المحرر موضوع: فلوريدا  (زيارة 11946 مرات)

0 الأعضاء و 1 ضيف يشاهدون هذا الموضوع.

غير متصل omer99

  • عضو
  • *
  • مشاركة: 10
    • مشاهدة الملف الشخصي
فلوريدا
« في: 12:47 05/11/2009 »
سلام عليكم
اخوتي سفري يوم 10/11 الى امريكا من تركيا وسوفه اهبط في ولايه فلوريدا مطار اورلاندو ما هو رايكم في البقاء فيها علما انه ولايتي بنسلفانيا .اريد معلومات عن ذالك شاكرا تعاونكم مع اخوكم الدائم عمر


غير متصل Revolver

  • عضو مميز
  • ****
  • مشاركة: 1131
  • الجنس: ذكر
    • مشاهدة الملف الشخصي
رد: فلوريدا
« رد #1 في: 12:52 05/11/2009 »
صار اخوية العزيز, لحظات واجيبلك بعض المعلومات عن فلوريدا .

ريفولفر

غير متصل Revolver

  • عضو مميز
  • ****
  • مشاركة: 1131
  • الجنس: ذكر
    • مشاهدة الملف الشخصي
رد: فلوريدا
« رد #2 في: 12:56 05/11/2009 »
اخوية العزيز جبتلك بعض المعلومات من ردود الاخوة الاعضاء,

نُبذة عن الولاية :

ولاية فلوريدا بلاشك من أجمل الولايات الأمريكية تمتاز‎ ‎بالمدن الجميلة والشواطئ الساحرة مثل ‏شواطئ ميامي وديتونا التي تعتبر مراكز جدب‎ ‎للسياح من جميع أنحاء العالم. وتدخل الولاية من ‏السياحة اكثر من 50 مليار دولار في‏‎ ‎السنه وهو رقم يعادل ميزانيات دول كبيرة. وتمتاز بوجود ‏مدينة العاب ديزني العالمية‎ ‎في مدينة اورلاندو وعموماً اقتصاد الولاية يعتمد على السياحة والزراعة ‏والتصنيع‎. ‎ويقدر عدد سكان الولاية بأكثر من 17 مليون نسمة. والولاية محاطة بالمياة والغابات‎ ‎الأستوائية وهي ولاية خضراء من الطراز الأول. وتمتاز بزراعة البرتقال دون منازع‎. 

اجواء الولاية‎.

تعتبر ولاية فلوريدا من‎ ‎أفضل الولايات في الشتاء يعني ترتاح من برد أمريكا والجو فيها يكون روعه ‏ومناسب‎ ‎للسياحه‎.
وفي الصيف حر ورطوبه (بس مو زي حرنا ) يعني تتراوح دارجات الحرارة في‎ ‎الصيف بين 30 – ‏‏40 درجه‏‎ .

الأسعار‎.

بما إن‎ ‎الولاية سياحية فلأسعار تختلف كثير بين المدن فيها ففي المدن السياحية تكون الأسعار‎ ‎مرتفعه نسبياً مع المدن ألصغيره فيها‎.
ففي المدن الكبيرة مثل ميامي وأورلاندو‎ ‎تكون الأسعار أغلى من الأسعار مدينه صغيره مثل مدينة ‏ملبورن ألخلاصه إن الولاية‎ ‎تعتبر ولأيه معقولة من ناحية الأسعار‎.

عيوب‎ ‎الولاية‎.

الأعاصير فقط (الأعاصير فيها مو خطيرة يعني تقدر تتفرج‎ ‎عليها‎)

مميزات الولايه‎.

سياحية يعني مارح‎ ‎تمل فيها ابد فيها ميامي وأورلاندو وفيها كثير أماكن سياحية في قمة‎ ‎ألروعه‎.
الأسعار رغم إن الولاية سياحية إلا إن أسعاره معقولة جدا وأنا زرتها‎ ‎شخصيا مو غالية ابد زى ‏نيويورك او كاليفورنيا‎.
الشعب طيب فيها وما يفرق بين عربي‎ ‎أو مكسيكي أو يأباني‎ .

