المحرر موضوع: للي عاجبة --- يضحك ---  (زيارة 4010 مرات)

0 الأعضاء و 1 ضيف يشاهدون هذا الموضوع.

غير متصل لاتحزن ياعراق

  • عضو فعال جدا
  • ***
  • مشاركة: 206
    • مشاهدة الملف الشخصي
    • البريد الالكتروني
للي عاجبة --- يضحك ---
« في: 20:24 10/03/2012 »
اهلا بيكم اخواني واخواتي يارب شوية تغيرون جو وتضحكون والله كريم
--الشعب العراقي

1. ما زال الشعب العراقي إذا شاف أخوه الصغير ويا جبس يكولة أفتحلكياه؟؟؟ حتى يأكل منه... ههههه.

2. وما زال الشعب العراقي يعد: واحد ثنين ثنين وربع ثنين نص، يستخدمها الأخ الجبير قبل لايكفخ أخوه الصغير... ههههه.

3. وما زال الشعب العراقي إذا شافك راجع من الجامع يسالك: ها خلصتوا صلاة؟؟؟ لا الإمام إنطانا فرصة... ههههه.

4. وما زال الشعب العراقي إذا إشترى صمون حجري لازم يأكل الكمع قبل لا يوصل للبيت... ههههه.

5. وما زال الشعب العراقي إذا دخل للبيت وشافة مرتب يسأل لا شعورياً: شنو جاي يمنة اليوم خطار؟؟؟... ههههه.

6. وما زال الشعب العراقي إذا سألته وين فلان؟؟؟ يحط إيدة بجيبة يكولك: لحظة خلي أطلعة... ههههه.

7. وما زال الشعب العراقي إذا خلص الشامبو يملي مي... ههههه.

8. وما زال الشعب العراقي يملي قواطي الكيكوز ويحطها بالمجمدة... ههههه.

9. وما زال الشعب العراقي يجمع شيش المعجون الفارغة ويحط بيها ملح وبهارات... ههههه.

10. وما زال الشعب العراقي يغسل كلاصات جبن كرافت ويستخدمها بالبيت للجاي أو الماي... ههههه.

11. وما زال الشعب العراقي إذا عـَلـَّك ال سي دي يطلعة يتفل عليه ويمسحه بهدومه... ههههه.

12. وما زال الشعب العراقي إذا دخلت سيارتة بطسة يكول: آخ آخ آخخخ... ههههه.

13. وما زال الشعب العراقي إذا حس بالملل يروح يفتح الثلاجة ويصفن بيها ونوبات يشرب مي وهو مو عطشان... ههههه.

14. وما زالت المرأة العراقية إذا صعدت على الميزان تكول لا عينييييي ميزانكم خرباااااان... ههههه.

15. وما زال الشعب العراقي إذا فتح الموطة يلعق القبغ والقوطية... ههههه.

16. وما زال الشعب العراقي إذا دخل لغرفة بيها ثنين يسألهم: شدتسوووووووووون... ههههه.

17. وما زال الشعب العراقي إذا سألتة صليت؟؟؟ يكولك ليش أذذذذذن؟؟؟... ههههه.

18. وما زال الشعب العراقي إذا راح للخلاء تواليت) يجيب وياه كلمات متقاطعة من مجلة لو جريدة ويكعد يحلها طابتله الكعدة) ... ههههه.

19. وما زال الشعب العراقي كل ما إجتي حكومة تحكمه يكول الله يرحم الحكومة الكبلها... ههههه.

20. وما زال الشعب العراقي يدور هجرة لو لجوء لأي دولة حتى لو الصومال) متخيل كل الدول أحسن من عدنة... ههههه.

