتكساس حيث حاليا توظف فى مدلاند وكافة الاختصاصات بس متعتمد على الشهادة على حسب الوظائف المتوفرة لكن رواتب ممتازة وسكن كلة على حسابهم وبدل طعام وميردون خبرة شغل باميركا تقدم الاوراق ويسوون اختبارات وفحص فيزيائى وفحص للمخدرات وعندما تجتازون الاختبارات يعينوكم واى سؤال انى حاضرة

نسالكم الدعاء

6
السلام عليكم يبدا الدوام هذه السنة فى ولاية تكساس مدينة الباسو يوم 27 من شهر الثامن يعنى انشاء الله وراء العيدswetony@yahoo.com

7
السلام عليكم دخلنا امريكا قبل سنتين فى لاية تكساس الدوام يبدا نهاية شهر الثامن يعنى الاسبوع الاخير  وينتهى يوم 6 من شهر السادس واذا لاسامح الله طالب راسب يروح سمر اسكول من بداية السادس الى منتصف شهر سبعة يكون الامتحان عندى ثلاث بنات مراحل ابتدائية ومتوسطة وثانوية اول سنة دراسية للجايين بكافة المراحل مرح يكونون مشمولين بامتحان الاستار الى هو البكلوريا وحتى لو المستوى مو زين ينجحو يمتحنو امتحان بسيط وينجحو يبدى الامتحان محسوب من السنة الثانية طبعا حتى اول ابتدائى يمتحنوهم امتحان وزارى بس ممحسوب احجيلكم بنتى  اجت بالكندر كاردن طكة متعرف انكليزى عانينة وياها الشهر الاول وجنت اداوم وياها لان اتخاف وكلشى متفتهم بعد الشهر اجاوزنا وكامت اتعلقت بالمعلمة مالتها واهنا كلش عدهم انسانية يعنى حتى المعلمة من اتصير عدها استراحة بنتى امجلبة بيها وتاخذها وياها الى ان اتعودت وهسة انكليزيتها ممتازة هى الان ناجحة للصف الثانى بصف الاول عدهم امتحانات اخر السنة لازم بالريدنك الطفل يقرا 60 كلمة بالدقيقة ورياضيات وعلوم  بس الجهد الاكبر على المدرسة وانشاء الله اكملكم عن قريب لان هسة مشغولة واى سؤال انى حاضرة

8
السلام عليكم حبيت اضيف على موضوع الطلاب المشاكسين عندى بنتى بالميدل اسكول وتستعمل الباص  على الاكثر اوغالبا يكون السائق امراءة  فبنتى دائما تجلس بالمقاعد الامامية القريبة يم السائقة وفى احد المرات صارت مشكلة واهنا الطلاب ميخافون ويجاوبون فالسائقة فقدت السيطرة على الوضع بالدقيقة اتصلت بالشرطة حيث اكو شرطة مدرسية وكفت الباص واجتى الشرطة وحاسبو الطالب وثوانى رجع الباص الى وضعة الطبيعى   واكو سيكيورتى وبيديهم لاسلكيات داخل المدرسة وبالممرات وحتى بحمامات البنات اكو كاميرات وبنتى الثانية بالهاى اسكول تكول ماما بالكافتريا يتفقون مجموعة ولد واحد ايطفى ضوا الكافتيريا والبقية يبدون يشمرون الاكل مالتهم ناس على ناس تكول والعياط يبدى تكول ثوانى ويسيطرون السكيورتى واكثر شى يرعب بنتى العركات الى اصير تكول ايصيرون ناس تكتل ناس واكثر شى اذا تعاركو سود مرة اتكول تعاركن سود تكول وانى قريبة منهن تكول راسا بدا الكتل تكول تبسمرت تكول صديقتى اصيح ركضى انهزمى وجانت احدى صديقاتها طرف بالعركة تكول ماما ابنية فقيرة ومو سودة وردت ادافع عنها لان هى ممسوية شى بس خفت ليجرن  الحجاب وياذونى  بس يجون السيكيورتى يفكون العرك يعنى كلشى مسيطر عليا وعندى هواى قصص وتجارب وى بناتى انشاء الله اذكرها الكم مو الى يقرا الكتبتة يقلق لا بالعكس مدارس ممتازة والطلاب بايدي امينة لكن بالنهاية احنا بشر مو انبياء وخصوصا مراحل المراهقة ولكم تحياتى

9
وعليكم السلام انصحك احى بالزاب تيفى  zaap tv  ممتاز تدفع 375  فقط وبدون اشتراك شهرى وبي تقريبا 200قناة عربية وبي الامبيسيات كلهن والجزيرة والعربية ووروتانا وقنوات عراقية حجى عن تجربة

10
السلام عليكم نعم يوجد ابريق وكافة الاحجام وبسعر ميجاوز 8 دولارات اضافة الى الخرطوم الموجود بالدول العربية ممكن واحد يشترى ويربطة كلشى اكو لتفكرون اكو شى ماكو

11
السلام عليكم اخى احنا طلعنا من مصر قبل سنتين من طلعت الموافقة الامنية واننختم الملف بعمان طلعونا جواز الصليب الاحمر ومحد طلب جوازاتنا وسافرنا بجواز الصليب الاحمر ومحتاجينا جوازاتنا

12
السلام عليكم طبعا الغاز ارخص

14
السلام عليكم حبيت اشاركم بهذه المعلومة البسيطة الى يمكن كتبو عنها سابقا بخصوص الفود استامب حيث يمكن استخدام الفود استامب فى كافة الولايات اكتشفنا من خلال التجربة حيث نحن من سكنة ولاية تكساس وفى العطلة الربيعية ذهبنا الى كليفورنيا سان دياكو والكاهون وجربنا استعمال الفود استامب واشتغل واستطعنا التسوق به فى السابق كنا نعتقد انه كل ولاية لها كارت خاص لايمكن استعماله لكن الحمد الله  ممكن كارت الفود استامب ممكن تستعملو فى كافة الولايات


اختكم من تكساس

15
السلام عليكم اخى محلا ت كود ويل ماياخذون ولا فلس هما ناس متطوعين لعمل التاكس يعنى مساعدة الناس واحنا سويناها ومااخذو منا 


اختك من تكساس

16
السلام عليكم اخى العام احنا استلمنا تاكس مع العلم مجان عدنا كرين كارت ماله علاقة الكرين بالتاكس ريتيرن

17
السلام عليكم هناك مكاتب كثيرة لعمل التاكس ريتيرن  العام ذهبنا الى احد المكاتب واخذ اجور 265 دولار وهذا مبلغ كبير ممكن الاستفادة منه لعائلة ذات دخل محدود لكن السنة ارشدونا الى محلات كود ويل للالبسة المستعملة حيث توجد فى هذه المحلات كل يوم ثلاثاء متطوعين لاحتساب الضريبة بدون مياخذون اى فلس  وفعلا ذهبنا ووجدنا متطوعين وعملو لنا الضريبة بدون ان ياخذو اى مبلغ فحبيت اشاركم المعلومة لكى يستفاد منها اكثر عدد ممكن

18
السلام عليكم اختى العزيزة مع الاسف بعض الناس يصورون انه من نوصل الامريكا لازم انصير امريكان انعوف تقاليدنا وتعاليمنا الدينية وكانما رب العالمين بس بالعراق موبكل مكان مع الاسف اشوف هذا الشى عند الرياجيل مو الكل البعض واعرف هواى ناس اول ما اجو نسوانهم محجبات ورى شهر ذذبو الربطات والله لازم نتعايش وى المجتمع مع العلم نسوانهم بالبيت ميشتغلون ويعتبرونة احنا الغلط وهما الصح اول ماجينا بناتى محجبات وبمراحل الهاى اسكول والميدل اسكول اول المنتقدين على الحجاب هما العراقيين وخبلونا رح يعانون بالمدرسة ورح يصيرون نشاز وهاى الحمد الله والشكر هاى السنة الثانية بناتى محافظين على حجابهم والتزامهم وميصافحون احد فيااختى لتستغربين من الانتقادات  وبالاخير تقبلى تحياتى

اختك من تكساس

19
بالنسبة للمناهج الدراسية هى نفس المادة العلمية بس بالانكليزىيعنى بنتى السنة الفاتت كانت ثانى متوسط مادة الرياضيات هى نفس المادة الدارستها بمصر بالصف الاول المتوسط واذا اللغة ضعيفة يحطوهم صفوف تقوية انكليزى وى الدوام والمواد العلمية وراى الدوام ساعة تقوية ويدخلوهم برامج وراى الدوام للتقوية رياضيات وعلوم فابدا لتقلقون

20
السلام عليكم اسفة على التاخير اخى ابو هاشم احنا بولاية تكساس مدينة الباسو  اذا مكانت خلصان العام الدراسي تكدر اجيب الشهادة مال نصف السنة مترجمة لان يعتمدون على الشهادة وجذب مال ميسالون على الشهادة اول الطلبات هى الشهادة ودفتر التلقيحات هاى عن تجربة

21
السلام عليكم رح اتكلم على الى صار وى بناتى الكبيرة الان هاى سكول والوسطانية متوسطة الميدل اسكول اجينا جايبين شهادات مصدقة من مصر لان جنة بمصر وعادى منزلوهم وخلوهم بنفس اصفوفهم ودخلوهم دروس مال لغة ويشوفون مستواهم اذا اقل مثلا رياضيات ميطوهم مال نفس المرحلة مال اقل سنة ويمتحنوهم وراى فترة يشوفون المستوى تحسن اذا تحسن يطوهم مال نفس المرحلة بس كل هاى الاجراءات وهم بنفس الصف مينزلوهم وهسة وى بنتى اجا طالب كورى وى بنى الى بالهاى اسكول كلشى ميعرف بحيث حتى قوانين الصف ميعرفها كلسع ايروح للوكر مالتة بلا استاذان ايروح للحمام بكيفة انطوا المدرسة مترجم فورى ودروس تقوية وحاطى بنفس مرحلتة هسة الولد بدفى تحسن بس مااعرف اكو ناس نعرفهم اجو من العراق نزلوهم سنة هل المستوى مو زين لو شنو مااعرف هاى تجربتنا ارجو ان تستفاد منها واحب اضيف ابد لتقلقون مدارس ممتازة وايدى امينة واول سنة ماكو عليهم امتحان اخر السنة يعنى يعبروهم وشكرا

22
السلام عليكم الجمعة السوداء هى يو م للتسوق تصير بي تنزيلات كلش قوية والعادة انه الناس تاخذ سرا من الليل الى ان تفتح المحلات لان التخفيضات تشمل كهربائيات اثاث ملابس احذية غراض مطبخ ونص القيمة واضافة اذا عندك كردت مال هاى المحلات رح تكون تخفيض اضافى يعنى مثلا التخفيض 40 بالمية وعندك كردت مال الستور رح يخفضون 15 بالمية اضافة للاربعين  فهاى هى البلاك الفرايدى

23
السلام عليكم بالنسبة للامنية مهما تطول المدة تجى موافقة فى حالة الشخص ممسوى شى وماعدا مشاكل وسمعنا رفض بس حالات كلش قليلة وجان عدهم شى يعنى ميجى رفض اذا ماكو شى

24
السلام عليكم مو شرط اربع اشهر احنا ورى البصمات بشهرين استلمناها

25
شكرا لكم اخواتى واخوانى ودعواتى لكم بالتوفيق وتسهيل امركم انشاء الله

26
شكرا اختى ام الهنا انشاء الله يوم تفرحينا بتحديد  يوم السفر

اختك من تكساس

27
السلام عليكم الحمد الله صار العيد عيدين ووصل الكرين لكل افراد عائلتى ماعدا بنتى الكبيرة عمرها 13 سنة اجتنا رسالة انه سوف يصل خلال ثلاث اسابيع بس بعدا مواصل مع العلم احنا هم نفس الرسالة اجتنا بس بضرف وضرف ثانى الكرين كارت فى نفس اليوم استلمناهن وانشاء الله لكل المنتظريين مع العلم انه جنت اجيك بالموقع الويب سايت وجان ميطلع لزوجى وبنتى الوسطانية انهم مقدمين معاملة فالرابط مومضبوط  واحنا قدمنا المعاملة عن طريق المنظمة بمنتصف شهر السابع والبصمات بيوم 30 بشهر الثامن ودخلنا امريكا فى بداية شهر السادس الفين وعشرة  واليوم استلمنا الكرين كارت الحمد الله

28
السلام عليكم الهلوين مناسبة  كما ذكرو الاخوان وهى للترفيه عن الاطفال وشبيها بالماجينة فمادام ممسوين شى حرام عادى ممكن واحد يحتفل بي احنا شاركو اطفالى ولمو كومة كاندى وتنونسو وتبقى الحرية الشخصية بالمشاركة او لا

29
السلام عليكم اختى العزيزة  احنا هم هاى السنة الثانية بامريكا وعانينة العام هواى بس السنة الحمد الله اكو برامج بالمدرسة للاطفال الى لغتهم الام غير الانكليزية يدرسوهم انكليزى وطريقة القراءة وشلون يجزءون الكلمة علمود يقروها وتكدرين تروحين على المسؤلة على اطفالج بالمدرسة وتفهميهم انه مكاعد يستوعبون فيساعدوهم اكثر  وعن تجربة متابعة التلفزيون برامج الكارتون والافلام الاطفال الموجودة بالنت افليكس ممتازة عن طريقها صارو ممتازيين ودائما شجعيهم لتكولين كدامهم ميفتهمون وميعرفون لان ايصير حاجز عدهم ودائم كليلهم مو بس انتو كل الاطفال نفس المعاناة وشوية اشوية هسة اصيرون ممتازين ولازم اتكونين وياهم بالهوم ورك وتكدرين تستعينين بالترجمة الفورية لكوكل واخيرا اتمنى الموفقية

30
الف مبروك وشايف الخير وانشاء الله يوم الجنسية بس سؤال عندى بعد اخذ البصمات بكم شهر طلع الكرين ولك جزيل الشكر

31
الحمد الله على السلامة وانشاء الله ولايت الخير عليكم

32
السلام عليكم اختى تختلف الاجابة من مدينة واخرى اكو مدن بيها جالية مسلمة كبيرة فعادى الحجاب وحتى يلبسون العباءة الاسلامية عادى بالاسواق واكو مدن اقل بيها يعنى ولاية تكساس مدينة الباسو  قليلة بيها الجالية المسلمة فعادى الحجاب ماكو مشكلة وحتى بناتى بالمدارس هم محجبين بالعكس الطلاب الى وياهم يسالوهم ليش تلبسون الحجاب ويسالوهم على الدين الاسلامى ويتقبلون الوضع واكو حالات فردية اتصير يعنى بنتى الصغيرة تعرضت الموقف بسبب الحجاب بس المديرة وكادر المدرسة ابدا مقبلو واعتذارت لبنتى وتوبيخ للطرف الثانى بس هاى حالة فردية واكو مشكلة ثانية بالنسبة النا المحجبات هى المصافحة فبناتى فهمو زملائهم انه حرام عدنا السلام بالمصافحة والحمدالله ماشية الامور واحد ايسوى الى يكدر عليا والباقى على الله اول ماجينا سمعنا هواى كلام انه راح يحاربون بناتكم لان محجبات ورح يعانون والانتقادات اجتى من عراقيين ومن يكبرون محد ايعينهم بالعكس اصرينا انه يحافظون على حجابهم ومشت الامور وحتى بدينا انشوف معلمات بديلات محجبات  يعنى الحمد الله والشكر مو مثل ماسمعنا والواحد يكدر يفرض احترامة هاى تجربتى مع تمنياتى بالتوفيق

