المحرر موضوع: ولاية فلوريدا  (زيارة 10892 مرات)

0 الأعضاء و 1 ضيف يشاهدون هذا الموضوع.

غير متصل snoopy

  • عضو فعال جدا
  • ***
  • مشاركة: 262
    • مشاهدة الملف الشخصي
ولاية فلوريدا
« في: 21:59 08/03/2010 »
اخواني الاعزاء اني افكر بالانتقال الى ولاية فلوريدا يا ريت الي عنده معلومات عن هذه الولاية بالنسبة للعمل و غيره ياريت يرفدنا بالمعلومات

اخوكم سنوبي


غير متصل Cpt_Ali

  • مبدع قسم الهجرة
  • عضو فعال جدا
  • *
  • مشاركة: 547
  • الجنس: ذكر
  • Lakewood, Colorado
    • مشاهدة الملف الشخصي
    • http://www.liveleak.com/user/IRAQI_TRANSLATOR_USMC
رد: ولاية فلوريدا
« رد #1 في: 23:41 08/03/2010 »
أني خالي من سكان فلوريدا مدينه تامبا Florida Tampa ونصحني ان ما اجي لمدينه تابما لانه شغل ماكو وكلش صعبه ان تلاكي شغل بيها, وعندي صديق همين عايش بتامبا سافر لامريكا قبل سنه تقريبا عن طريق الSIV, وهمين نصحني ان ما اجي بيها لانه المنظمات الي بتامبا كلش عاويه وشغل همين ماكو, وهواية من اصدقائي همين نصحوني ان ما اروح لولاية فلوريدا وكلهم يكلولي الجو كلش حار ورطوبة واعاصير وشغل ماكو وكلها زنوج وجرائم لبو موزة (ضلموها بوجهي)  :o :o :o

أني اعرف مرية امريكية جانت العقيد مال وحدتي بالعراق وهيه همين من ولاية فلوريدا بس عايشه بمدينه ميامي ونصحتني ان أجي يمها بمدينتها Miami beach وكلتلي الشغل كلش متوفر بمدينتها, كتلها مو جماعتي العراقيين يكولون فلوريدا كلش تعبانة وشغل ماكو وحارة واعاصير وجرائم (بس مكتلها جماعتي يكولون كلها زنوج لانه هيه زنجيه ;D) المهم ورة مكتلها العراقيين يكولون هشكل جان هيه اجاوبني بعصبيه وكلتلي هشكل نصا

 (مالك علاقة بحجي العراقيين, اني بنت هذا البلد وبنت مدينه ميامي واعرف شكو ماكو بمدينتي >:(, اني راح اجاوبك عن مدينتي الي هيه Miami فقط! ميامي هيه مدينه سياحية وبالنسبة للجو عادي بالشته بارده وبالصيف دافية ومرات تجي فترة اتصير حاره شوية حالها حال الولايات او الدول الاخرى, وبالنسبة للجرائم كلش قليلة بمدينه ميامي, وبالنسبة للاجارات كلش رخيصة يعني اذا اتاجر شقة مفروشة درجه اولى للشخص الsingle تتراوح من 400 الى 600 دولار, وب300 دولار همين اتحصل, وبالنسبة للشغل متوفر بكل مدينه ميامي والرواتب تترواح من 10 الى 14 دولار بالساعه واذا تشتغل بشغلات البناء فراتبك راح يتراوح من 18 الى 22 دولار بالساعه بس لازم يكون عندك شهاده! وتكدر اتحصلها بسهولة اذا اخذتلك دورة, هذا هو...هسه افتهمت لو لا؟) كتلها نعم سيدي افتهمت :-X

فأني اسمعت كلامها وقررت ان اروح لمدينتها, انشالله اول ما اوصل راح اعادل شهادتي بأول شهر وثاني شهر راح ادور على شغل الي يخص اختصاصي وبلكت الله يفرجها,

أي استفسار عندك بخصوص Miami اني حاضر اخابرلكياها واسألكياها عليها (بس بخصوص ميامي فقط) مو غير مدينه, لتروح اتصير عصبية مرة ثانية وترزلني  :D ;D

واتمنى من الاخوة والاخوات الي عايشين بغير مدن بفلوريدا ينطوك معلومات عن مدينتهم.
אלוהים ברך את אמריקה וישראל