1-- الكهرباء
الفرق بين البيت اللبناني والبيت العراقي لمن تنطفي الكهرباء

البيت اللبناني :
الآب : اللهم آجعلو خير
يآولآد آنتبهو منيح
حبيبتي وين الشمعه الحمرآء اللي كانت بسهرة آمبآرح
الآم : هون حبيبي رآيحه جيبا
حبيبآتي مآتخآفو هلآء بترجع الكهربآ

البيت العراقي:
أهووووووو
بس لا نسينا ننطي فلوس المولدة الله يشيلهم
شغلووو موبايلاتكم
ديرو بالكم كلاص الجاي لحد يوكعه
دست على  رجلي الله يطيح حظك يا أحول اثول قندرة
آنتبه لا تدوس ع الولد نآيم بالكاع
روح جيب الجداحه
آسكتوووو فضحتونآ
روحوا شوفوا طفت عند الجيرآن لو بس علينة

- اسماء العجايز مال كبل
--- جديتي الله يرحمهة جان اسمهة جرادة

فتله


زرديه


دارميه


سوده



ملحه



زهديه



عوفه


نوميه




حذامه



زهيه



مهيه




خلفه



شكحه


تلحوكه



رمانه




دبجه



جتاله




عاصفه



خرنوبه




عيافه




تاله


زيديه





حردانه


جماره



لافيه


اعلاهن


احلاهن



كاريه

شاها


فنونه


فراتيه


مجيده


سبحه

نمشه



عمشه


فتاله


طرموزة

رفعة

شكحة

عبدة

بتلة

ضحية

كلفة

هدلة

وطفة

نزهة

شمة مو ابو نصير شمة،، يجوز امه)

والعنده كم اسم ايضيفه خل يكتب هع


--فلافل

فالح ابو العمبة ديغازل صاحبته يكوللها ... حلو يالشعرچ مفلفل فلافل وحك عيناج عن حبچ فلا فل ولو جانت عشرتي وياج صمون وفلافل .. ولج والله دجاج تصير ومطبك سويه .. سوية
مطفي كلوله باجر عيد الحب قال : اهووو هاي اشون ورطة! هاي اشون صلاتها

4--اسلحة الام العراقية

- النعال :
ويستخدم في حال كان الابناء بعيدون عن متناول يد الأم حيث تقوم بالتصويب عن بعد ويطلق على هذه العملية الرشك بالنعل ! و قد يستخدم عن قرب اذا تمكنت الأم من محاصرة الابناء و تسديد ضربات متلاحقة ويطلق على هذه العملية الخًبز.
...

2 - العياط والصريخ وصخام الوجه :
وهي عبارة عن اطلاق شتائم متعددة بسرعة 24 ميجا بايت بالثانية غالبا ما تنتهي بجملة:
الله ياخذكم ويخلصني منكم. لو اني لو انتوا ياولاد الـ......

3 - النظرة العصبية الخزرة)
وتكون في حال وجود ضيوف بالمنزل وتكون النظرة تحذيرية شديدة اللهجة .. لا تجرؤ معها الا على الانصياع..

4 - القرص:
في حال رغبتها بالعقاب دون أن يحس من حولها ويكثر استخدامها في العزومات و على مائدة الطعام .. و يكون أفضل مكان للقرص في الفخذ وبعد أن تتم القرصة تترك لونا رائعا وهو الأزرق المموج لو البنفسجي المطكع

5--مراحل البنت العراقية


مراحل حياة البنت العراقية


اول ما تنولد

الكل يكول اهو هم بنية والله ازعاج والرجال يعوف البيت اسبوع اكثر.

العمر 3 سنوات

حلوة وسكرة وتخبل وتموت بس المشكلة متسكت اذا ما تطلع بالشارع.


العمر 3-5

هنا البنت حبابة ومؤدبة ومافي باخلاقها حتى الكل يكولون ها فلانة خوش بنية.
**************


العمر 5 سنوات

هاي المرحلة تكوم تساعد الوالدة يعني امشي جيبي الخبز او جيبيلنه مي بارد

*************************


العمر 6-12

مرحلة الابتدائية

هاي المرحلة اخطر شي البنت تصاحب الولد هلو حمودي وهلو علاوي خليها سكتة احسن لو تروح للولد بيوم الامتحان تكوللهم اذا محافظين اني اردلكم بس تعالوا اكعدوا يمي ومعليكم.



