المحرر موضوع: للي عاجبة --- يضحك ---الجزء الثالث  (زيارة 3237 مرات)

0 الأعضاء و 1 ضيف يشاهدون هذا الموضوع.

غير متصل لاتحزن ياعراق

  • عضو فعال جدا
  • ***
  • مشاركة: 206
    • مشاهدة الملف الشخصي
    • البريد الالكتروني
السلام عليكم
حبيت اكمل وياكم الجزء الثالث للي عاجبة يضحك

الفرق بين الثلاجة البنانية و اللثلاجة العراقية

:الثلاجة اللبنانية

1-لــبن قليل الدسم ...
2-قطعه شوكلاته صغيرة ...
3-ورق عنب ...
4-فراولـة ...
5-كيــوي وتــوت ...
6-حمص ...
7-تبوله ...
8-زيتون ...
9-ببسي دايــت ...
10-جــبن قلـــيل الدســـم ....
11-توست ...

أما الثلاجة العراقية

1-باقي تمن مال البارحه...
2-نص ركـية جبيرة وضال بيها ريحه...
3-صحـن مال طرشي محمض ...
4-درزن ادويـه ...
5-قشطــة باقية من الفطور ...
6-شطه ضايع القبق مالها ...
7-جبــن عـــرب ...
8-لبن كامل الدســـم ...
9- لحم
10-أندومي يابس ...
11-ببسي وسفن وميرندا ضال بيه شويه

هههههههههههههههههههه


~~~~~~~~~~~~~اسئله تكشف حقيقة الولد~~~~~~~~~~~~~



س1:ماهو الولد؟
ج:واحد حلو وحباب احيانا




س2:انواع الولد؟
ج:ا.السبع :هو الولد الذي لايهمه شيءيعني بايع ومخلص)ويكون اقل شي مضروب سجينه بظهره اووجهه او مضروب موووووووووس


ب:الدبلوماسي:هو الولد الذي يكون في جميع الاحيان لــوكَي)لكي يعيش
يعني من اصير عركه يروح يفزع ويه السبع


ج:المطفي:وهو الولد الي مااعرف شكول عليه مثلاً
من يطلع من البيت امه تكوله اريد اشوف رجليك من جوه الباب)يعني لتروح بعيد اخاف اضيع مسكين)



س3:الولد والبنات؟
ج:هناك انواع كثيره من الولد منهم
ا.السماعهحديقه):يعني كل ميشوف بنيه يكول باوعتلي ..غمزتلي ...اشرتلي..شمرتلي الرقم)


ب: الولد المكتفي:يعني مصادقله وحده وياه بالكليه العفواقصد زميلته)وكافي خيره شره


ج:الولد الجدي :وهذا النوع نااااااااادر جداً يكون قليل الكلام يعني ميعرف يحجي ويه بنيهميعرف يصفط حجي)


س4:الولد والتهمبل بالكليه؟
ج:هناك نوعين
ا:اللسان ونص:النهار كله يحجي ويه البنات بمواضيع الدين...السياسه...الفن)وحتى سوالف المطبخ وشكالت امي وشكالت مرة اخويه

ب:ربع لسان:المسكين النهار كله كاعد وساكت ويغلط بالسلام ويه البنيههلو اختي) مكروووووووود




س5:الولد والكشخه؟
ج:ا. الكشاخ :هو الولد الي ضارب جل من الصبح
ولابس حذاء بوز وبنطرون جينز كلاسيك وقميص كــاروهات تركي ياخه فراشه وحزام بيضوي قطر30 سم ومناظر رئاسيه

ب:المبهذل: اصلاًيجي شلع للكليه ليغسل وجهه ولايفرج سنونه ولايمشط شعره

س 6:الولد والـbloue tooth
ج:اتشوف اسم البلو توث تبع الولد كل شويه اسم مثلاً
اذا يريد يرسل لبنيه اسميانتي الوحيده)
اذايريد يرسل لولد اسميفايــروس)
اذايستلم من بنيه اسمي مـاكو غيرج)
اذايريد يستلم من ولد يسويهمخفي)


س7:هناك كلمات كثيره يشتهر بها الولد لايمكن حصرها اليكم مجموعه منها
محدق .ماعندي ولافلس. رصيد ماكو.مابية حيل.تعال اعزمني



الفرق بين مهند والشاب العراقي


*******


- مهند -



يرجع من الدوام من الشركة .. يروح لـ نور .. يبوس راسها .. وبحنان يحضنها .. الللله يا حلاتهم عصافير الجنة .. يقولها :



وحشتيني .. ما بـقدر اتحمل بُعدك عني ! بكفــي 8 ساعات بالشركة ما بشوووفـك ..! )



- شباب العراق -


يرجع العراقي من الدوام.. يروح لـ زوجته ..خلفته مكلوبه ولابس قناع الجينكو وضاربته الشمس محموس ع الاخير.. يدخل عليها لاسلام ولا كلام.. ينزع هدومه ويشمر كل قطعه بمكان عبالك ديفخخ البيتمن ريحتها الطيبه).. ويعلي المكيف واذا ع المولد يشغل المبرده واذا ماكو كهرباء يشغل السبلتمهفه) هههههههههههههههههههههههه
ويكول لزوجته :



بسرعه صبي الغدا ميت جووووووووع.. ابو الشركه موتني اليوم الله يشيله! بسررررررررعه صبي الغدا ما تشوفيني تعبان واريد اكل وانخمد قبل ميصير بيه اغماء من شكلج ! )



.
