احب ابشركم بطلت
زين اول شي اهلي دزولي فلوس طيارة داروح للهند احضر خطوبة اختي حلو؟
ثانيا رحت اليوم للشغل قبل عشر دقايق من المدة مالتي بدلت ملابس العمل وسويت عالكمبيوتر الجيك ان وكل شي تمام . غير هم على اساس هذا الاسبوعين تدريب . اشوف الشغل صار كله عليا
والعاملين مكسيكان بالمطعم الي هو صيني وواحد كلش حباب الي عود ديعلمني الطبخ حتى الي ما اعرف اطبخة اكل صيني كلي تعالي طبخي مو ديعلمني وانما هو بعيد وكلي روحي طبخي
زين اني ما ادري اغسل الصفاري مالت الاربعينية جنهه كل سبعين وحدة سوة ومي الاول حار وتالي وارم وتالي بارد وقياس الحرارة
وهم ميخالف اشو البارحة وجه الي ديعلمني يضحك وهو كلمة انكليزي ميعرف , اليوم فداء ما تلحك بيدها الغسل مالت الغراض وينصاح عليها على مليون شغله صارت كلها فداء .. المانيجر الله ينطيها هي من الصين كلتلي ( اني بليف يو واني حاطتج بالمطبخ لان ماكو بيه وحدة كلها ولد وما يعرفون واني واثقة بيج .. واني رح اساعدج واصعدج ومدري شنو . هي الله ينطيها قصدها زين بس هي ما تعرف اني بالنسبة الي هذا مجرد محطة لا هدف ولا طموحي ولا اريد استمر بيه يعني اني اعرف مستقبل القريب رح اتركه .
المهم الجلد واصابيعي رااااااااح صارت ايدي عبالك مشوهه . انتو اخوتي والله العلي العظيم ظهري ورجلي رح يطلعون من مكانهم من الألم .
عموما كعدت مع المانيجر فهمتها الوضع وكلتلها هاي العامل هيج ديحجي وياية واني حتى الاستراحة مالتي ما اخذتها وهو ميدخليني الحك جيبي وودي ومدري شنو ..
كالت اوكي رح احجي وياه ومن هالكلام كلتلها وعلمود السفر؟ خطوبة اختي.. كالت ما اكدر انطي اسبوعين ..
كلتلها واني اختها الكبيرة وما رح تسوي خطوبة من غير حضوري .
كالت اوكي انشوف واني رح اتكلم وية العامل . كلتلها اوكي اني ما اكدر اكمل هسه داشعر بوجع قوي بظهري ورجلي ما اكدر لازم اروح ارتاح بالبيت .
كالت شلون ومدري شنو المهم اني طلعت ما كدرت من صدك الوجع كتلني واني عندي انزلاق بالفقرة القطنية الخامسة من زمان وهسه رجع الوجع .
وهذا الي صار .. ما متعاجزة من العمل بس الظاهر هذا العمل للرجال مو للمرة لان كلش صعب شيل وزن غسل اشياء كثير جدا وكبيرة طبخ كميات كبيرة محد واكف يسوي هالشكل غير الولد والبنات ع الكاستمر .. يعني اني انحطيت بالمكان الخطأ .
بصراحة اني احترمت وحبيت المانجر جدا وهم جدا خلوقين ومحترمين بس معاملة هالشخص الي خلتني انفر تماما .
وشيء اخر العمل بهذا القسم بالذات مو للمرأة ومتعب جدا ورح اشوف دكتورتي تحولني على اخصائي حتى اشوف موضوع ظهري ورجلي.
والكم كل الشكر والتحية .. اني اسفة اذا ضوجتكم بس بالفعل الالم الي صار بظهري لا يحتمل .
تحياتي .. فداء
