شموع الميلاد ابد ما انطفت..

[ماجد ايليا]

شموع الميلاد ابد ما انطفت..

ماجد ايليا – دهوك

شعلنا شموع وياما شعلنا
وصلينا الك يا وطن ولله كـَبرنا..
اليوم عيد والسبحة مطشرة
اليوم عيد وعيون امنا بكنيسة النجاة مدمعة..
شهديلك يا مسيح بعيد ميلادك
بوسة لجبينك المغروزة بيه الاشواك
لو تغطية طفل يتيم تالمه جروحة..
الليلة ليلة سمر والكَلوب على شكلين مطشرة
منها من فاركَ حبيب ومنها من اعتنق الصليب..
اعيدك اليوم يا وطن يا ما هزته الريح
ولا عنفوان ولا قهر رغم انك جريح
اعيدك وراسك دوم عالي حتى لو جم جرح صاب الضريح
اعيدك وانت الدوم بابك مفتوح للخطار والغريب قبل القريب..
حابب بهل عيد اختم كلماتي بلا رقيب
وبلا الم وجرح صاب الوطن الجريح
بس صدكَني يا وطن ما بييا خير اذا ما اذكر المك
وانام حزنان بين احضانك
ورغم ذلك هم اكَول عيدك مبارك
وعيد كل ابو غيرة صالح
واعذروني يا ناس لو بكلماتي البسيطة قصرت
لان بييا الالم صار ولولا هل الوطن ما جنت صرت
ولا جانت قوافل وحكمت حمورابي واشور اليوم اجت..
عيدكم مبارك وصدكَوني مهما صار ومهما جرى
كله التاريخ سجله وراح يبقى عيد الميلاد
للعالم رحمة ومنارة
لاننا اصحاب تاريخ وحضارة..............
وكل عام وانتم الحب وعيد ميلاد مجيد

[نادر البغـــدادي]

           

                    خاطرة شعبيّة روعــــــة !!!

                           تسلم الأيادي أخونا العزيز " ماجد أيليّا "

                                 من دهــوك ,الحلوة والتي زرناها من زمان  !

                                    خالص تقديرنـا وآحترامنـــا ...

[nasir yako]

عاشت ايدك اخي ماجد ايليا ......كلمات روعه بس اذا ممكن تكتب هل هي كلماتك ام منقوله ......ليتسنى لي نقلها الى الابداعات ..

[ريكاني]

كلام جميل عاشت الايادي

[وردة الربيع]

كلامك جميل عاشت الايادي
 تقبل مروري
تحياتي وردة الربيع