منتدى الهجرة واللجوء > مواضيع بعد السفر

كل ما يهم الاطباء المهاجرين الى الولايات المتحده و كندا

<< < (4/35) > >>

ورقاء:
صباح الخير صدك منين جبته؟ اي مو اني صارلي 5 سنين من تخرجت واريد جراحة ودا احس نفسي دا احلم بس شسوي حظل احلم
الماستر مال ببلك هيلث اعتقد يفيد بس الي يريدون فاملي مدسن بعدين
سؤال باي ذ وي بديتوا تقرون شي افيدونا افادكم الله

Bobby:
[Best books
Step 1 First aid read it at least 5-6 times & memorize each word +USMLE World MCQs
for Pathology you need to read Goljan 100 pages + Goljan pathology qs
For slides First aid slides + goljan slides would be more than enough


For Step 2
First aid step 2 is very good but you need to read cardiology ,endocrinology & Git in Kaplan lecture notes
USMLE World Step 2 read it at least twice,its very very good to expand your knowlage

For Step 2 CS
USMLE World CS + First aid  2 CS(mini cases) + Neerajs notes CS

For Step 3
Kaplan Notes step 2 + USMLE World + Neerajs Step 3 Notes +SCC

Before you take any exam ( except step 2 cs) you should take NBME exams to evaluate your performance in the real  exam

IRAQIDOCTOR:
د.Bobby شكرا على المعلومات الحلوه
د.Wingo , د.ورقاء
الحقيقه هذا الجدول لكيته مسيف عندي , بس منين اني مسويله كوبي ؟؟؟ نسيت , لان مرات اروح لانترنت كافيه واتصفح واذا الكي شغلات مرتبه مثل هذا الجدول انزلهه وان شاء الله تعالى اذا تذكرت المصدر اجيبه الكم , بس هوه اكيد بواحد من المنتديات اللي تهتم بال USMLE واللي هيه بالعشرات ومع الاسف ما لكيت ولا منتدى عراقي بهذا الخصوص وكلهه لو مصريه لو سوريه والباقي هنديه وغربيه ! تصورو حتى لكيت منتديات ليبيه ويمنيه وسودانيه عن هذي الامتحانات بس عراقيه ماكو ! بس سمعت اكو كروبات لاطباء عراقيين بالفيس بوك بهذا الخصوص لكن الفيس بوك ممنوع عدنا هنا ! وتعذروني لان الانترنت مو قريب عليه بس اني اي شي الكي ويفيدنا ان شاء الله احاول قدر الامكان والوقت انو اشارك بيه, بس لو اكو واحد من جماعتنا الاطباء الواصلين لامريكا يفيدنا بمعلومات مناك خصوصا عن هذي الشغله اللي دعبلنياها د.صفاء وراح  " هناك مستشفى او منظمة تستلم منك مبلغ مالي بين 12 -30 الف دولار وتستلمك لمدة سنة وتظمن معادلة الشهادة والتوظيف " !
لان الحقيقه هذي الشغله لحد الان و  على كولة اخوانا السوريين ماخرطت مشطي !
دكتوره ورقاء تره الاعتماد على الله سبحانه وتعالى ثم عليج , مو بس توصلين لامريكا تنسينا !

وهذي اسئله واجوبه مفيده من زملائنا الاطباء اللي بالمنتدى والمتعلقه بمواضيعنا , من رخصتهم طبعا :

************************************************
Rana2007
عضو فعال
غير متصل
رسائل: 42
مشاهدة الملف الشخصى
قلق من عدم ايجاد عمل مناسب لاصحاب الشهادات الطبية والهندسية في امريكا
«  في: ديسمبر 10, 2008, 09:26:46 pm »
عيد سعيد وكل عام وانتم بخير اني زميلة جديدة لكم في منتداكم المفيد جدا ,اعاني من قلق في احتمالية عدم ايجاد عمل مناسب في الولايات المتحدة(  اذا طلع اعادة توطيني هناك )حتى تتم معادلة شهادتي حيث اني طبيبة ارجو مساعدة اللي يعرف معلومات كافية عن اوضاع الاطباء اللاجئين وماذا تعرض عليهم اليو ان من اعمال الى ان يتمكنوا من معادلة شهادتهم ؟

knarsaad
عضو فعال جدا
غير متصل
رسائل: 75
مشاهدة الملف الشخصى
رد: قلق من عدم ايجاد عمل مناسب لاصحاب الشهادات الطبية والهندسية في امريكا
« رد #1 في: ديسمبر 10, 2008, 09:49:02 pm »
شوفي اختي اني رديت بالموضوع الاول وما ادري اذا قريتي الرد لمعادلة شهادة الطب باميركا لازم مثل ما ذكرتي تمتحنينusmle وهو مختصر امتحان الحصول على الرخصة لممارسة الطب باميركا ويتكون من 3 اجزاء والجزء الثالث يتضمن جانب عملي يستلزم اتاجمنت بمستشفى في الولايات المتحدة اي معايشة تحت التدريب لمدة قصيرة وليس كما طرح بعض الاخوة انه تشتغلين ممرضة لان التمريض عندهم اختصاص قائم بذاته فليس كل طبيب يستطيع القيام بما يقوم به الممرض والمدة تعتمد على شطارتج فاذا كنت مستعدة امتحنيها واحدة ورة اللاخ وتحتصرين الزمن ..............تحياتي

Rana2007
عضو فعال
غير متصل
رسائل: 42
مشاهدة الملف الشخصى
رد: قلق من عدم ايجاد عمل مناسب لاصحاب الشهادات الطبية والهندسية في امريكا
« رد #2 في: ديسمبر 10, 2008, 09:57:27 pm »
شكرا اخي knarsaad على معلوماتك القيمة بس اني الى ان اعادل الشهادة شنو الشغل اللي له علاقة بتخصصي اللي ممكن تعرضه اليو ان عندك فكرة شديشغلون الاطباء او المهندسين المعماريين؟زين اني سمعت انه لازم ادفع فلوس في فترة ال attachment باليوم 100 دولار او يجوز اكثر  عندك فكرة عن هذا؟ مع فائق التقدير

knarsaad
عضو فعال جدا
غير متصل
رسائل: 75
مشاهدة الملف الشخصى
رد: قلق من عدم ايجاد عمل مناسب لاصحاب الشهادات الطبية والهندسية في امريكا
« رد #3 في: ديسمبر 10, 2008, 10:05:38 pm »
بالنسبة للشغل انتي تعتبرين نفسج للاسف حالج حال اي شخص يعني الا ان تعادلين انتي تنيبن انو انتي طبيبة بس ممكن في بعض الاحيان تشتغلين بعيادة احد الاطباء بس بصورة غير رسمية وتقومين بتحضير الكيسات يعني مثلا history and examination وهكذا بالنسبة ل100دولار او اكثر او اقل اسف فما عندي معلومات انتي وين واصلة بموضوع التوطين

Rana2007
عضو فعال
غير متصل
رسائل: 42
مشاهدة الملف الشخصى
رد: قلق من عدم ايجاد عمل مناسب لاصحاب الشهادات الطبية والهندسية في امريكا
« رد #4 في: ديسمبر 10, 2008, 11:23:53 pm »
 شكرا جزيلا اخي knarsaad  طيب ممكن ادرس مباشرة على اختصاص معين مثل طب مجتمع الى ان اكمل جميع خطوات ال usmle  لو مايصير ادرس اذا ماعندي جميع خطواته الثلاث ؟ اني حصلت على عدد من شهادات ال USAID ببرنامج PSP   بالمجلس الطبي الاردني فهل تفيدني ان اعمل ولو بمركز طبي كطبيبة ممارسة نسائية والتراساوند لو مستحيل ؟

knarsaad
عضو فعال جدا
غير متصل
رسائل: 75
مشاهدة الملف الشخصى
رد: قلق من عدم ايجاد عمل مناسب لاصحاب الشهادات الطبية والهندسية في امريكا
« رد #5 في: ديسمبر 10, 2008, 11:34:04 pm »
دكتورة طبعا مستحيل يا نسائية اني عندي بورد عربي اطفال ميعترفون باي شي منه ثانيا اني احجيلج ورة ما تعادلين كل هاي الشغلات تصيرين جي بي اذا تريدين بعدين اقامة طب مجتمع او غيره هاي حصبه وجدري وطبعا كله بعد المعادلة ماكو شي قبله اسف اذا شوية احبطت معنوياتج بس هية الامور هيج

