هذا الطلع منك ياخايب تفجرلك شيخ وطفل
مااكلك غير يافاشل انت اخس من النعل
وتسمي هذا جهاد وتعتبر نفسك بطل
هاي مو فعلة مجاهد هاي جريمة يانذل
هذا النجم يبقى عالي هناك مكانة ويا الافل
تريد تشلع ورد الحديقة وتبقي بس الدغل
شوف وين يوصل ارهابك وين ياخذك هالقتل
تريد الجنة من وراها ونسوان وخمر وعسل
منو ضحك على عقلك اشلاءك تنذب بالزبل
واذا لاجل مال تسويها ترى انت تركض ورا ظل
ليش تريد تهجرهم بالوانه يحلى الحقل
هذي اثارنا تشهد علينا اور وحضر وبابل
حمورابي هو جدنا اللي حكم بالعدل
احنا العلمنا الدنيا الكتابة احنا لعين العراق الكحل
منو انت ومنو اصلك يلي ما عندك اصل
لاتظن احنا نتشتت راح تجمع السبحة وينلم الشمل
لو تفهم جان اخاطبك بس هم انت عندك عقل
تلكاك واحد حرامي ماينعرف منك اصل وفصل
يجي اليوم اللي تنكسر شوكتك ويتمرغ وجهك بالرمل
احنا انفطمنا عالحزن وامهاتنا دوم ثكل
شي طبيعي عند العراقي يبقى عايش عالامل
نحن نصبر عالالم لا تظن أبدا نمل
ودمنا يرخص لوطننا احنا الكرام المابينا بخل
انتو مو دولة عراق انتو اوغاد وسفل
وارد اعزي اهل الضحايا بهذا المصاب الجلل
مكانكم بجنة عدن ويا الانبياء والرسل
العراق يبقى وطننا لالا ابد ما نفل
.
هانز البشير 3 november
sweden
