@@@ مصاصات دماء في احدى اعداديات أربيل @@@

[the lion]

   مصاصات دماء في احدى اعداديات أربيل


مصاصات دماء في احدى اعداديات أربيل

01-03-2012 01:50 PM

أحرار -
نشر احد المواقع الكردية خبرا مفاده ان عددا من الفتيات في احدى اعداديات اربيل ادمن على مص دماء بعضهن البعض .
وجاء في الخبر الذي نشره موقع ستاندر باللغة الكردية :' ان 24 فتاة في احدى اعداديات مدينة اربيل ، ادمن على مص دماء بعضهن حتى الوصول الى حالة الفقدان او السكر في حالة هي الاغرب من نوعها حتى الان '.
واضاف :' ان الطالبات تتراوح اعمارهن بين 15 الى 24 سنة ، وان اعتيادهن على مص الدماء سبب اصابة 4 منهن بحالة فقر الدم ويتوجب حاليا اعطاؤهن كمية من الدم لتعويض ذلك '.
واشار الخبر الى :' ان اي شخص يستطيع التأكد من ذلك اذا ماشاهد الفتيات حيث الاسنان ملوثة بالدم واجسادهن محمرة ومزرقة وهناك اثار وخز ابر .

http://www.ahraraliraq.com/index.php?page=article&id=4065

[كلي امل]

عزه

[إستقرار]

عاشت اميركا . عاش الغرب .. عاشت الرأسمالية  ..

بعدكم ما شفتو شي 

[the lion]

عزه

خير من الله بعد اكو في مناطق اخرى من العراق ...رح انزلج الخبر  الاخر بعد قليل ....

[كلي امل]

شكرا لايون يعني احضر عزه لاخ

[ميمي2010]

عزه

اي والله عزه

[durar]

موجودين مصاصي الدماء حتى بالكاظمية البارحة بالاخبار صرحوا عن وجودهم من فصيلة الأيمو
الله اليستر
شنشوف بعد

[عمدة فرجينيا]

الله اليستر هذولة جماعة الايمو والي انتشرت بالعراق مؤخرا واحد شروط القبول لهذه الظاهرة هي مص دماء الاخر من اجل توثيق الاخوة بينهم طبعا مفهوم الاخوة مو مثل ما هو متعارف عنه بيننا يختلف تماما سووا بحث بالكوكل كتبوا ظاهرة الايمو في العراق وشوف البلاوي
وهاي الظاهرة منتشرة بشكل واسع في اربيل وخاصة الاعداديات الله يسترنا ويحمينا من هالافة الفكرية الي تنخر بعقول الاجيال المراهقة


اختكم
الملاك الحائر 

[البغدادية2]

عزاا العزاا العراق انشاالله بعد عليش دسافرون شنو إحنا صرنا قطعه من اميركا إحنا صرنا المحافظه ال19 من اميركا 

[saiyf]

السلام عليكم اخواني هاي الضاهره منتشره بكل العراق الي يسموهم ايمو او عبدة الشياطين وهذا رابط


http://www.alrafidayn.com/2009-05-26-22-07-53/34123-2012-02-13-05-14-43.html

[القرموطي]

 مالهم علاقة بالـ (إيمو) ذولة مرضاء نفسياً يقلدون نوع من غناء اوربي اسمه (كوثك هيفي متل) او ( دِث متل ). عادي جداً فالي يحب يتأثر بالحضارة الاوربية بشكل سلبي فأكيد يصل لهل مراحل مال الدماغ سزية , والي يريد يتأثر ايجابي فأكيد رح يصير بني آدم.
 تقبلوا مروري
 القرموطي

[مــحــمــــد]

هاي التأثيرات الجانبيه لانقطاع الكهرباء واحد يكوم يعض بالثاني

[إستقرار]

اخوان


الإيمو شي

وعبدة الشيطان شي

وهذولة شي

والميتاليك شي

ومحد اله علاقة بالثاني وكل واحد اله توجه الخاص بيه

اقرأو عن الإيمو راح تلاقون قيمهم لطيفة ..

