المحرر موضوع: 2000 $ منحة لكل عراقي في ولاية اوهايو  (زيارة 11617 مرات)

0 الأعضاء و 1 ضيف يشاهدون هذا الموضوع.

غير متصل كومار

  • عضو
  • *
  • مشاركة: 26
    • مشاهدة الملف الشخصي
شباب اول شي السلام عليكم

طبعا لكل العراقيين في ولاية اوهايو وخاصة مدينة كولومبوس اكو منظمة اسمهة ECDI وطبعا اغلب العراقيين هنا يعرفوهة بس محد يحجي مع الاسف ؟؟؟؟؟؟؟؟؟

المهم هاي المنظمة تساعد مو بس اللاجئين !! كل الجنسيات الي دخلهم المالي محدود او الناس الي يريدون يسوون مشروعهم الخاص او الشباب الي يريدون يكملون دراستهم او الي يشترون بيوت ( المنظمة تساعدهم ماليا وطبعا منحـــــــــة مو قرض )

 بس ملاحظة : الفرق الوحيد الي العراقيين يكون مميزين عن غيرهم هو انه اكو برنامج مال شراء سيارة ( Auto Program ) هذا بس للي جاي لامريكا بصورة لاجيء والتفاصيل هي :

  المطلوب زيارة للمنظمة وملأ الفورمات الخاصة بالبرنامج وتقديم الاثباتات الي تاكد انه انت لاجيء وغيرها من الشغلات البسيطة جدااااااا
 
ورا هاي الخطوة المنظمة تفتحلك باسمك حساب بالبنك ( باسمك طبعا ) وتطلب منك انه تخلي بيه 2000 دولار من فلوسك الخاصة ( راح اشرح السبب من هاي الخطوة بعدين )

ورا بالظبط شهرين او ثلاثة بالزايــــــــــد المنظمة تخابرك ودكلك تعال استلم صك ب قيمة 4000 دولار ( بس طبعا هذا الصك يكون لغرض شراء سيارة ويكون معنون باسم ابو المعرض الي انت تريد تشتري السيارة من عنده ) .

يعني ملخص الحجي 2000 $ جايتك لا على البال ولا على الخاطر ( طبعا هاي المنحة تنفتح مرة سنويا وكل الدنيا تتعارك عليهة يعني كل الجاليات ال موجودة هنا واحد يفيد الثاني بس العراقيين ( وحتى الي يستلم ويخلص ) هم ميحجي ??? ؟؟؟ عجيب غريب امور قضية

 المهم عيني نرجع للخطوة الي كتلكم راح اوضحها بعدين ( الغاية من انه تخلي 2000 $ لمدة شهرين او ثلاثة حتى يعلمون اللاجيء يحافظ على فلوسة وميصرفهة ويعلموه شلون يتعامل وية البنك وطبعا هذا المبلغ مو شرط تخليه مرة وحدة لالالالالا هم يفتحولك حساب ويكولولك يا فلان ابدي جمع بيه الفين دولار ومن توصل لل 2000 احنة ننطيك من عدنة 2000 فالعراقيين الي هنا شديسوون راسا اول ميفتحولهم الحساب يخلون بيه 2000 ويومية يروحون للمنظمة يكولولهم يلة عاد خلوا ال الفين مالتكم ههههههههههه  .... هو احنة العراقيين هيج لازم نخربط

 المهم شباب هذا الشرح اتمنى تستفادون منه واعذروني اذا قصرت بشي ( بس ترة هذا برنامج واحد الي حجيت عليه اكو عدهم كوووومة برامج يكدر الواحد يستفاد منها ) واتمنى التوفيق للجميع .

 والي يريد تفاصيل اكثر يفوت على الويب سايت مالتهم    http://www.ecdi.org
 او يتصل بيهم على الرقم  6145590115

مع اطيب التمنيات بالتوفيق لكل اخوانة العراقيين



غير متصل Aiham_

  • مبدع قسم الهجرة
  • عضو مميز جدا
  • *
  • مشاركة: 3990
  • Only the Gentle are truly strong
    • مشاهدة الملف الشخصي
بيها الخير  :-X

غير متصل تينة

  • عضو جديد
  • *
  • مشاركة: 3
    • مشاهدة الملف الشخصي
شكرا لك اخي وباركك الله لانك تريد تساعد اللاجئين وخاصة العراقيين صدكني احنا باوهايو ومسامعين بهذا الموضوع ومحتاجين مثل هذه المواضيع ارجو منك ان ترفدنا بها على قدر استطاعتك مع تحياتنا لك.

