المحرر موضوع: لعبة جديدة...بدون نعم او لا (زيارة 114584 مرات)

hewy · « **في:** 16:57 21/03/2006 »

هذه اللعبة عجبتني ونزلتها بس حتى ‎نغير جو معاكم وانشاء الله تعجبكم

أسم اللعبه

ممنووع‎ ‎تقووول نعم او لا ( لعبه حلوووووه‎ ‎)

طريقتها......... ‏في كيفية اللعب

كل عضو يدخل يكتب سؤال يبدا ب هل أو أي صيغة ثانية‎ ‎بحيث تكون الإجابة المنطقية‎
‎
إما "نعم" أو "لا" أو ما يرادفهم‎ ‎

يعني‎ ‎ايه... ولا يس... ولا نو حركااات الغش خلوها على جنب‏...ههههههههه

واللعبة تجي في منع‎ ‎الإجابة المنطقية........... يعني أي عضو راح يجاوب بنعم أو لا أو مرادفاتهم يكون‎ خسران واللاعب التالي يكتب هههههههههه فلان خسران
‎
‎ ‎
‎
‎*** ‎مثال‎ ***

ٍس: هل تحب التفاح؟‎
‎
ج‎: ‎التفاح حلو وأنا أحبه‎

يالله اني راح ابدي .. انتبهوو لا احد يقول نعم او لا‎

************************************

هل انت شخص خبيث؟

nasir yako · « **رد #1 في:** 17:12 21/03/2006 »

شكرا اخت هيوي ...اللعبه حلوه هوايه** كنا** نلعبها دائما بالبيت.

الجواب...انا لست خبيثا

سؤال ..هل تشرب ماء كثيرا.؟

hewy · « **رد #2 في:** 17:22 21/03/2006 »

الماء صحي ومفيد

هل تمشط شعرك عندما تنهض من النوم صباحا؟

nuhra · « **رد #3 في:** 18:40 21/03/2006 »

شكراااااااا خاثي هيوي على اللعبة حلوووة

الجواب:امشط شعري عندما اصحى من النوم وعندما اذهب الى النوم وعندما اطلع فت مكان

السؤال:هل تحب الحلويااات ؟؟

ابن العراق · « **رد #4 في:** 19:24 21/03/2006 »

شكراً هيوي على اللعبة

الجواب : اكيد أحب الحلويات

السؤال : ( هل تحب الدولمة )

sinan32 · « **رد #5 في:** 19:28 21/03/2006 »

شكرا على العلبة الحلوة

مااحب الدولمة اني

سؤال هل تحب امك ام اباك اكثر

Malka · « **رد #6 في:** 20:57 21/03/2006 »

شكراااااااا خاثي هيوي على اللعبة حلوووة

اكيد الاثنين احبهم

هل انتا عنيد؟

sarina patio · « **رد #7 في:** 21:18 21/03/2006 »

شكراً هيوي على اللعبة

انا لست عنيد

هل تحب الرياضه؟؟

mimirita · « **رد #8 في:** 21:42 21/03/2006 »

اني راح اجاوب على الاخت سارينا واعتقد تقصد الرياضه ,,

اكيد احبها

وشكرا على اللعبه

مراح اسال حتى اتجاوبون اخ عينكاوي ..

Capricorn · « **رد #9 في:** 21:48 21/03/2006 »

لقد قمت بحذف الرد واليكم السوال لتكملة اللعبة

هل انتِ حنونة

warda girl · « **رد #10 في:** 21:49 21/03/2006 »

يكولون اني حنونة

هل تهوى الاطفال؟؟

شكرا على الموضوع

ابن العراق · « **رد #11 في:** 22:13 21/03/2006 »

انا أعشق الأطفال وأموت على شي اسمه طفل

هل أنته عاشق ؟؟؟ سؤال محرج مو ؟

Ishtar_alhtetkhoba · « **رد #12 في:** 22:34 21/03/2006 »

لول إيي محرج بس اني مو عاشقه..

هل لديك عائلة؟؟

boqta · « **رد #13 في:** 01:20 22/03/2006 »

زوجي و ابنتي

س/ هل انت متزوجة او متزوج?

Capricorn · « **رد #14 في:** 02:47 22/03/2006 »

بعد وقت على الزوج خلونا عزاب..... ههههههه

هل انت عاقل؟؟؟؟

nasir yako · « **رد #15 في:** 03:25 22/03/2006 »

اكيد عاقل والا ماكان كملت اللعبه وياكم..ههههههه
هل انت من العراق.؟

walaa · « **رد #16 في:** 08:05 22/03/2006 »

طبعا عراقية وبنت عراقي واصل عراقي

هل تحب السفر؟

nuhra · « **رد #17 في:** 10:21 22/03/2006 »

السفر ممتع

هل تعيش في دولة اجنبية؟؟؟؟؟؟؟؟

hewy · « **رد #18 في:** 12:39 22/03/2006 »

يا شبابنا الحلوين اولا اشكر مشاركتكم باللعبة
ثانيا للاسف هوايا منكم مفتهموا صيغة اللعبة ....الجواب لايجوز ان يكون فيه اي صيغة نفي مباشرة او غير مباشرة والخاسرين هم.........ماشاء الله هوايا........

*خوني ناصر.........الجواب...انا لست خبيثا..........(لست) كلمة نفي..........خاسر

*خوني سنان........الجواب...مااحب الدولمة اني....(ما)....حرف نفي............خاسر

*خاثي سارينا........الجواب...انا لست عنيد..........(لست) كلمة نفي...........خاسرة

* خاثي عشتار......الجواب...بس اني مو عاشقه....(مو)...كلمة نفي.............خاسرة

هذه المرة سماح يالي خسرتوا شوفونه همتكم ولا تخسرون بعد .........

ارجو الالتزام بشروط اللعبة للمتعة ولتكن الاسئلة فكاهية نوعا ما للمرح..........

***************************************************************

الجواب .....اني اعيش بالعراق بس ما اعرف اذا هو دولة اجنبية لو لا لان اختلطت الامور.

السؤال....هل تأكل الباجة بيديك ؟

ابن العراق · « **رد #19 في:** 14:30 22/03/2006 »

اي اكل الباجة بيدي لأن هي متصير طيبة الا واحد ياكلها بالايد

هل تسبح يوميا او كل شهر مرة ؟؟؟؟؟؟؟

hewy · « **رد #20 في:** 16:41 22/03/2006 »

خوني راني خسرت ميصير تكول...اي.....لان اي تعني نعم.......هههههههههههههههههه خسران

اسبح يوميا وفي الصيف اسبح ثلاث مرات في اليوم

سؤالي:- هل تشوخر عندما تنام؟

mimirita · « **رد #21 في:** 17:31 22/03/2006 »

زوجي هوايه يشوخر بس اني لا ,,,

سمعت انت كلش مغرور صحيح هذا الشي ؟

hewy · « **رد #22 في:** 18:26 22/03/2006 »

هذا منو اللي قالك حرام هذا اكبر كذاب ومنافق ..اصلا اني فت متواضعة سكتي وخليها.

