المحرر موضوع: يوميات عراقي في امريكا سلسلة شفت بعيني محد كلي الجزء الثاني(المعاملات)  (زيارة 10056 مرات)

0 الأعضاء و 1 ضيف يشاهدون هذا الموضوع.

غير متصل Dr.Ameen

  • نجم منتدى الهجرة و اللاجئين
  • عضو فعال جدا
  • *
  • مشاركة: 233
    • مشاهدة الملف الشخصي
السلام عليكم
 يشعر المواطن العراقي بالكثير من التعب والمرارة حين يباشر انجاز أي معاملة سواء كانت بسيطة كبيان الولادة او عسيرة كتسجيل سيارة مثلا , وتجاربي كعراقي مع اجراء المعاملات في العراق لا تختلف عن هذا الوصف كوني لا املك واسطة الا رب العالمين وكفى به كافلا .حتى اني اكاد ان اجزم باني استطيع تاليف كتاب عن كل معاملة انجزتها ولم انجزها في العراق لطولها وتعقيداتها,اتذكر جيدا اني لم انجز معاملة بسلاسة الا بشق الانفس واذكر لكم احاها التي لم تنجز الى الان  وهي طبعا ليست ألا سوء في تجاربي المريرة  حيث باشرت بها في تموز عام 2009 ولم تكن تلك الا طلب الحصول على شهادة جدارية من جامعتي التي لا افتخر بها جامعة بغداد ...وطبعا قبل الدخول الى عرين الموظفة لزاما ان تقرأ  الفاتحة وان تدخل متبسما عسى ان يعطف او تعطف الموظفة على بؤسك و تمشيلك المعاملة وانت الممنون. بعد دخولي الى الغرفة نفذت الى انفي رائحة قوية ميزتها بسرعة  كانت رائحة العمبة وهي احد انواع التوابل المشهورة بالعراق  و توضع بالاخص  في ساندويج الفلافل وكلنا نسميها لفة الفلافل كانت الموظفات يلتهمن لفة الفلافل بشراهة والعمبة تسيل من جوانب اللفة  وتسقط قطراتها الذهبية على المكتب ... سلمت على الموجودين لم اسمع جوابا, صاحت الموظفة وكاني غير موجود امامها:  حسوني حسوني فدخل عامل الخدمات الى الغرفة مسرعا  وهو فتى ضعيف البنية , عيني حسوني ابسرعة جيبلنا لبلبي من الكافتريا
نعم لقد طلبت لبلبي ,لم يتاخر حسوني بجلب البلبي وهي وعاء مليئ بالحمص المسلوق ,اخذت الموظفة قطعة النارنج وعصرتها على اللبلبي بيدها التي تشبهة( المنكنة)  حتى لم يبقى من النارنج شي...كانت تلك الموظفة تشبه الى حد كبير الممثل المصري الراحل الزنكلوني  واكاد اقسم ان لديها شارب  ولو تركت العنان لذلك الشارب لوقف على يمينه خمس نسور وعلى يساره خمس صقور كان كل شيء فيها سمين حتى اصابعها
جال بذهني درس الفيزياء الذي درستهة قبل سنين  ماضية حول آلية عمل الصواريخ اذ يحتوي الصاروخ  بمؤخرته على حجرة احتراق اذ يمتزج الوقود بالاوكسجين لينتج (غاز) يخرج من مؤخرة الصاروخ ويولد قوة دافعة الى الامام.......ما الذي سيحصل لزوج تلك الموظفة المسكين حين يمتزج غاز الفلافل ممزوجا بالعمبة مع وقود اللبلبي خصوصا وانها تملك غرفة احتراق واسعة,كانت تلك الموظفات يناقشن بمواضيع عديدة منها السياسة والفضاء وقالت الموظفة الزنكلوني وهي تتناقش بسخط : شلون حكومة ما بيه حظ ما تنطي عطلة
شتريد ؟ سالتني , اريد شهادة جدارية , اجبت , روح للحسابات وادفع وصل ,قالت هي
دلفت الى غرفة الحسابات  واذا بالرؤية معدومة بالغرافة اذ ان دخان كثيف يملاء الغرفة  ولا تكاد ترى شيئا هل هو حريق؟ لا انه و ببساطة قدر كبير كبير الحجم من الدولمة كان قد قلب لتوه في صينية ضخمة  ادى الى تصاعد البخار في الغرفة وقد تجهر الموظفات حول  ا لدولمة يقصفنها قصفا  انسحبت بهدوء الى حين انتهاء الدولمة ,المحير في الامر ان الساعة كانت العاشرة صباحا فلم اعرف الى هذه اللحظة هل كانت تلك الدولمة افطارا ام غداء؟
طبعا قدمت الطلب الى الموظفة وسقطت عليه حبة حمص وسحقت على الورق ,المسألة تطول ساختصرها راجعت في اب 2010 وكانت الجدارية قد رجعت من رئاسة الجامعة و ضاعت في الكلية أي بعد مرور 13 شهر والموظفة الزنكلوني اصيبت بانزلاق بالفقرات وهي لا تستطيع الحراك
راحت ايام اجت ايام التفاتة الهية نقلتني الى الولايات المتحدة الامريكية
حين وصولي الى ارض امريكا كان باستقبالي موظفي المنظمة بالكامل في الساعة الثانية عشرة ليلا لم يتخلف منهم احد وهم يحملون لافتة بالعربي اهلا وسهلا
بعد ايام كان لدي موعد مع دائرة الضمان الاجتماعي بالتاسعة والنصف  ,وصلت سيارة دفع رباعي كبيرة سوداء اللون لو كنت بالعراق لقلت ان الجماعة  جاءوا لاعتقالي ولكن كانت تلك من سيوصلنا الى دائرة الضمان الاجتماعي صعدنا السيارة ....(هاااي) قالت السائقة بصوت عذب فرات ,هايات يا بعد ارويحتي اجبت
انا..... ناتالي قالت  الفتاه ... يا هلة بها الصباح  قلت لها
كانت تنورة ناتالي تعاني نقصا شديدا من القماش لتكشف عن مرمر ابيض و كانت تلبس نظارات طبية زادها القا,لم تكن تفوح منها رائحة العمبة, وطبعا بسبب وجود زوجتي الحبيبة في السيارة فلم يكن مني الا ان انظر الى الطريق فقط لا غير
تستخدمين الجي بي اس لماذا؟ سالتها , اجابت ناتالي : نعم  لاني لست من هنا انا طالبة في الجامعة واعمل متطوعة لمساعدة القادمين الجدد
بعد روحي يعني انت بغربة واني بغربة( طبعا ابيني وابين نفسي  تجنبا لكفخة محتملة من الخلف)  متطوعة يعني ابلاش سودة علية
وصلنا الى الدائرة دخلنا بالموعد تم انجاز كلش شيء بدقة ساعة سويسرية  وكذلك عند تسجيل ابني بالمدرسة كل شيء بنظام  لا وجود للزنكلوني هنا
تذكرت ذلك العامل في محطة البنزين الذي صاح بي ( اتحرك يا همج) اني يكلي  همجي ,اني الي سنوات دراستي اكبر من عمرة, اني الوحيد تقريبا كنت ملتزم بالنظام ولم اخذ مكان غيري بالطابور يكلي اتحرك يا همج!!!
اخوتي  لا تسبون الحكومة بالعراق فهي ليست المسؤولة الوحيدة عن الخراب
الكل مسؤول عن خراب العراق (كلكم راع وكلكم مسؤول عن رعيته)
     