Rana2007
عضو فعال
غير متصل
رسائل: 42
مشاهدة الملف الشخصى
رد: قلق من عدم ايجاد عمل مناسب لاصحاب الشهادات الطبية والهندسية في امريكا
« رد #6 في: ديسمبر 11, 2008, 08:58:51 am »
شكرا اخي  knarsaad  على المتابعة والاجوبة المفيدة اني ادري انه كلشي مستحيل بدون معادلة الشهادة بس تصورت انه شهادات ال USAID  ببرنامج PSP ممكن تساعدني ولو بأمل 1% باعتبار انه اصلا برنامج امريكي والمركز الرئيسي والادارة له في امريكا بس اني سمعت انه الاطباء متبهذلين وقسم رجعوا لان دة يشغلوهم سواق تكسي او بوابيين كراج او كاشير في سوبر ماركت  فصدك هذا الكلام يعني يمسحون بكرامتنا الارض الى ان نعادل الشهادة زين واذا فشلنا بمعادلة الشهادة راح نبقى بهالضيم علمود الجنسية الامريكية  والله الواحد كره الدنيا من ورة الاخبار اللي تجي من هناك

tiger73jo
عضو
غير متصل
رسائل: 25
مشاهدة الملف الشخصى
رد: قلق من عدم ايجاد عمل مناسب لاصحاب الشهادات الطبية والهندسية في امريكا
« رد #7 في: ديسمبر 11, 2008, 11:49:36 am »
اختي العزيزه لا تيأسيين اذا انتي عندج الاراده والتصميم فما يبقى غير التوفيق من الله عز وجل وراح تحصلين اللي تريديه ان شاء الله مثل ما حصل غيرج وهمه مو احسن منج وهسه همه مقيمين واخصائيين بامريكا وغيرها من الدول واكيد عندج زملاء من دورتج او الدورات اللي قبلج وهمه مشو بهذا الطريق واكيد تسمعين اخبارهم ..
انا رأيي اذا تريدين تختصرين وقت وما تتبهذلين بشغلات ثانيه غير شغلتج فليش ما تبدين تحضرين لل USMLE من الان وحتى تمتحنين step 1 او step 2 بالبلد اللي انتي بيه بس شدي حيلج و اعرفي شلون تحضرين لهذا الامتحان اللي يعتبر اقوى امتحان في الطب على مستوى العالم لشموليته لكل فروع الطب ولدرجه انه العديد من الدول لا تطلب منك معادله شهادتك حتى تشتغلين عندهم اذا انتي عبرتي هذا الامتحان مثل الامارات والنرويج ونيوزيلندا و غيرها من الدول .
اختي شدي حيلج و اختاري واحد من الستيبات و بلشي اقري ولا تنسين انتي طبيبه والطبيب المفروض ما يعرف اليأس في حياته العمليه .. تقبلي مروري وتحياتي

Rana2007
عضو فعال
غير متصل
رسائل: 42
مشاهدة الملف الشخصى
رد: قلق من عدم ايجاد عمل مناسب لاصحاب الشهادات الطبية والهندسية في امريكا
« رد #8 في: ديسمبر 11, 2008, 12:23:29 pm »
اخي tiger73jo شكرا للمرور والتعقيب الغالي راح اعمل بنصيحتك ان شاء الله باقرب وقت ممكن بس عندك معلومات عن انه step3  لازم الشخص يداوم سنة كاملة اقامة باحدى مستشفياتهم ولازم يدفع 100 دولار لكل يوم دوام  وبعد السنة يمتحن عملي فهل هذه المعلومة صحيحة؟

tiger73jo
عضو
غير متصل
رسائل: 25
مشاهدة الملف الشخصى
رد: قلق من عدم ايجاد عمل مناسب لاصحاب الشهادات الطبية والهندسية في امريكا
« رد #9 في: ديسمبر 11, 2008, 01:11:25 pm »
لا يوجد مثل هذا الكلام بخصوص step3 روحي احجزي موعد وامتحني و ما يردون اي شي غير انه لازم تكوني ناجحه ب step 1 و step 2 اما بالنسبه لل attachment فهو غير اجباري ولكن اذا كان عندك attachment اي خبره في المستشفيات الامريكيه فهذا يساعدك جدا في التقديم على الاختصاص .. مع تحياتي

Rana2007
عضو فعال
غير متصل
رسائل: 42
مشاهدة الملف الشخصى
رد: ولاية الاباما
« رد #2 في: ديسمبر 26, 2008, 01:20:22 pm »
الاخ ابو قمر المحترم
اشكرك جدا على الرد المفيد ولكن احب ان اخذ رايك فقد تصفحت عدة مواقع للانترنيت ووجدت ان الكليات التي يتم فيها دراسة  MEDICAL DIAGNOSTIC ULTRASOUND في ولايات قليلة جدا من ضمنها ولايات كاليفورنيا'الاباما, جورجيا,تكساس,نيويورك,فلوريدا. وحسب علمي ان ولايات فلوريدا وكاليفورنيا ونيويورك وتكساس هي ولايات غالية جدا من ناحية الايجار والمعيشة علما باني طبيبة باختصاص الاشعة وافكر بمعادلة شهادة الطب ولكن فترة المعادلة قد تستغرق اكثر من عدة اشهر او سنة وفكرت بالالتحاق باحدى الكليات التابعة لولاية الاباما  التي تدرس علم السونار للحصول على شهادة معادلة بعد اجتيازي امتحان IRDMSالخاص بالتمريض التقني للمحاولة للحصول على عمل مساعد طبيب لحين اتمام معادلة شهادتي الطبية فهل هذا ممكن ام لا؟ وتقبل وافر الشكر والاحترام

************************************************
عراقي من امريكا
عضو
* غير متصل غير متصل
رسائل: 27
مشاهدة الملف ا... 
[xx] 
رد: جاااااات العراقيين في منطقة ولاية دي سي District of Columbia العاصمة واشنطــن
« رد #24 في: الأمس في 03:49:11 am »
مقتبس من: ورقاء في سبتمبر 22, 2009, 07:51:30 am
هلو دكتورنا العزيز اني هم ممارستي خمس سنوات طب واخرها جراحة سنتين وبعدين عفت البورد وجيت
احنا بمريلاند منطقة اسمها ريفردل
تكدر تساعدنا بشغلة ال medical assisstant
صراحة مو بس الي بس لانسان هنا هوة وعائلته صارلهم سنة هوة هم طبيب وشوية عمره جبير ميكدر يمتحن فكاتل نفسه على هل شغلة مال مساعد طبيب ومحد ديساعده
واني فكرت بيها انه تفيد  وممكن اعتبارها us clincal exprience
يلة اهلا وسهلا بيك وشوكت مخلي ابالك تمتحن حتى نسوي واهس واحد للاخ
صدك اني حضرت تجمعات للعراقيين هنا فاذا تحب من يصير واحد لاخ اكلك وجانوا اول يوم العيد مسووين عزيمة على الغدا
تحياتي

