اخوان انقذوني وصلت امريكا والمنظمة غدرت بية

[rocco]

السلام عليكم
اني وصلت امريكا البارحة ساعة وحدة ونص بالليل الى مدينة اماريللو بتكساس ومن وصلت لم اجد احد في المطار ينتظرني ودورت هواي ومالكيت احد من المنظمة المفروض تستقبلني والمشكلة اني ضعيف باللانكليزي ولذلك بقيت انتظر للصبح اني وزوجتي واطفالي بالصالة مال المطار واليوم الفجر سالت واحد شرطي وانطيتة الورقة اللي سلموهة الية المنظمة بميامي من وصلت قبلهة فحجة وياي حجي اللي افتهمتة منة انه هوة مايعرف شي عن هاي الورقة بس هوة كلي انه راح يخابر بالتلفون واخذ الورقة ورة شوية رجعلي ويكلي بالانكليزي (نو انسر ) يعني يمكن محد ايشيل التلفون  اليوم ساعة 8 الصبح رحت اني خابرت من محل بالمطار بعد ماشوفتة الورقة على رقم تلفون بالورقة مكتوب وماحصلتهم الا ورة خمس او ست مرات وبعدين طلعتلي وحدة بالانكليزي تحجي ودست خيار  رقم 1 وبعدين طلعتلي وحدة تحجي انكليزي فسالتني فجاوبتهة انه (نو انكليش اربك اونلي) فكلتلي انتظر ورة شوية اجة واحد عربي يمكن سوري لبناني هيجي فسالني شتريد كتلهة يابة اني وصلت البارحة ومالكيت احد ينتظرني وانتم المنظمة المسؤولة عني وهسة اني وين اروح فجاوبني انطيني اسمك ورقم ملفك فانطيتهياه ورة شوية جاوبني بانه انت ماعندك كيس منجر مسؤول عليك لحد الان ولازم تنتظر ايحددولك كيس منجر علمود يجي ياخذك وبعدين احنة لحد الان ماماجريلك شقة فانتة ابقة انتظر الى يوم الاثنين لانه السبت والاحد عطلة يوم الاثنين راح يجي واحد ياخذك بس مو الصبح يعني ورة الظهر ويشوف وين ايخليك الى ان انكمل اوراقك وانعيلك كيس منجر .... اني جاوبته انه اني مااكدر ابقة 3 ايام بالمطار ووين اروح ومااعرف احد وماافتهم انكليزي كلش وما ادبرهة فجاوبني هاي مشكلتك لانه احنة هسة ماعدنة موظفين متواجدين لانه اصلا يوم الجمعة نص دوام للموظفين فجاوبته انتة تعال بس طلعني من المطار ووديني على فندق على حسابي فرفض وكالي هوة مشغول والسبت والاحد يوم الاوف مالته وهوة مايشتغل بيوم الاوف مالته واعتذر مني وغلق التلفون .. رجعت خابرت مرة لخ فطلعتلي البنية مرة لخ وهمين صاحتلي هذا العربي فكتله اريد احجي وية المدير مالتكم فكالي ماكو مدير وارجوك لا تتصل ابقة بالمطار احنة نجيك يوم الاثنين وغلق التلفون
زين اخواني اني هسة بحيرة ومااعرف شسوي وين اروح ومااعرف احد يعني معقولة ابقة 3 ايام بالصالة مال المطار وشلون اروح ومنين اطلع وشيوديني للفندق والله محتار ودايخ وهسة كاعد بالصالة مال المطار اني وعائلتي وكلت خلي اشوف بلكس اكو انترنيت بالصالة وهمزين لكيت وفتحت حاسبتي وكتبتلكم اريدكم اتساعدوني والله محتار وكلش دايخ وتعبانين لانه يومين سفر متواصل ما اخذنة راحة من طيارة الى طيارة وما اعرف شسوي ساعدوني

اخوكم روكو  ابو وسام

[__حلاوي__]

الله يكون بعونك اخي فاضل
لو كان اني بأمريكا كان هسه اجيلك ماخليك ابد
اخي ماكو غير اللله يصبرك
وهسه يجون الاخوان يفهموك شسوي

[زهرة الصبار]