غير متصل snoopy

  • عضو فعال جدا
  • ***
  • مشاركة: 262
    • مشاهدة الملف الشخصي
رد: ولاية فلوريدا
« رد #2 في: 00:30 09/03/2010 »
اشكرك اخي كابتن علي على جوابك
بصراحة ميامي مدينة الاحلام بالنسبة الي لكني ما رحتلها لظروف خاصة بس المشكلة هواي شفت كوبيين جايين من ميامي لمدينتي الي هيه كنساس ستي يكولون شغل ماكو بميامي و جايين يشتغلون يمنه

و الله ما ادري حرت و حيرني زماني

نتمنى من الاخوة العايشين هناك يفيدونا بالموضوع

تحياتي

سنوبي

غير متصل rafid82

  • عضو مميز
  • ****
  • مشاركة: 1514
  • There are no gains without pains
    • مشاهدة الملف الشخصي
رد: ولاية فلوريدا
« رد #3 في: 00:31 09/03/2010 »
تقع ولاية فلوريدا في أقصى الجنوب الشرقي للولايات المتحدة الأمريكية، ويعود اسم الولاية للكلمة الأسبانية فلوريدا بمعنى عيد الزهور أو عيد الفصح Easter .
واسم الشهرة للولاية هو ولاية الشمس المشرقة Sunshine State وشعارها هو نفس الشعار المكتوب على عملة الدولار الأمريكي وهو "نحن نثق في الرب In God we trust" وقد اتخذت هذه العبارة شعارا" لولاية فلوريدا عام 1868م وتشتهر هذه الولاية بشواطئها الجميلة التي تطل على المحيط الأطلنطي مثل شواطئ ميامي Miami ودايتونا Daytona وهى تعتبر من أفضل الولايات الأمريكية لصيد الأسماك ومن أشهر ممثلي السينما الذين ولدوا في ولاية فلوريدا الممثل الأسمر المحبوب سيدني بواتيه Sidney Poitier والممثل الأمريكي بيرت رينولدز Burt Reynolds . وتأوي ولاية فلوريدا ما يقرب من 255.000 مواطن أمريكي من أصل عربي وقد زادت نسبة عدد السكان من أصل عربي في فلوريدا بمقدار 57% في الفترة من عام 1990 وحتى عام 2000.
وتبلغ نسبة المسلمين في فلوريدا حوالي 5% حسب تقدير مجلس المنظمات الإسلامية بمدينة شيكاغو الكبرى Organizations of Greater Chicago ويوجد العديد من المراكز الإسلامية والمساجد في ولاية فلوريدا من أشهرهم مسجد الأنصار في عاصمة الولاية تالاهاس Tallahassee وكذلك مسجد المؤمنين في مدينة كليرووتر Clearwater .

معالم الولاية السياحية
• شاطئ ميامي Miami Beach.
• شاطئ النخيل Palm Beach .
• شاطئ دايتونا Daytona Beach.
• منطقة أورلاندو Orlando والتي تضم ملاهي عالم ديزني Disney World على مساحة 27 ألف هكتار وهى أكثر منطقة ترفيهية تجتذب الكثير من السياح.
• مركز كينيدي للفضاء Kennedy Space Center’s Spaceport وهو إحدى قواعد وكالة ناسا الفضائية في ولاية فلوريدا.
جغرافية فلوريدا
يحد ولاية فلوريدا شرقا" المحيط الأطلنطي وخليج المكسيك غربا" وجنوبا" المحيط الأطلنطي بينما يحدها شمالا" ولايتي جورجيا Georgia وألاباما Alabama .
وتتكون الولاية من 67 مقاطعة وتبلغ مساحتها الكلية 53.927 كم مربع.
وتحظى شبة جزيرة فلوريدا بمناخ لطيف وذلك لأنها محاطة بالمياه الدافئة للمحيط الأطلنطي وخليج المكسيك كما تهب عليها رياح باردة تعرف باسم الرياح التجارية Trade Winds كما تتمتع شبه جزيرة فلوريدا بشمس مشرقة ومناظر طبيعية خلابة.
ومن أهم الأنهار في فلوريدا نهر سانت مايرز St Marys في شمال غرب الولاية وكذلك نهر بيرديدو Perdido. كما تحتوي على عدة بحيرات من أهمها بحيرة أوكيتشيبو Okeechobee .
عاصمة الولاية مدينة تالاهاس Tallahassee ويبلغ عدد سكانها 153.938 نسمة ومن المدن الأخرى الكبيرة جاكسون فيل Jacksonville وميامي Miami وتامبا Tampa وسانت بترزبرج St. Petersburg واورلاندو Orlando .

