المحرر موضوع: توضيحات بخصوص المساعدات في امريكا/الكاش-الفود-التامين الصحي  (زيارة 7889 مرات)

0 الأعضاء و 1 ضيف يشاهدون هذا الموضوع.

غير متصل ZIAD-ABO ALHASAN

  • عضو فعال جدا
  • ***
  • مشاركة: 350
  • الجنس: ذكر
    • مشاهدة الملف الشخصي
    • البريد الالكتروني
إخواني و أخواتي الأعزاء اعضاء المنتدى . . لكم مني كل الاحترام و التقدير
ردا على تساؤلات العديد من الأحبة بخصوص المساعدات . راح اشرحلكم عله كد فهمي البسيط و تجربتي المتواضعة بعد مرور سنة على وجودي مع عائلتي بأمريكا .
اولا : عند الوصول لأمريكا تتكفل المنظمة بكل المصاريف و الاحتياجات الضرورية للاجئين و خلال فترة بين 3 اشهر و 6 اشهر ( و هنا أتكلم عن ولاية مينسوتا و للعائلة حصرا) . . و هذا ليس بالأهمية بقدر ما سياتي لاحقا !
ثانيا : بعد مرور الفترة المذكورة اعلاه ( و هنا أتكلم عن رب العائلة الذي لم يتمكن من ايجاد عمل) . . يتم تحويل اللاجئ و عائلته من ذمة المنظمة الى منظمة ثانية مرتبطة بالمقاطعة ضمن الولاية و على برنامج مختلف ينقسم الى قسمين : الاول يشمل الفود ستامب زائدا الضمان الصحي و هذا يستمر للعائلة التي لا يتجاوز دخلها السنوي مقدار معين او دخلها السنوي يساوي صفر باعتبار ان العائلة لا تعمل و هنا أعطيكم المفيد ! يستمر هذا القسم من البرنامج سنوات طويلة ( اكرر ) سنوات طويلة ! ! يعني شلون ؟ طالما لا يوجد دخل للعائلة لان الكل لا يعمل يستمر الفود ستامب للابد اي الى ما لانهاية و هذا قانون يستفيد منه الجميع و بضمنهم الأمريكان ( خط و نخلة و فسفورة ) و التامين الصحي يتوقف للعائلة عند بلوغ اصغر الاطفال عمر 18 سنة ! ! ( واضح ؟ ) . . نجي هسه عله القسم الثاني من المساعدات المسمى بالكاش أسستنت . انتبهو زين للكلام المكتوب ( و ما عليكم باللي يبجي و يصيح امريكا مو زينة ) بعد ما يستلم صاحب العائلة مستحقاته من المنظمة و يتحول على هذا البرنامج المنظمة الجديدة راح تنطي راتب نقدي شهري مقطوع ( طبعا يختلف مقداره حسب عدد افراد العائلة ) و لمدة خمس سنوات ( اكرر ) 60 شهر و المنظمة تبلغه للاجئ رسميا انه انته الك راتب نقدي شهري عدنه لمدة ستين شهر طالما انته ما لكيت شغل ! !
هسه نجي نحسبه حساب عرب ( و اكرر للعوائل و ليس للعزاب ) العائلة بدون شغل شنو راح تستلم ؟