العمر 12 الى 18

تبدأ مرحلة المتوسطة وتضوج لان ماكو ولد وياها بس السوك موجود

كل يوم تروح لماما رايحة لصديقتي هاي بت جيرانه لان هذا الموضوع شويه ما فاهمته وكبل للسوك وبالسوك الله يعلم شنو الي راح يصير وتنتظر الجامعة شوكت تجي واشوف الولد ويصارحوني عهد عليه ما اضرب ولا واحد بوري واذا يريدون اني اصرف عليهم واشدلهم كارتات بس كون يقبلون يمشون ويايه.
*****************

العمر 18-22

تدخل الجامعة متحمسة لما سمعته عن وجود كافة انواع الرجال قصير طويل سمين ضعيف حلو مو حلو.
و تبدأ مرحلة المصارحة لتخرج من الجامعة مع احد الطلاب بسيارتها تكوله لا تخاف اني وياك نفس الطريق خلي يولن.

*****************


22-25
اتدور على رجال كل اسبوع يا حفافة يا خياطة

*****************


25
تتزوج وتسبي الرجال سباية ها ماعندي دشداشة ها ماعندي تنورة ها كل الي اعرفهن يلبسن بنطرون شمعنه اني ما البس وحد تضحك على عقل الرجال وتاخذ فلوسه.
******************


40

تكوم تدخن جكاير وشيشة.

*******************


عمره 50

بيها كل الامراض.

*******************


عمره 60

ولدها يفترون بيها بالمستشفيات

*******************

عمره 70

ماتت الى رحمة الله

ويجون يعزون ابنهة الجبير البقية بحياتك شلون ماتت ابنهة يجاوبة يكولة شلون ماتت هاي معليك بيهة المهم كلعناهة

6--اذا صارت اعداديه مختلطه ولد وبنات تعالو شوفو شصير... خخخخ

بالـنسبـة لـلـشبــــــاب
1- تقل نسبة الغياب إلى 99 بالمئه ..
2-تنتهي أيام النذاله وعدم تسليف الأقلام والفلوس ..إلخ
3- كل الطلاب يكعدون باخر الفصل ... ويقولون ليديز فيرست --- ما أدري منين جايبين هالأدب ..
4- كل واحــد يفتّح عيونه واذانه وخشمه مع الدرس علمود يشرح للطالبات ..
5-ينزل عليهم الأدب والإحترام بين الشباب وكل واحد مسوي اخلاق ولا
واحــد يقــول عبارة للثـاني كَدام الفصــل ,, وتكثر فقرة السبح يومية نظاف من قال وبلة)
6- طبعـاً كَاعدين و صاحين من تلاثة الفجـر... علمود اذا اجة المدرس النومة رايحة من عيونة,,
7- تشتم كل أنواع العود والبخور والعطـور في الفرصة,,
8- تقل نسبـة النوم في الفصل بنسبة 200 % ,,
9- كل واحد يكتب رقمه وإيميله علىالرحلة ومسوي قصة ذكريات ,,
10- يكثر الشعـراء والرومانسيين في الفصــل ,,
11- المدرسين فرحانين لأن الطلاب دائماحافظين الدرس وكاتبين
الواجب مرتب--- و تشوف الواجب كل سطر بلون مختلف ,,
12- تكثر العزايم على الفطور في الفرصة,,
طبعـاً ينسـون ايام البيض والفلافل.. ويبدلونهـا بفطيرة جبن لو عسل
13- كل البنات ينجحون لأن كل شاب يسعى أن يغششهم كلهم


