980x120
980x120

عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - Ahmed Alhelili

صفحات: [1]
1
سم الله الرحمن الرحيم
اخوتي اخواتي اليوم راح احچيلكم قصتي شون وصلت ال امريكا ب طريقة كلش غريبة وأحب أنوه للكل انه ماكو شي اسمة مستحيل كلشي يصير بهالدنيا.
احنة عائلة متكونة من ثلاث نقرات والدي نقتل في سنة ال 2008 جان يشتغل بوكالة أمريكية. ف قدمنا على ال IOM اللي بغداد سنة 2010 وانتضرنا وكلشي ماكو لمدة ٦ اشهر ماكو شي لا مقابلة ولا أي اتصال. عل عموم قررنا نسافر للأردن وننقل الملف هناك ف من رحنا صارت الأمور سريعة بشكل مو طبيعي مقابلة ورة الثانية بس المفاجئة انه نهاية المطاف انرفضنا فرجعنا وصراحة خاب املي والأمل ب الله. رجعنا لبغداد واني چان عمري تقريبًا ١٦ جديد عل دنيا على گولة اهلنا. رجعت حياتي الطبيعية في بغداد ورجعت اداوم مدرسة وكلشي طبيعي بس بعد الأمل عندي انه يجي يوم وأسافر وأخلص وابني مستقبل زاهر لحياتي. چانت اليومية مالتي تقريبًا ١٠٠٠ دينار عراقي. بعد مرور اشهر من رجعنا طبعًا ها ب المناسبة انه الموضفة اللي ب عمان گالت انتو اللي انرفضتو اذا ترجعون لبغداد ف امريكا تصير حلم يعني ايس يا عبيس. كل هذا واني الأمل ما مات عندي. چنت املك الف دينار لا غيرها اشتريت قوطية ببسي ب ٥٠٠ بقت ٥٠٠ دينار قررت انه اروح ابو الإنترنت وافتح ملفنا واراسلهم وكل اللي أبالي گلت خل أخربها هي خربانة خربانة. دزيت إيميل لل IOM كلتلهم أرجو نقل ملفي من الأردن الى بغداد نرى أخرى على گولة الحجية هذا مو ملف چيس خيار صار ههههه. اني صراحة مچان عندي أمل والأمل ب الله. ورة شهر اجت المفاجئة الكبرى انه خابرونة على فحص طبي ب العلاوي. طبعًا اني هنا الصدمة مو طبيعية مچنت اتخيل نهائيًا انه يجي يوم هيج يصير ف سالت گالو انتو مقبولين. ورة الفحص ب شهر دزو علينا دورة تثقيفية وراها ب ٤ اشهر سافرنا وحاليا هسة دخلت السنة الثامنة في بلاد المهجر
وقصتي اسمها ٥٠ سنت نزلت ب الجرائد الأمريكية وحاليا اني ب البحرية الأمريكية راح اتخرج إنشاء الله كابتن بحري عل باخرات الحمل العسكرية والمدنية. أتمنى انه قصتي عجبتكم وأتمنى انه رفعت من معنوياتكم واللي عندة أي سؤال اني برسم الخدمة وحاضر.

صفحات: [1]
980x120