اهلا و سهلا اختنا دكتورة ورقـــاء ( اسميج عمتي لأن أني سنة و نص جراحة عامة و انتي سنتين ) و قبلها ثلاثة سنوات و نص تدرج و هاي السوالف ....
اهلا و سهلا و على راسي دكتورة...
عمتي الوردة ...
بالنسبة لحضرتج و تعرفين اجراءات USMLE وهاي دوخة راس من صدك ... بعدني ما بادي بالمعادلة مشغول ويه اهلي و سوالف الشغل ...
يبقى مسألة تشتغلين Medical Technician
او لهذا الشخص الدكتور ... فهاي شغلات كثيرة .. حاليا اعمل تقني طبي طوارىء Emergency Department Technician باحدى المستشفيات القريبة ....
أكو اطباء اخرين ما كدروا يحصلون على هذا الشغل لاسباب كونهم اطباء Over Qualified
يبقى هذا الشغل ينطيج حوالي 12-18 دولار بالساعة تقريبا و حسب المستشفى و القسم اللي تشتغلين بيه !
اكو شغلة حلوة هسه احد اصدقائي الاطباء اللي ما حصلوا شغل راحوا على هذا المعهد
http://www.sanz.edu/
سانز
و عدهم دورة لمدة 6 شهور يصير بعدها Certified Medical Assistance
و يكدر الطالب يحصل على منحة حكومية من داخل المعهد بقيمة 5500 دولار تلحكها 7500 Loan و كلها لدفع مصاريف المعهد و الدراسة ... ومثل ما قال يتكفلون بايجاد عمل
نصيحة لحضرتج
اهم شي حتى الواحد يشتغل في المجال الطبي الحصول على BLS Certificate
و هذا الشي اني حصلته قبل ما قدمت على الشغل و ما تكلفج مو اكثر من 60 دولار
و تعني Basic Life Support
ينطوج كارت و هو كارت الاسعافات الاولية و يأخذ من الجمعية الامريكية للقلب و هذا الرابط
http://www.americanheart.org/presenter.jhtml?identifier=3019553
اكو بنهاية الصفحة يقول السعر 17 دولار للامتحان الاول و هذا اون لاين
اني قريته بيومين و نجحت ب 100 %
بعدين رحت لمستشفى قريبة تنطي امتحان hand on Skill
و نجحت بالامتحان و ورا اسبوع ارسلوا لي الكارت اللي هوا نافذ لسنتين بس دفعت مبلغ 40 دولار للامتحان العملي ( تختلف من مستشفى الى اخرى ) !!!! خوش كلام دكتورتنا
( و ألاطباء العراقيين سهله عليهم هاي السوالف )
من يصير عندج هذا الكارت و هذه ضرورة للعمل في المستشفيات بالقول :
A recent BLS/CPR Card
فاذا ما عندج لو حتى انتي بورد جراحة من فرنسا ما يشغلوج !!!!!!
هاي عرفتها و الشكر لطبيبة امريكية الله يحفظها كلتلي عليها و إلا هسه اني عطال بطال !
اذا تحبين معلومات اكثر ممكن تراسليني احتي الكريمة على المسنجر
mesopotamia7500@yahoo.com
و إن شاء الله ما قصرت و  ما اقصر وياكم
مع تحياتي
اخوج
ابو طيبة

************************************************
خُرافة
عضو فعال
متصل
رسائل: 38
مشاهدة الملف الشخصى
سؤال حول اكمال دراسة الطب في الولايات المتحدة الامريكية
«  في: يناير 13, 2010, 09:33:53 am »
صباحكم ورد
انا مقدم على لجوء لامريكا صار مدة طويلة و القضية دتتحرك ببطء بس وعدوني خيرا
المهم اني طالب طب سنة ثالثة و سؤالي اذا اجيت شون علدراستي لان سمعت اللي يجي يرجعوا اول و اني مستحيل ارجع اول يعني ابقى بالعراق احسلي و لا ارجع اول
اتمنى للي عندهم معلومات على هلموضوع يسولفولي

الحمل
عضو
غير متصل
رسائل: 14
اخوكم - الحمل
مشاهدة الملف الشخصى
رد: سؤال حول اكمال دراسة الطب في الولايات المتحدة الامريكية
« رد #2 في: يناير 13, 2010, 11:55:22 am »
اسمع يا ابني العزيز وزميلي لعزيز اتعيد 3 سنوات احسن من تعيد 5 سنوات او اكثر اذا كملت الكليه ورحت لامريكا وذاك الوكت تكون كبرت وتزوجت وما تكدر تقرا بعد وعيونك تعبت وما عندك واهس اما ان تروح لامريكا وتبدي من الاول او تختار غير فرع اصلا مثل صيدله او طب اسنان وتبدي من جديد او تبقى بالعراق وتكمل الطب بس ذاك الوكت مراح تحس نفسك طبيب لان محد راح يعترف بيك وتكعد تتحسف علتعب والعمر الي راح بلا فايده فاحسنلك روح لامريكا وابدي من الاول وانت شاب والمستقبل كدامك ولاتكرر الغلط الي وكعنا بي احنا ومبعد ما نكدر انصلحه لا تضوج من كلامي لان اني صاحب تجربه الطب بالعراق تعب بدون اي فايده ومحد يعترف بي هسه اني كاعد بدول الخليج وما ملكي شغل لان محد يعترف بشهادتي الا اذا رحت لليمن او ليبيا هناك يشغلوك كطبيب والله ايقدم الي بي الخير

خُرافة
عضو فعال
متصل
رسائل: 38
مشاهدة الملف الشخصى
رد: سؤال حول اكمال دراسة الطب في الولايات المتحدة الامريكية
« رد #3 في: يناير 13, 2010, 12:01:45 pm »
ما اعرف و الله بس عادي اذا كملت و رحت اكدر اسوي USMLE
 
الحمل
عضو
غير متصل
رسائل: 14
اخوكم - الحمل
مشاهدة الملف الشخصى
رد: سؤال حول اكمال دراسة الطب في الولايات المتحدة الامريكية
« رد #4 في: يناير 13, 2010, 12:11:15 pm »
الله كريم بس الشغله راح تاخذ وياك 4 سنوات علما تعادل وكومه فلوس طبعا الله ايوفقك لان الامتحان 3 مراحل ومو سهل طبعا

خُرافة
عضو فعال
متصل
رسائل: 38
مشاهدة الملف الشخصى
رد: سؤال حول اكمال دراسة الطب في الولايات المتحدة الامريكية
« رد #5 في: يناير 13, 2010, 12:13:42 pm »
اي هيه مال صعبه فصعبة كولش بس اني عبالي اكدر اكمل هناك بلا ما ارجع لان صعب ارجع كولش صعب

الحمل
عضو
غير متصل
رسائل: 14
اخوكم - الحمل
مشاهدة الملف الشخصى
رد: سؤال حول اكمال دراسة الطب في الولايات المتحدة الامريكية
« رد #6 في: يناير 13, 2010, 12:25:43 pm »
يا عزيزي ليش صعبه والي يخسر3 سنوات ويحصل طب من جامعات امريكه احسن من الي يحصل طب من العراق ومحد يعترف بي اعتبرها سنوات اقامه لو اعتبرها كننت بدراسه تمهيديه قبل السفر تره كل سنه قبل ال 30 تعادل 5 سنوات بعد ال 30 وانت ما شاء الله شاب والمستقبل كدامك اني بالنسبه الي ما اقبل اي واحد من اولادي يدخلون طب حتى لو بامريكا والله يوفقك

