ماتدري بجفاك الكلب ماراد
وكتي وليريدة عمل ماراد
بعالي الصوت اصيحن يرد ماراد
هلال اللي مشة ميعود الية
الليالي اشهود اذا ناسي وعيدك
بلكي تعود للماضي وعيدك
شعلت شموع ميلادك وعيدك
وفرحت رغم الجروح الي بية
حنانك ماوصل مرة حناني
قسة كلبك كسر هجرك حناني
اذاشموع الفرح يمك حناني
الشموع تذوب وجفونك بيدية
اريد اسال كلبي شخذ وشراد
ليش غفلة عني ابتعد وشراد
لو انك تدري كلبي شطلب وشراد
يريد يصير الك وانت الية
الوقت مايوم منة حيراني
السهرني بس جمالك حيراني
اموت ويمر شخصك حي يراني
بنظر عينك ترد الروح الية