تاريخ فلوريدا
في عام 1513 اكتشف الفرنسي بوني دي ليون Ponce de Leon ولاية فلوريدا عندما كان يبحث عن ينبوع الحياة المذكور في الأساطير القديمة وسماها فلوريدا وادعى ملكيتها لأسبانيا ولقد ظلت لفترة من الوقت ملك لأسبانيا وملك لإنجلترا في فترات أخرى حتى باعتها أسبانيا للولايات المتحدة عام 1819م.
وقبلها تعمدت فرنسا إنشاء مستعمرة لها في المكان الذي أصبح ولاية فلوريدا وذلك عام 1564 وسماها الفرنسيون فورت كارولين Fort Caroline .
ولقد شهد النصف الأول من القرن التاسع عشر لتاريخ فلوريدا حروبا" عديدة مع قبائل السيمونيل الهندية Seminole وانتهت هذه الحروب عام 1842.

سكان فلوريدا
حسب إحصائيات عام 2004 يبلغ عدد سكان ولاية فلوريدا 17.397.161 نسمة ويشكل البيض غالبية عظمى تبلغ 78% والأمريكيون الأفارقة 14.6% والأسيويون 1.7% والهنود الحمر 0.3% والأجناس المختلطة 2.4% والأمريكيون اللاتينيون لغتهم الأم الأسبانية 16.8% بالإضافة إلى نسبة سكان أخرى غير مذكورة في الإحصاء تقدر ب3%. وتبلغ نسبة السكان الذين يملكون منازلهم 72.2% حسب إحصاء 2004.
وتبلغ نسبة السكان الذين يعانون من الفقر 12.6% حسب إحصاء 2003.
وهذا بالمعايير الأمريكية (أي دخل أقل من 9.827 دولار سنويا" للفرد).
اقتصاد فلوريدا
يبلغ إجمالي الناتج القومي لولاية فلوريدا 553.709 مليار دولار عام 2003. ويبلغ متوسط الدخل السنوي للفرد 31.455 دولار.
ووصلت نسبة البطالة إلى 3.9% عام 2005.
يبلغ إجمالي إنتاج قطاع الصناعة للولاية 30.071 مليار دولار.
وإجمالي القطاع الحكومي 66.345 مليار دولار.
وقطاع التأمين 3.760 مليار دولار.
وقطاع الصحة 41.610 مليار دولار.
وقطاع الخدمات 15.489 مليار دولار.
وذلك طبقا" لإحصائيات عام 2003.
ويعتبر قطاع السياحة عصب اقتصاد ولاية فلوريدا حيث وصل إنفاق السياح الأجانب في ولاية فلوريدا عام 1996 ما يزيد على 48 مليار دولار وتعتبر ملاهي عالم ديزني الواقعة بالقرب من أورلاندو من أهم المناطق التي تجتذب الكثير من السياح وذلك لاحتوائها على العديد من أنواع الترفيه ذات المواضيع المختلفة وكذلك توجد استوديوهات شركة يونفرسال Universal Studios كما تستقبل شواطئ فلوريدا الساحرة مثل ميامي ودايتونا Miami & Daytona أعدادا" مهولة من المصطافين كل عام وتبلغ مساحات تلك الشواطئ حوالي 10.360كم مربع. وتعتبر فلوريدا في مصاف الولايات المتحدة المنتجة للبرتقال والموالح الأخرى مثل اليوسفي وتعتبر الذرة الجاهزة والطماطم من المحاصيل المهمة في ولاية فلوريدا.
كما تنتج فلوريدا محاصيل أخرى مثل قصب السكر والعديد من خضراوات الشتاء ، كما توجد أيضا" تربية الماشية ومنتجات الألبان التي لا تقل أهمية عن صناعة صيد الأسماك التي تتضمن الكابوريا وسرطان البحر والجمبري. أما عن الصناعات والشركات الأخرى تعتبر منطقة كيب كانيفيرل Cape Canaveral منطقة عامرة بشركات الأبحاث العلمية والإنتاج الدفاعي العسكري كما يوجد فيها مركز كيندي للفضاء.
ومن الصناعات الأخرى الحيوية في ولاية فلوريدا صناعة الأغذية ونشر المطبوعات والصناعات الكهربية ومعدات المواصلات ويعتبر الفوسفات من أهم المعادن التي تستخرج في فلوريدا.
كيف صوتت فلوريدا في الانتخابات الرئاسية
يبلغ نصيب فلوريدا 27 صوتا" من إجمالي أصوات المجمع الانتخابي التي تبلغ 538 ، وصوتت الولاية في انتخابات عام 2004 بنسبة 52% أو 3.955.656 لصالح جورج بوش في مقابل 47% أو 3.574.509 لصالح منافسه جون كيري أما في انتخابات عام 2000 فقد صوتت بنسبة 48.8% لصالح جورج بوش مقابل نفس النسبة لصالح منافسه آل جور. يحكم ولاية فلوريدا جيب بوش Jeb Bush وهو من الحزب الجمهوري وتنتهي فترة حكمه في يناير 2007.

