يبقى ..
يبقى گلبي يحن
ويشتاگ لأيامك ..
تبقى ..
تبقى روحي تهيم
وأتعيش أحلامك ..
أنتَ تدري
بالمضى والفات ..
حبنا أنقتل
لا أبد مامات ..
قتال حبنا
لا أنتَ
لا أني ..
قتاله كان
حاسد غيور
خنجر أناني ..
طعنا بالظهر
ذبحنا بغدر ..
حرمنا الحياة
بأحلى العمر ..
سال دمنا وفاض
فوق الأماني ..
آه ..
ياشر البشر
آه ..
يا نار كبرى
ماتنطفي بماي البحور
يل قسوة ضميرك وأحاسيسك صخور
تحرق وتمشي على رماد الورد، فوق الزهور
آه ..
يل كلك حقد
آه ..
يل كلك ظلم
ياأظلم گلب، مابيه نور
يل تكره تشوف الفرح بعيون كل مسرور
الود ودك لو تموت كل فراشات المحبة والطيور
..
حكمت البيداري