معلومات عن بعض مدن‎ ‎الولاية‎

مدينة تامبا فهي جميلة وخضراء وتقع على الساحل الغربي‎ ‎للولاية. وهي ثالث اكبر مدينه في ‏فلوريدا وسكانها يزيد على 300 ألف نسمة نصفهم من‏‎ ‎البيض. وجوها معتدل والاختلاف طفيف في ‏الحرارة في الشتاء والصيف. وتبعد 200 ميل عن‏‎ ‎ميامي وتمتاز بالماكولات البحرية ومطاعم رائعة ‏على الشاطئ. وكدلك يوجد بها بعض‎ ‎البحيرات والمنتزهات الجميلة ومراكز تسوق كبيرة والمتاحف ‏التاريخية والعمليه وغيرها‎ ‎العديد من اماكن جدب السياح. والمدينة نظيفة وهناك قوانين صارمة ‏للمحافظة على‎ ‎نظافتها. ويوجد بها مركز اسلامي ومحلات عربية. أسعار السكن جيدة في حدود ‏‏700 دولار‏‎ ‎تقريباً لشقة مكونه من غرفتين ومطبخ وصالة طعام وصالة جلوس. ويوجد العديد من‎ ‎السعوديين في تامبا وهي مدينة مشهورة في الملحقية‎.
والحياة في تامبا هي باختصار‎ ‎سياحة ودراسة وفلة شباب‎ 

مدينة ميلبورن‎ Melbourne ‎تقع على الساحل‎ ‎الغربي للولاية ويبلغ عدد سكانها حدود 76 الف ‏نسمة غالبتهم من البيض 80% والسود 10‏‎% ‎بالاضافة لاعراق اخرى. جوها معتدل على طول ‏السنه. وهي مدينة سياحية بالدرجة الاولى‏‎ ‎وتمتاز بشواطئها ومراكز التسوق الكبيرة والمطاعم ‏المقابة للشواطئ. وتبعد ساعة واحدة‎ ‎عن مركز كيندي الفضائي‎ Kennedy Space Center ‎وساعة ونصف عن مدينة العاب ديزني لاند‎ ‎العالمية. وهي جميلة بصفة عامة واسعارها معقولة جداً ‏من ناحية‎ ‎السكن‎.

مدينة جاينزفيل‎ Gainesville ‎تقع شمال الولاية وهي صغيرة‎ ‎ولايتجاوز عدد سكانها 96 الف ‏نسمة يشكل البيض فيها 65% والسود 24% والامريكيين‎ ‎الجنوبيين 7%. جوها معتدل طول السنة ‏مع ارتفاع نسبي لدرجة الحرارة في الصيف وانخفاض‎ ‎نسبي في الشتاء ولاينزل فيها ثلوج. ويوجد ‏بالمدينة 7 مراكز للتسوق والعديد من‏‎ ‎البحيرات الساحرة. وهي مدينة مهمه في شمال فلوريدا حيث ‏تعتبر مركز تجاري وتعليمي‎ ‎وثقافي وفيها اقدم واكبر جامعة في الولاية‎ The University of ‎Florida . ‎وتعتبر من‎ ‎اجمل مدن فلوريدا من حيث الطبيعة ووجود الغابات الطبيعية التى تحيط بها ‏وتغطي 60‏‎% ‎من مساحة المدينة. وتعد من أفضل عشر مدن امريكية للنشاطات الترفيهية مثل ‏صعود‎ ‎الجبال وسباقات الجري والدراجات. وبها ايضاً يتمتع السكان بزيارة الكهوف الجميلة‎ ‎والصيد ‏في البحيرات والابحار فيها. بالاضافة لدلك فالمدينة قريبة من خليج المكسيك‎ ‎والمحيط الاطلنطي. ‏ويوجد بالمدينة الكثير من المحلات الجميلة والمطاعم الراقية‎. ‎الاسعار مرتفعة نسبياً ولكن تستاهل ‏المدينة‎.

