احبج
غصب عني
احبج
ولج
جيكي القلب
مليان
جروح
وهموم
شايلهن وينزف
ويصيح مرات
عنج
لا انت جايه
وصبر
ولا هو يكدر يروح
الج
احبج اي احبج
وبكل مابيه
ولو طريق الموت
طريقج
امشي وشايل
فرح فوك جروحي
اخ عيوني
بس الج ترخص
ماحبيتج مثل كل
الناس
خل اعترفلج
بوجهج الحلو ضحكه
وبعيونج احس دمعات
والدمع بيهن يصيح
شوفي القهر البيه
لا بيدي وامسح دمعتج
ولا بيدي اشيل الحزن
طلبت ملك الموت
ياخذلي روحي
لاكيته يبجي وياي
جيف انت بالروح
اكعد بنص الليل
ابجي واحاجيج
اتغازل بالعيون
واتبوس بالخدود
انعل ابو الفارقنه
لابو الحدود
خل اهمس باذنج يحلوة
مو ركصه جانت
ولا جنا بكاع
ولا رعشه ايد
عشك عذري
عشك سلطان
اريد انسى
سديت العيون
الكاج بالجفون
ميت بلياج
والجسد يمشي
بس مدفون
احبج
البارحه واليوم
وهم باجر
واليجون
سالم كوريا ايشو العقراوي
ميونخ /المانيا
15.10.2010