ممثلي ولاية فلوريدا في الكونجرس الأمريكي
يمثل ولاية فلوريدا عضوان في مجلس الشيوخ أحدهما ديمقراطي والآخر جمهوري وخمسة وعشرون عضوا" في مجلس النواب منهم 6 ديمقراطيين و19 جمهوريين.
ممثلو الولاية في مجلس الشيوخ:
سيناتور ميل مارتينه Mel Martinez جمهوري يبقى في منصبه حتى يناير 2011. سيناتور بيل نيلسون Bill Nelson وهو ديمقراطي ويبقى في منصبه حتى يناير 2007. ممثلو الولاية في مجلس النواب:
وهم 25 عضوا" منهم:
الين بويد Allen Boyd وهو ينتمي للحزب الديمقراطي. ريس كيللر Rice Keller جمهوري.
جيم دافيس Jim Davis ديمقراطي.


جامعات فلوريدا
يوجد بالولاية العديد من الجامعات منها:
• جامعة فلوريداUniversity of Florida وقد تأسست عام 1853م ويبلغ عدد طلابها 47858 وهي من الجامعات الحكومية وتقع في Gainesville.
• جامعة وسط فلوريدا University of Central Florida وقد تأسست عام 1963 ويبلغ عدد طلابها 42568 طالب وهي من الجامعات الحكومية وتقع في مدينة أورلاندوOrlando.
• جامعة ميامي University of Miami وهي من الجامعات الخاصة وتأسست عام1925 وتقع في مدينة كورال جابليس Coral Gables ويبلغ عدد طلابها15250 طالب.
• كلية ميامي داد Miami Dade College وهي من الجامعات الحكومية وتأسست عام 1960 وتقع في مدينة ميامي Miami وعدد طلابها57026 طالب.
• جامعة ولاية فلوريدا Florida State University وهي من الجامعات الحكومية وتقع في مدينة تالاهاسي Tallahassee وتأسست عام1851 ويبلغ عدد طلابها 38431 طالب



أذا تريد اتروح هناك روح لمدينه جاكسونفيل  طبعا الشغل وين مااتروح انت وحظك بس هاي المدينه لاتروح لمنطقة ال north لان السود هناك مكونيين عصابات وبالليل وحسب كلام اهلي صدقني بالليل بعد التسعه محد اروح هناك بس باقي المناطق كلش زينه طبعا عموما هي ولاية فلوريدا سياحية  نصيحة لاتروح يم مناطق البحر يعني اللي قريبة من البحر لان هناك البارات تبدا من 12 بالليل وللصبح روح للمنطقة الجنوبية و كذلك الغربية اهلي هناك كلش مرتاحية  بس الشغلة الوحيده هناك  هي كثرة الحيوانات البرية طبعا ماأقصد الاسد او دب ههههه لا مثلا طيور مهاجرة سلاحف  بعض أنواع الافاعي  و صدقني الجهال متونسين هناك على السالفة بس لا يطلعلك تمساح ههههههه

