ابو قمر معكم من جديد

[أبو قمر]

مساء الورد لكل اخوتي واصدقائي الغاليين ..
اول شي احب ان اتاسف منكم على فترة الانقطاع الطويلة والي كان السبب بيها اني بديت اشتغل مثل مبلغتكم سابقا .. والحمد لله الشركة جديدة ودنشتغل اوفر تايم  هواية وقبل اسبوع اترقيت الى تيم ليدر وصرت مسئول عن خط انتاج جديد وبالمقابل الراتب زاد والحمد لله ..
المشكلة ان دوامي 6 ايام بالاسبوع واحيانا اشتغل 12 ساعة باليوم والمسئولية زادت حاليا لان صرت مسئول عن لاين لازم احضر قبل الجميع واغادر بعدهم ..
اني حبيتا نقللكم اخر اخباري وعندي هوايا اخبار بس والله العظيم خ النيت لسه مركبته ومعندي علة غير الاحد ..  وانشاء الله راح ابلغكم بهوايا اخبار حلوة وما اقصر وياكم واعذروني عن الغياب ..
اتمنى اسمع اخبار اخوتي الغاليين بالمنتدى شصا روياهم اني قبل ايام خابرني النورس الحزين وبلغته يوصللكم سلامي والي يحتاج اي شي او اي استشارة فهذا ايميلي Yasiralsaher@yahoo.com  او يكتبلي عالخاص وانطيه رقم موبايلي .. الحياة هنا جميلة واتمنى الجميع يكون متفائل وليتردد  وتجربتي كدامكم اكبر برهان ..
انشاء الله عن قريب انزللكم مواضيع جديدة  وتحياتي لكل اعضاء المنتدى الرائعين ..

اخوكم الي معكم دائما وابدا

[angie-dawood]

اهلا وسهلا اخي ابو قمر كيفك كيف الاهل انشااللة يارب تكونون بالف خير وصحة وعافية وانشااللة عجبتك امريكا ياربي تشوف كل الخير بيها وتتوفق بكل امور حياتك مرة اخرى اهلا وسهلا بك في كل الاوقات

[sony.sony]

اهلا وسهلا بيك اخي ابو قمر نورت المنتدى واشاءالله نسمع اخباركم الحلوة دائما والرب يوفقكم

[روزماري]

موفق أبوقمر والخير والبركة حلفائك وين متروح وكلش فرحتني بأخبارك وتفائلت الله يوفقك وأخبار البنبينو قمر دخلت روضة لو بعد  

تحياتي أبوقمر موفق

روزماري

[alghanimi]

اتمنا لك الموفقية دائما.

[good sniper]

نورت ابو قمر كيف احوالك اتمنى تكون بالف خير الحمدلله فرحتلك هوايه على الاخبار الحلوة الله يفتحها بوجهك تستاهل ربي يحفظك انت والعائلة الكريمة



اخوك ابو فهمي

[سوسن كليانه]

اهلا وسهلا باخونا ابو قمر الورد الك وحشه المهم سمعنا اخبارك وانك بخير وتشتغل وانشالله اتكون مرتاح وفرحان دائما والله يوفقك,,,الانسان الطموح والقنوع  يستقر ويوصل بسرعه ,,,الله ينور دربك وينطيك الصحه والعافيه

[ابو الحسن]

هاي الزلم اللي تبيض الوجه
عفية عليك بوية ابو قمر والله ينور طريقك  ويحرسك
خلينا نسمع دائما اخبارك الحلوة
محروس محروس بحفظ الرحمن
عمكم ابو الحسن

[suzie83]

يا  اهلا وسهلا بيكيا ابوقمر ان شاء الله نسمع منك اخبار وتفاصيل اكثر ... المهم انت تكون بخير وسلامة ..ان شاء الله تترقى بعد اكثر واكثر  وتلكي كل الخير بدربك

[ابو تبارك]

حمد الله على سلامتك اخوية ابو قمر ويا رب تحقق كل امنياتك انت غالي وعزيز علينا بالتوفيق

اخوك ابو تبارك

[كمال الشاطيء]

الله يعينك ابو قمر وبارك الله بيك وانته متقصر دوم واكف ويه اخوتك والله يفتحها بوجهك هي هاي الاصاله العراقيه

[ابو خالد]

اهلا بصديقنا الغالي ابو قمر والله يوفقك اكثر واكثر ونشكرك على رفع معنوياتنا والله يبارك بيك ويحرسك

[عاشق تراب العراق]

عمي مشتاقين حييييييييييييل حييييييييييييييل حييييييييييييل و الله فرحتني باخبارك الحلوة و الله يوفقك و يسهلهة بوجهك و ينطيك على كد نيتط الصافية

تحياتي حبيبي

[أبــو دجـــلة]

السلام عليكم

أغاتي الكريم .. أبو قمر

تحياتي .. يا أهلاً وسهلاً ويامرحب بمقدمك البهي وحضورك المفتقد , أهلاً
أدخلت السرور للنفس بأخبارك الطيبة .. والحبور تسلل للذات بما نورتنا به ..
موفق بإذن العلي القدير واللهم يثبت خطواتك على طريق النجاح والتألق ..
مع تقديري

أخوكم .. أبـــو دجــــلة

**

[iraqgsm]

مبروووووووووووووووووك و تستاهل لان انته ابن اوادم

ابو قمر حبيبي نريد نشوفك دائما منور بالمنتدى

[abu shahed]