1. اول ستة اشهر إيجار بيت مدفوع
2. تامين صحي يشمل كل شئ عدا الأسنان
3. فود ستامب شهري يكفي كل ما تحتاجه العائلة و الله على ما اكتب شهيد
4. دفعات شهرية نقدية بامكان رب العائلة ان يقوم بادخارها ليدفع منها إيجار سكن عائلته بعد انتهاء إيجار الستة اشهر الاولى
5. برنامج ( الويك ) و هو يشبه البطاقة التموينية بالعراق بس للأطفال تحت عمر 6 سنوات و العائلة أكدر تشتري بي هواية مواد غذائية و خصوصا حليب أطفال للرضع
6. تامين صحي يشمل كل العائلة و مفيد جداً للام و الاب لغاية بلوغ اصغر أطفال العائلة عمر 18 سنة ( يعني بنتي الصغيرة عمرهه سنة ! ابوهه اللي هوه حضرتي و امهه اللي هيه زوجتي عدنه تامين يغطينه بدون أسنان طبعا من هسه و ل 17 سنة قادمة ! هاي وين موجودة بالعراق لو بسوريا لو بالأردن ؟ لو ؟
7. كاش أسستنت لمدة 60 شهر طالما العائلة ليس لديها مورد دخل ( أنكم ) .
بعد اكو شي ؟ يمكن نسيت ؟ ما ادري هذا اللي اعرفه و اللي اتذكرته هسه !
و وره كل هاذه الدك و اللطم يجيك واحد يطلع صفح و يكول امريكا ما تفيد ! امريكا مو زينة ؟
أعزائي كل اللي كتبته الكم هو حقيقة أنا شخصيا اعيشها يوميا و اشكر الله عز و جل على نعمته علي و على عائلتي غير الأمان و مستوى التعليم الراقي ( و هو مجانا بالمناسبة ) و غيرها الكثير الكثير . صدقوني أنا لا اعمل دعاية لأمريكا فهي لا تحتاجني دعائيا و لكني اكتب لكم الحقيقة كما اعيشها يوميا مع عائلتي بل اكثر من ذلك و أقارن ما اقرأه من بعض الكتابات و التعليقات التي تهبط العزيمة و تزيد الخوف و تجعل الشخص يعيد حساباته مرات و مرات !
عذرا للإطالة و لكني ارجو ان اكون قد اجبت عن بعض تساؤلاتكم عن المساعدات و أنواعها و اتمنى ان يكون ما كتبته لكم عامل امل لا ياس . فلا ياس مع الحياة .
اقول لكل مشكك قد يعترض على ما سطرته من حقائق ان الله سبحانه و تعالى. يقول ( و اما بنعمة ربك فحدث ) . صدق الله العلي العظيم
كل من وصل امريكا بسلام فهو بنعمة مهداة له من ربه و لا تلتفتوا لمن يقول لكم ان امريكا كذا و كذا . نصيحتي لكم شوفو بعيونكم و بعدين قارنو   و  تذكرو  كلامي

تحياتي للجميع

أخوكم
زياد / ابو الحسن
مينيسوتا - روشستر
أعزائي
(( الفقر في الوطن غربة .... و الغنى في الغربة وطن ))



غير متصل الريم 2000

  • مبدع قسم الهجرة
  • عضو مميز متقدم
  • *
  • مشاركة: 5916
    • مشاهدة الملف الشخصي
بارك الله بيك اخ زياد وما قصرت وهاي اللوائح مو بكل الولايات  بصراحة بس ماتخلو انو امريكا تستاهل الصبر واكرر شكري

غير متصل ZIAD-ABO ALHASAN

  • عضو فعال جدا
  • ***
  • مشاركة: 350
  • الجنس: ذكر
    • مشاهدة الملف الشخصي
    • البريد الالكتروني

شكرًا لردكم الجميل و أسلوبكم الراقي

بسبب خصوصية بعض الولايات فانا أضع الخاص بين ( قوسين ) للتفريق عن الاعم الاغلب

اكرر شكري الجزيل لشخصكم الكريم


(( الفقر في الوطن غربة .... و الغنى في الغربة وطن ))

غير متصل الريم 2000

  • مبدع قسم الهجرة
  • عضو مميز متقدم
  • *
  • مشاركة: 5916
    • مشاهدة الملف الشخصي
تسلم اخي وعاشت ايدك --قصدي كل ولاية شكل بس الاصح اللي بين القوسين الاعم --عاشت ايدك وربي يوفقك بولايتك يارب

غير متصل ام الهنا

  • مبدع قسم الهجرة
  • عضو مميز جدا
  • *
  • مشاركة: 2306
    • مشاهدة الملف الشخصي

بارك الله بيك اخي زياد على  الشرح الوافي ، وكثر الله من امثالك .
وربي يسهل امورك ويوفقك في حياتك .
تحياتي لك .