رجاءا الادارة الموقرة انطو مواضيعي فسحة من الوقت قبل نقلها وشكرا
يتأسس الحكم ذو النظام الاستبدادي على الجهل لان خضوع الافراد يستلزم جهلهم ومن ثم فالتعليم خطر بالنسبة لاستمرارية هذا الشكل من اشكال الحكم ,فطاعة الشعب وخضوعه لا تتحقق الا بشيوع الجهل



غير متصل a7med_al3ra8e

  • عضو فعال جدا
  • ***
  • مشاركة: 573
    • مشاهدة الملف الشخصي
والله دكتور ماادري شكلك بس اني دائما اكول الخلل مو بس بالحكومه الخلل بالشعب بس عجبتني جمله هيه بغربه وانت بغربه هههههههه .دكتور اتمنى تستمر بكتاباتك عن حياتك بامريكا وشتمر بي من تجارب عسى ان تفيد اصدقائنه واني منهم الي نريد نبدل شعبنه قبل بلدنه وسلامي لك ولعائلتك الكريمه

غير متصل ابو بنين

  • مبدع قسم الهجرة
  • عضو فعال جدا
  • *
  • مشاركة: 526
  • الصبر مفتاح الفرج
    • مشاهدة الملف الشخصي
عفغية عليك اخوية د امين ضحكتنا هواية على الموظفة اللي شبه الزنكلوني ههههههههههههههه موفق بحياتك والله يبارك الك فيما اعطاك

غير متصل engineermech

  • عضو مميز
  • ****
  • مشاركة: 1289
  • لم تحن ساعة الصفر
    • مشاهدة الملف الشخصي
موضوع راقي اخي بس لا تنسى الظروف الي مر بيه العرتق خلت ناس هيج تتصرف
اكثر من مجرد نادي

غير متصل برنسيسة

  • مبدع قسم الهجرة
  • عضو مميز جدا
  • *
  • مشاركة: 2586
  • الجنس: أنثى
    • مشاهدة الملف الشخصي
عاشت ايدك حلو خوش جزء بالمسلسل
انشالله الاجزاء الجاية بعد احلى

بس كلي بروح موتاك زوجتك قرت الفقرة مال سائقة السيارة الطالبة لاتروح تجيك كفخة انت ونايم خخخخخخخخخخخخخخخخخ  ;D ;D ;D ;D

طريقتك كلش حلوة بسرد الاحداث

غير متصل Dr.Ameen

  • نجم منتدى الهجرة و اللاجئين
  • عضو فعال جدا
  • *
  • مشاركة: 233
    • مشاهدة الملف الشخصي
شكرا والف شكر
اكيد الي مر بالعراق ما شافة بلد ثاني
زوجتي الدكتورة متفهمة بس افضل عدم قراءتها لفقرة ناتالي
يتأسس الحكم ذو النظام الاستبدادي على الجهل لان خضوع الافراد يستلزم جهلهم ومن ثم فالتعليم خطر بالنسبة لاستمرارية هذا الشكل من اشكال الحكم ,فطاعة الشعب وخضوعه لا تتحقق الا بشيوع الجهل

غير متصل pati

  • عضو فعال جدا
  • ***
  • مشاركة: 375
    • مشاهدة الملف الشخصي
عاشت ايديك اخي الكريم على السرد الراقي و الاسلوب المتألق بالكتابه

ذكرتني من سافرت لامريكا و جان الترانزيت بالمانيا شلون جانوا واكفين مجموعه من الشباب ولازمين لافتات مكتوب بيهه اي او ام  و ينتضرون وصولنا و الادهشني انهم يتكلمون انكليزي و عربي و هم لغتهم الاصليه الالمانيه و محتاريت اسالهم اي سؤال او اشيل هم انه مااعرف اللغه الامانيه لانه جنت احجي وياهم انكليزي و عربي و هم فاهمين شاريد الىى ان وصلوني لباب الطياره الثانيه الي رح تطلع لامريكا

اتمنى ان تستمر بكتابتك ...اووووووف ذكرتني بيوم الي دنطلع بي جواز السفر العراقي بالعراق و السره واصل لاخر الشارع و الشمس تصكع  و الموظف كاعد جوه التبريد و معاجبه

غير متصل برنسيسة

  • مبدع قسم الهجرة
  • عضو مميز جدا
  • *
  • مشاركة: 2586
  • الجنس: أنثى
    • مشاهدة الملف الشخصي
شكرا والف شكر
اكيد الي مر بالعراق ما شافة بلد ثاني
زوجتي الدكتورة متفهمة بس افضل عدم قراءتها لفقرة ناتالي

