مـذبحــة كنيسة سيدة النجــــاة
بيا حق ينذبح الطفل المسيحـــي ذبح
بيا حق تنذبح البنات بالكنيسة ذبح
وبيا حق تنذبح الزلم بالكنيسة ذبح
وبيا حق المسيحي ينذبح بالكنيسة ذبح
شكد صحنا وصرخنا حتى صوتنا انبح
كافي كافي يا حكومتنا فكروا بشعبكم ليش ينذبح
كافي يا أرهابيين يا مجرمين صوتكم مثل الكلب ينبح
شعدكم ويا المسيحيين هل المرة
انشاء الله كل قطرة دم سالت بالكنيسة
تصير بعيونكم جمرة
ومكانكم ياحثالة بالجهنم الحمرة
وكل دمعة نزلت من عيونا
تصير بكلوبكم طلقة
يا ضمائر العالم عليكم ان تسالون
لماذا مسيحيو العراق يهاجرون
اسألوا لمذا وبأي حق يذبحون
اسألوا لماذا وبشريعة اي دين يقتلون
اسألوا لماذا ولأي سبب يهجرون
أهذا كله لأن مسيحيوا العراق لوطنهم عاشقون؟
أهذا كله لأن مسيحيوا العراق بوطنهم متمسكون؟
سيبقى المسيحيون لوطنهم محبون
وسيبقى الجبناء امام الضمير العالمي خاسئون
خاسئون....خاسئون....خاسئون
يا حاقدين يللي كلوبكم ما بيها شفقة
راح تبقون طول عمركم انذال وحمقى
وراح تبقى هاي المذبحة
عار على جبينكم يا حمقى
ومكان الشهداء رغمآ عنكم بالجنة
أتقتلون الناس في بيت الله؟
وتقتلونهم وانتم تنادون بأسم الله؟
كيف ستواجهون في آخرتكم الله؟
الله يساعدك يا شعب العراقي
ما تعرف منين تجيك من الارهاب؟
لو من الحكومة اللي بعدها تتعارك عالكراسي
شكد كتبت وصرخت بس وجعت راسي
وشعبنا راح يبقى بلا حكومة هذا احساسي
شعب العراقي كل يوم ينذبح
وما من يحس بيه حتى احساسِ
وبعدهم {رجال}؟ سياستنا يرقعون بهلكراسي
شعب العراقي بعدا يتذكر افعالكم وما ناسي
واكيد راح يكون حكم الشعب عليكم جدآ قاسي
وحكم الله عليكم يا عديمي المسوؤلية اقسى من القاسي
رعــــــد عـكـــــو