مدينة سينت بيترسبرق‎ ‎تقع‎ ‎في غرب فلوريدا وهي جميلة جداً ورابع اكبر مدينة في فلوريدا ويبلغ ‏عدد سكانها حوالي‎ 250 ‎الف نسمة يشكل البيض 67% والسود 23% والأمريكيين الجنوبيين 5% ‏بالاضافة لبعض‎ ‎الاعراق الاخرى. وجوها معتدل طول السنة ولايهطل بها ثلوج وتكثر بالمدينة ‏المسطحات‎ ‎المائية الممتدة من المحيط مما يزيدها جمالاً وتكثر بها البحيرات والجداول والانهار‎ ‎الصغيرة. بالاضافة للعديد من مراكز التسوق والمطاعم والمقاهي الجميلة على شواطيئها‏‎. ‎وبها 125 ‏منتزه عام تمتاز بجمالها بالاضافة للعديد من المتاحف والمسارح السينمائية‎. ‎وهي ملاصقة للعديد ‏من المدن الصغيرة ممايجعلها اكثراً امتداداً على الشواطي‎ ‎والمناطق الداخلية. وبها العديد من أماكن ‏جدب السياح. المدينة رائعة بشكل عام‎ ‎واسعارها مرتفعة نسبياً‎.

مدينة ديلند‎ DeLand ‎تقع شمال غرب الولاية‎ ‎وهي بعيدة نوعاً ما عن مناطق الاعصار الجنوبية ‏ولكن دائماً يتحسبون لكل الاحتمالات‎. ‎فمثلاً معظم الدوائر الحكومية والتعليمية في ديتونا ودي لاند ‏اغلقت ابوابها لعدة‎ ‎أيام تحسباً لاي مشاكل من الأعصار الأخير. وعلى العموم يبلغ عدد سكانها ‏حوالي 23‏‎ ‎الف نسمة يشكل البيض 70% والسود 20% والامريكيين الجنوبيين 8% واعراق ‏اخرى بنسب‎ ‎صغيرة. وجوها معتدل طول السنه ولايهطل بها ثلوج. المدينة سياحية كما تعلم وبالقرب‎ ‎من الاماكن السياحية الاخرى حالها حال معظم مدن فلوريدا. وطالما انها تبعد عن‏‎ ‎ديتونا عشرة اميال ‏فانت تعتبر نفسك ساكن في ديتونا: واحدة من اجمل مدن أمريكا‎ ‎الشاطئية. ولاتنسى اورلاندوا القريبة ‏منها. على العموم تمتاز دي لاند بكثرة الأشجار‎ ‎الكثيفة التى تظلل احيائها وتكثر بها ايضاً البحيرات ‏والانهار والجداول بالأضافة‎ ‎لبعض المنتزهات‎. 

مدينة جاكسونفيل‎ ‎تقع في شمال دي لاند وتبعد عنها‎ ‎حوالي 90 ميل. وهي مدينة ساحلية كبيرة ‏وميناء هام ويبلغ عدد سكانها اكثر من 700 الف‏‎ ‎نسمة يشكل البيض فيها 62% والسود 29% ‏والامريكيين الجنوبيين 6% بالاضافة للاعراق‎ ‎الاخرى. وجوها معتدل على طول السنه ولايهطل بها ‏ثلوج. ويكثر بالمدينة الانهار‎ ‎والجداول الصغيرة بالاضافة الى المنتزهات الجميلة. وتنحصر المدينة ‏مابين المحيط في‎ ‎الشرق والغابات في الغرب. وهي تحديداً تقع على ضفة نهر جميل اسمه سينت ‏جون‎ St. Johns River ‎وهو اطول نهر في الولاية والدي يصب في المحيط. وبها العديد من ‏الانشطة‎ ‎الترفيهة على مدار السنة بالاضافة لمحلاتها ومطاعهما ومراكز التسوق الجميلة فيها‎. ‎ويوجد بها مراكز أسلامية‎

