أخواني بالبدايه أحب أعرفكم بنفسي أني عمار العراقي وصلت مأخرا الى مدينة هيوستن وأحب أدخل بموضوعي مباشرة اول ماوصلنا تلكانه العديد من الأخوه العراقيين الطيبين ومدو ايد المساعدة النا بكل مايخص منطقتنه ومدينتنا الجديدة وكل الي لاكيتهم هنا كانو مثال للعراقي الاصيل أبن الملحه على كولة أهلنا ومن محاسن الصدف أنه أكثرهم من أعضاء المنتدى الغالي وأخص منهم بالذكر الأخ الغالي أبن هيوستن والأخ بريزأوف سوول والمميز والرائع الأخ فالكون1981 الي لحد أخر لحظه من كتابتي لموضوعي جان كلش متعاون ويحاول يساعد أي عراقي قريب عليه فأحب أشكره ولخاطر عيونه نزلت موضوعي هذا وأرجو من الأعضاء الكرام التفاعل مع موضوعي لأن الي ديسويه الأخ فالكون يستحق الفخر ولو أدري ان منتدانا الغالي بيه الكثير من الناس الي ماينعدون وعدهم روح التعاون بس هذا الي شفته بأرض الواقع أسف أذا أطلت عليكم وأحب أشكر الأخ فالكون1982 لأن مالكيت أفضل من هالطريقه لشكره ويارب يوفق الجميع بحياتهم الجديده
أخوكم عمار العراقي