اما الشابات

1_اتشوفوها يومية سابحة ومعطرة وهي متندل شكل الحمام اصلا)
2_اويلي عليها من تتكلم شنو هل الصوت شنو هل الرقة
3_كَال حبيبي كاظم وحجة حبيبي كاظم على الاساس الاخت رومانسية)
4_في داخل الصف وامام المدرس تعال شوف الاسئلة النازلة بيها على المدرس عيني البنية مثقفة)
5_من تحجي وية صديقاتها بخصوص الطبخ تتعمد ترفع صوتها وكَال
الاومليت وحجة الكنتاكي وهي متعرف تسوي جاي وتعلس كل بيتنجاناية تالي الليل تكلك اني )
6_لابسة الذهب مال امها واختها وجيرانها وجيران جيرانهاطاكَة)
7_والاحلة من كل هذا من تاخذ راي زميلها وتكَلة البارحة اتقدملي واحد طاكَ
ووحيد اهلة ومثقف واسمة لؤي بس اني بعدني محتارة حمادي ابو النفط زايد عليها)
8_من تشرب الببسي لازم اتعوف نصة شبعانة منة)
9- كل البنات بيناتهم سوسو وميمي ودلع وهي جاسمية هواية عليهة

--مقارنه بين الشباب والبنات

احسن لون عند البنات ------------- الوردي
احسن لون عند الشباب ------------- الاسود

احسن ماركة مكياج عند البنات -------- كريستيان ديووور
احسن نوع سيارة عند الشباب ----------- بي ام دبليو

احسن اسم ولد عند البنات ------ مهند + سنان+اسمر
احسن اسم بنت عند الشباب ------- لميس نور سعديه

احسن اكلات عند البنات ------------ سباكيتي اندومه
احسن اكلات عند الشباب ------------ تشريب وباجه

احسن هدية عند البنات ------------- ريحه طاكه
احسن هدية عند الشباب -------- اي شي المهم بلاش
احسن قناة عند البنات ------------- هيا فاشن
احسن قناة عند الشباب ------------- فينوس وردح للصبح

احسن مغني عند البنات -------------اي واحد حلو
احسن مغني عند الشباب ------------- عبادي العماري

احسن مغنية عند البنات ------------- اصالة مريم فارس اليسا
احسن مغنية عند الشباب -------- دانا روبي هيفا
احسن طلعة عند البنات ------------- السواكه
احسن طلعه عند الشباب --------- لـــلمنصور

احسن سفره عند البنات ------------- تركــــيا
احسن سفره عند الشباب -------------للزوراء

احسن كصة شعر عند البنات ----------- ستيبس
احسن كصة شعر عند الشباب ---------- سبايكي

احسن شراب عند البنات ------------ كابتشينو
احسن شراب عند الشباب ----------- تــــــايكر

احسن شغله عند البنات ------------- دكتوره / مهندسه
احسن شغله عند الشباب -------- يشتغل ويه الامريكان

احسن بلد عند البنات ----------- باريس جنيف
احسن بلد عند الشباب ---------- سوريا ولبنااان ومصر

احسن فريق عند البنات ---- ايــــــــطاليــــــــــــــا
احسن فريق عند الشباب ----- برشلونه / ريال مدريد

احسن موبايل عند البنات ---------- الاباتشي الموترلا
ااحسن موبايل عند الشباب ------ اي جهاز بيه بلوتوث

احسن ممثل سينما عند البنات -------- توم كرووز
احسن ممثل سينما عند الشباب -------- جاكي شان

احسن طريقة لرفع ضغط البنت ---------اذا كالت ألو بالتلفون وسديته بوجها
احسن طريقه لرفع ضغط الشباب --------- من اتكلك اني انخطبت

احسن موقف محرج للبنات --------- لمن الواحد يباوع عليها وتعثر وتوكع
احسن موقف محرج للشباب --------- يفيك كدامها بالسياره ويندعم

احسن فرحه للبنات ----يجيه رصيد بلاش
احسن فرحه للولد ---- من يحصل رقم بنية

--فوائد الزوجة الطويله
يكولون الزوجه الطويلة بيها عدة فوائد هسه اذا ردنا نذكرالفوائد

فهي هواي اولها اذا تريد اتنظف

الثريات متشلع كلبك اتكلك بعيده عليه وما الوحها تعال انت نظفها

وتتورط والشغلة الثانية من تطلع

وياك متشلع كلبك خصوصا اذا صار طريقكم على محلات الملابس
عادي انت حتى ولاتهتم خليها تفوت

للمحل لان ماكو شي على كدها فهم مراح تخسر وواذا تريد

نصيحتي انت كلها تعالي خل اشتريلج فد

شي فتسعين بالميه ماتلكه الي تريده وراح دكلك شكراجاي اتعبك
وياي انت كلها لا اني بودي اجيبلج

