** باجر يمكن الموعد ينتهي **

[مهند الكانون]

(( باجر يمكن الموعد ينتهي ))


البارحة بالحلم شفت المسيح
حزيـن وعلى خـدة دمعــة

وشـﮔــد ما ﭼــان مهـمـوم
أدﮔول الحزن من ﮔلبا نبعــة 
   
ﮔتلة ياربي شبيك وليش القهر
وأنت الخبز من الـﮔـاع أطلعــة

وعليمن تبـﭼـي يا سيد الكون
 و أنت الميـت بلحظـة ترجعــة

سكـت وظـلّـت دمـوعـة تسـيــل
وبليه ما يحـﭼـي صرت اسمعــة

ﮔـال ليش الأنجيــل يغطيه التـراب
وماحد يقرا بيه ست كلمات سبعــة

 و ليش ما حد يـدﮔـ بابــي بطيّـب
بس اليوﮔـع بضيج يريد اطلعــة

  وﮔـال ليش بدرب الكفر تمشـون
ودربي تصعبـوه وماحـد يتبعــة

هيجـي تجــازون الفداكــم بدمـة
نسيتوا دموع امي و آلام الجمعــة

نسيتوا تاج الشوك والخل والبسامير
شلون ترضون الحزن منكم اجرعــة

  وﮔـال عل  أقل الما يـﮔدر يصليلي
خلّـي يذكُـرنـي ولـو حتـى بشمعــة

 أني ما تهمني المظاهر والظاهر
أني كل أنسان أعـرف وضعــة

      وﮔـال صفوا ﮔـلوبكم وكافي نِفاق وتكبُر
 لأن الزين البيـكـم محتاجلـة صفعــة

  ذنوبك يا بشر كثرت وقربت الساعة
وأنت الشر يلبسك وما تقبل تنزعــة
 
  وﮔــال لي ويـن يبقـى العالـم يغـُـرك
وروحك عزيزة وما تستاهل الوﮔـعــة

و ما دام بيكم نفس  دﮔـوا الباب
لأن أخـر نفـس البـاب ما تـﮔـدر أدفعــة

وﮔـال لا تـزرع بذرتـك بتـراب الخطيئـة
لأن من تكبر هناك صعب زرعك تشلعــة   

أفتح عيونك زين وصحي ضميرك
وأعرف دربك وين ﮔبل ما تضيعة 

وﮔـال لَحـﮔوا على قربان الكنسية اليوم
 أني هناك أنتظركم تعالوا بسرعة 

لأن باجر يمكن الموعد وياكم ينتهي 
 ومن تجي الساعة بعد ما تنفع الرجعــة

_______________________

كلمات / مهند الكانون
28/6/2011

[Sound of Soul]

نجمة جميلة شقت طريقها في كبد السماء الممتلئة غيوماً ورعداَ وبرقْ
لتشع نورا تبهر الانظار وتأسر  القلوب تلك هي ترتيلك التي رنمتها لنا
فسلمت يمينك على روائع  الدرَر  التي  زينتَ بها صفحات عينكاوا اخي مهند

اسعدني التواجد هنا ... مع كل التقدير والاحترام ...

[مهند الكانون]

الأخت المحترمة
الأرمنية

أشكركِ من كل قلبي على حسن مروركِ ورونقة مشاعركِ
والموقع مزيون بأهلة .. شكراً مرة ثانية لذوقكِ وإحساسكِ

تحية ومحبة واحترام

[haigo]

رائع اخ مهند على كل حرف نثرته هنا وزاد المنتدى رونقا


احترامي لك وتحيتي

[nasir yako]

عاشتايدك ابو ماريو ...عالكلمات الحلوة .....

[مهند الكانون]

إخوتي الإعزاء

من القلب أشكركم لكرم مروركم ..
بحضوركم أصبحت كلماتي اجمل ..
تسرني زيارة مشاعركم دائماً ..

تحية ومحبة واحترام

[نادر البغـــدادي]

    خواطر وأحاســيس راقيــة !

       تسلم اياديكم اخي العزيز * مهند الكانون *

          خالص تقديرنـــا ...

[MUNIR_QUTTA54]

   

 

     رائع هو مايخط يراعك والحق يقال اننا اشتاقينا لك

                             سلام الرب معك

                                 منير قطا

[/font][/color]

[حكمت البيداري]

تسلم ايدك ياأبو ماريو الورد

كلمات ملؤها الحكمة، نابعة من قلب محب لخير البشر

باركك ورعاك الرب

[malak.ali]

روووووووووووووووعه عاااااشت الاياااااااادي