33
السلام عليكم اخى كلش عادى احنا قبل ثلاث سنوات قابلنا مقابلتين بيوم واحد ضلينا من الصبح للعصر فعادى مو شي جديد انشاء الله خير

34
السلام عليكم اخى احنا خمس اشخاص ثلاثة اطفال دون 18 سنة اجينا من مصر وكان المبلغ 4800 دولار وحددونا 130 بالشهر لازم ندفع فاتصلنا بيهم وقللونا المبلغ الى 70 دولار بالشهر فاتصل بيهم يقللون المبلغ

35
السلام عليكم  شكرا لردك اخوية البغدادى نعم كتبت الرقم  ويكتبلى انه غير موجود مااعرف اذا هذا الموقع دائم التحديث لو لا انشاء الله افوت اسبوع وارجع اجيك وانشاء الله خير ولو انى من شفت معاملة زوجى وبنتى ماكو كلت اكيد رح تنام عليهم الطابوكة بس الله كريم وانشاء الله خير

36
السلام عليكم احنا قدمنا على الكرين كارت منتصف السابع وبصماتنة جانت يوم 30 بالشهر الثامن وحاليا فى مرحلة الانتظار بس جيكت على الموقع الى يبين بي سير المعاملة لكيت بي اسماءنا ماعدا زوجى وبنتى الوسطانية فهل هذا الموقع مظبوط لو ممظبوط مابى تحديث مع العلم كنا كلنا نفس يوم التقديم ونفس يوم البصمات

37
السلام عليكم احنا اى اوام من انطونا الدورة التثقيفية جانو حاطينا على جدول السفر فانشاء الله خير

38
السلام عليكم اخى احنا بولاية تكساس مدينة الباسو والاخت ريم عبد جمعت مواضيعى مشكورة عن مدينة تكساس واى سؤال انى حاضرة

39
السلام عليكم اخى اذا هو لاجي فالمنظمة هى التى تاجر الشقة وتوصل الكهرباء يعنى هى التى تتكفل بي يعنى ايروح عليهم وهما  ايسوون هاى الاجراءات وهذا واجبهم وياخذون عليا فلوس اما فى حالة عند كفيل فبلهاى الحالة لازم الكفيل اياجرلة  هاى احنا من اجينا هيج الاجراءات كانت احنا فى ولاية تكساس

40
السلام عليكم اختى نفس الى حصل معكى حصل معنا نفس الشى اتصلو بينا ورادو معلومات اكثر وجان نهاية شهر الثالث وبشهر الخامس بدايتة اتصلو بينا الاى اوام والحمد الله والشكر هاى صارلنة سنة ونصف بامريكا فعادى لاتقلقين

41
بالنسبة للقاحات كلش مهمة اهنا مو للكرين كارت وانما ميدخلون الاطفال المدارس اذا ميسولوهم اللقاحات وحتى عمر الهاى اسكول نفس الشى احنا مجنا جايبيها فدكتور الاطفال عادها وبمراحل مو كلها سو ونوبات النيرس مال المدرسة ادزنا ورقة اتكول محتاجين تنطوهم لقاحات وتنطينا مدة ثلاثة ايام اذا ملقحناهم ممنوع يجون للمدرسة

42
الف مبروك وشايف كل الخير بالرفاه والبنين

43
السلام عليكم بالنسبة للتلاقيح الدكتورة الى تسوى الضرف الطبي هى تكمل اللقاحات احنا هم سوينا اللقاحات بمستوصف وبعدين من رحنا للطبيبة المختصة بعمل الضرف الطبي للمهاجرين طلع احنا ماخذين لقاحات اكثر فهى كملت النواقص وسوتنا الضرف  هاى تجربتنا وى اللقاحات وهم جنا دايخين بيها

44
السلام عليكم تبدى الدراسة هاى السنة بتكساس انشاء الله يوم22 من شهر الثامن الىيصادف يوم جمعة ومالة علاقة تسجيل الاطفال حتى لو باقى شهر يسجلوهم واول سنة ممشمولين بامتحان اخر السنة ويدخلوهم تقوية وتكدر ادور الارشيف انى كاتبة تجربتى

45
السلام عليكم اختى مو شرط الى قابل جوارينكم  يقابلكم لان هى لجنة ويقسمون الاعداد بيناتهم وموشرط اذا كان المحلف اسلوبة جاف يعنى رفض بس عندما يشك او يختلف الكلام بين الزوج والزوجة يسوون هيج بس هى عادى مال الزوجة وحد والزوج وحد واسئلة دقيقة وطبعا يسالوكم على كاتبي باليوان واحنا حتى الاطفال سئلوهم وجانة اكبر شى 11 سنة بس الماعندة شى ميخاف والمقسوم يصير وانشاء الله تنقبلون

48
الف مبروك وشايفين الخير

49
السلام عليكم اخى مقصرو الاخوان بالاجوبة وحبيت اضيف من سافرنا اشتريت علاكتين ادوية مضادات على ادوية للاطفال على بندول كل انواع الادوية بس مو سائلة وحطيناها بالجنطة الكبيرة وجان عندى كبسول حطيتة بالجنطة اليدوية وحطيت وصفة الطبيب بس لا احد سئلنى على الوصفة ولا ابد مجرد تفوت بالجهاز فكلشى تكدر تاخذ

50
السلام عليكم  عندى سؤال عن اماكن تواجد المطاعم العراقية والعربية طبعا الحلال فى البو كركى لان انشاء الله ناوين انروح سفرة الها فارجو ذكر اسماء المطاعم ومكانها ولك جزيل الشكر

51
السلام عليكم اخى احنا صارلنا سنة وعندى ثلاث بنات الكبيرة 13 سنة والاصغر 11 سنة والاصغر 6 سنوات اول اسبوع كان كلش صعب وخصوصا بنتى الكبيرة رجعت تبجى لان اهنا نظام قاعات بالميدل اسكول ولازم كل درس تتغير القاعة والطلاب فمتيه وين اتروح وكايمة تبجى فاكو مراقبين بالممرات مدليها وكايلين للمديرة اتكول وراها دزت عليا المديرة وجايبتلها بنية عراقية بنفس مرحلتها وكالتلها هاى علمود اساعدج وحاجية وياهة بس مع الاسف الابنية مساعدتها لان شايفة نفسها لان جاين كبلنا بسنتين ومسوية روحها امريكية فالاسبوع الاول كلش صعب وبنتى جانت انكليزيتها زينة لان جانت بمدرسة اهلية بمصر ودارسين انكليزى مستوى رفيع بس مع ذلك عانت لان مجتمع مختلف تماما وبنتى محجبة فعانة من هاى الناحية اكثر فبدت صادقت بنات وياها بالصف واتاقلمت وتفهم الولد الى وياها انه هاى دينة هيجى لازم نلبس وملازم ولد يصافحها او يلزمها والحمد الله صح سنة صعبة بس مشت ودخلوها انكليزى كورسات وى الدوام واهنا الدراسة ممتازة  وبنتى الوسطانية جانت انكليزيتها مو زينة فكل يوم ايدزون علينا علمود نتعاون وياهم علمود تتعلم وحطولها معلمة اثناء الدوام ادرسها انكليزى وهسة ماشاء الله انكليزيتها ممتازة والصغيرة شلعت كلبنا شهر كامل بجى مجلبة بي وبابوها لتعوفونى ماريد ابقى بالمدرسة فجنت اداوم وياها وجانت المعلمة والمشرفة الاجتماعية يحاولون وياهة بس المشكلة البنية عمرها خمس اسنين ومتعرف كلشى وتخاف يتراولها اضيع  فبعد فترة بدت تتاقلم وكمنا انعوفها ونجى عليها بنصف الدوام علمود اتامن ونوبات ايجبولها اختها الاكبر منها الى بالخامس ابتدائى علمود تسكت والحمد الله هسة تعودت على المدرسة وتموت على معلمتها بعد الشهر الاول المعلمة صارت بمكانة فجانت كايدة المعلمة وين متروح حتى بالاستراحة تاخذها وياها يعنى عدهم انسانية  وبالنسبة للكبار يبقى متابعة الاهل وياهم وتوجيهات لكن المدارس اهنا كلها مراقبين وامان وحتى الصفوف الى يشكون بيها اكو مخدرات يطلعون الطلاب من الصف ويجى البوليس والكلب يفتش وهاى مصارت غير مرة وحدة بمدرسة بنتى الكبيرة فالبداية صعبة لكن صدك هسة هما ضايجين من العطلة يردون المدرسة

52
الحمد الله على السلامة وشايف كل الخير

53
السلام عليكم اخوانى نعم اليوم العالمى للاجئين وقامت المنظمة بدعوة العوائل العراقية على يوم 20 للاحتفال باليوم العالمى  وكل عام والاجئين بالف خير

54
السلام عليكم اخى مو من مصلحتك انه متجى اقساط الطائرة احتمال كاعد يرسلوها للكفيل واذا مجتى انت راجع المنظمة مالتك علمود يتصلون لان احنا اجتنا بعد خمسة اشهر واجلنا الدفع لان كان زوجى استوى مشتغل وتاجلت شهرين وخلصت ثلاث شهور وكلشى موصل وراجعنا المنظمة وعدما اتصلو بيهم كالو لا احنا دزينا على عنوان الكفيل فاسئل اخوية لان هى لازم تندفع

55
السلام عليكم اختى العزيزة شكرا للمعلومات القيمة لى سؤالين الاول احنا كملنا سنة قبل يومين ولحد الان لم يصلنا شى بالبريد حول كيفية البدء بالتقديم للكرين كارت مااعرف اذا هى تجى بالبريد لو لازم انراجع المنظمة والسؤال الثانى احنا خلصنا التامين الصحى بس لمن جددنا للاولاد مذكور بى انه المراءة الى اكثر من 18 واقل من 45 اله حق بالتقديم على التامين الصحى فاريد معلوماتج بهذا الموضوع ولكى جزيل الشكر

اختك من الباسو تكساس

56
السلام عليكم اخى ممكن تحجينا على دراستك الانكليزى فى الكوميونتى كلج وكم لفل شكد يكلف السمستر واشكد الفاينشل ايد وشنو تحتاج للتقديم لان اريد اقدم وانى صارلى سنة وانكليزيتى وسط بس اريد ابدى من البداية فممكن تشرحنا اذا امكن ولك جزيل الشكر


اختك من تكساس

57
وعليكم السلام اخى ممكن سؤال اشكد بالساعة الاجور  مع جزيل الشكر



اختك من تكساس

59
الف مبروك وانشاء الله يوم السفر

60
بعد الامنية ختم الملف وبعدها موعد سفر

62
الشكر والتقدير الى كل الاخوة والاخوات الذين امدونة بالمعلومات المفيدة مع تمنياتى لهم بالتوفيق

63
السلام عليكم بالنسبة لسؤالك اخى على  لا مجانت سيارة شرطة ولا حس زوجى بالفلاش مال الكاميرة لان هو استدار من جهه اليمين بدون توقف هو لازم يوكف اشوية وبعدين ايحرك وبالنسبة لسؤالج اختى سارة سمعنا يكولون انه تاثر بس ممتاكدين والنقطة الثانية انه جتى المخالفة بسمى  لان السيارة باسمى بس مو انى جنت اسوق جان زوجى دزونة الغرامة باليريد بيها صورة السيارة ورابط بالورقة بى فلم  وجتى الورقة بعد 15 يوم من يوم المخالفة وانشاء الله متاثر

64
السلام عليكم اخوتى عندى استفسار حول الغرامات المرورية لان  اجانة تكت ضرب اشارة  غرامة شنو تاثيرها على الكرين كارت استداريت على اليمنى بدون توقف والاشارة حمراء مع العلم الشارع فارغ ياثر على المعاملة ولكم جزيل الشكر

65
السلام عليكم اختى ام محمود تبدا المدارس فى تكساس يوم 23 من شهر الثامن وبالنسبة للمدارس الحكومية ماكو درس دين بيها واذا اتريدين مدارس اسلامية اكو بس اهلية بس ترا الاهلية مو مثل الحكومية مثل مامتعارف عدنا اهنا الحكومية احسن لان مدعومة من الولاية وبيها هواى برامج وسوالج عن التسجيل تحتاجين الشهادة مترجمة واهم شى بطاقة القاحات واذا مموجودة عندج يعيدولج اللقاحات كلها والسوشل سكيورتى واذ عن عمر التسجيل ست سنوات وفى اى وقت تجون ايدخلوهم حتى لو باقى شهر على الامتحانات وياختى لتقلقين مدارس اهنا ممتازة ورقابة شديدة  وانشاء الله تسهل اموركم وتوصلون بالسلامة واى سؤال انى حاضرة

66
السلام عليكم اخى عن تجربة تقريبا سنة فى امريكا محد ايموت من الجوع لان اكو الفود استامب واذا على الشغل اكو بس مشكلتنا العراقيين يردون يشتغلون مدراء عامين مع احترامى فالبداية اكيد تكون بستور او اى شئ يطلع الاجار ويمشى الحياة الى ان واحد يعرف الحياة ويتعايش بيها ويشوف اشيكدر يسوى لازم البداية تكون بتضحية ماكو شى يجى بالساهل بس اقلها راحت البال مستقبل افضل الاطفالنا وانشاء الله الله يوفق الجميع

67
السلام عليكم احنا زوجى واطفالى طلعت موافقتهم الامنية بعد شهرين من الاتصال بالكفيل لكن موافقتى الامنية تاخرت فبالضبط ورا عشرة اشهر سافرنا

69
السلام عليكم اختى العزيزة  اجابة على سؤالج بما انه انتى ماخذة امتحان النظرى الج حق تسوقين بالشارع بس لازم شخص عندة اجازة يكعد يمج وهذا ماحصل معى جان زوجى يكعد يمى  وهو قبلى بشهر امتحن والسياقة مو صعبة اهنا لان كلا نظام واهم شى تتدربين بالمنطقة القريبة يم الدائرة المرور  الى رح يمتحنوج بيها واهم شى تنتبهين على القطع المكتوب عليها السرعة اشكد وكل استوب اتبواعين على اربع جوانب وتتوقفين توقف كامل وانشاء الله موفقة

70
السلام عليكم احنا بتكساس الغالون  ثلاث دولارات واشوية ارتفع سعرة عن قبل شهر

71
السلام عليكم اختى العزيزة ريم  عاشت ايدج على ترتيب الموضوع وفعلا اصبح موضوع متكامل واى سؤال انى حاضرة وبالخدمة   لان انى مدينة لهذا الموقع الرائع واعضاءه المتميزيين ولكم تحياتى

72
السلام عليكم اختى العزيزة بخصوص التقديم على الفيزة انى هم سئلونى اذا مقدمة وانى جنت مقدمة قبل سنوات بس مكتلهم وحتى جنت ماخذة موعد بس مرحت بالموعد ومكلت الهم وكتلها ممقدمة وهسة احنا بامريكا  يعنى ماصور يرفضوكم على هذا السبب تفائلى بالخير وانشاء الله مقبولين

73
الف الحمد الله على سلامتكم والصحة والعافية للمدام وبالتوفيق  استوقفتنى كلمة حى العدل احنا هم اخوية من حى العدل بس اتهجرنا من 2006 منها وهاى صارلنا تسعة اشهر بامريكا  والحمد الله انكول على كل شى انشاء الله يعوضنا رب العالمين


اختك من تكساس

74
السلام عليكم  الخطوة التالية هى ختم الملف وتنوضعون على جدول السفر اجت هى الاوراق من امريكا مهمة امريكا خلصت الشغل يبقى يم الاى اوام هم يرتبون ختم الملف وتحديد السفر هاى عن تجربة