المحل كله بس شنسوي يعني الله ما قاسملج فراح تفرح من كل

كلبها تكول زوجي كلبه عليه وتخيل

انت وياها تمشون ابفد منتزه ووتلاكيكم شجرة بيها فاكهة وانت دنت
نفسك وردت تاكل فا اكيد بس

اتكلها جبيلي هاي الفاكهة تجيبلك اياها لان عيب عليك انت جبير
ومتزوج تروح تشمر حجار على

الفاكهة بس يمكن هم الها مشاكلها انه لازم تعلي السكف مال بيت

وتصرف شويه على اللحافات كطن

حتى يكفيلها وهم تتعب لازم اربعه وعشرين ساعة تباوع اليفوك

وتصير عندك تشنجات بس بصورة

عامة يكولون الزوجه الطويله لا تخلو من فائدة .

هههههههههههههه

8--كلمات من المستحيل أن تـُفهم خارج الحدود العراقية


طرن
دثو
ططووو
سليمه التكرفك
عمه بعينك
شحاطه
جمجه
دفره
اغاتي
تاج راسي
شلولو
دوشك
خلاء
قندرجي
جفجير
زقنبوت
بلوعه
ادبسز
دماغ سز
لوكي
لوتي
لواته
مطيرجي
ابو الدروب
دعبله
جر
اطفر
اشلع
ولى
مرغلنى
مال الثول
غلس
خايس
مصخم ملطم
بومة
مال الهبري
اثول مطفي
قز القرط
جاملغ
جكمجه
جعمقة
قرابيع
مكثول
عثويلة
عتوي
سبانه
طربكه
طاك
سوده عليه
صخام الصخمك
خبل
محوسم
حواسم
فرهود
طُبك مرض
كيكي
مُطي
قجغجي
سربوت
حنقباز
آفَه
الكومَدي اللي يم راسي
تَــرَس
قزالقرط
رَمبه
جقلمبه
قيطان
زعطوووط
بزر نستله
يضرب دقله
رَكي
مرَعبل
معثول
جلابتين
عفطي
طراك
خرنكعي
قلايج
مجكنم
خمط
مخنشر
يتنعوص
يتمقلج
يعنفص
يجوعر
يتعنقر
يذب لكط
يتعيقل
يتمصرن
يستصرم
مخترع
مطشر
مخلكن
يتدحس
مكعبر
معقج
ممطول
متروس
مطوط
باجه
متزوهر
إشطح
مسنح
مجعمر
وكيح
سرسري
بايع و مخلص
خرطي
ناكته الفكر
مشخوط
كلاوجي
مضروب بوري
بانكه
ميز
سكملي
قنفه
كنتور
قريولة
كاشي
جلافيط
لبلبي
جاجيك
مسودن


واكيد انتوا تعرفون معناهن ههههههههههههه

9--فوائد الصرصور

من فوائد الصرصور وانتم بكرامه كالتالي ...........

1__ فوائد اقصاديه يفاجئ الشخص في الحمام ليجعله ينهي استحمامه سريعا بدلا من هدر الماء بلا فائده)


2__ فوائد رياضيه يجبرنا على الركض والنط)


3__ اخصائي اجتماعي يساعد على الترابط الاسري حيث ان الزوجه تلتصق بزوجها حال رؤيته ويهرع الابناء الى ابائهم )



فديت هالصرصور وفوائده وغير كذا ستايله الخاص بني وعودي واسود واحيان يجي مبقع


غير متصل espero

  • مبدع قسم الهجرة
  • عضو مميز جدا
  • *
  • مشاركة: 3250
  • الجنس: ذكر
  • ARSENAL TILL I DIE
    • مشاهدة الملف الشخصي
رد: للي عاجبة --- يضحك ---
« رد #1 في: 20:35 10/03/2012 »
طويييييييييييييييييييييييييييييييييييييييييييله  ;D ;D ;D ;D ;D ;D ;D ;D ;D ;D ;D



ان يحكمك الوضيع و السافل ... فأنت تعيش في غربة!!!!