خُرافة
عضو فعال
متصل
رسائل: 38
مشاهدة الملف الشخصى
رد: سؤال حول اكمال دراسة الطب في الولايات المتحدة الامريكية
« رد #7 في: يناير 13, 2010, 12:28:55 pm »
هو كلامك صحيح بس صعبة اولا منين اجيب فلوس ثانيا اذا كملت هنا اروح امتحن اليو اس ام ال اي تلث مراحل بسنة و نص احسن ما ارجع 3 سنوات
و بصراحة اني وياك الطب اذية و اني اهلي جبروني عليه

szsz
عضو فعال جدا
غير متصل
رسائل: 693
سرى
مشاهدة الملف الشخصى
رد: سؤال حول اكمال دراسة الطب في الولايات المتحدة الامريكية
« رد #10 في: يناير 13, 2010, 12:42:37 pm »
اسمحلي اجاوبك اخونا (خرافة) انت من تكمل صف ثالث طبية من حقك تمتحن USMLE وبما انه انت شغلتك دتمشي ببطؤ فالافضل انت تمتحن USMLE في احدى الدول المجاورة يعني ممكن بالاردن او غيرها في خلال انتظارك للنتيجة مال اللجوء وهذا افضل واقصر طريق وانت من تمتحن الUSMLE STEP ONE واللي هو BASIC راح تشوفه سهل لأن انت هستوك خلصت الBASIC SCIENCES وانت تروح تسجل عالامتحان وقبلها تقرا زين وكتب الUSMLE موجودة كلها بالعراق بباب المعظم وتحصلها بكل سهولة احسنلك امتحن في خلال انتظار الموافقة عاللجوء وراح تشوف شكد تختصر من الزمن
أختكم سرى

Iraqibird
عضو فعال
غير متصل
رسائل: 55
مشاهدة الملف الشخصى
رد: سؤال حول اكمال دراسة الطب في الولايات المتحدة الامريكية
« رد #16 في: الأمس في 02:46:55 pm »
اخو ية خرافة... بعدك بالبداية لاتزعل مني احسبهه زين وادرس واقرة حول الموضوع ولاتسعجل واسال اللي بامريكا احسن والتوفيق من الله عزوجل. تقبل مروري

************************************************
*R*A*I*N*
عضو
غير متصل
رسائل: 25
مشاهدة الملف الشخصى
رد: طالب عراقي لوتي بسوالف الدراسه بامريكا ,,,,,, بخدمتكم 
« رد #31 في: سبتمبر 16, 2009, 02:50:35 pm »
اخ ليبرا
مشكور على كل كلامك ..و راح اجاوبك على اسئلتك بحسب اللي اعرفه و يجوز بغير ولايه يكون غير شي بس بشكل عام ..اذا انت كنت صف رابع خامس ..سادس وله اول كله نفس الشي ..راح ترجع من البدايه ..ماكو مال انت رابع و يرجعوك ثالث ..هاي بس اللي دارس بكندا !!! و هيه اصلا الطب و غيرها كلها اربع سنين مو سته مثلنه بالعراق ..
بهالحاله راح يكون قدامك طريقين ..و هيه تعتمد عليك انت ..
اما تبقى الا حد انه تتخرج من الطب و تجي تجيب شهادتك مصدقة و رسائل توصيه و مترجمه الخ ...
تروح تنطي السيلبس مال مواد و الشهادة لمعهد كابلن ..راح ياخذة و يتصل بالكليه مالتك و جوابنا و جوابكم الخخخ ..و وراها تمتحن امتحان لمعادله شهادتك حتى تحصل على اللايسنس كطبيب و الامتحان اسمه USMLE و هو 3 ستيبس ..اذا نجحت بيهن ..راح تقدم على مستشفيات و هاي هيه
بس الامتحان صعب و بي عملي و تبقى انت و شطارتك..
اذا ما كملت و تركت الكليه من الخامس او اي مرحله كانت ..راح تصير مثل حالتي ..
وهم تجيب الشهادة الخ ..تزها على شركه حتى يطلعولك من المواد كريدس و ما راح يطلعوها كامله الك بكل الاحوال راح تطلع ناقصه شويه ..انت تروح تكملهن بكوميونتي كولج
المواد هاي تكون كيميا و فيزيا و احياء و رياضيات و هاي المواد
وراها تمتحن امتحان اسمه MCAT و هو امتحان دخول كليه الطب ..هنا كل كليه الها امتحان قبول خاص ..و الحال نفسه للاسنان و الهندسه و غيرها ..
طبعا اني هم بعدني دا اقدم على الكيميا و هالمواد ..بس هاي المعلومات اللي اعرفهن 
و ان شالله اكون جاوبتك على سؤالك.

************************************************
dr.iraqi
عضو
غير متصل
رسائل: 6
مشاهدة الملف الشخصى
رجاءا منو عندة معلومة عن ال Re-Entree permit
«  في: يناير 08, 2010, 01:10:14 pm »
مرحبا عليكم يا احسن منتدى واطيب ناس.
اني راح اشرح حالتي ,قبل اكثر من سنة حصلت اني وعائلتي فيزا لامريكا وبعدين حصلنة الكرين كارت.وحسب متعرفون الوضع الاقتصادي السئ بامريكا بالاضافة للمتعلقات الموجودة عدنة بالعراق واهم شي اني طالب كلية وانا قررت ان اخلص كليتي وبعدين نروح فكل هاي الاسباب خلتنة نرجع اني وعائلتي لبغداد.سألنة هواية ناس عن المدة الي نكدر نبقى بيهة خارج امريكا ونحافظ على الكرين كارد فاغلب الناس الي عدهم خبرة بالسفر وسالنة محامين بامريكا وهذولة كلهم كالو لازم نبقة اقل من ست اشهر ,بس اني قريت الموقع مال دائرة الهجرة وهمة كاتبين لازم اقل من سنة.والحمد لله رحنة لامريكا وكنة 11 شهر ونص ابغداد وكلنالة للضابط الامريكي عالحقيقة وهو رحب بينة وخلانة نفوت بكل سلاسة.
بعدين قريت بالموقع مال هجرة انو اكو اختراع اسمة ال Re-Entree Permit هاي الوثيقة عبارة عن فد شي يخلينة نبقة خارج امريكا فترة اكثر من سنة بس اقل من سنتين دون ان نعرض الكرين كارت لخطر السحب.وبعد ماكملنة التقديم وبعد دفع المبلغ البالغ 400 دولار تقريبا وبعدمعانات لان المعاملة ضاعت لكن الحمدلله اجالنة الموعدمال البصمات او ما يسمى بال Biometric test فسويناهة وبعدهة بسبوع رجعنة لبغداد.ورة شهر ونص طلعتلنة ال Re Entree- permit وصلت لبيت اقربائنة بامريكا واحنة كانت خطتنة كانت ان يزولنة الوثائق مالتنة و ورة سنتين نروح لامريكا ونستخدمهة للوثائق.
لكن المفاجاة كانت ان المحامية المسؤولة بلغتنة انو لازم نرجع لامريكا ونطلع باستخدام هاي الوثائق حتى نكدر نفعلهة.لكن اني دزيت ايميلات للهجرة وكتلهم هل يجب ان اجي لامريكا حتة افعل الوثائق لو اكدر يزولياهة للعراق,فجاوبوني بان ماكو داعي اجي.بس اني بعدني قلق فرجاءا منو عندة اي معلومات.وشكرا الكم

sad-doctor
عضو فعال
غير متصل
رسائل: 43
مشاهدة الملف الشخصى
رد: رجاءا منو عندة معلومة عن ال Re-Entree permit
« رد #7 في: يناير 09, 2010, 04:29:30 pm »
خبيبي دكنور الله يوفقك بالكلية لاتنسى اتشد حيلك وتقرا اسئلة وكتب ال usmle حتى من تخلص مباشرة تمتحن لاتصير مثل اخوك الايجة
بس اذا ممكن سؤال انت والعائلة الكرين كارد حصلتوه لجوء لو هجرة لان ماداعرف يصير واحد يرجع للعراق من عندة كرين كارد لو لا
ومن رجعتوا بالمطار شصار وياكم؟ يعني اخذكم الضابط للتحقيق لو مباشرة دخلكم
اكون شاكر اذا توضحلي شوية اكثر
sad-doctor

dr.iraqi
عضو
غير متصل
رسائل: 6
مشاهدة الملف الشخصى
رد: رجاءا منو عندة معلومة عن ال Re-Entree permit
« رد #8 في: يناير 09, 2010, 06:16:55 pm »
عمي ساد دكتور احنة حصلنة الكرين كارد عن طريق الهجرة.
بوكتهة وصلنة لامريكا اني وعائلتي وكلتنة سوية قابلنة الضابط وكام يشوية يسالنة وكال شكد صارلكم خارج امريكا فكلنالة 11 شهر وراسا ابو كلة ترة احنة" حسب الضوابط" فالرجال كال اوكي وبعدين اخذوني اني لان شاب وبدو شوية يسالوني عن شغلي ودراستي وشكد شايل فلوس بس همة ترة خوش ناس مو بعبع وميخوفون واعتقد لان احنة كنة عائلة ساعدونة اكثر.
دكتور ساد علمود سالفة الUSMLE ينرادلة موضوع بحدة.
تريد الصدك اني هسة دايخ بالجراحة والكسور والحباشات البقية لان نص السنة جاية وتعبان الوضع
يلة انشالله انتة توصل هناك وتمتحن وتفول وتنجح وتحول لقبك happy.doctor