الك الله يا اخي ابدي سبح والله يفرجها عليك وعل عائلتك
استغفر الله الذي لا اله الا هو الحي القيوم
ثق انه رب العالمين يفرجها عليك وياريت بيدي شي اكدر اسوي
زين متعرف احد انت بتكساس عندك تلفونه اي عالاقل جان اخذت عنوان او تلفون احد من المنتدى اكيد كان ساعدك
مثل مكتلك عليك بالاستغفار

ياجماعة الخير بلكي احد من نفس المدينة بتكساس هسه يجاوبة وينطي رقمه وجزاكم الله الف خير

[allami2004]

اولا حمد الله على سلامتك اخي وبالموفقية ان شاء الله

والله يكون بعونك ويصبرك على هاي الشدة

اخي العزيز اذا انت متكدر تطلع برة المطار ويمكن يفوت الموعد على يوم الاثنين ومثل ماشفت تريد من اللبناني يطلعك برة على فندق واتعذر منك تكدر تحجز بفندق المطار تشوفلك واحد من المسافرين يحجي عربي وتفهمة انه الشغلة هيج وهيج وان شاء الله يحجزلك بالمطار
هذا كل الي اكدر اساعدك بيه وهسه نشوف الاخوان اذا جان عدهم اضافة

تحياتي

[willpower]

والله ما يستحون هذولي اذا داكين هايه الدكه بيك.

اخي احسن شي انتظر شويه بلكي واحد من الاعضاء يكون بنفس ولايتك يساعدك. واذا ما لكيت عون واذا تكدر تطلع من المطار فاسال بالمطار على كتيب دليل السواح وشوقلك فد فندق مناسب واخذ تكسي وروح انتظر بالفندق وامرك لالله.

[ميمي2010]

الله يعنيك اخوي زين ماكو فندق تابع للمطار تكدر تحجز بيه وتنتظر الى ان يجيك احد من المنظمة حاول اخي تسال على فندق المطار ويارب تتسهل امروك كلها وبالتوفيق ان شاء الله

[rocco]

اخواني اشكركم واني عندي رقمين تلفون واحد للاخ عمار الكبيسي ابو ياسر من تكساس والثاني للاخ صفاء الكرخي ابو سارة من نيو مكسيكو دا ااخابر اخ عمار يطلعلي خطأ بالاتصال وما احصل ورقم اخ صفاء ايدك وبعدين ايكلي اترك مسج فاني تركتلة مسج هسة كتلة بي انه يدخل للمنتدى ويشوف موضوعي ويكتبلي بي لانه اني ماعندي تلفون ودا اخابر من تلفون عمومي بربع دولار المخابرة وهوة اخ صفاء موجود بالمنتدة هسة دااشوف اسمه فوك بلكي الله يلتفت الية واني همين راح اروح اسال على فندق المطار واشوف شلون

ابو وسام

[السفير80]

الحمد لله على سلامتك اخي وبعد

الحمد لله على كل شيء وصدقني انو هذه الحالة صارت بيك حتى الله يكتشف صبرك اصبر اخي قريبا الله يبعثلك واحد ابن حلال يساعدك ,,,, وهاي كل امر بدايته صعبة فتوكل على الله

[ريم عبد]

اخي هسه احاول ويه الاخوان الموجودين في تكساس ان شاء الله يكدرون يساعدوك بشي
ولو ماعدنه احد في اماريللو بس اشوف اي مدينه اقرب الك
وان شاء الله خير

[Safaa Alkhrkhy]

اخوية انتة ابو وسام
الله شاهد هسة لما استلمت الفويس ميل مالتك على التلفون لانه كنت بالشغل ومانتبهت علي عموما ارجع خابرني هسة على رقمي وان شاء الله خير ولاتهتم هاي كلهة امور اتهون دخابرني والله كريم

ابو سارة

[عونك يارب]

اخي بالمطار  اطلب اي شرطي وكلة اريد ضابط الهجرة كلة حالة طارئة
تكول اريد امكرانت اوفسر  ات از ايرجنت
من يجيك ضابط الهجرة حاول تفهمة وهو رح يسوي اتصالاتة واكيد رح يلكيلك مكان بالمطار
بس هذا اللي حجى وياك عربي انعل صفحة ابو وكلة رح اشتكي عليك عند مسوول المنضمة لا تسكت ابد اكلب الدنيا علية
لان حتى لو ما عندك كيس منجر يخلولك واحد موقت         تحياتي

[نــــــــــوار تيتــــــو]

الله يكون بعونك عزيزي  والحمدالله على السلامه  .....تحياتي اخي

[يوزارسيف]

والله يا اخي شدة وتزول انشاءالله لكن عليك ان تقوم بالتالي:-


1.تحلى برباطة الجأش اولا"
2.اتوجه بقلبك الى الخالق وادعوه بقلب صادق ان يكون سندك.
3. حاول ان تتصل بالمنظمات التالية على ارقام هواتفهم بأسرع وقت :
منظمة خدمة اللاجئين في اماريلو (806-381-0099
منظمة خدمة العوائل الكاثوليكية (806-376-4571

والله يفرج عنك بحق الحسين(ع).