غير متصل روزة اليرموك

  • مبدع قسم الهجرة
  • عضو مميز
  • *
  • مشاركة: 1531
    • مشاهدة الملف الشخصي
رد: للي عاجبة --- يضحك ---
« رد #2 في: 20:48 10/03/2012 »
 ;D ;D ;D ;D ;D ;D ;D ;D ;D ;D ;D ;D ;D

غير متصل abo shams

  • مبدع قسم الهجرة
  • عضو مميز
  • *
  • مشاركة: 1825
    • مشاهدة الملف الشخصي
رد: للي عاجبة --- يضحك ---
« رد #3 في: 21:25 10/03/2012 »
عاشت الايادي واحلا وحده مال الكهرباء .. ;D ;D ;D ;D ;D ;D ;D ;D ;D ;D ;D

غير متصل محارب

  • مبدع قسم الهجرة
  • عضو مميز جدا
  • *
  • مشاركة: 3957
  • الجنس: ذكر
  • (كلش حباب)
    • مشاهدة الملف الشخصي
رد: للي عاجبة --- يضحك ---
« رد #4 في: 21:39 10/03/2012 »
متكوللي هاي وين لكيتهه متنه من الضحك اني وام سمسوم
شوكت الجزء الثاني؟؟؟؟؟؟؟؟؟؟؟؟؟؟


تقبل مروري
اخوك
ابو سمسوم

غير متصل الخديدي 2008

  • عضو فعال جدا
  • ***
  • مشاركة: 325
    • مشاهدة الملف الشخصي
رد: للي عاجبة --- يضحك ---
« رد #5 في: 21:42 10/03/2012 »
هههههههههههههه  ;Dكلهم حلوين بس احلاهم هي مال كهرباء والاسلحة مال الام العراقية  8)
للعلم اني استخدم كلمة (غلس) هواية
عاشت ايدك خوية

غير متصل برنسيسة

  • مبدع قسم الهجرة
  • عضو مميز جدا
  • *
  • مشاركة: 2586
  • الجنس: أنثى
    • مشاهدة الملف الشخصي
رد: للي عاجبة --- يضحك ---
« رد #6 في: 22:06 10/03/2012 »
مابيه حيل اقرة  ;D ;D ;D ;D ;D
بس مبينات حلوات  ::) ::)

غير متصل mamad

  • عضو فعال
  • **
  • مشاركة: 50
    • مشاهدة الملف الشخصي
رد: للي عاجبة --- يضحك ---
« رد #7 في: 23:06 10/03/2012 »
احلاهن مال الكهرباء .. حياك

غير متصل المهندس76

  • عضو فعال
  • **
  • مشاركة: 36
    • مشاهدة الملف الشخصي
    • البريد الالكتروني
رد: للي عاجبة --- يضحك ---
« رد #8 في: 23:16 10/03/2012 »
حلللللللللللللوة عاشت الايادي

غير متصل ابو سميره

  • عضو مميز
  • ****
  • مشاركة: 1095
  • الجنس: ذكر
    • مشاهدة الملف الشخصي
رد: للي عاجبة --- يضحك ---
« رد #9 في: 23:20 10/03/2012 »
هههههههههههههه عاشت الايادي حلوه والله

غير متصل jack black

  • مبدع قسم الهجرة
  • عضو مميز جدا
  • *
  • مشاركة: 2368
  • الجنس: ذكر
    • مشاهدة الملف الشخصي
رد: للي عاجبة --- يضحك ---
« رد #10 في: 23:53 10/03/2012 »
 هههههههههههههههههههههههههههه الله ينطيكم العافيه والله ضحكت على االمريه الطويله والنكته مال الاخ دمروني الطفل البدون اذان وحياكم الله

غير متصل علي الحيدري

  • عضو
  • *
  • مشاركة: 8
    • مشاهدة الملف الشخصي
رد: للي عاجبة --- يضحك ---
« رد #11 في: 03:25 11/03/2012 »
الف رحمة على  والديك 
ذكرتني  بهاي الكلمات
 لان اني طلعت من العراق  صار حوالي 18 سنة

