محتاجييين شقة في جبل الحسين

[الأعظمي]

السلام عليكم جميعآ
الى كل من لديه معلومات أو يكدر يساعد عائلة عراقية محتاجة شقة فااارغة غرفتين وصالة فااارغة في منطقة جبل الحسين بأيجار مناسب وتكون قريبة من الخدمات وآني دروت بصحيفة الوسيط والممتاز وملكيت من المالك كلها مكتب عقار ويغردون والمشكلة لازم قبل الجمعة متحولين لأن الشقة اللي كاعدين بيها صاحبها كلش خوش آدمي رفع الأيجار عليهم ضعف بيوم وليلة قبل ميخلص أيجارهم ب3أيام .
رجاءآ رجاءآ للي يكدر يساعد بأي معلومة لا يقصر .مع الشكر الجزيل للجميع
تحياتي وأحترامي للجميع

                                                                           الأعظمي

[Aiham_]

فارغة لو مفروش؟

[Aiham_]

http://www.aqar-estate.com/property-view-40846-%D8%B4%D9%82%D8%A9_160%D9%85_%D9%81%D8%A7%D8%B1%D8%BA%D8%A9_%D9%84%D9%84%D8%A7%D9%8A%D8%AC%D8%A7%D8%B1_%D9%81%D9%8A_%D8%A7%D9%84%D8%A8%D9%8A%D8%A7%D8%AF%D8%B1 


اخوية الاعظمي هاي بالبيادر تفيدهم شوفها

[تقوى الله]

 اخويه شكد ممكن يدفعون ايجار ؟؟
وان شاء الله نكدر نساعدهم

[ابو هنودة]

الاخ الاعظمي السلام عليكم
في هذه الايام من الصعب الحصول على شقة في جبل الحسين لأنه موسم سياحة هذا من ناحية ومن ناحية اخرى اذا توفرت شقة فيكون ايجارها عالي جدا.
الاردنيين حيل خوش اوادم بس يسمعون عراقي يريدون يحلبو ، الجماعة اذا عندهم عقد ايجار ما يكدر يزيد الايجار ولا يكدر يطلعهم من البيت بدون انذار من قبل كاتب العدل وبعدها محكمة وعلى اقل تقدير تطول فد 6 اشهر الى ان يصدر القرار وهم في هذه الحالة يودعون الايجار لدى كاتب العدل قبل استحقاقه بيوم واحد، ويستمروا بتسديد الايجار الى كاتب العدل الى ان يجدوا لهم دارا اخرى.
مجرد مقترح من وجهة نظري هناك مناطق في الضواحي كصويلح او الفحيص او ماحص فهي لا تبعد عن مركز عمان في اسوأ الاحتمالات عن نصف ساعة بالباص ومناطق جميلة واجوائها بديعة وبعيدة عن ضوضاء وصخب عمان بالاضافة الى توفر كل المتطلبات فيها من المأكل والمشرب والافران واللحوم والاسواق وكذلك دورها اوسع وغير متلاصقة ومكتضة واسعارها انسب . مجرد رأي
تحياتي

[الأعظمي]

والله أشكركم كلش هواية وآني بلغتهم على كل الأقتراحات وبعد القرار ألهم .
شكرآ لكم جميعآ ما قصرتوا

تحياتي وأحترامي للجميع

                                                                 الأعظمي