.




- مهند -


نور حامل .. يا الله على الدلع ! خايف عليها من نسمة الهوا .. ويقولها :



كلّي حبيبتي مشانك ومشان ابننا ! وديري بالك على صحتك .. وما تزعلي ابـــداً مشان البيبي ما يزعل منووووووب )



- شباب العراق -


مرت العراقي حامل ! ومسكينه الحرمه متنسيه بـ تفاح اخضر .. يقولها :



اووووووووفففف !! شوفي لا اتنسين براسي !! بلعي تفاح احمر وانتي ساكته .. اله اخضر اخضر ! اهو كله تفاح .. لا اتفلسفين علي
شلون لواكه هاي )



.
.





- مهند -


مهند طالع مع نور السوق .. يشترون لهم هدوم .. ودار الحوار التالي :



نور : حبيبي .. شو رايك بالفستان الاحمر .. حلو مو ؟!
مهند : أيه ! حلو كتير .. بس لو لبستيه بيجنن اكتر .. انتي بتحلّي الفستان !
نور مستحيه ) : بحبك .. دخيلك منين جايب كل هالغزل هااد ؟
مهند : دخيلك انتي ! تؤبرنـــي ابتسامتييك شو حلوه !



- شباب العراقي -


العراقي طالع مع زوجته اللسوك .. ما دار بينهم حوار .. ليش ؟!
لان هو يمشي ليكدام
والمسكينه تركض ورا بس متلحك



وكل اللي كالة فضيها جماعتي بلكهوه ينتضروني ) !



.
.




- مهند -


قام من النوم نص الليل .. ما شاف زوجته يمه .. جان يخاف .. راح يدورها .. ومن لكاها بالمطبخ تشرب مي يكوللها..

لِـــك ! شغلتي بالي عليكــي .. وين كنتي ؟! بتشربي ميّ ؟! بالهنا حبيبتي مطرح ما يسري يمري )



- شباب العراق -


كام من النوم نص الليل .. ما شاف زوجته يمه .. فتح الضوه .. كام يعيط××



لج وينج بومة
.. ..
.. كنسر ان شاء اللهكنسر يعني سرطان ههههههههههههههههههه )
.. وينج انتتتتتتتي ؟؟!!
ثوله خليتي باب الغرفه مفتوح سنتمتر واحد .. وهوا المكيف كله طلع برا وصار حرررر
.. ما تحسين .
. دمج بارد ..
الله ياخذ اليوم اللي فكرت اخذج من اهلج فيه ) ههههههههههههههههههههههههههههههههههه
والله خطيه



.
.




- مهند -


قاعد يقرا كتاب .. وفجاه أجته نور .. لابسه فستان جديد .. وصار هالحوار ..



نور : حبيبي شو رايك بالفستان الجديد ؟!
مهند : بيجنن عليكي ! اخذ من جمالك قطعـــه ..



- شباب العراق -


كاعد يتفرج لعبه الريال والبرشا مدريد وبرشلونه .. !