عندما تشرب الشاي هل تخرج منك اصوات الشفط؟ام لا ؟

nuhra · « **رد #23 في:** 19:04 22/03/2006 »

ههههههههههههه عديم الذوق بس اللي يطلع صوت ويشفط واني عندي ذوق اكييييييييد

هل انت احول؟؟؟؟؟؟؟؟؟

mimirita · « **رد #24 في:** 21:13 22/03/2006 »

لو حوله كان رديت على غير موضوع ههههههههههههه

تحب تسافر هوايه ؟؟؟؟؟؟؟؟

Queen_of_Babylon · « **رد #25 في:** 21:59 22/03/2006 »

thank you hewy for this lovely game .... its realllyyyy funnn

mimirita جوابي لسؤالك هو:
انا احب السفر

سؤال: هل انت مدمن _ مدمنة على الكومبيوتر_النت ؟؟؟؟؟؟

warda girl · « **رد #26 في:** 23:35 22/03/2006 »

نصيحة الادمان مو زين ويسبب الكثير من الاضرار بس عدى الادمان على النت لوول

هل تحب ازعاج الاخرين؟؟؟

وسام سيبو · « **رد #27 في:** 01:43 23/03/2006 »

ازعاج الاخرين هواية عندي وكلش احبها خخخخخخخ

هل تبحث في انفك عن ؟؟؟ ثم تاكلها ؟
مو زعلون داتشاقة

hewy · « **رد #28 في:** 12:55 23/03/2006 »

انفي نظيف وميحتاج ادور على شي بيه.

هل رائحة قدميك تحتمل؟ام لالالالالالالالالالالالالا تحتمل؟

nasir yako · « **رد #29 في:** 15:52 23/03/2006 »

ماكو ريحه برجلي......هههههههه

هل انت من صنف اكلي لحوم البشر

hewy · « **رد #30 في:** 16:36 23/03/2006 »

انا من صنف اكلي لحوم الدجاج.........ههههههههههههه

هل انت حاروكة؟؟؟؟؟؟؟؟؟؟؟؟

nuhra · « **رد #31 في:** 11:29 24/03/2006 »

الحاروكة من صفاتي......... .ههههههههههه

سؤال:هل انت من الاقزام؟؟؟؟؟؟؟؟

شهرزاد · « **رد #32 في:** 11:36 24/03/2006 »

انا طولي 164سنتيمترات ... يعني انا طويلة.. ههههه

هل تحب ان تتفاخر في نفسك؟؟

شكراً على الموضوع الحلو
شهرزاد

Ishtar_alhtetkhoba · « **رد #33 في:** 15:49 24/03/2006 »

ليش افتخر بنفسي و اني انسانه عاديه(زايي زايك) على كولت المصريين..

هل عندك/عندكي حبيب؟؟ ''شوف الفضول loool''

nuhra · « **رد #34 في:** 16:28 24/03/2006 »

وداعة هالفضول لو جان اكو جان اكولج

هل لديك سيارة؟؟؟؟

رشا البغدادية · « **رد #35 في:** 01:40 25/03/2006 »

اذا يصير امان بغداد اشتري سيارة

هل تلبس او تلبسين نظارة طبية؟؟؟؟

Capricorn · « **رد #36 في:** 02:25 25/03/2006 »

شايفيين جعب الاستكان احلى مناظر عندي واستخدمها في السفرات دائما والشمسية عندما انام...... هههههههههههه ...... لا يزعلون علينا اخوتنا او خواتنا اللي عندهم قصر او طول نظر هذه كلها من الله والله يشفيكم

هل تستخدم بطاقة سخمان الوجه عندما يكون الحديث بين اثنين؟؟؟؟

رشا البغدادية · « **رد #37 في:** 02:31 25/03/2006 »

اني من يحجي اثنين لو اكوممن يمهم لو احجي لان مااكدر اذا ماادخل بصراحة هاي طبيعتي خاصة اذا جان شي غلط

كم مرة تنظر الى المرأة؟؟؟؟

ARADIN · « **رد #38 في:** 05:59 25/03/2006 »

يا مراية اولا ،مالت البيت لو اللي بالسيارة؟؟؟؟

هل انت رومانسي؟؟

saivo · « **رد #39 في:** 07:47 25/03/2006 »

انا رومانسي بدون الرومانسية الانسان عبارة عن وحش

هل انت طوييييييييييل؟؟؟؟

Sermed · « **رد #40 في:** 07:58 25/03/2006 »

شنوا خوني سيفو رايد لاعب سله لو تريد واحد يساعدك ويصبغلك السكف ...اني كلش كلش اصبغلك البيبان

السؤال // لو قدم لك احد الاشخاص شيئا وانت لا تريد ،كيف ترد عليه ؟؟؟؟؟؟

hewy · « **رد #41 في:** 15:49 25/03/2006 »

اولا راح احمر بلكي يفتهم ....بعدين...اذا ما افتهم... ابدي اعلس بالكلام واحجي سريع (لالالالا تعب نفسك شكرا ماريد)......واذا لح زايد ....حكول .....مو كلنا منريد شنو لزكة...لو بالقوة.

السؤال....هل تتحمل الرزايل؟

warda girl · « **رد #42 في:** 19:07 25/03/2006 »

حسب الشخص الي ديرزلني يعني اذا كان واحد غريب ما اعرفه وميعرفني راح تنلاص عليه وراح اشوفه نجوم الظهر لوول

هل أسنانك صفراء؟؟؟؟؟؟؟[/color]

Capricorn · « **رد #43 في:** 01:31 26/03/2006 »

صفراء بيضاء معفن به ريحه تقتل روح الطبيب الاسنان او سن ذهبي مستقبلا او فضي او ابو البرغي وصمون (الحديثة) كلها ما تفيد اذا بالليل تاكل نساتل والعلج بثمك 24 ساعة والفرجه والمعجون مشتريه هيج مزهرية انزين بيها المرايه مال حمام .......... كلها تقع وراه ال 35 سنة فافضل شي روحوا شلعوا اسنانكم وخلوا الطبيب يسويلكم من هسه طخم اسنان..... ههههههه دير بالكم ترا داتشاقة وياكم لا تسوها ....ههههههه

هل تشبهين هيفاء وهبي أو هل تشبه عادل امام؟؟؟؟

hewy · « **رد #44 في:** 16:17 26/03/2006 »

الحمد لله الشبه معدوم بيني وبين هيفا وعادل امام.........
تعرف ليش احمد ربي واشكره الف مرة انه ما اشبهم؟
لو كنت اشبه هيفا ميبقى رجال ميلحقني ويعاكسني ولازم اتموع كدام الكل يخخخخخخخخخخخ
لو كنت اشبه عادل امام جان وين ما اروح اشوف الناس توكع على الكاع خربانة من الضحك والعراقيين ميصير يضحكون لان الضحك مضر بصحتهم جدا.

