اقترح تغيير اسم منتديات عين كاوه الى اسم يخص بلدنا العراق اليس اجمل

[sandy_usa]

    لماذا  هذا  الاسم  بالذات؟  لماذا  لايكون  اسم  العراق من ضمن  المنتدى

[IRAQI HAWK]

اي خوشاقتراح  اختي ساندي

بس اذا هيجي انت تحبين العراق ولازم يذكر بكل مكان لعد ليش يم اسمج كاتبه USA

ليش مو IRAQ  ؟؟ انتظر جوابج

[✪KlaRa ALmaRghi✪]

المنتدى اسمه عنكاوا مو عين كاوه

سوالك حلو عراقي هوك ليش USA

[عاشقة هيثم يوسف]

صدك ليش متخلين اسمك ساندي العراقية احسن من ساندي امريكا اذا هلكد تحبين العراق

اتصور كل واحد يشوف نفسة الاول وبعدين ينطي اقتراحات  وهذا اقتراح مثل ما حظرتك اقترحتي

تحياتي الج

بسمة بغداد

[C.RoNaLdO]

اي خوش اقتراح  اختي ساندي

بس اذا هيجي انت تحبين العراق ولازم يذكر بكل مكان لعد ليش يم اسمج كاتبه USA

ليش مو IRAQ  ؟؟ انتظر جوابج

[ღ♥ღ LoVely__87ღ♥ღ]

لوووول

لا تعليق

الي جاوبووو كفوه

[sandy_usa]

  عجيب!!!!!   انتو  لي  هسه  مجاوبتوا  سؤال؟  ما عليكم  باسمي

هذا  اسم  حركي؟  بس  عيب  عليكم ما تعرفون  اتجاوبون  سؤال

بسيط؟  هاي انتم  مجرد  عركات

[✪KlaRa ALmaRghi✪]

شنو مجاوبنا على سوالج الاخ بيرج جاوب على سوالج شنو لالازم مقريتي الرد ؟؟؟

الاخت ساندي,,
كلمة عنكاوا,,وليست عين كاوه,,
اتركك مع هذا الرابط والذي هو في اعلى الصفحه لمنتدانا,,
   
                                                ( مدينة عنكاوه اعراقيه) 
عنكاوا مدينة كلدانية صغيرة تقع في شمال غرب مدينة اربيل ( أقدم مدينة مأهولة في العالم)  في شمال العراق. تبعد عن اربيل حوالي اربعة كيلومترات. يقدر سكانها بـ 20000 نسمة الاغلبية العظمى منهم ينتمون الى الكنيسة الكلدانية الكاثوليكية.
 سميت  عنكاوا في القرون القديمة بـ عمكا-اباد وثم عمكو ، عمكاوا و اخيرا عنكاوا. ذكر اسم البلدة في كتب تاريخية مختلفة منها كتاب ابن العبري ( مختصر تاريخ البلدان ) حيث يقول الكاتب: هاجمت القوات المنغولية منطقة اربيل يوم الاحد من يوليو 1285 ووصلت الى بعض القرى ، كانت احدى تلك القرى عنكاوا.....الخ. كذلك تم ذكر اسم عنكاوا في كتاب (بلاد اشور المسيحية) الذي كتبه (جان موريس فيه) الفرنسي ، حيث يذكر فيها الكاتب مراحل تغيير اسم البلدة في القرون المختلفة.

تم ذكر اسم البلدة ايضا  من قبل المؤلف الفرنسي اولييفير في كتابه الموسوم (رحلة اولييفير الى العراق 1794-1796 ).

من الشواهد التاريخية الاخرى التي تؤكد العمق التاريخي ل عنكاوا هو الحجران اللذان وجدا في عام 1995 في كنيسة مار كوركيس منحوتة عليها كتابات باللغة السريانية. ما يلي بعض المعلومات عن هذه الاحجار:

الحجر الاول: حجر أصفر عرضه 40 سنتيمترا و طول 80 سم. النص المنقوش على هذا الحجر يقول أن كنيسة مار كوركيس تم اعادة بناءها في عام 816 م.