خو ماضجت جنت اتشاقه وياك ترة
الله يوفقك انت والاهل

غير متصل Dr.Ameen

  • نجم منتدى الهجرة و اللاجئين
  • عضو فعال جدا
  • *
  • مشاركة: 233
    • مشاهدة الملف الشخصي
يتأسس الحكم ذو النظام الاستبدادي على الجهل لان خضوع الافراد يستلزم جهلهم ومن ثم فالتعليم خطر بالنسبة لاستمرارية هذا الشكل من اشكال الحكم ,فطاعة الشعب وخضوعه لا تتحقق الا بشيوع الجهل

غير متصل MohdS

  • عضو فعال جدا
  • ***
  • مشاركة: 246
    • مشاهدة الملف الشخصي
عاشت ايدك موضوعك حلو و اسلوبك جميل و انشاء الله الالتفاتة الالاهية تجيني و اجيك للوطن 

غير متصل *George*

  • مبدع قسم الهجرة
  • عضو مميز جدا
  • *
  • مشاركة: 2722
  • الجنس: ذكر
  • siv.iom@groups.facebook.com
    • ياهو مسنجر - George+Ryan
    • مشاهدة الملف الشخصي
ههههههههههههههههه
احلى شي سالفة العمبة والصاروخ
تحياتي
جورج

good intentions mean nothing to blind people

ابو هذال

  • زائر
اهمم شي

سالفه الكفخه من وره

تحياتي الك ولقلمك

غير متصل saeedsaeed

  • عضو فعال جدا
  • ***
  • مشاركة: 421
    • مشاهدة الملف الشخصي
 د.أمين جزاك الله الف خير وأزاح عنك كل هم وغم ويسر طريقك وجعل طريق النجاح طريقك ياطيب
والله ضحكتني من كل كلبي وحتى دمعت عيوني موضوع راقي وسرد أرقى

غير متصل BUCCA

  • عضو فعال جدا
  • ***
  • مشاركة: 137
  • الجنس: أنثى
    • مشاهدة الملف الشخصي
    • البريد الالكتروني
د كتور  تمنياتنا  لك بالنجاح  والتوفيق ....

الحكومة هم اتعلم الشعب شلون يتعامل بعضهم ما بعض...  هية مصيبة  يا خوية ........

عاشت ايدك على  ((  المنــــــــــــــــــــــــــكنة  ))

غير متصل Haider Naem

  • عضو فعال جدا
  • ***
  • مشاركة: 124
    • مشاهدة الملف الشخصي
    • البريد الالكتروني
اجمل امنياتي بالتوفيق والنجاح دكتور

غير متصل Dr.Ameen

  • نجم منتدى الهجرة و اللاجئين
  • عضو فعال جدا
  • *
  • مشاركة: 233
    • مشاهدة الملف الشخصي
رحم الله والديكم وسهل اموركم
الاسلوب انتقادي ولكن هادف وبالمناسبة القصص حقيقية حصلت و ما زالت تحصل
يتأسس الحكم ذو النظام الاستبدادي على الجهل لان خضوع الافراد يستلزم جهلهم ومن ثم فالتعليم خطر بالنسبة لاستمرارية هذا الشكل من اشكال الحكم ,فطاعة الشعب وخضوعه لا تتحقق الا بشيوع الجهل

غير متصل espero

  • مبدع قسم الهجرة
  • عضو مميز جدا
  • *
  • مشاركة: 3250
  • الجنس: ذكر
  • ARSENAL TILL I DIE
    • مشاهدة الملف الشخصي
مع الاسف عندما اقرأهكذا اسلوب لشخص يحمل شهادة دكتوراه ( لا ارعف هل هو دكتور ام طبيب ) ...بصراحه بدات ممتعا في جزئك الاول ولكنك انحرفت هنا وانت تنتقص من كل شيء ...انا توقفت عند جمله ..جامعه بغداد التي لا تفتخر بها ....فقد اصابني هذا التعبير بالاشمئزاز ...ولم اكمل مشاركتك
اتمنى ان يمد الله في عمري وعمرك لكي اقرأ كتاباتك بعد مرور سنه على حياتك الجديده



ان يحكمك الوضيع و السافل ... فأنت تعيش في غربة!!!!

غير متصل snoopy

  • عضو فعال جدا
  • ***
  • مشاركة: 262
    • مشاهدة الملف الشخصي
حياك دكتور و اذا العراق يخسر ناس مثلك شيبقى بيه بعد كأنك تتحدث ما في قلبي ..تحياتي الك و اتمنى تتوفق بحياتك الجديدة تره امريكا بس تتوفق بيهه بشغلة العمل اللائق راح تكون جنه على الارض للي مثلي و مثلك

تحياتي
سنوبي
ميزوري

ابو هذال

  • زائر
بس علكيفك ويا تره مديجيب الحجي من جيبه وهاي كله جزء من اجزاء الحقيقه

جامعه بغداد اني خريجه سنه ال2004  شحصلت وين مااقدم عمان سوريا مصر امريكا برطانيا

يجيني جواب مااريد اكولك شنو هو .......

شتغلت بشركه اجنبيه لفتره لاتتعدى السنه احترمو شغلي اكثر من شهادتي الي درسته اكثر من 5 سنين ؟

بالمناسبه قسمي هندسه للتوضيح

وعملي كان موظف عادي

حجي الدكتور صحيح لانظل نناقض نفسنه

احجيلك عل الجواز مثلا؟؟؟ سبوعين مسجون بعمان اشتباه اسماء ؟؟؟؟ وتاليه يكولي اسف

بعد الضرب والشتم ووووووو لان عراقي

احجيلك عل اجازه سوق مثلا؟ الف مره اعيد بعمان ومحصلته لان عراقي؟

احجيلك امنيات وين مااسكن شيسوون بيه لان عراقي؟

احجيلك 6 اشهر انتظر فيزه دبي عبالك رايح لكندا وشجاني جواب؟؟؟

احجيلك ابلدي ابغداد بمطاري شسوو بيه من درو جاي من بلد اوربي؟؟؟

وووووو

نصيحتي للدكتور انطلق وانت كرندايز الموضوع

احجي الي تريده

غير متصل amman76

  • عضو فعال جدا
  • ***
  • مشاركة: 418
    • مشاهدة الملف الشخصي
السلام عليكم

احييك دكتور وكل اللي حجيته صح وواقع حال وربما اتعس ..... احلى شي (الزنكلوني) :D :D :D :D :D :D :D :D :D :D :D هاي لو ماكله ويه العمبه شويه صاص جان صار سي 4 شديد الانفجار  :D :D :D :D :D :D :D   وطبعا هسه دوائر الدوله بالعراق مليانه بجماعة الزنكلوني وسالوسه ووووووووو...... بالتوفيق ونسألك مواصلة سلسلة شفت بعيني محد كلي