السؤال....هل تحب هيفا ام تحب نبيل شعيل؟

مجنون ريتوشكا · « **رد #45 في:** 16:44 26/03/2006 »

انا احب هيفا لانها احلى من نبيل ههههههه

هل تحب العراق ؟؟؟؟؟؟؟؟

Capricorn · « **رد #46 في:** 22:59 26/03/2006 »

الله ما ذبنا الا بالعراق اش جان رايحلي لو جان اجيت مثلا ببريطانيا او بامريكا او باستراليا جان على الاقل ما شفنا الذبح كدامنا مثل ما كل يوم دنشوفه بس جنه نسمع بيه او يطلع بالتلفزيون هاي لو جنه بالخارج بس شنسوي هذه هي مشية الله..... بس وين ماتروح وين ماتفر ماكو احلى واجمل من العراق بس نحنا ما نعرف اشلون نستغل هذا الوطن لمصلحتنا وانني حالي حال العراقيين اموت على ذرة من تراب العراق بس الله يكون يفرجها علينا لان الناس ضاجت وطلعت روحها وانشاء الله خير..... تحياتي

هل تتمتع بالحاسة السادسة ؟؟؟؟؟؟

Ritta · « **رد #47 في:** 08:44 28/03/2006 »

هو هذا الكاتلني عندي الحاسة السادسة و السابعة هم

شنو هو احسن شي سويته بحياتك لحد الان؟؟؟

hewy · « **رد #48 في:** 13:37 28/03/2006 »

احسن شي سويته بحياتي انو اشتغلت بمجال رعاية الاطفال و امهاتهم.

السؤال...هل انت زعولي وتتنرفز بسرعة؟؟؟؟؟؟؟؟؟؟

ابن العراق · « **رد #49 في:** 13:48 28/03/2006 »

بصراحة اني أتنرفز بسرعة وأصير عصبي بسرعة ,ازعل هم بس بسرعة أتصالح لأن قلبي طيب لوووووووول

هل أنت رشيق أو أنتِ رشيقة ؟؟؟

sarina patio · « **رد #50 في:** 14:04 28/03/2006 »

الحمد الله اني رشيق

السؤال...هل انت أو أنتِ تمشي بسرعة؟؟؟؟؟؟؟؟؟؟

roz mere · « **رد #51 في:** 17:39 28/03/2006 »

مشكلتي امشي سريعة وهذا يخلي صديقتي عصبية شسوي هههههههههههههه

سؤال ؟ هل انت او انتي خجولة او خجول

hewy · « **رد #52 في:** 17:55 28/03/2006 »

هاي مشكلتي ...الخجل !!!! بس احاول اتلافاها... ولو صعبة لان اصير طماطة .

هل كسرت قلب شخص يوما ما؟

warda girl · « **رد #53 في:** 18:31 28/03/2006 »

مو عالقصد والله

هل انت اسمر البشرة ام ابيض؟؟؟؟؟؟؟؟؟؟؟؟؟؟؟؟؟

nuhra · « **رد #54 في:** 19:27 28/03/2006 »

حنطاوية

هل تلبس نطارات طبية( يعني جعب بطل)؟؟؟؟

ابن العراق · « **رد #55 في:** 20:32 28/03/2006 »

البس جعب أستكان مو بطل هههههههههههههه دا أشاقه مو تصدكون

هل تحب كاظم الساهر ؟؟؟

naseemmoon · « **رد #56 في:** 02:34 29/03/2006 »

نعم احب كاظم الساهر

السوال : هل تحب الزلابيه ؟

شكرا على هااي اللعبة الجميلة

naseemmoon · « **رد #57 في:** 02:37 29/03/2006 »

احب كاظم الساهر

والسوال موجود اول الرد

Capricorn · « **رد #58 في:** 02:45 29/03/2006 »

مشكلة الزلابية نوعين مختلفين الاول من تشوفها بعيد عنك اتموت اذا ما اضوكها والثاني اذا اكلتها تشوف ثاني يوم يطلع بيك حبوب بالوجه مو لو اني خلطان ولو ما عندي هل اشياء بس من كثر الحلى يصير بالواحد هيجي شي.......

هل انت او أنتِ مدمن جكاير؟؟؟؟؟

MahirToma · « **رد #59 في:** 03:42 29/03/2006 »

بالمناسبة يا أخ naseemmoon إحدى إجابتيك تضمنت إستعمال إحدى الكلمتين غير المسموح باستعمالهما..

التدخين مضر بالصحة.. ننصحكم بالأبتعاد عنه... تعلموا مني.. لأن صحتي جيدة.. وأنا ممتنع عن التدخين

السؤال الجديد/ هل أنت نائم الآن ؟؟؟

hewy · « **رد #60 في:** 13:54 29/03/2006 »

لو كنت نائما لما كنت الان اجاوبك ..........ولو اني نص مغمضة ههههههههههههه

هل تخاف ان تصبح عجوزا ؟

Ritta · « **رد #61 في:** 16:39 29/03/2006 »

ماكو احلى من ان المرء ان يعيش كل مرحلة من مراحل العمر سواء ان كانت الطفوله او المراهقه او النضوج او سن الياس عند النساء هخخخخخخ

هل انت تجيد الرقص السرقي؟؟؟

Ishtar_alhtetkhoba · « **رد #62 في:** 22:30 29/03/2006 »

اجيد الرقص الشرقي و الغربي و الصلصه..

هل تغتسل بصابون رككي لوول؟؟

warda girl · « **رد #63 في:** 00:24 30/03/2006 »

ما عدنا بالمانيا وريحته مطيبة عييييعععععع لوول

هل كنت تلعب الدعابل وانت صغير؟؟؟؟

Capricorn · « **رد #64 في:** 00:58 30/03/2006 »

يوجد نوعين من الدعابل الدعابل التي هي مصنوعة من مادة الزجاج المسمى ب (التبل) والدعابل التي هي فضل؟؟ الخرفان التي تستخدم كسماد حيواني ...

هل تشاهد نفسك أو نفسكِ في المرآة كل 5 دقائق؟؟؟

Ritta · « **رد #65 في:** 15:06 30/03/2006 »

لا كل ساعة ونص

هل تجيد السباحة؟

roz mere · « **رد #66 في:** 15:37 30/03/2006 »

للااسف لان غركت مرة وتوبة بعد ما اعيدها مرة لخ تووووووووووووووووبة

سؤال : هل انت او انتي من الاشخاص الذين يمتلكون الثقة بالنفس لحد الغرور ؟

Ritta · « **رد #67 في:** 16:11 30/03/2006 »

ثقتي بفسي قوية جدا بس الغرور محسيت بيه يوم من الايام **

هل كرهت شخص ما كره العمى؟؟؟وبصراحة رجاءا

mimirita · « **رد #68 في:** 16:20 30/03/2006 »

كلش اضوج من المسؤله مالتي السويديه لان كلش عنصريه بس ما اكرها كره العمى ولا اعرف اكر ه ,,,,

هل انت او انتي تؤمن بل الابراج ؟؟

Ritta · « **رد #69 في:** 16:27 30/03/2006 »

ما اؤمن بس ما اعرف ليش من الزم الجريدة اول شي اقرء الابراج بعدين الباقي لووول

هل تشعر باحد الاعضاء انه قريـــب جدا لقلبك؟؟

zuhairsha · « **رد #70 في:** 18:55 30/03/2006 »

حروف اسمه بيها حرف الياء

هل تكدر تكتب كلمة نعم او لا
ههههههههههههههههههههههههه خباثة اشو منو يكدر يجاوب

MahirToma · « **رد #71 في:** 23:37 30/03/2006 »

العزيز zuhairsha:

ههههههههههههههههههههههههه خباثة اشو منو يكدر يجاوب...