بواسطة العضو المتميز : عكعك التطوى

منقول - ريفولفر

غير متصل Revolver

  • عضو مميز
  • ****
  • مشاركة: 1131
  • الجنس: ذكر
    • مشاهدة الملف الشخصي
رد: فلوريدا
« رد #3 في: 13:08 05/11/2009 »
عن الاخ : انور الجلبي,

بالنسبه للشغل ابن عمي وصل بالشهر ال ثاني 2009 ,الشهر الخامس 2009 اشتغل عامل بالوالمارت
يصفط بضاعه
لغته الانكليزيه جيده جدا
لان كان يعمل بالسفاره الاميركيه وهوه خريج ابتدائيه
وهاي همين انته وتقديرك
بالنسبه للايجار
اهلي مأجرين شقه غرفتين وصالون والمنتفعات ب 675 دولار
اول شهرين ع المنظمه
و شهر ع صاحب البيت ببلاش
والبيت يقع في مجمع سكني يملكه هذا الشخص
العنوان
art museum drive,jacksonville,FL

مع التحيه

عن الاخ : Mecko

اكو  بنية ويانة وصلت هم لفلوريدا لجاكسن فيل قبل تقريبا شهر بس عافتها وراحت ديترويد  لان جانت كلش غاليا ما اعرف هي معرت تختار المكان الزين حتى تسكن بي او هو فعلا هذي المنطقة غاليا اجرت غرفة ب 60 دولار باليوم وطبعا تضمن خدمات الانترنت وغسل الملابس وبقية الخدمات الاساسية طبعا اتكول على جاكسن فيل كلش حلوة.

 اني مكان سكني بمدينة اسمها سلبريشن تابعة لورلندو تقريبا صايرة جيران لجاكسن فيل

عن الاخت : aseel_msb

ما اتصور جاكسونفيل او فلوريدا اغلى من ديترويد نقلا عن كلام اقاربنا هناك انه الملابس و الاكل رخيص و المدينة جميلة و هادئة و اتجاهات العمل اكاديمية نسبيا يعني مو مصانع مثل ديترويد  يقولون انه دائما قطاع التعليم و الصحة يحتاج موظفين في جاكسونفيل و المدينة جميلة و جوهة حلو ماكو برد مثل الولايات الشمالية بالنسبة للايجارات اخو زوجي ماجر بمنطة جيدة شقة ثلاث غرف ارضي اطلالتهة حلوة و طبعا المطبخ كامل التجهيزات الكهربائية مع غسالة الملابس ب 800$ شهريا يعني مع معدل الولايات الاخرى تقريبا
الجمعية كانت متعاونة معاهم و الايجار اعطتهم اول ثلاثة شهور فقط مع مبالغ مالية ما اعرفهة بالضبط  و اعطتهم اثاث الضروري لكن يقولون الجمعية تحاول تساعد على قد ما تقدر و على قدر التخصيص اللي عدهة و اكيد الجمعيات يختلفون وحدة عن الثانية
بالنسبة لمدارس الاولاد جدا مرتاحين و متعاونين معاهم