و زوجته فرحانته بلخركه الجديده اقصد الفستان الجديد ..تريده تشوفه .. مشت كدامه حته يشوف.. وصار هالحوار :



الشاب : وووووووووخخخخخررري شالج الله !
مدتشوفيني دااباوع اللعبه ؟!
الزوجه : حبيبي شبيك .. جنت اريدك تشوف الفستاان الجديد.. شنو رأيك ؟!
الشاب : وهيج راح تخرب اللعبه وحركه رونالدينو مشفتها من وراج ..
الزوجه : هسه ميخالف شنو رأيك انته؟!
الشاب : شنو هاي؟! وصله مسح ؟!
هو هذا هم لبس؟
لو لابسه كونيه هوايه احسن


علاقة الشاب بالحيوانات
.
.
.
.
... .
.
.
.
.
.
.
.
.
1. اول ما ينولد : ياختي كلش حلو مثل الكتكوت
.
2. يكبر شويه: يا سلام شكد شاطر وياكل مثل الاسد)
.
3. يطب بالمدرسة: الاستاذ : ما اريد اسمع صوت كلب منكم
.
4. يطب الجامعة: اصدقائه : جاي يمشي وره البنيه مثل الخروووووف
.
5. يشتغل: يا عينى يشتغل مثل الحمار ليل نهار
.
6. يزوج : يمشي وره مرته مثل الارنب
.
7. وره ميزوج بفتره يسألوه شلونك ويه الزواج ..يكول صابر مثل البعير


حديقه حيوان متنقلة ^_^



تطور خطبة البنات مع الزمن‎


سنه 1930
الأب : الضيف إلي جاي عندي خطبج هسة ، يالله جهزي أغراضك علمود تروحين وياه .
البنت : إن شاء الله أبوي .


سنه 1950
الأم : الاسبووع الجاي عرسك بنتي ' مبروووك '.
البنت : إلي تشوفيه يمه ، وعلامات الرضى على الوجه .


سنه 1960
الأم : ابن عمك حاجر عليكي والعرس بعد شهر ، ألف مبروك
البنت : سكوووووووت ووجه مملوء بالخجل والفرحة


سنه 1970
الام : ابن فلان تقدملك موافقة ولا لا ؟
البنت : صارت تدلع
تقول : ' لا لسا صغيره ' سبحان مغير الاحواااال)


سنه 1980
هوب هوب هوب البنت صارت تسأل وش اصله وفصله وش يشتغل
و عن حالته الماديه .... وبعد كل هذه الاسئله والكل ينتظر الجواب
ترد عليهم : الرجال كبير ، يعني مو حلووو بالعربي افهموااا


سنه 1990
إنعكست الآيه والبنت تتشرط وتقول : ابي اجلس معه
وأتعرف عليه اكثر عااادي موغلط وبالأخر موموافقه


سنه 2000
البنت : شوفي يمه ، حبيبي جاي يخطبني اليوم موافقين ولا مو موافقين ؟
وحتى إذا مش موافقين راح أتزوجه غصبن عنكم .


سنه 2010
البنت : انااحبك ومستعده أتزوجك !! أنا موافقة وإذا ما تتزوجني راح أنتحر


سنه 2015
البنت : اليوم خطوبتي يا بابا ..... لا تطلع من البيت اوكي ,
الاب : همزين كلتيلي قبل كم ساعه


سنه 2020
البنت : بابا بابا الاسبووع الجاي عرسي وانت معزوووم
لا تنسا تكلم عمامي وخوالي واللي تحب تعزمهم بس حدك 50 شخص !!!


سنه 2030
البنت : بابا أعرفك بـ فادي ابني...
الأب : ليش أنتي تزوجتي؟؟
البنت : بصراحة ما كان عندي وقت أخبرك !!!!!!



شنو يعني الضغط ؟

يعني إنك تركب وحده حلوه وياك السيارة،
فجأة يغمى عليها وتوديها الطبيب!!

هسة هذا ضغط! بس بالمستشفى، الدكتور يقول إنها حامل ويبارك لك إن إنت راح تصير أب :s !
وإنت تقول إنك مو الأب بس البنت تقول بلي هو !!

الضغط قام يزيد ! /:)

تطلب تحليل DNA حتى تثبتلهم إنك مو الأب..
