المحرر موضوع: ليـش ؟  (زيارة 169 مرات)

0 الأعضاء و 1 ضيف يشاهدون هذا الموضوع.

غير متصل ميسون نعيم الرومي

  • عضو فعال جدا
  • ***
  • مشاركة: 766
    • مشاهدة الملف الشخصي
    • البريد الالكتروني
ليـش ؟
« في: 19:54 21/11/2023 »
ليـش ؟
ميسون نعيم الرومي
 
انهجمت ( غـزَّة ) اوچا ليش ؟
اتراب الصارت ..
مامش عـيـش
مدري انـباعـت ..
مدري .. بـيش
مدري خيانه !
اوصعـبه العيش
مدري تهور..
مدري .. طيش
انهجمت ( غزَّة ) اوچا ليش ؟
***
انمردت (غـزَّه) ..
اشتعلت نار
ماتـت آلاف ..
ازغار اكبار
خوف اوجوع ..
اوطاح الدار
شعب المنكوب ..
ابأمره حار
وين الحل ابهذا الصار ؟
كلهه اتخلت .. چا ليش ؟
***
انهجمت غزه او چا ليش ..
والكل بيهه اتعـِـر واتجر
ربدوچ ابعرفه ..
ضگـتي المر
ابحالچ.. محد !
شنهي .. السر ؟
اوليداتچ ماتـت ..
كلهه اتصر
ياهـو اينصفچ ..
وينه الحر ؟
روحي اوياچ ..
اوگـلبي .. انـطر
ليش اوليش اوچا ليش ؟
الكل تسأل .. چا .. ليش ؟
شنهي الحصلت .. چا .. ليش ؟
انهجمت ( غزَّة ) اوچا ليش ؟
ليش ؟
-----------------------------------------
نوفمبر / 2023
ســــــــــــــــــتوكهولم