تحياتي
المهندس

غير متصل malak.ali

  • مبدع قسم الهجرة
  • عضو مميز جدا
  • *
  • مشاركة: 2657
  • الجنس: أنثى
  • سبحان الله والحمد لله
    • مشاهدة الملف الشخصي
اخوان ماكو داعي للشعارات والمزايدات تره ملينه من هاي السوالف

احنه روحنه طالعه من البرلمانيين والسياسيين بسبب الشعارات النوبه هنا


اللهــــم صـــلٍ عـلى محمــــــــــد وآل محمـــــــــد ....


يا آل بيــت رسـول الله حبكـم *** فرض من الله في القرآن أنزله
يكفيكم من عظيم الفخر أنكـم *** من لم يصـــل عليكم لا صلاة له

**************

إن كان رفضــاً حب آل محمـــدٍ .... فليــشهد الثقلان أني رافضـــــــــــــــــــ

غير متصل سيف ابن بغداد

  • عضو فعال جدا
  • ***
  • مشاركة: 104
  • الجنس: ذكر
  • learn , learn , learn , no life without learning
    • مشاهدة الملف الشخصي
السلام عليكم

اول شي عاشت على هذا الوصف .

طبعا اني اصغر منك عمرأ ويجوز بعمر ابنك !!

بس اكو فد نقطة أبالي حبيت اطرحها

وهي أولا انتقادك للجامعة بي نوعأ ما نظرة ناقصة -اقصد ما أخذت كل أبعاد الكلية- !!

الثانية الموظفة اللي تحجي عليها هي أنسان عاش بوسط مجتمع غريب ألى درجة -مثلا اني ما احب الكذب (فد مرة كلت لشخص اني ما احب الكذب فصاح على اساس أنته نبي !!)- طبعا هذه الموظفة اني ما أعذرها بس مع ذلك ما أرمي الخطء على ظهرها لأن المجتمع كله يحتاج ألى اصلاح , وحسب ما افتهمت أنت عجبتك طريقة التعامل الوجودة بأمريكا وطبعا هاي ما أجت من الفراغ هم ناس أول ما نزلوا على الأرض بدؤا بلعدل والاخلاص لأنه عرفوا الحياة ما ألها طعم بدون هذه الصفات !!

مثل اللي جاي ايصير عدنه !! ناس تاكل ناس

واعذرني اذا اكلك الوصف - مثل الله يساعد رجلها (هذا الشي ميناسب مكانك او ثقافتك) وغيرها- لأن بهاي الطريقة مراح تصلح شي !!

اني شخص احب النقد واكثر شي أمارسه ابحياتي هو النقد !! بس من انزل أبين الناس بلشارع أعرف أنه نقدي عبارة عن أفكار غير واقعية !!

 واكو شغله اخييييرة وهي - الأنسان بضميره فأن خلا منه فهو ليس بأنسان-

أسف اذا ازعجتك !!
watch the sky , it is clean .
watch your heart , is it clean ?

غير متصل الروح المجروحة

  • عضو فعال جدا
  • ***
  • مشاركة: 312
    • مشاهدة الملف الشخصي
اولا موضوعك نشرته بسلاسة ويدفع المتلقى الى الاجابه رغما عنه الف مبروك وصولك بالسلامة وثانيا ان شاء الله تتيسر كل امورك بعيدا عن الزنكلوني والاهم من هذا كله خلي بالك من زوجتك فالمرأة العراقيه قطعة الماس لامثيل لها واسألك الدعاء

اختك الروح المجروحة
url=http://www.iraqeon.net/][/url]

غير متصل ام مهند

  • عضو مميز
  • ****
  • مشاركة: 1360
    • مشاهدة الملف الشخصي
طبعا اخي الدكتور احنه فاهمين انت كتبت الي كتبته لاجل الفكاهه وطرح الموضوع على اسس تجذب القارئ لقرائتهه واشكرك على هاي الطريقة الاخ الدكتور ما انتقص من اي شخص بالموضوع بس الاسلوب كان واقعي رغم الانتقاص من بعض الاشخاص وما اللومه بصراحه احنه ما نكول كل الموظفين سيئين بس الغالبيه همه ناس ما يشعرون بأي مسؤولية ومسويين فضل على المراجع وعلى الدوله الي تنطيهم راتب وحتى على خالقهم استغفر الله

وما اوافق بالراي الي يكول ضروف البلد كونت هيج نماذج ونسكت لا مو بس ضروف البلد وانما مكونات الانسان العراقي يعني بديت اؤمن اكو جينه بداخله وراثية هي الي مسؤوله عن هيج اشياء والله من يكعد الوالد يسولف على ايام السبعينات يعني قبل ما اصير اني يكول من تصير عدنه معامله بدائره اضل مهموم ايام وايام وبس افكر واضوج واشيل هم يكول يعني شلون العملية الجراحيه مجموعه من هموم وقلق وضوجه هاي بالسبعينات يعني قبل الحروب وقبل الحصار وقبل الظلم يمعودين الدكتور مجرد طرح موضوع بكل سلاسه ونقد لاذع وباسلوب خفيف ومسلّي وما قصد بيهه التعميم على الكل او نقد الزنكلوني ومن يشبهه ههههههههههه