75
السلام عليكم اختى العزيزة تحتاجين فقط شهادة السنة الاخيرة تاخذيها من المدرسة وتصديقها احنا بوقتها رحنا بالعمرانية صدقوها وللمحافظة وترجمناها وصدقناها بس مرحنا كملناها بالخارجية يعنى فقط ترجمة وزارة التربية شوفى انتو على يا تربية وصدقيها فقط السنة الاخيرة

اختك من تكساس

76
السلام عليكم  احنا اجينا التكساس من مصر وعندى بناتى ناجحة الثانى متوسط طلبو من عدنا شهادة الاول متوسط ودفتر اللقاحات وامتحنوها وشافو المستوى والحمد الله بقت بصفها وعندى خامس ابتدائى هم طلبو شهادة الرابع ودفتر اللقاحات بس بدون اختبار مع العلم بنتى الى بثانى متوسط انى جنت امسبقتها بالعراق والمفروض اول متوسط مقبلو ينزلوها الا اذا الاهل رادو بتعهد خطى واكو اصدقاءنا اجو من العراق نزلوهم سنة لان المستوى الدراسى مو شى بس على العموم شهادة مصر  معترف بيها  هذا الى حصل معنا

77
السلام عليكم الاخوان ماقصرو بالاجابة بس عندى اضافة انه الكيس الواحد مهما كان العدد الة حق عشرة الاف دولار وتشمل العشرة الاف الفلوس والذهب والفرو هاى حسب مابلغونا بي بالدورة التثقيفية بس من دخلنا لا احد فتشنا ولا كال اشعدكم وهواى ناس جانت شايلة اكثر من هل المبلغ بس هى تبقى صدف وحظك نصيبك لان الوجبة الورانا مفتشيها  وكل ماكان المبلغ اكثر يفيد بديرة الغربة

78
الف شكر لكم اخوتى عمالقة  المنتدى على ردودكم القيمة وجزاكم الله كل خير

80
وعليكم السلام يخفضون الفود استامب فى حالة انو اشتغل احد افراد العائلة بس انتو صارلكم ثلاث شهور هو كل ستة اشهر يسوون مقابلة ويغيرون الفود استامب تكدر تتصل بالرقم الموجود بالضرف مال الكارت وتكدر تروح للمنظمة وتسال

81
السلام عليكم اخواتى واخوانى عندى سؤال بالنسبة للضرايب احنا وصلنا بداية شهر السادس واشتغل زوجى بداية شهر التاسع ويستقطعون منا ضريبة هل النا حق بان يسترجعونة الضريبة واذا نستحق شنو هى الية التقديم والمن انقدم مع العلم عدنا ثلاث اطفال اكبرهم12 سنة يعنى شلون الطريقة  احنا فى ولاية تكساس ولكم جزيل الشكر

82
السلام عليكم اخى الشغل بالقاعدة تجى ايام يومية لمدة اسبوع وايام عشرة ايام يعنى متفوت 15 يوم اذا ماكو شغل واعرف اكو عوائل عايشين على القاعدة ميشتغلون غير هاى الشغلة وحتى اكو شباب كاعد تجى من ارزونا ومن هيوستن علمود هاى الشغلة  فموصحيح مال خمسة ايام بالشهر

اختك من الباسو تكساس

83
السلام عليكم اخى تكدر تجى المدينة الباسو بيها قاعدة عسكرية تكدر تشتغل بيها الساعة باربعة عشر دولار هواى عراقيين يشتغلون بيها وتكدر تقدم على ول مارت هم بارت تايم هم الساعة تبدى من سبعة ونص وتصعد واكو معامل هم اجورها اعلى لكن تكون شغلها متعب ومدينة حلوة تقريبا حجمها بكد بغداد وجوها حلو وهاى بقى الاختيار يمك وانشاء الله رب العالمين يكتبلك الولاية الى ترتاح بيها

84
السلام عليكم اختى العزيزة احنا اتصلنا بالمنظمة وكلنالهم زوجى مصارلة اسبوع من اشتغل فاتصلو بواشنطن واجلونا الى شهر الثانى الدفع طبعا ملينا استمارة بيها اسئلة عن الفاتورات الى ندفعها ومصاريفنا وارسلناها عن طريق المنظمة واحتمال بشهر الثانى يقللون المبلغ فانتو اتصلو بالمنظمة ها ورادو فاتورات نرفقها مع الاستمارة

85
السلام عليكم بالنسبة لهذا الموضوع وجهات نظر تختلف من شخص لاخر بالنسبة الى اذا الزوجين اشتغلو وعدهم ابناء بعمر المراهقة رح ياثر على الابناء اذا ميضيعون واكو هواى اشتغلو الزوج والزوجة واخذتهم الحياة وسوو افلوس وشركات بس على احساب اطفالهم ضيعوهم اذا الزوج مشتغل وماشى الحال فالمراءة اطفالها اهم من الفلوس هاى وجه نظرى مع العلم انى جنت موظفة بالعراق بس اهنا الوضع يختلف الابناء يحتاجون رعاية ومتابعة اكثر هاى وجه نظرى مع احترامى لبقية وجهات النظر

86
بالنسبة لسؤالك اخى حول دورات اللغة لا مطونا بس بنتى الكبيرة بثانى متوسط بالمدرسة اطوها ورا الدوام دروس تقوية بس بنتى بخامس ابتدائى مطوها وكلش عانينا لان صعب عليها وبنتى الثالثة بالروضة هم اول اسبوع معانات لان كلشى متعرف بس هسة احسن من الكبار وبالنسبة النا لازم على احسابنا ندخل لان بالمنظمة اكو للمكسيكان لى ميعرفون ولا طكة هاى متفيدنا احنا تفيدنا الى بالكميونتى كلج تقوى انكليزيتنا وهاى بفلوس واكو هم مجانا فى بعض المدارس الابتدائية وتبدى بشهر الواحد هاى معلوماتى الى اعرفها

87
شكرا جزيلا اخوانى واخواتى على ردودكم ماقصرتو وانشاء الله فى ميزان حسناتكم ورح احجيلكم الصار ذهب زوجى الى دائرة الفود استامب وطلع دازين ورقة بيها موعد مقابلة من شهر العاشر على عنوان كفيلى مو على عنوان شقتنا والظاهر كفيلى سهوا مقاريها وحددونا موعد مقابلة جديد بالاسبوع القادم ومطونا منحة طوارئ لان زوجى يشتغل بارت تايم فمنستحقها يطوها للناس الى ينكطع الفود استامب وماعدهم احد يشتغل الى ان ايرجعون الفود استامب  وسئل عن المبلغ الاخ احنا بتكساس خمسة اشخاص 683 دولار بس ستة اشخاص اكيد اكثر ولى افتهمنا احتمال يقللون المبلغ لان زوجى اشتغل هاى اخر التطورات وانشاء الله احجيلكم المقابلة  وشكر  مرة ثانيةلكل الاعضاء الى ردو عليا

88
شكرا جزيلا اخوتى ماقصرتو الله يطيكم الصحة والعافية دورت الاوراق ووجدت الورقة الى انطونياها باول ماوصلنا والى بيها المساعدات وموجود بيها انه اخر شهر الحادى عشر ولازم انجدد بس موصلنا شى على البريد ولا احد كالنا ولا سمعنا من العراقيين عبالنا ثمانية اشهر ونراجع علمود التجديدوبالنسبة للدخل لخمسة اشخاص حتى مينقطع الفود استامب هو 2793 دولار كون ميجاوز هذا المبلغ هذا حسب مامكتوب بالورقة  واحنا فى تكساس مدينة الباسو  واكرر شكرى وتقديري لكم

89
لا اخوية مبلغهم لان اصلا بارت تايم مو فل تايم هو يشتغل شغلتين بارت تايم  ومواصلين الحد الى يكطعون بي الفود وصارلنا ستة اشهر

90
السلام عليكم اخوتى عندى سؤال حول الفود استامب اشكد وينقطع علما احنا عائلة من خمس اشخاص ثلاث اطفال  وصارلنا ستة اشهر بامريكا والمفروض من يوم عشرة بالشهر ينملئ الرصيد لكن صار يومين احاول اتسوق ويطلع مابي رصيد احد مار بي هيج حالة علما ان زوجى اشتغل صار شهرين يعنى هل اتوقف لو المفروض انراجع علمود ايجددو انى الى اعرفة ورا ثمانية اشهر يقومون باجراءات التجديد احنا صارلنا ستة اشهر ارجو منكم الاجابة ولكم جزيل الشكر

91
السلام عليكم احنا كانت رحلتنا مباشرة من مصر الى نيويورك ومن نيويورك الى دلاس وبعدين الباسو يعنى وجهتنا كانت تكساس وجان موعد رحلتنا بداية شهر السادس واحنا خمس نفرات ايجوز لان مباشر ممرينة بالمانيا فاقل السعر   تقبل مرورى

92
السلام عليكم اخى رح احجيلك عن تجربتنا وصلنا امريكا بداية شهر السادس بداية شهر الحادى عشر اجتنا رسالة بالبريد لازم ندفع ١٣٠ دولار بالشهر ومن بداية شهر الحادى عشر طبعا احنا عائلة متكونة ن خمس اشخاص كان المبلغ ٤٨٠٠ دولار طبعا رحنا للمنظمة وكالهم زوجى انه مصار اسبوعين من لكا شغل طبعا المنظمة خابرو على واشنطن وفهموهم ونصا جاوبو جماعة واشنطن كالو بس بلغونا بظروفكم وماكو مشكلة واجل الدفع الى شهر الثانى وملينا استمارة اشكد يدخل وارد واشكد ندفع قوائم وشكد نصرف اسئلة عن كل تفاصيل حياتنا ومصروفاتنا وحسب مفتهنا انه يقللون المبلغ ارجو ان اكون فدتك باامعلومات

93
السلام عليكم اخى اذا انت لاجى فمتحتاج جواز عراقى يطوك جواز الصليب الاحمر وتسافربي مثل ماحصل ويانا ضمينا الجوازات ومحتاجيناهاوسافرنا بجواز من الصليب الاحمر واسئل مجرب لا تسال حكيم

94
السلام عليكم اخى ممكن تجى التكساس مدينة الباسو فرص العمل هى اكثرية العراقيين يشتغلون بالقاعدة العسكرية والساعة ب١٤ دولار يعنىتكدر تطلع فد ٦٠٠ دولار بالشهر هاى اذا الشغل قليل وتكدر تشغل ولمارت بارت تايم الساعة ب٧ ونصف وى الفود استامب الحمد الله واذا وياك عائلة تعيش بالجزء الويست من المدينة لان هادئ وراقى احسن من الايست والشقق من٧٠٠دولار اذا غرفتين واذا اكثر اغلى واكو جامع واكو حسينية واكوفقط محلين حلال اصحابهم فلسطيين  والمواصلات اكو امانات متوفرة كل نصف ساعة بس الاكثريةالعراقين يشترون سيارة واى سوال تفضل


اختك من تكساس الباسو

95
السلام عليكم وصلنا تكساس مدينة الباسو بداية شهر السادس احنا عائلة مكونة من خمس اشخاص مبلغ الولكم الف ومية لكل شخص  وكاش الف دولار بالشهر وستمائة وسبعون دولار فود استامب وبعد اربع اشهر انقطع الالف وصار اربعمائة لمدة اربع اشهر ثانية مع استمرار الفود استامب واى سؤال انى حاظرة

96
السلام عليكم اختى رح احجيلج علىبنتى بثانى متوسط من سجلناها رادو شهادة الاول متوسط وامتحنوها يشوفون مستواها اذاموزين ينزلوهم مرحلة بنتى اجتازت الامتحان وحطوها دروس تقوية اثناء الدروس وبعدشهر رجعو امتحنوها يشوفون اكو فرق وعن سوالج احنا جنا بمصر وهواى كالو الدراسة متفيد وخصوصا احنا بنصر اهلية المدارس وكال حرامات الفلوس وانىخليتهم الاخر لحظة بحيث جانت الامتحانات غشرين خمسة تبدى وموعدسفرنا سبعة بشهر السادس وجنت خالتلهم مدرسين خصوصى بالرياضيات وكلش استفادو من دراسة مصر لانه نفس المادة العلمية بس بالانكليزى نصيحة خليهم يداومون هاى تجربتى                                 

97
السلام عليكم بالنسبة الى المدارس اذا البيت يبعد عن المدرسة ميلين رح يكون بالباص اما اقل فعلا الاهل التوصيلة واذا متوسطة يطوهم بطاقات امانة ابلاش يركبون هاى بالنسبة للباصات واكثرية المدارس بيها باصات اما من ناحية الطلاب المهاجرين الجدد الى مثلنا فاول سنة بالمرحلة الابتدائية ماعدهم امتحان اخر السنة لان لغتهم ضعيفة والطلاب بمرحلة الابتدائية والمتوسطة يطوهم دروس تقوية خلال الدوام او بعد الدوام لتقوية اللغةوالنظام اهنا الابتدائية الى السادس ابتدائى يعنى تخلص الخامس وتنتقل الى المتوسطة يعنى المتوسطة سادس واول وثانى ومن تنجح للثالث تدخل الهاى اسكول الى هى الاعدادية وبالنبسة للزى الموحد بناتى بالابتدائية ماكو زى موحد وعدى بنتى بالمتوسطة زى موحد نظام الدراسة كل جمعة امتحان وكل شهر يطون الشهادة واى سؤال اتفضل

اختك من تكساس

98
السلام عليكم اخى تكدر تروح الاى فرع من فروع ول مارت واهناك بالقسم الى ودى على الادارة حاسبات مخصصة لملى الاستمارات تكدر تمليها ويتصلون بيك بعد فترة احنا اصدقاءنا قدمو سوا واحد ورا اسبوع استلم الشغل واحد ورا شهر ونص يالله خابروة والحمد الله اشتغل وهسة محتاجين لان فترة اعياد رح تصير وحتى لو بارت نايم  ممكن بعدين تصير فول تايم قدم وتوكل على الله   


اختك من تكساس

99
السلام عليكم حسب مفتهمت تريد اى شغل كمرحلة ابتدائية تكدر تقدم على ول مارت لان هسة مرحلة رح تبدى الاعياد ويحتاجون بائعين او بغير اقسام تكدر تملى الاستمارة من الكومبيوتر الموجود عدهم وتكدر من خلال موقعهم وكل الى قدمو اشتغلو  ارجو ان اكون فدتك بهاى المعلومة البسيطة

100
السلام عليكم بالنسبة للحيوانات ممكن تاخذوها وياكم مثل ماحصل مع اصدقاءنا المرافقين النا فى الرحلة بيوم المحلفين كللولها للمحلفة عدنا قطة فكلتلهم اطو المعلومات للموظف مال الاى اواام وفعلا رادو منهم دفتر اللقاحات وجواز سفر و250 دولار وسافرت القطة وياهم وجانت قطة شيرازية كلش حلوة  وانشاء الله الكل تسافر

102
السلام عليكم اخوية شنو هل الاسعار الخيالية اهنا يمنا بتكساس سعر الحلاقة ستة دولارات مكتوبة على جامات المحلات وبخشيش دولارين تصير ثمانية

103
السلام عليكم  احنا وصلنا فى شهر السادس الى تكساس وكنا عائلة خمس اشخاص واطتنا المنظمة لكل شخص الف ومية دولار لان احنا عدنا كفيل وكنالهم احنا ناجر لتاجرونا ولتصرفون فاطونياها  اصور الى ماعدهم كفيل هما ياجرون ويشترون غراض والى يبقى يطوا الهم