عن الاخ : انور الجلبي

بالنسبه لجاكسونفيل
بيت عمي وصلوا قبل شهر لهناك
وهسه مستقرين
جاكسونفيل تسمى مدينه الكنائس ويقال انو اهلها محافظين
يعني محافظين مال امريكا مو مال العراق هههههههههه
اخي اني ع اتصال وياهم وهمه حسب ما يكولون انو الاسعار هناك بالعموم مثل العراق
طبعا مامتأكد اني من هذا الكلام,بس هذا كلامهم همه
بالنسبه للايجار دفعت المنظمه عنهم شهرين وهمه نفرين بس(زوجه عمي وبنتها)
وهسه قدموا طلب عن طريق موظفه عراقيه بمكتب شقق الدخل الواطئ
وع اساس انو راح ينتقلون لهناك (شقق الدخل الواطئ او ما يدعى ب low income )
وكالوا عن هذا المنطقه اللي بيها الشقق مال الدخل الواطئ انو منطقه زينه ولا بأس بيها
واني طبعا بعدي بسوريا فسألتهم سؤال حتى اكون عايش اللقطه
ياهي الاحسن والارقى: منطقه شقق الدخل الواطئ لو العامريه (العامريه منطقه سكني ببغداد وتقع غرب بغداد وتجاور الغزاليه وحي الجهاد)كالوا اوووووووووووووه شجاب العامريه عليها (وانته قيسها)
اتمنى انو انطيت صوره عن جاكسونفيل منقوله عن كلام بيت عمي اللي صارلهم شهر هناك
بالنسبه لشقق اللو انكم الايجار 25 دولار والكهرباء والماء والخدمات ما فوق ال75 دولار انته تدفعه وما دون ال75 ما تدفع.
اخوك واخو المنتدى اللي تعب من اكل الفول والفلافل والمسبحه والشنكليش

عن الاخ : rafid82

اخي الكريم جاكسن فيل  لان مدينة جديدة صارلة حوالي 20 سنة من مبنية  وهيه هادئة  مابيها مشاكل و بيها عرب  والمنطقة كلش حلوة  منطقة غابات واتصور الاخت أسيل وضحت هذا الشئ   واني هم اهلي هناك مرتاحين والحمد الله  وبالنسبة للاهل همه هسة ساكنين ببيوت ايجارها 600$ دولار مع الماء والكهرباء  وثاني شئ من مميزات هاي المدينة الاعاصير جدا قليلة  مو مثل ميامي أو غيرها و انت تكدر بالبداية اتروح لمينتك واذا ما عجبتك غيرها   ترة الشغلة عادية كلش اني اهلي كانوا بميامي  ماعجبتهم وهسة انتقلوا بجاكسن فيل بالمناسبة حتى الدروس مال المدارس تختلف من مدرسة المدرسة لان اخواني  شافوا فرق هواي من ميامي لجاكسن فيل  لان كتلك ميامي بيها اسبان و كوبيين   كلش هواي وترة هاي النماذج محد يجرعهم

 بالنسبة للشغل انت و حضك  بصراحة يعني اني زوج اختي خبير  بالكهرباء و بمحطات التوليد   ولحد الان ما لاكي شغل لان اتصور اكو شغلات واجهزة ماشايفهه بحياته  بس الان هو راح يدخل دورة تدريبية ولو غالية  بس راح يدخلها  و خلي ابالك اخي انه انت مو شرط بس ادور شغل بولايتك اخي الكريم عندك 52 ولاية  فلازم اتجرب حظك هناك  وبالنسبة لاهلي اني والدي عمرة كبير  و يستلم راتب تقاعدي  و كذلك والدتي  فأن شاء الله اتروح  وتلكة شغل  يعني بالبداية لاتخلي ابالك تشتغل بشهادتك  لا  بالبداية اشتغل اي شئ  اني اخوية هم مهندس و هسة يشتغل بمطعم براتب 1000 دولار بالشهر الله اسهل امرك  ولاتهتم ترة الارزاق بيد الله  وبالنسبة للنساء هم اكو فرص عمل الهن  يعني بحضانة مال اطفال براتب 800$  واكو غيرها   واكو شغل بالمول مثلا واكو شغل ليلي  او بدوام جزئي  فان شاء الله  رزقك يم الله  وبالتوفيق