غير متصل ام مهند

  • عضو مميز
  • ****
  • مشاركة: 1360
    • مشاهدة الملف الشخصي
ههههههههههههههههه


شكرا على الموضوع وبصراحة هم ضحكتنه على سوالف العراقيين

غير متصل ARMY STRONG

  • عضو مميز جدا
  • *****
  • مشاركة: 4214
    • مشاهدة الملف الشخصي
بل عافيه بعد شيردون :o :o :o :o :o :o :o :o

اليوم آخر يوم اليه وياكم راح أروح وبالقلب ذكراكم
 وعد مني إلكم وأحلف يمين لو وكف قلبي ولا أنساكم
 

غير متصل ** AL SHAEEA **

  • مبدع قسم الهجرة
  • عضو مميز جدا
  • *
  • مشاركة: 3236
  • الجنس: ذكر
  • رأس الحكمــــــــة مخافــــــــــــــــة اللـــــه
    • مشاهدة الملف الشخصي
شكرا اخويه بارك الله بيك على روح المساعده الي بداخلك



قال الله تعالى: (وَمَنْ يَتَّقِ اللَّهَ يَجْعَلْ لَهُ مَخْرَجاً*وَيَرْزُقْهُ مِنْ حَيْثُ لا يَحْتَسِب )

غير متصل كومار

  • عضو
  • *
  • مشاركة: 26
    • مشاهدة الملف الشخصي
اشكر الكل على الكلمات الحلوة وان شاء الله محد يقصر وكل واحد يعرف شي يفيد البقية حتى الله يوفقه.

 تحياتي للجميع

غير متصل شاعر الرومانسيه

  • عضو فعال جدا
  • ***
  • مشاركة: 674
    • مشاهدة الملف الشخصي
    • البريد الالكتروني
السلام عليكم
الله يبارك بيك ويكثر من امثالك ويكتبلك كل الخيرر
ههههههههههههه  عادي  اكو ناس ماخذة براءة اختراع  بالصاموط لاموط  تاكل  وتوصوص  مثل البزازين

احنا يمنا  هم اكو كنيسه  الي هي  الكاثوليك جريتي  انت تحب تشارك بيا برنامج  اكو  شراء بيوت واني اشتركت بيه
والدوله خلت بالرصيد  2000 دولار  ما اكدر اسحبها اله  اكون بالفعل ناوي اشتري بيت وانطيهم دليل  على شرائي للبيت
واكو دراسه  هم يساعدوك  واكو  شراء سيارة هاي تكون منحه
   واكو بزنز  هذا هم اريد اقدم عليه  ينطوك  مبلغ بسيط  لشراء بعض الامور الي تحتاجها  مثلا حاسبه  اثاث  لمكتب  او جهاز استنساخ  وهي تكون قرض سهل الدفع  يعني مو منحه  لا توجد عليه  اي  فوائد  مبلغ 7000 دولار
يعني  بعد مرور  اتوقع سنه او 6 اشهر  تبدي  ترجع الفلوس دفعات شهريه  لكن  مبلغ  بسيط 
والحمدلله وشكرا...تحياتي 

غير متصل مهند هادي

  • عضو مميز
  • ****
  • مشاركة: 1607
  • الجنس: ذكر
    • مشاهدة الملف الشخصي
اخوية هاي بس باوهايو لو الينوي هم
الصداقة بئر يزداد عمقا كلما أخذت منه

غير متصل فداء الروح

  • مبدع قسم الهجرة
  • عضو فعال جدا
  • *
  • مشاركة: 797
  • الجنس: أنثى
  • القناعة كنز لا يفنى
    • مشاهدة الملف الشخصي
قبل فترة صديقتي بسكرمنتو بكاليفورنيا كالتلي هيج شي بس ما فصحت اكثر يعني كالتها وما شرحت واعتقد كالت هاي للدراسة ما متاكدة اني .
شلووووون حظ علينا العراقيين وين ما نرووووووووح

..
...
....
.....
......
.......
ما
؟. كااااااعد >:(
VIVA IRAQ <3

غير متصل كومار

  • عضو
  • *
  • مشاركة: 26
    • مشاهدة الملف الشخصي
هههههههههههههههه اخوية شاعر الرومانسية عجبتني هاي مال ال صاموط لاموط  ;D

 طبعا اخوية هاي المنظمة عدهة عدة برامج وكلهة منحة ومن ضمنها دفعة اولى لشراء البيت والسيارة ومساعدة الطالب ويساعدون هم الي يسوون بزنس يعني اكو هم عدنة هاي البرامج واكثر .. بس الحلو يمنة منــــــــــــحة مو قرض

وطبعا عدهم هم قسم القروض وهم ينطون قرض بدون فائدة .

 تحياتي الك

غير متصل كومار

  • عضو
  • *
  • مشاركة: 26
    • مشاهدة الملف الشخصي
هههههههههه فداء الروح ان شاء الله يكعد الحظ  ;D

غير متصل كومار

  • عضو
  • *
  • مشاركة: 26
    • مشاهدة الملف الشخصي
اخوية مهند والله على حسب علمي هاي موجودة بس باوهايو ... بس اكيد اكو بكل ولاية مثل هيج منظمات تساعد الناس انت حاول تدور وتسأل وتجر الحجي جر من العراقيييييييين ترة محد يحجي وداعتك  ???