104
السلام عليكم لا اخوية متحتاجها فى امريكا واذا كنت لاجى حتى الجواز العراقى متحتاجة بالسفر مثل ماحصل معانا سافرنا بجواز من الصليب الاحمر وجوازاتنا العراقية ضميناها لان ميحتاجوها


اختك من تكساس

105
السلام عليكم  اتفق مع الاخ نعم كلش مفيد وضرورى واحد يجيبة وياها وخصوصا للى عدهم طلاب بمرحلة الثانوية كلش مفيد915-219-0535

106
السلام عليكم اخى احنا فى تكساس مدينة الباسو

اختك من تكساس

107
السلام عليكم اخى انى عندى بناتى بالروضة وبالخامس ابتدائى وعندى بثانى متوسط وماكو الى ذكرته ودروسهم بالمرحلة الابتدائية العلوم تقريبا نفس العلوم مال مصر يعنى حالات المادة وتجارب وثانى متوسط على الكواكب هاى الى اعرفة والى كاعد يدرسو بناتى والمدارس مو مثل ماسمعنا رقابة شديدة بالفرصة يعنى امنو والامان من الله

108
السلام عليكم نصيحتى جيبي صحن حجم صغير ورسيفر بس الرسيفر لازم يكون الفولتية مية وعشرةفولت واحنا جبنا ويانة رسيفر  لان اهنا الاسعار غالية

109
السلام عليكم اخى بالنسبة للامتحان النظرى فى ولاية تكساس اكو ملزمة مسويها العراقيين ومكتوب بيها كل الاسئلة مال الامتحان التى تجى والكل تقراها وتنجح من اول مرة اهنا فى الباسو موجودة استساخ والكل العراقيين رياجيل ونسوان قروها وامتحنو ونجحو وبالنسبة الى انكليزيتى ليست جيدة وحفظت الاسئلة ورحت وكلها نفسها اجت وضايفيلها فد سؤال لو سؤالين والحمد الله نجحت فلا تعتمد على الكتاب لان صعب حاول تسال على الملزمة وانشالة امتحان الثانى نسمع اخبار طيبة بنجاحك

110
الف مبروك وصولك وتستاهل كل خير وندعولك من كل قلبنا الله يوفقك لقد كنت نعم الاخ ونحييك على روح المساعدة التى تتحلى بها

111
السلام عليكم اخوية انصحك بشارع فيصل لو شارع الهرم لان كلشى قريب الاسواق المواصلات متوفرة ومترو موجود وين تريد اتروح ثوانى وتوصل اكتوبر حلوة بس بعيدة محافظةثانية وبفيصل تلكى شقة مؤثثة بورقة ونص لان هسة الموسم خلص هاى الخيارات وانت اختار

112
السلام عليكم اختى احنا نفس حالتج هم قدمنا ب2007 لليوان وبال2009 دزو علينا مقابلة ونامت الحجاية ونتيجة المقابلة وعن طريق منتدى عين كاو كان احد الاعضاء كاتب ايميل اليوان واذا مقابلة مقابلة اولى دزيلهم ايميل تذكرين بي تاريخ المقايلة واسم الموظفة الى قابلتكم طبعا رقم الملف واسم ابو الكيس واطلبين نتيجة للمقابلة قبول اورفض طبعا احنا سوينا مثل مكال العضو وفعلا ورى اسبوع من الايميل رن الهاتف وكالو انتو دزيتو ايميل وطلبت معلومات قالت اسبوع الجواب وفعلا ورى اسبوع جاوبونا كالو تحول ملفكم لامريكا وبدت مراحل المقابلات ودخلنا بالامنية وماادراك ما الامنية ونامت علينا الطابوكة عشرة اشهر وراها ربج فرجها واحنا بامريكا صار ثلاث شهور يعنى واحد ميياس منهم بس نفسهم طويل تقبلى تحياتى

اختك من تكساس

113
السلام عليكم مشكور على هل النصايح الحلوة بس عندى ملاحظة بالنسبة للحم الحلال ولو الحمد الله احنا ناخذ من محلات الحلال بس شيخ الجامع يكول سمو واكلو وجايبلهم اول يوم العيد الافطار كلة حرام والناس تاكل على الشيخ يكول حلال وياويلك اذا ناقشتة لان احنا يعتبرونة كفار واحنا بامريكا فانت قيس الوضع

114
السلام عليكم بالنسبة النا ولاية تكساس مدينة الباسو المساعدات لخمسة اشخاص هى الف دولار لمدة اربع اشهر وبعد الاربع اشهر ستمائة دولار لاربع اشهر ثانية يعنى كل المساعدات ثمانية اشهر والفود استامب هو 670دولار وبالنسبة للشغل مو سهل بس اكو القاعدة ممكن واحد يشتغل بيها الساعة ب14 دولار يعنى يطلع فد الف دولار بالشهر وممكن تكسى هاى كبداية تمشيت وقت

115
الف مبروك  وهاى حق الصبر رب العالمين فرجها عليكم وانشاء الله كل المنتظرين احنا كنا الوجبة الوراكم جماعة شهر السادس وهم تاخرت الامنية تسعة اشهر ورب العالمين فرجها فشايفين كل الخير وانشاء الله يوم نهنئكم بوصولكم لامريكا


اختك من تكساس

116
السلام عليكم اخواتى واخوانى عندى استفسار حول اللقاحات الى المفروض ناخذها من نوصل لامريكا واقصد اللقاحات للكبار والى نحتاجها عند التقديم على الكرين كارت لان احنا وصلنا امريكا صار شهرين ونصف ومحد كالنا على اللقاحات ارجو من الاخوة يكولونا شنو هى اللقاحات واكون شاكرة لكم


اختكم من تكساس

117
السلام عليكم اخوتى واخواتى عندى سؤال عن الرابط الذى عن طريقها ممكن معادلة الشهادة فى امريكا ولكم جزيل الشكر


اختكم من تكساس

118
السلام عليكم اختى سمر اجنا جنا بمصر وطلعنا عن طريق الامم الى امريكا والحمد الله ماعدنا لا حالة مستعصية ولاشى وهواى ناس جانو ويانة مابيهم شى يعنى متعرفين شنو هما يفكرون من يخابرون الناس على التوطين  والناس البقت بمصر كلش قليلة يجوز الله يفرجها عليهم

119
الف مبروك العمل ورمضان كريم وعيد الخير تقضى مع اخوك بس سؤال شنو اللقاحات الى اخذتها لان احنا صارلنا شهرين ونصف ومحد كالنا على اللقاحات ولك جزيل الشكر

120
السلام عليكم اخت ريم نحن فى الباسو تكساس من حوالى شهرين ونصف ولكى جزيل اشكر

121
السلام عليكم  بالنسبة النا بنتى الكبيرة ناجحة الثانى متوسط طبعا فى مصر صدقنا الوثيقة وترجمتها ومن قدمنا على المدرسة اهنا فى تكساس من الاوراق المطلوبة هى الشهادة وشهادة مصر معترف بها وايضا رادو الجنسية مترجمة بس اطيناهم ورقة الدخول لامريكا وبيها المعلومات واهم شى ورقة اللقاحات ميدخلون المدرسة اذا مو ورقة اللقاحات لو يعيدوها عليكم  واى اختبار الها معملو والدوام انشاء الله بتكساس يوم 23 اثمانية مع العلم بنتى استحقاقها اول اعدادى سابقة سنة كالو اذا انتو  طلبتو تنزلوها انزلها بس احنا نخليها بنفس المرحلة الناجحة الها

122
السلام عليكم رح اتكلم عن تجربتى وصلنا تكساس قبل شهرين وكان اخوية كفيلى نزلنا عدا ابيتة وقبل انتهاء الاسبوع رحنا للمنظمة وكلنالهم اريد اناجر شقة وفعلا انطونا مبلغ الول كام الف ومية الكل شخص وبي اجرنا الشقة واشترينا الغراض بس الفود استامب ورا شهر اجانا يعنى كمنا نسوق من عدنا تقريبا بالاسبوع مية دولار لان احنا عائلة من خمس اشخاص ثلاثة اطفال  ومن استلمنا الفود استامب عوضونا المبلغ الصرفنا بالرصيد ومبلغ الفود استامب لخمسة اشخاص فى الشهر ستمائة وثمانون دولار يعنى  يكفى وقابل للزيادة كالو تنضاف مية دولار بس مااعرف ورا اشكد  هاى فى حالة اكو كفيل  هاى تجربتى والى صار ويانة


اختك من تكساس

123
الف شكر اختى العزيزة ماقصرتى

124
السلام عليكم اختى العزيزة اطلب منكى رابط برنامج التنف وشنو معلوماتج عنا مع جزيل الشكر والتقدير

اختكى من الباسو تكساس

125
السلام عليكم بعد اذن الاخت انجى لان السؤال موجه الها اهم شى هى الموافقة الامنية توقيع الكفيل مو باهمية الموافقة من توصل الموافقة بعدها بفترة قليلة متجاوز شهر يسافر انشاء الله

126
بالمناسبة اخوية صفاء ولاية نيومكسيكو مدينة البو كركى هواى عراقيين بيها حتى خبز عراقى اكو وطرشى النجف جابو منها لان تبعد اربع ساعات عنا بالسيارة

127
السلام عليكم احنا على نفس المنظمة فى تكساس طبعا جان موعد سفرى يوم 8 من شهر السادس وكان اخوية كفيلى وراح عليهم قبل ما اجى بيوم وكلهم باجر يوصلون كالو  لا يوم 18 يوصلون المهم وصلنا كعدنا بيت اخوية اسبوع مالهم علاقة بينا بس ورا ثلاثة ايام راح اخوية عليهم وكلهم ممرتاحين ويردون ياجرون شقة وماعدهم فلوس  كالو من حقهم وفعلا انطونا الول كم واجرنا منها واشترينا غراض واخوية اخذنا قدمنا على السوشل وضلينا شهر بلافود ستامب نصرف من عدنا وهسة احنا حايرين باطفالنا على المدرسة احنا كاعد اندور على مدرسة واحنا لنقدم اوراق المدرسة ومالهم اى علاقة المنظمة بينا سوا ايروح زوجى ثلاثة ايام بالاسبوع اجبارى لغرض اللغة وهى لا تعليم ولا ابد كله يحجون  اسبانى هذا ماحصل معنا

128
السلام عليكم اخواتى واخوتى سوف  اسرد ماحصل معى عندما تسوقت من الول مارت اشتريت مواد غذائية واشتريت تايت وصابون وكرسي اطفال للسيارة وعندما خرجت لكى احاسب فصلت الاشياء الغذائية عن الاخرى لكى احاسب بالفود ستامب والباقى ادفعه كاش لكن الموظفة قالت لى من الممكن الكل تحاسبين عليا او ادفعيا بالفود ستامب وبدت تحسبا مع الفود ستامب لكن بصراحة خفت وطلبت منها فصل الفاتورة ودفعت المواد الغير غذائية كاش سؤالى هو يصير وميبين عدهم لو ميصير وينسحب الفود ستامب اذا اشتريت هاى الاشياء ولكم جزيل الشكر

اختكم الباسو تكساس

129
الف مبروك وشايفين كل الخير وتمنياتى لكم وللعائلة بالتوفيق

130
السلام عليكم شكرا اخى الوسمى واخى ابو الفوارس وانشاء الله نختار احد البرامج ولكم جزيل الشكر

131
السلام عليكم اخوتى واخواتى عندى سؤال بالنسبة للتامين الصحى للاطفال احنا وصلنا صار تقريبا شهر واليوم المنظمة انطت الزوجى خمس انظمة للتامين الصحى للاطفال وكالتلة اختار واحد فمنعرف اشنختار واى واحد هو الافضل فاريد خبرتكم واى واحد نختار واكون شاكرة لكم

132
السلام عليكم اختى احنا بتكساس بمدينة الباسو بس جدد صارلنا عشرين يوم  واذا اكو سؤال نكدر نجاوب عليا منقصر

133
السلام عليكم وصلنا تكساس قبل عشرة ايام وهم ابو المنظمة مكسيكى راد يغلس على الفلوس وكفيلى قال له انه ماعدنا فلوس ومحتاجين وفعلا استلمنا المبلغ لكل نفر الف ومية دولار

134
السلام عليكم اخوتى واخواتى وصلنا امريكا قبل اسبوع كما ذكرت ام مصطفى حنين مشكورة وكنا خمس عوائل طرنا على خطوط الدلتا مباشر من مطار القاهرة الى نيويورك وكانت الرحلة 12 ساعة الطائرة مريحة لكن  الرحلة طويلة ومتعبة طبعا مطار القاهرة طلع عدنا وزن زائد ومشت الامور ب50 دولار وصلنا نيويورك الساعة 6 ونصف الصبح وكانت باستقبالنا موظفة الاىوام وكملنا الاجراءت وكانت موظفة الى وام متعاونة طبعا محد فتشنا ولا سئلونا لا على ذهب ولا فلوس بعدين توزعنا وبقينا عائلتين ومعناموظفتين وحدة يمنية وحدة صومالية بقينا الى ساعة 12 ظهرا بعدين اجتنا سيارة خاصة نقلتنا من مطار كندى الى مطار ثانى وبعدين استلمنا موظف ثانىمغربي وجان متعاون واحظر لنا عرباين لجنط وشحن الجنط من نيويورك الى تكساس الباسو واحنا طرنا الى دلاس واهنا كان التفتيش على زوجى وبناتى طبيعى لكن الجهاز رن  لانى كنت لابسة اساور وامتنعت عن خلعها  وعزلنى الموظف بغرفة جام وناد ا على موظفة للتفتيش وكان التفتيش بجهاز مثل العصا وبعدين تفتيش يدوى ومتركنا موظف الاى اوم الا على باب الطائرة وبعدين طرنا الى دلاس واهنا اعتمدنا على انفسنا مكان احد ينتظرنا وطرنا الى تكساس الباسو وكان اخى بانتظارنا واخيرا شفت والدتى بعد خمس سنوات فراق وحاليا فى بيت اهلى وانشاء الله باجر انتقل الشقتى وساتواصل معكم واحدثكم عن المساعدات وعن المنظمة والمدارس واعتذر لانى الان لا املك كيبورد عربي سلامى لجميع

136
السلام عليكم شكرا للاخ  جوزيف وشكر عمو ابو محمود ماقصرتو ولى سؤال الى الاخ الى ساكن الباسو ولو زحمة عليك ممكن تحجينا على المنظمة اشلونها وشنو المساعدات التى اتقدمها ولك جزيل الشكر

137
وعليكم السلام احنا عائلة وانشاء الله من مطار القاهرة ومفتهمت اخوية يعنى حظرتك هم مدينة الباسو وبالنسبة لابو عبد الله سئلته وميعرف عن المدينة شى

138
السلام عليكم اخوتى اريد اعرف معلومات عن المنظمات والمساعدات وعن عدد العراقيين الموجودين فى ولاية تكساس مدينة الباسو لان الضاهر ماكو احد بيها ولكم جزيل الشكر

139
الهجرة و واللاجئين / رد: ا
« في: 12:08 12/05/2010  »
السلام عليكم يمكن اتقدملج اختج من امريكا وتدفع الرسوم الى هى تقريبا 350 دولار وانتى بالعراق على قانون جديد اسمة i 30  وهى معاملة لم شمل بس نفس حقوق الاجى وتستغرق المعاملة تقريبا سنة ونص

140
السلام عليكم بالنسبة للترانسيت تجربتنا من اجينا من بغداد الى مصر  وهى عندما تخرج من الطائرة وتذهب لكى تؤشر الجوازات اكو كاونتر مكتوب بي ترانسيت تروح عليهم وهما يمهم حجز الفندق وهو فندق الملكة عالية وهى كل ساعة تجى سيارة للمطار من الفندق ابلاش تاخذ ناس وتجيب ناس منشاءة كبيرة بس الفندق لليلة 100 دولار ومالهم علاقة اشوكت تطلع بس انتة تكون منتبه على  الاوقات