والبنت لحد الان مُصِّرَة إنك أب ل!

الضغط وصل درجة جنونية !!

بعد التحليل، الدكتور يقول إن إنت مستحيل تكون أب ل لأنك عقيم ..

إنت هنا مضغوط بس مرتاح...#:-s

وإنت رااجع للبيت، تتذكر إنو عندك 3 جهال بالبيت..
منو أبوهم بحق الجحيم :O=)) !!!


ست مستحيلات عند الشباب

مستحيل تمر بنية ميباوع عليها
2 مستحيل يمسك كتابا ويقرا
3 مستحيل يسوي شغلة للأهل من اول مره
4 مستحيل مايفتر بالشوارع كبل ما ينام
5 مستحيل ينام إذا ميخابر بنية
6 مستحيل يكعد من النوم آذا ميكول وين الأكل


السمر والبيض



.
السمر
ينولد اسمر
يكبر اسمر
يطلع ف الشمس اسمر
لما يخاف اسمر
لما يمرض اسمر
لما يموت برضو اسمر
عااااشو السمر
.
.
البيــض
ينولد وردي
يكبر ابيض
يطلع في الشمس احمر
في البرد ازرق
اذا خاف اصفر
يمرض اخضر
يموت رمادي

عزيزي الابيض مفكر حالك لمبات ديسكو ؟؟؟؟؟؟؟
هههههههههههه





كلاوااات الشباب بالتلفونات على البنات




اول المكالمه " الووو حبيبتي تدرين اني نايم ..... بس اول مشفت رقمج طار النوم من عيوني ....

<< جذاااب بس ساعتين نوم والباقي دياحه>>



2... "حبيبتي اني جنت سهران ماعرفت انام بس افكر بيج وصافن بجمالج

<< جان سهران يلعب دومنه ويه جماعته.... ولا جتي اباله >>



3... " حبيبتي اني احب البنيه تستأذن من تطلع لأي مكان ....من خوفي عليج لازم تخليني اعرف وين تروحين وين تجين!!!!!

<<انهجم بيتك .... سوده عليه شكد يحبهااا>>>



4..."حبيبتي يا عمري انتي
<<< اذا كل وحده عمرك...... اجمع مجموع عمرك وشوفه شكد يطلع!!!!!؟؟؟>>>



5..." حبيبتي تدرين اني اريد اغير سيارتي مليت منها واريد اجيب نوع جديد ومحتار ...

<< وانت وين شايف سيارات بس عالنت والأفلام >>>



6..." حبيبتي شوكت تريديني اجي اخطبج من ابوج....
<<< خابريني ع الثريا >>>



7..." حبيبتي اريد اخلص من دراستي بالجامعه .. وبعدين اتفرغ للشغل مع الوالد بشركاته
<<<هوة ابوه عنده بسطه سواه شركات ؟؟؟؟؟؟!!!!!! لعد لو عنده عربانة مال شلغم اشجان كال >>>>>



8..." حبيبتي اني استأذن اريد اروح اجيب الاهل من المطار ... لأن تدرين السواق مشغولين والباقين ماخذين اجازه
<<< هو امه جانت تسوك من البالات >>>>>



9..." حبيبتي الباب ديندك اكيد هذا المكوي... لاني ماحب اغسل هدومي بالبيت

<< ههههههههههه اكيد الديانه يريدون فلوسهم>>>>



10..." حبيبتي انتي اول وحده تملك احساسي وقلبي وكل مشاعري , غيرتي كياني وبدلتي حياتي ...
<<< ابو الهوة ... من يا فلم حافظها >>>



11..." حبيبتي جبت لك هديه حلوه كلش اكيد راح تعجب ذوقك لاني جايبها لك من ... ارقى محل ..
<<< خامطها من البسطة مال ابوه >>>



12... " حبيبتي انتي اول بنت حبيتها بصدق واخلاص ,, وراح تثبت لك الايام

<<< اي كتلي >>>



14..." حبيبتي اشتاقيتلج تدرين اني هسه اخذت موبايلي داتصل بيج .. بس سبقتيني
<<< هوة محدق صارلة اسبوعين >>>



15..." حبيبتي حبي لك كان من قبل ماشوفك لان قلبي كان يقولي عن جمالك ..