 تحياتي وبالتوفيق برحلة البحث

غير متصل Honda

  • عضو
  • *
  • مشاركة: 21
    • مشاهدة الملف الشخصي

غير متصل cry_moon

  • عضو فعال جدا
  • ***
  • مشاركة: 85
  • الجنس: أنثى
    • مشاهدة الملف الشخصي
يا ريت الى يعرف شئ عن تلك المنحة او ما اسم هذا البرنامج فى ولاية كاليفورنيا
يفيدنى وجزاه الله الف خير يعلم الله مدى محنتى ومدى احتياجى للمال
ومع الشكر للجميع
هنا كل مواضع الاخ الفاضل"ابو قمر" لكل من يبحث عن مواضيعة
http://www.ankawa.com/forum/index.php/topic,552279.0.html

كل مواضيع الاخ الفاضل "المدرس" هنا فى اللينك أسفل توقيعى:
http://www.ankawa.com/forum/index.php/topic,472378.0.html
أستحلفكم بالله لاتنسونى بالدعاء الصالح لانى أحتاجة بشدة

غير متصل yasir fakhri

  • نجم منتدى الهجرة و اللاجئين
  • عضو مميز جدا
  • *
  • مشاركة: 3236
  • الجنس: ذكر
  • تجني المرؤات على أهلها أضعاف ماتجني الجنايات
    • مشاهدة الملف الشخصي
شكرا للاخ العزيز كومار شكرا جزيلا لطرحك لهذا الموضوع ومع كل الاسف كان وصفك للعراقيين باميركا جدا صحيح وماكو الهم اي حل الانانية مالية قلوبهم واتمنى يكون مثل هذه البرامج بغير ولاية حيث اني مقيم في ولاية تينيسي ووصلت اليها بصفة لاجئ
شكرا لك مرة ثانية وعاشت ايدك على الصراحة وصدقني يا اخي لم ارى من العراقيين غير الاذية والتعالي على الاخرين منذ وصولي هنا خصوصا الذين يعملوا مع المنظمة التي انا وصلت عليها الى اميركا وراح نتحمل ونكول الله كريم تخلص
بسم الله الرحمن الرحيم ((وَمَنْ خَفَّتْ مَوَازِينُهُ فَأُولَٰئِكَ الَّذِينَ خَسِرُوا أَنْفُسَهُمْ فِي جَهَنَّمَ خَالِدُونَ)) صدق الله العلي العظيم
 المؤمنون103

غير متصل Ibrahim Al Ani

  • عضو
  • *
  • مشاركة: 7
    • مشاهدة الملف الشخصي
شكرا جزيلا على هذه المعلومات
بس عندي  سوال, بالنسبة الى برنامج السيارة : ممكن الواحد يقدم عليه بالانترنت؟
وشكراااااااا

غير متصل كومار

  • عضو
  • *
  • مشاركة: 26
    • مشاهدة الملف الشخصي
الاخ ابراهيم

اعتقد انه من الممكن ملاء احد الفورمات عن طريق ويب سايت المنظمة وومكن هم دفع الرسوم اون لاين

بس الافضل انه تروح للمنظمة وتستلم وصل دفع الرسوم بايدك وتسأل اي سؤال يخطر على بالك .

غير متصل كومار

  • عضو
  • *
  • مشاركة: 26
    • مشاهدة الملف الشخصي
  للتواصل جماعتنا بولاية اوهايو


 http://www.facebook.com/arabohio    صفحة للجالية العراقية في ولاية اوهايو - عراقيين اوهايو


http://www.facebook.com/pages/Iraqis-In-Ohio/186723448074231   صفحة للجالية العراقية في ولاية اوهايو - Iraqis In Ohio

غير متصل ORCA

  • مبدع قسم الهجرة
  • عضو مميز متقدم
  • *
  • مشاركة: 5037
    • مشاهدة الملف الشخصي
    • البريد الالكتروني
مشكور

غير متصل *Ray

  • مبدع قسم الهجرة
  • عضو مميز متقدم
  • *
  • مشاركة: 7828
  • الجنس: أنثى
  • J
    • مشاهدة الملف الشخصي
هم العراقيين طول عمرهم ما يحجون ع شي بي فائده بكل الدول الي موجودين بيها يله شكرا كومار ع هاي المعلومات المفيده اكيد

 Switchfoot -- Love Alone Is Worth The Fight
http://www.youtube.com/watch?v=rk9Pj3ID0UE

غير متصل abedalwahid1

  • عضو فعال
  • **
  • مشاركة: 30
    • مشاهدة الملف الشخصي
    • البريد الالكتروني
ذكرتني بقصة عن جماعتنا واخوانا العراقيين الحنة منهم طبعا وانتم قيسوا علة العقليات ولو القصة قديمة

بزمن النظام البائد تدرون العراقيين ماكومكان مارحولة الحمد لله والشكر اكو عراقيين كانو بدولة الامارات كان صاحبهم اذا يسافر للعراق باجاة يجون ينجمعون وبعد شرب و الشاي والضحك والسوالف يجي الجد شوفو شيكلولة وهذا الكلام عن لسان واحد كان بالامارات شوف انتة راح اسافر ايالك وبالك حسك عينة تكول اكو شغل واشوف ردودكم اخواني اكو ناس ما تحب الخير لاخوانهم عن رسول الله صلى الله عليه واله  وسلم (لا يؤمن أحدكم حتى يحب لأخيه ما يحب لنفسه)