السؤال الأول: أتريد شخصا في اسمه حروف الياء... كم مرة يتكرر الحرف؟؟؟
لا زالت محتارا بين الأسماء التالية: آمال وهناء ووفاء وابتسام وأحلام... وماجد وفواز وعلاء وسامر وباسل..

السؤال الثاني: أستطيع أن أكتب الكلمتين المذكورتين.. ولقد كتبتهما على الورقة..
وإذا كنت غير متأكد .. أستطيع أن أعرضها أمامك على الـ Webcom

سؤال جديد: هل ستأتي لزيارتنا في كندا..؟؟؟

naseemmoon · « **رد #72 في:** 05:54 31/03/2006 »

ليش لا الله وايدك

السوال الجديد : هل تحب حماتك او حماتج ؟

ataa_1975 · « **رد #73 في:** 11:45 31/03/2006 »

الحمدالله انا لم اتزوج واذا تزوجت يجب البنت الي اتزوجها تكون مثل مايقول المصري(مقطوعه من شجرة)

سوأل جديد:- هل انت نادم على الزواج ؟

hewy · « **رد #74 في:** 14:56 31/03/2006 »

هههههههه من اتزوج راح افكر بسؤالك.

هل تخشب هواية على الناس؟(تخشب بمعنى تكص) اشتهيت لفة كص ههههههه

Ritta · « **رد #75 في:** 16:23 31/03/2006 »

بصراحه؟؟ اي قبل وهواية بس هسه لا (لانه علمتني الحياة ان اتقبل الناس مثل ما هم وليس كما احب انا ان يكونو**)

شنو احسن شي تعلمته من خلال جربة مريره مريت بها؟؟؟

رشا البغدادية · « **رد #76 في:** 16:43 31/03/2006 »

احسن تجربة مريت بيها هي يوم اختطاف اخي الوحيد لقد زاد ايماني بالله الاف المرات عن قبل فمنذ اليوم الاول من اختطافه بقيت اصلي من قلبي واشعلت الشموع لكي يحفظه وفعلا كانوا يعاملونه احسن معاملة من دون كل المخطوفين الذين سمعنا عنهم فالبقية كانوا يعذبونهم بينما اخي لا فأدركت بأن صلواتي لم تذهب هدرا والله وابنه يسوع المسيح وامه مريم العذراء استجابوا صلواتي

هل تأكل ثلاث مرات في اليوم اي الوجبات الكاملة؟

hewy · « **رد #77 في:** 19:32 31/03/2006 »

اكل خمس ست وجبات باليوم وكل وجبة شوية احب انوع بالاكل.......

هل تخاف من الظلام ..والاشباح...والجان؟

ataa_1975 · « **رد #78 في:** 20:18 31/03/2006 »

احلى شيء عندي هو الظلام ومشاهدة افلام الرعب

سوأل:- عندما شخص ينده عليك ماذا تقول له اي ماهي العبارة اللائقة ؟

sinan32 · « **رد #79 في:** 22:16 31/03/2006 »

ههههههههههههههههههههههههه حلو سؤال

اكله دروح هسة مو وكتك لووووووووووووووووول

هل تغفر لمن حطم قلبك

Capricorn · « **رد #80 في:** 01:35 01/04/2006 »

"ابتِ اغفر لهم لانهم لايعرفون ماذا يفعلون" كما قالها الرب على خشبة الصليب

هل تحب الحياة؟؟؟؟

ابن العراق · « **رد #81 في:** 16:38 01/04/2006 »

أكيد حلوة الحياة بس مو حياتنا الي احنا دنعيشها بس هم نكول حلوة الحياة لأن هاي حكمة الله وما نكدر نعترض

هل أنت حساس المشاعر ؟؟؟

hewy · « **رد #82 في:** 17:12 01/04/2006 »

للاسف انا حساسة المشاعر لدرجة صار عندي حساسية مشاعر

عندما تكون مشغول على الجات او النت ومندمج جدا ويناديك احد افراد اسرتك لتذهب حتى تجيب كيلو طماطة او تغسل المواعين ...هل ستصيح وتكول دي هسة مو وكتك ..لو تستجيب للواقع وتتخلى عن سعادتك مع الجات او النت وتلبي الطلب؟

naseemmoon · « **رد #83 في:** 04:38 02/04/2006 »

طبعا اروح اجيب الطماطة احسن من الرزاله ...ههههههههههههههه

السوال : هل تحب او تحبي ان تشاهد او تشاهدي الاطفال وهم يبكون وماذا تفعل ؟

Nazar Gharib · « **رد #84 في:** 06:02 02/04/2006 »

مقتبس من: naseemmoon في 05:54 31/03/2006

ليش لا الله وايدك

السوال الجديد : هل تحب حماتك او حماتج ؟

اخ نسيم ذكرت كلمة لا

ج : انسحب من المنطقة كلها،

س : الى متى يبقى البعير على التل ؟

hewy · « **رد #85 في:** 11:31 02/04/2006 »

الى ان يبطل المشاركين باللعبة يكولون نعم ...او....لا

هل احببت يوما بنت او ابن الجيران؟

Capricorn · « **رد #86 في:** 00:49 03/04/2006 »

احببت جميع العالم دون استثناء

هل تتابع (Tom & Jerry )؟؟؟ ولماذا

رشا البغدادية · « **رد #87 في:** 00:55 03/04/2006 »

اموت على tom o jerry ولغاية الان اتابعة لان من اكون ضايجة اتفرج على مود شوية اضحك

هل تستعمل او تستعملين كريم الشعر ؟؟؟؟؟؟

sarina patio · « **رد #88 في:** 01:11 03/04/2006 »

استعمل كريم الشعر
هل احببت يوما بنت او ابن على الانترنات؟

Capricorn · « **رد #89 في:** 01:25 03/04/2006 »

لم اجرب هذه الطريقة !!!!!!!