الحجر الثاني : ايضا فيه نص منقوش باللغة السريانية و يذكر عليه تاريخ وفاة القس هرمز عام 917 م. ويذكر فيه اسم عنكاوا كما كانت تسمى انذاك (عمكو).

أن احد اسباب بقاء البلدة لحد الان في هذه المنطقة و حسب المؤلف الفرنسي جان موريس فيه، السبب هو قربها لمدينة اربيل أو نتيجة للمبالغ التي كان يدفعوها السكان في القرون السابقة الى حكام المدينة مقابل حماية لاهلها.

عنكاوا لها مواقع اثرية كثيرة منها:

مار عودا
تل مار عودا يقع شمال غرب عنكاوا و على بعد 4 كم على يسار الطريق المتجه الى قرية كزنة. تم تسجيل هذا التل ضمن المواقع الاثرية في العراق عام 1945 . من الملصقات السطحية التي دونتها الموسسة العامة للاثار عنه أنذاك هي:

1.     حافة واحدة لاناء اشوري

2.     كسرات من الفخار و شقف من الخزف يعود زمنه الى القرون المسيحية الاولى.

 من هذه الاثار نستنتج ان المسيحية دخلت هذه المنطقة منذ القرون الاولى للمسيحية. يذكر ان اسم الدير كان يدعى مار عودا او عبدا او عبدايشوع و يرقى تاريخه الى العهد الساساني 224-637 م.

 قصرة

يقع هذا الموقع اثري داخل القصبة في الشمال الرقي منها. كان قصرة الى الوقت القريب يستخدم كمقبرة للبلدة و ما تزال بعض القبور جاثمة فوقه لحد الان. سجل هذا الاثر في مديرية الاثار العراقية تحت اسم قصر (مقبرة عنكاوا- تل) و تحت تسلسل 218. ارفاع التل 10امتار و محيطه 600 متر. عثرت مديرية الاثار كمية من الفخار في الاثر.

 كذلك يوجد اثار اخرى منها : تلنتا- كرد مسينا ، مار سنيقا ،مزار مريم ، مار قرياقوز و مار يوسف.

 أما عن الكنائس الموجودة في عنكاوا فهي :

 كنيسة مار كيوركيس

 تعتبر الكنيسة احدى اقدم الكنائس في اربيل و قديمة جدا و يوجد في الكنيسة حجر يبين عليه ان الكنيسة تم تعميرها عام 816 م. مما يدل على ان الكنيسة اقدم من هذا التاريخ. تسع الكنيسة حاليا ل 700 مصلي .

 كنيسة مار يوسف

 بنيت الكنيسة عام 1978  على الطراز البابلي و تعتبر كنيسة متميزة في العراق حيث مساحتها 5000 متر مربع و تم تصميمها من قبل احد اساتذة جامعة موصل الاستاذ فريد مطلوب ، و بنيت بمشاركة اهالي عنكاوا و المتبرعين. واجهة الكنيسة تعتبر اجمل جزء من الكنيسة حيث تشبه بوابة عشتار في بابل القديمة. تم استيراد ناقوسا الكنيسة من فرنسا . هناك تمثال كبير للقديس يوسف في باحة الكنيسة .

من الاماكن المقدسة الاخرى يوجد قبة مارت مريم و مارت شموني حيث لكل منهم تاريخه و حكايته العريقة.


اخت ساندي,,
بعد قرائتك كل هذا,,
اليس من المفتخر ان ننتمي لهذا الاسم العراقي الاصيل؟؟؟؟؟؟

                      انتظر ردك؟؟؟؟؟؟؟؟؟؟؟؟؟؟؟؟؟
 
 

[ɱЯ.ŠɧДЯǾkəəή]

مساء الخير

اول شي منورة اختي العزيزة منتديات عنكاوة وبالاخص استراحة المنتديات

طبعا سؤالج جاوب عليه الاخ العزيز بيرج
وثاني شي هذا المنتدى معروف بين منتديات شعبنا باسم عنكاوة.. ومنتدانا احد اكبر المواقع الي تخص ابناء شعبنا..

