الكلام الأكيد بخصوص الذهب المسموح بحمله ... رجاءآآآ

[العراق بدمي]

السلام عليكم أخواني أخواتي...
رجاء ممن يعرف كم مسموح بحمل أو إرتداء الذهب للمسافرين أي أو إم من مطار بغداد ... لأن ناس كالوا يتسجل بالجواز واليوم سمعت من الأخ ساحر بغداد أنه كايليلآ 100 غرام فقط ... زين بالنسبة للعائلة وتعرفون هاذي طلعة بدون رجعة يعني شكد مسموح أو يتساهلون لو لا بالنسبة لموظفي المطار ... الرجاء الرجاء ممن له معلومات إفادتنا مع جزيل الشكر...

[TROY]

اخوية العزيز اني بيت خالي طلعو قبل فترة كالولهم ثلاثين مثقال لكل شخص مسموح ايطلع وياى واني بخدمتك

[ابومريومة]

وعليكم السلام اخوية
بالنسبة للذهب الافضل يكون ملبوس ولا تخلي شي بالجنط والافضل من هذا ميكون ظاهر وتوكل على الله واذا سأل كولة على الظاهر فقط لان محد راح يفتش جسماني على الذهب هذا ما حدث مع زوجتي ووالدتي بمرات عديدة اثناء السفر في مطار بغداد والسويد وعمان والمانيا ونيويورك وميلووكي محد من هاي المطارات فتش جسماني للعلم السفر كان من والى المطارات المذكورة
طبعا كلامي واضح ان كمية الذهب اكثر من المسموح بيه وكانت تتجاوز 170 غرام

تحياتي
ابومريومة البغدادي

[العراق بدمي]

شكرآ أخواني troy‏ وأبو مريومة للمشاركة ... يظهر أنه ماكو حالات ثابتة بخصوص حمل أو إرتداء كمية الذهب ... زين هو التفتيش والتقيد بالكمية المفروض بيا مطار يكون لو كل المطارات التي نمر بها ؟؟؟...
تحياتي

[ساحر بغداد]

أخوية العراق بدمي
قالت لنا الموضفة في الدورة نصآ انهم سوف يسألوكم كم تحملون من الذهب وقد يطلب ان تعطوه الذهب ليقوم بوزنه وأكدت ان هذا الشيئ هو في جميع المطارات...
بس ياأخي صدكني قالت لنا ان الذهب في امريكا غير مرغوب ابدآ وليس ذات قيمة فأنته ليش تريد تاخذ كميات كبيرة وتخسرون بها وانتم ستكونون بحاجة الى كل دولار في امريكا؟
حاول تبدل الذهب بالفضة او بالبلاتين لأن قالت لنا ان اسعارها في امريكا قد تكون نفس سعر العراق او اغلا قليلآ ويكدرون اخوانة في امريكا يفيدوك بهذه المعلومة وانت حر بأختيارك ولكن بالنسبة فأنه 100 غرام فقط اما اخفاء الذهب فهذا ماأعرف لانتائجه في حالة العبور ولا عواقبه في حالة انكشف بس احنة هم سألناها اذا كنا ماخذين اكثر وعرفو بينة اشراح يسوون؟ فقالت راح يحاسبوكم//
هذا ماقالوه لنا في الدورة البارحة والله اعلم بما لانعلم

[فارس الغربة]

ماكو كميه ثابته في حمل الذهب

بس حسب علمي هي 100 غرام

واكو ناس طلعو ذهب كميه اكبر محد

فتشهم

[العراق بدمي]

زين أخي ساحر بغداد ... 100 غرام لكل شخص لو العائلة كلها لأن أكو عوائل كبيرة وأكو نفرات عزاب ...
المفروض لكل شخص ... أنتا شفتهمت منهم ...
تحياتي

[ساحر بغداد]

نعم اخي قالت لنا لكل شخص من حقة ان يأخذ 100 غرام ذهب واحب ان اشير الى نقطة وهي ان كل الحسابات التي كانب تطرحها علينا هي للفرد الواحد وحقوقه من الأوزان وحمل المبالغ .....الخ
اي سؤال اخر اني حاظر

[العراق بدمي]

جزيل الشكر أخي ساحر بغداد ... ولو تعبتك ويانا بس المبلغ المالي المسموح أخذه لكل شخص شكد كالولكم تقريبآ ... تحياتي

[ساحر بغداد]

لا اخي عادي اني بالخدمة
بخصوص المبلغ الذي يحق هو 10000$ للشخص الواحد من دون تحديد عمر يعني مهما كان عمر الشخص فهو من حقه حمل عشرة الاف دولار ولكن قد نوهت لنا بأن في حال احظار مبالغ كبيرة فسوف يأثر هذا الشيئ على المساعدات وقد لايعطون مساعدات لهذه العائلة على اعتبارهم غير محتاجين
_
وأن قانون حمل المبالغ فهو يأتي من المطارات يعني ليست المنظمة هي من يقوم بتحديد المبالغ

[abuhatem]