[كاتلوني الى الابد]

شي طبيعي نتيجة الفراغ الروحي والفكري ومع الاسف اخذنا السيئ والقشور من الغرب وتركنا الجيد من العلم والتطور التكنولوجي وايضا سبب اخر هو انظمة منحلة تشجع على الانحلال ربنا يسترنا ويستر اولادنا من هاي الافكار الهدامه للاسرة والمجتمع

[روزة اليرموك]

لا حول ولا قوة الا بالله العلي العظيم

[محارب]

يا ما اكثر مصاصين الدماء بالعراق يروح مصاص دماء ويجون مصاصين دماء ونفط


اللهم احفظ جميع الطيبين

[s350thebest]

انا اخوك  

[durar]

اني اسمي هاي الحالة شذوذ نفسي وعقلي وجسدي ولة هو شنو الدم نجس وزفر همزين الله ميكلبها بينا هو هم شباقي بينا اشو كل انواع المشاكل والمصايب دنشوفها

[abo shams]

الله الساتر ....  فراغ و فقر ديني و نقص بالوعي الانساني و الاخلاقي .. المسبب الرئيس لهذه الضاهره هم الاهل اولا و المجتمع ثانيا

[فقير وحباب]

  صدك جذب اكو هيج شي ,,,,اذا صدك بلكي تعضني بطلة فلم underworld  evolution واني الممنون 

[ابو ايمن المياحي]

up

[the lion]

الله الساتر ....  فراغ و فقر ديني و نقص بالوعي الانساني و الاخلاقي .. المسبب الرئيس لهذه الضاهره هم الاهل اولا و المجتمع ثانيا

حبيبي ابو شمس .... هاي لو هيج الديمقراطية لو متنراد ....اكو احلى من هيج ديمقراطية شتريدون بعد ... !!!!!!

[engineermech]

سليمة طمهم وطمهن هم

[محارب]

سليمة طمهم وطمهن هم

سليمه منو ؟؟؟؟
بس لا تشتغل بالسفاره

[مهندس البصره]

ههههههههههههههه... خبر مرعب ...

هاي نهاية افلام الرعب .. شفتوا شلون ...

حتى لو خبر من الخيال العلمي همين يصدكوه العراقيين ... خوش لهيه ... على ما تطلع الفيز ..

[مــودي]

هاية شنو ياساتر طلعت الدعاية صحيحة خاف اتاثرو بقناة Top Movies
واكو بالكاظمية هم يكولون

[unfaithfull]

عزه

ههههههههاي
اضحكتني من اعماق قلبي
شكرا لناشر الموظوع

[/b]

[so soft]

هاية شنو ياساتر طلعت الدعاية صحيحة خاف اتاثرو بقناة Top Movies
واكو بالكاظمية هم يكولون

اخي البارحة الخبر انذاع بالاخبار .... والخبر صحيح ومنشور  امامكم مع الاسف  ولاحول ولا قوة الا بالله

بس مشكلتنا وكت الي يعجبنا انصدك بالخبر  ووكت الي ما يعجبنا الخبر ما نصدك بيه ....السالفة سالفة مزاج

[The Pursuit Of Happyness]

اني اسمي هاي الحالة شذوذ نفسي وعقلي وجسدي ولة هو شنو الدم نجس وزفر همزين الله ميكلبها بينا هو هم شباقي بينا اشو كل انواع المشاكل والمصايب دنشوفها

لا والله اخوية هاي لو من ورا الامنية لو من ورا اللحم الهندي 

[kunda]

هالمواضيع دمها خفيف اكثر من اللازم لذلك مصيرها النقل لانه مواضيع الهجرة دائما دمها ثكًيل 

[max582]

يمعودين صاحبتي...!

[خولة بنت الأزور]

هالمواضيع دمها خفيف اكثر من اللازم لذلك مصيرها النقل لانه مواضيع الهجرة دائما دمها ثكًيل 

وليش اكو مواضيع ما تنقلوها علماً ليس لها علاقة باللجوء والهجرة ؟؟؟؟ لو  هو على المزاج

خلوا الناس اتشوف شديصير ببلدهم .... لأخذ الحيطة والحذر  بدون زحمة عليكم

[kunda]

هالمواضيع دمها خفيف اكثر من اللازم لذلك مصيرها النقل لانه مواضيع الهجرة دائما دمها ثكًيل 

وليش اكو مواضيع ما تنقلوها علماً ليس لها علاقة باللجوء والهجرة ؟؟؟؟ لو  هو على المزاج

خلوا الناس اتشوف شديصير ببلدهم .... لأخذ الحيطة والحذر  بدون زحمة عليكم

اي طبعا من حقهم يعرفون شيصير ابلدهم .... بس هذا المكان يختص بمواضيع الهجرة والسفر واللجوء وما يدور حول هذا الموضوع وله صلة به .