المحرر موضوع: تعالو بسرعه والله فرصه حلوه اتنسيكم همومكم  (زيارة 6179 مرات)

0 الأعضاء و 1 ضيف يشاهدون هذا الموضوع.

غير متصل حسوني البغدادي

  • عضو
  • *
  • مشاركة: 22
    • مشاهدة الملف الشخصي
    • البريد الالكتروني
اخواني واخواتي

شولنكم يا طيبين كلكم ...

طبعا الكل طاكه رواحها وصاعده عدها الكابه وبزعانه وضايجه والكل تتعارك حتى ويا روحها مو بس ويا الغير  ;D وهاي البلاوي كلها من ورا الانتظار اللي حرك اعصابنا حرك ... فاحسن حل خلي انغير الجو شويه .... انغير الجو مو نحرك الجو  ;D ;D .... شلون ؟؟؟ راح اسولفلكم ..

بطريق الصدفه لكيت شيء جنت أدور عليه من زمان على الفن والموسيقى العراقيه الاصيله والتراثيه التي ما نسمعها اليوم بعد موجة الفن الغنائي والموسيقي الهابط مع الاسف الا ما ندر ...

طبعا تعرفون كلكم انه المقام العراقي يعتبر من الالوان الغنائيه الاصيله والجميله جدا والعراقيين متفردين بكل العالم العربي بهذا النوع من الغناء والموسيقى ولو هو موجود على الانترنيت بكل المنتديات بس بالحقيقه الموجود هذا نكدر انسميه (فتافيت) عن المقام العراقي لا تفيد ولا تنفع ... ولكن بطريق الصدفه مثلما كلتلكم لكيت منتدى عراقي لأول مره واول منتدى يالانترنيت متخصص بالمقام العراقي والشيء الحلو والجميل والمفيد بيه هو انه عراقي  اولا وبيه اقسام مفيده جدا وحلوه جدا عن رواد المقام العراقي والنوتات الموسيقيه وتعليم الموسيقى واغاني كلش حلوه لكبار المطربين مثل يوسف عمر ومحمد الكبنجي وسليمة مراد وناظم الغزالي وغيرهم وغيرهم ..

وانصحكم تزوروه وتشجعوه لانه منتدى عراقي مثلما منتدانا عينكاوا عراقي وبعدين المنتدى هذا كلش حلو بكل بكل شي بيه وبالاخص لعشاق المقام العراقي واللي يحبوه ... ولو الاخوان المشرفين هنا يمكن يزعلون اذا اخلي رابط هذا المنتدى ولكن يا اخواني هذا  هم منتدى عراقي يعني منا وبينا  واحنا نريد نجمع كل العراقيين على كل الدروب ان شاء الله .. وانا والله شفته وعجبني كلش وفعلا نسيت همومي وكلت انقله لاخواني حتى هما هم ايغيرون الجو شويه ويريحون اعصابهم و يستفيدون منه .

طبعا المايعجبه يشوفه براحته واللي يعجبه يشوفه اسمه هو :

منتديات بيت المقام العراقي

www.maqam.forumarabia.com

حسوني البغدادي



غير متصل مــودي

  • مبدع قسم الهجرة
  • عضو مميز جدا
  • *
  • مشاركة: 4794
  • sos
    • مشاهدة الملف الشخصي
حسوني شكرا ع المبادرة ..

غير متصل AntiVirus

  • A woman’s tongue is the last thing about her that dies.
  • عضو فعال جدا
  • ***
  • مشاركة: 116
    • مشاهدة الملف الشخصي
    • http://im12.gulfup.com/2012-04-07/1333765567122.gif
    • البريد الالكتروني
عاشت ايدك .
بس بعد شوية تشوف الموضوع ناطيه فيزا ومسفري لغير منتدى

غير متصل حسوني البغدادي

  • عضو
  • *
  • مشاركة: 22
    • مشاهدة الملف الشخصي
    • البريد الالكتروني
اخويه مودتي

نسلم اخويه الغالي على كلامك الحلو ..

غير متصل حسوني البغدادي

  • عضو
  • *
  • مشاركة: 22
    • مشاهدة الملف الشخصي
    • البريد الالكتروني
عاشت ايدك .
بس بعد شوية تشوف الموضوع ناطيه فيزا ومسفري لغير منتدى

عيوني antivirus

الله يسترنا من هاي الفيز والسفر  ;D ... الف شكر على المشاركه ..