<< صح صح صح !!!!! والله انت باقي وياها الا ان تشوفلك غيرها>>>



16..." حبيبتي .. اني اروح اصلي لانه اذن خليني الحق على المسجد قبل ما يقيم...
<<< قوية ههههههههههه >>>



17..." حبيبتي .. تعودت كل سنه اصيف بسويسرا ,, بس السنه اريد اغير لأن مليت ...

<<< سويسرا = مريدي >>>



18..." حبيبتي .. لحظه اشويه << انتظار .. شاسوي دايما تجيني ازعاجات ...
البنات ميخلوني ؟!؟!؟!؟!

<<< ماشالله مهند و احنا مندري >>>




19..." حبيبتي اريد اغير غرفتي شنوو رأيج يا لون اجيب؟؟؟ !!!! ....
<<< وهو نايم على قريوله حديد مال جيش وهدومه معلكها بالبسمار>>


قائمة الاسماء في هواتف العراقين واللبنانين




قائمة الاسماء في هاتف الشباب اللبناني
...
طانط مها
... ... ... حبيبتي ريما
عماد صديق حبيبتي
ريتا صديقتي
الحلاق جو
عمو فريد صاحب ماما
حبيب أختي مايا
ماري معلمة البيانو

قائمة ألاسماء في هاتف الشاب العراقي

صاحبتي سندس
مرتي شكرية موت الطمها
نجية ام الحصة
عقيل ابو المولد
الخاطفين اخوية
ملازم عماد ابو الجوازات
شيخ العشيرة
محمد عجينة
خالد أبو طحينة
أستاذ حسن الخصوصي
رشيد البنجرجي
صباح ابو النت
جاسم كرزون الخلفة
سعد اللباخ
صادق العلاس
محمد حواسم
ههههههههههههههههههههههههههههه



الكذبات الي يذكروهن البنات من تبدي علاقة جديدة


الكذبة الأولى
تدري أنت أول ولد يكون عندي رقمة وصدك حتى أخوية مخليت رقمة بالموبايل مالتي لان هو ولد
وطبعا أرقام الشباب الي بموبايلهة اكثر من البنات ومن نحجي تسوي نفسهه مرتبكة وكلشي متعرف تحجي)



الكذبة الثانية
تدري اني كم واحد صارحني وكلهم رفضتهملازمين سره) بس مااعرف شلون خليتني اقبل
وطبعا حرام إذا واحد مصارحهة بيوم)
وما اعرف شلون جذبتي الك؟
مو الظاهر الولد مغناطيس وهي تنكة )


الكذبة الثالثة
أهلي كلهم يعرفوك واني دائما احجيلهم عنك واخوي يريد يتعرف عليك.
واهلهة أصلا ميدرون وهي تخاف تكول وبعدين كلشي ماكو )

الكذبة الرابعة
آني ما اخلي مكياج وهذا جمال طبيعي اصلي مال شركة) . والمكياج يسوي تجاعيد
وخلي تعوف المكياج يوم واحد .. حنى الدوام تعوفة)

الكذبة الخامسة
آني ما ادخل شات .. واصلا ميعجبني واعتبره مال ناس فارغين
وطبعا نطلع الاخت مشرفة ع الدردشة بأكثر من منتدى .. سوري ع المبالغة )

الكذبة السادسة
البارحة جوني خطابة وطبعا هي كذب ) وفي هذه الحالة هناك امرين
أ- إما أن يكون الغرض إحراج الولد وجعله يتقدم للخطوبة بأسرع وقت
ب- اذا كانت تعلم ان الولد ميخطبهة بالفترة الحالية على اقل تقدير فتقول له آني رفضتهم علمودكوهذا الحب الكبير)
وطبعا هي بس تريد واحد تجلب بيه)



الكذبات الأخرى
الهمبلة بصورة عامة .. احنة بيتنة هيجي صاير وعدنا 34 سيارة وبابا عنده شركة مال لبلبي وماما مديرة بستان مال شلغم بالأمارات والخ من التفخفخ)

النتيجة
بمرور الزمن والعلاقة الطيبة ووووووو .. وبس تحصل واحد أحسن باي باي حب وعشرة ....