************************************************
master_mind
عضو
غير متصل
رسائل: 5
مشاهدة الملف الشخصى
محتاج نصيحتكم لطفا
«  في: ديسمبر 24, 2009, 09:25:22 pm »
انا طبيب عراقي.....حصلت على منحة الفلبرايت والمفروض اروح لامريكا شهر السادس القادم
هدفي ان استقر في امريكا واحصل على اقامة شرعية .....لاتهمني المنحة
اريد احسن طريقة اقدر ان استقر فيها بامريكا......انا حاليا في العراق.....هل من اشياء استطيع عملها او تحضيرها تساعدني هناك؟....اوراق ؟ ...معاملات؟
وما هي احسن طريقة للبقاء هناك؟....لجوء؟....طريقة اخرى؟
هل تعتبر الجي1 فيزا طريقة سيئة للدخول لامريكا؟......هل هناك طريقة استطيع البقاء بها؟

sad-doctor
عضو فعال
غير متصل
رسائل: 43
مشاهدة الملف الشخصى
رد: محتاج نصيحتكم لطفا
« رد #29 في: ديسمبر 26, 2009, 02:13:59 pm »
خويا الف مبروك وانشاءالله الموفقية
اولا ال j1 فيزا بيها مشكلة وهية انه لازم تطلع من اميركا من تخلص وتبقى بالخارج سنتين قبل الرجوع
ثانيا لازم اتضبط شغلة الكفيل مالتك لان راك ياكل هوا على كولة اخوانااااا الاردنين
ثالثا ماتصور بعد سنتين راح يكون تقديم اللجوء سهل مثل قبل
 رابعا النقطة اللي حكيتها انه الاحزاب مالها علاقة غللللط لان اني عندي صديقي راح وباذنه سمع ناس ديحكون وية المسؤليين وافتهم من فحوى الحديث انه حزب معين طلب من السفير الامريكي يوصي على المتقدم
خامسا صحيح البرنامج المفروض يكون الدعم امريكي بس وبالبداية كان هشكل بس هسة لان العراق ماشاءالله غني فصار يدفع الاجور بعكس دول ثانية مثل الاردن ةمصر ماتدفع ولا فلس
وهذا الرابط http://www.alsabaah.com/paper.php?source=akbar&mlf=interpage&sid=84523
اخيرا نصيحة مني ويمكن انت مايهمك الموضوع بس مثل ماتعرف البرنامج فقط يقدم اختصاصات غير سريرية للاطباء يعني دراسات ماجستير بدون مرضى او مستشفيات فحاول تستغل وقتك واقرا usmle
حتى تعادل شهادتك وتكدر بعدين تشتغل كطبيب لان صديقي تعذب هناك وطول سنتين حتى كمله
بالموفقية انشاءالله وتبيض وجه العراق

************************************************
Iraqibird
عضو فعال
غير متصل
رسائل: 58
مشاهدة الملف الشخصى
عملي كطبيب
«  في: ديسمبر 26, 2009, 02:33:17 pm »
السلام عليكم يا احبائي . انا طبيب حاليا اتدرب في مجال قسطرة القلب ، لقد سمعت انه يجب على اي طبيب ان يجتاز امتحان الكفاءة  اذا اراد ان يعمل طبيب رسمي في امريكا، السؤال من اعزائي هو هل يجوز ان اعمل بمجال الطب الى حين اكمالي او اجتيازي الامتحانات يعني عمل مؤقت في عيادة مع طبيب مثلا  ، ارجو من عنده اي معلومه ان يعلمني علما انا مقدم عل اي او ام وشكرا جزيلا

szsz
عضو فعال جدا
غير متصل
رسائل: 697
سرى
مشاهدة الملف الشخصى
رد: عملي كطبيب
« رد #5 في: ديسمبر 26, 2009, 09:20:36 pm »
اول شي لازم تجتاز امتحانات المعادلة واللي هي step1, step2, step3 وممكن تعمل في هذه الفترة يا أما يكون عندك طبيب معرفة يخليك يمة بالمستشفى او العيادة او كمساعد طبيب (وظيفة) في مستشفى معين ولكن لايمكنك العمل كطبيب ذو رخصة الا بعد اجتياز الامتحانات

************************************************
طائرالخليج
عضو
متصل
رسائل: 12
مشاهدة الملف الشخصى
طلعتلي موافقه
«  في: مايو 07, 2010, 08:23:49 pm »
مرحبا طلعتلي موافقه عبر الاي او ام الى امريكا وحبيت اعرف بعض الامور مثلا سهوله اوصعوبه الحصول على وظيفه وهل الاجور مجزيه لعائله وهل بالامكان الحصول على دراسه اكاديميه والعمل معا علما ان وظيفتي الاصليه تستوجب معادله صعبه في الطب.

szsz
عضو مميز جدا
متصل
رسائل: 2960
مشاهدة الملف الشخصى
رد: طلعتلي موافقه
« رد #8 في: اليوم في 02:40:59 am »
اخي طائر الخليج بالنسبة لامتحان الطب اذا انت تريد الطريق السريري لازم تمتحن USMLE وما تكدر تاخذ على هيج امتحان اي قرض او منحة و بالنسبة لفرص العمل انت من تمتحن الله كريم وراها تدخل عالماجنغ سيستم
اما اذا ردت تشتغل باول فترة ممكن تشوف طريق التمريض بالفترة الاولى بعد ان تاخذ ترخيص او تمتحن لاخذ الCERTIFICATE كإداري في المؤسسات الصحية ويسموه HEALTH ADMINISTRATION واللي بيه الخير يقدمه رب العالمين.

************************************************
AbNBaGhDaD
عضو مميز جدا
متصل
رسائل: 4647
مشاهدة الملف الشخصى
-----------¯¯¯ماهي اجراءات و مميزات الاطباء في كندا ..؟-----------¯¯¯
«  في: يناير 14, 2010, 09:18:08 am »
مساء الخير والعافية عليكم....
كلفني احد الاصدقاء العزيزين على قلبي ..ان اسال له ماهي مميزات الطبيب في كندا ..
علما انه الان في الولايات المتحدة الامريكية ...
فالسؤال هو ...اذا اختار الذهاب الى كندا فما هي الاجراءات المتبعة من ناحية الاقامة  وشروط اللجؤ من جهة >> ومن ناحية  مميزات الطبيب من جهة اخرى في كندا ...
اي  هل باستطاعته معادلة شهادته؟؟؟
او هل يستطيع العمل بها ؟؟؟
ارجو لمدن لديه الخبرة في هذا المجال ان لا يبخل علينة باي معلومة  صغيرm كانت او كبيرة ..
ولكم جزيل الشكر 
ابن بغداد

