كم انت رائع يا عراقي !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

[ابو ايمن المياحي]

مرحبا اخواني واخواتي العينكاويين

الموضوع اليوم شوية مختلف وحبيت اكتب عنة لان تعجبت عالعراق العضيم

اكثر اخواني العينكاويين يدرون اني اشتغل بالمطار ( مطار بغداد الدولي ) وتقريبا اعرفة شبر شبر
بس من قبل فترة وجيزة لاحضت تطورات هائلة جدا جدا وتغييرات كلش واضحة داخل المطار ويا اخواني والله لو تدرون الصرف الي انصرف بهاي الايام القليلة الي فاتت والله مبالغ كلش كلش هواية من ضمنهة تبليط كل شوارع المطار الداخلية ووضع صبات كونكريتية داخلية وصبغ الصبات وصبغ الشوارع والارصفة هاي من عدا الصالة والتطورات .

بس اليوم الشي الي صدك اذهلني هوة اكو شارع يربط الصالة الرئاسية ( صالة الشرف ) بشارع المطار الرئيسي طبعا هذا الشارع حوالي عشر كيلو مترات جان شارع اضلم الى درجة وكئيب كلش بس قبل فترة خلولة صبات وبلطوه المهم اليوم جانت حملة من الصبح طبعا حملة كلش جبيرة وجان هدفهة تغيير كل الاعمدة الكهربائية وايصال الكهرباء لها وانتو احسبو عشر كيلو مترات كم عمود ينرادلهة ؟؟

والله العضيم من الصبح لحد الساعة السادسة كملو كل الاعمدة ووصلولهة الكهرباء وشغلو المصابيح ونور الشارع وصار بس يعجبك تفوت بي يعني الكرينات والعمال والمهندسين جانو فد عدد مو طبيعي اليوم .

وهذا كلة تحضير لمؤتمر القمة الي رح ينعقد بالعراق 

يعني من الاخير لو ما مؤتمر القمة مجان صرفو هذا الصرف وهاي الاعمال الحلوة داخل المطار !!

كم انت رائع ياعراقي

[Edy Simon]

ابو ايمن الورد
شكرا على العرض الحيوياللي قدمته على همة العراقيين,
وتعرف الشعب العراقي دائماً كان سباق في اعماله
وابداعاته, بس بخت ماكو....
لهذا السبب اغلب العراقيين ديطلعون او يبرعون في الخارج...
يعني خيرنا مو البلدنا يعم وانما الى غيرنا وبس.....
حرام ياعراقنا الجريح...
بس ما نكدر انكول غير الك الله ياشعب العراق....
وبالمناسبة خلي الرؤساء الطرشان يوميا يتفضلون ويزورون العراق بلكي
بعد جمة سنة يكون جنة على هذا الاحساب...

تحياتي يامبدع وانشاء الله نسمع يوم سفرك وصعودك بالطيارة من مطار بغداد
ومو بس اتشوف الطيارة اشلون اتحلق بالجو...
وانما اتحلق بيها واتشوف المطار من فوك مو بس من جوا.....
تحياتي

جوسي البغدادي المانيا

[ابو ايمن المياحي]

ابو ايمن الورد
شكرا على العرض الحيوياللي قدمته على همة العراقيين,
وتعرف الشعب العراقي دائماً كان سباق في اعماله
وابداعاته, بس بخت ماكو....
لهذا السبب اغلب العراقيين ديطلعون او يبرعون في الخارج...
يعني خيرنا مو البلدنا يعم وانما الى غيرنا وبس.....
حرام ياعراقنا الجريح...
بس ما نكدر انكول غير الك الله ياشعب العراق....
وبالمناسبة خلي الرؤساء الطرشان يوميا يتفضلون ويزورون العراق بلكي
بعد جمة سنة يكون جنة على هذا الاحساب...