عن الاخ : شاعر الرومانسيه

السلام عليكم شباب  اني  فلوريدا  مدينه اسمها تامبا تبعد عن جاكسفيل تقريبا 300 ميل او
اربع ساعات بالسيارة طبعا للعلم مدينه اورلاندو تعتبر احسن مدينه بالولايه وبيها الشغل متوفر
واسعار الشقق مناسبه  لان مدينه سياحيه بسبب مدينه الالعاب الي بيها تبعد عني اورلاندو
150 ميل يمكن  نسيت اني واصل صار شهرين يعني كلامي مو تاخذوة راس مال من البدايه اكلكم
بس هذا الي  دا اسمعه واتبع اخبارة...
احجي  عن المساعدات  3 اشهر  دفع ايجار  الشقه زائد راتب 180 دولار هذا يتعبر مساعدة لدفع
الماء والكهرباء ينزل لك فود ستامب وتامين 8 اشهر
المنظمه مالتي لوثرن سيفرس فلوريدا   الحمدلله  المنظمه كلش متعاونه  وصدك تحب تخدمك لان
اكثرهم كانو مهاجرين ويعرفون احساسك شنو هو  والمخاوف الي انت بيها المساعدات  3 اشهر
العائله  اذا محد اشتغل  بيهم  يتحول الى برنامج عاطلين عن العمل ينزله 450 دولار تقريبا وفود ستامب

انطوني اثاث زين يحاولون بشتى الطرق يساعدوك  اي معلومه تريدها يقدموها  او نصيحه ما يتاخرون
هذا اهم شي بس يكلك الامكانيات  مالتنا محدودة الجو تقريبا جوة البصرة حار ورطوبه عاليه ما احجيلك
يعني  حياة بطه  مع ذلك ارحم من البرد لان اكرة الثلج ايجار شقتي  600 دولار  الماء زين تقريبا 25
دولار  الكهرباء  غاليه لان اني وصلت بوقت لا تبريد ولا تدفئه الجو زين اجاني  50 دولار  سالت من
يجي الصيف شلون  كالو حسب الاستخدام هوايه يوصل 300 دولار وانت قيس المعدل الطبيعي
لناس تشتغل وترجع بليل تنام وتشغله من 150 الى 200  طبعا المدينه خلط امريكان واسبان
يعني  احسن من ميامي لان  من نزلت بيها  انصدمت كلها تحجي اسباني وعرفت ما تكدر تشتغل
اله تتقن اللغه الاسبانيه
حبي اسال عن مدرسه اسمها الكاريبي سكول  هاي  تقدملك خدمه اي اختصاص تريد تاخذ بيه
دورة تنطيك بلاش  مجانا حاسبات ميكانيك خياطه حلاقه محاسبه حدادة مساعد طبيب اي شي
هوايه اختصاصات وكلها مجانا  وان شاء الله اني سجلت على دورة بس مو هسه تنفتح لان
من سجلت كانت بادين بيها فانتظر  يبدي الكروس من جديد تصليح اجهزة طبيه

اعرف طولت عليكم  وللحديث بقيه ولو اني  قاطع عن المنتدى صار فترة لان شويه امور مشغول بيها
واي شي اني بالخدمه وحاضر لعيونكم شباب  وان شاء الله اهل  ونتشرف  بيكم
تحياتي للجميع  ويحفظكم ربي وبالتوفيق