عبسي
عضو فعال جدا
غير متصل
رسائل: 617
مشاهدة الملف الشخصى
رد: -----------¯¯¯ماهي اجراءات و مميزات الاطباء في كندا ..؟-----------¯¯¯
« رد #5 في: الأمس في 05:38:57 am »
اخي العزيز ابن بغداد
للعمل كطبيب راح اختصرلك الموضوع جدا جدا لان بيه هواي تفرعات
تمتحن الامتحان الاول اسمه mccee حوالي 1300 دولار حتى يعترفون بشهادة الطب مالتك
تمتحن الامتحان الثانيmccq1 حوالي 950 دولار
تمتحن الامتحان الثالث mccq2 حوالي هم 1200 دولار وبيه جزء عملي
 تمتحن توفل وتطلع تقدير معين(الامتحانات الثلاثة الاخيرة للحصول على رخصة مزاولة المهنة في كندا لان الاعتراف بك كطبيب يختلف عن منحك رخصة مزاولة المهنة وطبعا حتى من ينطوك الرخصة مو يعني تفتحلك عيادة ولكن يعني انه هسة انتة موهل للتنافس للدخول الى السستم الطبي)
لازم يكون عندك الجدارية و الترانسكربت مال الدرجات و جدارية النقابة(بعض المقاطعات تطلبها)و خلاصة خدمة الاقامة الدورية(وحاليا من شبه المستحيل استخراجها من العراق)
هاي المستمسكات مو شرط مصدقة لان همة راح يراسلون جهات الاصدار للتاكد منها
بعدين تبدي تقدم على الولايات كل ولاية متطلباتها شوية تختلف عن الاخرى ويا تقدم على انه تكون طبيب عائلة او تقدم على برنامج اختصاص وانتة وشطارتك ودرجات امتحاناتك والمنافسة
هذا مختصر وهناك تفاصيل كثيرة
عبسي

************************************************
Iraqibird
عضو فعال
غير متصل
رسائل: 58
مشاهدة الملف الشخصى
رد: كندااااااااا.....في كندااااااااااا
« رد #308 في: ديسمبر 31, 2009, 12:12:36 pm »
السلام عليكم اخواني اخواتي الاعزاء   ارجو من لدية اي معلومة حول العمل كطبيب في كندا واذا تعرفون اطباء عراقيين يزاولون المهنه اكون ممنون لكم
 
عبسي
عضو فعال جدا
غير متصل
رسائل: 587
مشاهدة الملف الشخصى
رد: الى اصحاب الخبرة في الشهادات
« رد #2 في: ديسمبر 12, 2009, 07:49:11 am »
اخي العزيز معادلة الطب في كندا كما هي في اميركا حصبة وجدري
اول خطوة اكو شي اسمة medical council of canada لازم تجتاز 3 امتحانات صعبة الى حد ما وهي mccee و  mccq1 و mccq2 هسة كل امتحان ينرادلة تحضير اشهر وتكاليف فوك ال 1200 دولار لكل امتحان لحد هنا الامور ماشية يعني تقرة والله يوفقك وتنجح
المشكلة الحقيقية انه لازم تسجل بموقع اسمه الpcrc هذا شيسوي تدزلة نسخ من شهاداتك اللي هية الجدارية مال الكلية والترانسكربت مال الدرجات و جدارية مال النقابة وطبعا هسة حتى ينطوك الجدارية مال النقابة لازم هويتك تكون مجددة والشغلة الاخيرة والمعضلة هي خلاصة الخدمة اللي لازم تحوي انه انت مشتغل نفسية شهرين و طب مجتمع شهرين خلال اقامتك الدورية بالعراق وهاي اولا نادرا ما كان اكو احد يداوم شهرين نفسية واصلا محد ينطيك خلاصة خدمة
طبعا شنو فائدة الموقع انه راح يخاطب الجهات اللي اصدرت الشهادة بطرقه الخاصة لكي يتاكد من صحة الصدور فشغلة انه اي واحد يطلع خلاصة خدمة من مريدي انسه
وطبعا انتة تكدر تبدي باول امتحانين بدون حاجة ان يكون التاكد وصل لكندا لان هوة ينام بالعراق اشهر بس لمن تجي للامتحان الثالث يريدون التاكد واصل لكندا
طبعا مو تنسة التوفل بدرجة عالية
بالنسبة لشغلة النقابة فحضر فلوسك السنة الوحدة التجديد ب50 دولار فانتة بالوجه مطلوب 350 دولار اضافة الى انه حسن سيرة وسلوك من النقابة هم فد 50 والجدارية 50 واليسويلكياها هم تنطيه جم فلس مال الريوك فاحسب حسابك زين
الموضوع الثاني انه بكندا بعد ما تخلص الامتحان الاول وتكون واصلة الفرفيكيشن مال الجدارية والترانسكربت و الجدارية مال النقابة وخلاصة الخدمة تبدي تقدم على اقامات وكل مقاطعة تختلف عن الاخرى يعني وحدة يجوز ما تريد خلاصة خدمة وحدة ما تريد مال النقابة بس الكل يريدون الجدارية مال الكلية والترانسكربت مال الدرجات والتوفل والنجاح بالامتحان الاول للتقديم وبعد ما تنقبل لازم تكمل الامتحانات الباقية
سوال يطرح نفسة ويتمرغل بالكاع اخي العزيز انتة خريج العراق؟
وشلون راح تحصل خلاصة خدمة اصولية من بغداد وهل انتة داومت باقامتك الدورية نفسية اكثر من شهرين لان اخوك واكفة شغلة خلاصة الخدمة هسة ما اعرف شلون ادبرها !اي مستمسك راح تقدمة للpcrc ميحتاج يكون مصدق من اي جهة لان همة اصلا مراح يعتمدون اي تصديق او اي ختم راح يتاكدون من الكلية او الدائرة اللي صدرتلك الشهادة او الكتاب مباشرة بمخاطبات رسمية وهذا اللي ياخر الموضوع حاليا.