141
الف مبروك وشايفين كل الخير وانشاء الله توصلون بالسلامة بس سؤال اذا امكن من يابلد حضرتك

142
السلام عليكم الحمد الله تم ختم الملف والف مبروك للجميع ودعائى للجميع

143
السلام عليكم اتصلت اليوم للسؤال عن الختم وليهسة ممختوم علما انه صار عشرين يوم من الملف بعمان لغرض الختم ومنعرف اذا رح يلحكون ابناءنا يمتحنون لو رح اتروح السنة عليهم لان الامتحانات اتقدمت  اذا احد عندة معلومة عن الختم يبلغنا بها مع الشكر

144
السلام عليكم معاملة لم الشمل انى قدمت عليها صار سنة ونصف وهسة الحمد الله  طلعت على اساس الاوراق من امريكا المفروض تجة لمنظمة الهجرة مصر وصار شهرين ليهسة مواصلة يعنى اطول بس تمشى المعاملة بس نفسهم طويل ومن تجى المنظمة تبدى المقابلات عدد ثلاثة واخرهم هى المحلفين وهى التى تحدد وبعدين الموافقة الامنية وهاى هم اطول اقل شى خمسة اشهر يعنى باختصار يرادلها صبر والله يسهل امر الجميع

145
السلام عليكم اختى الاتصال بالكفيل خطوة ايجابية معناها المعاملة ماشية بس ابدا مالها علاقة بالامنية والامنية انتى وحظج قسم خلال خمس اشهر قسم عشر اشهر وقسم تعبر السنة بالنسبة الى عشرة اشهر يالله اجت الامنية طبعا احنا عائلة وجانت الكل مكتملة الاشخص والحمد الله كملت دعواتى بالتوفيق

146
الف مبروك دكتور فيت وشايفين كل الخير والحمد الله رب العالمين مضيع صبرنا وفرجت علينا ويارب كل المنتظرين   تفرج عليهم ونسد جمعيتنا على خير

147
شكرا حبيبتى ام حنين وقرة عينج بحنين وانشاء الله تتلاكون عن قريب  وشكر لابو دينا  وشكرا لجوزيف وفعلا انفكت الجبسة يارب للكل المنتظرين تنفك جبستهم

148
الف مبروك وشايفين كل الخير وانشاء الله يوصلون بالسلامة

149
شكرا لكم اخوتى توفى وعراقى صابر وانشاء الله يوم الكم وشكرا لرئيس جمعيتنا الاخ فيت وكنا نتمنى تكون معانا تكتمل موافقتكم وجميع اعضاء جمعيتنا ويارب تبشرونا عن قريب

150
الف شكر الكم اخواتى واخوانى وانشاء الله الكل يسهل امرها ودعواتى للجميع بالموفقية

151
السلام عليكم اليوم اتصلت بالاوام مصر وقالت الموظفة جاية هواى موافقات امنية وفعلا موافقتنا الامنية مكتملة واتصلت بام مصطفى حنين وهم اتصلت بيهم والحمد الله طلعت موافقتها فاتصلو بيهم انشاء الله الكل طالعة موفقاتها احنا جماعة شهر سبعة 2009 الف الحمد الله والشكر والله ممصدكة

152
انشاء الله يالله بلكى تفرج لان ملينا ونفذ الصبر

153
السلام عليكم والله تجربتى ماكو فرق لان زوجى واطفالى طالعة الامنية وباقية على امنيتى وهاى صارلى تسعة اشهر وجنت موظفة فى سلك التعليم يعنى ماكو سبب مقنع متعرفين  شنو السبب وجنت مستقلة  ممنتمية لحزب البعث يعنى ماكو  سبب اعتقد حظ

154
الف مبروك للاخ تورنادو وتمنياتنا له بالتوفيق وانشاء الله تجى موافقاتنا كلنا المتاخرين  ونسد هاى الجمعية على خير يارب

155
السلام عليكم شكرا لكى ياحنين لكتابة الموضوع واستغربت لان حسب مقال لورنس لزوجى انه جميع الموافقات جاية للكيس ماعدا زوجتك وانه ملفك سوف يختم بالاسبوع القادم لان هذا اجراء جديد فارجو من الاخوة  والاخ عكعك سامع هيج شى علما انه احنا بمصر ولكم جزيل الشكر

157
السلام عليكم اخى الى مريت بي مرينا بي وجنا حتى بالليل منام وكلهم خابروهم واحنا محد خابرنا وبعدين خابرونا وفحصناوهسة دخلنا بقلق جديد اسمة الامنية وهاى صار تسعة اشهر ننتظر والله كريم اصبر  وهما متشوف الايخابروك

158
الف مبروك وشايف الخير وانشاء الله توصلون بالسلامة بس سؤال اشكد طولت الامنية ولك جزيل الشكر

159
السلام عليكم اخوتى عدد كبير من العوائل تنتظر الامنية التى تم مقابلتهم بالشهر السابع معقولة كلهم ضاعت ملفاتهم ماعدنا غير الصبر والدعاء بالفرج

160
السلام عليكم مدينة البو كركى بيها عراقيين  انشاء الله اسئل ابن خالتى الى يسكنها وعلى العموم هى مدينة جميلة وفيها جامعة وانشاء الله اجيب معلومات اكثر


اختك من مصر
بانتظار الامنية من ثمانى اشهر

161
الف مبروك وشايفين الخير وتوصلون انشاء الله بالسلامة

162
الحمد الله على السلامة وانشاء الله حياة سعيدة

163
الف مبروك وشايف الخير وانشاء توصلون بالسلامة

اختك من مصر

164
الف مبروك وشايف كل الخير وانشاء الله يوم  السفر

165
يارب يفرجها علينا

166
الف مبروك وانشاء الله توصلون بالسلامةانتم السابقون ونحن الاحقون الى تكساس  الباسو ارجو التواصل لمعرفة الحياة هناك والمنظمات

اختك من مصر بانتظار الامنية

167
الف مبروك وشايف كل الخير

168
الف مبروك ويوم السفر انشاء الله

170
السلام عليكم شكرا اخى للترجمة وللتوضيح وعندى سؤال انا عندى معاملة ثانية عن طريق اليوان وحاصلة موافقة  المحلف والفحص الطبي وداخلة مرحلة التجيك الامنى منذ سبع شهور بس الكيس باسم زوجى ليس باسمى ومعاملة لم الشمل باسمى سؤالى هل يلتقن فى الخارجية الامريكية لو كل معاملة تاخذ طريق ثانى ولك جزيل الشكر

اختك من مصر

171
السلام عليكم اخى بريمل انا عندما ادخل الرقم الكيس ياشرلى الدائرة السادسة وهما باعثين ايميل الاخوية كما هو مكتوب مامعنى الايميل علما انى معاملة لم شمل على الاى ثرتين الى اهلهم يحملون الجنسية الامريكية ارجو التوضيح ولك جزيل الشكر


On February 10, 2010, we mailed you a notice that we have approved this I130 IMMIGRANT PETITION FOR RELATIVE, FIANCE(E), OR ORPHAN. Please follow any instructions on the notice. If you move before you receive the notice, call customer service at 1-800-375-5283.

For approved applications/petitions, post-decision activity may include USCIS sending notification of the approved application/petition to the National Visa Center or the Department of State. For denied applications/petitions, post-decision activity may include the processing of an appeal and/or motions to reopen or reconsider and revocations.

173
السلام عليكم لا اخوية بعدنا ننتظر رحمة رب العالمين وبانتظار الامنية واكو هم عائلتين نفس الشى بعدهم ينتظرون ويارب الفرج القريب

174
السلام عليكم نحن بانتظار الامنية صار سبع شهور كانت مقابلة المحلفين بداية شهر سبعة 2009 احنا من جماعة  الاخت حنين ام مصطفى جماعة مصر

175
الف مبروك وشايف كل الخير وانشاء الله توصل بالسلامة بس سؤال حظرتك من جماعة شهر سبعة فى مصر اشوكت وصلت الامنية ولك جزيل الشكر

176
الف مبروك وشايفة كل الخير وتوصلون بالسلامة انشاء الله

177
السلام عليكم احنا من جماعة شهر السابع والى اليوم لم تكتمل الموافقات الامنية ونعرف هم عائلة من وجبتنا الى الان لم تصل موافقاتهم ويارب توصل الموافقات باقرب وقت

طبعا احنا فى مصر

178
الف الحمد الله على سلامتها وندعولها بالشفاء العاجل

179
السلام عليكم اعضاء جمعيتنا هل من جديد بالنسبة لنا اتصلت البارحة ونفس الجواب التقليدى مع تحياتى

181
الف مبروك وشايفة كل الخير وانشاء الله يوم السفر

182
السلام عليكم اخوية اكو قناتين عراقية تعتبرها امريكة ارهابية قناة الرافدين وقناة الراى وانشاء الله متكون تشتغل باحد هاتين القناتين

183
عزيزتى انجى فعلا انتى صبورة ومعاناتج اطتنا دفعة من الامل والصبر واطلب من الله ان يوفقج ويسعدج
اختك من مصر

184
ياعينى ياام حنين مشتاقيلج شلونج ميت هلا برجعتج صدك مكانج خالى انشاء الله متنقطعين وتتواصلين ويانة وتنقلين مايدور هناك

اختك

185
الف مبروك اخت رهف وانشاء الله يوم تحديد موعد السفر

186
السلام عليكم بالنسبة لنا لم نتصل لان البارحة يالله خلصت اعياد كريسمس  فننتظر بعد يوم 15 بلكى ربنا يفرجها علينا والله كريم وشكر للجميع للتواصل

187
السلام عليكم لقد تم التصويت

188
السلام عليكم اختى ريم احنا هم من جماعة تكساس مدينة الباسو بس بعدنا ننتظر الامنية بس متحددة الولاية ولكى جزيل الشكر

189
عظم الله اجورنا واجوركم بابا الاحرار ابا عبد الله  السلام على الحسين وعلى اولاد الحسين وعلى اصحاب الحسين وعلى الارواح التى حلت بفنائه

190
السلام عليكم اختى ريم احنا مقابلاتنا  كانت كالاتى


مقابلة اولى وثانية فى نفس اليوم بالاوام فى بداية شهر الخامس  لا اتذكر بالضبط


مقابلة محلفين يوم 6 |7|2009

موعد فحص طبي الفحصين فى يوم واحد  يوم 18|7|2009

استلام  موافقة المحلفين يوم 15|7|2009

وبانتظار الموافقة الامنية

اطلب منكى تشريفنا فى صفحتنا صفحة انتضار الموافقة الامنية فى مصر للاخ فيت لان حسب معرفت رجلج خفيفة وبلكى وجهج خير علينا وتطلع الموافقات ونسد هاى الصفحة ولكى جزيل الشكر

اختك من مصر

191
السلام عليكم اتصلت اليوم بالمنظمة ونفس الجواب التقليدى كتبت الكم فقط للتواصل

192
اهلا بعودتكى اختى العزيزة وجنا ننتظر نسمع اخبارج ويؤسفنا هذا الخبر بس سؤال انتى مو اولادج دون ال18 لو اكبر لان اذا اصغار اشلون يفصلون الوالد وانتو كيس واحد والله يكون بعونج ويسهل امركم وحاولو ولتيئسون وقدمو استئناف  والله كريم دعواتى لك

اختك من مصر

193
السلام عليكم احنا بمقاابلة التوطين الموظفة قالت اسبوعين ونتصل بيكم وفات شهرين ولا حس ولا خبر فارسلت الهم ايميل للمفوضية وذكرت تاريخ المقابلة ومنو الى قابلنا اسم الموظفة وطلبت رد اذا انقبلنا توطين لو انرفضنا وفعلا بعد اسبوع اتصلو بينا واخذو معلومات اكثر وحولونا على امريكا فتكدر ادز ايميل الهم  طبعا احنا فى مصر

195
الحمد الله على السلامة وانشاء الله ولاية الخير والبركة عليكم

اختك من مصر

196
الف مبروك وشايفة كل الخير وانشاء الله نهنئكى بيوم السفر

اختك  من مصر

197
السلام عليكم اتصلت اليوم  للسؤال عن الامنية وكالعادة لسة مكتش الضاهر ماكو شى الى بداية السنة الجديدة وماعدنا غير الصبر والدعاء

198
السلام عيكم وكل عام وانتم بالف خير انشاء الله عيد الجاى بامريكا اعضاء جمعيتنا بعدنا فى مصر ومتصلت هذا الاسبوع انشاء الله اسبوع الجاى نتصل وبلكى ربى يفرجها علينا وعليكم لان اعتقد هاى اطول جمعية ء

199
عيد سعيد وكل عام والجميع بخير

200
الحمد الله على السلامة والف مبروك وصولج ارض الاحلام وعيد سعيد وكل عام وانتى بخير ونتامل تواصلج معانا مع تحياتى

201
السلام عليكم عمى ابو الحسن الفحص هو اشعة للصدر والفحص الثانى هو اخذ عينة من الدم لفحصها لمعرفة اذا الشخص مصاب بالايدز وفحص يكون الضغط والنظر وفحص اعضاء الجسم من قبل طبيب يعنى فحص سريع ويسال الطبيب اذا اكو مشكلة او مرض وعدد العمليات الى مسويها وشنو هى واذا الانسان يحتاج متابعة لازم يذكرها علمود تدونها لان هذا الفايل يروح وى الاوراق للمنظمة المسؤلة بامريكا هذا الى كتبتة عن تجربة الفحص الى سوا النا بعد موافقة المحلفين

202
كل عام وانتم بخير عيد سعيد للجميع

203
عيد سعيد وكل عام وانتم بالف خير

204
عيد سعيد وكل عام وانتم بالف خير

205
عيد سعيد وكل عام وانتم بالف خير

206
السلام عليكم اتصلت يوم الثلاثاء وكان الجواب لم تكتمل انشاء الله نتامل خير على شهر 12 والله كريم

207
الف مبروك اخ ....vet2009   موعد سفر اهلك وانشاء الله يوم سفرك تمنياتى بالموفقية

208
الف مبروك سفرج والف مبروك موافقت الحجية وانشاء الله توصلين بالسلامة ارض الاحلام

209
السلام عليكم انشاء الله من توصل بداية شهر الواحد تذهب الى كاتب العدل الى بمدينتك وتسوى شهادة حياة وادزها بالبريد للسفارة العراقية وبعدين السفارة تختمها ودزها بالبريد الك وانت بدورك ادزها للعراق لان والدتى نفس الشى تعمل عندما تستلم التقاعد

210
السلام عليكم حبيت اضيف معلومة انه يسالوك عدة اسئلة عن التهديد واسئلة ممتوقعة مثل اذا ورقة تهديد وين لكيتها وشوكت وشنو جان مكتوب عليها وبيها اية قرانية لو لا وشنو تصرفك وراها ورا اشكد طلعتو وليش تعتقد هددوك ومنو وليش مترجع هسة واكو رابط للاخ عكعك مفصل وتجارب عن المقابلات وكلش مفيد

211
السلام عليكم اختى البصمات هى جزء من الموافقة الامنية وهى ثلاث اجزاء البصمات والاسم والمواليد فهاى مرحلة من مراحل الامنية ومالها علاقة بالمحلفين بموافقتهم هاى موافقات الجهات الامنية بواشنطن اتمنى ان تكونين استفاديتى من الى ذكرتة

