دكيت بابك ياوطن باب الوطن مقفول
دكيت رقمك ياوطن رقم الوطن مشغول
شنهو اليشغلك ياوطن فدوه رحتلك كول
جاوبني بصوته العذب ولسانه المعسول
مذبوح أني من الألم ياوليدي مو مشغول
راح البعث وظلم البعث واجتني شكول شكول
ألجلبي فدوه للجلب والجعفري المخبول
وصولاغ باقر هل جرو صار العفو مسؤول
وشهبور لازك بالعرب أني الربيعي يكول
والمالكي ماله فعل بس للعجم مفعول
ومنشار عمار الحكيم ياكل صعود نزول
عمايم أنملى هل بلد وسبح وعبي ونعول
صار اللطم طول السنة بعاشور وبأيلول
والكاكه يعلس بالوطن حقي وحصتي يكول
اليهودي يلعب بيه لعب والعجمي يصول يجول
والشعب سد بابه وكعد من الظلم مذلول
واللي فتح بابه وطلع مخطوف لو مقتول
كل هذا وتكلي شعجب باب الوطن مقفول
كل هذا وتكلي شعجب ليش الرقم مشغول
