ليـــــــــــــــش يــــــــا عــــــــــــــراق

[المهــــاجــر]

                 لــيــــــش يـــــــا عـــــراق
ليـــش يا عـــراق يبقى اسمي دوم مهاجـــر وين ما اروح
وليش ياعــراق يبقى اسمي من تعداد السكان دوم ممسوح
وليش يا ساسة العراق سرقة ونهب ثروات العراق الكم مباح ومبحوح
بس ترى اهانة كرامة العراق عليكم خط احمر غير مسموح
ليش يا عــــراق تبـــقى هيــجي دوم مجـــروح
وأحـنا الخليناك بنص الكَلب وأعــز من الـروح
لا تخلــي أحبـابـــك  تســـافـــــــــر وتـــــروح
أحضنهم يا وطــن وداوي كــل الجــــــــــروح
وطنّا أحلى وطن وطنّا ما نلكَا مثله وين ما نروح
لا تــتــغـــــرب يــــا عــــراقـــــــــي
تَرى بغــربتـــك تبقى دومك ذليـــــل
وكلما تخلي راســك على المخـــــدة
وتتذكر اهـلـــك دمــوعــك تسيــــــل
وطــنّا احلى وطــن وطــنّا أصيــــل
      ليـــــــش  يــــــا عــــــــراق
العراقييــن شارديـــن يسار ويميـــــــن
والغربة يتحكمـــون بولــدك وبنــاتــك
الـعــراقـــــي تعـــب ودرس سنيـــــن
ودول الـجـــــوار تتمتـــع بكفاءاتـــك
      ليــــش يـــا عــــراق
احنا النستورد مشــــتاق النفــط
ومدفونه تحت التـــراب مشتقاتــــك
احنا النوكف على النفط والغاز طوابير
وكل من هب ودب يشفط بنفطاتــــك
     ليــــش يــــاعــــــراق
كانوا كل العرب متمتعيــن بخيراتـــك
وهســـــــة يكولون لولــدك
حضر بجيبك تأشيراتـــك
خسرنا كل عمرنا وشبابنا وعشنا بأمل
بلكت بالمستقبل نتمتـــع بخيــــراتـــــك
ولحـــد الآن ما حصلنــــــا شــــــي
حتــــى على فــضـــلاتــــــــك
    ليــــــش يـــــــاعـــراق
احنـــا بـلــــد الـنـهـــريـــن
والماي ما يجينا بس ساعتين
احنـــــا بــلـــــد الســـــــدود
والكهرباء عدنا على طول ما موجود
احنـــــا بلــــــد الزراعـــــــة
وشعارنا... الزراعة نفط دائـــم
بس البطاقة التموينية حبر على الورق بشكل دائم
وحتى الهوا  لو ما كان بالجــــو حٌــــر
كان باعــووا النــــــا بأعــلــى سعـــــر
      ليــــش يـــا عــــــراق
لا تهزك كل الرياح القادمة من دول الجوار
وصبرك على الدول اللي ما تعترف بالحوار
احكم يا زمن على قبلات مسؤوليهم واحر العناق
انها سيـــاسة خبيثة انها سياسة النفــــاق
تصريحاتهم شكل وافعالهم شكل تبقى حبر على الأوراق
        لـيــــش يــــا عـــــــراق
ترعبهم تجربتنا الجديدة ويصيبهم الأخفاق
الديمقراطيـــة مــا تعجبهــــــم
وتطير كل الكراسي وعلى ابعد نطاق
        لــيـــش يـــا عـــــــرب
جان الكــم حقــوق اكثـر من ابن البــلـــد
وهسة يكولون للعراقي لاتطب البلد يــا ولـــد
من طاح حظ الوكت اللي خلى كل عراقي بديرة
وبقى هناك لا عائلة ولا عشـــيــرة
بس يفكر شلون راح يبقى مصيرة
         ليـــــــش يـــا عــــــــراق
من جـــان واحدهــــم يصيح آآه ه
جنا انقدملهـــم كل العـون والخيرات
وهسا انتو تصدرونا كلTNT والمفخخات
وما نسينا يا عــــــرب زمــن الحصار
من جنتو تحاصرون الطفل العراقي من كل رضعة حليب
واحنـــا جنــــا نرضـعــــكــــــم نــفـــط
ليش يـــا عــراق كلها تتواكح ويـــــا ك
العراقي يتكطع وصل وينذب هنا وهناك
جانت خيراتنا عليهم تنزل مثل المطـــر
وهسا خلوا الأرهاب بخاصرتنا مثل الخنجر؟
شلون ما يخافونك ويحاربونك يا عــــــراق
انت تبقى دومك بشعـبـك عمــــلاق
وتبقــى ساكن بالكلوب والاعمـــاق
        لــيــــش يــــا عــــــــراق
يتكالبـــون عليـــك من كــل دولة ودولة؟
ومــن كــــل صــوب وصــــوب؟
لان عندك الذهب الاسود ودجلة وفرات
ونكلهم عدنـــا مــو بـــس نفط
عـدنــــا المعــــادن انـــــــواع
ودم العــراقــــي نهـــر يجري
ومن اجل العراق برخص ينباع
ولو حفــروا بأرضنـــا شــــبــر
تطلع الغيـــــــرة من الكــــــاع
ويجعلون الدول الماتعترف بالقوانين
غصبا عليها تـنـــصـــــاع
ولا تزعل من نعاتبك يا عــــراق
يـــا عــراق العتب مو عليـــــك
العتب عـلى رجال السياسة
ينسون حـقـــوق شعبهــــــم
ويدورون على منافع كرسي الرئاسة
ويـــن ذاك الـيـجـيــنــــــــا
عراقي بكل معنى العراقي
ويلم كل ابنــــــاء الوطــن
تحت خيمة وحدة وبكل سياسة
نريد من يبتعـــد عـن الطائفية
ترى الطائفية غريبة عن العراقيين
جابوها من يريد يدمر العراق من اساسا
ترى المايمشي ويا شـــعبــاعـــــدل
اكو مية واحد يعمل على هذا الكرسي دراسة
والله الماينطي حقوق شعبا ترى التاريخ ما يرحم
وينتكـــــس اكـبــــــر انتكــاســـــــــــة
والتاريــــخ شـــاهـد على ذلـــك
وحطم اكبر واحد بالعالم شراسة
لا تنســــــون حقــوق شعبكـــم
والله لو ثـــــار الشعب ويتحرك
بعد ما تفيــد كــل الجيـــووووش
وشكد ما اكو داير مدايركم حراسة
راح الوكت اللي كان مثقفنا ذلـيـــل
الديمقراطـيــــــــة حــلـــوى
وحرية التعبير عن الرأي شيء جميل
الديمقراطية تجمع كل الأطياف وكل الأحزاب
وتجمعنا وكتاباتــنـا في المنتدى اكبر دليـــل
بس الخربـــوها اليـطبــون مـــن الحـــــدود
مثل الفئران وصاير للدول الجوار عميــل
ابقى شامخ يا عراق لا تميـــــل
دماء العراقيين دفاعاً عن الحرية بعدها تسيل
يا عراق انت احلى وطن وبيـــك أطيب ناس
وراح تبقى تاج العرب وعكال فـــوك الرأس

