لا ما مل ولا مال.. (شعبي)..
الاعلامي – ماجد ايليا
ما مال كَلبي عن حبك ما مال
ولا فكر بيوم يهجرك يخلي ولا من عشكَك مل
ما مال يا شمعة الروح وانت الجنت باسوء الاحوال
واليوم هو يضوي ليلك وعن حبك ابد ما مال
تميل الدنيا وتنسى همومك
وتنسى فد يوم جان الك خل ابد ما نسى كربك وما شال
عزيزة صدكَ نفسي بس من توصل يم حبك تعذرني يلسؤال
هذا حبيبي الاحبه شون تريدني اليوم انسى وده؟؟
مال النخل وهزته ريح الاهوال
وثار موج البحر ساعة يودي هيج وساعة يجيبه جاي
بس تكَول فد يوم نسى يرسم على شاطي اسمك هذا محال
شوصفك حبيبي اليوم وانت دومك عل بال
ولو شمعة العمر انطفت ابد ما انسى رمشك حتى لو نزل الكيال
كَلبي وجعني وظل ينادي باسمك اتعجبت على كثر حبه وكتله ولك انت بيا حال
لدغني النوب وسالني اصار من عشكَ ولفي ليش مال
جاوبته ودموعي على خدودي
اليوم مات خلي بس مو يعني انساه وعن حبه اميل وتتغير الاحوال!!
لان الذكر انزرع بحشاي وما اضن فد يوم انساه حتى لو كلمة احبك ما كَال.