غير متصل محارب

  • مبدع قسم الهجرة
  • عضو مميز جدا
  • *
  • مشاركة: 3957
  • الجنس: ذكر
  • (كلش حباب)
    • مشاهدة الملف الشخصي
مشكور اخي
بس عندي سؤال يخص المقام 
شنو يعني جلجل علي رمان نومي فزعلي
اذا تعرف شي عن تفسير هذا المقطع ارجو التوضيح



احترامي

غير متصل مايكل اندريه85

  • مبدع قسم الهجرة
  • عضو مميز جدا
  • *
  • مشاركة: 3500
  • الجنس: ذكر
    • مشاهدة الملف الشخصي
مشكور اخي وسلمت يداك


 

غير متصل حسوني البغدادي

  • عضو
  • *
  • مشاركة: 22
    • مشاهدة الملف الشخصي
    • البريد الالكتروني
مشكور اخي
بس عندي سؤال يخص المقام  
شنو يعني جلجل علي رمان نومي فزعلي
اذا تعرف شي عن تفسير هذا المقطع ارجو التوضيح

احترامي

عيوني كلش حباب

اعذرني اخويه بالله ما انتبهت على سؤالك وراح اجاوبك عليه من عيوني الاثنين ...

الاغنيه هاي تعتبر من الاغاني التراثيه القديمه يعني مكتوبه بالشعر الشعبي طبعا  واكو اختلاف على تاريخ كتابتها لانه قسم من المؤرخين للاغاني العراقيه يكولون هذه الاغنيه مكتوبه عام 1917  والبعض منهم ايكول مكتوبه عام 1920 اثناء ثورة العشرين الكبرى اللي فجرتها عشائر العراق في وقتها ...

اما معنى الاغنيه  فهو بيه معاني سياسيه مخلوطه مع المعاني العاطفيه للاغنيه .. وكلمة ( جنجل) جانت كلمه معروفه باللهجه العراقيه العاميه ولكن بالوقت الحاضر طبعا ما معروفه او ما مستعمله ومعناها ( انتشر ) او( خيم عليه ) ...

لذلك جنجل عليه الرمان معناها ( انتشر عليه او خيم عليه الرمان ) .. والشاعر هنا ما يقصد الرمان المعروف وانما يقصد الدوله العثمانيه أو الاستعمار العثماني يعني الاتراك الذين كانو يحتلون العراق لأن اغلب السلاطين والموالي والباشوات العثمانيين كانو يلبسون على رؤؤسهم طربوش احمر  بلون الرمان ...يعني هنا الشاعر سوى تشبيه العثمانيين بالرمان لانه ما يكدر ايكول العثمانيين ويذكر اسمهم بشكل صريح ..وطبعا يقصد انه الدوله العثمانيه او الاحتلال العثماني جان منتشر بالعراق ومخيم عليه ...

يرجع الشاعر يكول(نومي فزعلي ) النومي اللي يقصده هنا منو ؟؟؟؟ هاي هم بيها معنى سياسي واللي بقصده الشاعر بالنومي هوا الاستعمار البريطاني لان البريطانيين يعني الانكليز احتلو العراق خلال الحرب العالميه الاولى 1914 وطردو العثمانيين من العراق ...وطبعا بما انه الدوله العثمانيه كان اسمها اواخر ايامها (الرجل المريض) لذلك جانت احوال العراق سيئه جدا وطبعا الانكليز وعدو الشعب العراقي بتخليصهم من الاحتلال العثماني لذلك الشاعر ايكول (نومي فزعلي) لانه الانكليز بشرتهم بياض على صفار يشبه النومي ...

يرجع الشاعر ايكول بنفس الاغنيه : هذا الحلو ما اريده ودوني لأهلي ...

وهنا يقصد بيها انه هذا اللانكليزي الحلو والاشكر مثل النومي طلع اسوأ من المستعمر العثماني اللي شبهه الشاعر بالرمان بالبيت الاول ... ويرجع ايكول ( ودوني لأهلي ) يعني يقصد ما يفيدنا غير اهلنا العراقيين لا العثماني ايفيدنا ولا الانكليزي ... ويقصد الشاعر بعد شي اخر وهو انه المستعمر العثماني اتبدل بالمستعمر اللانكليزي والحال نفسه من سيء الى اسوأ ..

ولذلك اشتهرت هذه الاغنيه اشتهار واسع وتعتبر من الاغاني الشعبيه الجميله والمعبره وبيها معاني سياسيه غير مكشوفه ولكن مكتوبه بشكل جميل جدا .. ومع الاسف اسم الشاعر لهذه الاغنيه لا يزال غير معروف بشكل صحيح وايضا اكو اختلافات على اسمه بالكتب التراثيه العراقيه ..


اتمنى يكون جوابي مفيد .. مع الشكر ...


هاا  شلوني اني  هسه ؟؟؟ رمان لو نومي ؟؟ ;D ;D


حسوني البغدادي

غير متصل حسوني البغدادي

  • عضو
  • *
  • مشاركة: 22
    • مشاهدة الملف الشخصي
    • البريد الالكتروني
اخويه ماركوس

الله يديمك على كلامك الطيب




حسوني البغدادي