(( ولكم ليش )) قصيدة على الهجمة التي تعرضت لها كنيسة النجاة

[مهند الكانون]

(( ولكم ليش ))

ولكم ليش تهجمون على الكنيسة
مو هــاي بيــت الله يا انذال

يا دولة هاي التقبل جرمكم
انعل ابوها وانعل ابو هيـچ رجال

مو حتى اليعبد الصنم ما يسويها
يخاف تطلع بيه حوبة التمثال

شلون تكتلون اليخدمون الله
مو ذولة لسانهم غير المحبة ما گـال

و شلون تكتلون الناس ال تصلي
والامهات تصيح يمة ويانا اطفال

ولكم مو ذولة چـانوا يصلون للعراق
حتى يصفى و يخلص الاحتلال

ولكم ليش مو احنا هم عراقين
ونحب الوطن من الجنوب لشمال

يعني چـيف احنا طيبين
هيجي يصير بينا الحال

مسيحين احنا ويبقى الصليب رايتنا
وما يكسرنا موقف ولا يهزنا زلزال

وبعون الله تبقى ادگ النواقيس
وقداس الاحد يحميني من كل دجال

تـگـطعون ادينا تـگـطعون رجلينا
عن الكنيسة ما نـگـطع الوصال

انعل ابو الارهاب والجاب الارهاب
وانعل ابو الوهمنا بالاستقلال

وبعد منريد حكومة تحمينا
لان حـچـيها چـذب وفعلها خيال

الضعيف ألة الله القوي
هو اليسترة من غدر الانذال

وعلى فكرة احنا الموت ما يهمنا
حتى لو صار دمنا شلال

والدليل دم سميل و دم الكنائس
هاي كلها صور لشهدائنا الابطال

وازيدكم علم يا حثالة العالم
لا تفرحون بدمنا شكثر ما سال 

 لان اللي يموت باسم المسيح حي
واحنا من بعدة لا روح تهمنا ولا مال

___________________________

كلمات / مهند الكانون
2/11/2010

[/size][/b]

[نادر البغـــدادي]

       

       

             بسـم الآب والأبن والروح القدس الإلـــه الواحد آميــــن

                بارككــم الله أخي الغالي  ** مهنّــد الكانـــون **

                      على هذه القصيدة الرّائعـــــة جـــدّاً !!!

                     +++++++++++++++++++++++++++++++++

                      المجد والخلود لشهداء كنيسة الربّ ~كنيسة  ~ سـيّدة النّجاة ~ ببغدادُ

                      ولكافة شهداء ابناء شعبنا { الكلداني السّرياني الآشوري } في الوطن والمهجر .

                       !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

                        والخــزي والعار ... كــلّ العار  ... للقتلة المجرمين ــ عبيد شريعة إبليسَ ــ !

                        !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

                                خالص تحيّاتنــــا القلبيّـــــــــــــة ...

                                     أخوكم : نديم الفراتي

[alashoty10]

عاشت الايادي


كلام جميل جــــــــــدا دام ابادعك

[hananamir]

عاشت الايادي على ابداعكــ المميز
 تحيتي لكــ

[nasir yako]

عشت عالكلمات الحلوه اللي خطتها يمناك...

[مهند الكانون]

اخوتي الاعزاء

شكرا لاقماركم لانها اضأت ليل كلماتي ..
مهما كان الكلام والرثاء يبقى الجرح عميق ..
رحم الله شهدائنا في هذه الايام المباركة ..

تحية ومحبة واحترام

[جواهر بغداد]

عاشت ايدك أخووون

[مهند الكانون]

شكرا الج خاثي

[omar_al_tkriety]

سلمت  اداك  كلمات  جميلة    وعاش العراق   عاش   تقبل مروري   

[nohara]

عاشت ايدك اخوني يسلمووووووو

[مهند الكانون]

أخوتي الأعزاء

أشكركم من كل قلبي على مشاعركم أتجاه أسوء فاجعة حدثت في بلدنا
هذهِ الفاجعة جرحها عميق في صدري ووحده الله يدري
اذكروا شهدائنا في صلاوتكم

تحية ومحبة واحترام

[malak.ali]

روووووووووووووووعه عاااااشت الاياااااااادي