عرض المشاركات
1
الهجرة و واللاجئين / رد: كيفية عمل دعوة زياره
« في: 13:02 10/02/2014 »أخويه انت تكتب ورقه وتدزه لاختك إذا تحتاجه مؤ شرط يسئلون عليه انه اني أتكفل باقامتهم بالولايات المتحدة وبل نسبه للفيزه تدخل على موقع السفاره بالعراق وتملي الابلكيشن الي هو B1/B2 مثل مذكرولك الإخوان ويدفعون فلوس عن كل جواز 160دولار ويحددون موعد مقابله ويأخذون وياهم بنك ستيتمنت وأوراق إذا عدهم شغل أو عقار ويكونون كلش مرتاحين ومتهيئين لأي سؤال وهي تبقى قناعه الموظف الي دي قابل لانه أكيد يدرسون الابلكيشن من تدزلهمياه يعني أتوقع القرار ياخذوه مسبقا والله يقدملكم الي بيه الخير أخوك
lممنون منك اخويه العزاوي واني بعد قريت موضوع بيه كل هذه الامور واشكركم اخواني على المساعده والكلمه الطيبه وارجو من الله العزيز القدير ان يوفقكم ويوفقني لفعل الخير اخوكم ومحبكم بالله
المهم هاي اني مسوي وبيه فد شي مرتب يعني مراجعة الطبيب خمس دولارات ادفع بس وتخفيض كولش اهوايه بالادويه من تاخذها منهم وحتى العمليات هماتين اذا بعشر الاف اتكلف يسووها الك بشي رمزي بسيط ياخذون منك المهم المساعدات فهمتك هيه من يكون عندك شغل زين تكدر تعيش فيه انت وعائلتك هو اوتماتيكآ ينقطع بدون متبلغهم لان كل 3 اشهر لازم تنطيهم بروفايد حول شغلك واشكد تستلم وهم اوردي يعرفون بس يريدونك تجذب علمود يسووها عليك سوده مصخمه لان الحكومه مينلعب وياها المهم هسه يمكن عن طريق كلامي فهمت شنو السالفه وارجع واكولك خليك جدي بحياتك ولا يأثرون عليك هنا الفاشلين من تجي تعال للهاوزنك وهل سوالف لان بربي يتمنون فشلهم على الكل خاف اتروح وتشتغل وتختلط بالمجتمع وتتعلم واتصير احسن منهم يريدونك مثلهم واتصيرلك باد كردت مع الحكومه وتحلم بالجنسيه لان هم ماعندهم جناسي ومن تكوله لويش ما اخذت جنسيه يكول مالي خلك اقدم واروح اسويها اتولي هسه فد مندله هو ما يكول اني فاشل وغبي يسوي روحه فد بطيخه المهم اتمنالك الموفقيه وباجر نسولف لان قفلت اخاف اكتب الك شي غلط وتالي تسبني ههههه تصبحون على خيرر 
الله كريم نصبر شنسوي ما عدنه غير الدعاء وربي يوفق الكل