 عندما تتزوج او تستعد للزواج


1. تروح تدوشم القنفات مال وجهها يعني تخلي تقويم بسنونهه لأن شنو مفلشات ومتكسرات يمكن تاكل حديد مدري تعضعض بالثلاجه


2. تأجر شفل يبلط الكصه الجبين) لأن بيه هوايه طسات وحفر


3. تشتري رموش صناعيه لأن الاصليات ماكلتهن الأرضه


4. تشتري عدسات مثلا عيونها سوده تصير زركه بقدرة الخالق مدري شلون

5. كل شويه تخابر حبيبهه وتكله احبك لأن ما مصدكه راح تتزوج

6. تكوم تتدلع على امهه وابوهه تكلهم مامي وبابي طبعا كبل جانت تسميهم بوووووووووويه ويمممممممممه
وياها نغمه موسيقيه مثل صوت المدافع

7. تلبس محبسهه الذهب وتفتر بين صديقاتهه وتتلوك طبعا يمكن من جانت بالجامعه تلبس محبس فافون او من هذا مال سوك الصفافير وتكلهم هذا ذهب ابو 24 قيراط

8. تصير رومانسيه وتعلك شموع حمره وتخلي عطور لأن جانت كبل تعلك الفانوس من تطفي الكهرباء وتخلي نفط للصوبه


منو احلى الأنثى ولا الذكر ؟!
.
.
.
.
... ... ... توصل العلماء الى اجابه واحده وهي : الذكر
واني اكلكم ليش :-

أجمل خلق الله النبي يوسف .... وهو ذكر
الأسد اجمل من اللبوه........ وهو ذكر
الديك أجمل من الدجاجه..... وهو ذكر
الطاووس جميل وجذاب........ وهو ذكر
اني أخبل وحلو..................... و انا ذكر

وغير هيج لو البنات أحلى جان ما اخترعو المكياج
لو أني غلطان /:)

والبنيه اللي مو عاجبها تركع راسهه بالحايط

وعلى فكره الحايط ذكر ^_^ هعههه


كيف تتأكد أنك انسان حديقة؟
1- لديك فيس بوك
2- تلعب بليادر
4- تقوم بإضاعة وقتك بقراءة هذا الكلام
5-لم تنتبه لعدم وجود رقم3
7- قمت بالتحقق من عدم وجود رقم3
8- أين رقم 6 يا حديـقة.؟؟
9- انت الآن تبتسم وعرفت انك حديقة.. ولازلت تبتسم
10- اين رقم 1 ياذكي !
11- صدقت ورحت تتأكد*

عائلة عراقية طلعت لامريكا




فد يوم عائلة عراقية طلعِلها لجوء في أمريكا.
فسافرت العائلة المكونة من الأب والأم وأولادهم الثلاثة إلى هناك
بس المشكلة أنه العائلة كلهم ميعرفون يحچون إنكليزي.. يعني ولا طگـّه.
وصلوا للمطار.. الأب راد يفيـّك على جهاله ومرته فگاللهم معليكم.. عوفي الحچي عليّه.
أشّر الأب بإيده على تكسي وصاح بعلو حسـّه.... تكسيشن
رأساً التكسي وكفلهم.. خلّوا الجنط بالصندوك وركبوا وياه.
الأب كاللهم خلي ناكل أول شي.. فاندار على أبو التكسي وگلـّه.
ودّينا لمطعميشن.. مشتهين ناكل تمنيشن وفوكاه دجاجيشن
وداهم أبو التكسي للمطعم.. الأب كلّه لأبو التكسي... إنتظرنيشن فد نص ساعتيشن
وطبوا للمطعم أكلوا وراها رجعوا لأبو التكسي
الأب كلـّه لأبو التكسي
هسـّه ودينه للفندقيشن
أبو التكسي وصلهم للفندق وهمـّه دينزلون غراضهم يم الفندق الأب گال لجهاله ولمرته..
مو گلتلكم الانكليزي سهل.. وعوفوا الحچي عليـّه
شفتوا إشلون لفلفتهم بلساني
السايق ضاج وإلتفت على الأب ونطق لأول مرة وگلـّه
!
لوما آني عراقيشن..چان أكلتوا تبنيشن




عزيزتي البنيه
..
بخصوص فارس الأحلام الي تريدينه :
..