نشكر مشاركتك اخي العزيز ونتمنى منك المزيد
تحياتي اختك ام مهند

غير متصل espero

  • مبدع قسم الهجرة
  • عضو مميز جدا
  • *
  • مشاركة: 3250
  • الجنس: ذكر
  • ARSENAL TILL I DIE
    • مشاهدة الملف الشخصي
كلنا عاصرنا البلد في حلوه ومره ..كلنا عانينا ماعانينا ...ولكني ( وقد يكون هذا شئني فقط ) اتردد في نشر (( الغسيل الوسخ لبلدي )) واعتذر مسبقا اذا ظن البعض اني ازايد عليه ....
انا ايضا خريج جامعه بغداد في ارقى اقسامها الهندسية وفي عز مجدها نهاية الثمانينات ..واعرف ماذا يجري الان في البلد بصورة عامة
ولكني بصراحه اتمنى ان اكون مثل المصري بحبه لبلده ..المصري مشرد في كل بقاع العالم ...يشتغل اي شغلة كانت ...بغض النظر عن تحصيله الدراسي ولكن عندما ياتي ذكر مصر يقول (( دي ام الدنيا ))
والله من وراء القصد



ان يحكمك الوضيع و السافل ... فأنت تعيش في غربة!!!!

غير متصل gustavo

  • عضو مميز
  • ****
  • مشاركة: 1340
  • الجنس: ذكر
    • مشاهدة الملف الشخصي
(هاااي) قالت السائقة بصوت عذب فرات ,هايات يا بعد ارويحتي اجبت
انا..... ناتالي قالت  الفتاه ... يا هلة بها الصباح  قلت لها
كانت تنورة ناتالي تعاني نقصا شديدا من القماش لتكشف عن مرمر ابيض و كانت تلبس نظارات طبية زادها القا,لم تكن تفوح منها رائحة العمبة, وطبعا بسبب وجود زوجتي الحبيبة في السيارة فلم يكن مني الا ان انظر الى الطريق فقط لا غير
تستخدمين الجي بي اس لماذا؟ سالتها , اجابت ناتالي : نعم  لاني لست من هنا انا طالبة في الجامعة واعمل متطوعة لمساعدة القادمين الجدد
بعد روحي يعني انت بغربة واني بغربة( طبعا ابيني وابين نفسي  تجنبا لكفخة محتملة من الخلف)




ههههههههههههههههههههههههههه.
 ;D ;D ;D ;D ;D ;D ;D ;D
الله يهنيك بحياتك الجديدة وينسيك الراح انشالله.



no pain no gain

غير متصل امير العراقي

  • عضو فعال
  • **
  • مشاركة: 51
  • الجنس: ذكر
  • ربي اشرح لي صدري ويسر لي امري
    • مشاهدة الملف الشخصي
السلام عليكم

طبعا اني احيي الدكتور على سرده للاحداث بصورة جميلة ومعبرة عن واقع مرير مع الاسف

وبالنسبة للاخ اسبيرو لله يحفظك اخوية على مشاعرك الطيبة اتجاه العراق العظيم واني طبعا ما اكدر اجيب طاري العراق لا بالخير لان اعتبر العراق هو امي و ابوية الي ربوني

اما الدكتور هو ده يتكلم عن شخصيات موجودة في البلد مع الاسف مه يعرفون معنى المواطنة ومعنى انوا الانسان لازم يخدم العراق وبالنسبة للاحداث الي ذكره الدكتور كلنه مارين بيه لهذا من ذكره مه ستغربنه من ده يسرد الاحداث بس الي ده يصير بامريكا بعدنا مه شايفي ادعولنه انوا نوصل ونشوف المحاسن والمسوئ بامريكا حتى نقارن ولو ماكو مقارنه لان العراق يظل امي وابوية والي اظل احبهم ماحييت
ربي اشرح لي صدري ويسر لي امري

غير متصل الطيار العراقي

  • عضو فعال جدا
  • ***
  • مشاركة: 420
  • الجنس: ذكر
  • السماء جنتي
    • مشاهدة الملف الشخصي

جال بذهني درس الفيزياء الذي درستهة قبل سنين  ماضية حول آلية عمل الصواريخ اذ يحتوي الصاروخ  بمؤخرته على حجرة احتراق اذ يمتزج الوقود بالاوكسجين لينتج (غاز) يخرج من مؤخرة الصاروخ ويولد قوة دافعة الى الامام.......ما الذي سيحصل لزوج تلك الموظفة المسكين حين يمتزج غاز الفلافل ممزوجا بالعمبة مع وقود اللبلبي خصوصا وانها تملك غرفة احتراق واسعة



LIKE
السماء جنتي

غير متصل Dr.Ameen

  • نجم منتدى الهجرة و اللاجئين
  • عضو فعال جدا
  • *
  • مشاركة: 233
    • مشاهدة الملف الشخصي
السلام عليكم
اولا انتم كلكم على راسي
ثانيا اني مسامح كل شخص شوية حجة علية بقساوة وبالاخص الاخ المارد لولو
ثالثا اني عمري 34 سنة يعني مو جبير
رابعا اذا قلت ان الموظف بالعراق يستلم راتبة وما يادي واجبة بدون هذه القصة مراح تكون بالوقع المقصود
خامسا اسولفلكم سالفة على جامعة بغداد وحدة زغيرونة
ذكرت بعض المنتديات التعبانة قبل فترة ان عام 2012 سيكون نهاية العالم حيث ان مذنب سيظرب الارض وتنتهي الحياه و طبعا وكالة ناسا الامريكية كذبت الموضوع وقالت ماكو هيج شي المهم بعدها قامت جامعة بغداد ندوة علمية خنفشارية  لتوكد نهاية العالم عام 2012
تدرون شنو اللي صار بعدهة؟؟؟؟
اقامت جامعة بالامارات ما اذكر اسمة حاليا ندوة مفادها
معقولة وصل الانحطاط العلمي لجامعة بغداد ان تقوم بندوة حول نهاية العالم عام 2012
لو اتشوفون ا لطلاب  الخليج اللي يدرسون هنا بامريكا شلون يصنعوهم صناعة ويدخلون للجامعة صفر على الشمال و يخرجون علماء
اتعرفون استاذي في جامعة بغداد كان خريج جامعة كورنيل في نييورك بالسبعينات وهرب  ليترك الجامعة لحثالات التزوير والغش
تدرون اسرائيل بعد حرب تموز مع حزب الله اعادة هيكلة الجيش الاسرائيلي ليتلائم مع المستجدات و عاقبت على الملاء  الضباط المقصرين ونحن في الدول العربية نحاول ان نخفي حقيقة التخلف و التقصير ونقول اننا افضل العالم
شخصيا اني مبريلكم الذمة  وبداخل نفسي متخذ قرار لازم افيد العراق عاجلا او اجلا لازم اتعلم هنا لان العلم هو السلاح الحقيقي وافيد العراق اذا رب العالمين ما اخذ امانتة
ولا زم اطفالي ما يكطعون الصلة بالعراق  و اعلمهم حب العراق
تدون يعني شنو انت تحب العراق ؟؟؟؟ ان تأدي واجبك بامانة
هذه هي الوطنية الحقيقية
والامريكان مطبقيهة
ولا اعرف هل سيكون للحديث بقية او سأنقطع؟
يتأسس الحكم ذو النظام الاستبدادي على الجهل لان خضوع الافراد يستلزم جهلهم ومن ثم فالتعليم خطر بالنسبة لاستمرارية هذا الشكل من اشكال الحكم ,فطاعة الشعب وخضوعه لا تتحقق الا بشيوع الجهل