[abuhatem]

اهم شي هسا تاخذلك خط موبايل ، واذا ما انحلت مشكلتك خلال هالساعات اكتب تلفونك على المنتدى وانشالله تحصل احد يساعدك
اذا عندك جهاز موبايل ، تشتري خط simple mobile عبارة عن سيم كارت اعتقد12 دولار زائد 40 دولار اشتراك شهر مفتوح
واذا ما عندك جهاز ، اشترك مع cricket واشتراكهم الشهري 35 او شوية اكثر اذا تاخذ تلفون ذكي. زائد سعر الجهاز.
5127122982 هذا رقم احد الاخوان العراقيين في تكساس ، مو مهم اسمه اتصل بلكي يساعدك

[عكعك التطوى]

اخويه خابر عليهم مره ثانيه واحجي وياهم بخشونه وكله لهذا الشخص انطيني اي واحد مسؤول بالمنظمه واذا مقبل
كله راح اقدم شكوى على المنظمه بواشنطن وعليك انته وحاول تاخذ اسمه ايضا لان لان هذا الي ده يصير بيه مسؤوليتكم
وابد مراح اسكت عن حقي

اخي غصبن عليه يجي ياخذك وياجرلك شقه او يكعدك بفندق والشي الثاني ممعقوله في هذا الوقت
ماكو موظفين ؟؟؟ اخي خابره واحجي ويا بخشونه وابد لا تخاف

بلكي احد الاخوه يلتفت لرسالتك ويساعدك وراح انطيك تلفوني على الخاص

[يوزارسيف]

مثل ما كال اخي ابو حاتم....اشتري خط سريعا" من المطار ، وحاول تكتب رقمك عالمنتدى حتى واحد من الاخوة يخابرلك المنظمات هناك ويحجي وياهم بالانكليزي...خصوصا" اللي متواجدين هناك بامريكا.

[Broken_Man]

السلام عليكم .... اول شي اني متاكد منك سبع و ادبرها يالة اخوية هاي بالريش , اخوية تروح اكو يمك هوتيل و بالاحرا موتيل اسمة Rama كلش قريب على المطار يعني مسافة 10 دقايق بالسيارة تاخذ عائلتك و تروح هناك تكعد و ترجع تخابر على الكيس ووكر مناك اقلها عائلتك ترتاح .

[rocco]

اخواني اشكركم على اللي قدمتوا اليه
الاخ ابو سارة صفاء اتصلت بي ةحجيت وياه وانطيتة رقم المنظمة وهوة خابرهم وحجة وياهم بالانكليزي ورجعت خابرته وافتهمت منة انه همة كايليلة انه همة حاليا مايكدرون ايقدمونلي اي مساعدة لكون ملفي لم يصل اليهم من المنظمة الرئيسية اللي بهيوستن مع العلم اسم المنظمة المسؤولة عني هو Catholic Family Services
طلب الاخ صفاء مني ان اتوجه الى فندق المطار وبنفس الوقت حجة وية ابو المحل اللي اخابر منة وهوة دلاني على الفندق وكذلك طلب مني توثيق الحجي مالتهم باي طريقة لانه بعدين راح اقدم شكوى عليهم بالمنظمة الرئيسية ... مع العلم المطار مو كلش جبير وتعبان يعني امبين هاي المدينة تعبانة من شكل المطار مالتهة!!
اشكركم اخواني وهسة راح اتوجه لفندق المطار وراح اكتبلكم بعدين اللي ايصير وياي والله كريم
شكرا اخواني

اخوكم  ابو وسام

[انيس الجالسين]