غير متصل ريم عبد

  • نجم منتدى الهجرة و اللاجئين
  • عضو مميز متقدم
  • *
  • مشاركة: 8393
  • الجنس: أنثى
  • لا تقيسوا محبتكم بحجم حروفي ..
    • مشاهدة الملف الشخصي
رد: ولاية فلوريدا
« رد #4 في: 01:13 09/03/2010 »
هذا رابط لولاية فلوريدا جمعتلك بي كل المواضيع الي تتحدث عن فلوريدا
http://www.ankawa.com/forum/index.php/topic,389047.0.html

غير متصل Cpt_Ali

  • مبدع قسم الهجرة
  • عضو فعال جدا
  • *
  • مشاركة: 547
  • الجنس: ذكر
  • Lakewood, Colorado
    • مشاهدة الملف الشخصي
    • http://www.liveleak.com/user/IRAQI_TRANSLATOR_USMC
رد: ولاية فلوريدا
« رد #5 في: 01:21 09/03/2010 »
أخوية انت اذا تكدر اتروح لميامي فروح, مراح تخسر شي, الاجارات رخيصة, روح واكعدلك فد 3 اشهر, واذا ملكيت شغل عد انتقل لغير ولاية او مدينة والي هيه جاكسونفيل الي ذكرها اخونا رافد, اني همين اسمعت بيها خوش مدينه, بس مو تكعد بالبيت وتكول شغل ماكو, لازم تحرك نفسك وتقدم على اي شي بكل مكان ولتستنكف من اي شغله تلكيها وصدكني راح تلكي شغل, اني الامريكية كفيلتي كلتلي اليريد يشتغل من صدك يكدر يحصل شغل, بس مو تكعد بالبيت وتنتظر يجيلك شغل,

يعني اني هسه كاعد بعمان وبعدني ممقابل محلفين وما اعرف اذا راح انقبل او انرفض, واني من هسه كاعد دابحوش على الشغل بميامي, اني طيار واحب امارس مهنتي كطيار بأمريكا اول ما اوصل بحيث من هسه جمعت اسماء وعناوين الناس الاغنياء الي عدهم طيارات خاصة بميامي علمود اول ما اوصل لامريكا ادزلهم ال CV مالتي, ولكيت هواية شركات خطوط طيران بأمريكا رايدين طياريين بس ماكدر اشتغل يمهم لانه يريدون واحد جنسيته امريكية او عنده كرين كارد, بس بالنسبة لهذولة الناس الاغنياء الي عدهم طيارات خاصة ماعدهم هيج شروط مثل الشركات الخطوط الحكومية او الاهليه, اني احب اول ما اوصل لامريكا راسا اشتغل, ما احب اكعد بالبيت وأكدي من المنظمات,

فأنت يا اخوية روح واكعدلك فد 3 اشهر ودور على شغل بس اهمشي اجمع معلومات شكيد ما بيك واهمشي اتسوي خطه قبل متوصل لفلوريدا يعني وين راح تكعد وشكيد الاجار, وشراح تدرس, ووين تدرس وشكيد اتكلف الدراسة, وشكيد اتطول الدراسة, وورة متتخرج وين اتقدم على شغل...يعني هشكل.

אלוהים ברך את אמריקה וישראל


غير متصل rafid82

  • عضو مميز
  • ****
  • مشاركة: 1514
  • There are no gains without pains
    • مشاهدة الملف الشخصي
رد: ولاية فلوريدا
« رد #6 في: 01:28 09/03/2010 »
أذا تروح لميامي فأغلب الشغل راح يطلبون منك لغة أسبانية  هناك  وهي ميامي أكثرالمدن اللي تطلب لغة أسبانية

طبعا لاتنسى الجو رطب جدا يعني أذا شايف شرجي البصرة فأضربه في 2

غير متصل snoopy

  • عضو فعال جدا
  • ***
  • مشاركة: 262
    • مشاهدة الملف الشخصي
رد: ولاية فلوريدا
« رد #7 في: 08:52 09/03/2010 »
اخواني الاعزاء اشكركم جدا على ردودكم التفاعلية و اتمنى التوفيق للجميع

اخواني اني صارلي سنة بامريكا بمدينة كنساس ستي و بصراحة الشغل مو شي بيهه و الجو بيه اربع فصول حلو بس الشتا كان قاسي و اني رجال جنوبي احب الجو الحار (بس بوجود الكهرباء طبعا!)