غير متصل مترجم سابقا

  • عضو فعال جدا
  • ***
  • مشاركة: 250
    • مشاهدة الملف الشخصي
    • البريد الالكتروني
السلام عليكم
اولا انتم كلكم على راسي
ثانيا اني مسامح كل شخص شوية حجة علية بقساوة وبالاخص الاخ المارد لولو
ثالثا اني عمري 34 سنة يعني مو جبير
رابعا اذا قلت ان الموظف بالعراق يستلم راتبة وما يادي واجبة بدون هذه القصة مراح تكون بالوقع المقصود
خامسا اسولفلكم سالفة على جامعة بغداد وحدة زغيرونة
ذكرت بعض المنتديات التعبانة قبل فترة ان عام 2012 سيكون نهاية العالم حيث ان مذنب سيظرب الارض وتنتهي الحياه و طبعا وكالة ناسا الامريكية كذبت الموضوع وقالت ماكو هيج شي المهم بعدها قامت جامعة بغداد ندوة علمية خنفشارية  لتوكد نهاية العالم عام 2012
تدرون شنو اللي صار بعدهة؟؟؟؟
اقامت جامعة بالامارات ما اذكر اسمة حاليا ندوة مفادها
معقولة وصل الانحطاط العلمي لجامعة بغداد ان تقوم بندوة حول نهاية العالم عام 2012
لو اتشوفون ا لطلاب  الخليج اللي يدرسون هنا بامريكا شلون يصنعوهم صناعة ويدخلون للجامعة صفر على الشمال و يخرجون علماء
اتعرفون استاذي في جامعة بغداد كان خريج جامعة كورنيل في نييورك بالسبعينات وهرب  ليترك الجامعة لحثالات التزوير والغش
تدرون اسرائيل بعد حرب تموز مع حزب الله اعادة هيكلة الجيش الاسرائيلي ليتلائم مع المستجدات و عاقبت على الملاء  الضباط المقصرين ونحن في الدول العربية نحاول ان نخفي حقيقة التخلف و التقصير ونقول اننا افضل العالم
شخصيا اني مبريلكم الذمة  وبداخل نفسي متخذ قرار لازم افيد العراق عاجلا او اجلا لازم اتعلم هنا لان العلم هو السلاح الحقيقي وافيد العراق اذا رب العالمين ما اخذ امانتة
ولا زم اطفالي ما يكطعون الصلة بالعراق  و اعلمهم حب العراق
تدون يعني شنو انت تحب العراق ؟؟؟؟ ان تأدي واجبك بامانة
هذه هي الوطنية الحقيقية
والامريكان مطبقيهة
ولا اعرف هل سيكون للحديث بقية او سأنقطع؟
حبيبي دكتور امين طرح رائع واسلوب اروع استمر على ما انت عليه ارجوك والكثير منا في انتظار بقيت الاجزاء ومن لا يعجبه الاجدر به ان لايقراء الموضوع فذلك خير من ان  يتلفظ او يلمح الى اشياء مخجله والحر تكفيه الاشاره وارجو ان لايتم سبي او التجريح بي كما حصل مع ام مهند وفقها الله

غير متصل كلي امل

  • مبدع قسم الهجرة
  • عضو مميز جدا
  • *
  • مشاركة: 3783
    • مشاهدة الملف الشخصي
الله يوفقك ببلدك الجديد بس هم شويه على كيفك ويه العراق لان مو بعيد ترجعله هاي امور دنيا منعرف شمكتوب النا وكلنا اكيد نحترم رأيك بس جمله متفتخر بجامعه بغداد شويه صعبه لان كلنا تخرجنا منها وتعلمنا

غير متصل Dr.Ameen

  • نجم منتدى الهجرة و اللاجئين
  • عضو فعال جدا
  • *
  • مشاركة: 233
    • مشاهدة الملف الشخصي
ما سبيت احد  وما سبيت العراق
رائي شخصي ما افتخر  بجامعة بغداد اعيدهة
وللعلم تخرجت الاول على دفعتي والثالث على مستوى العراق
يتأسس الحكم ذو النظام الاستبدادي على الجهل لان خضوع الافراد يستلزم جهلهم ومن ثم فالتعليم خطر بالنسبة لاستمرارية هذا الشكل من اشكال الحكم ,فطاعة الشعب وخضوعه لا تتحقق الا بشيوع الجهل