 بالتوفيق ... ولا تشيل هم (ولو حقك والله) بس الصبر محمود تاليه
اهم شي صبر العائلة الكريمة ... واحاول ان ترتاح انته وياهم بالفندق
وهاي الامور صدكني راح تروح وية مرور الزمن
اهم شي اتحلى بالصبر انته وعائلتك ... وخلي في بالك ان السنة الاولى بها الكثير من المصاعب
وها هي قد بدأت من اول يوم ... وعليك ان تتحلى بالصبر وشدة العزيمة لتخطي المصاعب

وتحياتنا الك ... وسنبقى متطلعين لاخر اخبارك
وياريت تتصل بالمنتدى من الفندق ... حتى نطمن عليك
بالموفقية

[hussam2010]

اخواني اشكركم على اللي قدمتوا اليه
الاخ ابو سارة صفاء اتصلت بي ةحجيت وياه وانطيتة رقم المنظمة وهوة خابرهم وحجة وياهم بالانكليزي ورجعت خابرته وافتهمت منة انه همة كايليلة انه همة حاليا مايكدرون ايقدمونلي اي مساعدة لكون ملفي لم يصل اليهم من المنظمة الرئيسية اللي بهيوستن مع العلم اسم المنظمة المسؤولة عني هو Catholic Family Services
طلب الاخ صفاء مني ان اتوجه الى فندق المطار وبنفس الوقت حجة وية ابو المحل اللي اخابر منة وهوة دلاني على الفندق وكذلك طلب مني توثيق الحجي مالتهم باي طريقة لانه بعدين راح اقدم شكوى عليهم بالمنظمة الرئيسية ... مع العلم المطار مو كلش جبير وتعبان يعني امبين هاي المدينة تعبانة من شكل المطار مالتهة!!
اشكركم اخواني وهسة راح اتوجه لفندق المطار وراح اكتبلكم بعدين اللي ايصير وياي والله كريم
شكرا اخواني

اخوكم  ابو وسام

الحمدالله على سلامتك وسلامت عائلتك
وبعدين شلون ماو واصل ملفك اصلا الملف مالتك يوصل للمنظمة مع استلامك خبر موعد سفرك واذا يتأخر فيتأخر على كد الويك اند يعني يومين او 3 بالزايد
اخي العزيز اني حكلك شغلة روح على اي شرطي وحاول اتفهمة عن طريق النيت ( ترجمة عن طريق الكوكل ) او الاخ ابو سارة يحجي وياه فهمة  راح يتصرفون وينعلون سلفات سلفاتهم  ومع كل هذا هم لاتسكتلهم اشتكي على المنظمة  وطيح حظهم ...... وبعدين يكلك ماعندك كيس منيجر ولا عندك فايل واليوم نص دوام ووراها ويك اند شضمنك  ملفك حيجي بعد 3 ايام احتمال حتنام اسبوع بالمطار
الله يساعدك

[Saqar]

المشرفين على المنتدى اتصور هيجي موضوع المفروض مينقل حتى الكل كلمن يدخل ايشوفة وبلكت ايقدم المساعدة لهذا الرجل المسكين الي ميعرف حتى يتكلم الانكليزية هاي من جه وناحية الخ حتى الاعضاء ايضا يطلعون على التفاصيل ويعرفون يتصرفون في حال تتكرر الحالة وية اي واحد منهم

اخوان الاعضاء الي موجودين في امريكا بارك الله بيكم وبجهودكم ابكل الي تكدرون تقدموه للاخ
اخي العزيز ولو اني بالعراق بس اذا تحب دزلي على الخاص رقم المنظمة واسمك واني من هنا لاسمطلك ابوهم واني اعرف شلون احجي وياهم
حبيبي اكو شي اسمة حالة طارئة وبكل المنظمات اخوية خطة عمل للطواري ماكو هيجي شي مال دبر امرك اخي المنظمة تحسب حساب كل الحالات يعني اني اذكر انه عدعم خطط للعمل لكل حالة هاي موجودة على نطاق كل المنظمات الي تعمل بكل المجالات فلتسكت عليهم
اخوان ارجو من اي شخص يكدر يمدة يد العون ليقصر وياه لان وياه عائلة لو كان زكرتي بطرك روحة ميخالف يتحمل بس وياه عائلة

اللهم اشكو اليك ضعف قوتي وقلت حيلتي وهواني على الناس

[windtalker]

الله يساعدك وتعدي هاي المحنة على خير انشاالله

[مغترب بلا وطن]

اني لو منك انعل والد والديهم

اشتكي عليهم لا تخاف طيح حظهم شكد متكدر خصوصا هذا ال لبناني.