عن الاخ : Mathew

هلاً وسهلاً بك في ولاية فلوريدا
انشاءلله توصل بالسلامة وتستقر وترتاح
اخي الشغلة مابيه اي تعقيد بكل محطة راح يكون بأستقبالك شخص عدا محطة واحدة في امريكا يمكن ان تعتمد فيها على نفسك بالمطار وهي المحطة مابين ولايتك والولاية التي ستهبط بها للمرة الاولى وكل شئ سيكون على مايرام وفي فلوريدا سيستقبلك وفد المنظمة ( واذا بجاكسونفيل) اخوك راح يكون على راس الوفد كالعادة هاهاها ( تره كل مرة اكو عراقيين يتناوبون على استقبال اخوانهم و مساعدتهم ) ولا اكو وفد ولا رئاسة هذا الموديل بس بالعراق .... هنا قمة بالبساطة وهذا ما يجب ان تتوقعه في حياتك المستقبلية الجديدة ... كل شئ راح يكون على المقاس الشقة ميز الاكل المطبخ ... واذا ممقدم على المساعدات الفدرالية فانه المنظمة هي الي راح تتكفل بذلك ويحددولك كيس مانجر وهو الي يساعدك بانجاز التالي
التلقيحات والفحوص الطبية
التأمين الصحي
رقم الضمان الاجتماعي
هوية فلوريدا
اجازة السوق
هوية ترخيص العمل
فتح حساب بالبنك
وغيرها من الامور التي ستنشغل بها في الشهرين الاول والثاني وانشاءلله احنا ما نقصر وياك ونتمنالك السفر السعيد الهانئ وسلامة الوصول
اخوك ماثيو


منقول - ريفولفر

غير متصل haitham40

  • عضو فعال جدا
  • ***
  • مشاركة: 216
    • مشاهدة الملف الشخصي
رد: فلوريدا
« رد #4 في: 13:22 05/11/2009 »
اخي الكريم انت مخصصه لك ولاية بنسلفانيه وهناك مستعدين الى استقبالك من مسكن ومآكل وتخليص معاملات ومراجعات مهمه .. اما في اورلاندو فسوف لن تجد كل هذا وائنما سوف تحتار ابروحك الا اذا كان هناك من رتبت معه مسبقآ لي استقبالك

غير متصل eng.a7med

  • عضو فعال جدا
  • ***
  • مشاركة: 269
    • مشاهدة الملف الشخصي
رد: فلوريدا
« رد #5 في: 13:26 05/11/2009 »
الاخ العزيز صاحب الموضوع

معلوماتي عن مدينة  اورلاندو حلوة بس كلش حارة نار بشهر الثامن اني جنت بيها و كلش غالية لان سياحية و بيها دزني للاند و استوديوهات اليونيفيرسال الجالية العربية و الاسيوية و المكسيكية متواجدة بكثرة طبعا اورلاندو بيها اماكن روعة مثل البناية الي مبنية بالعكس و مطاعم عربية و هندية و المدينة متنام يعني المولات و المطاعم تبقى للفجر تقريبا اما باقي الامور فما اعرف اعذرني .
 تحياتي الك

و تقبل مروري

غير متصل omer99

  • عضو
  • *
  • مشاركة: 10
    • مشاهدة الملف الشخصي
رد: فلوريدا
« رد #6 في: 19:38 05/11/2009 »
شكرا جزيلا اخ عكعك التطوى والى كل من تعاون ورده على الموضوع
ولو الشكر قليله بحقك ياذهب الله يكثر من امثالك وجزاك الله خير الجزاء وجعلها في ميزان حسناتك وشكرا لكم جميعا اخوكم عمر

غير متصل عكعك التطوى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7202
    • مشاهدة الملف الشخصي
    • البريد الالكتروني
رد: فلوريدا
« رد #7 في: 20:36 05/11/2009 »
شكرا جزيلا اخ عكعك التطوى والى كل من تعاون ورده على الموضوع
ولو الشكر قليله بحقك ياذهب الله يكثر من امثالك وجزاك الله خير الجزاء وجعلها في ميزان حسناتك وشكرا لكم جميعا اخوكم عمر

عزيزي الشكر للاخ ريفولفر  وبقيه الاخوه لانهم هم الذين قدمولك المعلومات مشكورين
تقبل تحياتي والف مبروك وتوصل بالسلامه ان شاء الله