************************************************
dramfent
عضو
غير متصل
رسائل: 17
مشاهدة الملف الشخصى
حيرة في اتخاذ القرار
«  في: أغسطس 12, 2009, 08:06:20 pm »
أخواني الاعزاء
السلام عليكم
اولا اني عضو جديد ولكن من فترة كنت ازور هذا الموقع الرائع وشفت اللي ما كنت اتوقع اشوفه من نصائح وارشادات ومساعدات وكرم اخلاق مما دفعني ان اسجل كعضو واطرح موضوعي اللي اني حاير ودايخ بيه هواية.
طبعا وبدون مقدمات أرجو انه لا تتصورون انه اني بطران ومتبطر على النعمة اللي اني بيها وارجو ان تقدرون وتفتهمون قضيتي لانها مصيرية وراح تحدد مصيري ومصير عائلتي واطفالي لذلك ارجو ان لاتكونو قاسيين بالرد علية لان اني اساسا قررت ات اكتب هنا بعد تردد كبير حتى اشوف ارائكم وخاصة الناس اللي مروا بتجربة الهجرة ومصاعبها واعبائها واللي ممكن يساعدوني بطروحاتهم وبخبرتهم.
قضيتي هي انه اني طبيب اختصاص واعمل في احدى الدول الخليجية والحمدلله والشكر مرتاح وعائلتي مرتاحة بعد ان عانيت ولاقيت الامرين في بلدي الغالي العراق اللي اضطريت ان اتركه قسرا حالي حال الكثيرين وبعد ان فقدت والدي هناك غدرا. وانا هنا منذ اكثر من 3 سنوات ولكن بسبب ان المستقبل مجهول ومظلم بالنسبة لي ولاطفالي بسبب عدم وجود وطن نحتمي به وقت الشدة ولذلك وبمحض الصدفة شاءت الاقدار ان اقدم على ال UN ومشت معاملتي واوراقي والحمدلله اني بالمراحل الاخيرة اي طلعت نتيجة مقابلة المحلفين موافقة مبدئية بانتظار الفحص الطبي نهاية هذا الشهر والبلد هو الولايات المتحدة اللي اني ما كان لي لا ناقة ولا بعير في اختياره (وصدقوني بهذه النقطة) وكنت اتمنى انه يكون احد البلدان الاوربية حتى استطيع معادلة شهادتي والعمل في اختصاصي (واركز على هذه النقطة حتى لا تفتهموني غلط) العمل في اختصاصي لان في امريكا شهادتي ما تاكل مثل ما هو معروف للكل ولازم ابدي من الصفر اي اعادل شهادة البكالوريوس وهذا يتطلب عدة سنوات وانس مسالة اختصاصي الجراحي لان حسب ما افتهمت انه اقسام الجراحة من الصعب او المستحيل الحصول عليها واذا اني محظوظ فممكن اشوف اختصاص ثاني ابدي اقدم عليه بعد اقل شي فد 3 سنوات لذلك اني محتار في اتخاذ القرار في الذهاب وبدأ حياة جديدة من الصفر وصعبة ومجهولة النتائج او البقاء والاكتفاء بما موجود من عدم استقرار وخوف من القادم وعلى اي لحظة يلزمونا الباب وما ندري وين نروح وخلي الباقي على رب العالمين عسى ان تفرج علينا بعد فترة مجهولة ايضا.
اخوان اني طبيب اختصاص وكنت تدريسي في احدى كليات الطب لكني لست كبير في السن عمري 37 سنة وزوجتي طبيبة اسنان ووالدتي معي مع طفلتين هذه هي وضعيتي وليس لدي اي مصدر مادي اخر غير وظيفتي وليس لدي اقارب او اناس استطيع اعتمد عليهم او استند عليهم في امريكا في حالة ضاقت الدنيا بوجهي لذا ارجو مرة اخرى ان لا تتصوروا اني بطران مثل ما ذكرت مسبقا وان تكون اجاباتكم واقتراحاتكم منطقية ومتفهمة لوضعيتي وارجو ان لا تسخروا مني فكل واحد عنده ظروفه الخاصة ومو كل واحد يستطيع ان يشتغل اي شغلانة يعني اني سمعت انه اكو مهندس عنده ماجستير عرضوا عليه ان يعمل في فصل القمامة (الزبالة) يعني يفصل قواطي المشروبات الغازية والقناني ومن هذا القبيل.
هسة تجاوبوني وتقولون لعد ليش قدمت واخذت مكان غيرك وهناك المئات غيرك يتمنون نص اللي انته واصله؟ الجواب ببساطة هو الخوف من المستقبل المجهول والواحد يريد يتمسك بأي طوق نجاة، أخوان احنا كلنا في نفس السفينة سواء كنت طبيب او تاجر او مهندس او بقال او حلاق او عاطل عن العمل وكلنا نريد طوق نجاة ينتشلنا من الواقع المرير والحقيقة المرة اللي احنا بيها ، قدمت لان اني عندي بنتين وما اعرف شينتظرهم باجر عكبة وما اعرف الى متى راح اكدر اوفر الامان والاستقرار لهم.
اني طولت عليكم واني متاكد انه راح تجيني اجابات قيمة ومفيدة وتقدر وضعي وبنفس الوقت اعرف اني ساتلقى اجابات ساخرة وتنتقدني بس اني اقدر كل واحد سيقوم بالرد على حيرتي ومشكلتي واعرف انه من يراجع هذا الموقع وهذا المنتدى الرائع هو في ضيقة وينتظر الفرج باسرع وقت، وقد تكون كتابتي لاول مرة في مثل هذا الموضوع حساسة لبعض الاخوان الذين هم في قلق شديد وانتظار طويل لذا ارجو من الجميع ان يسامحني على اطالتي بالحديث وارجو من الاخوة الاطباء بالتحديد الذين يزورون الموقع ممن لديهم اطلاع على وضعية الاطباء والاجراءات اللازمة للطبيب في الولايات المتحدة وكم يحتاج من الوقت وما هي فرص العمل هناك واكون مشكور وممنون لكل من سوف يساهم ويقدم العون بهذا الموضوع، والسلام عليكم ورحمة الله وبركاته

MAGGIC
عضو فعال جدا
غير متصل
رسائل: 418
مشاهدة الملف الشخصى
رد: حيرة في اتخاذ القرار
« رد #3 في: أغسطس 12, 2009, 10:35:43 pm »
اخي العزيز
اهلا وسهلا بيك بالمنتدى وان شاء الله الاخوان يردون ويفيدوك
عزيزي حالي حالك بس انا اكبر منك سنا ومع هذا تقريبا عائلتي نفس عدد عائلتك
اولا لدي اقرباء الزوج اخصائي جراحه جمله عصبيه وزوجته صيدلانيه الان ديعادلون شهادتهم ةيتحملون لان البدايه صعبه بس النهايه حلوة وخاصه اذا اشتغلت راح تتغير كل امورك ( اذا عادلت وشتغلت طبيب ) وثانيا الشغل اول متوصل موعيب او موشرط تشتغل بالزباله مو كل انسان يكول شي لازم الناس كلها تشتغل مثله اكو اشغال زينه
العيب مثل مايعرفو كل اطباء العراق هو انت تشتغل طبيب بالعراق ومهما كانت شهادنك حتى لو كنت استشاري ويجي واحد مايسوى فلس اهين ويرزل وماتفتح حلكك ويا لان راح يكضلك باب المستشفى لو يسوي كعدة والباقي انت تعرف شقصد هذا هو العيب الي ماكو احد يحمي الطبيب او اي شخص محترم نفسه ويشتغل لله
ثانيا لاتنسى المستقبل اول شي لاطفالك بشهادتهم الي راح يحصلوها هناك وتبنيلهم مستقبل
خلي اكلك معلومه معادله الشهادة مو سهله بالاتحاد الاوربي ليش انت ضامن تروح لبريطانيا؟؟ هسه تسال ليش بس بريطانيا تكدر تعادل بيها بالانكليزي غير دول الا بلغتها وهنا لازم تتعلم لغه لسنه او سنتين اكو طبيب اخصائي اطفال بالسويد صارة 3 سنوات وبعدة ممعادل شهادة لهسه يدرس ويعمل تدري شيعمل فيتر بس مو عيب
بعدين من تعادل منو يشغلك ماكو وضائف همه اطبائهم اولاد البلد ممحصلين شغل يوضفوك انت الغريب
والخبر اليوم سمعته من صديق اجنبي الي باحدى الدول الاوربيه يكول راح يسرحون اطباء لان ماكو امكانيه دفع راتب الهم
لاتتوقع طريق اوربا ينفرش ورود الك
مو قصدي اغثك او اكسر واهسك بس هاي هيه الحقيقه وانت تكدر تسال غيري
فيا اخي العزيز اتوكل بالله وروح والي كاتبلك رب العالمين لازم تشوفه وللعلم حتى اذا ماقتاسملك الطلعه متطلع استخير رب العالمين وتوكل عليه وانت عندك عائله
الاختيار الاخير كله بيدك
تقبل تحياتي ةلاتزعل من كلامي