طويل
و رشيق
و حلو
و يشتغل و راتبه قوي
و طيب
و مايخون
و كريم
و حنون
و مثالي
و متواضع وسوالفه حلوه
و رومانسي
و ما يكول لا
و يحب أمج
و يجيبلج خدامه و سايق و مربيه
و طباخ
و عنده بيت
و ما يطلع من البيت
و شاعري
و جذاب
و يسفرج و يونسج و يضحكج

السؤال:

*
*
*
*

شفتي وجهج بدوون مكياج أول شي ؟


همبلات الولد عالبنات


همبلات الولد عالبنات :

1-هاي ممكن نتعرف هذا مبتدأ )

2وين صورتج ممكن اشوف شكلج ؟ هذا لئيم حقير ) )

3-انتي مرتبطة هذا على نياتة )

4- ممكن رقمج ؟ امنيتي اسمع صوتج اكيد حلو مثلج اكيد اهبل )

5-اني اول مرة اكول هالحجي لبنية جذاب و صايع )

6- اني ماحب الجذب على فكرة اصلا هو و الجذب بيست فريندز )

7-ماعرف ليش كلبي انفتحلج بسرعة اصلا كنتور مفتوح للبنات كلها )

8-ماعرف شصارلي اول محجيت وياج ميخالف دادة كلب والدة )



شلون تخلي البنيه تنعجب بيك ..... مجرب 100 %


اذا تريد تحصل على اعجاب البنات بالشارع او الجامعه او اي مكان ثاني اتبع تلك الطريقة وهي مجربة وناجحه 100 % ونشالله تنجح وياك ..... عموما ما أحب اطول نبدأ بالشرح ...
1-تروح للخياط يسويلك بنطرون مدى الحياة يعني ضيك يخيطه على جسمك وبعد مينزع.ويجب ان يكون لون صاااااااااااااااااااارخ .وبدي ضيك مكتوب عليه Dandy)
2-من تكعد الصبح لا تمشط شعرك وفوت للمطبخ بس مو تاكل لا دور على بطل الزيت وغسل شعرك بيه ودلك شعرك بأتجاهات عشوائيةمنتول).
3-ساعة اكبر حجم بحيث تقلص عضلاتك حته تكدر ترفعها
4-حذاء رئاسي كون اذا توكف على الرصيف حذائك يقطع السير.
5-لا تباوع بالكاع ورفع راسك عالي بس دير بالك خاف منهوله مفتوحه بالشارع وتروح بيها.
6-انت هسه اوسم شاب بالشارع هههههههههههههههههه


في العراق حصرآ......




-الأم تصيح أسماء ولدها كلهم وآخر واحد هو اللي تريده


٢- مستحيل تبقى شاحنتك بمكانها .. بالبيت خمط الشاحنات هواية مفضله
... ...
٣-اذا تدرس محد يشوفك ،، بس اكعد عالنت كل العائله تدري سبحان الله!


٤-أذا تتحرك أمي من مكانها ... كلنا نسألها : وين رايحه ؟؟


٥-تمشي وتدفر الأستكان يرزلك ابوك : ثول ما تشوف ؟
يمشي أبوك ويدفر الأستكان يقول : منو الحمار اللي حاطه هنا !!!


٦-من تخابر الام ،، يمه ويه منو تحجين ؟


٧-كل واحد يحب يتأمل نفسه في مراية غرفة الثاني!«ما ادري يعني يطلعلك اشباه جديده مثلاً


٨- كل العالم يعرفون صوت باب غرفة امهم اذا انفتح


٩-أول سؤال في بداية أي يوم أول شخص يقابلك ...وين أمي؟؟


١١-أذا أنتي آخر وحده تلُم السُفره


١٢-كل ما مر احد على المطبخ لازم يوكف يفتح باب الثلاجة يتأمل شويه .. وبعدين يسدها ويروح في حال سبيله؟


١٣-تحت القنفات علج ملزوك ..
ربع مشكوك..
يقطون اقلامهم ايضا

١٤-وكت العشه محد يكعد يم الببسي حته مايصب وأذا اخذته وفتحته وتصب إلك كل واحد يحضر كلاصه
١٥-نترك جربايتنا و أنام بالهول !!