غير متصل amman76

  • عضو فعال جدا
  • ***
  • مشاركة: 418
    • مشاهدة الملف الشخصي
السلام عليكم
اولا انتم كلكم على راسي
ثانيا اني مسامح كل شخص شوية حجة علية بقساوة وبالاخص الاخ المارد لولو
ثالثا اني عمري 34 سنة يعني مو جبير
رابعا اذا قلت ان الموظف بالعراق يستلم راتبة وما يادي واجبة بدون هذه القصة مراح تكون بالوقع المقصود
خامسا اسولفلكم سالفة على جامعة بغداد وحدة زغيرونة
ذكرت بعض المنتديات التعبانة قبل فترة ان عام 2012 سيكون نهاية العالم حيث ان مذنب سيظرب الارض وتنتهي الحياه و طبعا وكالة ناسا الامريكية كذبت الموضوع وقالت ماكو هيج شي المهم بعدها قامت جامعة بغداد ندوة علمية خنفشارية  لتوكد نهاية العالم عام 2012
تدرون شنو اللي صار بعدهة؟؟؟؟
اقامت جامعة بالامارات ما اذكر اسمة حاليا ندوة مفادها
معقولة وصل الانحطاط العلمي لجامعة بغداد ان تقوم بندوة حول نهاية العالم عام 2012
لو اتشوفون ا لطلاب  الخليج اللي يدرسون هنا بامريكا شلون يصنعوهم صناعة ويدخلون للجامعة صفر على الشمال و يخرجون علماء
اتعرفون استاذي في جامعة بغداد كان خريج جامعة كورنيل في نييورك بالسبعينات وهرب  ليترك الجامعة لحثالات التزوير والغش
تدرون اسرائيل بعد حرب تموز مع حزب الله اعادة هيكلة الجيش الاسرائيلي ليتلائم مع المستجدات و عاقبت على الملاء  الضباط المقصرين ونحن في الدول العربية نحاول ان نخفي حقيقة التخلف و التقصير ونقول اننا افضل العالم
شخصيا اني مبريلكم الذمة  وبداخل نفسي متخذ قرار لازم افيد العراق عاجلا او اجلا لازم اتعلم هنا لان العلم هو السلاح الحقيقي وافيد العراق اذا رب العالمين ما اخذ امانتة
ولا زم اطفالي ما يكطعون الصلة بالعراق  و اعلمهم حب العراق
تدون يعني شنو انت تحب العراق ؟؟؟؟ ان تأدي واجبك بامانة
هذه هي الوطنية الحقيقية
والامريكان مطبقيهة
ولا اعرف هل سيكون للحديث بقية او سأنقطع؟

احسنت دكتور وكلامك واقعي واقعي واقعي وكل ما تقوله صحيح ولايستطيع احد نكران ذلك لماذا نكذب على انفسنا جامعة بغداد ومع شديد الاسف تدار حاليا من قبل حثالة المجتمع الا ما ندر ومع احترامي للكل واقع التعليم بالعراق منحط وليس كما عهدناه سابقا وبعدين احنا اشحصلنا من الشهاده لو الجامعه بالعراق عمري 34 وكلشي ما حصلت لامن الشهاده ولا من العراق العظيم بلدنا العزيز المغلوب على امره مع الاسف .... وهذا رأيي مع اعتزازي بكل الاخوه ولاتنسون قضيتنا واحده .... الى الاخ الدكتور امين اقول اطلب منك ان يكون للحديث بقيه وان تستمر بنقل تجربتك بحذافيرها في امريكا وذلك لفائدة الحميع مع التقدير والاحترام



تحياتي
المهندس

غير متصل gustavo

  • عضو مميز
  • ****
  • مشاركة: 1340
  • الجنس: ذكر
    • مشاهدة الملف الشخصي
دكتور روح والهوا بفالك ...
مالك علاقة لان ...
اعداء النجاج اهواية..



no pain no gain

غير متصل marwan iraq

  • عضو فعال جدا
  • ***
  • مشاركة: 246
    • مشاهدة الملف الشخصي
اخوية دكتور كمل وتوكل على الله كل الكلام الذي ذكرته في السابق هو عين الصواب وانت لم تاتي بكلام من الشارع فهذا كله واقع حال الشارع العراقي واحنة يومية نعيش هذه المغامرات.

غير متصل الغيثي

  • عضو فعال جدا
  • ***
  • مشاركة: 175
    • مشاهدة الملف الشخصي
نعيب زماننا والعيب فينا...............
موضوع واقعي وسرد جميل لا يخلو من القفشات التي تجذب القارئ الى الاستمرار في تكملة الموضوع وبالتأكيد كل اللي قرو الموضوع ماريت بهيج امور ويجوز اتعس بضمنهم المتكلم وانا اوافق جميع الردود سواء كانت معارضه او موافقه للطرح لكن!!!!!!!!!!!!!؟؟؟؟؟؟؟؟
ما العمل ...بالتأكيد لكل شخص راي وجواب لهذا التساؤل لكني بالطبع سأعطي رأيي واترك المجال لمن يريد الاضافه ,
في المراحل السابقه والى الان اصبحت نبره المجتمع العراقي هوه التذمر والشكوى بمناسبه ومن غير وبالتاكيد هذا تحصيل حاصل لما نراه وما رأيناه متناسين ان هذا المجتمع هوه نحن ,هوه اخي وابن عمي وصديقي وابن عشيرتي وابن قوميتي وطائفتي وديني وانسانيتي الى اخره ,اذا هناك اتصال وتواصل ,كل منا يسأل نفسه هل أثر في الاخرين ,توجد شركات تعمل بتسلسل هرمي يسمى عنقود العنب المقلوب ,قد يقول قائل ما علاقة هذا بالموضوع ,سأجيب
الفكره في هذا العمل هيه التاثير في الاخرين وتاثير الاخرين في الاخرين وهكذا
يعني اني اذا اثرت في اخوتي واصدقائي واصدقائي يأثرون على اخوتهم واصدقائهم والاب يؤثر في ابنائه وهكذا
طبعا التأثير اقصد به الاصلاح لكل ما هوه مستهجن وغير مرغوب فيه في مجتمعنا ,علما ان الجميع منهم الموضف في دائره حكوميه ومنهم الطبيب ومنهم العامل الى اخره وانتم تعرفون اننا جميعا نخدم بعض ابتدائا من اصغر وضيفه الى اعضمها ,ترى ماذا سيحصل ؟؟؟؟؟؟؟
اترك هذا التساؤل لنا جميعا
وعذرا على الاطاله وتمنيتي للجميع بالخير