abozaid
عضو فعال جدا
غير متصل
رسائل: 327
مشاهدة الملف الشخصى
رد: حيرة في اتخاذ القرار
« رد #6 في: أغسطس 12, 2009, 11:48:58 pm »
دكتورنا العزيز اول شي لتخاف انى بالدورة النثقيفية التقيت بثلاثة من الاطباء من ضمنهم انا والحمد للة كلنا مخططين للعمل اهم شي تعمل الاتى
1- تحضير كتب كابلان BRS HIGHYEILD FIRST AID
FOR USMLE STEP ONE
2- كتب كابلان STEP 2 + ديفيديات معهد كابلان  مع الدخول للموقع للتسجيل
تحتاج شغلتين الجدارية وشهادة الدرجات شهادة البورد تفيدك مو هسة بعدين
يحتاجو يتاكدو من شهاداتك على قسم الاافراد كلية الطب بالعراق الى تخرجت منها تحتاج ستة اشهر الى 8 اشهر والسبب جماعتنا ينوموها تحتاج واحد يتابعلكياها بالعراق
ترصد مبلغ قدرة 20 الف دولار يعنى للعشرة اشهر الى راح تعطل بيها عن العمل بمعدل 2000 دولار للشهر الواحد
دك دراسة 10 ساعات باليوم حتى تضمن الحصول على معدل عالي يفيدك ويسرع قبولك بالمستشفيات
الطريقة هذة جربها احد الاطباء وحصل على معدل 97 %
خلال هذة الفترة تشتغل ساعات اضافية فقط لتطوير لغتك الى راح تفيدك هواية بالامتحان الثانى
الامتحان االاول يختاج 6 شهور متواصل والثانى اربع شهور تكون ضمنت النجاح وزبادة
بالتالى حصلت على المزاولة لكن المفاجئة التى تتفاجئ بها ستشلهد الطب على مستوى عالى يفوق الخبال
لان انك سوف تاخذ شهادة مكتوب علبها IB بعنى باى مكات بالعمل تكدر تشتغل يعنى بس اشر الثانى حتتفاجى بان الطب متخلف جدا لدى العرب
اعطيك مثال
BETA BLOCKER IS CONTRAINDICATED IN HEART FAILURE
لكن في امريكا سيقولون اذا لم تعطى هذا الدواء فسوف تشارك فى قتل المريض وانت قيس
اتمنى قد افدك بشرحى ومن اللة التوفيق

ورقاء
عضو فعال جدا
غير متصل
رسائل: 85
مشاهدة الملف الشخصى
رد: حيرة في اتخاذ القرار
« رد #16 في: أغسطس 14, 2009, 10:06:22 pm »
مرحبا دكتور اني كيفت من قريت موضوعك اني هم طبيبة وبالمناسبة بورد جراحة صف ثاني دتشوف دكتور اني حلمت بالجراحة ومن انقبلت جتي شغلة السفر وبقيت سنة حايرة ما اعرف شسوي حضحي بالبورد واني حلمي جراحة والجراحة هناك صعبة تتحصل بس اذا رحت والله سهلها وحصلت شهادة مناك من راح ارجع حكون حاملة بورد امريكي بعدين احنا يومية شبعانين بهذلة بالمستشفيات وورة ماخلص البورد شححصل حتبهذل بالمحافظات وتاكلني الواسطات فلهذا قررت اتوكل على الله ونروح
اني عمري 30 سنة المشكلة اي واحد متخرج اكثر من خمس سنين صارله يعتبروه جبير وهناك المستشفيات اتفضل الفريش بالنسبة لحالتك اكو شي اسمه Fellowship تكدر تاخذ مثلا بالليزر لو باللابروسكوب وبهل مدة حتحصل كرين كارد وترجع تشتغل بالخليج بس ميحقلك تشتغل باميركا
او تمتحن usmle
step 1 يحتاجلها فد 9 اشهر
step 2 فد اربعة اشهر clinical knwoledgeوشهر clinical skillووراها تقدم على residency match
واذا عندك استعداد تعوف الجراحة تكدر تحصل Family medicine اعتقد ابسط هواية طبعا دكتور يحتاجلك letter of recommendation
medical school performance evaluation
research
وتكدر بس تخلص المعادلة متقدم على residencyبس تشتغل general practitioner بس بدون اختصاص
او ترجع همين للخليج يعني اكو هواية حلول بس يرادلها تعب اني اعرف دكتور هناك مكدر يعادل اشتغل محاسب بصيدلية يعني مو ديلم الزبل
اتمنى اسمع جوابك وبقية الاخوة الاطباء وخلي نتعاون ونسهلها ونسوي واهس واحد للاخ بالقراية

Wingo
عضو مميز
غير متصل
رسائل: 1106
Honesty is the Best Policy
مشاهدة الملف الشخصى
رد: حيرة في اتخاذ القرار
« رد #17 في: أغسطس 14, 2009, 10:39:48 pm »
أخي الكريم ترددك و تساؤلك مشروع جداً و حقك
الله يكون بعونك الإختيار ليس سهلاً
أنا وضعي مقارب لوضع الأخت ورقاء و حتى عمري نفس عمرها، بس إلإختصاص الذي أدرسه يصعب جداً جداً أن أدخله في أمريكا ، أصعب بكثير من الجراحة.
و أنا صراحة عى الرغم من معاناتي في الأردن و معانة الدوام و على الرغم من أنني لم أحصل على الموافقة بعد ، إلا انني أفكر كما تفكر أنت تماماً ، و لكن يا أخي مهما طال بقاءنا في الدول العربية ، فلهذا البقاء نهاية ، وقد تكون قريبة ، و عند ذلك اليوم سنندم إن لم نكن قد خططنا لما سيحصل بعده.
الحل برأيي الشخصي ، إذهب و جرب الوضع ، أعتقد أن تفكيرك سيتغير بعد أن تذهب هناك و ستنظر من منظور مختلف للأمور هناك.
USMLE لا بد منه و هو سيأخذ منك ما لا يقل عن سنتين بكل تأكيد ، وهكذا تكون قد عادلت الشهادة الطبية ، و هي المرحلة الأولى.
نصيحة الأخت ورقاء بخصوص ال Fellowship  شيء ممتاز و نصيحة مهمة ، و إن إستطعت الحصول عل

ورقاء:
الله يخليك اخوية العزيز اني راح اكتبلكم كلشس يصير وياية
هسة بديت شغلة ECFMG من الكلية ويرادلها متابعة شخصية
ولخريجي طب بغداد التسجيل ممكن يسوولكم Dean's letter
او مايدعى الان medical school performance evaluation
وفعلا اني هسة دا اسولف وية شكم بنية مصريات- من الكلية يبدون يقرون لل usmle
ويسوون study groups
بس احنا ماعدنا هيج توجه
وطلعتنا مشكلة الخمس سنين

MAGGIC:

الاخوان الي شاركو بهذا الموضوع

السلام عليكم ورحمه الله وبركاته

انا ساكن سوريا ومتخرج من كليه الطب 12 سنه وحاليا طالب دراسات MRCS جراحه عامه
وانصح كل الاخوان الي مو بسوريا بغير دول ان يمتحنون USMLE بالدول الي متواجدين بيها لاختصار الوقت ولاتتوقعون راح تكون الدراسه بامريكا سهله من جنتو بالعراف بكليات الطب مشلوع قلبكم بالدراسه مع العلم يمكن البعض متوفر له السكن والاكل والمواصلات لكن بامريكا هذة الامور انت لازم توفرها لنفسك ولعائلتك مع الدراسه وكذلك لاتنسون السنوات الي راح تقضوها بالدراسه لحد مايعترفون بيكم كممارسين
اما الاطباء الي متوقعين فروع تخصصيه اقول لهم لاتندفعون وتعيشون اخلام خلوها على الله لان اذا ماحصلتو الي تردو راح تسود الدنيا بعيونكم

لاتكلون الاخ ديحبط معنوياتنا لا لان انا مثلكم هم اريد الاحسن الي ولعائلتي بس الواقع لازم نفكر بي شلون نشتغل وشلون ندرس ويمتى نخلص

بالنسبه للكتب فهي الي ذكروها الاخوان KAPLAN او FIRST AID واكثر الاطباء يقروها وتتكون من كل الفروع الاساسيه التي درست بكلياتنا من المرحله الاولى لغايه المرحله الثالثه هذة بالنسبه لل KAPLAN PART 1


والله يعينكم ويعينا ونشوف شلون راح تخلص


تحياتي الكم جميعا

تصفح

[0] فهرس الرسائل

[#] الصفحة التالية

[*] الصفحة السابقة

الذهاب الى النسخة الكاملة