تحياتي يامبدع وانشاء الله نسمع يوم سفرك وصعودك بالطيارة من مطار بغداد
ومو بس اتشوف الطيارة اشلون اتحلق بالجو...
وانما اتحلق بيها واتشوف المطار من فوك مو بس من جوا.....
تحياتي

جوسي البغدادي المانيا

شكرا اخوية العزيز جوسي البغدادي عالدعاء الجميل

[AbEr SbiL]

والله العظيم الحكومه الباسله متقصر والله يطي الصحه والعافية عاش العراق

وعاشت القمه مال الجبل  ههههههههههههههههههه

[ابن شط العرب]

منين جابوا الفلوس منو من الاخوان تنازل شوية من حصتة

[ابو ايمن المياحي]

منين جابوا الفلوس منو من الاخوان تنازل شوية من حصتة

وعيونك هذا الصرف كلة مياثر على خزينة الدولة شعراية لان العراق بي خيرات لا اني ولا انته نعرفهة

[ABO SARAH]

تحياتي ابو ايمن

طبعا يا اخي خوما يرتبون شوارعنا غير شوارعهم اول واحنا الله يسهل.


تحياتي الك
بالمناسبة اشو سكتة ماكو لا خبر لا جفية

[ابو ايمن المياحي]

تحياتي ابو ايمن

طبعا يا اخي خوما يرتبون شوارعنا غير شوارعهم اول واحنا الله يسهل.


تحياتي الك
بالمناسبة اشو سكتة ماكو لا خبر لا جفية

 

[foxsingluser]

شكوا بيهة هوة قابل اللمن غير للعراق  ليش  لو كل العراق فد مرة يعمروا

[ام مهند]

ما شاء الله لو كل اسبوع قمة جان العراق نور

[سامي75]

قد أسمعت لو ناديت حيا           لكن لالالالالالا حياة لمن تنادي

[Abnaa Al-Iraq]

الله يحي سواعد العراقيين ويعمرون دائما وميخلون دول الامس يضحكون علينه ووحدون صفوفهم ويبدون بالاهم ثم المهم بإذن الله تعالى

[ابو ايمن المياحي]

ما شاء الله لو كل اسبوع قمة جان العراق نور

اي والله

[ك ن م ك 1]

اخي ابو ايمن بشرنه اكو سفر من المطار iom والله طلعت روحنه

[ابو ايمن المياحي]

اخي ابو ايمن بشرنه اكو سفر من المطار iom والله طلعت روحنه

اي عيوني اكو سفر ليش ماكو خير من الله واعداد زينة

[s350thebest]

لا حول ولا قوة الا بالله.

[yasir fakhri]

ليش نسيتوا الي سووه بعد حرب 1991 من اعمار وبناء وبشركات تابعة للدولة من بنوا الجسور وعمروا الكهرباء ومحطات الماء العملاقة وكثير من البنى التحتية اللي تدمرت بسبب سياسات النظام السابق
 القصد انهم لم يستخدموا مقاولين مثل مقاولي هذا الوقت اللي اغلبهم ميعرف شئ عن اللي يسويه وهمه الاول والاخير هو كيفية الحصول على هذه المقاولة او تلك ومنو الشخص المفروض توصله الرشوة حتى يمشيله شغلته وبدون نتيجة عمله راح اما الفشل والهروب بما اخذه او الدخول الى الحبس بسبب ذلك وهي نتيجة واحدة لتجعل البلد متأخرا
شكرا لك الاخ المياحي على ايصال تلك المعلومة الجميلة

اخوك ياسر

[ابو ايمن المياحي]