          الــمــهـــــاجــــــــر
كتب بتاريخ  /   /2007
بأستثناء الأبيات الأربعة الأولى جديدة

[nasir yako]

عاشت ايدك كلمات جميله جدا ...

[sarroba garabet]

صح لسانك يا مبدع
الاخ الفاضل اجمل ما فيك انك مهاجر ولكن العراق لم يهاجرك فهو في روحك وقلبك وفي كل سطر من ما تكتبه فهذا هو العراقي الاصيل ارفع القبعة احتراما لك وكل كل ما تكتب فان ما يخرج من القلب يدخل القلب حفضك الرب ورعاك وفي انتظار رواعك تقبل تحياتي

[المهــــاجــر]

الأخ العزيــــز نـــاصــــر يـــاقــــــو
شكراً على مرورك العطر على صفحتي ,,واكون سعيداً عندمــا ارى اســمك ينور كتاباتي
لــك منــــي احـــر التحيـــات ..

[المهــــاجــر]

الأخــت العــزيــــزة ســـــــروبـــا
انتِ الأروع ...واكثـــر ما يعجبني فيــكِ انكِ تقــرأين الشعر بجد وبــصدق وكلمة كلمة تتعمقين بكل معانيهــا انكِ تتلذذين بقراءة الشعر
انــكِ ذواقـــــة ممتازة ولكِ احســـاس مرهــف بقــراءة الأشـــــعار ,وتعطين الشعر والشـــاعر  حقــــه...
تمنيـــاتـــي لــكِ بالموفقيـــــة ولك  كل الأحتــــــرام والتقــديــــــر...