هل تؤمن بان الاغنية هي غذاء الروح؟

رشا البغدادية · « **رد #90 في:** 01:38 03/04/2006 »

اني من اسمع اغاني ارتاح لان احسها دواء للنفس والقلب

هل تعرف او تعرفين الطبخ؟؟؟؟

ابن العراق · « **رد #91 في:** 02:32 03/04/2006 »

اني بس اعرف اسوي بيض وطماطة هههههههههههه

هل انت من محبين الأطفال ؟؟؟

nuhra · « **رد #92 في:** 07:32 03/04/2006 »

الله اجمل خلق الله هم الاطفال اموت عليهم

هل انت سريع بالمشي؟؟؟

walaa · « **رد #93 في:** 07:47 03/04/2006 »

يعني حسب
هل يعجبك شهر نيسان؟

sinan32 · « **رد #94 في:** 10:18 03/04/2006 »

الله هو احلى شهر هو شهر نيسان

هو لابارد ولا حار يعني بيناتهم واحلى شئ بي هو لمن تطلع للحديقة وتشوف متروسة ورود

هل حب عبر الانترنت ناجح

samir1972 · « **رد #95 في:** 10:34 03/04/2006 »

حب بعد الزواج ناجح

هل تؤمن بحب على الهواء

ataa_1975 · « **رد #96 في:** 14:11 03/04/2006 »

اذا كان الحب على الهواء مباشرتا وعبر الاقمار الصناعية

هل تؤمن بالخرافات وخزعبلات

hewy · « **رد #97 في:** 14:53 03/04/2006 »

اكو من الخرافات ممكن تصديقه لكن الخزعبلات صعب تصديقها ببساطة لانها ليست سوى خزعبلات

هل تحب شخصية عبسي في كارتون عدنان ولينا ام لا؟ ولماذا؟

Capricorn · « **رد #98 في:** 00:24 04/04/2006 »

شخصية عبسي حلوة ولديه القابلية على كفش شعره بطريقة غير اعتيادية.... وهذه دعوى لكل فتاة ترغب في كفش شعر راسها الاتصال بعبسي الموجود حاليا في موزمبيق مع الشكر اترككم مع هذه الصور

هل أنت أو أنتِ مغرم بالطرب الاصيل امثال ام كلثوم وبصل وخس وباذنجان وقرع وووو ......هههههههه

walaa · « **رد #99 في:** 09:52 04/04/2006 »

كلش مغرمة اكثر من الحديث بعد

هل شاركت في هذه اللعبة ؟

warda girl · « **رد #100 في:** 11:51 04/04/2006 »

المشاركة حلوة والاسئلة احلى لوول

هل من هواياتك القرائة والمطالعة؟؟؟؟؟

sinan32 · « **رد #101 في:** 11:56 04/04/2006 »

مرات مو دوما اقرا وطالع

هل انت تحب احدا ما من استراحى المنتدى

sweet girl · « **رد #102 في:** 14:09 04/04/2006 »

كلهم احبهم لوووووووووووووول بس شخص معين لا

ما هو اكثر شي يزعجك في الاطفال ؟ولماذا

hewy · « **رد #103 في:** 17:35 04/04/2006 »

من يبجون عن خباثة بس مو علمود بيهم شي

هل كذبت يوما على اهلك و ادعيت انك ذاهب عند صديقك في حين انت متواعد مع الحبيب؟

sinan32 · « **رد #104 في:** 19:22 04/04/2006 »

هية موقصت كذب يعني شتريدين اكللهم اني راح اروح متواعد ويا حبيبتي

هل يعجبك هذا الموضوع بدون نعم او لا

warda girl · « **رد #105 في:** 23:35 04/04/2006 »

شلون سؤال لو ما جان عاجبني مجان شفت ردودي لوول

هل انت فضولي؟؟

Ritta · « **رد #106 في:** 15:14 06/04/2006 »

فضولية بس مو بكل شي او مع اي شخصا كان !!!!

هل انت عصبي المزاج؟؟

hewy · « **رد #107 في:** 18:58 06/04/2006 »

عصبي وبس ...نار كبرة .........بس لحظة ويرجع كلشي طبيعي كأن شيئا لم يكن

هل انت مزعج؟

Ritta · « **رد #108 في:** 19:00 06/04/2006 »

كلش وبالوقت الي المقابيلي مديفهمني يكون
هل تحب المغامرة؟؟؟

sinan32 · « **رد #109 في:** 08:52 07/04/2006 »

اموت على المغامرة اصلا حياتي كلها مغامرة في مغامرة

هل انت او انتي خبيث يعني تحبون الخباثا

Ishtar_alhtetkhoba · « **رد #110 في:** 14:53 07/04/2006 »

بصراحه اني اكره الخباثه.. يعني مو خبيثه

هل تشرب الكحول؟؟

kamall · « **رد #111 في:** 17:43 07/04/2006 »

الكحول هو مشروب اجتماعي يؤخذ في جو ودّي ويفترض أن لا يؤخذ وحيدا أبدا

هل اقتنعة باجابتي؟

hewy · « **رد #112 في:** 18:55 07/04/2006 »

ههههههههههه اقنعني جوابك بس منعرف هو اقتنع!!!!!!!!!!!!!!!!!!!!!!

هل تشعر بانك وحيد ؟؟؟؟؟؟؟؟؟والناس لا يفهمونك؟؟؟؟؟؟؟؟؟

ataa_1975 · « **رد #113 في:** 13:29 08/04/2006 »

ليش اشعر بالوحدة مادام كل اصدقائي هنا يشاركونني احزاني قبل افراحي

في اعتقادك متى الشخص يقول نعم او لا للشخص الاخر؟

kamall · « **رد #114 في:** 14:10 08/04/2006 »

عندما تكون الصورة واضحة امامي ومقتنع من اجابتي على ذلك السؤال

هل سمعة بالمثل القائل ؟؟ بوس يد زوجتك تفرح حماتك

sozan_2008 · « **رد #115 في:** 14:17 08/04/2006 »

بنسبة الى انى مسامعة هل المثل بس حلو لن اذا بس ايد زوجتك راح تفرح حماتك

ههههههههههههههههههههههههه هل كذبت او كذبتى يومن على المدرس او المدرسة فى المدرسة

ههههههههههههههههههههههههههه

warda girl · « **رد #116 في:** 14:41 08/04/2006 »

شي طبيعي بس جانت كذبة بيضة لول

هل هوايتك الضحك؟؟؟؟

kamall · « **رد #117 في:** 14:45 08/04/2006 »

ههههههههههههههههه سوزان وقعتي في الفخ عندما قلتي مساااامعه وكانك تقوولي لااااا

الاجابه على سؤال ... حبل الكذب قصير.. والكذاب يعرف من بطنه

بدراسة نبضات معدته بدلا من قلبه

وانا كنت اسمع كلام الماما وانا صغير في المدرسه هههههههههه

السؤال = هل تحب او تحبي ان ترتدي ملابس الجينز ؟؟؟؟

Ritta · « **رد #118 في:** 17:15 08/04/2006 »

اغلب الاوقات البس الجينز ، ليش هي المانيا تخلينة نلبس غير لبس حياتنة كلها ركض بركض ولازم نلبس ملابس تكون عملية،

هل تشعر / تشعرين بعض الاوقات بحزن عميق وبالرغم من عدم وجود اسباب معينة؟؟؟

hewy · « **رد #119 في:** 18:55 09/04/2006 »

اذا اكو شي يغث صدك هو من تحس بالحزن والضوجة ومتدري ليش....ولسؤء الحظ هذا الاحساس هوايا يتكرر.