اخوية رافد شكرا على معلوماتك الواقعية
اخوية كابتن علي اتمنى تجي لامريكا و تشوف الواقع بعينك الله وكيلك تركض من الصبح لليل و تعبي ابلكيشنات و محد يكلك و لا يتصل بيك و اذا لكيتلك شغلة بسيطة فانت محظوظ

الاخت ريم عبد الاخوان الي ردوا شكرا جزيلا و ما قصرتوا

اخوكم سنوبي

غير متصل ام تبارك

  • عضو فعال جدا
  • ***
  • مشاركة: 152
    • مشاهدة الملف الشخصي
رد: ولاية فلوريدا
« رد #8 في: 06:12 10/03/2010 »
اخواني الاعزاء عذرا عن الانقطاع بس كلمن ظروفة
اخوية العزيز اني من سكان فلوردا مدينة اورلاندو ..
المدينة جميلة جدا جوها معتدل لكونها تقع في وسط فلوردا .. اللغه السائدة هي الامريكية والاسبانية
الشغل متوفر لكونها منطقة سياخية لان فيها دزني لاند .. يونفرسل .. سي وورد .. والعديد من المناطق السياحية الجميلة..
اما مما سمعتوه عن ميامي ف ميامي منتهه الجمال ولكن نسبة الجريمة فيها بكثر والعمل فيها يتطلب خبرة كذا سنة والجو بيها بالصيف مينحممممممل ابد ابد الرطوبة تصير للتانكي  ;D
اما عن تامبا فهي مكان جميل ولكن لكثرة العراقيين فيها .. وقلة الاعمال فهي غير مرغوبة

اني انتقلت من ولاية وسكنسون مدينة ميلوواكي الى فلوردا اورلاندو والحمد لله مستقرين ..
اتمنى الكل يحصل الشئ الي بالة ويرتاح ويستقر بعد العناء الطووووويل ..

اختك ام تبارك

غير متصل snoopy

  • عضو فعال جدا
  • ***
  • مشاركة: 262
    • مشاهدة الملف الشخصي
رد: ولاية فلوريدا
« رد #9 في: 03:57 11/03/2010 »
اشكرج اختي ام تبارك على ردج و ان شاء الله ترتاحون باورلاندو

بس سؤال شنو الاعمال الي متوفرة باورلاندو و شكد معدل الايجارات شقة ام غرفتين؟

اشكرج مرة اخرى

سنوبي

غير متصل ام تبارك

  • عضو فعال جدا
  • ***
  • مشاركة: 152
    • مشاهدة الملف الشخصي
رد: ولاية فلوريدا
« رد #10 في: 04:52 11/03/2010 »
اخوية العزيز الشغل المتوفر كلشي وكلاشي خاصا في دزني لاند .. لان همه يرحبون ويتمنون تشتغل وياهم الناس الي من كافة انحاء العالم للجذب السياحي ,,,
الايجارات مناسبة . مثلا الشقة بغرفة واحدة تتراوح بين 450 - 600
الشقة بالغرفتين تتراوح بين 650 - 750
الشقة الثلاث غرف بين 750 - 850
هذا يتضمن جميع عمليات الصيانة للشقة والخدمات مثل التراش والمنتنانس

اي استفسار اني حاضرة ..
اختك ام تبارك

غير متصل snoopy

  • عضو فعال جدا
  • ***
  • مشاركة: 262
    • مشاهدة الملف الشخصي
رد: ولاية فلوريدا
« رد #11 في: 05:49 11/03/2010 »
اشكرج اختي على هاي المعلومات و بارك الله بيج


اخوك سنوبي

غير متصل سلاما يابغداد

  • عضو
  • *
  • مشاركة: 5
  • منتديات عنكاوا
    • مشاهدة الملف الشخصي
    • البريد الالكتروني
رد: ولاية فلوريدا
« رد #12 في: 00:08 23/12/2016 »
up