[أبو قمر]

Dear Friend ,
I just read your problem, Im living in fort worth almost 5 hours I will send you my phone no If you cant find place tonight I will come to pick you after finish my job, sorry to write in enghlish cause Im  at work right now please call me when you get my massage  ,

[زهرة الصبار]

اخي ابو قمر كاتبلك بالنكليزي انه هوه بيته يبعد عن مكانك 5 ساعات وراح يدزلك تلفونه اتصل بي اذا مدبرت الك مكان وهو يجي ورا الدوام ياخذك لانه حاليا هوه بالدوام ويكلك كتبت بالانكليزي لان حاليا ماعندي كيبورد عربي
اتصل به حين تستلم رقم تلفونه

[انفجار البوس]

ابو قمر يكولك دزيتلك رساله بيها رقم تلفوني
و اني هسه بل شغل من اخلص اجي اخذك و تدلل 


يله خابره لاابو قمر اذا وصلك رقمه

 المترجم

[angie-dawood]

اخواني اشكركم على اللي قدمتوا اليه
الاخ ابو سارة صفاء اتصلت بي ةحجيت وياه وانطيتة رقم المنظمة وهوة خابرهم وحجة وياهم بالانكليزي ورجعت خابرته وافتهمت منة انه همة كايليلة انه همة حاليا مايكدرون ايقدمونلي اي مساعدة لكون ملفي لم يصل اليهم من المنظمة الرئيسية اللي بهيوستن مع العلم اسم المنظمة المسؤولة عني هو Catholic Family Services
طلب الاخ صفاء مني ان اتوجه الى فندق المطار وبنفس الوقت حجة وية ابو المحل اللي اخابر منة وهوة دلاني على الفندق وكذلك طلب مني توثيق الحجي مالتهم باي طريقة لانه بعدين راح اقدم شكوى عليهم بالمنظمة الرئيسية ... مع العلم المطار مو كلش جبير وتعبان يعني امبين هاي المدينة تعبانة من شكل المطار مالتهة!!
اشكركم اخواني وهسة راح اتوجه لفندق المطار وراح اكتبلكم بعدين اللي ايصير وياي والله كريم
شكرا اخواني

اخوكم  ابو وسام

اخي ابو وسام هذا الرقم اتصل بيه اخوانك بفس الولاية خابرتهم وراح يجون عليك خابرهم هما يساعدوك 12148547808 هما الاخ راين والاخ امير يتظرون مكالمتك حتى يساعدوك وانشاءلله تنحل المشكلة

[angie-dawood]

اخوان الي عنده رقم الاخ ابو وسام يدزه الي على الخاص رجاء حتى الاخوة يتصلون بيه ويساعدوه

[ameer 55]

السلام عليكم خوووية ابوو وساام اني امير من دالاس تكساس بس انت ابمريللو اني عبالي اجيك هسة بس المشكلة انت تبعد عني 8 ساعات بالسيارة بس عندي اصدقاء ابمريللو ان شاء الله يكدرون ايساعدووك انت بس حااول الاتصال بية او تنطينة رقمك حتى نكدر انساعدك

هذا رقمي حبي وخابرني حتى نكدر انساعدك  2148547808

[rocco]

الاخوان جميعا  اشكركم الف شكر على المبادرات مالتكم وهذا هوة العراقي الاصيل الشريف مثل الذهب معدنة اصيل بس انخاه بوقت الشدة وشوف
اخواني الاخ المتميز العراقي بعثلي رقم تلفون وايميل لشخص ماعرف هوة شنو وكلي اتصل به واشرح له مشكلتك وهوة يتصرف وفعلا اتصلت بالرقم وطلعلي واحد يحجي انكليزي فطلبت مترجم وفعلا ترجملي واحد الى العربي وشرحتلة كل الموضوع فكالي هذا الحجي مايصير والمنظمة لازم تتحمل مسؤوليتهة اتجاهك وهو لن يسمح بهذا التقصير ووعدني بانه سيتخذ كل الاجراءات وطلب كل معلوماتي واني زودتهة له وفعلا ورة ساعتين اجة للفندق علية واحد من المنظمة بس شنو صاير جدا عصبي والظاهر صايرللهم شي بالمنظمة وكام يحجي وياي بهدوء ويطمئني وطبعا هوة يحجي انكليزي وشوية عربي مااعرف وين متعلم هالعربي مالتهة وقال لي انه يوم الاثنين راح يجيني ويسويلي كلشي وياخذني للمنظمة ويكمل اوراقي طبعا اني سويت مثل ماوصاني الاخ صفاء ابو سارة حجيت وياه بعصبية وبشكل كلش صارم وشديد يعني هاللي اعرفهة بالانكليزي وشوية عربي .. المهم اخواني اني اشكركم واخص بالشكر كل الاخوان اللي بعثولي على الخاص والاخت انجي والاخ المتميز العراقي والاخ عكعك والاخ امير والاخ ابو قمر والاخ ابو سارة وباقي الاخوان اللي اعتذر عن تذكر اسماؤهم ويارب ايوفقكم كلكم يارب وان شاء الله اكتبلكم اخباري لاحقا واللي راح ايصير وياي بعونه تعالى


