سيدة النجاة ارحمينا ..

[سعد النوفلي]

كتبت هذه القصيدة لاعبر عن الحزن في داخلي وداخل الكثير من المسيحيين عنوانها
سيدة النجاة ارحمينا ..
بسيدة النجاة قبل يومين على المصلّين              واليوم تفجير بيوت المسيحيين
شنو ذنبنــــا ! لان اختارينــا هذا الدين                ليـــش احنـا بالدنيا منو ماذين
نبـــقى لكـــل العالــم احنا مساعديــن              ومــــا يـوم بوطنيتنـــا مقـصرين
لاجـل ارضـنا شهــدائنـــــــــا مضـحيـــن              وكــل غــالي ونفيـس منطيـــن
خـدمـــنا الــوطـن اطبـــاء ومـهـندسـين              عمــــال وفـلاحيــن وموظـفيــن
جزاتها احنــــــــــــا طلعنا كافريـــــــــــن              وذبحنايصير على ايد التكفيريين
ودمنــــــا ضايــــــــع بسبب المتطرفين           لو بسبب لعبة الدول والسياسيين
اعــتــب على جماعــتنــا رجـال الديـن               ماكو غير نشجب نستنكر نديـن
يكلك المطران والبطرك ليش مسافرين       احلفهم بالعذراء منو من اقاربهم باقين
شو صفت مصــالحـكـم بامريكا والصين            واحنا ندفن يوميا عزيز تحت الطين
انتــو بالذنــب للعـــدو مشــــاركيــــــن           كافي نفاق كافي مو صرتو دجالين
اغلبـــــنا صفيــــنا بالدول متغــربيـــــن           والباقي نصـه مدري اكثر متهجرين
البقى بالعاصمة بغــــــــداد ممرتاحين           عالوضع و فراق الاقارب والعـزيـزين
بس يبقى المســـيحي طيب وحنين          وصـــادق وغيـور وشريــــف واميـن
والكل يشهد النـــــا يهــود ومسلميـن            احنا اكثر شعب بالدنيا مسالمـين
مــو بيـديـنـا لان هـذا هـو الديــــــــــن            علمنا ربنا يســـوع نبقى مضحين
مع كل الاحترام والتقديرللناس الطيبين     سكن العراق بعض الوحوش والجاهلين
للعــدو و المحتـل والشيطـان طايعيــن          عميان يجيــــكم يوم يا ملاعيـــــن
لــو دامت الكم جان دامت للسلاطين          اكو الله اكـبـــــر من كل المتـكبرين
نبقى احنا اهل العراق احنا العراقييــن           اهـل هذا البلد سكانه الاصلييـــن
يامسيح انت المعين انت المعين
اا سعد النوفلي"

[نادر البغـــدادي]

         

                    ربّنــا يحفظكــم عـزّيـزا ،، سعد النّوفلـي ،،

                         على هل القصيـــدة الرّائعـــــــــة !

                                  خالـــــــــــــــــــــــــــــــــــــــــــــــص

                                             تقديرنا وآحترامنـــا .

[اسعد الزبيدي]

سلمت يمينك  ابو سعود الغالي


               تحياتي  الك  وعلى  كلمتك  الرائعة

[وردة الربيع]

شكرا الك على القصيده الاكثر من رائعه

تحياتي واحترامي

[hananamir]

كلمات رائعة ومميزة
تسلم الأيادي وتقبل مروري المتواضع

[churchlife]

mashkora 3la al klmat al 7loa al 7azeena

[ديراني]

دام قلمك الذهبي يرسم اروع المعاني

عاشت الايادي وردة