الذهب ، بالنسبة لمطار بغداد احنا خرجنا قبل اربع سنوات ، في البداية على الجميع ان ينزع اي شي معدني حتى يمر وطبعا المرأة اذا لابسة ذهب لازم تنزعه ويمر على السكانر
ثانيا زوجتي خلت ذهبها كله في صندوق صغير ، في حقيبة صغيرة وطبعا يبين بالسكانر فسالها المفتش فقالت انه استعمالها الشخصي واحنا مهاجرين لازم تاخذه كله معاها فلم يعترض.
اما مطار عمان فلم اسمع من احد ان هناك اي اعتراضات

[زهرة الصبار]

بالنسبة للذهب بدون تحديد تكدر تاخذ الكميه اللي تريدها يعني مصوغات زوجتك كلها اخذها خل تلبس منهن بس لا هوايه لان خاف يوكع شي منها بعدين حتا لتلفت انتباه والباقي تسوي بكيس صغير او صرة مثل ميكولون وتحطها بجنطة ايدها ومحد معليه بالذهب لان هذا استعمال شخصي طبعا هذا اللي كالو بالدورة ايضا بالاضافه الى انه هوايه ناس اعرفهم سوو نفس الشي
الفلوس 10000لكل واحد بس مو طفل يعني الكيس الحالها 10000 بسسس اذا اخذت اكثر محد يحجي بس اذا سالوك كول 10000
 

  مرة اخرى هذا حجي المدربة بالدورة

[العراق بدمي]

شكرآ فارس الغربة وساحر بغداد وريم 2000 وأبو حاتم وأختي زهرة الصبار ... شكرآ على ردودكم ويارب تتحقق جميع أمنياتكم ...
تحياتي

[alzandawi]

اخي العزيز اني الي شايفيه بمطار بغداد اكو قطعة كبيرة مكتوب عليهة مسموح كل شخص ان يحمل 100غرام ذهب والنقد ميتجازو 10000دولار وبعد ماعرف احتمال معلوماتي قديمه

[العراق بدمي]

تسلم أخي الزنداوي على المعلومة ... تقبل تحياتي

[alzandawi]

تدلل اخوية

[ابو هنودة]

بالنسبة الى مطار بغداد المسموح قانونا ً باخراجه معك هو 100 غم ذهب و 10000 دولار لكل شخص، لا تدعوا الذهب في جنطة اليد لانه تذهب للفحص بعيدا ً عنكم وفي كثير من الحالات يتبخر الذهب بقدرة قادر ، الطريقة الامنة التي استعملتها عدة مرات هي ان يكون الذهب داخل جنطة مقفلة كالجنطة الدبلوماسية واذا صار شك بيها لا يمكن فتحها الا بحضور صاحبها وعدة مرات يكون فيها ذهب ولا احد يسألني عنه اما مطار عمان دخول او خروج لم نسأل مطار القاهرة ثبتنا الذهب على الجواز . يبقى موضوع امريكا يمكن للاخوة الذين دخلوا امريكا ان يجيبونا مشكورين عن الذهب والمبالغ الذين ادخلوها معهم

[العراق بدمي]

تسلم أخي أبو هنودة على معلوماتك الطيبة والنصائح وتقبل تحياتي ...

[ريم عبد]

اخي عرتقي بدمي
انت من اي مطار تطلع ان شاء الله
لان موضوع الذهب هذا يتبع قانون الكمارك بالبلد ومالها علاقه ال اي او ام بالموضوع
بالنسبه لدول الجوار ماكو تحديد فقط يكون بالشي المعقول ومحد يوزن ولا احد يحاسب بس ينلبس بشكل غير ملفت للنظر ومتكون كميات اكثر من المعقول يعني السبائك اكيد ايصير تسلؤل عليها لكن لبس المراءه للحلي مالتها ميثير انتباه

اما بالنسبه لبغداد فهذا قانون الكمارك العراقيه انه المسموح هوه بحدود ال 10 مثاقيل بس اذا انلبس بشكل مخفي ويتوزع على افراد العائله مراح يوزنوا ولا يحاسبون عليه الا اذا بين انه شايل كميه كبيره او  واضحه فهذا راح ياخرك بالتفتيش

[العراق بدمي]

أختي ريم أني أقصد من مطار بغداد وطبعآ خوفج من مطار بغداد من كل النواحي فلوس  أو  ذهب أو وزن جنط لأن يتفلسفون وأكيد يردون المقسوم وإحنا مجربيهم شخصيآ بال 2004 كل موظف هناك عبارة عن حكومة ...
تحياتي لكي أختي ...

[البغدادية2]

اخويه العزيز العراق بدمي اني اأيد كلام الاخ ساحر بغداد وهذا كلامي عن تجربه مع عائله اصروا ان يأخذو الذهب وعند وصولهم الى اميركا هسا هما كلش متندمين لان حتى لبس ميلبسوا والله العظيم يكلون لو بايعي ابغداد اهوايه احسن النا اولا ماله قيمه عدهم ابد ابد ثانين محد يلبس فيطلع كلش نشاز بلنسبه الهم ومثل ماكال الاخ ساحر بغداد انت بحاجه الى كل سنت ودولار حوله نقود  احسلك بلنسبه للمبلغ لكل كيس وليس لكل نفر 10000 الاف دولار بس من اشيل اكثر لاتكول الى احد واذا سئلوك عن طريق استمارات تملاء في مطار عاليا  لملاء المعلومات اكتب 10000 فقط لاغير  لحد ايفتشك ولا احد يحجي وياك