اخوكم  ابو وسام

[journalist]

اخوية الله يسهل امرك ويفرج عنك , صدك كلنة مرينة بصعاب اول موصلنة بس الحمد لله زالت بمرور الزمن , نسأل الله ان يسهل امرك وامر جميع الناس ونحن كذالك

[raadmteer]

هذا نفس اللي صار ويايه حبيبي الغالي بس اني ربك ستر عليه باللغه وعرفت دربي
انشالله رب العالمين ييسر امرك وهاي الايام العصيبه تصير وره ظهرك

[اسراء بغداد]

 اولا الحمد الله على سلامتكrocco

وسلامة العائلة ويارب الموفقية الكم وانشاء الله الاخوان مقصروا ومراح يقصرون اخوية العزيز

ولايهمك محنة وتزول وكل هاي المواقف تفيدك بامريكا حتى اللغة مالتك تقو يها

[مغترب بلا وطن]

لا تسكتلهم , قاضيهم بالمحكمه LAW SUE  هذوله ناس متستحي والله

عمي امريكا بلد قانون مو بلد فافون , اني لو منك ما افوتها للمنظمة واشرهم على الحبل 

[اسراء بغداد]

[اني اضم صوتي الى اخوية مغترب بلا وطن

حاول تستفاد من هاذ الموقف الي خلوك بي

هوة مادام اكو عربي بالمنضمة وهيج اسلوبة لا هاهية خربت

[*ghaith*]

هاي النخوة العراقية...الكل كلب على الكلب..اخي ابو وسام الحمدالله على السلامة مادام اكو هيجي ناس طيبين صدك مراح تضيع...تحياتي

[omar salman]

السلام عليكم اخوان
شكرا لكم جميعا على الوقفة المشرفة مع اخونا ابو سارة في محنته وهذه هي الشيمة العراقية وهذه هي النخوة العراقية الاصيلة والعراقي وين ما يكون ابدا مايتخلى عن نخوته وشيمته لان هاي صفات يتمتع بيها الغالبية من العراقيين . واود كذلك ان اتوجه بالشكر الخاص للاخت العزيزة انجي على متابعاتها المتواصلة ومد يد العون في كل الاتجاهات وفقكم الله جميعا ويحفظكم 

[بغداد بقلبي]

الله ايسهل امرك  ويوقف معك اولاد الحلال والاخوان ماقصروا بارك الله فيهم

[iraq1977]

الله يفرجها على الجميع  امين  الى الكول يا رب  انك على كول شيء قدير       الحمد لله على كول حالوالحمد لله اللذي لا يحمد على مكروهٍ سواه   الحم لله الله يفرجها علينا  اجمعين امين

[مترجم سابقا]

بسم الله الرحمن الرحيم
وانا اقراء بهذا الموضوع لم استطع ان امنع نفسي من البكاء لما حصل للعراقيين وخاصتا اخي ابو ساره ودعوت الله كثيرا ان يرسل من يساعده وان يكون الله معه ولكن الذي افرحني هو موقفكم يا اخواني يااعضاء هذا المنتدى لله دركم ما اروعكم اسال الله لكم التوفيق والحفظ هذا العراقي شهم صاحب غيره واسال الله ان يحفظ  لنا هذا المنتدى الجميل والاحرى ان يسمى خيمة الخيمه التي تجمعنا الى اخواني في هذا المنتدى والله احبكم كلكم ولاتقصروا مع ابو ساره