ليش نسيتوا الي سووه بعد حرب 1991 من اعمار وبناء وبشركات تابعة للدولة من بنوا الجسور وعمروا الكهرباء ومحطات الماء العملاقة وكثير من البنى التحتية اللي تدمرت بسبب سياسات النظام السابق
 القصد انهم لم يستخدموا مقاولين مثل مقاولي هذا الوقت اللي اغلبهم ميعرف شئ عن اللي يسويه وهمه الاول والاخير هو كيفية الحصول على هذه المقاولة او تلك ومنو الشخص المفروض توصله الرشوة حتى يمشيله شغلته وبدون نتيجة عمله راح اما الفشل والهروب بما اخذه او الدخول الى الحبس بسبب ذلك وهي نتيجة واحدة لتجعل البلد متأخرا
شكرا لك الاخ المياحي على ايصال تلك المعلومة الجميلة

اخوك ياسر

 

[مرسي الزناتي]

ليش نسيتوا الي سووه بعد حرب 1991 من اعمار وبناء وبشركات تابعة للدولة من بنوا الجسور وعمروا الكهرباء ومحطات الماء العملاقة وكثير من البنى التحتية اللي تدمرت بسبب سياسات النظام السابق
 القصد انهم لم يستخدموا مقاولين مثل مقاولي هذا الوقت اللي اغلبهم ميعرف شئ عن اللي يسويه وهمه الاول والاخير هو كيفية الحصول على هذه المقاولة او تلك ومنو الشخص المفروض توصله الرشوة حتى يمشيله شغلته وبدون نتيجة عمله راح اما الفشل والهروب بما اخذه او الدخول الى الحبس بسبب ذلك وهي نتيجة واحدة لتجعل البلد متأخرا
شكرا لك الاخ المياحي على ايصال تلك المعلومة الجميلة

اخوك ياسر

جسر الطابقين يشهد و برج بغداد و اطلق لها السيف يا اخ ياسر 

[ابو ايمن المياحي]

 

[malak.ali]

صحيح والله

ليش وتبليط الشوارع الي تربط المطار بساحة عباس ابن فرناس

صدق او لا تصدق خلال يوم ونص كملوا تبليط شارع طوله عدة كليومترات

زين ليش لعد شوارع بغداد هذا حالها حافريها صار سنين وعايفيها

اذا نريد نحجي كل الانجازات الحديث يطول

بس من هاي عرفنا الحكومه عدها امكانيه تنجز اصعب المشاريع بأيام قليله ومنها الكهرباء

هذا قدر الشعب عند الحكومه ؟

[امير العراقي]

احييك اخوية ابو ايمن على وطنيتك وحبك لعراق وتتوصفلنه شي حلوا عن العراق والعراقيين واتمنى من العراق ينبني باسرع وقت ونشوف ثمره التعب والقهر الي شافوا العراقيين بالسنوات الماضية والشكر لكل عراقي شريف يحب العراق مثل امة

[إستقرار]

ميخالف ميخالف ..  يستاهلون " أشقائنا "  ههه

[اسراء بغداد]

مرحبا اخواني واخواتي العينكاويين

الموضوع اليوم شوية مختلف وحبيت اكتب عنة لان تعجبت عالعراق العضيم

اكثر اخواني العينكاويين يدرون اني اشتغل بالمطار ( مطار بغداد الدولي ) وتقريبا اعرفة شبر شبر
بس من قبل فترة وجيزة لاحضت تطورات هائلة جدا جدا وتغييرات كلش واضحة داخل المطار ويا اخواني والله لو تدرون الصرف الي انصرف بهاي الايام القليلة الي فاتت والله مبالغ كلش كلش هواية من ضمنهة تبليط كل شوارع المطار الداخلية ووضع صبات كونكريتية داخلية وصبغ الصبات وصبغ الشوارع والارصفة هاي من عدا الصالة والتطورات .

بس اليوم الشي الي صدك اذهلني هوة اكو شارع يربط الصالة الرئاسية ( صالة الشرف ) بشارع المطار الرئيسي طبعا هذا الشارع حوالي عشر كيلو مترات جان شارع اضلم الى درجة وكئيب كلش بس قبل فترة خلولة صبات وبلطوه المهم اليوم جانت حملة من الصبح طبعا حملة كلش جبيرة وجان هدفهة تغيير كل الاعمدة الكهربائية وايصال الكهرباء لها وانتو احسبو عشر كيلو مترات كم عمود ينرادلهة ؟؟

والله العضيم من الصبح لحد الساعة السادسة كملو كل الاعمدة ووصلولهة الكهرباء وشغلو المصابيح ونور الشارع وصار بس يعجبك تفوت بي يعني الكرينات والعمال والمهندسين جانو فد عدد مو طبيعي اليوم .