ام الهنا
( كَلَّا إِنَّ مَعِيَ رَبِّي سَيَهْدِينِ )

غير متصل رامي حاجبة

  • عضو فعال جدا
  • ***
  • مشاركة: 392
    • مشاهدة الملف الشخصي
الاخ زياد

عاشت ايدك وبارك الله بيك كفيت ووفيت تمنياتي لكم بالموفقية.

ابو نورا ------ سوريا

غير متصل شنايزر

  • مبدع قسم الهجرة
  • عضو مميز جدا
  • *
  • مشاركة: 3413
    • مشاهدة الملف الشخصي
    • البريد الالكتروني
بارك الله بيك

وعاشت ايدك عالمعلومات

وبالتوفيق في حياتك

غير متصل روزة اليرموك

  • مبدع قسم الهجرة
  • عضو مميز
  • *
  • مشاركة: 1531
    • مشاهدة الملف الشخصي
بارك الله بيك اخي ابو الحسن والله يوفقك ان شاء الله ياطيب

غير متصل ام برهومي

  • عضو فعال جدا
  • ***
  • مشاركة: 77
    • مشاهدة الملف الشخصي
الف شكر الك اخوية على التوضيحات

غير متصل مترجم سابقا

  • عضو فعال جدا
  • ***
  • مشاركة: 250
    • مشاهدة الملف الشخصي
    • البريد الالكتروني
مشكور ابو حسن على هذا الموضوع الراقي

غير متصل gheed ... جـهــيـــــــد

  • عضو فعال جدا
  • ***
  • مشاركة: 582
    • مشاهدة الملف الشخصي
بارك الله بيك اخي العزيز على هاي المعلومات القيمه

غير متصل ابو هاشم

  • عضو فعال جدا
  • ***
  • مشاركة: 607
    • مشاهدة الملف الشخصي
العزيز زياد

عاشت ايدك يا ورده الف رحمه على والديك. والله يوفقك انت وعائلتك

بس سوال ان امكن هل ممكن معرفة الملبغ الشهري الذي تقوم بدفعه الحكومه الى العائله وانا على علم انه يختلف من ولايه الى اخرى وحسب افراد العائله لكن من باب العلم بالشي لا اكثر

تقبل تحياتي

ابو هاشم
اتمنى الخير للجميع

غير متصل مدام كوري

  • عضو فعال جدا
  • ***
  • مشاركة: 165
    • مشاهدة الملف الشخصي
السلام عليكم
والله اخويه اني هسه ويه تكساس منا للشهر ال6
يعني اذا ماكو شي احول على ولايتك
بس ممكن اعرف شلون؟؟؟؟؟؟؟؟؟؟؟؟؟؟؟؟؟؟؟
ارجو التوضيح لان تدري الغركان يريد يتعلك بكشايه
وتقبل مروري

غير متصل BraveHeart777

  • عضو فعال جدا
  • ***
  • مشاركة: 84
    • مشاهدة الملف الشخصي
اولا مشكور اخوية عالموضوع الرافع للمعنويات الي نحتاجها بهل الوكت .. ولكل واحد يريد يبني مستقبل و حياة كريمة الة و لاطفالة فامريكا هي الخيار الافضل.
بس للامانة و الانصاف ... ترة الوصف مالتك مينطبق علة الغالبية العظمى من اللاجيئن و الي من ضمنهم داعيك (استلمت نقطة رقم 2 و رقم 3 والكاش اسستنس RCA لمدة 8 اشهر فقط لا غير).
فاذا امكن توضح للاخوان بالتفاصيل (يعني اسماء البرامج , المبالغ , فدرالي لو من الولاية... ) للنقطة رقم 1 و رقم 4 و رقم 7 .... حتى الناس تستفاد و تفتهم بالضبط شنو الموضوع و شلون تتوجه على الشي الي يفيدها.

ومشكور مرة ثانية
اخوك بريف هارت