هل تؤمن بالحب ؟؟؟؟؟وتقدس الحياة الزوجية؟؟؟؟؟؟

Ritta · « **رد #120 في:** 16:53 10/04/2006 »

اؤمن بالحب وبقوة اما عن تقديس الحياة الزوجية بعدني مجربت لووول بس اكيد اقدسه
اذا كنت/ كنتي متزوج /متزوجة،هل ندمان / ندمانة لانك تزوجت؟؟؟

اذا كنت/ كنتي اعزب / عزباء ، هل تتمنى ان تتزوج ؟؟؟

Ishtar_alhtetkhoba · « **رد #121 في:** 18:34 10/04/2006 »

لم افكر في الزواج.. احلامي كثيرة و اسعى الى تحقيقها ان شاء الله..

هل تغني عندما تستحم ..؟؟؟

hewy · « **رد #122 في:** 18:55 10/04/2006 »

الغناء في الحمام هوايتي ويشعرني براحة كبيرة وانتعاش

هل تحب البقوتا او(الكشكة)او (الحبية)...؟؟؟؟؟؟احنا طابخين اليوم شلون كشكة تخبل.

Ritta · « **رد #123 في:** 20:15 10/04/2006 »

اكلتيييي النفضللللة دزيلي فد ماعون مادام ذكرتيني بهاا

منو يسويلي هسه بقوتا؟؟؟

hewy · « **رد #124 في:** 18:55 20/04/2006 »

اني اسويلك بقوتا تريديها صفرة لو حمرة ..................

هل تحب منتديات عينكاوة؟

الزعيم مالك · « **رد #125 في:** 20:14 20/04/2006 »

بكل اعضائها احبها

س لو نفرض جدلآ انك انت وشخصية كبيرة جدا اللتقت بك وعرضت عليك مبلغ مالي كبير جدا مقابل
ان تجاوب فقط بنعم او لا فبماذا ستجاوب انت ؟؟؟ بنعم ام لا

الزعيــــــــــــــــــــــم

Ishtar_alhtetkhoba · « **رد #126 في:** 22:02 20/04/2006 »

ماذا ينفع الانسان لو ربح العالم كله و خسر نفسه..؟

هل تشاهد افلام رعب..؟

Ritta · « **رد #127 في:** 13:30 21/04/2006 »

اذا وحدي لا واذا اتفرجت ويه ناس بهاي الليله مانام بغرفتي وحدي لووول

كلنا نمر بتجارب الحياة ونغلط، شنو هي اكبر غلطة ارتكبتها بحياتك؟؟؟

mimirita · « **رد #128 في:** 14:01 21/04/2006 »

اعتقد طلع الموضوع شويه عن العبه وصار ورط العضو الي بعد بسؤال هههههههههههههههههه مو ريتا

بس همزين انتي الي سالتيني لان تعرفين جوابي سبق وكلته الج عل ام اس ان ههههههههههههههه

هل انت من محبي الفنان الياس خضر؟؟؟؟ ههههه شذكرني بيه

Ritta · « **رد #129 في:** 14:56 21/04/2006 »

ههههههههههههه قويـــة ورغم من انك كلتيلي عليه ونصحتيني ان ما اكررها اني بس اعتقد راح اكرر غلطتج و وووو وووو بعدين اغني اغنية هاني شاكر غلطة وندمان عليهااا ههههه

اترك السؤال للبعدي

hewy · « **رد #130 في:** 18:17 21/04/2006 »

هل تحمر حين تحس بالاحراج؟؟؟؟؟؟

dj_evan · « **رد #131 في:** 22:25 22/04/2006 »

احرجتيني بالسؤال بس ما احمريت!

هل تقول كلمة الحق حتى لو سببت لك احراج

Ritta · « **رد #132 في:** 19:02 23/04/2006 »

اقولها فقط للي يفهم و يقدر اني على حق !!!!

هل سقطت شي يوم بالشارع امام الناس؟؟

Ishtar_alhtetkhoba · « **رد #133 في:** 23:49 23/04/2006 »

هههههه ليش تحرجينا لوول..مو صوجي جنت دا اركض و ما اعرف شلون و كعت لوول

كم مرة قلت نعم في حياتك..؟

hewy · « **رد #134 في:** 18:55 24/04/2006 »

حييييييييييييييييييييييييييييييييييييييييييييييييييييييييييييييييييييييل متنعد يرادلي سنين حتى اعد....هههههههههههه

هل يعجبك ان تعاتب الاخرين حين يخطئون وتظل تلح بالعتب والتأنيب؟؟؟؟؟؟؟؟؟

safenaz · « **رد #135 في:** 20:43 24/04/2006 »

اني ما يعجبني ان الح واعاتب الناس حينما يخطؤن

هل انت من محبي الفنان رايان؟؟؟؟؟؟؟؟؟؟

mimirita · « **رد #136 في:** 00:53 25/04/2006 »

ليش اعرفه حتى احبه ,,,,

اي كلمه تحب تقول اكثر نعم لو لا؟؟؟؟؟؟؟؟؟؟؟؟؟؟؟؟؟؟؟؟؟؟؟؟

Ritta · « **رد #137 في:** 12:30 25/04/2006 »

لا لا لا لا لا لالالالالالا ههههه وخصوصا على الي ببالي وببالج هههههه

تحب الصداقة ام الحب؟؟؟

sahbaa · « **رد #138 في:** 16:46 25/04/2006 »

اني اختار اثنيناتهم لان ثنيناتهم حلوين ولان الصداقة للصديق والحب للحبيب

ماذا تختار بين هذان الاسمان نتالي او مايا ؟ ولو انه سؤال بايخ بس اريد الجواب

hewy · « **رد #139 في:** 17:36 25/04/2006 »

اولا لازم اعرف معاني الاسماء لان المعنى كلش مهم عندي

لكن كايقاع اسم افضل مايا على شرط تنلفظ الالف مخففة

هل تفضل ان تسمي ابنك او ابنتك اسماء تاريخية ؟؟؟؟؟؟؟؟؟؟؟

safenaz · « **رد #140 في:** 22:04 27/04/2006 »

اني ما احب الاسماء التاريجية من هيجي ما احب اسمي ابني او ابنتي اسماء تاريخية

هل انت من محبي الفنانة اليـــــــــــــــــــسا؟؟

hewy · « **رد #141 في:** 15:20 29/04/2006 »

اعشق جميع اغاني اليسااااااااااااااااااااااااااااااااااااااا

هل انت قلق؟؟؟؟؟؟؟؟؟؟

sinan32 · « **رد #142 في:** 15:58 30/04/2006 »

بهذا الوضع الي دنعيشا ماكو واحد مو قلق

هل انت متكبر......؟؟

nuhra · « **رد #143 في:** 16:11 30/04/2006 »

بس اللي ما يعرفني يكول عني متكبرة

هل انت من النوع الذي يبكي بسرعة؟؟؟

Ritta · « **رد #144 في:** 16:19 30/04/2006 »

للاسف اي

هل صدمت من الخبر الكاذب الي يخص سرمد؟؟

nuhra · « **رد #145 في:** 18:12 30/04/2006 »

