ربما ما كتبته هو اقل حق باتجاه رجل بذل النفيس من اجلي وتحمل المر ووطئ الصعاب
حتى اصبح انا رجل المستقبل ... أبي
اهداء خاص مني الى والدي الذي رباني (( احمد القيسي))
الله يساعدك يابوي تعبــــان
وما فد يوم مر وخارت متونك
يابو قلب اليلم اشكال والوان
واحس الدنيا كلها تضيع في كونك
ولومهموم انت وبيك كومة احزان
تكـــــــابر عالدنيا وتضحك عيونـــك
ماأذكر نمت فديوم بــــــــردان
واذا بردان اني تضمني بجفونك
تلبسنا بأناقة وتظل عريـــــان
ويظل ثوب الحزن من طبعك ولونك
احسك وطن ماساكنة انسان
ومتوسد قهر متغطي بظنــــونك
واحسك جبـــــل متلوحة وديـــان
واحس الدنيا كلها تصيح خي عونك
يابو نفس العزيزة ومعرفت كسران
وهاي النـــــــــاس كلها تطيح يردونك
لاأخو العنك نشد لاحتى صحبان
ومن صار بيهم قحط دنيت ماعــــونك
*لميتهم انت وذر
وفنيت للخوه عمر
جازوك هم بالنكر خوش مجازاة يجازونك
وانطتهم الدنيا وجه واندار كلشي بهالزمن
واهوال صارت بالاهل لوجوه كلها تكبحــــن
والدنيا صارت بس فلس وانياب كلها تكشرن
يابوي لاتمل الصبر
الدنيا دولاب ويفر
والجان عايش بالعلو
بالكاع هسه مستقر
والجان مرتاح بنعيم
هسه مخنوك بفكر
يـــــــــــــــــــــــــــابوي لاتمل الصبر
خــــــــــداع والله هالوكت ماينطي عين واذن
. لاتنقهر المن بعد ولاتكتم بصدرك قهر
ابتسم. الماي يضحك من تشق صدرة السفن
ولايهمك احنا ولدك حزام ظهرك بالكبر
مع تحياتي
الشاعر طه القيسي