[H@!TH@M]

يا عراق انت احلى وطن وبيـــك أطيب ناس
وراح تبقى تاج العرب وعكال فـــوك الرأس


لا يسعني الا أن أرفع لك القبعة
اعجابا بك وبقلمك الرائع وباسلوبك المميز
تحيــــــــــــاتي الك

[المهــــاجــر]

الصديق او الصديقة H@!TH@M
شكراً على هذا الرد الجميل وعلى هذا الأطراء ويسرني ان تكون اول رسالة لك في المنتدى هي لي ..
يبدو انك متذوق للشعر ولك احساس مرهف على القراءة.. فأذا نكتب بتميز فهذا من ردودكم المميزة...
حروفكم نورت صفحتــــي وزادتها جمـــالاً ...لكــم منــي ارق التحيـــــــــات

[المهــــاجــر]

شكراً اخي العقيد على مروروك العطر
واتمنى ان ابقى عند حسن ضن الجميع
لك خاص تحياتي

[وردة الربيع]

تسلم يدك او يعطيك العااافية على هذا الابداع
كلماات راااقية
رائع ذاك َ القلم الذي خط َ تلك َ الكلمات


تحياتي

[نادر البغـــدادي]

   الأخ العزيز الغالي "  المهاجـــــر "

       حروف كلماتكــم تنور لنــا دروب الحياة !

           نصكم الجميل هو اقوى أدوات !

              لاتيأسوا من رحمة رب الأرض والسّماوات !

                 لأنّــهُ مصدر كل فرح ومسرّات !

                  ننتظر المزيد من الإبداع والتألّــــق !!!

                    فائق تقديرنا وآعتــزازنـــا ...

[المهــــاجــر]

السديق العزيز بابا عابــد ..
ومنكم نتعلــم ..اشكرك على الرد الجميل وعلى هذا الأطراء ..
يســـرنــي توجدكــم بين طيات صفحتــي..لك فائق احترامـــي..ش

[المهــــاجــر]

وردة الربيـــــع
شكراً على مروركِ العطر ..ويسرني تواجدكِ بين طيات صفحتي المتواضعـــة
لــكِ كل الأحتـــرام والتقديــــر ..

[njmat_alba7r]

☆شكــــ✲ـــــرا لكـــ ☆

✲كلماتــــ بغاية الروعة ✲

[المهــــاجــر]

نجمــــة البحــــــر
شكرا على مروركِ ..ولكِ فائق الأحتــــرام

[evon 1987]

عشت يامبدع كلمات جميلة جدا ننتظر منك المزيد من الابداع والتميز

[المهــــاجــر]

ايـــفـــــــــون
 شــــكراً على ميروركِ العطــــر ..يسرني تواجدكِ بين طيات صفحتي
لكِ كــل الآحتـــرام والتقديــــــر

[yasir fakhri]

كلمات روعه حلوووووه

[المهــــاجــر]

شكراً ياســر فخــري على مرورك ونورت صفحتي
لك مني اجمــل تحيـــة

[سميراميس1960]

وطنّا أحلى وطن وطنّا ما نلكَا مثله وين ما نروح
لا تــتــغـــــرب يــــا عــــراقـــــــــي
تَرى بغــربتـــك تبقى دومك ذليـــــل
وكلما تخلي راســك على المخـــــدة
وتتذكر اهـلـــك دمــوعــك تسيــــــل



نريد من يبتعـــد عـن الطائفية
ترى الطائفية غريبة عن العراقيين
جابوها من يريد يدمر العراق من اساسا




عاشت ايدك على هذا الكلام . كل مابية حقيقي ومؤلم بنفس الوقت .

الله يفرجها على كل عراقي شريف
ولك مني كل احترام وتقدير

[المهــــاجــر]

سميراميس1960
شــكرا على ردك الرائع ومـــــداخلتك الرائعة كروعتــك
الشعر الذي يكتب من ارض الواقع يدخل القلب مباشرة
وخاصة اذا كان القاريء ذو احساس مرهف كأحساسك
لك مني كــل الود والأحتــــــــرام