212
الف مبروك اخ tornadoss وصول الامنية لاخيك وانشاء الله توصل الامنية لجميع المنتظرين  تمنياتى بالموفقية عندى سؤال هل لورنس رجع للاستعلامات ولك جزيل الشكر

213
الهجرة و واللاجئين / رد: IOM مصر
« في: 12:07 17/11/2009  »
السلام عليكم نعم اختى الضاهر هذا الشى جديد لان اتصلت بيهم اليوم وسئلتنى الموظفة منين تتصلين وخلتنى انتظر فترة يالله اخذت رقم الكيس وشكيت بانها موظفة جديدة  لكن الضاهر هذه التعليمات الجديدة علما انى بمصر

214
شكرا لتواصلك معنا وشكرا لنقلك المعلومات المفيدة تمنياتنا لك بالتوفيق

215
السلام عليكم اختى بالنسبة لليوان والاختلاف عن الاواام هو اليوان بعد اجراء مقابلة التوطين يحولون الملف الى الاوام وتكون المقابلات هناك وتنتهى مهمة اليوان فى حالة القبول يعنى كل الاجراءات بالاوام واكو ناس الى عدهم تقديم مباشر على الاوام والى هما المترجمين والجانو يشتغلون وى الامريكان هاى المجموعة ميحتاجون يرحون لليوان راسن تقديم مباشر على الاوام واى سؤال احنا حاضرين

216
الف مبروك مريمانة وشايفة كل الخير وانشاء الله توصلون بالسلامة

217
شكرا اخوية ابو عبد الله انى ردت اعرف تفاصيل عن المنطقة المنظمات الموجودة فيها الايجارات يعنى باختصار كلشى وانى اختك مو اخوك ودمتم لفعل الخير

218
[السلام عليكم شكرا للجهود المبذولة ودمتم لفعل الخير سئلت سؤال ولم يجبنى احد سؤالى عن  ولاية تكساس مدينة الباسو  وهل يوجد احد بها من العراقيين من هذا المنتدى ولكم جزيل الشكر

219
السلام عليكم اتصلت اليوم وبعد عناء يالله شالو التلفون والجواب كالمعتاد لسة مكتش والله كريم

220
السلام عليكم جماعة مصر مضبوطين وماعدهم غلط ومع ذلك كرر الاتصال للتاكد

221
السلام عليكم بالنسبة النا صار يومين ادك عليهم ميجاوبون وانشاء الله باجر انحصلهم وملينا وطكت روحنا من الانتظار ورح  يقابلون وجبة ثانية ورانا واحنا بعدنا وماعدنا غير الصبر والدعاء والله كريم

222
السلام عليكم الف مبروك السفر  وتوصل بالسلامة  وانشاء الله  رحلة سهلة ومريحة ودعواتنا لك بالموفقية

223
السلام عليكم بالنسبة للبصمات هى جزء من الموافقة الامنية وجزء مهم من الموافقة تمنياتى بالموفقية

224
السلام عليكم اضم صوتى الى صوتك اخى الموافقات وجبتنا بالقطارة انى مقابلتى وى الاخت ميادة فى مصر يوم 6 |7 وموافقاتنا  ليهسة ممكتملة حسب كلام الاوام مصر وماعدنا غير الصبر والدعاء

225
السلام عليكم الف مبروك اخ vet2009 وشايفين كل الخير وانشاء الله يوم  تكمل موافقتكم الامنية وشكرا لك لان بشرتنا باخبار تبعث الامل لان البارحة هبطت المعنويات وممكن تعلمنا  انه متى كانت موعد المحلفين لهم ولك جزيل الشكر

226
السلام عليكم اختى طوطى سمى بالرحمن هاى صاير تشابه  لو عدهم معلومة نافصة يعنى روتين لان اذكر بيوم محلفينا جانت اكو عائلة عراقية هم كاعد تعيد المحلفين ودخل فقط الزوج وجان غلط عدهم بالمواليد يعنى شغلة ربع ساعة وطلع فماكو داعى للقلق وانشاء الله رب العالمين يفرجها عليج وعلينا وعلى الجميع

227
نعم اخوية اكو عراقيين عائلة بس بعدها مواصلة بانتظار الامنية

228
السلام عليكم  حسب تتبعى للموضوع الموافقة اطول من اربع اشهر الى ستة اشهر هاى حسب الناس الى نعرفهم وهسة هم بامريكا يعنى الاكثرية فوك الخمسة اشهر الا ماعدا الاستثناءات والله اعلم هاى رئى مو اكثر احتمال صح واحتمال غلط وعلى العموم اكثر وجبتنا  كملت اربع اشهر هل من المعقول الكل عدهم اشكال والله اعلم دعواتى بالفرج القريب

229
السلام عليكم اتصلت اليوم على المنظمة وكان نفس الجواب لسة مكتش وننتظر والله كريم

230
الحمد الله على السلامة وانشاء الله ترتاح بالولاية الجديدة وتمنياتى بحياة سعيدة

231
شكرا اخوية على هذا الجهد واطلب منك اعطاءنا معلومات عن مدينة الباسوا فى تكساس مع جزيل الشكر لان انشاء الله هى وجهتنا

232
الف مبروك وشايفة الخير وانشاء الله بشاير الخير بدت اتهل علينا تمنياتى بالموفقية

233
الف مبروك وشايف الخير وانشاء الله توصلون بالسلامة

234
شكرا لكى ياحنين لتواصلك معنا وحدثدينا بالاخبار المفرحة عن الاخت ميادة والحمد الله وانا بدورى اتصلت بها وكانت تقول اتمنى الكل توصل وتشوف الحياة الحلوى وحسب ماحدثتنى انه بدا موسم الشتاء وموجة برد شديدة جدا صار يومين وتمنياتى بالموفقية للجميع

235
السلام عليكم اتصلت اليوم على المنظمة وسئلتها عن الموافقة وكانت اجابتها انها غير مكتملة وندعو من الله ان يفرج عن الجميع وخصوصا جمعيتنا لان طال انتظارهم

236
شكرا لما تنقله لنا من معلومات مفيدة وبالتوفيق انشاء الله

237
الف مبروك اختى بغداد وانشاء الله توصلون بالسلامة ويسهل امر الولدة عن قريب

238
الف مبروك وانشاء الله مقابلة سهلة

239
الف مبروك وشايف الخير وانشاء الله يوم السفر

240
الف مبروك وشايفين الخير وانشاء الله توصلون بالسلامة

241
الف مبروك وانشاء الله ينختم الملف عن قريب

242
الف مبروك وشايف كل الخير

243
شكرا اختى بغداد وانشاء الله توصل بالسلامة وندعوا من رب العالمين انه يلم شملها وى حنين وتقبلى تحياتى عزيزتى

244
السلام عليكم اختى ام تبارك  ولاية تكساس مدينة الباسو جوها مثل بغداد بس بالصيف اقل الحرارة وبيها عدد لابئس من العراقيين وبيها انشاء الله شغل وانشاء الله سوف تكون وجهتنا اليها وتمنياتى لكى بان تلكين مدينة الى ترتاحين بيها

245
شكرا اخت مريمانة على التبريكات وانشاء الله تكمل بقية الموافقات وتفرج على الكل

246
الف مبروك وحمدالله على سلامة الحجية والحمد الله رب العالمين من ساعة الساعة فرج  ومبروك مرة ثانية وصحة وعافية للحجية

247
الف مبروك اخ فيت وانشاء الله تكمل بقية الموافقات والحمد الله احنا اليوم اتصلنا وقالت الموظفة موافقتى جاية وبقت موافقت زوجىفقط وانشاء الله الكل تطلع موافقاتها هل الشهر

248
الف مبروك اخى جوزيف وشايف كل الخير وتوصل بالسلامة

249
السلام عليكم شكرا للاخ vet 2009 فعلا نصحتنى بس هى المشكلة مو بس المصاريف المصاريف هل السنة وية السنين المضت بس الانفلاونزا الخنازير كل يو م فى انتشار وتقلص فى عدد الطلاب والله كريم انشاء الله تفرج علينا وعلى الجميع

250
الف مبروك وشايفة الخير انشاء الله

251
السلام عليكم نفس الحالةاحنا هم المدارس ليهسة ممسجلين وحايرين فكلنا النهاية هذا الاسبوع اذا ماكو شى احد الجاى انسجلهم وامرنا لله وندعو للجميع بالفرج القريب

252
السلام عليكم انشاء الله الايام الجاية تبشر بخير وتطلع موافقاتنا الامنية ومفتهمت اخت طوطى يعنى الى عدد اطفالة 5 لو مجموع العائلة 5  ولكم تمنياتى بالموفقية

253
السلام عليكم بالنسبة لمكتب جفرى مثل مكال الاخ البحار بس هناك طريقة ثانية وهى ارسال اميل لليوان تذكر فيه اسمك ورقم ملفك وتكلهم اريد اعرف تحولت توطين وهذا هو اميلهم 

areca@unhcr.org

254
السلام عليكم نعم هو المفروض ماكو اسئلة للاطفال او ميسالوهم لان هم اقل من 18 بس الى حصل معنا سئلت المحلفة بنتى الكبيرة الى عمرها 11 سنة تقريبا 5 اسئلة جنا ممتوقعين رح ينسالون الاطفال والضاهر الناس ينسالون بس ميكولون

255
الف مبروك وشايف كل الخير

256
الف مبروك وشايف كل الخير

257
السلام عليكم احنا البصمات اجتى الموافقة لكن بعد الامنية مجاية سؤالى هل هى البصمات اهم شى واصعب شى لو غير شى اكو بعد بس كلام الموظفة تقول انشاء الله خير ومع ذلك سوف نذهب انشاء الله يوم الخميس للاستفسار

258
شكرا لكم على اجوبتكم وتمنياتى لكم بالموفقية

259
السلام عليكم عندى استفسار بخصوص هوية الاحوال المدنية وشهادة الجنسية العراقية محتاجيها ابغداد وانا فى مصر انتظر الموافقة الامنية واريد ادزهن البغداد لكن خائفة انه يحتاجوهن الاوام علما انه الكيس باسم زوجى هل مجازفة بعثهن بهذا الوقت لو ميحتاجوهن ارجو من لديه الخبرة الرد ولكم جزيل الشكر والتقدير

260
الحمد الله على سلامت الولدة وانت بهذا العمل رضيت ربك وهسة اتشوف رب العالمين شلون يعوضك

261
الف مبروك ام حنين وشايفة كل الخير وانشاء الله رحلة مباركة

262
الف مبروك وانشاء الله يوصلون بالسلامة

264
وعليكم السلام هذا رقم موبايل وانى اتصلت بيهم قبل اشوية راسنا ايشيلو

0123260479

265
السلام عليكم جميعا اتصلت اليوم بالاوام وسئلتها عن الكيس اجابتنى ماذا تريدين ان تعرفين قلت لها الموافقة الامنية قالت لسة مكتش قلت زين طبعات الاصابع قالت واصلة  قلت لها اريد ان اعرف سوف يطول الانتظار لان المدارس بدت واريد اعرف قالت متقلقيش خلاص المريض شفا من العيا فانشاء الله خير الضاهر عدهم اوامر بعدم التصريح بالموافقات الامنية ونتمنى من الله ان يفرجها علينا وعن المنتظرين لان دخلنا مرحلة الياس واملنا بالله كبير

266
الف مبروك اخى وتستاهل كل الخير وانشاء الله الاهل يوصلون بالسلامة وينجمع شملك وياهم عن قريب

267
الحمد الله على السلامة وشايف كل الخير

268
وعليكم السلام اخى حسب كلام الموظفة انه موافقات جاية وموافقات بعدها وبما انه الاطفال ماعليهم موافقات يعنى ياما موافقتى او زوجى جايةوباقي الملف ينتظر الموافقة الثانية هاى اذا فى حالة الاطفال ماعليهم موافقات بس ممكن تبين انه كيف للاطفال مالهم موافقات يعنى سالهم للمنظمة ولك جزيل الشكر

269
شكرا اخوية اقصد قسم خلصت وقسم ينتظر بعد مجتى

270
السلام عليكم اليوم اتصلت بالمنظمة للسؤال عن الموافقة الامنية وكا العادة لسة مكتش لكن بعد الالحاح على الموظفة بالكوة يالله كدرت اعرف انه واصلة جزء من موافقاتنا والحمد الله ولو على حجاية الموظفة متفرقش يعنى الة الكيس كلة يكمل موافقاتة مع العلم احنا ملفنا يتكون  من خمس اشخاص اطفالى الثلاثة الى هم اقل من اثنا عشر سنة وانا وزوجى وتمنياتى للجميع بالموفقية

271
السلام عليكم احنا وقعنا الكفيل يوم 3|8 وبعد تقريبا اسبوعيا اتصلت المنظمة باخى الى هو كفيلنا وقالت له انه اجانا تاكيد باسمائنا انه سوف يصلون خلال 8 اسابيع يعنى على نصف العاشر وعندما اتصل بالاوام واسال على الامنية تقول لسة مش واصلة فهل استبشر خير بكلام المنظمة الامريكية لو كلام الاوام هى الاصح ولكم جزيل الشكر

272
السلام عليكم اختى احنا نفس حالتج هم مقابلتنا جانت يوم 6|7 وهم ننتظر كاعدين الامنية بس انى مرح اسجلهم انتظر الى نصف شهر العاشر وهى تبين الشغلة واذا تاخرنا ادفع اقساط واخليهم ايداومون وهى الشهر الاول كلة مو مهم ومو فترة طويلة وصعبة وانشاء الله قبل العاشر تبين هذا رئى والرائى الاول والاخير لكى

273
مبروك وشايفة كل الخير على تحديد الولاية وانشاء الله ولاية الخير عليكم

274
الف مبروك وانشاء الله توصل بالسلامة

275
السلام عليكم اختى لا انشاء الله مقبولة مو شرط التاجيل رفض بس انتى خابرو عليكم على الفحص الطبي وحتى اذا مخابرو احتمال ايخابروكم هاى الفترة وانشاء الله مقبولين

276
الله ومحمد وعلى وياك توكل على الله وانشاء الله زيارتك واصلة وتوصل بالسلامة

277
الحمد الله على السلامة وشكرا على نقلك الاحداث اول باول وانشاء الله الموفقية

278
وعليكم السلام شكرا لك يااخى على النصائح القيمة وبارك الله بك وجعلها الله فى ميزان حسناتك عندى سؤال بالنسبة لى عندى خلصو ثالث ابتدائي بمصر وسادس ابتدائى بمصر يعنى نجيب وثيقة مصدقة من الادارة التعليمية لو فقط شهادة الامتحانات النهائية الى توزع فى المدرسة نهاية العام وبالنسبة لبناتى هى هى تعتبر فى مصر شهادة لان بكلوريا ارجو التوضيح ولك جزيل الشكر

279
السلام عليكم يسرنى الانظمام الى جمعيتكم انا ايضا من الى كانت مقابلة المحلفين يوم 6 من شهر السابع يعنى جماعة الاخت ميادة وطوطى لكن الحمد الله اتصلو بالكفيل بداية شهر الثامن والان نحن ننتظر الموافقة الامنية لانها لسة مجتى  دعائى للجميع بالموفقية

280
السلام عليكم الف مبروك عزيزتى ميادة ختم الملف وانشاء الله يوم سفرج

281
السلام عليكم شكرا جزيلا لردودكم السريعة وانشاء الله نتامل خير ودعائى للجميع بالموفقية

