980x120

عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


مواضيع - john85

صفحات: [1]
1
السلام عليكم ...

اخواني اخواتي الاعزاء مثل متعرفون يوم سفري 28 و الحمد لله و الشكر سافرت و وصلت هسة الى مدينة سيراكيوز, نيويورك... و الحمد لله و الشكر ربكم سهل بعد سفر متعب جدا....بس اول ما نمت و كعدت راح التعب

اخواني مثل متدرون اني طرت من تركيا و مقدم على البنفت و هاي التفاصيل.

اتصلوا بي الاي او ام تركيا قبل يوم من موعد السفر (همه مبلغيني بالموعد من قبل اسبوع و رسلوا لي على الايميل تاكيد الحجز و التذاكر الالكترونية المهم) للتاكيد انه يوم 28 يوم سفري و سالوني اذا جاهز و سالوا على الحقائب اذا كل حقيبة 23 كيلوا و اني بالتذكرة الي الحق جنطتين و الطفل جنطة وحدة....و ايضا ابلغوني لازم وقت حضوري للمطار يكون الساعة 12:30 (و كان موعد الطائرة 5:50).

1. وصلت مطار اتاترك باستنبول ساعة 12:00 و انتظر ساعة الى ان شرف المحروس موظف الاي او ام...جمع كل اللاجئين (صومال, ايران, موريتانيا, عراقيين الكل على كندا) اني الوحيد الى اميركا.

2. بعد التاكد من الكل حاضرين بدء الاجراءات و هي يعطيك كيس الاي او ام توزن الحقائب تصفي اموك مع الشرطة اذا عندك تاخير (الحمد لله اني تاخيري كان يومين اخذوا 400$ عين تضحك عين تبجي)

3. ما اطول عليكم بعد انتظار من 12:30 الى 5:50 و وياك عائلة تصير اعصاب و تتعب طرنا او وصلنا الى فرانكفورت نيويورك (هنا اتذكرت اخوية ابو اسد من كال كلش غالية المانيا اني حضرت نفسي بتركيا كيك +شرابت و منهاي السوالف) استقبلنا موظف الاي او ام خلاني على صفحة و اخذ بقية الى اللاجئين الى ترمنل كندا و رجعلي وصلني الى ترمنل نيويورك و هم انتظار ساعتين بس هنا اكو عراقيين لاجئين واصلين من لبنان و طائرتهم معي الى نيويورك...


4. وصلنا الى مطار نيويورك بعد رحلة 7 ساعات تقريبا و طلعنا الظهر وصلنا الظهر يعني فرق الوقت يصير حلو عليك و تعب بنفس الوقت...هنا مثل مذاكرين كل الاخوان موظف الهجرة يفتح ملفك (المغلف الاصفر من السفارة) و تكمل كل امورك و موظف الاي او ام يساعدك يعني جيبلك عربانة لجنط لحد يدفع 5 $ الموظف يجيب العربانة اني صارت بيه ههههههههه.
 
التفتيش كان عادي جدا عند الدخول

موظف الاي او ام طلعنا اني و عائلتي لان كملنا الاجراءات قبل اللاجئين بس برة ننتظرهم حتى نطلع كلنا باص الى مطار ثاني

5. وصلنا الى مطار لاغواديا ساعة 17:300 و رحلتنا 21:30 المهم اجراءات هنا بالمطار كلش قوية يعني مكرم السامع حتى الحذاء او النعال اذا لابس تنزعه المهم انتظار انتظار انتظار صارت الساعة 21:30 طارت الطيارة وصلنا سيراكيوز 23:00 اتلكاني الكفيل + موظف من المنظمة...

الميتمل برد اخوان جيب ويا بطانية حتى لو صغيرة للاطفال او للزوجة لان برد بالطائرة برد بالمطارات بالاخص نيويورك و الله يسهل للجميع

اخوان ان شاء الله الكل يوصل بالسلامة و ترتاحون

واني راح ابلغكم بكل تطورات ان شاء الله اتمنى اكون مقصرت بس تعبان لحد الان من السفر


اخوكم ابو داليا من داخل مدينة سيراكيوز, نيويورك

2
السلام عليكم اخواني الاعزاء....

بعدما الكثير من الاخوان و الاخوات الاعزاء يعرفون اني استلمت فيزا على الاس اي في شهر السادس و قررت السفر الى تركيا للانتظار على موعد السفر و خلود الحموي...

تحددلي يوم سفر ان شاء الله يوم 28 بالشهر الى نيويورك ....اتمنى للكل اخواني و خواتي الاعزاء الموفقية بكل شي


اخوكم ابو داليا

3
السلام عليكم اخوان الاعزاء.....

جماعة تركيا اليوم اكو تحديث بالمعلومات و اكو عائلة هنا اصدقاء نازلين توطين على امريكا طبعا.....للمعلومات همه مقابلين 19\2\2009 ...و ان شاء الله يكون الخبر بي امل ولو صغيروني هههههههه لجماعة تركيا...ان شاء الله يارب البقية المنتظرين الله يسهل شغلاتكم....


اخوكم

johnn85 

4
 ما هو الشيء الذي يستحيل كســـره؟



اخوكم ابو داليا

5
السلام عليكم اخواني الاعزاء.....