كلش صدمت وبجيت لانه صعب انه متعودين بكل موضوع نقراه يكون الضحك على فت تعليق من تعاليق سرمد فما اتخيلت زاويتنا بدون سرمد ونحمد الله انه طلع الخبر كذب

هل يمكن ان يسامح شخص اذى مشاعرك بدون ان يقصد؟؟؟؟؟

Ritta · « **رد #146 في:** 18:15 30/04/2006 »

اذا عن نفسي اسامح بس ما انسى

احلى خبر بالنسبة لك؟؟

safenaz · « **رد #147 في:** 18:18 30/04/2006 »

احلى خبر سمعته هو انو الخبر اللي طلع عن سرمد مو صحيح طلع كذب

هل انت شخص كريم وحنون؟؟؟

Capricorn · « **رد #148 في:** 03:21 01/05/2006 »

جدا وهاي الصفة موجودة في الابراج الترابية بشكل عام

هل علمتك الحياة ان تكون متواضع ام ان تكون كالذئب؟

تحياتي للاخت العزيزة هيوي

stevany_scream · « **رد #149 في:** 06:52 01/05/2006 »

علمتني الحياة ان اكو اكثر من متواضع

هل درجاتك جديدة في الامتحانات؟
نعم ام لا؟

hewy · « **رد #150 في:** 15:27 01/05/2006 »

الحمد لله اني متخرجة صارلي 7 سنوات

هل تحب الدراسة ؟؟؟؟؟؟

sarina patio · « **رد #151 في:** 13:24 02/05/2006 »

الدرسه نور المستقبل

هل انت شخص كريم

hewy · « **رد #152 في:** 16:46 02/05/2006 »

يمكن هذا واحد من اسرار افلاسي الدائم

هل انت صاحب قلب رقيق؟؟؟؟؟؟؟؟؟

safenaz · « **رد #153 في:** 17:24 02/05/2006 »

اني صاحبة ارق قلب في هذه الدنيا

هل تحب مصادقة الاخرين مع الكاميرا والمايك؟؟

sinan32 · « **رد #154 في:** 10:36 03/05/2006 »

موضروري كامرة والمايك

هل تحب هذا الموضوع بدون نعم ولا

hewy · « **رد #155 في:** 13:21 03/05/2006 »

الحلوووووووو بيه انه لم افكار عدد هوايا من اعضاء الاستراحة ....وصار كوكتيل ...همممممممم طيب ولذيذ

هل مللت من هذه اللعبة؟؟؟؟؟؟؟؟

safenaz · « **رد #156 في:** 17:04 03/05/2006 »

اللعبة جميلة ومسلية لم امل منها بعد عزيزتي هيوي.

هل تحب الرياضة ؟؟؟؟؟؟؟؟؟؟؟؟؟؟؟؟؟؟؟؟

sinan32 · « **رد #157 في:** 17:14 03/05/2006 »

اموت على الرياضه

هل انت مشاغب 0؟؟

Ritta · « **رد #158 في:** 18:54 03/05/2006 »

احيانا

هل سبق لك وكرهت شخصا ؟؟؟

Sermed · « **رد #159 في:** 20:00 03/05/2006 »

كرهت تصرفا لشخصا وليس ذاتا له ...انما الناس افعال منها الجميل فنحبه ومنها البغيض فنرفضه

هل هناك قبله عاطفيه بريئه ؟ ههههه اجب بامانه ولا تقولو للطفل او الام او الاب ...

Ritta · « **رد #160 في:** 20:10 03/05/2006 »

ههههههههه سرمد اعتقد بهذا سؤالك ، قضيت عالموضوع وسوف يتم اغلاقه و مو من قبل المدير وانما من قبل عدم رغبة الاعضاء عالرد عالسؤال المحرج، وعندك فرصه منا الساعة اذا ماردو انت راح تجاوب عليه ههههههههه

hewy · « **رد #161 في:** 21:01 03/05/2006 »

ههههههههههه هذه شلون دبرت هذه القبلة هم عاطفية وهم بريئة اشون هذه عيني ؟؟؟؟؟؟؟؟؟؟

سؤالك محرج .........وبما انو اني صاحبة اللعبة راح اسن القانون الاول للعبة

1- اذا سئل سرمودي سؤالا محرجا يحق لكم تجاوزه بكل حرية على شرط ان يسئل نفس السؤال لسرمودي الوردة

سؤالي ...لماذا سئل سرمد هذا السؤال؟؟؟؟؟؟

Sermed · « **رد #162 في:** 21:30 03/05/2006 »

ههههههه قويه هاي ...طبعا مرت الساعه خاثي ريتا ...وانكبست

خاثي هيوي حجاوب على السؤال مالتك واعوف سؤالي الكم
لماذا سئل سرمد هذا السؤال؟؟؟؟؟؟

اني مره بايم الكليه سمعت فلان كبسه معاون العميد ديبوس فلانه جوه الدرج ...
طبعا فلان اعرفه ...فرحت سالته
كتله/// يا فلان شنوا القصه
كال /// يمعود هذا المعاون كلش حقير* حشا السامع * شافني ويه فلانه وسوالي مشكله
كتله /// كتله اني سمعت اكوا قبله بلشغله
كال/// يمعود قبله بريئه بس هو سواها قصه عنتر طولها عرضها ...

فلهاذا سئلت ...لان تعرفون اني خام مثل القطه المغمضه ...فكلت خلي اسئل الي عدهم خبره بلاجتماعيات
والسؤال مو عيب للي ميعرف ....مو

nuhra · « **رد #163 في:** 22:39 03/05/2006 »

فلهاذا سئلت ...لان تعرفون اني خام مثل القطه المغمضه ...فكلت خلي اسئل الي عدهم خبره بلاجتماعيات
والسؤال مو عيب للي ميعرف ....مو
هههههههههههههههههههههههههههههههه
سرمد بس انت ما سالت يعني شراح اجاوب اني يلة انتظر السؤال وينكم

hewy · « **رد #164 في:** 14:07 04/05/2006 »

ههههههههههههههههه خوني سرمد ....يا قطة مغمضة ....يمعودين اهل الخبرة تعالوا علمو سرمودي حرام يبقى هيجي مثل القطة المغمضة.