282
السلام عليكم عندى سوال  اصدقاءنا تم الاتصال بكفيلهم قبل تقريبا اسبوعيا ووقع الاوراق وقبل ثلاثة ايام اتصلو على الكفيل من المنظمة وقالو له اجة تاكيد بالاسماء انه سوف يصلون خلال 8 اسابيع الى امريكا علما انه اتصلو بالاوام يوم الاربعاء فردت الموظفة انه بس تم تحديد الولاية لكن الموافقة الامنية لسة علما انهم فى مصر هل يعنى  تاكيد اسماءهم يعنى طلعت الموافقة الامنية ولكم جزيل الشكر

283
السلام عليكم لاداعى اخى للقلق لان حصل مع زوجى نفس الشى انطا بالمقابلة الاولى تاريخ تسريحة وبالمقابلة الثانية انطا مو عد ثانى وجان الفرق سنتين وكلها للموظفة بالمقابلة الثانية ترى غلط التاريخ الاول مجنت مركز وناسى وعبرت والحمد الله احنا كملنا محلفين وموافقة والحمد الله

284
السلام عليكم لدى استفسار عن هذه المنظمة http://www.usccb.org/mrs/    فى تكساس  مدينة الباسو ماهى المساعدات التى تقدمها وهل هى منظمة جيدة يعتمد عليها ولكم جزيل الشكر

285
السلام عليكم اتصلت اليوم صباحا  للاستفسار عن الموافقة الامنية فقالت الموظفة الموافقة لسة مجاية بس الولاية اتحددت وانشاء الله الموفقية للجميع

286
السلام عليكم العم عبد الغنى هذا هو الايميل مال اليوان areca@unhcr.org

287
السلام عليكم عمى عبد الغنى ممكن ابنتك المقيمة فى الولايات المتحدة تقدم لك على القانون الجديد الى هو لم الشمل ملحق رقمة I 130 الى هو بالعربي حرف الاى مع 130 هاى فقرة الفقرة الثانية احنا قابلنا فى شهر الواحد وهم سندريلا الى قابلتنا وقالت اسبوعين ونتصل ومضى ثلاث شهور ولم يتصل بنا احد فقمت ارسلت ايميل يحوى على رقم الملف ويوم المقابلة واسم الموظفى الى قابلتنا وذكرت بيها انه اريد نعرف النتيجة وفعلا بعد اسبوع اتصلو بينا وتحولنا الى امريكا والحمد الله فارسل ايميل الى اليوان وانشاء الله يجيك جواب

288
الف مليون مبروك حبيبتى ميادة احلى خبر سمعتة اليوم وانشاء الله بشارة خير للجميع تحياتى لك وللعائلة الكريمة

289
السلام عليكم احنا نفس حالتك قدمنا اخوية من شهر الثانى ودزولة كتاب انه مطى رقم معاملة والمعاملة دخلت ضمن السرة والى هذا اليوم كلشى ماكو لكن الحمد الله الله راف بحالنا وتحولنا من اليوان وكملنا كل شى وننتظر الموافقة الامنية حسب ماعرفت انه بالجديد ضافو جماعة بغداد كانت فقط لجماعة مصر والاردن واطول المعاملة سنة ارجو ان تكون استفدت من المعلومة

290
الف مبروك اخى جوزيف وانشاء الله يوم سفرك

291
الهجرة و واللاجئين / رد: هل الفحص
« في: 13:21 07/08/2009  »
السلام عليكم الفحص الطبي علامة الموافقة لان ميصرفون فلوس عليكم وهما رافضيكم وهذا حصل بالفترات الاخيرة الى الحاصل على موافقة المحلفين يحولو فحص واتمنالك الموفقية

292
السلام عليكم  الحمد الله البارحة تم الاتصال بكفيلى وذهب لتوقيع الاوراق وقالو له خلال شهرين انشاء الله سوف ياتون والغريب بالموضوع انه انا واضعة ثلاث كفلاء اخوية واصدقاءة واحد عربي والاخ امريكى والكل عدهم جنسية امريكية اتصلو بصديق اخوية الى هو الامريكى علما انه الكل بنفس الولاية الى هى تكساس  الباسو ومااتصلو باخى  الى هو الفروض يعتبرو احق بالكفالة لان قريب من الدرجة الاولى تمنياتى للجميع بالموفقية وسرعة السفر

293
السلام عليكم اخى الخير فى مايختاره الله انا اختى فى ايرلندا دبلن المساعدات جيدة جدا والاطفال الهم راتب اسبوعى الى عمر 18 سنة والام الها راتب على اطفالها اسمة جايلد بنفت ينحط الها بالبنك كل نهاية سنة من غير راتب السكن والعيشة الى هى للاب كل اسبوع  الابناء عندما يبلغون 18 سنة يتحولون نظام ثانى وهم راتب يعنى اكثرية العراقيين يعيشون على المساعدات ومايحتاجون شغل لان رواتب قوية واتمنى للجميع الموفقية واسالك الدعاء لانى بانتظار الموافقة الامنية امريكا

294
شكرا للاخ  شيبو وللاخ عكعك لردهم السريع افهم بهيج حالة انه فى اخر المراحل بعد الموافقة الامنية يالله يندز العمان لو اكو مرحلة قبل الموافقة تصديقات شى ويدزو العمان ارجو التوضيح لان لورنس كال ملفكم بعمان لغرض الختم شنو يعنى بكلامة ارجو التوضيح ولكم جزيل الشكر

295
السلام عليكم ذهبنا اليوم  om مصر لكى نستفسر على الموافقة الامنية واجابنا لورنس بان لسة بانتظار الموافقة الامنية والملف انبعث لعمان للختم يعنى يصير ينختم الملف قبل الموافقة الامنية لو جاية الموافقة بس ميكولون سؤال للجميع مع تمنياتى بالموفقية للجميع

296
السلام عليكم احنا قابلنا يوم 6|7 واخذنا الموافقة شفهية بالتلفون وفحصنا يوم 18 كان الفحصين بيوم واحد وذهب زوجى لاستلام الضرف وقال له لورنس الموافقة موجودة لكن ممطبوعة هى تنطبع وتنحط بالفايل يعنى روتين كال وهم ورا عشرة ايام اتصلنا علمود الضرف وهم ممطبوع فتركنا الموضوع الى ان يتصلون هما بينا والله كريم

297
السلام عليكم ساكتب لكم مواعيد مقابلاتى وتمنياتى للجميع بتسهيل امورهم والسفر القريب


مقابلة المحلفين  6|7|2009

موافقة المحلف  15|7|2009

موعد الفحص الطبي الاول والثانى سوا    18|7|2009 

لم يتصلو بكفيلى لحد الان علما ان كفيلى اخى 

وانا بانتظار الموافقة الامنية ولكم جزيل الشكر

298
الف مبروك اخى عكعك للحجية وانشاء الله تسهل امورك والف مبروك لكل الذين حصلو على موافقة

299
الهجرة و واللاجئين / سؤال
« في: 22:09 14/07/2009  »
السلام عليك بالنسبة لاستلام الظرف العائلة كلها تذهب لو بس صاحب الكيس ولكم جزيل الشكر

301
اللهم صلى على محمد وعلى ال سيدنا محمد

الحمد الله اتصلنا بالمنظمة اليوم واخذت الموظفة رقم الكيس وقالت تعالو باجر استلمو الظرف والحيت عليها بالسؤال قالت موافقة والحمد الله علما انى بعدنا لم نجرى اى فحص حددونا موعد فقط والحمد الله والشكر انشاء الله موافقات للجميع وبدورى ابارك لجميع الاخوة والاخوات للذين حصلو على الموافقة وانشاء الله  انباركلهم بيوم السفر

302
السلام عليكم شكرا للاخ همر وللاخ vet2009 وانشاء الله نباركلكم بيوم سفركم وشكراللاخ good sniper وانشاء الله يحددولك موعد محلفين وتكون مقابلة سهلة وحبيبتى ميادة هاى بفضل دعوتكى المباركة وانشاء الله سو بنفس الطائرة واشكرج مرة ثانية على طيب اخلاقك

303
شكرا اخى عكعك ماقصرت الله يطيك العافية ويفتحها بوجك  دعوت غريب الغريب وانشاء الله تبشرنا بيوم سفرك

304
السلام عليكم الحمد اله اليوم يالله اتصلو بينا على الفحص الطبي ودمجونا الفحصين بنفس اليوم الى هو يوم 18 الظاهر احنا اخر ناس بالفحص الطبي اعصابنا ادمرت يالله اطونا الفحص الله كريم اتمنى الموفقية والسفر السريع للجميع

305
السلام عليكم احنا اليوم يالله اتصلو بينا على الفحص الطبي وحددونا الفحصين بنفس اليوم يوم 18 طبعا احنا  قابلنا المحلفين يوم 6 من هذ ا الشهر وسئلناها على النتيجة مقبلت اتكول قالت نحن نتصل بيكم الظاهر يعلنون النتائج ورى الفحص الطبي يعنى استلام الظرف والكل  رح يبدون الفحص الطبي من يوم الاثنين  الى هو باجر الى قابلو بداية شهر السابع ورى ميكملون الكل يعلنون النتائج وانشاء الله الكل مقبولين

306
السلام عليكم لقد اتصلت بهم اليوم وسئلت عن النتيجة وقالت اسبوع الجاى وسئلتها عن الفحص الطبي اخذت رقم الكيس وكالت انتو لسة مقابلين يوم 6   احنا نتصل بيكم رجعت سئلتها كتلها فى ناس اتصلتو فيهم واحنا لا اكو اشكال كالت لامفيش اشكال بس تسلسل وزوجى كان البارحة بالمنظمة وسئل لورنس كلة زخم على الفحص الطبي كل يوم انحول 15 حالة فقط يعنى اكو امل للى ما فاحصين ان يتصلون بيهم وانشاء الله خير وموفقية للجميع

307
السلام عليكم شكرا اخى Vet2009  على ردك وانشاء الله يحددونا موعد هذا الاسبوع تمنياتى للجميع بالموفقية والسفر السريع

308
الف شكرا  لردك السريع وادعولك بالسفر القريب

309
السلام عليكم الف مبروك تمنياتى لك بالتوفيق انشاء الله

310
شكرا جزيلا اخى عكعك ومبروك للحجية احنا قابلنا يوم 6 بهذا الشهر الى هو السابع ردت اسئل بعد كم يوم يتصلون على الفحص الطبي من يوم مقابلة المحلفين ولك جزيل الشكر

311
السلام عليكم اخوانى سؤال عندى بعد كم يوم من مقابلة المحلفين تم الاتصال على موعد الفحص الطبي وهل احد اتصلو بي من مجموعة مقابلات شهر السابع غير الاخت العزيزة ميادة طبعا السؤال لجماعة مصر ولكم جزيل الشكر

312
السلام عليكم شكرا جزيلا لكم اخوانى وانشاء الله وجهه خير علينا وعلى الجميع وكان اكو اعضاء من المنتدى معا اليوم لكن لانعرف نتيجة مقابلتهم لان طلعنا كبلهم تمنياتى للجميع بالموفقية

313
السلام عليكم اليوم تمت مقابلتنا مع المحلفين والحمد الله قابلتنا المحلفة الامريكية الى من اصل باكستانىوكانت اسئلة عادية وكان التركيز على سبب الخروج من العراق ولكن لم تكن اسئلة استفزازية والحمد الله مطولت المقابلة وخرجنا من المنظمة ساعة 11 ونصف لان كنا احنا اول العوائل الى قابلت وقالت اتصلو بينا على النتجة يوم الاحد القادم ودعواتى بالموفقية للجميع

314
شكرا لردودكم  نعم اقصد الاخ ابو فهمى لان عندما قرات الخبر الى كاتبة خفت ليكون لغوا المقابلات واحنا كاعد ننتظر  على احر من الجمر نمنياتى لكم بالموفقية

315
السلام عليكم اخوان عدى سؤال احد قابل محلفين بمصر يوم الخميس   2 |7  لان سمعنا من احد الاعضاء انه مقابلتة الغت ارجو التوضيح اذجان احد مقابل وتمنياتى لكم بالموفقية

316
السلام عليكم اخى يعنى اليوم جانت مقابلة محلفين يعنى الكل الغت لو بس حظرتك ومعرفت السبب ليش وانت وياك عائلة واشوكت قابلت المقابلة الثانية بالاو ام وانت تقديم مباشر لو متحول من اليوان لان هبطت معنوياتنا لان احنا مقابلتنا يوم الاثنين الجاى وكاعد ننتظر على احر من الجمر

317
الهجرة و واللاجئين / رد: عمان IOM
« في: 14:24 30/06/2009  »
السلام عليكم اخى بالنسبة لطبيعة المقابلات ومايدور بيها اكو موضوع مثبت فى قسم المواضيع المثبتة اعلى الصفحى عن المقابلات من الالف الى الياء مكتوب من قبل الاخ عكعك وكلش مفيد اما عن الاطفال فهم يكونون معك فى الغرفة بس يطوهم اقلام تلوين ورق لكى يرسمون وفى المقابلة الثانية الاطفال يكونون خارج الغرفة مع والدتهم اذكان الكيس باسمك والعكس اذكان باسم زوجتك تمنياتى لك بالموفقية

318
السلام عليكم نعم اخى الاردن اسرع شى وراها تركيا وبعدين لبنان واما سوريا نايمة عليهم الطابوكة تمنياتى لكم بالموفقية

319
وعليكم السلام اخى الموعد الجديد تعتبر مقابلة ثانية مقابلة سرد القصة ويكون جميع افراد العائلة معك وبكل المقابلات تكون جميع المستمسكات معك اما بخصوص المقابلة الاولى هى تكون لشرح السيرة الذتية للشخص من المدرسة الى الوظائف لك وللعائلة مع اطيب تمنياتى بالتوفيق

320
السلام عليكم بالنسبة للحمل يجب تبليغ موظفة الاوام عند المقابلة  لان احنا سئلتنا اذجان اكو حمل وكالت تاثر على سير الموضوع وعدنا اصدقاء بمصر انتظروها تولد وتاخرت معاملتهم وبعدين سافرو بس تاخرو عن وجبتهم وبالنسبة لشركات الطيران اختى سافرت بالشهر السابع من امريكا الكندا بس كالتلهم انى بالشهر السادس بس المسموح لحد الشهر السابع وبالموفقية

321
السلام عليكم فى البداية نحن فى مصر وقد طلبت منا موظفة الاو ام عنوان الكفيل فى المقابلة الثانية الى هى قبل المحلفين وكالت انطونى اكثر من عنوان ارجو ان تكون قد استفاديت من المعلومة

322
السلام عليكم مبروك اختى وانشاء الله الكلام صحيح واكو تسريع بالمعاملات بس عندى سؤال انتى قابلتى بالاسبوع الفات لان مقابلة المحلفين بمصر بدت يوم 18 بالشهر السادس اكون شاكرة لكى

323
السلام عليكم مبروك وبالموفقية خلصت من الامتحان الاخير وانشاء الله البقى مو اكثر من روتين وانشاء يوم الى نباركلك بيوم السفر

324
السلام عليكم انشاء الله موفقة اختى وانشاء الله تنقبلون اريد منكى تفاصيل اكثر لان مقابلتنا قريبة يعنى المحلف رجل لو امراءة وجان اكو هواى عوائل ورى كم ساعة قابلوكم وبعد المقابلة كم طولتو يعنى اشكد وخرجتو من المنظمة وهل انتو متحولين من اليوان لو تقديم مباشر وعلى شنو ركز المحلف بالاسئلة واكون شاكرة لكى

325
السلام عليكم اخوتى الكرام عدى سؤال اذا امكن متى كان تاريخ الاحتياط الى بعد الخدمة الزامية للخريجين من مواليد 1967 لان حسب ماذكر جانت سنة 2002 وكانت شهر صحيح لو انى ناسي ولكم جزيل الشكر