اخواني مثل ما تعرفون اني مستلم فيزا على برنامج الهجرة الخاصة و انتظر موعد سفر من تركيا...

اتعرفت على عائلة عراقية هنا بتركيا و يحتاجون مساعدة منكم اصحاب الخبرة و اني متاكد العنده جواب محد راح يقصر ويانا....

سؤالين صغار اخوتي

1. اللجنة التقوم بالمقابلات الثانية (اتراك ام امريكان) للاجئين في تركيا هل هية لجنة دائما و مقرها في تركيا؟ متى برايكم اكو مقابلات ثانية للمقابل شهر الثالث؟

2. اللجنة التقوم بالمقابلات الثالثة اكو احد عنده معلومات شوكت راح يجون التركيا؟ و شوكت راح يبدون مقابلات؟؟


اسف للاطالة ....منتظر ردودكم اخواني


اخوكم ابو داليا

6
السلام عليكم اخواني الاعزاء...

اليوم عائلة اصدقائي استلموا ايميل من الاي او ام بغداد على نتيجة المحلف و مؤشر على المربع الرابع ...شنو رايكم بهذا الشي جيد لا, يطو ل لا للنتيجة النهائية؟؟؟
و يكولون انتظروا جواب من USCIS همه راح يرسلون الجواب؟؟؟ و هذا الرد

The Baghdad Info Center writes to inform you that a final decision about your case has not yet been made. Your case has been deferred by U.S. Citizenship and Immigration Services (USCIS) for the reason indicated in the attached letter.

 

Please understand that this deferral does not mean that your case has been denied. Decision deferrals indicate that further review of your eligibility for refugee resettlement in the United States is necessary.

 

Your case will continue to be processed.  When there are updates on your case, and a final decision is made, you will be notified. It is not possible to estimate how long this will take.

 

You will find a scanned copy of your decision deferral letter attached to this email.

 

It is very important that your reply to this email (do not send a new, separate email) to confirm that you have received this email and the attached letter.

 

We can not proceed with your case until we have received a reply from you. When you reply please write the following:

 

“I confirm that I have received this email and the attached decision letter for my refugee case with the United States Refugee Admissions Program.”


ممكن ارائكم و هل هناك فترة بحر ظلمات اخرى لو هذا شي روتيني

اخوكم ابو داليا

7
السلام عليكم اخواني اخواتي الاعزاء

اليوم ولد صديق سالني سؤال و الصراحة معرفت اجاوبة بس كتلة ان شاء الله انطيك الجواب لان عندي بيت بي عائلة متقصر بكلشي اذا يعرفون....

سؤاله كان عن الخدمة العسكرية و منين يكدر يجيب برائة الذمة لمعاملة الاس اي في هو يكول راح لباب المعظم على المحاربين القدامى بس ملكاها هناك اوراقه هوه مواليد 68....

السؤال هو:  و ين يكدر يروح يجيب هاي الاوراق المطلوبة؟؟؟؟

مع خالص التحية و الرجاء اخواني اهل الخبرة مساعدتكم

و من الله التوفيق

اخوكم جون

8
السلام عليكم اخواني و اخواتي الاعزاء


مثل ما معظم الاخوان يعرفون اني استلمت الفيزا يوم الخميس.....من رجعت بوجهي سويت سكنر للفيز مالتي و مال عائلتي و دزيتها للرابسنت(جماعة البنفت) المهم مباشر اجاني اوتو ربلاي انوا استلموا الايميل (هذا الحجي تقريبا ساعة 1:30 الخميس)....

الحمد لله البارحة بالليل اجاني ايميل منهم يكولون حولنا قضيتك الى احدى المنظمات و انطيناهم عنوان الكفيل التريد تروح و من يخلصون اجراءاتهم و يتصلون بالكفيل راح نراسل ال IOM لتحديد اجراءات السفر.....

و ان شاء الله يارب الموفقية لجميع الاخوان و الاخوات و اتمنى ان اسدد ولو شي بسيط من الدين العلينا لهذا المنتدى الرائع.... و ان شاء الله اي تطور راح تعرفون بي اول ما استلمه

و لاي مساعدة و استفسار اني حاضر


اخوكم ابو داليا

9
السلام عليكم يا احلى ناس,

اخواني و اخواتي الاعزاء, عندي استفسار حول الاوراق المطلوبة لبرنامج الاي او ام بغداد. و هل هناك مستمسكات مترجمة مطلوبة و ما هي.

علما كما تعرفون اني استلمت رقم IZ مؤخرا و انتظر موعد للمقابلة.

الشكر الجزيل لكل اعضاء هذا المنتدى الرائع.

10
السلام عليكم االاخوة و الاخوات الاعزاء,

باركولي!!!!!!!!!!!!!!!!!!!!!!!!!!!!!!!!!!!!!!!!


اليوم اتغير رقم قضيتي من BGD الى IZ  بس كالولي الكيس مالتي بجدول المواعيد من يوصل السرة يرسلون ايميل.

اكو احد صار ويا موقف مشابه؟؟ اذا اي شكد طولوا و انطوا موعد؟؟

تحياتي و تقبلوا مروري.

صفحات: [1]