المحرر موضوع: احـنـَه العراقيين  (زيارة 611 مرات)

0 الأعضاء و 1 ضيف يشاهدون هذا الموضوع.

غير متصل ميسون نعيم الرومي

  • عضو فعال جدا
  • ***
  • مشاركة: 766
    • مشاهدة الملف الشخصي
    • البريد الالكتروني
احـنـَه العراقيين
« في: 16:10 02/06/2023 »

احـنـَه العراقيين


ميسون نعيم الرومي
 
احنه العراقيين
احنه الكل وكت مسبيين
ولد الحموله احنه
احنه الطيبين
اهل الكرم والجود ..
والننطي بلايه احدود
نفتح للغريب ابيوتنه
والجايع نطعمه اغموسنه
احنه العراقيين مظلومين منسيين
تتآمر علينه الدول احنه ..
تحركنه ابچوانين
***
احنه العراقيين
ابكل وكت منهوبين .. محزونين
تعبت جنطنه امن السفر
وادموعـنه تسگي البحر
واجفوفنه تحفر بالصخر
قصتنه مكتوبه اعله الگمر
نمشي ع الذهب ..
لكن للأسف عريانين..جوعانين
اندور ع الوطن !!
والوطن .. مي العينين
احنه العراقيين
***
احنه العراقيين
نرجع ليوره .. إحنه ..
واسنين تحفر باسنين
احكومات عدنه املگطه..
التمت اومدري امنين
الگاع عدنه مولحت ..
وانذبحن الشطين
شبـّانـَه نصهه اتكتلت والباقي مضيومين
وامنه .. امحسره وامطيـّـنـَه بالطين
ابكل عهد عدنه (كربله) .. احنه
والعين تبچي (حسين)-
كافي او بس بعد بس
بسك يازمن .. رايح او تركض وين ؟؟
وين ...
------------------------------------------
1/حزيران/2023
ســـــــــــــــــــــــتوكهولم