س ...هل تحب القبل؟؟؟؟؟؟؟؟؟؟؟؟؟

sarina patio · « **رد #165 في:** 14:17 04/05/2006 »

ههههه سنو هاي خاثي هيوي (مدينة اندونيسية تمنع تبادل القبل)
هل قلبك رقيق؟؟؟؟؟؟

sinan32 · « **رد #166 في:** 14:29 04/05/2006 »

اه خاثي سارينا قلبي رقيق جدا بسرعة يتفطر

هل تحب الرقص ؟؟؟

sarina patio · « **رد #167 في:** 14:46 04/05/2006 »

وااااو احل شي الرقص اخون سنان

هل تشتاق الى من تحب؟؟؟؟؟؟

hewy · « **رد #168 في:** 18:31 04/05/2006 »

اكيد ....لعد هذا شلون حب اذا متشتاقله؟؟؟؟؟؟؟؟

هل ...تشتاق كثيرا للذي تحبه؟؟؟؟؟؟؟؟؟؟

sarina patio · « **رد #169 في:** 18:55 04/05/2006 »

اكيد،، كثير اشتتتتتتتاق
هل الفرحه تبكيكي؟؟؟؟؟

abbas55 · « **رد #170 في:** 19:01 04/05/2006 »

بالعكس الاحزن يبكيني والفرحيجعلني قمة السعادة

هل تحب الشرب مع الطعام

sarina patio · « **رد #171 في:** 19:09 04/05/2006 »

احب اشرب بعد الطعام

هل تحب اكل اليمون مع الملح ؟؟؟؟؟

abbas55 · « **رد #172 في:** 19:31 04/05/2006 »

اموووووووووووووووووووووووووووووووووووووووت على اليمون بالملح سنوني كامت تصرصر

هل تحب الملاكمه

sinan32 · « **رد #173 في:** 20:03 04/05/2006 »

لالا اموت من الملاكمة تلعب نفسي من عدها

هل تحب الباجة ؟؟؟؟

abbas55 · « **رد #174 في:** 20:20 04/05/2006 »

وكعت سنان كلنه من غير نعم او لا

وانت صفكتنه بثنين لالا

اخرب على الباجه

دخلت الجيش

sinan32 · « **رد #175 في:** 20:36 04/05/2006 »

طبعا دخل للموضوع نست بان هو بدون لا ولا نعم

شسوي غير امي دوختني تعال اتعشا تعال اتعشا ونستني اسم الموضوع

hewy · « **رد #176 في:** 13:43 08/05/2006 »

هههههههههههه مبين عليك شكد دخت بحيث نسيت تكتب السؤال!!!!!هههههههههههه

هل تحب الشاااااااااااااااااااااااااااااااااااي المهيل؟؟؟؟؟؟؟؟؟؟؟؟؟؟؟؟؟؟

mimirita · « **رد #177 في:** 14:12 08/05/2006 »

هو كلش طيب اكيد احبه ........

هل تحب الجات؟؟؟؟؟؟؟؟؟؟؟؟؟؟؟؟؟؟؟

shaqlawaia · « **رد #178 في:** 14:24 08/05/2006 »

شكرا على اللعبة

درجاتي متوسطة بس راح تنجحني بالامتحان

هل انت شاب(شابة) متفائل؟

hewy · « **رد #179 في:** 13:44 09/05/2006 »

الحمد لله وهذا الشي الوحيد المبقينا احياء الى الان.

هل تحب المغامرة؟

abbas55 · « **رد #180 في:** 19:36 09/05/2006 »

هوة شنو الي مرجعني وره غير المغامرة بالتجاره

المهم وبعد مينشك حلكي اروح اغامر واخسر بس الرب موجود وهو الرازق الوحيد

سؤال صعب جدا

هل تحب العراق بكل معنى الكلمه

sarina patio · « **رد #181 في:** 19:53 09/05/2006 »

اكو انسان يعيش بدون روح العراق هيه الروح

هل انت تحلم بشي بعيد عنك؟؟؟؟؟؟

abbas55 · « **رد #182 في:** 20:15 09/05/2006 »

تسلمين بنت بلادي ويبقى ماكو ارقى من الأنسان العراقي

يجب على الأنسان ان يكون طموح ويطمح ان يكون احسن الناس ويفيد ابناء جلدته ويخليهم بالصدارة

لانهم الغطاء والفراش

هل تشتاق لرؤية العراق بالوقت الحالي

sarina patio · « **رد #183 في:** 20:46 09/05/2006 »

اكيد ....شلون مو اشتاق على العراق

هل تشتاق للجلوس على رمال الشاطيء وتستمتع بالرقصات؟؟؟؟؟؟؟

abbas55 · « **رد #184 في:** 20:55 09/05/2006 »

قبل كم يوم كنت جالس على الشاطئ

في اسبانيا والشمس حركتني

هل تحب او تحبين السياسه

sarina patio · « **رد #185 في:** 21:26 09/05/2006 »

اكيد،، كثير احب السياسه قبل العام كنا في اليونان كلش حلوه منطق اسمه LESVOS

هل تحب خدمة الآخرين؟؟؟؟؟؟؟

abbas55 · « **رد #186 في:** 22:19 09/05/2006 »

انا اصلا مسخر نفسي لخدمة الآخرين واحس بسعادة لما اخدم الناس

هل تحب او تحبين مشاركة الآخرين في مشاكللك

sarina patio · « **رد #187 في:** 22:32 09/05/2006 »

اذا اخبرتيه عن مشاكللك قال انكي مزعجه واذا لم تخبريه يقول انكي لاتثقين به

هل انت معرض لمشاكل صحية بسبب وزنك؟ هههههه

hewy · « **رد #188 في:** 14:03 10/05/2006 »

يحتاجلي كم كيلو ويصير طبيعي ....بس مع ذلك ميسببلي مشاكل صحية.

هل الشخص الذي تحبه يبادلك الحب؟؟؟؟؟؟؟

Ishtar_alhtetkhoba · « **رد #189 في:** 16:29 10/05/2006 »

في الحقيقة ما واكعة بلحب بعد..

هل تحب مشاهدة القمر في الليل..؟

hewy · « **رد #190 في:** 13:51 13/05/2006 »

احب القمر في اليالي ولكن اعشق النجوم اكثر

هل انت رومانسي؟

sarina patio · « **رد #191 في:** 14:02 13/05/2006 »

يمكن خاثي هيوي هههههه

هل تحب لعب الورق؟؟؟؟؟

mimirita · « **رد #192 في:** 14:14 13/05/2006 »

بالرغم انه لعب الورق يذكرني بل الحرب بس هم احبه ...

هل تجيد اكثر من لغه ؟؟؟؟

sarina patio · « **رد #193 في:** 14:18 13/05/2006 »

بس اربع الحمد الله
هل تحب المشي بليل؟؟؟؟؟؟

nuhra · « **رد #194 في:** 15:11 13/05/2006 »

احب الليل بس اكو منع تجوال يعني بالليل اتمشى بس بالبيت بين الغرف

هل يعجبك اسمك؟؟؟؟

Ritta · « **رد #195 في:** 19:05 13/05/2006 »

كلش يعجبني ووخاصتا من اسمعها من اشخاص معيننين

هل انت سعيد بحياتك؟؟؟

sweet girl 91 · « **رد #196 في:** 11:59 14/05/2006 »

طبعا اني عايشة بسعادة حمد اله والشكر لان اهلي واحبابي ويايا

هل انت شخص غيوررر جدا ؟

hewy · « **رد #197 في:** 13:21 14/05/2006 »

نعم اغار على الناس الذين احبهم لكن لا اظهرها ابدا واحاول كبتها رغم انها تحرقني كثيرا لكن لكي لاأؤذي بها احد احاول دائما كبتها.

هل تحب اغاني عبد الحليم حافظ؟