اخبار جميله يارب انشاء الله ينور طريقك ويسر امرك ويرزقك من حيث لا تحتسب اللهم امين 0



                اخوك 79 النرجس

[ماستر]

نورت ابو قمر كيف احوالك اتمنى تكون بالف خير الحمدلله فرحتلك هوايه على الاخبار الحلوة الله يفتحها بوجهك تستاهل ربي يحفظك انت والعائلة الكريمة

[rose rose]

الف الحمد لله على سلامتك اولا و الف مبروك وصولك الى امريكا ابو قمر
ولله كلامك يرفع المعنويات اخونا نتمنالك التوفيق و ندعيلك من الرب بالتقدم الدائمي
سلامنا الك

[Wingo]

عيني أبو قمر و الله إلك وحشة
بس حقك أكيد مشغول و الله يعينك على الحياة الجديدة
أخبارك فرحتنا هواية ، ما شاء الله لا قوة إلا بالله
إن شاء الله نظل نشوفك و نسمع أخبارك الطيبة
الله يوفقك لمزيد من الخير و النجاح

[Robn_B]

  حياكم الله اخوية ابو قمر ...... منور .

تجربتك ترفع المعنويات ..... ربي ييسرلك ويفتحها بوجهك

  يارب نسمع اخبارك الجديدة المفرحة .....
 

[roea]

مرحبا بيك أخوية المحترم

     أبـــــو قمــــر الورد
الله يوفقك بعد و بعد أن شاء الله
تستاهل كل الخير أخوية الكريم
سلامي لأم قمر و قمورة الوردة
كلي قمر بعدها صداقة ويا "الشيبيس"؟

أختك روية

[Vet2009]

ابو قمر الوردة ، اخبارك دائما مشجعة و مفرحة ، نسال الله ان يوفقك في مسعاك و تثبيتك في بلدك الجديد

vet2009

[khldoon2000]

هالو ابو قمر وان شاء الله الموفقية

[show]

اهلا وسهلا بك ابو قمر من جديد
اتمنى لك حياه ناجحه و مستقره وبروك الترقيه من نجاح الى نجاح ان شاء الله

بالتوفيق للجميع

[المستعجل]

الف هله ابو قمر الورد
والله يا اخي اني اتفائل من اسمع اخبارك الطيبة ...... روح اخويه الله يفتحهه بوجهك ويريح بالك ...
(( دعوة غريب ))

اخوك
المستعجل

[BaghdadGhost]

الف الحمد لله على سلامتك اخي ابو قمر ...... صدكني من نعتب لان معزتكم جبيرة بكلبنه .... اكيد منريدكم تعوفون اشغالكم و تكابلون المنتدى ...... كل الي نريده منكم موضوع مثل هذا الموضوع الحلو حته نطمأن عليكم و نعرف اخباركم الحلوة ,,,, ان شاء الله تكون دوم حلوة .....

وصل السلام و بارك الله بيك .....

[حمودي ابن زيونه]

تستاهل ابو قمر

[ENG.MEDO]

نورت ابو قمر الغالي وتستاهل كل الخير

[Shebo]

أخي العزيز أبو قمر الحمد لله على سلامتك وربي يوفقك دوم والله فرحت بأخبارك ولترقيه وان شاء الله وضعك يتحسن اكثر واكثر وتصير مدير فرع
تحياتي
اخوك
شيبت بمصر

[ديما]

hاخونا العزيز ابو قمر دائما اخبارك مفرحة ومشجعة وتنطينة امل للعيش في الولايات المتحدة دون تردد البارحة كنت بلدورة التثقيفية واكثر االناس اللي كانوا متواجدين هناك بلدورة مترددين بلسفر واجلوا موعد سفرهم اكثر من مرة ربي يوفقك وينطيك صحة وعافية ولك التوفيق اختك ديماااااااا من مصر

[نـور]

اهلا وسهلا بيك اخونا الغالي ابو قمر وانشاء الله ترجعنا بافرب وقت وعاشت ايدك على الاخبار الحلوة


تحياتي..

العراقي

[بت بطوطة]

كل الهلا بيك ابوقمر ... اشرقت وانورت

مبروك عالترقية وانشالله بالتوفيق دائما وربي يعينك عالتعب

سلامنا للاخت ام قمر وقبلاتنا لقمر الحلوة

[عكعك التطوى]

 نور المنتدى  شلونك اخويه العزيز ابو قمر انشاء الله كلكم بخير ومبروك الترقيه وانشاء الله تصير مدير
تستاهل كل الخير وانشاء الله الله يوفقك ويحفظك ويرزقك ويسلمك من كل مكروه يارب

تحياتي وسلامي

[هنوة]

نورت المنتدى ابو قمر والف مبروك عالترقية وان شاء الله دائما نسمع عنك الاخبار الحلوة تستاهل كل خير
تحياتي

ام انس

[ايات]

مبروك اخويه على الترقيه ونشالله بالتوفيق الى الامام دائما وانت تستاهل كل الخير............اختك ايات

[القرش]

                                           السلام عليكم

 نورت المنتدى اخويه ابو قمر . والله مشتاقيلك هاي وين الغيبه ؟؟ الله يساعدك يااخويه والله يوفقك وتتحقق كل امانيك وان شاء الله اسمع بيك مشتري احلى بيت ومستقر . تستاهل كل الخير والموفقيه والله يزيدك اكثر واكثر .

 ابو انس

[abozaid]

مشكووووور اخ ابو قمر على طيبت نفسك واخلاقك العالية نتمنالك التوقيق من كل قلبنا .........