غير متصل اسراء بغداد

  • مبدع قسم الهجرة
  • عضو مميز
  • *
  • مشاركة: 1244
    • AOL مسنجر - AOL
    • ياهو مسنجر - Yahoo
    • مشاهدة الملف الشخصي
رد: للي عاجبة --- يضحك ---
« رد #12 في: 05:06 11/03/2012 »


1. ما زال الشعب العراقي إذا شاف أخوه الصغير ويا جبس يكولة أفتحلكياه؟؟؟ حتى يأكل منه... ههههه.

2. وما زال الشعب العراقي يعد: واحد ثنين ثنين وربع ثنين نص، يستخدمها الأخ الجبير قبل لايكفخ أخوه الصغير... ههههه.

3. وما زال الشعب العراقي إذا شافك راجع من الجامع يسالك: ها خلصتوا صلاة؟؟؟ لا الإمام إنطانا فرصة... ههههه.

4. وما زال الشعب العراقي إذا إشترى صمون حجري لازم يأكل الكمع قبل لا يوصل للبيت... ههههه.

5. وما زال الشعب العراقي إذا دخل للبيت وشافة مرتب يسأل لا شعورياً: شنو جاي يمنة اليوم خطار؟؟؟... ههههه.

6. وما زال الشعب العراقي إذا سألته وين فلان؟؟؟ يحط إيدة بجيبة يكولك: لحظة خلي أطلعة... ههههه.

7. وما زال الشعب العراقي إذا خلص الشامبو يملي مي... ههههه.

8. وما زال الشعب العراقي يملي قواطي الكيكوز ويحطها بالمجمدة... ههههه.

9. وما زال الشعب العراقي يجمع شيش المعجون الفارغة ويحط بيها ملح وبهارات... ههههه.

10. وما زال الشعب العراقي يغسل كلاصات جبن كرافت ويستخدمها بالبيت للجاي أو الماي... ههههه.

11. وما زال الشعب العراقي إذا عـَلـَّك ال سي دي يطلعة يتفل عليه ويمسحه بهدومه... ههههه.


ههههههههههههههههههههههههههههههههههههههههههههههههههههههههههههههههههه

غير متصل الريم 2000

  • مبدع قسم الهجرة
  • عضو مميز متقدم
  • *
  • مشاركة: 5916
    • مشاهدة الملف الشخصي
رد: للي عاجبة --- يضحك ---
« رد #13 في: 05:54 11/03/2012 »
شكرًا جزيلا لصاحب الموضوع ------حلوة     ;D

غير متصل hamada2

  • نجم منتدى الهجرة و اللاجئين
  • عضو مميز جدا
  • *
  • مشاركة: 2238
  • الجنس: ذكر
  • طلبت من الادارة حذف الاكونت الخاص بي ؟ وليس حظري ؟
    • مشاهدة الملف الشخصي
رد: للي عاجبة --- يضحك ---
« رد #14 في: 06:19 11/03/2012 »
5_من تحجي وية صديقاتها بخصوص الطبخ تتعمد ترفع صوتها وكَال
الاومليت وحجة الكنتاكي وهي متعرف تسوي جاي وتعلس كل بيتنجاناية تالي الليل تكلك اني



هههههههههههههههههههههههههههههههه  :D :D :D :D :D :D :D

لاعاب حلكك اخوية , على قال الاومليت وحجة الكنتاكي وهية تعلس كل بيتنجاناية تالي الليل تكلك اني  ;D

عاشت ايدك والله ضحكتني وننتظر الجزء الثاني  ;D

غير متصل شنايزر

  • مبدع قسم الهجرة
  • عضو مميز جدا
  • *
  • مشاركة: 3413
    • مشاهدة الملف الشخصي
    • البريد الالكتروني
رد: للي عاجبة --- يضحك ---
« رد #15 في: 06:31 11/03/2012 »
 ;D ;D ;D ;D ;D ;D ;D ;D ;D ;D ;D ;D