وهذا كلة تحضير لمؤتمر القمة الي رح ينعقد بالعراق 

يعني من الاخير لو ما مؤتمر القمة مجان صرفو هذا الصرف وهاي الاعمال الحلوة داخل المطار !!

كم انت رائع ياعراقي

هم زين صيت الغنة ولا صيت الفكر

[yasir fakhri]

ليش نسيتوا الي سووه بعد حرب 1991 من اعمار وبناء وبشركات تابعة للدولة من بنوا الجسور وعمروا الكهرباء ومحطات الماء العملاقة وكثير من البنى التحتية اللي تدمرت بسبب سياسات النظام السابق
 القصد انهم لم يستخدموا مقاولين مثل مقاولي هذا الوقت اللي اغلبهم ميعرف شئ عن اللي يسويه وهمه الاول والاخير هو كيفية الحصول على هذه المقاولة او تلك ومنو الشخص المفروض توصله الرشوة حتى يمشيله شغلته وبدون نتيجة عمله راح اما الفشل والهروب بما اخذه او الدخول الى الحبس بسبب ذلك وهي نتيجة واحدة لتجعل البلد متأخرا
شكرا لك الاخ المياحي على ايصال تلك المعلومة الجميلة

اخوك ياسر

جسر الطابقين يشهد و برج بغداد و اطلق لها السيف يا اخ ياسر 

ليش منو يكدر ينكر الجهد الكبير الذي بذل باعمار العراق بعد حرب الـ 1991 وكنا نشوف الجهد الهندسي الجبار واللي كان يقوده مهندسي وكفائات عراقية لم يبقى لها اثر او لم تجد من يديم عملها واصبحت من الماضي!!!!

[شنايزر]

عقبال ما يوصلوا الكهرباء للشعب !!!!!!!!!!!!!!!!!

[ابن شط العرب]

منين جابوا الفلوس منو من الاخوان تنازل شوية من حصتة

وعيونك هذا الصرف كلة مياثر على خزينة الدولة شعراية لان العراق بي خيرات لا اني ولا انته نعرفهة

كلامك جدا ًصحيح اخي العزيز ابو ايمن
العراق بي خيرات لا اني ولا انت نعرفها
بس النهب والسرقة اللي بي هم لا اني ولا انت نعرفها
9 سنين لا كهرباء لا ماي لا مجاري لا اعمار لا تصليح لا تبليط والف لا و لا بس القتل والسحل والتفجير والمفخخات والاغتيالات وكواتم الصوت اشهد بالله اننا نتقدم على قدم وساق وباسرع من البرق، والحكومة كلها صارت تجار ومن اصحاب المليارات مو الملايين ( مو ملايين الراقصة ) والشعب يهج من بيته ويركض الى دول الجوار ويوقف على ابواب المنظمات يستعطي ويطلب لجوء.

[gustavo]

هاي مثلك ابو ايمن من تدخل للمواضيع بس اتسوي
UP
ههههههههههههههههههههه.
بالنسبة اليه لا تعليق...
 