اخوكم الغيثي

غير متصل Dr.Ameen

  • نجم منتدى الهجرة و اللاجئين
  • عضو فعال جدا
  • *
  • مشاركة: 233
    • مشاهدة الملف الشخصي
شكرا للردود اللطيفة الغيثي كلامة ذهب
جل ما اريده هو ان افيدكم ببعض المشاهدات حيث اني شخصيا اعرف ما يدور حولي واعرف جيدا اسباب مشاكل بلدي العزيز العراق
ساحاول ان استمر ان استطعت فمدرسة اللغة ستبدا الاسبوع القادم و تم وضعي في مستوى المتقدم
وهذا الجي ار اي الكارثة دا اقرا بي وما كو فائدة
ان شاء الله سيكون للحديث بقية
يتأسس الحكم ذو النظام الاستبدادي على الجهل لان خضوع الافراد يستلزم جهلهم ومن ثم فالتعليم خطر بالنسبة لاستمرارية هذا الشكل من اشكال الحكم ,فطاعة الشعب وخضوعه لا تتحقق الا بشيوع الجهل

غير متصل بغدادي76

  • عضو فعال جدا
  • ***
  • مشاركة: 898
    • مشاهدة الملف الشخصي
شكرا الف شكر على الموضوع , هذه الشعب يستاهل وحيل بيه وزاييييييييييييييد, همه يحبون هيج.
قاعدة ذهبية توفر عليك آلاف الدولارات وضياع الوقت
((((إذا كنت مرتاح في العراق = لن ترتاح ابدا في امريكا)) والعكس صحيح ((إذا لم تكن مرتاح في العراق = ستجد الراحة في امريكا))

غير متصل سوسو اسو

  • مبدع قسم الهجرة
  • عضو مميز
  • *
  • مشاركة: 1845
  • الجنس: أنثى
    • مشاهدة الملف الشخصي
اخويه عاشت ايدك على الموضوع والله يهنيك بحياتك ويحفضلك عائلتك\
اتمنالكم الاستقرار والتأقلم السريع ان شاء الله

تحياتي الك

غير متصل كبريائي

  • عضو فعال جدا
  • ***
  • مشاركة: 87
    • مشاهدة الملف الشخصي
موضوع رائع ههههههههههههه بخصوص الموظفه العراقيه طبعا هاي نتاج سنوات مريره من الحروب وحكم البرابره .. ولو هذوله البرابره نفسهم موجودين بزمن الملك فيصل الثاني لما استلولو عالحكم وبهذولوهم.. احيانا مالوم اي حاكم حكم العراق وفعلا الخلل بالشعب رجعو بالتاريخ وشوفوا .. ما اكول غير حسبي الله عليهم

غير متصل TOMMY735

  • عضو فعال جدا
  • ***
  • مشاركة: 232
    • مشاهدة الملف الشخصي
الله يساعدك دكتور  ;D
والله طريقتك حلوة بسرد الاحداث وخصوصا درس المحارك اللي شرحتة والموظفة اللي شلنة غيبتهة  ;D اشبهلكياهة بطائرة تورنادو بحالة الافتر بيرنر بما انه اني طيار عسكري  ;D

وهذا ثاني موضوع اتابعة الك واعرف حجيك صحيح المعاملات وطريقة مراجعاتهة صعبة بالعراق والرشوة صارت مثل فرض الصلاة بس ترة العراق قبل ماكان احسن حتى نعتب عليه هسة والحكومة مامسؤولة عن صناعة منظومة الاخلاق وعلى كولة الضباط اللي دربونة بالكلية العسكرية من جنة بالمستجد يكولون احنة هنا نعلم صحيح,,بس منكدر نغير طبيعة البشر لان كلمن جايب تربيتة من بيتة

بالمناسبة ضحكتني على الموظفة لمن تكول (شون حكومة طايحظهة متنطي اجازة) :D :D
بس اريد اعرف هاية الموظفة التورنادو جانت تقبض راتب قوي قبل ؟ لو جانت تتسوك وتشتري وتفتر براحتهة ومشترية سيارة (كورية) 2012 ؟؟! لو جان داكهة الجوع والهبري؟ ولو متغير شي من ناحية الاكل بعدهة تاكل فلافل او صواريخ هيل فاير ;D :D

من ناحية الشهادة اني هم راح اختلف وياك ولو جامعاتنة بالتصنيف الدولي للجامعات مراكزها متاخرة على ما اعتقد بس اني خريج كلية القوة الجوية وطالع دورات تطويرية ودارس بثالث ارقى اكاديمية بالعالم وهيAcademia Aeronautica Militaire

وخل اكلك شغلة العراقيين بيهة مستواهم اعلى من مستويات باقي الطلاب  :-\ ومو بس هذي وانما بالخلق والالتزام والضبط والدراسة والانشطة الرياضية والاكاديمية تضم طلاب من كل دول العالم واسمحلي اكلك الناس همج بيهة واحنة المتحضرين وهمة بنفسهم يتعجبون ويكولون احنة عبالنة واحدكم شايل قاذفة ويركض بالشارع والعنصرية عدهم مو طبيعية والتمييز موجود والامريكان اني ايضا عاشرتهم وكثير منهم عدهم حقارة وعنصرية وتمييز وعلى كولة الاخوان واحد ينهش بلحم اللاخ ويدورون غلب

دكتور امين العراق مر عليه 42 احتلال على مدى التاريخ ويعد اكثر دولة اُحتلت بالعالم شلون تريد تنبني منظومة اخلاق وعمل منظم بفترة قصيرة؟؟

على العموم كلامك ما علية غبار والمعاملات تعبانة فد مرة ولو الجوازات صايرة بيومين تصدر جواز ;D

بس نكول انه اذا متكون يد رادعة للارهابيين المدنيين(اللي همة موظفي دوائر الدولة) فمراح يتغير العراق

تحياتي دكتور وطولت عليك اني وشهيتني بالعمبة  :D