تفكيك شبكة عراقية في كاليفورنيا

[dr.m]

قبل قليل في تلفزيون الشرقية...
قامت الشرطة في ولاية كاليفورنيا بتفكيك شبكة عراقية لتجارة المخدرات و السلاح و صناعة القنابل البدائية و التي تستخدم نادي اجتماعي عراقي في كاليفورنيا مقرا لها.
يعني شلون اذا هيجي العراقيين و الله لعد ما نستاهل نسافر لان صدك احنه ما يرهم النه غير العراق....يعني شلون ننتحر حتى نخلص ؟؟؟يومية واحد مجرم حيوان يسوي كارثة بامريكا ...نسأل الله تعالى ان ما تاثر على التجييكات الامنية
اخوكم د. م من عمان

[dr.m]

http://www.alsharqiya.com/index.asp?fname=mainstory\2011081910\untitled_0002_0020.txt

[Abnaa Al-Iraq]

اي والله اخي للاسف قريت هذا الخبر المزعج ومستغرب من هيج نفسيات وهيج عقول الناس تتمنى تسافر وتخلص من الضيم وتبدي حياة جديدة ملؤها الامل والمثابرة دولة موفرتلكم خدمات ودراسة ونظام وجواز اسافر بيه لاي بلد كان في السابق والان ميحترمك ولا يقيملك اي وزن لولا جوازك الجديد ... كل هذا ميثمر بيك ؟؟ وكف الشغل بس الاسلحة والمخدرات وكواتم الصوت تشتغل ؟؟ اذا انت هيج انسان فاشل ليش ادور تطلع برة وتخرب على الباقين ابقى بالعراق ارض خصبة لامثالك بيها الفساد الاداري والمالي والقنابل والتفخيخ والتفجيرات والاسلحة والكواتم وتكسب اكثر بملايين ودون رقيب ؟؟!! ليش رايح لبلد يحكمه القانون بالدرجة الاولى ويكون حسابهم عسير ومتنطلي عليهم هيج الاعيب ولا يكون هناك اي تسامح او هروب من السجن او رشوة في تهديد نظامهم الامني .

صدك العراقيين عشى الزينين ميصيرلهم جارة ...

حسبي الله ونعم الوكيل

[rayanchase]

لا لا لا    لا اله الا الله  صدك تحجي   جذب     شنوووووو هاي    
  والله  ماسااة  هاي هيه   غسلت ايدي من امريكاا كل شهرين يطلعلنه  قرررد بامريكاا   يسويله  فدشي  

[SARA CALIFORNIA]

ان شاء الله متأثر على وضع اللجوء اذا ارتباطهم ويه المكسيك

حسبي الله و نعم الوكيل بيهم,,الله يلعنهم دنيا و اخرة مثل ما دياذون العالم المحتاجة للاستقرار

[(Michael)]

بعد احداث كنتاكي الولايات المتحدة وقفت السفر لاكثر من اربع شهور بشكل كامل على اللاجئين العراقيين و لكن بعد صدور النظام الامني الجديد عاد السفر من جديد من هذا الكلام اريد ان اقول بالنسبة الى الشبكة العراقية التي تم تفكيكها لا اعتقد انها ستوقف السفر كما حصل بعد احداث كنتاكي
اما بالنسبة الى اصل الخبر يعني انا ما اسغرب هذا الشي و لا همه يستغربون لانه امريكا من اكثر بلدان العالم تحتوي على العصابات و من مختلف الجنسيات و قسم كبير منهم امريكان من اصول امريكية فما اعتقد هذا الخبر راح يأثر و كونوا مطمئنين

[ألن في بلاد العجائب]

الي ممكن يصير تعبئه شعبيه ضد اللاجئين و هاي الحملات تستهدف تشويه سمعة اللاجئين العراقيين لان هاي الجاليه جديده بامريكا ف اكيد رح يكون هناك رد فعل شعبي ياثر ع القرارات السياسيه و رح تبين بالمخصصات مال الميزانيه بعد شهر

تحياتي
الن

[ZOKO1976]

هههههههههههههههههههههه
هلا ابــــ؟؟؟؟؟؟؟؟؟؟؟ هلا...هسة صدك علكت الشغلة
من طيح الله حظ هيجي حيوانات...يعني رحتوا لهناك على هالسوالف الكشرة

[(Michael)]

قولوا يا الله صدكوني مراح تأثر لان هي مو كلساع من اول مرة اكتشفوا ارهابيين اتخذوا الاجراءات الامنية اللازمة و اصدروا النظام الامني الجديد و انتهى الموضوع بعد حتى لو كشفوا غيرهم لان امريكا اول و تالي جاي تعيد التجييكات الامنية على كل اللاجئين العراقيين في امريكا و ذلك من خلال نظام المراقبة

[rayanchase]

ان شاء الله متأثر على وضع اللجوء اذا ارتباطهم ويه المكسيك

حسبي الله و نعم الوكيل بيهم,,الله يلعنهم دنيا و اخرة مثل ما دياذون العالم المحتاجة للاستقرار

سارة شوون متااثر مدتشوفين بلخط العريض  يكتبون عرااااااق        حتى الكل يعرفون   زين بصورة  واضحة  
شنو تعني كلمة  عراقي    حسبي الله ونعم الوكيل  عليهم

[rayanchase]

احلى شي هسه يزركونه بامنية جديده ام العشر سنين  وكل     فترة يطلعلنه قررد   و   همينه    يسوولنه امنيه جديده  لحد  ميصير    عمرنه بل90   و  نكول فرججججت   و  ننجلط بمكاننا  اسم الله عليكم

[aws love]

انوب لا واحد ولا اثنين 60 شخص وكلهم عراقين  

[Aiham_]

خرب عرضكم الامريكان اذا سووو شدة على واحد    اليوم كالفورنيا و البارحة كنتاكي و باجر عفج 

[dr.m]

شكرا للاخت سارة و للاخوان ريان العراق و الرجل الصابر و  ابناء العراق و زوكو و الن و اوس على المشاركة بس والله واحد ما يعرف شنو يسوي اشو الشهر 29 يوم اخبار مو زينة و يوم واحد بس اخبار زينة ....ما ادري احنه من الكآبة صايرين نشوف كلشي مو زين
الله اعلم و الله يصبرنه...
اخوكم د. م من عمان

[ألن في بلاد العجائب]

خب عرضكم الامريكان اذا سووو شدة على واحد    اليوم كالفورنيا و البارحة كنتاكي و باجر عفج 

شون ما شوف حيسسون شده علينا و ناكلها  

تحياتي
ألن

[ÐŗệăMÝ]

حسبنا الله ونعم الوكيل يعني شلون منخلص من هالنماذج القذره اللي راحت لهناك ودور مشاكل وقتل وعمليات اجراميه , بس اريد اعرف شيحصلون , احنا ناقصنه يويميه خبر عن اللاجئين العراقيين وسوالفهم التعبانه من غضب الله على راس كلمن يسوي هالاعمال وايأثر علينه اللي نريد نهج من هالبلد لا وفوكاها لحكونه لامريكا , يعيني اني من هسه أأيس اكيد راح تأثر علينه هاي السالفه .



حسبنا الله ونعم الوكيل