[alzandawi]

مو احنه نعرف ابو ايمن همة لو رايدين يبنون البلد  ويرتبوه جان من زمان  بس مدندري ليش هيجي باقيين يعني شيريدون مندري يريدون العراق بس عنوان للظلم وهمة سرقتهم  ماشية يبوكون بهل الملايين وميشبعون مو صعبه على حكومة تحكم بلد

[ابو ايمن المياحي]

شكرا اخوان لكل الردود ويبقا العراق علم وتاج للعروبة

[Banjamen]

والله يا ابو ايمن العراق خيرة كلش هواي بس المشكلة بي ناس ما يملي حلوكهم بس التراب وهمة ذولة المخربين العراق والله هوة شبي وشعايز , بس كون يلمون هذولة الشرذمة الفاسدين كلهم ويحطوهم بجزيرة ويزرعولهم بس بصل وخيار ياكلون

[alzandawi]

اي والله يابنجامين لا عاب حلكك على الجرح خليهم ياكلون بصل وخيار لما الله ياخذ امانته

[مراد البغدادي]

مشكور ابو ايمن على المعلومه واحلى شي القمه تنعقد يوميا بمنطقه من مناطق بغداد وشويه يبلطون وينظفون ومناطقنا تصير منطقه خضراء بس مااتوقع يلحكون هههههههههههه

[ABO SARAH]

ليش نسيتوا الي سووه بعد حرب 1991 من اعمار وبناء وبشركات تابعة للدولة من بنوا الجسور وعمروا الكهرباء ومحطات الماء العملاقة وكثير من البنى التحتية اللي تدمرت بسبب سياسات النظام السابق
 القصد انهم لم يستخدموا مقاولين مثل مقاولي هذا الوقت اللي اغلبهم ميعرف شئ عن اللي يسويه وهمه الاول والاخير هو كيفية الحصول على هذه المقاولة او تلك ومنو الشخص المفروض توصله الرشوة حتى يمشيله شغلته وبدون نتيجة عمله راح اما الفشل والهروب بما اخذه او الدخول الى الحبس بسبب ذلك وهي نتيجة واحدة لتجعل البلد متأخرا
شكرا لك الاخ المياحي على ايصال تلك المعلومة الجميلة

اخوك ياسر

من امن العقاب ساء الادب

[الروح المجروحة]

ممكن سؤال اخي

حظرتك شنو طبيعة شغلك بالمطار ؟


لان قبل فترة كنت مسافرة  سألت على اسمك مالكيت احد يعرفك بأسم ابو ايمن واللقب المياحي فهل هذا اسم مستعار؟؟

تحياتي لحظرتك وشكر خاص لمجهودك

[AbEr SbiL]

اليوم السوووووووووووك صاعد وصاير نار بسبب القمه الملعونه            

[iraqi 64]

اخوان تره والله حكومتنا تريد اتسوي الزين انه وللعراق بس ذوله المخربين ما يسمحون اي شي زين يصير وانتم تدرون تره البناء صعب ويطول بس التخريب اسرع واسهل منه ما كو الله يخلصنه من ذوله الجريذيه امين رب العالمين ,ملاحظة تره اني لا شغل ولا عمل مو حسبالكم مستفاد من الجماعة وره الانسحاب كعدنه وسكتنه بالبيت والله كريم سلام.كل واحد ياخذ شويه عسل من نحلتي الحلوه ياحلوين.

[الناسك]

وربك القمة العربية لو بيهة فايدة للشعب العراقي ما كان سووهة وصرفوا هالصرف ... بس هية غايتها تثبيت الحكومة العراقية وكسب تأييد الدول العربية بطلب من امريكا !!!!!!!!!!!!!!
صدكوني هذا المبالغ المصروفة لو للمتقاعدين او للمدارس او للمستشفيات او للجامعات او للكهرباء والماء والشوارع مــــــــــــــا كان انصرفت ولا كان تعبوا نفسهم لأن الشغلة ما تهمهم ولا تفيد كراسيهم انما للشعب العراقي ... يعني الشعب العراقي مكروه لدى حكومته لأن الشخص السياسي المتحزب في الحكومة اذا كان هو من القائمة أ يرى الشعب العراقي كلة ما يستاهل لأن الشعب بنظره من القائمة ب والعكس صحيح ...
تحياتي

[محارب]

قمه مال تحف ينحطون عالجرح يصير كنكري