والشي الي اريد الفت نظرج عليه انه استراحة المنتديات منتدى ترفيهي منوع وليش ساحة لطرح النقاشات او الاقتراحات..
يوجد منتديات في عنكاوة لمثل هذه الامور

للدخول الى منتدى سجل الزوار وباب الاقتراحات اضغط هنا

تــ7ــيتي ومــ7ــبتي
شــاروو

[ديراني]

اني رأي مو المهم الاسم اذا منتديات عنكاوة او كربلاء او علاوي الحلة

المهم هذا المنتدى جمهنا تحت محبة وحدة واتفاق واخوة

يعني ميهمني شنو اسم المنتدى

المهم الاشخاص الي بيه والمواضيع والفقرات الي بيه

كلتنا اهنا عائلة وحدة

عراقين وبس نضحك ونتشاقة سوية

نبجي ونحزن سوية

هذا يالنسبة الي اهنا بالمنتدى اما الاسم فليكن منتديات باب الطوب مومشكلة الاسم


 

[IRAQI HAWK]

زين شنو قصدج حركي <<يعني كشخه>>



زين اكو منتديات هم عراقيه بس متحمل اسم عراق  يعني ليش بس منتدى عنكاوا لازم يتغير الى شي ثاني



واذا غيرنا وبعدين شراح يتغير

 الاعضاء نفسهم والاداريين نفسهم والزوار نفسهم يعني شراح يختلف

[كوكي]

اولا هلا بيج ساندي بمنتديات عنكاوا

ثاني شي مثل مكال الاخ ديراني الاسم مو فد مشكلة المهم المضمون وهل منتدى احد اكبر المنتديات والي جمعنا كلنا بيه وبقينا عائلة وحدة

فاعتقد الاسم ما يقدم ولا ياخر

تحياتي كوكي

[njmat_alba7r]

  _____________ لاتعليق ________

[iraqi_live]

خوش مقترح

ونعم الراي اخت ساندي تلعفر 
العفو ساندي امريكا

[georges.boutani]

العنوان لا يقدم ولا   ويؤخر وهل يستطيعون ان يلبو طلب
الجميع وحسب إعتقادي ان إختارو عنوان شامل يكون
وادي الرافدين
جورج يوسف البوتاني
فرنسا ليون

[نادر البغـــدادي]

أقترح أن يسمى المنتدى بأسم {{{ منتدي عينكاوا العراقي }}} لأن عينكاوا مدينة عراقية منذ القـــــــــدم !!! ... هذا رأيي الشخصي .. والأمــــر يعود لكم . وشكرا ... 
تقبلوا تحياتنــــــــا .
دجلة ...

[hamada2]

اسف احبتي جميعا

لكن خلل ما عند غلقي المنتدى وحاولت الدخول مرة ثانية وجدت نفسي هنا وقراءت الموضوع

وحبيت اشارك بيه لان قريت مشاركاتكم وحبيت هم اشارك

مع التحياتللجميع

[Safaa Alkhrkhy]

لاتعليق

[** يدكو **]

هي من مدننا العزيزه ولنا اعتزاز فيها شكرا لسوالج

[مظلومه سوادي]

خويتي ساندي جا شبيج

عينكاوا مدينه شمال العراق

قابل بالصين

[** يدكو **]

سبحانك ربي ..

[ĈAŃDŶ]

عيني تغيير الاسم مو شي سهل

لان كله تأرشف بكوكل وانشهر بكوكل بسم عنكاوا


هذا تعب سنين  مو يوم ويومين يبدلون الاسم ويطلع بكوكل