شلون تشمر رقمك لبنيه ؟؟؟؟؟

العمليه هي كالآتي
^
^
...^
^

1- تشوف البنيه الي تريدها

2- بس شوف فد وحده يعني مبين تقبل بيك مو تاخذ فد شي اعلى منك

3- تسبح كله جلف وجهك انزل عليه دك فرك بالليفه

4- خلي ريحه و عطر مغري

5- اكتب الرقم و خلي بجيبك

6- روح على البنيه

7- اخذلك فد طوفه داير مدايرهه

8- اشر الها بلرقم خلي تشوفه بيدك

9- اتقرب يمها

10- خلي الرقم بيدها

11- اذا ذبت الرقم بالكاع يعني حفضته و ذبته

12- اذا رزلتك يعني رح تخابرك بالليل

13- اذا اخذته و خلته يمها انت بالجنه اكو احتمالين ))

الاحتمال الاول يمكن تخابرك هي

والاحتمال الثاني يخابرك اخوها لو ابوها وهنا هم اكو بيها احتمالين

الاحتمال الاول يمكن تنعلس

والاحتمال الثاني يمكن الله يطول بعمرك بس تكون معوق



الشاب الي مصادق عالنت وعندة دوام


الولد الي عندة شغل ومصادق عالنت
فهو اول ميجي من الشغل كبل مياكل حتى

يصيح خواتة جيبولي اللابتوب وشغلو النت بسرعة

عبالك محروم عمرة مشايف نت ههههههههههه

هذا اذا عندة واير ليس وحاسب شخصي حتى يتصرف براحتة
المهم يفتح نت ويصيح امة تحظرلة غدة لان ميت جوع ياكل ويشرب الجاي مدلل
يخلص يصيح جيبولي هدومي
طبعا على فد جرة لاشغلة ولا عملة بس حجي عالنت
اي شغلة للبيت ميسوي كاعد ويتامر جيبولي وجيبولي
المهم ب11 بالليل تلكوه نايم عالحاسبة وتسمعون صديقتة ادكله جرس وادك بالموبايل تهجج البيت كلة وهو بعدة
هذا الحجي يظل الولد ساعتين نايم انكعدة وميكعد
يكعد ميقبل يروح ينام يغسل وجهة ويكمل سوالف لحد الصبح
طبعا هو عينة مورمة حمرة دم
بس ماكو فايدة القطرات المن حطوها ههههه
يغسل وجهة ويروح للدوام واذا اكو بالدوام نت يكمل هناك
واذا ماكو يكمل نوم لان خطية باليوم كلة مينام غير بس ساعات قليلة جدا
ويرجع للبيت ونفس الاسطوانة تنعاد


شكرا انشالله تعجبكم مع التحية


غير متصل ميمي2010

  • مبدع قسم الهجرة
  • عضو مميز جدا
  • *
  • مشاركة: 2726
  • اللهم صلى وسلم وبارك على سيدنا محمد وعلى آله وصحبه
    • MSN مسنجر - ma_iraq201111@yahoo.com
    • ياهو مسنجر - ميمي2010
    • مشاهدة الملف الشخصي
:D :D :D :D :D :D :D :D :D :D

الف شكر الك اخويه كلش حلوة خصوصا

-تمشي وتدفر الأستكان يرزلك ابوك : ثول ما تشوف ؟
يمشي أبوك ويدفر الأستكان يقول : منو الحمار اللي حاطه هنا !!!


دائما جانت تصييييييييييييير  بالبيت  :D :D :D :D :D :D :D :D :D :D :D :D

ربي يحفظك يارب وييسر امرك
اختك ميمي
اللهم صلى وسلم وبارك على سيدنا محمد وعلى آله وصحبه وسلم
عدد حروف القرآن حرفا حرفا
وعدد كل حرف ألفا ألفا
وعدد صفوف الملائكة صفا صفا
وعدد كل صفا ألفا ألفا
وعدد الرمال ذرة ذرة
وعدد كل ذرة ألف ألف مر

غير متصل شنايزر

  • مبدع قسم الهجرة
  • عضو مميز جدا
  • *
  • مشاركة: 3413
    • مشاهدة الملف الشخصي
    • البريد الالكتروني
ههههههههههههههههههههههههههههههههههههه ;D ;D ;D ;D ;D ;D ;D ;D ;D ;D ;D ;D ;D


سلمت يداك يامبدع هاي تفيد هوايا بالانتظار كثر منها  ;D