ما أريـــد لقـــب
لاشـــــاعر ، ولا أميـــــر
ولا ، الأديـــب الكبيـــــــر
خلــوني بگلـــوب النــاس
مثـل ما يحـلالهـا التعبيــر
مــايـــوم بلعــــت لگمــــه
وعينــي أبعيــن جوعـــان
مـايـــوم لبســــت جدمـــه
وصــاحـب الــي عـريـــان
عمــري مـاطمعت أصـــير
غيـر كـادح، عامـل أجيــر
ومـن عــرق جبينـي أأكُـل
مـو من چد حـرامي حقـير
طـــاح حظــچ يـادراهـــــم
عمــت عينـــچ يـادنـانيـــر
,,,
علموني الكبر بالعقل الكبير
وصغر النفس بقلت التقدير
الشرف ستر، ناموس ودين
والشهامة فعل يقرر المصير
ياهو الأخذ ويـاه من مـات
جمــال لــو جـــاه ومــــال
كلهـا للزوال، بس هيهــات
من ذنـوبه لو تـرك مثقـال
أنـــا أبـن ألطيــب الماحلــم
الأ براحـة البـال والضمـير
وأبـــن أم ، مــاعشـــــگـت
غيـر بيـت،عـش العصـافير
لكـــــن مــا دنگنـــــا راس
صـگـور وبالأعـالي نطيــر
,,,
بيدارو
3.3.2008
