شلون اسافر ؟؟؟؟؟؟؟؟؟؟؟؟؟

[ISKENDER]

 السلام عليكم
اخواني بدون زحمه اريد اسافر لان اتهجرت واتهددت بلاحداث ورجعت للمنطقه بس خايف لحد الان وعندي هويه
 مال تهجير
وكل الاوراق الي تثبت انفجار البيت والسياره والسبب جان طائفي واريد اسافر واطلع لجوء بس

ما اعرف وين اروح
 لان ما عندي احد بلخارج يكفلني اريد اروح لدوله اوربيه اي دوله اوربيه بس غير امريكا لان كل الي ديروح لامريكا ينشمر بتكساس
فياريت لو احد يرشدني وين اروح اقدم معامله لان بصراحه كلشي ما اعرف عن تفاصيل معاملات اللجوء
واكون جدا ممنون
شكرا الكم ولمنتداكم الرائع
تحياتي

[ĈAŃDŶ]

للرفع


ساعدو اخوني وخواتي بكلشي تعرفو



الله يسهل امورك يارب

[دايخ بن دايخ]

أخي ISKENDER :

حتى تكدر تحصل على لجوء شرعي لازم تسافر إلى دوله بيها مكتب لمفوضية شؤون اللاجئين التابعة للأمم المتحدة ، وهاي موجودة في كثير من الدول وبينها المجاورة للعراق ( الأردن ، سوريه ، تركيا) . بمجرد وصولك إلى إحدى هذه الدول حاملا معك ثبوتياتك ووثائقك وأي أوراق تدعم قصة هروبك من العراق تكدر تتقدم فوراً بطلب ( الحماية واللجوء) إلى مكتب المفوضية هناك . بعد ما تسجل راح يقابلوك أكثر من مرة قبل ما يقررون تحويل ملفك إلى أحدى الدول الأجنبية اللي تقبل طلبات لجوء العراقيين . وهاي المرحلة تاخذ وقت لا يقل ربما عن 6 أشهر . ثم بعد أن تقبل إحدى الدول أن تنظر في ملفك (( حالياً الأولى أمريكا )) هم راح تقابل حتى تقرر هاي الدولة قبولك من عدمه ، وهنا أيضاً ستمر بمرحلة من الإنتظار . وإذا قبلتك الدولة راح تسافر إلها وهاي هيه .
تحياتي

[العزاوي 55]

اخويه العزيز السلام عليكم
الاخ دايخ حجالك كلشي بس ان شاء الله من يحولونك للتوطين بذاك الوقت اي ولايه انته تريده تطلب من اخوانك واخواتك بالمنتدى
احد منهم يتكفلك وصدكني مراح يقصرون وياك وللعلم الكثير منهم تكفلو ناس ما يعرفوهم ابدا
تحياتي

[علاء علاء]

اخويه العزيز انته هسه اتوكل على الله وسافر وقابل اول مقابل واخذورقة الحمايه وبعدين من الله يسهلك انشاء الله تلكه اهوايه من اخوتك يساعدوك بالكفيل اما موضوع كلهم يشمروهم بتكساس فهاي مو حقيققه اطمان...........بالتوفيق لك وللجميع

[الحافي]

ما ترغب بامريكا حتى لا تنشمر بتكساس  !!!!!!!!!!! بس لا لبالك تكساس صحراء ونبات الصبير وكابوي وخيول وطاك طيك ... تره امريكا كلهه حلوه بس تريد واحد طموح ومو كسول ... وهذه المنظر من تكساس !!


     

[ISKENDER]

شكرا اخواني على هاي المعلومات الحلوه والله كلكم اهل وكفات وشهامه
وادري بيكم انتو ما تقصرون لان طيبين الله يحفضكم ويخليكم انشاءالله هسه عرفت شنو لازم اسوي
تحياتي للاخ دايخ ولكل الاخوان الي نورو الموضوع بجيتهم
شكرا الكم 

[ISKENDER]

عاشت ايدك اخ حافي على الصوره الحلوه بس ادري بتكساس حلوه بس مشكله
الامان ما مضبوط ميه بلميه بيها عصابات تسليب
شكرا الك 

[ARMY STRONG]

هاي قويه مال ماريد امريكا لاان خاف انشمر بتكساس

اكيد انته تباوع افلام كاوبوي هواي كول يا الله يمعود يعني هسههو العراق امن من تكساس

[ISKENDER]

شكرااااا

[ROCK]

هاي اقوى نكته لهذا الشهر .. تكساس كلها عصابات ... حجي الظاهر انته هواية تشوف MBC ACTION

اخوية العزيز .. اني لحد الان 2 من اصدقائي عايشين بتكساس .. ولاية جميلة جدا .. والشغل متوفر بس للناس الطموحين .. لا تمشي وره حجي الناس ..

ROCK

[comander]

الشباب شرحولك بالتمام توكل على الله

لكم مني كل الحـــب

[ISKENDER]

هاي قويه مال ماريد امريكا لاان خاف انشمر بتكساس

اكيد انته تباوع افلام كاوبوي هواي كول يا الله يمعود يعني هسههو العراق امن من تكساس

iهههههههههههههههههههههه اشكرك حبي