326
السلام عليكم اخوتى انا تم تحديد موعد مقابلة المحلفين يوم 8 من شهر السابع  الظاهر احنا اخر ناس بالقائمة ارجو كتابة مايدور فى المقابلات لكى نستفاد ولكم جزيل الشكر

327
السلام عليكم اشكر الجميع ودعواتى لكم بالموفقية وسرعة السفر انشاء الله

328
السلام عليكم لقد اتصلت بالاوام قبل قليل وسئلت عن المحلفين واخذو رقم الكيس وانطونى موعد فى بداية شهر السابع والحمد الله ارجو من الجميع الاتصال ليتسنى لهم معرفة مواعيدهم تمنياتى للجميع بالموفقية دعواتكم اخوانى ولكم جزيل الشكر

329
السلام عليكم ابشركم اخوانى اتصلت بالاو ام قبل لحظات وانطونى موعد محلفين ارجو من الجميع الاتصال لان انى اخذت نصيحة الاخو وخابرت وانطونى الموعد وانشاء الله الجميع تتبشر

330
السلام عليكم اخى ممكن سؤال اشكد المدة من قدمتلك اختك الى ان اجت الاوراق العمان واكون شاكرة لك اما بخصوص معاملتك بعد المقابلة اطول ستة اشهر لان اكو ناس اصدقاء نفس الحالة وصلو وكانت المدة ستة اشهر

331
السلام عليكم طلب من الادارة لتثبيت الموضوع لاهميته ولكى يستفاد اكثر عدد ممكن من المقدمين لامريكا من تجارب الاخوة الذين سبقونا ولكم جزيل الشكر

332
السلام عليكم مقابلتى كالتالى

تقديم لليوان   6|2007

مقابلة توطين 8|1|2009 

مقابلة   فى منظمة الهجرة    مقابلتين سوا     13|5|2009

مقابلة المحلفين  فى الانتظار

333
السلام عليكم شكرا جزيلا لك لنقلك الاخبار الحلوة وانشاء الله تسهل امورك وتسافر بالسلامة والكلام مضبوط لان البارحة اتصلت بيهم وسئلتهم كالت الموظفة لسة مفيش جدول يعنى واصلين بس مبادين يسوون مواعيد مقابلاتوانشاء الله الله يفرجها علينا لان وصلنا مرحلة الياس تقبلو مرورى

334
السلام عليكم يسرنى ان انظم اليكم وانشاء الله يقابلونا بشهر السادس ونخلص بالنسبة للمقابلات كا التالى

تسجيل باليوان   | 6|2007

مقابلة التوطين  8|1|2009

مقابلةاولى وثانية om فى   13|5|2009

مقابلة محلفين فى الانتظار

335
السلام عليكم اخى احنا قابلنا يوم 13 من شهر الخامس 2009 ومتحولين من اليوان  طبعا مصر وكانت المقابلة الاولى والثانية بنفس اليوم يعنى دمج اطونا استراحة بيناتهم ساعة واخذونا صور وطبعا للمحجبات لازم تطلع الاذان يعنى تدفع الربطة واطلع الاذان والمقابلة الاولى تكون عن تواريخ الزواج الك والوالدك وشكم اخ وشكم اخت وين هما ومزوجين لو لا وبعدين تبدى بالزوج الدراسة مفصل من اول ابتدائى الى حد الان وبعدين الزوجة كذلك وبعدين المقابلة الثانية الى هى القصة وطبعا الزوج فقط الى يتكلم ممسموح للزوجة اضيف وعلى العموم احنا من قابلتنا كانت الموظفة ايمان وكانت كلش زينة اول شى ابتدات الكلام بانها موظفة لخدمتنا ومساعدتنا واذكرو اى شى ايفيدكم  وطبعا الاطفال حيكون وياك بنفس الغرفة يطوهم اوراق رسم ويكولولهم رسمو يعنى المقابلة طويلة حتكون هاى اذا دمجوكم سوا مقابلتين وارجو ان تكون مقابلة سهلة لك

336
السلام عليكم احنا اتصلو بينا وحددونا مقابلة فى 8 من شهر الواحد 2009 وقالو اسبوعين ونتصل وانتهت شهرين وكلشى ماكو ارسلنالهم ايميل نطالبهم بمعرفة النتيجةتحولنا توطين لو لا وبعد اسبوعين من الايميل اتصلو واخذو معلومات وبعد اسبوع اتصلو وقالو حولنا ملفكم لبنان هاى جان يوم 31 من شهر الثالث وبعد اربعين يوم خابرونا om وحددونا موعد مقابلة كان يوم 13 من شهر الخامس وكانت دمج مقابلتين سوا وقالو نتصل بيكم على المحلفين وطبعا احنا بمصر وليهسة محد اتصل بينا  ارجو ان تستفيد من ما ذكرت يعنى هما نفسهم طويل

337
السلام عليكم شكرا للاخت ايات لكننى اليوم كنت فى om وسئلت الموظفة وقالت يجون فى الصيف ولا علم لنا بموعدهم واتصلى كل اسبوع لتعرفى مع العلم الموظفة نيفين كانت مجازة اليوم مع جزيل الشكر

338
السلام عليكم اخوتى ارجو كتابة عنوان om مصر اعرف العنوان الزمالك شارع احمد حشمت لكن ماهى اقرب نقطة دالة على المكان لكى يتسنى لنا اعطاء العنوان لابو التكسى لان هذه الشوارع متداخلة ولكم جزيل الشكر والتقدير

339
السلام عليكم ارجو من المشرفين تثبيت الموضوع لاهميته مع جزيل الشكر والتقدير

340
الله يبارك بيكم وتمنياتنا بالموفقية للجميع

341
السلام عليكم كل الشكر والتقدير لك وانشاء الله يسهل امرك وتسافر

342
شكرا جزيلا لكم والموفقية للجميع  نعم خمسة اشهر حيث قابلنا توطين بشهر الواحد واتصلو بينا بنهاية الشهر الثالث قالو انقبلتو توطين وتحول ملفكم لبنان واليوم اتصلو بينا للمقابلة الاولى وليس المحلفين

343

السلام عليكم لقد بدات om باعطاء مواعيد مقابلات لشهر الخامس حيث تم الاتصال بنا وحددونا موعد مقابلة اولى فى om بعد انتظار طال خمسة اشهر

344
السلام عليكم هاى موجودة الشركات بكل دول العالم بس كلمن بطريقتة اهنا بمصر ياخذوك بتكسى على حسابهم وهم تجى ابنية اتريد اتبيعك نفس الشى بس بعدين من تخلص المقابلة يطوك صندوق اصغير ارابيسك طبعا مو اصلى بس هدية احسن من الاردنيين ياكلون مينكلون

345
السلام عليكم جميعا هذه المواقع مجانية الى امريكا وكندا وايرلند وتتكلم براحتك ساعات بدون ميقطع الخط وممكن اتشوف القائمة موجود بيها البلدان الى بلاش وللعراق كلش رخيصة واحنا صار سنتين مجربيها بمصر وسعرها وطريقة طلبها مثل ماذكرو الاخوة ولكم جزيل الشكر

346
السلام عليكم بالنسبة النا قابلنا توطين 8 بشهر الواحد 2009 وقالت الموظفة اسبوعين ونتصل بيكم ارجعلكم جواب مقبولين توطين لو رفض وبعد مرور شهر لاحس ولاخبر  ارسلنا ايميل لليوان كنالهم اريد نعرف النتيجة ورا اسبوعين خابرت كالت وصل الايميل واخذت معلومات بعد من عدنا ورا اسبوع خابرت قالت اتقبلون امريكا قالت سوف نرسل اوراقكم الى لبنان وانتظرو مكالمة من om   هذا الكلام من يوم 31 من شهر الثالث ولحد الان كلشى ماكو محد اتصل بينا طبعا احنا بمصر وكاعدين ننتظر الفرج تقبلو مرورى

347
السلام عليكم اخى لدى سؤال اذا امكن قابلنا توطين يوم 8 بالشهر الواحد واتصلت موظفة اليوان بنهاية الشهر الثالث واخذت معلومات من زوجى وقالت سوف نتصل بكم بعد اسبوع وفعلا بعد اسبوع اتصلت وقالت انقبلتو على امريكا توافقون اجبناها نعم قالت انتظرو مكالمة من om وتحول ملفكم الى لبنان المكالمة الاخيرة كانت يوم 30  اذار اليوم اتصلنا بom  وسئلناها اذا كانت وصلت اوراقنا قالت لا بعدهم ممستلميها وقالت اتصلى باليوان لان بعد مواصل قالت احنا مالنا علاقة بالبنان شنو رئيكم ارسل ايميل لليوان لو انتظر  لان موظفة om حيرتنا كالت احتمال بعدة مدازية  اطلب مشورتكم اخوانى ولكم جزيل الشكر

348
السلام عليكم الاخ عكعك ومن لديه الخبرة كم المدة التى يستغرقها ارسال الملف الى لبنان والرد عليه مع العلم نحن فى مصر وموظفة اليوان اتصلت قالت ارسلنا الملف الى لبنان وانتظرو اتصال من om يعنى بعد ميرجع الملف لو خلال هاى الفترة علما احنا قابلنا توطين من شهر الواحدوحولنا توطين وعندما اتصلت الموظفة قالت انقبلتو توطين لامريكا ولكم جزيل الشكر

349
الف شكرا لك اخى وانشاء الله توصل بالسلامة

350
السلام عليكم ممكن اخى ولو زحمة تسال الموظفة بالنسبة للمشمولين ب130 ملحق الذين لديهم اقرباء من الدرجة الاولى يحملون الجنسية الامريكية شكد اطول المعاملةبعد استلام القريب الامريكى خطاب من دائرة الهجرة ان استلمو المعاملة ودخلت ضمن السرة ولك جزيل الشكر

351
السلام عليكم لى صديقة وصلت اريزونا صار شهر والمنظمة اعلمتها انه المساعدات لمدة شهر واحد اصبحت هل صحيح هذا الخبر وكل الولايات تشملها لو بس اريزونا ارجو من لديه علم اخبارناولكم جزيل الشكر

352
شكرا اختى لردك نعم انى معاملة لم شمل عندما قدمو اخوتكى اوراقهم لليوان ماذا حصل ارجو افادتى

353
السلام عليكم اخوانى لدى استفسارعن المشولين ب130 ملحق اى الذين لديهم اقارب من الدرجة الاولى فى امريكا بعد تقديم اقاربهم لهم من امريكا معاملة وبعد ان يستلم القريب خطاب من وزارة الخارجية انه استلمو المعاملة ماهى الاجراءت هل من الممكن اخذ الخطاب والذهاب به الى منظمة الهجرة الدولية لو الى السفارة الامريكية لو الانتظار ارجو افادتى ولكم جزيل الشكر والتقدير ........اختكم من مصر

354
السلام عليكم اخوانى لدى استفسارعن المشولين ب130 ملحق اى الذين لديهم اقارب من الدرجة الاولى فى امريكا بعد تقديم اقاربهم لهم من امريكا معاملة وبعد ان يستلم القريب خطاب من وزارة الخارجية انه استلمو المعاملة ماهى الاجراءت هل من الممكن اخذ الخطاب والذهاب به الى منظمة الهجرة الدولية لو الى السفارة الامريكية لو الانتظار ارجو افادتى ولكم جزيل الشكر والتقدير ........اختكم من مصر

355
السلام عليكم بالنسبة لنا زوجى ممشتغل وى الامريكان ولا مخطوف لكن تهددنا وطلعنا لكن لدى اختى مواطنة كندية وعندى والدى والدتى واخوية مواطنين امريكان يعنى اقرباء من الدرجة الاولى لكن المقابلة مكان سببها نه لدى اقرباء بدات اسئلت الموظفة طبعا هى موظفة يوان وبوحدها الاسماء والاعمار افراد العائلة والاخوة والاخوات للزوج والزوجة بعدين الشهادات والتعيين للطرفين يعنى زوجى العسكرية وين قضاها وين تعيين بعدين القصة بعدين تكدرون ترجعون  للعراق ومن خلصنا طبعا كل واحد لوحده وقعنا على الورقة وقالت الموظفة فى حالت اقتنعوا بالقصة يحولوكم الى سفارة هاى الورقة تروح للسفارة انى سئلتها قلت لها بس امريكا فاتحة لجؤء قالت لا كندا واسترالياوكان زوجى عدا الجناسى مال اختى واهلى كللها معاى راحت سئلت وحدة يكول زوجى اجنبية تكلمت معها بالانكليزى  ورجعت اخذتها وكالت انخابركم بعد اسبوعين نطيكم جواب وهذا الاسبوع الرابع ولا حس ولا خبر اذا احد مار بي نفس الشى يكول ورا شكد اتصلو ولكم جزيل الشكر

356
السلام عليكم جميعا فعلا الضاهر ينظرون بالملفات القديمة لان احنا ملفنا من الشهر السادس 2007 ويوم 6 بالشهر الواحد اتصلو اليوان وقالو اكو مقابلة وفعلا ذهبنا انا وزوجى واطفالى واخذت موظفة اليوان زوجى لمدة 3 ساعات وبعدها ادخلتنى وايضا تكلمت معى لمدة تقريبا ساعة ونصف وبعدها وقعنا على ورقة باللغة الانكليزية انا وزوجى وسئلتها على الورقة قالت فى حالة توطين تذهب الورقة الى السفارة وسئلتها انه ملفنا فى اى قسم قالت فى قسم الحلول النهائية للاجئين وقالت سوف نتصل بيكم بعد اسبوعين هذه المقابلة كانت فى 8 من الشهر الواحد 2009 وخلصت الاسبوعين ونحن فى الانتظار مااعرف اذا اكو امل بالموضوع وبالنسبة لسؤال الاخت انا شاهدت امراءة عراقية كان زوجها طيار عسكرى بالحرب العراقية الايرانية وسالى المحلفين قصفت احياء مدنيةبايران ونافى انه قاصف مدنين وهسة هم سوف يذهبون الى هيوستن طالعة الموافقات الامنية

357
السلام عليكم جميعا اعرف عائلة فى مصر جانت صارلها سنة بامريكا صفطت قصة على الاختطاف ودفعو فدية وكلة جذب بجذب وهما حاليا بامريكاومع احترامى نص الى راحو مصفطين قصص تقبلو رائى

358
السلام عليكم جميعا كل الشكر والتقدير لكل الاعضاء والعضوات الذين قدمولى المساعدة الله يفرجلكم ويفرحكم ويعوض صبركم خير       

359
السلام عليكم  اخوانى واخواتى فى هذا المنتدى الرائع  يسرنى الانضمام اليكم لان بصراحة هذا المنتدا يخدم شريحة كبيرة من شعبنا  انا لدى سؤال انا عراقية مع وزجى واطفالى لاجئين فى مصر صار 3 سنوات هذه السنةالثالثة ومقدمة على un واملك الكارت الاصفر عندى استفسار قريت فى منتداكم انه له الحق الذى لديه اقارب فى الولايات المتحدة طلب لجوء لان اخى ممن يحملون الجنسية الامريكية  سمعت بالفقرة 130 ماذا تعنى هذه الفقرة او كيف التقديم ارجو المساعدة ولكم جزيل الشكر

360
السلام عليكم ارجو توضيح الفقرة رقم 6 بخصوص الذى لديه اهل بامريكا لانى فى مصر هاى السنة الثالثة ولدى اخى يحمل الجنسية الامريكية وايضا ابي وامى لكن عدهم فقط الكرين كارت يعنى كيفية التقديم واكون شاكرة لكم وفقكم الله

صفحات: [1]